الجاجة إجت أول شي! [الأرشيـــــف]

Joe

10/04/2005, 03:06

بيوم من الأيام (4500 مليون سنة) كانت الأرض خالية و مافيها شي. (طبعا بس أنا كنت موجود مشان هيك قدران إحكي القصة). و السما كانت مشكلة بشكل أساسي من غازات ثاني أوكسيد الكربون و أكاسيد النتروجين و الميتان و كتير شغلات تانية (و ما كان في أوكسجين لانو لسا النباتات ما كانت موجودة). المهم مع مرور السنين و على أثر البرق و الرعد (شحنات كهربائية) و على أثر الأشعة تحت البنفسجية (يمكن!) بلشت هل مركبات الغازية تتفكك و تشكل مركبات تانية معقدة اكتر شوي متل الحموض الأمينية ... هاي تجربة قام فيها العلماء و أثبتوا إنوا الحموض الأمينية ممكن تتكون من أثر الكهربا و الغازات الأولية المذكورة

المهم و بلا طولة سيرة, منعرف إنو الشحوم بتتجمع على بعضها بوجود المي و بتقدر تعمل طابات صغيرة... (يعني بداية للخلايا). لأنو الخلية شو يعني؟ مجموعة من الشحوم مسكرة على بعضها و عاملة فراغ بالنص

مع الوقت, و ما منعرف كيف بالضبط, صار في حياة على كوكب الأرض. و بلشت الكائنات تتطور أكثر و أكثر

هيييك ببطء شديد جدا لحتى بلشت الخلايا المستقبلة للضوء تتشكل و تشكلت بالتالي أنواع من العيون عند الحيوانات الأولية المختلفة... و هادا كان سبب الإنطلاقة السريعة و القوية جدا للحيوانات على الكوكب و المعروف باسم ال
Cambrian Explosion

المهم إنو صار في حيوانات متنوعة... بس لسا كان في شيء مهم جدا جدا ناقص... لسا كانت الجاجة ناقصة! بتعرفو شو يعني هادا الكلام؟؟ هادا يعني إنو وقتها لسا ما كان في ولا جاجة على كوكب الأرض... مشكلة ما؟ كيف بدنا ناكل شاورما و شيش لكن؟

بس ما تفقدوا الامل

كان في حيوانة تانية, اسمها الطاجة. هاي الطاجة كانت كتير بتشبه الجاجة بس ما كانت جاجة. كان ناقصها كم شغلة متل الرشاقة و الزكا لتصير جاجة حقيقية

هاي الطاجة تعرفت على طاجة دكر و عملوا مع بعض المنكر و ارتكبوا الفاحشة... و باضت الطاجة بيضات... قولوا خمس بيضات

و فقسوا البيضات و طلعوا كلون طاجات

شو فكرتوا رح تطلع جاجة؟؟؟
:P
لسا بكير شوي

بعد شي عشر آلاف سنة من تعاقب الطاجات و البيضات... صار في خلل جيني عند وحدة من هل طاجات. قالتها أمها يا حبيبتي يا ماما يا طجطوجة ما تروحي تلعبي هنيك... لانو هنيك في إشعاعات مضرة... بس ما ردت... و راحت تلحق الديدان بهديك المنطقة المحظورة و صار في شي غلط بالجينات تبعوتها... و لما تعرفت على ابن الحلال انتقل هادا الخلل للبيضات يلي باضتون... و يلي هني طبعا كانوا بيضات للطاجة

و فقسوا البيضات (سبعة هل مرة) و طلعوا أشكال ولادا مشوهين شوي و غريبين :(

كان في طاجة ميتة, و كان في طاجتين طبيعيات و كان في 3 طاجات مشوهيين تشوهات خلقية.. و الطاجة السابعة... كانت غريبة شوي... كنت تحس الزكا و الفهم عم يشرشر منها شرشرة... كانت غير شكل يا عمي... فهم و أدب و أخلاق و من جميعو
قاموا أهلها سموها جاجة

بس الجاجة هاي خلقت من بيضة طاجة فما فينا نقول إنها خلقت من بيضة جاجة

و هاي الجاجة تعرفت على طاجة بالجامعة (لأنو مافي لسا جاجات على الكوكب غيرا) و حبوا بعض و تزوجوا (شرعا هل مرة مو متل ستها الرزيلة) و خلفت الجاجة 6 بيضات
4 بيضات طلعوا طاجات
و بيضتين
فقسوا هل بيضتين و طلعوا جاجات متل أمهم!!

