ابن عارف دليلة يتعرض للضرب من قبل الشبيحة [الأرشيـــــف]

Joe

10/04/2005, 07:00

اقتحم شباب من الشبيحة في اللاذقية منزل شادي دليلة ابن عارف دليلة المعتقل في زنزانة انفرادية و قاموا بضربه بالسكاكين و اصابوه بجروح بليغة كمان اعتدوا بالضرب ايضا على شقيقته

و الشبيحة ليلي ما بيعرف هدول بيكونوا من أولاد العائلات السياسية الكبيرة و المدعومة... يعني فوق الله و فوق القانون

بقى تفو و ألف تفو على هيك أمن و استقرار و صمود...

عاشق من فلسطين

10/04/2005, 11:54

أبو شريك .. مشكور على هالخبر .. بس هادا صار عادي يعني مقبلات .. عم يصير أكتر من هيك .. :D :D

حسون

10/04/2005, 12:14

بقى تفو و ألف تفو على هيك أمن و استقرار و صمود...
معك للعضم
:gem: :gem: :gem:

yass

10/04/2005, 13:21

ياخي شبكون ما عم بتفهمو الموضوع منيح؟؟!!!!
هدول مجموعة من الشباب السوري الوطني السليم أخذته الحمية و حب الوطن و سيد هذا الوطن و قررو التصدي لهذا العميل الجاسوس المتعاون مع الامبريالية و الصهيونية و الرجعية...وقدعادو منتصرين!!!!
يعني ضروري الواحد يشرحلكون كل شي؟؟!!!!!

سلامات لشادي و أخته..........و الحرية لوالده الأسير و لكل معتقلي الرأي

Hus

10/04/2005, 13:37

زعجني الخبر كتير لما قرأت البارح ,,
كنت مفكر انو (او بيجوز عم حاول فكر واقتنع) انو لاء ما عاد في هيك شغلات بالبلد .. والبلد انشفت من امراضها القديمة ..

بس تحسبا بتحسبا وكبداية للحديث ..
تفوووووووه

اما بعد ..
فما بحب التعميم ولا الحكم من جوانب ضيقة ولا الحكم او الإتيان بقرار دون الدراسة والإطلاع على كل الأحداثيات
يعني صاير انو الصليبين ما كانو بغزواتهم بيمثلو ولا بيعنو بقبح الدين المسيحي.
وصاير انو المجازر(تحت اسم الفتوحات الإسلامية) ما بتعني بفساد الإسلام.
ولا بن لادن وارهابو بيعنو من اي باب بإجازة الحكم بعدم صلاح الإسلام والمسلمين.

بس طبعا ما بوسعي غير قول تفوه على الصليبيين والمجازر الإسلامية والحركات الإرهابية .. :D

عاشق من فلسطين

10/04/2005, 13:53

اي بس الصليبيين ما كانو مستمدين قوتهن الارهابية من الدين المسيحي ولم يتقبلهم الدين المسيحي وأنما قاموا بذلك تحت غطاء الدين المسيحي ..
والارهابيين المسليمن لم يستمدوا قوتهم من الاسلام ولم يتقبلهم الدين الاسلامي .. بل فعلو ذلك تحت غطاء الدين المسيحي ..
وفي كلا الحالتين الستبقتين فأن هاتين الحركتين كانت فعلت ما فعلته مع أو بدون الادعاء بالانتماء الى دين معين ..ولكن نسبوا انفسهم لدين لحتى يعطوا بعض الشرعية لأعمالهون وليس ليستمدوا القوى من هذا الدين ..

أما الشبيحة يا عزيزي .. فهم لأنهم علويين ومن أسماء علوية قوية فعلوا ما فعلوه .. يعني لو أنا أردت أن أكون شبيحا" فلن أستطيع ذلك لأني لست من بيت مخلوف أو من بيت الأسد أو من بيت كنعان الخ الخ ... أما لو اردت ان اكون ارهابيا" في أحد الجماعات الارهابية التي تتدعي الاسلام أستطيع ذلك .. يعني الخلاصة أنو الشبيحة آخدين الضوء الأخضر من الحكومة العلوية .. اما الارهابيين مو أخدين الضو الأخضر من مفكرين وعلماء الاسلام الحقيقيين .. والصليبيين ما كانوا أخدين الضو الأخضر من جماعة الكنيسة التي كانت في وقتهم .. يعني فرق كبير .. :wink: :wink: :wink:

