نداء الى كل خبير بعلم النفس [الأرشيـــــف]

alia

05/09/2006, 00:58

يا جماعة انا عم بستنجد بكل واحد عنده قدره يعطيني حل لهالمشكلة
ما رح طول عليكون...
انا على علاقة بشاب ظريف من شي 4 سنين
المهم اجا هالشب وطلب ايدي من بابا
وحضرة السيد باب ما وافق ابدا واسباب رفضه هي:
1.اني كملت جامعه وهو لا
2.انه من محافظة تانية شوي عادات اهلها وتقاليدهم بتختلف عن عاداتنا مو كتير
3.انه عرف اني بعرف الشب
مع العلم انه نحنا كتير متفاهمين والحمدلله من النادر جدا انه نختلف على شي
هلأ المهم فيكون تدلوني على شي طريقة اقنع فيها البابا
ومشكورين جميعا:D

أنا_بذاتو

05/09/2006, 03:24

برأيي يا عليا أنو أفضل حل هو أن تستنجدي بقريب أو بصديق لوالدك بتثقي فيه وبتشرحيلو القصة عسى ولعل أبوك يقتنع وإذا ما اقتنع لا تنرفزي منو ولا تتصادمي معو بل خليك هادية ولطيفة كالعادة مع التأكيد له على الود الذي بينك وبين هذا الشاب وعلى أن سعادتك لن تكون بدونه وبالتالي يعني أن أبوك سيتحمل مسؤولية تعاستك إذا منع هذا الزواج.
صديقك كمان لازم يكون قد حالو وأن يتدبر أمره للقاء والدك ليحكي معه ويطمنه عليك معاه وعلى مدى تعلقه فيك.

بعدين يا ستي ملا إنتي إذا لم يقتنع أبوكي بالرغم من ذلك فألمحي له عن طريق شخص آخر أنك ستتزوجين صديقك حتى ولو بدون موافقته يعني "خطيقة" على قولة ستّي. وهنا إذا كان أبوك حريص عليك فرح يوافق.
وإذا لم يوافق بعد استقاذ كل هالمحاولات السلمية فنفذي ما يمليه عليك عقلك وقلبك.

طبعاً هذا الكلام في حال أتك مقتنعة بصديقك وهو كمان.

ولا تنسي تعزمينا عالعرس :سوريا:

أسير التشرد

05/09/2006, 03:33

سبب المشكلة هي التقاليد والأفكار البالية اللي لهلأ بتستحكم فينا... وبعلاقة البنت بالشب وقصور عقلية الفتاة...باعتبار الفتاة عاطفية وممكن تنجر بسرعة عبر الكلمات الحلوة...
نحن هيك معاشر الرجال بنفكر ... لانو هالشي موجود بجينات البشرية منذ القدم ... بنخاف على الانثى من الذكر ليستولي عليها...
خلاصتي كلامي انو بدنا وقت لحتى نغير طريقة تفكرينا واسلوبنا بالحياة ونخلي الافكار اللي بتساهم بتجديد المجتمع وابعاد هيك افكار وتقاليد بالية لا طعم لها ولا منزل لها لا بالشرع اذا بدنا نحكي بالشرع ولا بأي كتاب مقدس...
تحياتي لكم...

امرأة من ورق

05/09/2006, 06:12

وحضرة السيد باب ما وافق ابدا واسباب رفضه هي:
1.اني كملت جامعه وهو لا
2.انه من محافظة تانية شوي عادات اهلها وتقاليدهم بتختلف عن عاداتنا مو كتير
3.انه عرف اني بعرف الشب
مع العلم انه نحنا كتير متفاهمين والحمدلله من النادر جدا انه نختلف على شي
هلأ المهم فيكون تدلوني على شي طريقة اقنع فيها البابا
ومشكورين جميعا:D

يعني اول سببين ممكن اتفهمون من والدك بس السبب التالت مادخل بعقلي ابدا..... يعني المفروض انو تتزوجي رجل بدون حب وبدون اي معرفة سابقة ويكون اول لقاء لما بتعرفيه على انو هاد زوجك او خطيبك؟؟؟:? :shock: :jakoush:

ومنشان الحل انا بوافق انا بذاتو بالحل اللي طرحو وبظن هاد انسب شي

alia

05/09/2006, 19:43

برأيي يا عليا أنو أفضل حل هو أن تستنجدي بقريب أو بصديق لوالدك بتثقي فيه وبتشرحيلو القصة عسى ولعل أبوك يقتنع وإذا ما اقتنع لا تنرفزي منو ولا تتصادمي معو بل خليك هادية ولطيفة كالعادة مع التأكيد له على الود الذي بينك وبين هذا الشاب وعلى أن سعادتك لن تكون بدونه وبالتالي يعني أن أبوك سيتحمل مسؤولية تعاستك إذا منع هذا الزواج.
صديقك كمان لازم يكون قد حالو وأن يتدبر أمره للقاء والدك ليحكي معه ويطمنه عليك معاه وعلى مدى تعلقه فيك.

