Hus
22/07/2006, 14:47
سلامات شباب(س)،
هذا منسمع بالبلد في مصطلحات كتير شائعة ، وع ايام جدودنا كانو يأرخو عليها ،
فلان ولد بعد التلجة الكبيرة، فلانة ولدت ع ايام حصاد النور، فلان ما بيوعى ع الزلزال..
قلت نطرح موضوع نشوف اذا عندكم معلومات عن المصطلحات ، وعن تواريخها اي حد ما..
التلجة الكبيري، انا بسمع فيها كتير وكان متخيلي انو هيي ب ال 1910-1920 على هوى ما كانت تحكي ستي انو مثلا فلاني ولدت بالتجلة الكبيرة وهيك ، فقدرت انو لازم اتكون ببدايات ال 1900 ،
اليوم خطرلي الموضوع مجددا عملت نكشة ونكوشة على النت ، لقيت كأنو التلجة الكبيرة هاي جاي بالخمسينات
لقيت مثلا شخص عم يحكي عن النزوح وكاتب التالي
سقطت البلد تاعتنا ب 28/4/48 ، إجينا على بديا، بعدين على الزاوية، قعدنا شهر، اجينا في نابلس عند الشيخ فياض الخياط، جنب مدرسة العائشية، كانت المدرسه لسه مش مبنية، اجينا جبنا شوالات خيش، فتحناهم ووصلناهم وعملنا عواميد وسكننا، بعديها أجت التلجه، لما أجت التلجه الكبيره كنا ساكنين محل ما هي اليوم المدرسه العائشيه، كانوا بدهن يبنوها لسه، يعني بالخمسين، مكنش في دور هناك، حياة والدي اشتغل ببناء هاي المدرسه ..........الخ"
وواحد تاني عم بيقول
احنا كان النا دار عمي بنابلس، عشان هيك اجينا عنابلس، بس يومها ما كان حد صاحي على حدا، انا لحقت سنة الخمسين في قرية بيتا، اللي لحقوا التلجه الكبيره والهوا، الله يكون الهم معين، كانوا اللاجئين بالحسبة العتيقه، عملولهم خيم، يطير العمود تاع الخيمه، وحاله يرثى لها.
لهيك استنتجت انو يبدو انو كانت بالخمسينات بأولها ، بس عاد لو حدى بيقدر يحددلنا بدقة ايمت يا ريت ..
عن الزلزال الكبير :
لقيت نص بيقول
اعاد احتلال نابلس وما ارتكبه الجيش من جرائم استهدفت البشر والحجر والتاريخ والمستقبل الي اذهان سكانها ذكريات اوسع دمار تعرضت له مدينتهم حين ضربها في العام 1927 الزلزال الكبير وخلف اعدادا كبيرة من الضحايا والدمار في المدينة العريقة.
هوي هذا النص الوحيد الي لقيتو ، بس نسبيا على ما يبدو انو الزلزال الكبير هذا فعلا كان بال 1927
السبع تلجات: هاي بوعى عليها انا بعتقد هيي التلج المتواصل الي صار بال 1991-1992 .. يومها ضلت تتلج كذا اسبوع و نداوم بالمدرسة يوم و نعطل كذا يوم .. ومن وقتها كل مرة بتتلج بالسنوات الي بعدها كان (احنا الأطفال ع هديك الأيام) عنا امل انو توصل لمرحلة يبطل في مدرسة متل ما صار بزمانو.. بس ما بذكر بعدها عطلنا عن المدرسة نتيجة التلج الكثيف ولا مرة .. (بمعنى العطلة الرسمية)
عن حصاد النور ما خلصت ليشئ بالنت يوديني لتاريخو ..
اي حدى بعد فاكر هيك مصطلحات تانية، او حدى بيعرف تفاصيل ادق عن المصطلحات هاي ؟؟ :D
هذا منسمع بالبلد في مصطلحات كتير شائعة ، وع ايام جدودنا كانو يأرخو عليها ،
فلان ولد بعد التلجة الكبيرة، فلانة ولدت ع ايام حصاد النور، فلان ما بيوعى ع الزلزال..
قلت نطرح موضوع نشوف اذا عندكم معلومات عن المصطلحات ، وعن تواريخها اي حد ما..
التلجة الكبيري، انا بسمع فيها كتير وكان متخيلي انو هيي ب ال 1910-1920 على هوى ما كانت تحكي ستي انو مثلا فلاني ولدت بالتجلة الكبيرة وهيك ، فقدرت انو لازم اتكون ببدايات ال 1900 ،
اليوم خطرلي الموضوع مجددا عملت نكشة ونكوشة على النت ، لقيت كأنو التلجة الكبيرة هاي جاي بالخمسينات
لقيت مثلا شخص عم يحكي عن النزوح وكاتب التالي
سقطت البلد تاعتنا ب 28/4/48 ، إجينا على بديا، بعدين على الزاوية، قعدنا شهر، اجينا في نابلس عند الشيخ فياض الخياط، جنب مدرسة العائشية، كانت المدرسه لسه مش مبنية، اجينا جبنا شوالات خيش، فتحناهم ووصلناهم وعملنا عواميد وسكننا، بعديها أجت التلجه، لما أجت التلجه الكبيره كنا ساكنين محل ما هي اليوم المدرسه العائشيه، كانوا بدهن يبنوها لسه، يعني بالخمسين، مكنش في دور هناك، حياة والدي اشتغل ببناء هاي المدرسه ..........الخ"
وواحد تاني عم بيقول
احنا كان النا دار عمي بنابلس، عشان هيك اجينا عنابلس، بس يومها ما كان حد صاحي على حدا، انا لحقت سنة الخمسين في قرية بيتا، اللي لحقوا التلجه الكبيره والهوا، الله يكون الهم معين، كانوا اللاجئين بالحسبة العتيقه، عملولهم خيم، يطير العمود تاع الخيمه، وحاله يرثى لها.
لهيك استنتجت انو يبدو انو كانت بالخمسينات بأولها ، بس عاد لو حدى بيقدر يحددلنا بدقة ايمت يا ريت ..
عن الزلزال الكبير :
لقيت نص بيقول
اعاد احتلال نابلس وما ارتكبه الجيش من جرائم استهدفت البشر والحجر والتاريخ والمستقبل الي اذهان سكانها ذكريات اوسع دمار تعرضت له مدينتهم حين ضربها في العام 1927 الزلزال الكبير وخلف اعدادا كبيرة من الضحايا والدمار في المدينة العريقة.
هوي هذا النص الوحيد الي لقيتو ، بس نسبيا على ما يبدو انو الزلزال الكبير هذا فعلا كان بال 1927
السبع تلجات: هاي بوعى عليها انا بعتقد هيي التلج المتواصل الي صار بال 1991-1992 .. يومها ضلت تتلج كذا اسبوع و نداوم بالمدرسة يوم و نعطل كذا يوم .. ومن وقتها كل مرة بتتلج بالسنوات الي بعدها كان (احنا الأطفال ع هديك الأيام) عنا امل انو توصل لمرحلة يبطل في مدرسة متل ما صار بزمانو.. بس ما بذكر بعدها عطلنا عن المدرسة نتيجة التلج الكثيف ولا مرة .. (بمعنى العطلة الرسمية)
عن حصاد النور ما خلصت ليشئ بالنت يوديني لتاريخو ..
اي حدى بعد فاكر هيك مصطلحات تانية، او حدى بيعرف تفاصيل ادق عن المصطلحات هاي ؟؟ :D