zen

10/04/2005, 13:59

اي بس الصليبيين ما كانو مستمدين قوتهن الارهابية من الدين المسيحي ولم يتقبلهم الدين المسيحي وأنما قاموا بذلك تحت غطاء الدين المسيحي ..
والارهابيين المسليمن لم يستمدوا قوتهم من الاسلام ولم يتقبلهم الدين الاسلامي .. بل فعلو ذلك تحت غطاء الدين المسيحي ..
وفي كلا الحالتين الستبقتين فأن هاتين الحركتين كانت فعلت ما فعلته مع أو بدون الادعاء بالانتماء الى دين معين ..ولكن نسبوا انفسهم لدين لحتى يعطوا بعض الشرعية لأعمالهون وليس ليستمدوا القوى من هذا الدين ..

أما الشبيحة يا عزيزي .. فهم لأنهم علويين ومن أسماء علوية قوية فعلوا ما فعلوه .. يعني لو أنا أردت أن أكون شبيحا" فلن أستطيع ذلك لأني لست من بيت مخلوف أو من بيت الأسد أو من بيت كنعان الخ الخ ... أما لو اردت ان اكون ارهابيا" في أحد الجماعات الارهابية التي تتدعي الاسلام أستطيع ذلك .. يعني الخلاصة أنو الشبيحة آخدين الضوء الأخضر من الحكومة العلوية .. اما الارهابيين مو أخدين الضو الأخضر من مفكرين وعلماء الاسلام الحقيقيين .. والصليبيين ما كانوا أخدين الضو الأخضر من جماعة الكنيسة التي كانت في وقتهم .. يعني فرق كبير ..

درر
بس انا من هون بحب رد على حسون كمان على موضوع تاني اسمو(الاسد)
يعني انا بحب قللك يا حسون انا مع الحكومة ومع الاصلاح
بس انا معارض للشبيحة
:D :D :D :D :D :D :D :D

عاشق من فلسطين

10/04/2005, 14:07

يعني انا بحب قللك يا حسون انا مع الحكومة ومع الاصلاح
بس انا معارض للشبيحة

والشبيحة من مفرزات هذه الحكومة التي تدعي الاصلاح .. وهي تعجز عن اصلاح نفسها ومفرزاتها .. يعني كيف معارض للشبيحة ومع الحكومة .. يعني ممكن تقلي أنا مع الحكومة بعد أن تبرهن حسن نيتها في الاصلاح وتتخذ اجراءات ملموسة .. أو انا مع الحكومة بس تشبع الشعب .. أما حاليا" تقلي انا مع الحومة والاصلاح فوينو هادا الاصلاح اذا مافيات الشبيحة عينك عينك وبكل وقاحة عم تعمل اللي عم تعملو تحت غطاء السلطة .. يعني رح تقلي انو السلطة مانها مع تصرفات الشبيحة .. رح قلك أنو بهيك موضوع اذا لم تكن مع فأنت ضد .. والحكومة الحقيقية عندما تكون ضد شيء في البلد الذي تحكمه فيجب ان تنتزعه من جذوره ( لأن أمر كالشبيحة لا يتماشى معهم مفهوم الاصلاح ) لكن الحكومة سعيدة في أعماقها من تصرفاتهم .. لأن الشبيحة عادوا ليقولوا .. نحنا مازلنا موجودين .. وأياكم ان يرفع أحدكم وجهه في وجه حكومة بشار الأسد ..

zen

10/04/2005, 14:10

وأياكم ان يرفع أحدكم وجهه في وجه حكومة بشار الأسد ..

من وين اجت هي
:shock: :shock: :shock: :shock: :shock: :shock: :shock:
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:

عاشق من فلسطين

10/04/2005, 14:25

من وين اجت هي

هي أسلوب الشبيحة يسرقونك وينهبونك . .. من باب أنك معارض .. وترفع راسك في وجه الحكومة ( وطبعا" هذا ليس الهدف الحقيقي بل الهدف الحقيقي هو السرقة والثراء السريع ) .. :D

zen

10/04/2005, 14:27

:shock: :shock: :shock: :shock: :shock: :? :? :? :? :?
:frown: :frown: :frown: :frown: :frown:
ما فهمت شي
فتت بالحيط كالعادة
:gem: :gem: :gem: :gem: :gem: :gem: :gem: :gem: :gem: :gem: :gem:

Hus

10/04/2005, 15:20

اي بس الصليبيين ما كانو مستمدين قوتهن الارهابية من الدين المسيحي ولم يتقبلهم الدين المسيحي وأنما قاموا بذلك تحت غطاء الدين المسيحي ..
والارهابيين المسليمن لم يستمدوا قوتهم من الاسلام ولم يتقبلهم الدين الاسلامي .. بل فعلو ذلك تحت غطاء الدين المسيحي ..
وفي كلا الحالتين الستبقتين فأن هاتين الحركتين كانت فعلت ما فعلته مع أو بدون الادعاء بالانتماء الى دين معين ..ولكن نسبوا انفسهم لدين لحتى يعطوا بعض الشرعية لأعمالهون وليس ليستمدوا القوى من هذا الدين ..

أما الشبيحة يا عزيزي .. فهم لأنهم علويين ومن أسماء علوية قوية فعلوا ما فعلوه .. يعني لو أنا أردت أن أكون شبيحا" فلن أستطيع ذلك لأني لست من بيت مخلوف أو من بيت الأسد أو من بيت كنعان الخ الخ ... أما لو اردت ان اكون ارهابيا" في أحد الجماعات الارهابية التي تتدعي الاسلام أستطيع ذلك .. يعني الخلاصة أنو الشبيحة آخدين الضوء الأخضر من الحكومة العلوية .. اما الارهابيين مو أخدين الضو الأخضر من مفكرين وعلماء الاسلام الحقيقيين .. والصليبيين ما كانوا أخدين الضو الأخضر من جماعة الكنيسة التي كانت في وقتهم .. يعني فرق كبير .. :wink: :wink: :wink:

على رغم الإختلاف الشكلي الطفيف بين الشبيحة والإرهاب لكن الجوهر والمضمون واحد ..
اما بالنسبة للحروب الصليبية فكانت مدعومة من باباوات القرون الوسطى دعم كامل
واما عن الحركات الإرهابية الإسلامية فأيضا وأيضا هي مدعومة من التيار الإسلامي بشكل كام..
ما حدى عندو القدرة يعمل حركة بدون دعم وتغطية كاملة
(بن لادن حالة خاصة فهو مليونير بعائلته قبل ما يكون ارهابي)
بس الدعم الإسلامي للجماعات الإسلامية الإرهابية موجود وقائم وهوي دعم جماهيري وشعبي وليس على مستوى الأفراد فقط..
الشعب -لو شلت المثقفين والمتنورين على جنب- هوي شعب بسيط كلمة بتاخدو كلمة بتجيبو ..
طلاع بكرا على شي جامع واطلوب بحجة الإسلام والدفاع عن الإسلام او اي من هذا القبيل تبرعات .. ما حتلاقي حدى يجي يقلك ليش وكيف ومين وشلون .. قد ما حتلاقي ناس حتعدي تتبرع وتمشي ..

عموما ما هذا صلب الموضوع
صلب الموضوع انو انا الي صار مستنكر بكل المقاييس طبعا .. لكن هوي عمل فردي
يعني خلي اي واحد علوي مدعوم ولا ما مدعوم يعتدي على اي من المعارضة مثلا او المفكرين وشوف الدنيا بتقوم وبتقعد على الحكومة مع انو ممكن كتيييييييييييير يكون عمل فردي ولا في تغطية ليه(من ناحية الدعم ولا من يحزنون) لكن هيي هيك احنا منلزق كلشي بضهر اي حدى ..
انا ما بموقع الدفاع عن احد .. فالي عم بيصير لو كان حصل مرة ومرتين فبقدر لفو تحت ما سبق وزكرت لكن تكرار الموضوع بيدخلو بالجانب الي تكلمتو عنه بما يخص تغطيتهم من قبل الحكومة والمتنفزين ..
لكن الي عم بدعو ليه الوعي بدون مبالغة ..
اي في غلط
والي صار غلط
والي عم بيصير غلط
بس بالتروي ... منطلق احكامنا بالتروي ..

(تقريبا في اية بتقول "لاتزر وازره وزر اخرى")

عاشق من فلسطين

10/04/2005, 15:42

(تقريبا في اية بتقول "لاتزر وازره وزر اخرى")

بس كمان الساكت عن الحق شيطان أخرس .. :wink:
والحكومة أي شيء بتعملوا غير محاسبة الشبيحة بقسوة على الجرائم اللي عم يرتكبوها .. هوي ضحك على اللحى ودليل على دعمها لهم ...

