-
عرض كامل الموضوع : الشعب الفلسطيني:لا للأربع تسعات
تميزت الانتخابات الفلسطينية الأخيرى بما يلي
1_اعتراف المعارضة و الموالات بنتيجتها
2_شهادة مراقبين دوليين بنزاهتها
3_نجاح محمود عباس بنسبة 62,2 % الرقم الذي حقر الأربع تسعات التي تعودنا عليها بالوطن العربي
فالشعب الفلسطيني مع كل العواق التي تحيط به من احتلال و حصار استطاع تحقيق الديموقراطية في حين نعاني من الاستبداد في سوريا بسبب عوائق وهمية من اختراع السلطة
minime1967
03/04/2005, 10:33
والله ياأخي نحنا أكلين هوا بأربعة تسعة وحدة .... بأربع تسعات منصيف بالمرة ...
عاشق من فلسطين
03/04/2005, 12:05
:lol: :lol:
والله ياأخي نحنا أكلين هوا بأربعة تسعة وحدة .... بأربع تسعات منصيف بالمرة ...
عفوا بس إنتا فهمتني غلط
الأربع تسعات هي ال99,99 % و هاي نتيجي تعودنا عليا بالاستفتاء عنا بسوريا
و حتى أنو بشار الأسد جاب أكتر من هيك
جاب99,998 %
minime1967
03/04/2005, 12:07
والله فهمتك يا حبيبيب..... بس يعني قلنا نلطف الجو...
عاشق من فلسطين
03/04/2005, 13:40
والله فهمتك يا حبيبيب..... بس يعني قلنا نلطف الجو...
صار بدها بوفالو .. بس مو يكون تور.. يعني بوفلو كلينر .. مشان نلطف الجو ..
:D
minime1967
03/04/2005, 13:41
على راسي حارتك يا عاشق..
عاشق من فلسطين
03/04/2005, 13:58
على راسي حارتك يا عاشق..
ليش طل في حارتي .. يا حسرتي ما عندي غير هالزاوية بحديقة تشرين .. حاويتني بأيام القطعة .. :cry: :cry:
minime1967
03/04/2005, 14:05
ليش من شو بتشكي حديقة الجاحظ .. مليانة بط ووز ... بعدين جنب سيادة اللوز ....
عاشق من فلسطين
03/04/2005, 14:13
ليش من شو بتشكي حديقة الجاحظ .. مليانة بط ووز ... بعدين جنب سيادة اللوز ....
لا عمي انا بحب الحادائق اللي اسمها على اسم أمجاد زائفة مثل تشرين .. أو الوحدة أو الحرية .. يعني هالأمور الزائفة .. لأنو بس كون فيها بشوف الأمور على حقيقتها .. :wink: :wink:
minime1967
03/04/2005, 14:25
يعني بتشرين شو في زيادة ؟؟؟ بلكي في حرف ل زيادة ... يعني بدل بط اللي بالجاحظ بيصير لبط وممكن رفس بتشرين و بدل وز اللي بالجاحظ بيصير "بيشيلو لوز" وممكن عيون بتشرين ...
عاشق من فلسطين
03/04/2005, 14:31
ههههههههههههههههههههه يعني هيك شي .. :jakoush: :jakoush:
شباب الرجاء لاتقلبوا مسخرى
اكيد انا مبسوط كتير مشان الشعب الفلسطيني بس المقارنة مانا ناجحة بين سوريا و فلسطين... يعني الشعب الفلسطيني شو طالع بإيدو يعمل... اسرائيل من أمامك و حماس من ورائك... ما في غير أبو مازن
اسرائيل من أمامك و حماس من ورائك... ما في غير أبو مازن
صح ما بيصير تقارن بين سوريا وفلسطين
بس بيصير تقارن بين حماس و اسرائيل
يا اخي ظايطة هالمقارنة
:( :( :( :( :( :( :( :( :( :( :( :( :( :( :( :( :( :( :( :( :( :( :( :(
و حتى أنو بشار الأسد جاب أكتر من هيك
جاب99,998 %
تاكد من معلومات ما كانت النسبة هيك كانت 94%
مو 99%
:evil: :evil:
:jakoush: :jakoush: :jakoush:
:aah: :aah: :aah: :aah: :aah:
:gem: :gem: :gem: :gem: :gem: :gem: :gem: :gem: :gem: :gem: :gem: :gem:
عاشق من فلسطين
04/04/2005, 11:45
شباب الرجاء لاتقلبوا مسخرى
حسون ما قلبناها مسخرة .. عم نحكي بصلب الموضوع وبمعاناتنا كشعب سوري .. بس بطريقة نقد ساخر ..
ولا تواخذنا .. اذا الموضوع زاعجك منسكر عليه .. :D :D
اسرائيل من أمامك و حماس من ورائك... ما في غير أبو مازن
معناتا يا جوي .. انت كسوري .. العراق من جقهة وأمريكا من جهة .. وتركيا من جهة .. ولبنان من جهة .. فما عليك الا أن تدفن نفسك بالحياة أو تحارب .. :D
minime1967
04/04/2005, 13:02
والله المقاربة كتير ظابطة ماشاااله بين حماس واسرائيل .. يقبرني الفهم السوري كلو ... ياحبيبي أكيد انت مو قصدك وأكيد أنو الشباب كتير محقونين تجاه اسرائيل واتباعها ,, يعني ممكن واحد يقلك أنو أبو مازن مثلا خاين ... يصطفل .. وجهة نظر ممكن أنو التاريخ بيثبتها .. ياحسرتي الشعب العربي ما عندو ادنى أساليب معرفة الحقيقة وعم يلعبوا فينا متل الطابة ..
بالله لاتواخذني.. بس مو لأني ما بتواخذ , بس لأني سوري...
والله المقاربة كتير ظابطة ماشاااله بين حماس واسرائيل .. يقبرني الفهم السوري كلو ... ياحبيبي أكيد انت مو قصدك وأكيد أنو الشباب كتير محقونين تجاه اسرائيل واتباعها ,, يعني ممكن واحد يقلك أنو أبو مازن مثلا خاين ... يصطفل .. وجهة نظر ممكن أنو التاريخ بيثبتها .. ياحسرتي الشعب العربي ما عندو ادنى أساليب معرفة الحقيقة وعم يلعبوا فينا متل الطابة ..