بعدين يا ستي ملا إنتي إذا لم يقتنع أبوكي بالرغم من ذلك فألمحي له عن طريق شخص آخر أنك ستتزوجين صديقك حتى ولو بدون موافقته يعني "خطيقة" على قولة ستّي. وهنا إذا كان أبوك حريص عليك فرح يوافق.
وإذا لم يوافق بعد استقاذ كل هالمحاولات السلمية فنفذي ما يمليه عليك عقلك وقلبك.

طبعاً هذا الكلام في حال أتك مقتنعة بصديقك وهو كمان.

ولا تنسي تعزمينا عالعرس :سوريا:
يسلمو كتير على اهتمام وردك عاموضوع وانا اشاءالله رح اعمل بنصيحتك بس بدي دعاويكن يا شباب واكيد حتكون اول المعزومين:D

alia

05/09/2006, 19:50

[quote=امرأة من ورق;441906]يعني اول سببين ممكن اتفهمون من والدك بس السبب التالت مادخل بعقلي ابدا..... يعني المفروض انو تتزوجي رجل بدون حب وبدون اي معرفة سابقة ويكون اول لقاء لما بتعرفيه على انو هاد زوجك او خطيبك؟؟؟:? :shock: :jakoush:

والله يا قلبي بابا من وقت ما عرف عن علاقتنا مو طايقه ابدا للشب ونفسه يخنقه
بتعرفي مو سهله عالرجال بمجتمعنا يتصور انه بنته بطلة لشي قصة غرامية:(

ومرسي كتيييييييييييييير على اهمامك بالموضوع :grin:

alia

05/09/2006, 19:54

سبب المشكلة هي التقاليد والأفكار البالية اللي لهلأ بتستحكم فينا... وبعلاقة البنت بالشب وقصور عقلية الفتاة...باعتبار الفتاة عاطفية وممكن تنجر بسرعة عبر الكلمات الحلوة...
نحن هيك معاشر الرجال بنفكر ... لانو هالشي موجود بجينات البشرية منذ القدم ... بنخاف على الانثى من الذكر ليستولي عليها...
خلاصتي كلامي انو بدنا وقت لحتى نغير طريقة تفكرينا واسلوبنا بالحياة ونخلي الافكار اللي بتساهم بتجديد المجتمع وابعاد هيك افكار وتقاليد بالية لا طعم لها ولا منزل لها لا بالشرع اذا بدنا نحكي بالشرع ولا بأي كتاب مقدس...
تحياتي لكم...
:nono: :nono: :nono: وفكرك بالنهايه رح ييجي يوم وتتغير هالافكار
ويا ترى متى؟
مشكور على مشاركتك يا قلبي

أسير التشرد

05/09/2006, 21:40

:nono: :nono: :nono: وفكرك بالنهايه رح ييجي يوم وتتغير هالافكار
ويا ترى متى؟
مشكور على مشاركتك يا قلبي
لما نحن نقرر نغير هالافكار اكيد رح يجي هاليوم ...