Joe

10/04/2005, 21:44

يعني خلي اي واحد علوي مدعوم ولا ما مدعوم يعتدي على اي من المعارضة مثلا او المفكرين وشوف الدنيا بتقوم وبتقعد على الحكومة مع انو ممكن كتيييييييييييير يكون عمل فردي ولا في تغطية ليه(من ناحية الدعم ولا من يحزنون) لكن هيي هيك احنا منلزق كلشي بضهر اي حدى ..

كلامك وارد جدا مان. يعني صح كان ممكن يكونوا اشخاص زعران من الشارع دخلوا لجوا و ضربوا الضحية و طلعوا لبرا. بس للأسف هيك شغلات قليل ما تصير ببلدنا... انا بعمري ما مرقت عليي حادثة من هل نوع. إنو فرد من أفراد الشعب العادي و الغير مدعوم... يهجم هيك على شخص سياسي ببيته و يضربه؟؟ من ايت عندنا هل شجاعة؟ و باللاذقية كمان؟ هيك حركات ما بتصدر إلا عن المدعومين و بمباركة و معرفة الشخصيات الكبيرة

و حتى لو كان بتصير.... يعني المقالات يلي انكتبت حول الموضوع بقتول انو المعتديين اشخاص معروفين إنهم من الشبيحة و هل ناس و شوفوا هادا البيان الصادر عن أقارب عارف دليل والد المعتدى عليه:

بيان صادر عن عائلة معتقل الرأي الدكتور عارف دليلة حول حادثة اقتحام منزل العائلة

10- 4- 2005 اللاذقية-

! القتلة يسرحون ويمرحون والضحايا في العناية المشددة أو في ذمة التحقيق!!

منذ اعتقال الدكتور عارف دليلة قبل أربع سنوات ولا تزال عائلته تتعرض لمضايقات شتى على مختلف الأصعدة وكان آخرها اقتحام عصابة من الشبيحة منزل آل دليلة مؤلفة من ثلاثة أشخاص 8 / 4 / 2005 من تاريخ / 16 / – مفرق بسنادا الساعة ( وقد تبين وجود مجموعة أخرى حماية لهم في الخارج،) حيث لم يكن متواجداً في المنزل آنذاك سوى ابن الدكتور عارف الوحيد المهندس شادي دليلة وشقيقة . الدكتور المدرسة سميرة وقاموا بضربهم بالسكاكين والآلات الحادة داخل المنزل كان ابن الدكتور قد تعرض سابقاً لمضايقات كثيرة وتهديدات مباشرة سواء بالهاتف أو بالتعرض له على الطرقات، وتعرض أكثر من مرة لأذى جسدي ومعنوي من بعض الشبيحة الذين كانوا يتفاخرون دائماً (وفي هذا اليوم بالذات أثناء الحادث داخل المنزل، وفي ممرات المشفى الوطني، وفي قسم الشرطة) أن أجهزة معينة وأشخاصاً محددين يقومون بحمايتهم، وأنهم في بلد الرئيس وسيفعلون كل ما يحلو لهم. ومن المعروف عن هؤلاء الشبيحة ممارستهم لجميع الأمور المخلة بالقانون كالبلطجة، وإطلاق النار وفرض أتاوات على البعض وعلى الرغم من إثبات فعل الجريمة داخل المنزل لم يتم إلقاء القبض على الجناة حتى تاريخه علماً أن ابن الدكتور عارف لا يزال في العناية المشددة في المشفى الوطني، وشقيقته تعاني من آلام حادة نفسية وجسدية، ولا يزال شقيقه المهندس غازي قيد التوقيف بحجة ادعاء الجناة عليه على الرغم من وجوده خارج المدينة كما تم الادعاء على شقيقه المحامي حسن الذي لم يعلم بالحادث إلا بعد وصول شادي إلى المشفى، وعلى شقيقته المدرسة سميرة التي كانت تدافع عن نفسها صارخة داخل المنزل. جميع هذه الادعاءات جاءت من قبل شبيحة معروفين بسوابقهم في المنطقة وكل ذلك مثبت في ظبوطات أقسام الشرطة بتحليل الأمور وربطها مع أحداث جرت سابقاً وفي ليلة الحادثة كالهجوم على سيارة المحامي حسن وتهشيمها ليلاُ أكثر من مرة وتسجيل الضبط ضد مجهول، ومعاملة شقيقه الدكتور مصطفى معاملة فظة أثناء مقابلة القاضي المناوب خلال تقديم ضبط الشرطة لا تليق بقاضٍ ولا بقاعة محكمة. . . إلخ من أعمال استفزازية أمام المنزل حتى وقت متأخر ليلاً لإقلاق الجميع دون رادع ولا خوف، نرى أن العلاقة وثيقة بين جميع هذه الأحداث أفراد هذه العصابة لا يزالون يسرحون ويمرحون متباهين بأفعالهم، ويتوارون عن الأنظار كما تدعي الأجهزة، ويخيفون الجميع، وتطغى موجة من الإرهاب والتخويف . من تصرفاتهم
إننا نشعر أن هناك جهات قوية تدعم الجناة وتوجه التهم للأبرياء بهدف خلط الأوراق، وإخفاء بصماتهم وحمايتهم
إننا نطالب ونأمل بوقفة جادة من قبل السلطات لقص أجنحة المتنفذين، والذين يدعمون هؤلاء الشبيحة، ويمدون لهم يد العون ويشجعونهم على أعمالهم الإجرامية . بهدف فرض منطقهم، وكلنا أمل بسيادة القانون في بلد نأمل أن يكون بلد القانون