بالله لاتواخذني.. بس مو لأني ما بتواخذ , بس لأني سوري...
أبو مازن خاين؟؟؟ ما بحب كلمة خاين , بالاحرى غبي , أو بمعنى آخر , مانو سياسي...
بالنسبة لحماس....أنا مع joe تماما...حماس مانها خيار الفلسطينيين, لا بالحرب و لا بالسلام...للأسباب التالية ( طبعا هاد رأي شخصي) :
1- حماس حولت الصراع الفلسطيني - الصهيوني من كفاح شعب لاسترجاع أرضه السليبة...هالشعب اللي أذهل العالم ببطولتو.... الى صراع اسلامي - يهودي, هالتحول نتائجه مدمرة لأنو تهمش أي دور للمقاومة العلمانية ( الجبهة الشعبية) وطالع المسيحيين الفلسطينيين برا... , وسبب بخسارة تعاطف دولي كبير جدا من أيام الستينات و السبعينات, كون الصراع الحالي هوي بين متطرفين , و الشعب الفلسطيني المسكين بالنص خطأ قاتل.
2- حماس تستغل شعبيتها لأهداف سياسية بحتة...يعني حاطة راسها براس فتح, و أنا أحيانا أفكر أنو الصراع الحقيقي هوي بين حماس و فتح, و أنو هالعمليات ضد اسرائيل عبارة عن مناورات سياسية....
حماس حولت الصراع الفلسطيني - الصهيوني من كفاح شعب لاسترجاع أرضه السليبة...هالشعب اللي أذهل العالم ببطولتو.... الى صراع اسلامي - يهودي, هالتحول نتائجه
لاتنسى انو اسرائيل عم تبني دولة يهودية ويهودية بس
يعني الصراع الديني موجود لو حماس ما بدها صراع ديني اسرائيل بدها صراع ديني مع انو انا مو شايف انو الصراع ديني بس هاد رد على حكيك
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
ع راسي يا أبو مارل
هادا الكلام الصحيح و أخيرا حدا لاحظ انو حماس عبئ على القضية الفلسطينية و على الشعب الفلسطيني
الفلسطيني مخنوق من حماس متل مانو مخنوق من اسرائيل. و لا و الله شوي تانية بتحس حماس على ألعن و أثرها أكبر. لانو إسرائل معروفة إنها المعتدية... بينما لما "المقاومة الفلسطينية" عم تتحول لأساليب عنف و سيطرة و قمع, كيف منقدر نحكي على إسرائيل؟؟
شباب انتو فهمانين شو يعني انو الإنسان العربي او الغربي يلي عم يدافع على القضية الفلسطينية برا هون بأميركا و بأوروبا صار ما بقى يحكي بشي مفيد و مشاكل حقيقية بسبب الهجمات الانتحارية. كنا منحكي عن هدم البيوت ... صارت مداهمة هلأ لمصانع متفجرات و بيوت "إرهابيين". بعمرها ما كانت اسرائيل او حدا بيحلم انو يطلق على المقاوم الفلسطيني اسم "ارهابي". بس بفضل حماس صار ممكن
لك ما فينا نحكي عن الجدار العازل... ما فينا نحكي عن الحواجز و التفتيش... كلشي بتقوله بيقولولك الانتحاريين... و المشكلة انها حجة ناجحة و ما فيك تحكي شي..
مانا عم نرفض الانتفاضة او المقاومة المسلحة... ابدا هيي ضرورية بكتير من الأحيان.. بس متل ما ذكر الأخ ياس... تحول الصراع من بين الشعب الفلسطيني المظلوم و الجندي و الدبابة الإسرائيلي... لصراع اسلامي-ضد كلشي حي على وجه الأرض!!!
حماس حولت الصراع الفلسطيني - الصهيوني من كفاح شعب لاسترجاع أرضه السليبة...هالشعب اللي أذهل العالم ببطولتو.... الى صراع اسلامي - يهودي, هالتحول نتائجه
لاتنسى انو اسرائيل عم تبني دولة يهودية ويهودية بس
يعني الصراع الديني موجود لو حماس ما بدها صراع ديني اسرائيل بدها صراع ديني مع انو انا مو شايف انو الصراع ديني بس هاد رد على حكيك
المشكلة انو إسرائيل دولة علمانية و الحركة الصهيونية ما بتحترم الحاخامات و لا شي
هي صح دولة على أساس عرق ديني... بس النظام علماني و مدني و مانو لا مبني على الشريعة و لا شي.
صح الدين الرسمي هوي اليهودية و اللغة عبرية. بس اسرائيل بحد ذاتها مانا دولة دينية حسب التعريف المتعارف عليه عن شو هيي الدولة الدينيية. و الإسرائيليين الحقيقيين... يلي عايشين بيافا و حيفا و بيرحوا كازينوهات و مطاعم و مراقص و على البحر و كلشي.... ما فارق معهم لا Jude و لا Hebron و لا كل هل لوصة العبرية التوراتية. بدهم دولة "عبرية" و مامنة على حدودها. بس طبعا هدول بينقسموا لقسمين, قسم معتدل, و قسم صهيوني (بس أبدا غير ديني)
و "اليهود" المتعصبين الأرثوذكس... غالبا مهتمين جدا بالأرض و المدن و التوراة و هل أشياء... بس بيعارضوا السياسة الإسرائيلية. أصلا بيكرهوا الحركة الصهيونية. لانو الحركة الصهيونية استغلت اليهود و مصاري الحاخامات من شرق أوروبا لقيام إسرائيل... قاموا عملوا اسرائيل علمانية و خوزقوهم للحاخامات :wink:
شوف حتى لو كان اسرائيل فعلا عم يحركها الدين اليهودي و التوراة بشكل مباشر... بيضلوا أذكياء و عرفانين كيف يشتغلوا و مو متل العرب الحمير عم يدبحوا شخص بريء على التلفزيون و يصرخوا الله أكبر الله أكبر!!!