و هيك استمرت الحالة لليوم و تعاقبوا الجاجات و البيضات

بس دائما تذكروا إذا حدا سألكم مين إجا قبل البيضة لما الجاجة... فالجواب هوي حتما الجاجة.. لانو البيضة يلي اجت منها الجاجة ما كانت بيضة جاجة بل كانت بيضة طاجة. و نحن هون عم نحكي عن الجاجات ما هيك؟؟

حرام اشفقوا على الجاجات و كلوا شاورما لحم
:(

8)

znno

10/04/2005, 04:43

. قالتها أمها يا حبيبتي يا ماما يا طجطوجة ما تروحي تلعبي هنيك...

:o :o :o :o

ميرسي جو ع هالموضوع :D :D
:lol: :lol:
بس بتعرف لو ضلو طاجات احلا :o :o

عاشق من فلسطين

10/04/2005, 11:55

مشكور على الموضوع يا جوي .. بس بالمناسبة مين أجا أول الجاجة لما البيضة .. :P :P

yass

10/04/2005, 13:35

شي خيلة يا شيخ فعلا :)
مشكور. :D
بس شو كان لون بيضة الطاجة, كيف كان شكلها, مربعة مثلا :confo: :confo:

krimbow

10/04/2005, 16:33

هلق أنت حليت لغز حير العلماء و أعضاء المنتدى....الله يعطيك العافية و بتستاهل نوبل على هالمشاركة :D :D

بس............ مافسرتلنا ..............الطاجات شو صار فيون :aah: :aah:

yass

10/04/2005, 16:40

شي خيلة يا شيخ فعلا :)
مشكور. :D
بس شو كان لون بيضة الطاجة, كيف كان شكلها, مربعة مثلا :confo: :confo:
و لسا سؤال أهم..............كان في بيض طاجة بصفارين؟؟ :shock: :shock:

krimbow

10/04/2005, 16:44

و أخطر سؤال هوي......
اذا ماجي بتعمل مرأة الدجاج....شو هي الشركة يلي بتعمل مرأة الطجاج؟؟؟؟ :o :o
و بعدين مين هو ابن المسؤول يلي آخد وكالة هي الشركة بسوريا..؟.. :roll: :roll:

yass

10/04/2005, 16:45

و بعدين مين هو ابن المسؤول يلي آخد وكالة هي الشركة بسوريا..؟..
:confo: :confo: :confo: :confo: :confo:

Joe

10/04/2005, 21:50

و بعدين مين هو ابن المسؤول يلي آخد وكالة هي الشركة بسوريا..؟.. :roll: :roll:

:lol: :lol:
قوووية

لسا ما كان في ولاد مسؤولين... لسا كانوا سعادين و جحاش لسا ما تطوروا لهل مستوى الحضاري بعد :lol: :lol:

to live is to die

11/04/2005, 03:06

بس شو كان لون بيضة الطاجة, كيف كان شكلها, مربعة مثلا

و أخطر سؤال هوي......
اذا ماجي بتعمل مرأة الدجاج....شو هي الشركة يلي بتعمل مرأة الطجاج؟؟؟؟
و بعدين مين هو ابن المسؤول يلي آخد وكالة هي الشركة بسوريا..؟..

و لسا سؤال أهم..............كان في بيض طاجة بصفارين؟؟

هلق أنت حليت لغز حير العلماء و أعضاء المنتدى....الله يعطيك العافية و بتستاهل نوبل على هالمشاركة

بس............ مافسرتلنا ..............الطاجات شو صار فيون

وبدنا نعرف موقف الطاجات من اسرائيل
ونعرف شو السياسات يللي بتتبعا
وهل تدعم حركات التحرر وشو موقفها من الحرب الامريكية على العراق
وشو انتماءات الطاجات العقائدية والدينية والفكرية والمذهبية
وشو علاقتها بالثدييات
وهل تعتبر نفسها الاب الروحي للجاجات
وهل كان البيض تبعها بلدي
ويصلح للأكل
ومعرفة مدى قدرتها على الطيران
وشو الترتيب ومين أنا ومين هو ومين انت ومين المسؤول عن كل هالحكي
والاتجاه المعاكس وقضية للحوار
وانت بتحكي بالشرق وانا برد بالشمال الجنوبي الشرقي المهم ما كون متل ما بدك
تعبت

Atramez_Zeton

11/04/2005, 13:35

هلا هادا الحكي مزبوط و لا لا :?

krimbow

12/04/2005, 14:09

الحكي مظبوط 100%
و هي وثيقة تاريخية و أثرية بتأكد النظرية تبع الطاجات

فنتوش

12/04/2005, 23:15

بيضه :roll: جاجه
جاجه :roll: بيظه
بيظاه :roll: حاجه
حجاجه :roll: عيظه
ولكو لا تجننونا
الجيجه ولّا الباضه؟؟؟؟؟؟؟؟؟ :?: :?: :?: :?: :!: :!: :!:

Barleb

29/06/2006, 02:49

اي هاد حكي ....

here i am

29/06/2006, 03:10

برياحة حكي
بس يا أخي أنا سمعت من فنرة أنو الخلل الجنيني تم اكتشافو بالبيضة تبع الطاجة قبل ما تفقس و تصير جاجة
و بهيك تم نقض نظرية عمي العزيز joe و طلعت البيضة قبل الجاجة و هيك معد نسأل البيضة قبل ولا الجاجة
حتما أنا قبل الكل :lol:

ملك الهكرز

29/06/2006, 03:25

الجاجة اول 8)

يعني مجود :lol:

here i am

29/06/2006, 03:35

الجاجة اول 8)

يعني مجود :lol:
يقرفك قلت قبل الكل ما يعني انا جاجة يا حنكليس :lol:

ملك الهكرز

29/06/2006, 03:48

يقرفك قلت قبل الكل ما يعني انا جاجة يا حنكليس

ديك ديك :lol:

Reemi

29/06/2006, 12:08

:shock: :? :?

ماما منوشه

29/06/2006, 12:45

:shock: :? :?

وانا كمان:? :? :shock:

hanny dagher

29/06/2006, 12:47

لك شبكن والله الحكي مزبوط مية بالمية انا من جهتي خرط مشطي :D

here i am

29/06/2006, 12:52

بس لازم نفتح تصويت و انا من جهتي بقول البيضة قبل الجاجة و رح جرب وثق حكيي عن قريب

here i am

29/06/2006, 13:00

نقلت الصحف البريطانية عن البروفيسور جون بروكفيلد، من جامعة نوتنغهام، والأخصائي في علم الجينات المتحولة قوله إنّه "بالضرورة البيضة سبقت الدجاجة."
وأوضح قائلا إنّ المكونات الوراثيةما بتتطور خلال حياة الكائن وبالتالي فإن أول طير أصبح دجاجة وجد في البدء كجنين داخل بيضة يعني الطاجة ع قولة joe
وأضاف أنه من البديهي أن لا تتطور المواد الجينية خلال الحياة مهما كان النظام الجسدي الذي يتضمنهايعني الطاجة ما تتطورت وراثيا إلا داخل البيضة :yahoo:
وهذا يعني أنّ الطير الأول ( الطاجة) الذي أصبح لاحقا دجاجة وجد أولا كجنين داخل بيضة.
وجدت آراء روكفيلد تأييدا من العالم فلسفة العلوم المعروف ديفيد بابينو.
و هيكإلى في حل واحد من أكثر الألغاز الذي عجزت البشرية عن حلّه منذ نشأة الحياة، وهو من جاء أولا: البيضة أم الدجاجة؟ و هو البيضة :D

ري مي

29/06/2006, 16:15

انا قصدي انو الالهة الام بالمثيولوجيا القديمة للانسانية هي كانت اصل كل شي:o
وكمان بالتالي بتكون الطاجة الام بالمثيولوجيا الطاجية هي الاصل بكل شي:o

LOVE A GHOST

29/06/2006, 20:07

بالحقيقة الجاجة هي الاصل و هي يلي عنا بعصرنا و لكن بسبب اندلاع الحرب العالمية الثالثة
وبسبب الانفجرات يلي بدها تصير طبعا النووية رح يصير تعديل على جسم الجاجة و تتحول تدريجيا الى طاجة و الطاجة مخلوق ذكي جدا (اغلبية الطاجات علماء و مهندسين ) و يملكون بدلا من الريش جلدا حديديا و قدرتهم العقلية تستطيع ان تحكم العالم و تبيد الانسان

ويلكم يا بني البشر نحنا الطاجات القادمون
بقيادة الثائر تشي طاجة:king: :king: :king:

ري مي

30/06/2006, 14:31

تشي طاجة(حلوة هي:lol: :lol: )

sweetbaby

19/01/2008, 04:29

تحياتي لاستازنا العظيم جو....
وقلتلون انو الجاجة كانت ابل ماصدقوتوني هي الدليل

نكوشة:angel:

sweetyjojo

19/01/2008, 14:09

يا سيدي نظرية حلوة

وانا كمان خرطت مشطي تمااااااااااااااااااام

وبكرة بيطلعلنا جيش الطاجات

وبيعمل انقلاب على ماجي

:clap:

pioneer

19/01/2008, 16:21

شو مشان الحمامة والستيتية ورفقاتن
مع انو نظرية التطور من افشل النظريات باتفاق