استمرار اعتقال الدكتور عارف دليلة دون مبرر تجعل استباحة العائلة مغطاة من قبل الأجهزة والتي تمارس هذه المظاهر عبر توكيل الشبيحة بهذه المهام القذرة . وتغطيتهم والدفاع عنهم إننا إذ نستنجد بالعقل وبالشرفاء في الوطن من اجل رفع الظلم ووقف الاعتداءات . والملاحقات ولتعم الحرية والقانون وليختفي الفساد القضائي والأمني وظواهر التشبيح من وطننا العزيز

الحرية لمعتقلي الرأي في سوريا وللدكتور عارف وزملائه
عنهم :
المحامي حسن دليلة
الدكتور مصطفى دليلة

Joe

10/04/2005, 21:45

أفادت الأخبار الواردة من مدينة اللاذقية شمال غرب سورية بتعرض منزل أسرة

الدكتور عارف دليلة (المعتقل بسبب نشاطه على خلفية ربيع دمشق) لهجوم من
قبل مجموعة إرهابية مسلحة بالسكاكين والعصي ، مما أدى إلى إصابة ابنه
المهندس شادي دليلة (30 سنة) بجروح بليغة استدعت نقله إلى العناية المركزة في

المستشفى وإصابة سميرة دليلة شقيقة الدكتور عارف بكدمات وشتائم وتهديدات
بينما أوقف شقيقه غازي دليلة بدل من توقيف الإرهابيين المجرمين الذين تقف
وراءهم جهات أمنية وعشائرية متنفذة.

وعلق ناطق باسم اللجنة السورية لحقوق الإنسان بأن أمثال هذه الحادثة
انتشرت انتشاراً واسعاً في أنحاء البلاد وخصوصاً في الساحل السوري وأصبحت تهدد
السلم الأهلي والنسيج المجتمعي في سورية، بينما تقف السلطات السورية عاجزة
عن فعل شئ لضمان أمن المواطنين وحفظ النظام العام، ووقف أمثال هؤلاء
الإرهابيين الذين تدعمهم جهات متنفذة في أجهزة الأمن السورية وبعض الأسر

الحاكمة. وأعاد الناطق إلى الأذهان التصرفات المشينة التي قامت بها عصابات بدعم
مباشر من أسر متنفذة مثل آل الأسد وآل مخلوف في الساحل السوري أدت إلى
مصرع عدد من المواطنين ونهب ثروات آخرين وسرقة بضائع ذات قيمة من موانئ
اللاذقية وطرطوس،
بالإضافة إلى تهريب مواد خطيرة مثل السلاح والمخدرات.