عاشق من فلسطين
05/04/2005, 12:30
الفلسطيني مخنوق من حماس متل مانو مخنوق من اسرائيل. و لا و الله شوي تانية بتحس حماس على ألعن و أثرها أكبر. لانو إسرائل معروفة إنها المعتدية... بينما لما "المقاومة الفلسطينية" عم تتحول لأساليب عنف و سيطرة و قمع, كيف منقدر نحكي على إسرائيل؟؟
ملاحظين أنكون عم تناقشو الموضوع وكأنو طرفي النزاع كلاهما أصحاب حق .. وأنو النزاع المفروض يكون شريف .. بس الفلسطينيين هنن اللي عم يخرجو عن قوانين النزاع الشريف .. حبيبي هدول عالم أصحاب حق .. وعم يدافعوا عن حقهون بكل قوى وبشتى الوسائل .. يعني مفكر أنو الشعب الفلسطيني ( وهون ما بقصد لا فتح ولا حماس ولا الحكومة .. ولا حدا من هالشكة) فاضي ليلاحق قادة حركة حماس أو فتح ويشوف اذا هيي خاينة ولا عبء عليه .. ولا فاضي يلاحق أبو مازن ويشوفو اذا خاين لما لا .. هنن عالم عايشين بين الحجر والخيمة وبيسمعوا أنو قامت حركة فتح بعملية كذا وقامت حركة حماس بالتفجير كذا .. وقامت كتائب عز الدين القسام بالعملية الانتحارية كذا .. وهنن بنبسطوا بالحكي .. وما بيعرفو الحقائق .. لأنو ما عندهون وقت ليعرفو الحقائق .. لأنو في أرض عم تروح والنوم أو ادارة الظهر لدقيقة واحدة قد تؤدي الى انتزاع قطعة أرض .. لك نحنا مشكلتنا العرب دائما" هيك .. حبيبي الفص على المرتكي هين .. وأنا حابب قول للجميع أنو قبل ما تقعدو تقييموا اذا حماس بيضر ولا بيفيد الشعب الفلسطيني (اللي مو فاضي لملاحقة سياسة الحركات والحكومات) شوفو حكومتنا شو عم تعمل فينا وانتقدوها وحطموا كراسيها .. لك نحنا شعبنا ما عندو لا حرب ولا حالة صراع دائمة ولا أرض رايح نصها .. ومانو عم يشوف أنو حكومتو خاينة وعميلة .. بقى بدك من الشعب الفلسطيني اللي مو عرفان من وين الكف عم يجيه بس كل شي بيعرفو أنو في أرض لازم ترجع .. بدك منو يقعد يلاحق الحكومة والحركات .. والله مو منطقي هالحكي ..
مانا عم نرفض الانتفاضة او المقاومة المسلحة... ابدا هيي ضرورية بكتير من الأحيان.. بس متل ما ذكر الأخ ياس... تحول الصراع من بين الشعب الفلسطيني المظلوم و الجندي و الدبابة الإسرائيلي... لصراع اسلامي-ضد كلشي حي على وجه الأرض!!!
تعددت الأسباب والموت واحد يعني أنا كنت بتمنى أنو ما يتحول الصراع لصراع اسلامي صهيوني .. بس اذا كان الصراع صار هيك ومشي حالو فأنا معو .. يعني شايف صرنا نحكي متل أمريكا .. أنو هدول ارهابيين وهم يعذبوا ويأرهبو الشعب الفلسطيني .. لك مو ارهاب وحشية حقد وأخونجية اذا بدك ... بدك تقلي أنو قصدي أنو الغاية تبرر الوسيلة .. رح قلك أنا مو مع تطبيق هالمبدأ دائما" وعلى جميع الأمور .. بس لما يكون الأمر فيه وطن .. فالغاية تبرر كل شي .. وبتمنى ما تقلي أنو على حكيي رح يكون من حق الصهاينة يعملو اللي بدهون اياه .. لأنو هون بتكون رجعت لاعتبار أنو الصراع هوي بين اثنين أصحاب حق .. ولازم يكون شريف .. بس الفلسطينيين هنن اللي بدأو اللاشرفية بالصراع .. الصراع أساسو مانو شريف لأنو في ظالم وفي مظلوم .. ويحق للمظلوم في حال عدم وجود قوة قضائية أو حكومية أو سماوية .. لك أو شيطانية .. تعيد له حقه أن يأخذه بأي طريقة ..
لا تواخذونا شباب .. :D :D :D
minime1967
05/04/2005, 13:12
بشرفي الموضوع ما بيتناقش ... ولا بعمري توقعت شوف هيك مناقشة .... أنا ملحد بس روحي وعيوني فدا حماس والجهاد وحزب الله ....
الفلسطيني مخنوق من حماس متل مانو مخنوق من اسرائيل. و لا و الله شوي تانية بتحس حماس على ألعن و أثرها أكبر. لانو إسرائل معروفة إنها المعتدية... بينما لما "المقاومة الفلسطينية" عم تتحول لأساليب عنف و سيطرة و قمع, كيف منقدر نحكي على إسرائيل؟؟
ممكن اخ جوي تشرحلي كيف
شباب انتو فهمانين شو يعني انو الإنسان العربي او الغربي يلي عم يدافع على القضية الفلسطينية برا هون بأميركا و بأوروبا صار ما بقى يحكي بشي مفيد و مشاكل حقيقية بسبب الهجمات الانتحارية. كنا منحكي عن هدم البيوت ... صارت مداهمة هلأ لمصانع متفجرات و بيوت "إرهابيين". بعمرها ما كانت اسرائيل او حدا بيحلم انو يطلق على المقاوم الفلسطيني اسم "ارهابي". بس بفضل حماس صار ممكن
على قولتك هلاء نحن اذا بدنا ناخد حقا صرنا ارهابين يعني الزلمة الي عم يروح يفجر حالوا مشان ارضوا الله لايردو ارهابي هادا
اما شارون الي قتل الناس بصبرا وشاتيلا وقانا وجنين وكل يوم عم يقتل البشر مانوا ارهابي هاد اخد نوبل للسلام حبيبي العالم كلو غلط من لما عطو شارون لقب رجل سلام لازم تعرف انو كل العالم غلط ونحنا الصح واذا العالم بدوا ياخد عنا نظرة غلط لصرمايتي وعفوا على هالكلمة يا خدها مو مشكلة
لك ما فينا نحكي عن الجدار العازل... ما فينا نحكي عن الحواجز و التفتيش... كلشي بتقوله بيقولولك الانتحاريين... و المشكلة انها حجة ناجحة و ما فيك تحكي شي..