hanny_vip

06/09/2006, 08:22

انا بعرف طريقة مجربة ممكن تفيدك زي مافادت صديقي.
انا لي صديق بالبصرة وتعرف على بنت من بغداد وصار بينهم علاقة حب . اهل الاهل صديقي رفضوا انه بيروحوا يخطبوا البنت لانها من بغداد انه بعيدة عن البصرة وكذلك الفرق بين المستوى المادية للعالتين فقد كان صديقي من عائلة متوسطة وكانت الفتاة من عائلة غنية ومعروفة في بغداد وبصراحة السبب الثاني هو الي كان سبب المعارضة( بيني وبينكم كان خايفيين انه يتقدمون وبيرفضوا ويتقلل من كرامتهم ) .
ولكن صديقي العنيد لم يستسلم اتبع اسلوب غلط بالبداية فقد كان يتشاجر يوميا مع اهله( صبح وليل ليل وصبح ) وهذا ما زاد من عناد اهله في رفضهم .
ولما طرقنا الموضوع على اب صديق اخر لنا نصحنا النصيحة الذهبية .
النصيحة كانت اعمل نفسك انه مش مرتاح جدا بالبداية ( مثل عليهم دور ) ولما بيسئلوك قول لهم معرفش بس حاسس انه انا تعبان ومليش نفس باي حاكه ومليش مزاك ( يستمر هذا الدور الا ان تلفلت نضرهم ) .
الخطوة الثانية تاتي مباشرة بعد الخطوة الاولى اي انه مفيش فترة راحة بين الفترتيين .
وهي انه بتمتنعي ان الاكل بالبيت ( بس بتاكل مكان ثاني لو تموتي انا مش مسئوول هههههههه).
تستمري بهذا الخطوة وانتي بتراقبي الوضع باستمرار وبتراقبي تفاعلهم مع حالتك .
الخطوة الثالثة تدعين بالدوخة ووجع الرأس واكيد لهون وكافي لان اهل راح بيحكيوا مع ابوكي ويضغطوا عليه . ( اي انه بتحاربيهم بالسلاح الذي يخشونه هم وليس الذي انتي تخشيه )مثل مابيقول غاندي . يعني موضوعك فلسفي اكثر مماهو نفسي .

شو ملعون ابو صاحبي طلعة متزوج بهذه الطريقة وكمان صاحبي الثاني اتزوج من سنة بهذه الطريقة الجهنمية انها خطة محكمة .
بس في شي ثاني ياعلياء انا شايف انه زي ما نصحتك بهذه الطريقة الناجحة انه لازم تتاكد من الشاب انه بيكون يستاهلك تاكدي منه وبعدين جربي الطريقة الي نصحتك بيها .

فيروزة

08/09/2006, 23:13

هلق إذا أبوكي مو موافق تتجوزي الشخص يلي بتحبيه شو دخل علم النفس بالموضوع

بـــــســـــام

10/09/2006, 03:44

احسن طريقة اهربي مع حبيبك بلا موافقة ابوك بلا نيلة :clap:

thesadking1987

10/09/2006, 09:57

تحية كبيرة إلك يا عليا على هذا الحب الصادق
أنا برأيي الخاص إنو تتفقي مع وحدة ما بيعرفوها أهلك وتخبريها القصة وتحكيلها تروح لعندكون على البيت وتطلب إيدك لأبنها (( بس مو هون الفكرة ))
الشاب يلي رح يتقدملك يعني الوهمي لازم يكون عندو الصفات التالية وخاصة إمك رح تسأل هاي يلي جاي تطلب إيدك لأبنها الأسئلة التالية شو بيشتغل؟؟ عندو بيت ولا لأ ........إلخ
هلأ هون الشيطنة بتشتغل وخبرة المدام يلي جاي تخطبك يعني لازم تكون الأجوبة كالتالي
لأ ما عندو بيت بس رح يشتري بعد شي سنتيين وهي فترة خطوبة
بيشتغل أاذن بمدرسة إبتدائية بس يعني مثقف على كيفكون أبني وبعرفوا بس من شان نكون صريحين وما تنصدمو بحققيته إبني الله يحرصو بيسهر كتير بالنوادي اليلية بس ما بيسكر على التقيل
لك والميزة الرائعة فيه إنو مابيحكي مع حيلى بنت دخخخخخخخيل عينو ما باس تمو غير إمو؟؟؟؟
وان شاالله تعجبو بنتكون ......... هلأ إنتي بتبهري معاها وبتملحي على كيفك
فلما أهلك يسمعو من المدام عن عريس الكوبة هاد رح يحسو قدييييييييييييييييييششششش ششش هنن بنعمة لأنو تقدملك الشخص الحقيقي يلي بتحبي
وإن شاء الله خير
بس هاي الشغلة بدها قوة قلب لكن فعالة
وبالنهاي لاتعملي شي بيغضب أهلك لأنو رضا الله لا يأتي إلا بعد رض الوالديين

hanny_vip

10/09/2006, 15:50

أنا نصحتك بطريقتي لانها اكتفاء ذاتي . مافي داعي دخلي غيرك مشان بتنكشف يعني سر مية بالمية