وقال الناطق: هذه الأحداث اتسعت لتشمل دائرة المعارضين السياسيين
والناشطين الحقوقيين وأسرهم، بالإضافة إلى التجار وأصحاب الأعمال، وهي تهدف إلى
إسكات الأصوات المعارضة وإلى إرهاب أسر وأصدقاء وأقارب أصحاب الآراء
المستقلة، بالإضافة إلى ابتزاز التجار والمهن وسرقة أموالهم، ويجري كل ذلك جهرة
بإدارة أجهزة الأمن وبعض الأسر ذات النفوذ المستند إلى السلطة الحاكمة في

سورية، وهذه الأعمال المدانة خطيرة لأنها بالتأكيد ستثير الضغائن وتؤدي إلى
نشوب الفتن والنزاعات واضطرابات سيئة العاقبة على البلاد.

وطالب الناطق السلطات السورية بوضع حد لهذه المجموعات الإرهابية ومن يقف
وراءها من أجهزة وأسر متنفذة وأشخاص، ووقف العمل بنظام الشلل والاستثناءات
والامتيازات الفئوية والفساد المعمول به في سورية واستبداله بسيادة
القانون وتساوي المواطنين جميعاً أمام القضاء، والعمل على استنقاذ القضاء من
سيطرة أجهزة الأمن والسلطة التنفيذية والشللية.

وختم الناطق تصريحه بالمطالبة بتقديم الذين اعتدوا على أسرة عارف دليلة
ومن يقف خلفهم إلى القضاء، وبالإفراج الفوري عن الدكتور عارف دليلة وبقية
المعتقلين على خلفية ربيع دمشق، بالإضافة إلى المعتقلين السياسيين وسجناء
الضمير باعتبار أن هذه الاعتقالات لاغية لا سند قانوني لها، باستثناء حالة
الطوارئ الشاذة المرفوضة شعبياً ودولياً.

اللجنة السورية لحقوق الإنسان
9/4/2005

------------------------------------

اللجنة السورية لحقوق الإنسان
Syrian Human Rights Committee (SHRC)

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
BCM Box: 2789, London WC1N 3XX, UK

Fax: +44 (0)870 137 7678

Hus

10/04/2005, 23:21

:mrgreen: :mrgreen: :mrgreen:

yass

11/04/2005, 12:00

شي بيقطع القلب, شو بدك تحكي لتحكي!!!

krimbow

11/04/2005, 13:04

شي بيقطع القلب, شو بدك تحكي لتحكي!!!

الشغلة ما بدا حكي :evil:
قال يا فرعون مين فرعنك..........قلو ما لقيت مين يردني :aah: :aah: :aah:
الشغلة بدا رد مباشر و فوري :x

غريب الدار

11/04/2005, 16:05

والله يا شباب كلنا معرضين للضرب
وكلنا معرضين للإهانة
لا زم تكون موالي او من تتعلم تمسح جوخ او تكون من بيت مخلوف- شاليش- الأسد- ... منشان ما تنضرب
شو هي عيلة دليلة؟ اي بينضرب بينضرب شو عليه
:cry:

عاشق من فلسطين

13/04/2005, 12:52

شي ببكي وبيخلي الواحد يطلع من تيابو .. لك آآآآآآآآآآآآآآآآآآآآآآآآآ آآآآآآآآآآخ .. الا ما نفيق شي يوم .. :cry: :cry:

حسون

13/04/2005, 22:13

[quote]
يعني انا بحب قللك يا حسون انا مع الحكومة ومع الاصلاح
بس انا معارض للشبيحة
:D :D :D :D :D :D :D :D
و أنا مسيحي بس بعبد اشيطان :shock: :shock:

Joe

16/04/2005, 01:35

شو بلشنا حركات توم و جيري؟؟؟؟ :wink:

شباب بيقولوا هدول ما طلعوا شبيحة. طلعوا زعران بالحارة إلون مشاكل مع شادي مشان قصة بنت بدو يخطبها او شي شغلة..... بس على كل حال في غباء شديد من ناحية النظام السوري...

أولا محاولة "تطنيش" الخبر و ما كلفوا حالهم يعطوا تفسير او اي بيان. من مبدأ عدم الترويج لهكذا إشاعات. و نسيوا انو في عالم كامل اسمه الانترنت لسا ما بيعرفوا عنو شي

ثانيا اعتقال أحد أقرباء الضحية بدل من البحث عن المعتدي الحقيقي بجدية! و طبعا هاي نوع من الحقارة لأنو على كل الحالات النظام مانو مغروم بعيلة عارف دليلة بسبب المشكلة مع الدكتور عارف

و تالتا طبعا الاستمرار باعتقال الرجل الكبير بالسن عارف دليلة بطريقة مخزية