حبيبي العمليات الاستشهادية الي انت بتسميها انتحارية ما هي الا رد على الي عم يعملوا الاسرائيلين لانو على طول هني بخلقوا الاسباب لهيك عمليات وكمان ما بتقدر تحكي هيك حكي لانو اسرائيل بتضل دولة محتلة وشو ما عملوا الفلسطينين ما بينلاموا
يعني راح اعطيك مثال وادخل بموضوع تاني للقارنة بس
انت بدك من الفلسطينين انو بنسوا المراحل الماضية من الدمار الاسرائيلي والصفحات السوادء الاسرائيلية (مع الاشارة انو ما في ولا صفحة بيضا لاسرائيل)
لازم المعارضة السورية تنسى الاسى الي عانيتوا من السلطة
وانا قلتلك بدي اطلع عن الموضوع بسبيل المثال
والك تحياتي
:D :D :D
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
ممكن اخ جوي تشرحلي كيف
أنا ما بيمشي الحال :wink: :wink:
على قولتك هلاء نحن اذا بدنا ناخد حقا صرنا ارهابين يعني الزلمة الي عم يروح يفجر حالوا مشان ارضوا الله لايردو ارهابي هادا
اما شارون الي قتل الناس بصبرا وشاتيلا وقانا وجنين وكل يوم عم يقتل البشر مانوا ارهابي هاد اخد نوبل للسلام حبيبي العالم كلو غلط من لما عطو شارون لقب رجل سلام لازم تعرف انو كل العالم غلط ونحنا الصح واذا العالم بدوا ياخد عنا نظرة غلط لصرمايتي وعفوا على هالكلمة يا خدها مو مشكلة
مين قال هالحكي...يا شيخ أنا ما عم أحكم على حسن نية الفلسطيني اللي عم يفجر حالو....سؤال بسيط...ليش قادة حماس ما بيبعتو ولادون متل ما عمل حسن نصر الله...
التطرف بالحوارلا يجوز ياصاحبي...عدم موافقتي لأساليب حماس لا يعني أنو أنا أدعم شارون...أساسا أنا الشخص الوحيد اللي متأكد من قدرتي على قتلو بدون ما يرمشلي جفن هوي شارون.... يعني لا يروح فكرك لبعيد....
راح أحاول اشرحلك موقفي من حماس:
حماس أول شي تنطلق من مبدأ أنو اذا مانك معي انت مع اسرائيل , قيادة حماس مناورة سياسية من الدرجة اولى...و للا أشرحلي ليش قاطعت الانتخابات الرئاسية؟؟!!!!
حماس متشددة دينيا جدا...و لهالسبب أحيانا كثيرة تفتح جبهات غبية مع رفاقها بالسلاح ( البرغوثي مثلا) ...
و حتى لو قبلنا مفهوم المقاومة الاسلامية....قارنلي بينك و بين حالك حماس و حزب الله, ما عم بحكي عن القدرة العسكرية و الدعم الخارجي...أنما أسلوب المقاومة و المنهج و الثوابت ( مثلا العمليات ضد المدنيين...حزب الله بعمرو ما عملها...)
العمليات ضد المدنيين من أكبر أخطاء حماس....بأمكانك تأذي اسرائيل أكتر بكتير و بنفس الموارد....لسببين :
1- والأهم....ما تخسر عطف و دعم المجتمع الدولي....في كتير دول مو معتبرة حزب الله كمنظمة ارهابية..بينما مافي دولة مو مدرجة حماس....حتى سوريا بشكل غير مباشر ( حماس تابعة لمنظمة الأخوان المسلمين) .
2- لما عملياتك ضد العسكريين...الشب الاسرائيلي راح يخاف يروح ع الجيش...و راح تعمل شرخ اجتماعي كبير بالمجتمع الاسرائيلي ( كتير جنود رفضو يروحو ع جنوب لبنان لأنو كانو مرعوبين) بينما لما عملياتك ضد مدنيين راح توحد صف المجتمع ضدك...و هالشي بينت نتائجو من زمان....الاسرائيليين ترجو حكومتهون تنسحب من جنوب لبنان....شو وضع غزة؟؟؟
انت بدك من الفلسطينين انو بنسوا المراحل الماضية من الدمار الاسرائيلي والصفحات السوادء الاسرائيلية (مع الاشارة انو ما في ولا صفحة بيضا لاسرائيل)
لازم المعارضة السورية تنسى الاسى الي عانيتوا من السلطة
وانا قلتلك بدي اطلع عن الموضوع بسبيل المثال
والك تحياتي
طبعا ما بدنا حدا ينسى شي....شارون مجرم و مناي أنو يتحاكم بيوم من الأيام....بس الغباء السياسي لحماس عم بتبررلو تصرفاتو قدام المجتمع الدولي
بتمنى أنو تكون الفكرة وصلتك
تحياتي :D :D :D
العمليات ضد المدنيين من أكبر أخطاء حماس....
طيب والعمليات الاسرائيلية ضد المدنين الفلسطينين كيف لازم ينرد عليها
:D :D :D :D :D
:gem: :gem: :gem: :gem: :gem: :gem: :gem: :gem: :gem: :gem: :gem:
العمليات ضد المدنيين من أكبر أخطاء حماس....
طيب والعمليات الاسرائيلية ضد المدنين الفلسطينين كيف لازم ينرد عليها
:D :D :D :D :D
:gem: :gem: :gem: :gem: :gem: :gem: :gem: :gem: :gem: :gem: :gem:
كيف كان يرد حزب الله؟؟؟
minime1967
05/04/2005, 14:30
العمليات ضد المدنيين من أكبر أخطاء حماس....
