الأم (قصة كتير قصيرة) [الأرشيـــــف]

عرض كامل الموضوع : الأم (قصة كتير قصيرة)

امرأة من ورق

30/06/2006, 05:33

عجوز حنون اتعبتها الدنيا

تداعب خصلات شعر طفلها ذو الأربعين ربيعا

ثم تقترب من أذنه وتهمس: "أنت أجمل خلق الله لأن لك عيوني وفمي ويدايي وقدماي"

COSTA

30/06/2006, 05:44

عجوز حنون اتعبتها الدنيا

تداعب خصلات شعر طفلها ذو الأربعين ربيعا

ثم تقترب من أذنه وتهمس: "أنت أجمل خلق الله لأن لك عيوني وفمي ويدايي وقدماي"

يلعن الدنيي ضروري تفتحيلنا جروحهتنا:(

:hart: بس كتير عاطفية و من نوع خاص:hart:

امرأة من ورق

30/06/2006, 05:49

يلعن الدنيي ضروري تفتحيلنا جروحهتنا:(

:hart: بس كتير عاطفية و من نوع خاص:hart:

اسفة :(

وشكرا عالمرور:D

mlatta1

30/06/2006, 06:14

أكرر........
عظمة على عظمة يا ست

امرأة من ورق

30/06/2006, 10:22

أكرر........
عظمة على عظمة يا ست

شكرا كتير :D

tiger

30/06/2006, 13:11

كمان اكرر....
امراة من ذهب.... شكرا

امرأة من ورق

30/06/2006, 14:06

كمان اكرر....
امراة من ذهب.... شكرا

شكرا الك :D

فيروزة

30/06/2006, 14:59

عجوز حنون اتعبتها الدنيا

تداعب خصلات شعر طفلها ذو الأربعين ربيعا

ثم تقترب من أذنه وتهمس: "أنت أجمل خلق الله لأن لك عيوني وفمي ويدايي وقدماي"
الله يحميلا ابنها

امرأة من ورق

30/06/2006, 15:07

الله يحميلا ابنها

آمين وشكرا عالمرور:D

butterfly

30/06/2006, 17:59

في نقطة لفتتلي نظري
أنو هالقصة فيا نوع من التلميح ... على أنو حتى حب الأم مو مجاني بالمطلق ... مدري انا هيك فهمتا
بس بالطبع حلوة :D

امرأة من ورق

30/06/2006, 18:08

في نقطة لفتتلي نظري
أنو هالقصة فيا نوع من التلميح ... على أنو حتى حب الأم مو مجاني بالمطلق ... مدري انا هيك فهمتا
بس بالطبع حلوة :D

ولك يقبشني اللي بيفهم عليي :king: :yahoo:

ومية وردة لعيونك :D :D :D :D

lolo2_3

30/06/2006, 18:25

هلاء هل الام بتحب ابنها بس لانه بيشبها:? انا هيك حسيت من القصة:shock:

شكرا الك على الموضوع:D

butterfly

30/06/2006, 18:27

ولك يقبشني اللي بيفهم عليي :king: :yahoo:

ومية وردة لعيونك :D :D :D :D

لك أحلى توأم بالدني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

امرأة من ورق

30/06/2006, 18:39

هلاء هل الام بتحب ابنها بس لانه بيشبها:? انا هيك حسيت من القصة:shock:

شكرا الك على الموضوع:D

شكرا الك عالمرور:D

هلأ حب الأم مانو بالكامل بس بسبب الشبه...... بس بالتأكيد (برأيي عالاقل ومن ملاحظاتي لكل الأمهات اللي شفتون بالدنيا) الشبه رح يقويه كتير وهون مو قصدي الشبه الجسدي وبس وانما بطريقة النظر للأمور (العين)...... طريقة التعبير عن النفس (التم) وطريقة السلوك (الايد) والطريق العام بالحياة اللي بيسلكو الابن (القدم)

هلأ اذا شفتو انو حب الام مشروط شغلة قوية كتير..... اعتبرو بالقليلة انو رضى الأم عن ابنها هوي رضى مشروط بالشبه اللي حكيت عنو :D

butterfly

30/06/2006, 18:43

شكرا الك عالمرور:D

هلأ حب الأم مانو بالكامل بس بسبب الشبه...... بس بالتأكيد (برأيي عالاقل ومن ملاحظاتي لكل الأمهات اللي شفتون بالدنيا) الشبه رح يقويه كتير وهون مو قصدي الشبه الجسدي وبس وانما بطريقة النظر للأمور (العين)...... طريقة التعبير عن النفس (التم) وطريقة السلوك (الايد) والطريق العام بالحياة اللي بيسلكو الابن (القدم)