الفارس منذر

10/09/2006, 16:57

بدي أسألك أذا ضل أبوكي مش موافق شو رح تعملي بتججوزيه بدون علم و الدك ؟
أو بتتركي الموضوع لحتى يوافق ؟
أو بدوري على قصة حب تانيه بري ساعتها أبوكي بيرضا ؟

alia

12/09/2006, 01:20

تحية كبيرة إلك يا عليا على هذا الحب الصادق
أنا برأيي الخاص إنو تتفقي مع وحدة ما بيعرفوها أهلك وتخبريها القصة وتحكيلها تروح لعندكون على البيت وتطلب إيدك لأبنها (( بس مو هون الفكرة ))
الشاب يلي رح يتقدملك يعني الوهمي لازم يكون عندو الصفات التالية وخاصة إمك رح تسأل هاي يلي جاي تطلب إيدك لأبنها الأسئلة التالية شو بيشتغل؟؟ عندو بيت ولا لأ ........إلخ
هلأ هون الشيطنة بتشتغل وخبرة المدام يلي جاي تخطبك يعني لازم تكون الأجوبة كالتالي
لأ ما عندو بيت بس رح يشتري بعد شي سنتيين وهي فترة خطوبة
بيشتغل أاذن بمدرسة إبتدائية بس يعني مثقف على كيفكون أبني وبعرفوا بس من شان نكون صريحين وما تنصدمو بحققيته إبني الله يحرصو بيسهر كتير بالنوادي اليلية بس ما بيسكر على التقيل
لك والميزة الرائعة فيه إنو مابيحكي مع حيلى بنت دخخخخخخخيل عينو ما باس تمو غير إمو؟؟؟؟
وان شاالله تعجبو بنتكون ......... هلأ إنتي بتبهري معاها وبتملحي على كيفك
فلما أهلك يسمعو من المدام عن عريس الكوبة هاد رح يحسو قدييييييييييييييييييششششش ششش هنن بنعمة لأنو تقدملك الشخص الحقيقي يلي بتحبي
وإن شاء الله خير
بس هاي الشغلة بدها قوة قلب لكن فعالة
وبالنهاي لاتعملي شي بيغضب أهلك لأنو رضا الله لا يأتي إلا بعد رض الوالديين
حبيب قلبي انت انا والله خطرتلي هالفكره بس عم حاول لاقي ممثله رائعة تساعدني بالتمثيليه
واكيد انشاالله اني ما رح اغضب اهلي
يسلمو كتيييييييير على نصيحتك
:D

alia

12/09/2006, 01:27

بدي أسألك أذا ضل أبوكي مش موافق شو رح تعملي بتججوزيه بدون علم و الدك ؟
أو بتتركي الموضوع لحتى يوافق ؟
أو بدوري على قصة حب تانيه بري ساعتها أبوكي بيرضا ؟
اول شي بشكرك كتير على مرورك
اكيد ما رح اتجوزه بدون موافقة اهلي لانه ديننا وعاداتنا واخلاقنا ما بتسمح بهيك شي
وكمان مستحيل اني فكر بقصة حب جديدة انا قضيت سنين حلوه كتير مع هالشب
واللي كان محليها تفاهمنا وتقارب افكارنا وانسجامنا الكبير
انا هلا رح استنى موافقة اهلي
وازا طولو كتير وهن يفكرو رح دورلو انا على عروس وجوزه لحبيب قلبي
اما انا خلص مستحيل اتقبل عيش مع رجال غيره شو ما كان يعني "بعنس" وبسكت
"ده القلب يحب مره ما يحبش مرتين:hart: :hart: "
ولا انا غلطانه اخي

alia

12/09/2006, 01:33

هلق إذا أبوكي مو موافق تتجوزي الشخص يلي بتحبيه شو دخل علم النفس بالموضوع
حبيبتي فيروزه شكرا على مرورك
وشو دخل علم الفس فأنا عم بسأل الشباب عن طريقة اتعامل فيها مع الموضوع
وكيق بأمكاني التأثير على نفسية اهلي
لانه سبب اساسي لرفضون اني بعرف الشب وكنت على علاقة معه
يعني بابا مو حابه ابدا مو لخلل بمواصفاته لأ
بس لانه مو قادر يطلع بالشب اللي كان يقابل بنته ويحاكيها
ومتل ما تقولي الغريق بحاول ينقذ نفسه بشتى الطرق
بتمنى اني كون قدرت وصل الاجابه وتحياتي:D :D