طيب والعمليات الاسرائيلية ضد المدنين الفلسطينين كيف لازم ينرد عليها
:D :D :D :D :D
:gem: :gem: :gem: :gem: :gem: :gem: :gem: :gem: :gem: :gem: :gem:
كيف كان يرد حزب الله؟؟؟
كان حزب الله يقصف المستعمرات الشمالية ... بس والله ماكان يقويها كتير .. بس يعني أنو اذا بدنا منلعن سلافكم... بس ياحبيبي مع احترامي لكل الناس ... حزب الله غير شكل ... يعني أنا زلمة بعبد العلم .. وهدول جماعة حزب الله علماء بكل شي .. أقصد يعني أنو كلون اكاديميين ... وبصراحة أنا بظن أنو كون الأيرانيين اللي علموهم واللي درسوهم واللي أعطوهم البداية , هو الشي اللي خلا حزب الله غير باقي الحركات العربية ... يعني ممكن أنا كون غلطان بس النتائج هيك تقريبا .. نفس الشيعة بنفس لبنان كان صرلون مئات الشنين ورا قيادات مؤمنة وذات نية صادقة , بس أنا برأيي أنو مابيكفي وما كفى أصلا ... وكل شي تغير من وقت ما راح االألاف منهون لأيران تعلمو ورجعو ...
يعني بصراحة وبيناتنا الحكي .. أنا شفت منون كتير .. ياعمي شي بيرفع الراس .. يعني أنا شغلتي وعملتي اتصالات وانترنت ... قابلت ناس من تبع الاتصالات بحزب الله..واللي هو خريج كلية اتصالات طهران, والله متل خريجين أوربا .. وقيس على هيك ...
و حتى أنو بشار الأسد جاب أكتر من هيك
جاب99,998 %
تاكد من معلومات ما كانت النسبة هيك كانت 94%
مو 99%
:evil: :evil:
:jakoush: :jakoush: :jakoush:
:aah: :aah: :aah: :aah: :aah:
:gem: :gem: :gem: :gem: :gem: :gem: :gem: :gem: :gem: :gem: :gem: :gem:
حبيبي عمين عم بتضحك
روح إنتا ظبت معلوماتك لأنو معلومات حضرتك هيي الغلط
شباب العمليات عالمدنين غلط شو ما كان مصدرها :jakoush: :jakoush:
انا ما عم اضحك على حدا بس ما كانت 99% وهادة شي متاكد منو
شباب العمليات عالمدنين غلط شو ما كان مصدرها
انا معك بس لما بيكون في عمليات ضد المدنين من طرف لازم الطرف التاني ير د
مع تحياتي
:D :D
:gem: :gem: :gem: :gem: :gem: :gem: :gem: :gem: :gem: :gem: :gem:
انا ما عم اضحك على حدا بس ما كانت 99% وهادة شي متاكد منو
شباب العمليات عالمدنين غلط شو ما كان مصدرها
انا معك بس لما بيكون في عمليات ضد المدنين من طرف لازم الطرف التاني ير د
مع تحياتي
:D :D
:gem: :gem: :gem: :gem: :gem: :gem: :gem: :gem: :gem: :gem: :gem:
و أنا متأكد أنو بشار الأسد ما جاب 99%
بشار جاب 99,998 % :o
و ما بصير ولا طرف يقتل مدنيين لأنو هدول ما إلون علاقة
و ما بصير ولا طرف يقتل مدنيين لأنو هدول ما إلون علاقة
انا معك بس انت عم تتهرب من الجواب انا مو مع قتل المدنين بس اذا طرف بلش بقتل المدنين مو من الحق الطرف التاني يرد
8) 8) 8)
بعدين انا ام بيهمني قد ما طلعت النتيجة انشالله تكون 10000000000000%وانشالله تكون 0% مو شي كتير مهم بالنسبة الي
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
و ما بصير ولا طرف يقتل مدنيين لأنو هدول ما إلون علاقة
انا معك بس انت عم تتهرب من الجواب انا مو مع قتل المدنين بس اذا طرف بلش بقتل المدنين مو من الحق الطرف التاني يرد
8) 8) 8)
بعدين انا ام بيهمني قد ما طلعت النتيجة انشالله تكون 10000000000000%وانشالله تكون 0% مو شي كتير مهم بالنسبة الي
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
سيديإذا الحكومي الإسرائيليي قتلت مدنيين فلسطينيين شو ذنب الشعب الإسرائيلي يلي فيو معارضين لهل حكومي
سيديإذا الحكومي الإسرائيليي قتلت مدنيين فلسطينيين شو ذنب الشعب الإسرائيلي يلي فيو معارضين لهل حكومي
وشو ذنب الشعب الفلسطيني الي معاض للعمليات تبع حماس
بس حط باعتبارك انو اسرائيل دولة محتلة وكل واحد باسرائيل عايش يعني انو هو محتل ارضي وعرضي وكرامتي
:gem: :gem: :gem: :gem: :gem: :gem: :gem: :gem: :gem: :gem:
سيديإذا الحكومي الإسرائيليي قتلت مدنيين فلسطينيين شو ذنب الشعب الإسرائيلي يلي فيو معارضين لهل حكومي
وشو ذنب الشعب الفلسطيني الي معاض للعمليات تبع حماس
بس حط باعتبارك انو اسرائيل دولة محتلة وكل واحد باسرائيل عايش يعني انو هو محتل ارضي وعرضي وكرامتي
:gem: :gem: :gem: :gem: :gem: :gem: :gem: :gem: :gem: :gem:
طب أنا معك
أنا ضد قتل المدنيين من الطرفين
و بعدين ما كل واحد بإسرائيل محتل في يهود ولدوا هونيك و منون أطفال
طب هدول شو ذنبون
شو زنبوا محمد الدرة وايمان حجو وغيرهون الوف والوف
اما الفلسطينين ولاد ولاد البطة السودا وهدنك ولا البطة البيضا وانا كمان مو مع قتل المدنين من الطرفين
بس برجع بقلك كل واحد باسرائيل عايش يعني هو محتل وانا كتير بشوف اطفال وشيوخ ونساءمن فلسطين عم يموتوا او يستشهدوا بس ماعم شوف باسرائيل اطفال عم يموتوا
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
minime1967
05/04/2005, 21:47
أولا مافي حدا مدني بأسرائيل .. وأنا بنصح الشباب اللي مفكرين أنو في مدنيين باسرائيل , يروحو يعملو محو أمية سياسية أو يشترو كتاب مانزل عالسوق اسمو "تعلم الساسة مع معلم" .