هلأ اذا شفتو انو حب الام مشروط شغلة قوية كتير..... اعتبرو بالقليلة انو رضى الأم عن ابنها هوي رضى مشروط بالشبه اللي حكيتو عنو :D

لأ ما منكتفي بالرضى
عنا عقدة بتأليه أهالينا ....
انو اي حبون منقوص ... ومانو مجاني بالمطلق ...
وقت كنت ولد ( ولا زلت:o ) كنت أمن .. انو أمي يا ملاكي ؟؟ والحب المجاني ...
وقت كبرت أكتر .... عرفت انو في ولاد بتجي .. بلغلط ... في اهالي بتقتل ولادا ... في أهالي .. بتحب ولد أكتر من ولد ... في أهالي بتتملك اولادا
حب الأهل فيو كتير من الملكية ... وحب صورة الذات في الولد ... وهادا طبيعي إذا قدرنا نعترف أنو أهالينا بشر ... مان ملائكة أو الهة :D

امرأة من ورق

30/06/2006, 18:47

لأ ما منكتفي بالرضى
عنا عقدة بتأليه أهالينا ....
انو اي حبون منقوص ... ومانو مجاني بالمطلق ...
وقت كنت ولد ( ولا زلت:o ) كنت أمن .. انو أمي يا ملاكي ؟؟ والحب المجاني ...
وقت كبرت أكتر .... عرفت انو في ولاد بتجي .. بلغلط ... في اهالي بتقتل ولادا ... في أهالي .. بتحب ولد أكتر من ولد ... في أهالي بتتملك اولادا
حب الأهل فيو كتير من الملكية ... وحب صورة الذات في الولد ... وهادا طبيعي إذا قدرنا نعترف أنو أهالينا بشر ... مان ملائكة أو الهة :D

ضربتي عالوتر الحساس اللي كنت عم حالو اتهرب منو شوي وهوي التملك :cry:

ومرة تاني يقبشني توأمي اللي بيفهمني :D

tiger

30/06/2006, 19:08

عجوز حنون اتعبتها الدنيا

تداعب خصلات شعر طفلها ذو الأربعين ربيعا

ثم تقترب من أذنه وتهمس: "أنت أجمل خلق الله لأن لك عيوني وفمي ويدايي وقدماي"

والله انا مبين ماني معكم على طول الخط...
فوقت ام تداعب خصلات طفل في الاربعين ...
هذا يعني ان حب الام ابدي والهي ولا يخف بالتقادم ولا بكبر العمر ... فالابن يظل صغير في عين ابويه حتى لو وصل الستين من العمر...
وبالنسبة للحب المجاني فأنا مؤمن أنه موجود...
ووقت وصفت جماله المأخوذ منها اصلا اعتقد انها كانت ترى فيه شبابها وجمالها واستمرارية لحياتها التي اكلتها الشيخوخة....
على اي حال هذا رأيي وشكرا كمان مرة ..:D

امرأة من ورق

30/06/2006, 19:15

والله انا مبين ماني معكم على طول الخط...
فوقت ام تداعب خصلات طفل في الاربعين ...
هذا يعني ان حب الام ابدي والهي ولا يخف بالتقادم ولا بكبر العمر ... فالابن يظل صغير في عين ابويه حتى لو وصل الستين من العمر...
وبالنسبة للحب المجاني فأنا مؤمن أنه موجود...
ووقت وصفت جماله المأخوذ منها اصلا اعتقد انها كانت ترى فيه شبابها وجمالها واستمرارية لحياتها التي اكلتها الشيخوخة....
على اي حال هذا رأيي وشكرا كمان مرة ..:D

حكيك بالنهاية بيصب بنفس فكرتنا..... يعني الام بتضل تشوف ابنها طفل ولو بالاربعين لانها بتحس انو جزء منها يعني فيها تملك الو وفيها استصغار لشخصيتو ولاستقلاليتو ..... وكمان لما شافت فيه استمرارية لحياتها يعني انو هوي جزء منها مرة تانية وصورة عنها يعني كمان حرمتو الاستقلالية والفردية اللي يفترض انسان بالغ يكون بيتمتع فيها بالكامل..... وهي هيي الفكرة اللي عم بحكي عنها

وشكرا كتير :D

tiger

30/06/2006, 19:47

حكيك بالنهاية بيصب بنفس فكرتنا..... يعني الام بتضل تشوف ابنها طفل ولو بالاربعين لانها بتحس انو جزء منها يعني فيها تملك الو وفيها استصغار لشخصيتو ولاستقلاليتو ..... وكمان لما شافت فيه استمرارية لحياتها يعني انو هوي جزء منها مرة تانية وصورة عنها يعني كمان حرمتو الاستقلالية والفردية اللي يفترض انسان بالغ يكون بيتمتع فيها بالكامل..... وهي هيي الفكرة اللي عم بحكي عنها