alia

12/09/2006, 01:35

احسن طريقة اهربي مع حبيبك بلا موافقة ابوك بلا نيلة :clap:
قولتك يعني بلا هالعزاب
وحرب الاعصاب
شكرا عالمرور:D :D

alia

12/09/2006, 01:41

انا بعرف طريقة مجربة ممكن تفيدك زي مافادت صديقي.
انا لي صديق بالبصرة وتعرف على بنت من بغداد وصار بينهم علاقة حب . اهل الاهل صديقي رفضوا انه بيروحوا يخطبوا البنت لانها من بغداد انه بعيدة عن البصرة وكذلك الفرق بين المستوى المادية للعالتين فقد كان صديقي من عائلة متوسطة وكانت الفتاة من عائلة غنية ومعروفة في بغداد وبصراحة السبب الثاني هو الي كان سبب المعارضة( بيني وبينكم كان خايفيين انه يتقدمون وبيرفضوا ويتقلل من كرامتهم ) .
ولكن صديقي العنيد لم يستسلم اتبع اسلوب غلط بالبداية فقد كان يتشاجر يوميا مع اهله( صبح وليل ليل وصبح ) وهذا ما زاد من عناد اهله في رفضهم .
ولما طرقنا الموضوع على اب صديق اخر لنا نصحنا النصيحة الذهبية .
النصيحة كانت اعمل نفسك انه مش مرتاح جدا بالبداية ( مثل عليهم دور ) ولما بيسئلوك قول لهم معرفش بس حاسس انه انا تعبان ومليش نفس باي حاكه ومليش مزاك ( يستمر هذا الدور الا ان تلفلت نضرهم ) .
الخطوة الثانية تاتي مباشرة بعد الخطوة الاولى اي انه مفيش فترة راحة بين الفترتيين .
وهي انه بتمتنعي ان الاكل بالبيت ( بس بتاكل مكان ثاني لو تموتي انا مش مسئوول هههههههه).
تستمري بهذا الخطوة وانتي بتراقبي الوضع باستمرار وبتراقبي تفاعلهم مع حالتك .
الخطوة الثالثة تدعين بالدوخة ووجع الرأس واكيد لهون وكافي لان اهل راح بيحكيوا مع ابوكي ويضغطوا عليه . ( اي انه بتحاربيهم بالسلاح الذي يخشونه هم وليس الذي انتي تخشيه )مثل مابيقول غاندي . يعني موضوعك فلسفي اكثر مماهو نفسي .

شو ملعون ابو صاحبي طلعة متزوج بهذه الطريقة وكمان صاحبي الثاني اتزوج من سنة بهذه الطريقة الجهنمية انها خطة محكمة .
بس في شي ثاني ياعلياء انا شايف انه زي ما نصحتك بهذه الطريقة الناجحة انه لازم تتاكد من الشاب انه بيكون يستاهلك تاكدي منه وبعدين جربي الطريقة الي نصحتك بيها .
انشالله اني رح باشر بالخطة
بس ادعيلي اخي
وشكرا كتييييييير على اهتمامك وردك عالموضوع:D

thesadking1987

14/09/2006, 02:46

لك إنو لسا ماحن قلب الوالد عليكي؟؟؟؟؟؟
الله يكون بعونك لأنو لو كنت بمحلك وما أخذت الشب يلي بحبو رح تكون أكبر صدمة بحياتي
بس مو مشكلة أنا بعرف إنو بتقدري تصبري وما بعد الصبر غير الفرج
دمت بحب ودام حبك:hart: :hart: :hart: :hart: :hart: :hart:

alia

17/09/2006, 15:57

لك إنو لسا ماحن قلب الوالد عليكي؟؟؟؟؟؟
الله يكون بعونك لأنو لو كنت بمحلك وما أخذت الشب يلي بحبو رح تكون أكبر صدمة بحياتي
بس مو مشكلة أنا بعرف إنو بتقدري تصبري وما بعد الصبر غير الفرج
دمت بحب ودام حبك:hart: :hart: :hart: :hart: :hart: :hart:
اي والله يا اخي لسا وكل ماله ما بيقسى كمان
انا تعبت كتير مو عارفه شو اخر هالطريق
حاسه بشعور ابدا مو حلو يأست :dunno: :( :( :nono::waa3:
وانا ما بدي وصل لهون
ما تنساني من الدعاء اخي وبشكرك على اهتمامك