تانيا : وزير السياحة الأسرائيلي :رحبعام زئيفي الله يغمقلو , بعمرو ما مشي بلا بارودة .. وهدا شو , وزير السياحة مو رئيس فرع مخابرات المنطقة.
تالتا : في حالة الحرب : كل العالم بتنشحط عالجيش .
رابعا : كل سنة بينشحط كل العالم دورة احتياط لمدة شي شهر ..
خامسا : الألزامية عندون أربع سنوات ونصف.. وفي ألزامية للبنات ..
ياعمي اللي بدو يحكي عموضوع حساس متل اسرائيل ,, بالله يحترم مشاعر العالم اللي كلون أنذو من اسرائيل ... واللي بدو يحكي عاليهود.. لايسميهم اسرائيل لأنو بظن في منن مناح.
أولا مافي حدا مدني بأسرائيل .. وأنا بنصح الشباب اللي مفكرين أنو في مدنيين باسرائيل , يروحو يعملو محو أمية سياسية أو يشترو كتاب مانزل عالسوق اسمو "تعلم الساسة مع معلم"
الله يديمك على راسنا....طلعنا جهلة و أميين و نحنا ما ندري
يحترم مشاعر العالم اللي كلون أنذو من اسرائيل ...
اذا عم بيطلع معكون أنكون تسموا الفلسطينيين نفسهم " خونة" لأنهم باعو القضية لأنهم بدهون يوقعو سلام,...شو لسا عم تطلب؟؟؟
واللي بدو يحكي عاليهود.. لايسميهم اسرائيل لأنو بظن في منن مناح.
لحد هلأ ما حدا حكى عن اليهود....الفرق واضح بين اليهودية كديانة و الصهيونية كتوجه سياسي
minime1967
06/04/2005, 10:45
أولا مافي حدا مدني بأسرائيل .. وأنا بنصح الشباب اللي مفكرين أنو في مدنيين باسرائيل , يروحو يعملو محو أمية سياسية أو يشترو كتاب مانزل عالسوق اسمو "تعلم الساسة مع معلم"
الله يديمك على راسنا....طلعنا جهلة و أميين و نحنا ما ندري
ليش شو ماحكيت أنا بينفهم خطأ ؟؟ أنا ماقصدي أتهجم عليك يا Yass
ليش ما بتعطي رأيك بالمعلومة أو بالرأي , بدل ماعطيت رأيك بالتهكم اللي ماكان معي حق فيه ؟ أنا غلطت وبعتذر , كنت بتمنى أنو نترفع عن الغوص بالتفاصيل Devils in Details.....
يحترم مشاعر العالم اللي كلون أنذو من اسرائيل ...
اذا عم بيطلع معكون أنكون تسموا الفلسطينيين نفسهم " خونة" لأنهم باعو القضية لأنهم بدهون يوقعو سلام,...شو لسا عم تطلب؟؟؟
أولا الخونة والخيانة موجودة وين مانكان .. وأحيانا نحنا مامنعرف مين الخاين, أو حتى منختلف عن واحد اذا خاين أو لا .. يعني أنا كنت متأكد أنو ياسر عرفات خان القضية بأوسلو ... بس بعدين النتائج أكدت غير هيك .. وممكن كمان أنو الأمور طلعت من أيدو بعدين فركب الموجة ... كل هاد ممكن يكون صح وممكن غلط... بس الكلام والأخد والعطى بهيك أمور مع ناس سوية ثقافتهم وتعليهم ووطنيتهم وبعد نظرهم بتفيدني .. متل الناس اللي بالأخوية ..
واللي بدو يحكي عاليهود.. لايسميهم اسرائيل لأنو بظن في منن مناح.
لحد هلأ ما حدا حكى عن اليهود....الفرق واضح بين اليهودية كديانة و الصهيونية كتوجه سياسي
أنا قصدي أنو الشي الممكن يكون منيح , احتمال يكون قصد الشباب اليهودية اللي المفروض نحترمها من ناحية انسانية ديموقراطية وللي بدو اسلامية ...يعني أنا لاحظت خلط عند العالم بين اليهودية واسرائيل ...
أنا بعتقد أنو العرب الوحيدين اللي فهمو اسرائيل هنين اللبنانيين ... لسببين:
الأول :الديموقراطية والحرية بلبنان اللي عمرها بعمر لبنان.
تانيا : الديموقراطية والحرية بلبنان اللي عمرها بعمر لبنان. :lol:
اسرائيل عصابة بامتياز ... يعني مصاري وحشيش وغسيل عملة ونشر غسيل وسخ ............
اسرائيل مو دولة وبعمرها مابتصير دولة ..
اسرائيل هي الأسم الأمريكي المفروض علالعالم لعصابة الكاهانا وغيرها.
مواجهة اسرائيل ,اذا لسى حدا بدو يواجه, تتطلب تحويل الجيوش العربية , اللي بدها , لعصابات عقائدية اشبه بحزب الله.
هدا رأيي بكل تواضع ... وبتمنى أسمع أراء الجميع .. ياريت كنا شي مية واحد بهالمنتدى ....
شو زنبوا محمد الدرة وايمان حجو وغيرهون الوف والوف
اما الفلسطينين ولاد ولاد البطة السودا وهدنك ولا البطة البيضا وانا كمان مو مع قتل المدنين من الطرفين
بس برجع بقلك كل واحد باسرائيل عايش يعني هو محتل وانا كتير بشوف اطفال وشيوخ ونساءمن فلسطين عم يموتوا او يستشهدوا بس ماعم شوف باسرائيل اطفال عم يموتوا
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
لك يا حبيبي أنا ضد قتل الأطفال مين ما كانوا يكونوا عرب أو يهود
minime1967
06/04/2005, 13:15
شو زنبوا محمد الدرة وايمان حجو وغيرهون الوف والوف
اما الفلسطينين ولاد ولاد البطة السودا وهدنك ولا البطة البيضا وانا كمان مو مع قتل المدنين من الطرفين
بس برجع بقلك كل واحد باسرائيل عايش يعني هو محتل وانا كتير بشوف اطفال وشيوخ ونساءمن فلسطين عم يموتوا او يستشهدوا بس ماعم شوف باسرائيل اطفال عم يموتوا
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
لك يا حبيبي أنا ضد قتل الأطفال مين ما كانوا يكونوا عرب أو يهود
معك حق برأيي ..