وشكرا كتير :D

كمان مرة يا عزيزتي ماني معك!!!!
احساس الام انو ابنها جزء منها طبيعي ....
اي الله وكيلك عندي عصفور كناري معبي علي حياتي وفعلا بحس فيه انو جزء مني وهاي انا متأكد انو انا مو ابوه :p :p ...
فعلى القليلة عاش الولد بداخلها 9 اشهر ... فأكيد هذا الشعور بدو يكون قوي بس اكيد مو لحد التملك..
وبدي احكي من منطلق شخصي فعلاقتي بوالدتي(الله يخليلي ياها:hart: :hart: ) بيوم من الايام ما كان فيها تصغير او تسلط (ربما لانو انا نمرود شوي .. ما بعرف) بس المهم انو دائما لما ساوي شي منيح او انجح بأي مجال من حياتي ....
بيكفيني شوف عيونها وهي عم تلمع بحس كأنو ملكت الدنيا.....
لانو بعرف بهديك اللحظة شقد بتكون هي فخورة فيني....لأنو انا حققت شي ... وانا بشوف شعورها حب صافي بدون حدود وبدون ثمن ....
طبعا انا معك انو في اهالي في عندها حب التملك والتسلط والاستصغار لأولادها ولكن ياللي قصدته انو هاي مو قاعدة عامة(متل ما فهمت من تعليقاتكم من قبل)....وتحياتي:D

امرأة من ورق

30/06/2006, 20:00

كمان مرة يا عزيزتي ماني معك!!!!
احساس الام انو ابنها جزء منها طبيعي ....
اي الله وكيلك عندي عصفور كناري معبي علي حياتي وفعلا بحس فيه انو جزء مني وهاي انا متأكد انو انا مو ابوه :p :p ...
فعلى القليلة عاش الولد بداخلها 9 اشهر ... فأكيد هذا الشعور بدو يكون قوي بس اكيد مو لحد التملك..
وبدي احكي من منطلق شخصي فعلاقتي بوالدتي(الله يخليلي ياها:hart: :hart: ) بيوم من الايام ما كان فيها تصغير او تسلط (ربما لانو انا نمرود شوي .. ما بعرف) بس المهم انو دائما لما ساوي شي منيح او انجح بأي مجال من حياتي ....
بيكفيني شوف عيونها وهي عم تلمع بحس كأنو ملكت الدنيا.....
لانو بعرف بهديك اللحظة شقد بتكون هي فخورة فيني....لأنو انا حققت شي ... وانا بشوف شعورها حب صافي بدون حدود وبدون ثمن ....
طبعا انا معك انو في اهالي في عندها حب التملك والتسلط والاستصغار لأولادها ولكن ياللي قصدته انو هاي مو قاعدة عامة(متل ما فهمت من تعليقاتكم من قبل)....وتحياتي:D

طيب عم تحكي عن احساس الوالدة (الله يخليكون لبعض) بوقت الفرح ولما بتكون انت عامل شي يستحق الفرح.... ووقتها بتكون فرحانة الك انت بس بتكون فرحانة وفخورة اكتر بانو ابنها اللي هوي استمرار الها حقق شي وبتشوفها عم تستمع بكلام الناس متل انو اكيد لانو هاد تربايتك ....وهون حطنا الجمال.... يعني فرحها لدرجة كبيرة كتير عم يكون سببو انو بتحس انها حققت نجاح بتربياتك ولهي انت طلعت هيك
بس فيي اسألك لما بتساوي شي مابيرضيها حتى لو كان هالشي لصالحك مية بالمية (الله يبعد هيك حالات عنكن) بس عم نفرض انو اذا عملت هيك شي شو رح يكون احساسها؟؟؟؟ مثلا اذا حبيت بنت وكانت مثالية الك بس الوالدة مارضت عنها لشي سبب مانو جوهري مثلا انها مانها حلوة مع العلم انو شخصيتها رائعة وانت بتكون شايف شكلها حلو واذا اصريت على الزواج من هالصبية وهاد طبعا حقك ومافيه اي شي معيب...... بهيك حالة شو رح تكون ردة فعل الوالدة.... انا بقلك وعالاكيد انو 99% من الامهات رح يغضبو على ولادهون واكيد ردة فعل الغضب رح تتراوح بين ام وتانية بس رح يضل الاحساس موجود
هاد انا اللي عم احكيه لما بقول حب الاهل مشروط