عاشق من فلسطين
06/04/2005, 13:51
اذا عم بيطلع معكون أنكون تسموا الفلسطينيين نفسهم " خونة" لأنهم باعو القضية لأنهم بدهون يوقعو سلام,...شو لسا عم تطلب؟؟؟
بس يوقف الحجر .. وماعاد تشوف حدا حامل حجر .. ساعتها رح قول أنو يبدون سلام .. بس اللي بدو يعمل سلام من الشعب الفلسطيني .. هنن الفلسطينيين .. اللي أرضهون مو محتلة لسا .. أو عرب ال 48 لأنو الزمن والجهود العربية خلوهن ينصهرو مع اليهود .. أو الفلسطينيين اللي عم يدرسو برا وعين الله عليهون بس مو عم يرضوا يعطوهن جنسية لأنون في حالة غير مستقرة وفي حالة حرب .. بقى بدهون سلام لحتى السفارات الأجنبية ترضى عنوهون وتعطيهون هالجنسية... وطبعا" انا ماني عم عمم بالحالات اللي ذكرتها ... لأنو لسا في عالم بكل الحالات من الشعب الفلسطيني .. عم يحاربو بالقلم أو بالحجر .. يعني أنا برأيي أنو اللي مع السلام من الشعب الفلسطيني .. هوي متل اللي مع الحكومة السورية من الشعب السوري .. يا أما مستفيد (وصولي) .. يا أما ما عندو بعد نظر ومو شايف الحقيقة ..
لحد هلأ ما حدا حكى عن اليهود....الفرق واضح بين اليهودية كديانة و الصهيونية كتوجه سياسي
:D :D :D
لك يا حبيبي أنا ضد قتل الأطفال مين ما كانوا يكونوا عرب أو يهود
الي بيسمعك بقول انو انا عم قللك انو انا مع قتل الاطفال اليهود
حبيبي انا موقفي واضح انا مو مع قتل المدنين ولا الاطفال
بس انا ما شفت الفلسطينين عم يقتلوا اطفال
ما شفت الا الاسرائيلين عم يقتلو الاطفال
وبرجع بقلك اسرائيل دولة محتلة بلد
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
minime1967
06/04/2005, 14:09
لك يا حبيبي أنا ضد قتل الأطفال مين ما كانوا يكونوا عرب أو يهود
الي بيسمعك بقول انو انا عم قللك انو انا مع قتل الاطفال اليهود
حبيبي انا موقفي واضح انا مو مع قتل المدنين ولا الاطفال
بس انا ما شفت الفلسطينين عم يقتلوا اطفال
ما شفت الا الاسرائيلين عم يقتلو الاطفال
وبرجع بقلك اسرائيل دولة محتلة بلد
:gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem: :gem:
معك مليون حق .. بس اسرائيل عصابة مو دولة ...
الفلسطينيين اللي عم يدرسو برا وعين الله عليهون بس مو عم يرضوا يعطوهن جنسية لأنون في حالة غير مستقرة وفي حالة حرب ..
شو هالحكي يا شيخ؟؟؟!!!!! أساسا هلأ عم بياخدو لجوء سياسي...و اذا تخلص الحرب راح تبلش مشاكلهون....مو مشاكل أوراق..
أنا متأكد مية بالمية أنو الكل بدو سلام, مو استسلام....لك اشرحلي بهالحالة الراهنة شو الحل, شو آخرتها يعني....يعني ممكن نظل على هالحالة مية سنة كمان, و خود على أموات....
لك يا جماعة لا تفهموني غلط....أنا مناي أشوف دولة فلسطين اللي عاصمتها القدس و أنو تل أبيب يرجع أسمها أم الربيع....أنو اسرائيل تختفي و الى آخر هالحكي....بس كلنا بنعرف أنو هالحكي غير ممكن , لا نظريا و لا عمليا....
لاحظ الفرق بين الانتفاضة الأولى و الانتفاضة الثانية....الانتفاضة الأولى كان ثمنها السياسي كبير جدا...لو سوريا صفت مع عرفات بهديك الأيام كان هلأ عم نحكي عن دولة فلسطينية ذات سيادة...بس للأسف هالحكي كلو راح ادراج الريح....نتيجة سوء العلاقة بين منظمة التحرير و سوريا بشكل عام , و العداء الشخصي بين عرفات و الأسد من جهة ثانية...صار في رفض عربي لأتفاقية أوسلو....هالشي دمر الفلسطينيين تماما...
الأسلوب الحالي للمقاومة الفلسطينية خاطئ تماما....مو بس هيك, انما جريمة بحق الشعب الفلسطيني...
المطلوب الآن هوي توحيد الصف الفلسطيني بوجه اسرائيل...بالحرب أو السلام, و حماس عقبة كبيرة بهالمجال....
على سيرة عرب الـ48....أجدع ناس ... أنا انصدمت جدا لما بديت اعاشرهم....عروبية شي مو طبيعي...خصوصا عرب الجليل .
و هدول الناس حرام ما يندعمو ... أصلا منبوذين من قبل باقي العرب... يعني تصور بس الأردن تعطيهم وثيقة مشان الحج...غير هيك ما بيشوفو من العرب, مو حرام؟؟؟
عاشق من فلسطين
06/04/2005, 14:45
لاحظ الفرق بين الانتفاضة الأولى و الانتفاضة الثانية....الانتفاضة الأولى كان ثمنها السياسي كبير جدا...لو سوريا صفت مع عرفات بهديك الأيام كان هلأ عم نحكي عن دولة فلسطينية ذات سيادة...بس للأسف هالحكي كلو راح ادراج الريح....نتيجة سوء العلاقة بين منظمة التحرير و سوريا بشكل عام , و العداء الشخصي بين عرفات و الأسد من جهة ثانية...صار في رفض عربي لأتفاقية أوسلو....هالشي دمر الفلسطينيين تماما...
معك انا بهالشي .. بس سبب انخفاض وتيرة الانتفاضة هوي عدم الدعم المعنوي العربي لها .. يعني أنا مع استمرار حالة الصراع الموجودة بفلسطين .. .. لأنو فلسطين هيي العقبة الوحيدة حاليا" الموقفة في وجه خارطة الطريق .. وهي الأهم بالنسبة للصهاينة .. واذا صار سلام رح تطير كل فلسطين .. وانا زعلان على العالم اللي عم يموتو كل يوم .. بس بحالة الحرب عم يموتو بشرف ودفاعا" عن أرضهون .. أما بس يصير سلام رح يموتو بابادة جماعية .. أنا معك أنو فلسطين ماراح ترجع لا عمليا" ولا نظريا" على المدى القريب .. بس كمان فلسطين ماراح تروح .. على المدى القريب والبعيد ونظريا" وعمليا" .. يعني طول ما في حجارة بالأرض فلسطين ماراح ترجع .. رح تقلي أني رومنسي كتير .. رح قلك انو نحنا العرب رومنسيين باالأمور اللي بدها عقلانية .. وعقلانيين بالأمور اللي بدها رومنسية .. وقضية متل فلسطين ما في شي بحلها غير الرومنسية .. وأي موضوع فيه أرض ووطن .. ما بينحل غير برومنسية
نحنا وقت كان الموضوع بدو عقلانية بال 48 تعاملنا معو برومنسية ورفضنا مبدأ خذ وطالب .. وهلا بعد ما خرج الموضوع عن الواقعية وصار بدو رومنسية .. صرنا واقعيين ومنطقيين .. دائما" في عكس التيار ..
وبالنسبة لعرب ال 48 بعرف أنون كدعان وأنا ما عممت اذا بتلاحظ بكلامي .. وأنا عندي تنين من اصدقائي المقربين في مجال الشعر من عرب ال 48 .. شي دمعة .. بس ترجع على سوريا بدي عرفك عليهون ..
أحلى أبو مارل .. :D :D :D
minime1967
06/04/2005, 14:49
[quote]
لاحظ الفرق بين الانتفاضة الأولى و الانتفاضة الثانية....الانتفاضة الأولى كان ثمنها السياسي كبير جدا...لو سوريا صفت مع عرفات بهديك الأيام كان هلأ عم نحكي عن دولة فلسطينية ذات سيادة...بس للأسف هالحكي كلو راح ادراج الريح....نتيجة سوء العلاقة بين منظمة التحرير و سوريا بشكل عام , و العداء الشخصي بين عرفات و الأسد من جهة ثانية...صار في رفض عربي لأتفاقية أوسلو....هالشي دمر الفلسطينيين تماما...
معك انا بهالشي .. بس سبب انخفاض وتيرة الانتفاضة هوي عدم الدعم المعنوي العربي لها .. يعني أنا مع استمرار حالة الصراع الموجودة بفلسطين .. .. لأنو فلسطين هيي العقبة الوحيدة حاليا" الموقفة في وجه خارطة الطريق .. وهي الأهم بالنسبة للصهاينة .. واذا صار سلام رح تطير كل فلسطين .. وانا زعلان على العالم اللي عم يموتو كل يوم .. بس بحالة الحرب عم يموتو بشرف ودفاعا" عن أرضهون .. أما بس يصير سلام رح يموتو بابادة جماعية .. أنا معك أنو فلسطين ماراح ترجع لا عمليا" ولا نظريا" على المدى القريب .. بس كمان فلسطين ماراح تروح .. على المدى القريب والبعيد ونظريا" وعمليا" .. يعني طول ما في حجارة بالأرض فلسطين ماراح ترجع .. رح تقلي أني رومنسي كتير .. رح قلك انو نحنا العرب رومنسيين باالأمور اللي بدها عقلانية .. وعقلانيين بالأمور اللي بدها رومنسية .. وقضية متل فلسطين ما في شي بحلها غير الرومنسية .. وأي موضوع فيه أرض ووطن .. ما بينحل غير برومنسية
نحنا وقت كان الموضوع بدو عقلانية بال 48 تعاملنا معو برومنسية ورفضنا مبدأ خذ وطالب .. وهلا بعد ما خرج الموضوع عن الواقعية وصار بدو رومنسية .. صرنا واقعيين ومنطقيين .. دائما" في عكس التيار ..
وبالنسبة لعرب ال 48 بعرف أنون كدعان وأنا ما عممت اذا بتلاحظ بكلامي .. وأنا عندي تنين من اصدقائي المقربين في مجال الشعر من عرب ال 48 .. شي دمعة .. بس ترجع على سوريا بدي عرفك عليهون ..
أحلى أبو مارل .. :D :D :D[/quote
يا زلمة شو بدك ترجعو لسورية ؟ تركو ...والله بأسبانيا بيخدم الوطن أكتر .. خليي هنيك يتعلم أكتر و أكتر ...والله أفيد للوطن ولألو ....يا ريتنا محلو .أو معو ..
عاشق من فلسطين
06/04/2005, 15:05
يا زلمة شو بدك ترجعو لسورية ؟ تركو ...والله بأسبانيا بيخدم الوطن أكتر .. خليي هنيك يتعلم أكتر و أكتر ...والله أفيد للوطن ولألو ....يا ريتنا محلو .أو معو ..
ممكن .. بس انا بدي شوفو .. مشان بوسو من بين عيونو .. لأنو مغترب ومعو جنسية .. ومع ذلك لسا متذكر تراب وطنو وريحة حبايبو .. يعني صارو قلال اللي متلو ..
أبو مارل رجاع كم يوم .. بالسرقة نزيل .. منسكر سكرة الاوية .. ومنتدابح بالنقاش .. بعدين برجع معك .. :P :P
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة