-
PDA

عرض كامل الموضوع : there is something about mary

ري مي
02/06/2006, 12:42
بعرف هيدا عنوان فيلم كتير ظريف بس ما نزلتو بقسم الافلام لأني ما عم بحكي عن تقنية الفيلم أو عن الاخراج أو عن الممثلين
كلامي عن عبارة قطعت بالفيلم لربما يكون من المهم أنو نتناقش حولها:
كانت ماري قاعدة مع صديقاتا لما سألوها ليش تركت حبيبك السابق مع أنو كان شكلكون كتير منسجمين
ردت ماري:
لأنو قال لي: لو أنو (وورن) مانو بحياتك كنت طلبت إيدك للزواج
مع العلم أنو (وورن) مش زوجها ل ماري ولا حبيب سابق ولا ابنها
(وورن) أخوها ل ماري بس متخلف عقليا

وسؤالي موجه للشباب وللصبايا بنفس الوقت:
إلى أي مدى بتقبل فكرة أنو تتزوج شخص عندو حالة مرض بالعيلة ومش أي مرض يعني التخلف العقلي أو الجنون أو حتى مرض وراثي متل الصم مثلا
ومش لعبة أكتر أنك تتقبل فكرة تمضي حياتك عايش مع متل هالانسان المريض بنفس البيت وتشاركه نفس غرفة القعدة والمطبخ والحمام وكل شي حتى ساعات راحتك وأيام العطل

فيه مثل بيقول اللي بياكل العصي مو متل اللي بيعدا
صياد الطيور
02/06/2006, 12:55
هلق انو يكون في حدا بعيلتها مريض
ربنا يشفيه ما عندي مشكلة ولا في اي مشكلة بالموضوع

أما انو يسكن معي ..... :shock: أو اسكن معو :?

مو معقولة بنوب ولا مستعد اتحملو أبدا
Barleb
02/06/2006, 13:49
أسئلتكون صارت محرجة كتير .........
ابومزيد
02/06/2006, 15:57
المهم هي ما يكون عندها شي بعقلها كل شي عادي
ابومزيد
02/06/2006, 16:15
هلق انو يكون في حدا بعيلتها مريض
ربنا يشفيه ما عندي مشكلة ولا في اي مشكلة بالموضوع

أما انو يسكن معي ..... :shock: أو اسكن معو :?

مو معقولة بنوب ولا مستعد اتحملو أبدا
اتخيل لو الشغلة معك لا سمح الله وبعيد الشر وكان عندك اخ هيك وقالتلك الخطيبة المستقبلية نفس الكلام اللي قلتو انت هللأ شو بيكون موقفك صديقي
طبعا بعيد الشر عنك وعنا وعن اهالينا الله لا يمتحننا بيهيك اختبار
marioma alghzayala
02/06/2006, 18:17
اي بس الموضوع المطروح .. مو اذا كنت انت فيك شي ..
ري مي
02/06/2006, 23:49
أسئلتكون صارت محرجة كتير .........


أول شي شكرا للكل على مروركم

بس خيو ليش الإحراج يعني كل إنسان عندو وجهة نظر بهالحياة وأكيد منحترم وجهة نظر الآخرين لو شو ما كانت لأنو بالنتيجة كلنا بشر
ري مي
02/06/2006, 23:57
اي بس الموضوع المطروح .. مو اذا كنت انت فيك شي ..

مظبوط لأنو حبيبتي إذا الشخص نفسه فيه شي نادرين اللي بيقبلو يتعايشو معو
مع أنو يمكن هوي نفسه يكون متجاوز مرضه بس المجتمع ما بيرحم
صياد الطيور
03/06/2006, 01:08
اتخيل لو الشغلة معك لا سمح الله وبعيد الشر وكان عندك اخ هيك وقالتلك الخطيبة المستقبلية نفس الكلام اللي قلتو انت هللأ شو بيكون موقفك صديقي
طبعا بعيد الشر عنك وعنا وعن اهالينا الله لا يمتحننا بيهيك اختبار

خيي ما هيك
وما فيي قارن هالشي بهالشي .... ويمكن اذا كانوا من البداية متفقين على الموضوع ما في مشكلة ...
ِAbu Alzooz
03/06/2006, 01:10
هلق حكي مافي شي من الإنسانية بس أنا كم مرا بدي أتجوز و بعدين ولادي شو ذنبون
ري مي
03/06/2006, 01:11
صياد الطيور ليش ما فيك تقارن ؟
صياد الطيور
03/06/2006, 01:23
صياد الطيور ليش ما فيك تقارن ؟

يا خيتي ... اذا كان عندها حدا بالعيلة فأنا ماني مضطر أتحملو ... شي أكيد ما رح أنهي علاقتي الي صرلها فترة مع حبيبتي من شان هيك سبب
بس كمان مو ذنبي اتحمل ....

أما اذا كان المرض مو مأثر علينا ..فعادي جدا

أنا ماني مضطر اتحمل حد بيقربها مريض يقيم عندي
بس بعتقد انها مجبرة على هالشي ؟ يمكن رأيي غلط ما بعرف
ورده بغداد
03/06/2006, 01:45
أسئلتكون صارت محرجة كتير .........
:shock: :shock: :shock: :shock: :shock: :shock: :shock: :shock: :shock: :shock: :shock:
امرأة من ورق
03/06/2006, 06:56
الموضوع خطير
هلأ في حالتين انو اذا كان المرض وراثي بالعيلة بصراحة رح خاف ومابعرف شو ممكن اعمل..... يعني بصراحة رح خاف انو تطلع الشغلة كمان براس ولادي..... خصوصا انو اذا كان مرض مافي مجال انو ينكشف عنو خلال الحمل بطريقة انو اعرف انو الجنين اللي ببطني معاق من اول الحمل واتراجع عن الحمل...... يعني هيك مخاطرة رح تكون كبيرة كتير وعن جد مابعرف اذا رح تكون عندي الجرأة اني اخد قرار اتزوج شخص بعيلتو هيك مرض وراثي

اما اذا في شخص بعيلة حبيبي عندو اعاقة سواء جسدية او عقلية بس مانها وراثية فهاد مارح يأثر ابدا على علاقتي بحبيبي حتى لو اضطرينا انو نسكنو معنا بالبيت..... بعرف انها صعبة كتير بس مستعدة اتحملها لانو اكيد الشخص اللي بيستاهل اني اتجوزو بيستاهل تضحيات مني

وشكرا ريمي عالموضوع :سوريا:
ري مي
03/06/2006, 09:19
يا خيتي ... اذا كان عندها حدا بالعيلة فأنا ماني مضطر أتحملو ... شي أكيد ما رح أنهي علاقتي الي صرلها فترة مع حبيبتي من شان هيك سبب
بس كمان مو ذنبي اتحمل ....

أما اذا كان المرض مو مأثر علينا ..فعادي جدا

أنا ماني مضطر اتحمل حد بيقربها مريض يقيم عندي
بس بعتقد انها مجبرة على هالشي ؟ يمكن رأيي غلط ما بعرف

أنا بحترم وجهة نظرك
بس تفكيرك فيه شوية انانية أو شرقية
ري مي
03/06/2006, 09:22
الموضوع خطير
هلأ في حالتين انو اذا كان المرض وراثي بالعيلة بصراحة رح خاف ومابعرف شو ممكن اعمل..... يعني بصراحة رح خاف انو تطلع الشغلة كمان براس ولادي..... خصوصا انو اذا كان مرض مافي مجال انو ينكشف عنو خلال الحمل بطريقة انو اعرف انو الجنين اللي ببطني معاق من اول الحمل واتراجع عن الحمل...... يعني هيك مخاطرة رح تكون كبيرة كتير وعن جد مابعرف اذا رح تكون عندي الجرأة اني اخد قرار اتزوج شخص بعيلتو هيك مرض وراثي

اما اذا في شخص بعيلة حبيبي عندو اعاقة سواء جسدية او عقلية بس مانها وراثية فهاد مارح يأثر ابدا على علاقتي بحبيبي حتى لو اضطرينا انو نسكنو معنا بالبيت..... بعرف انها صعبة كتير بس مستعدة اتحملها لانو اكيد الشخص اللي بيستاهل اني اتجوزو بيستاهل تضحيات مني

وشكرا ريمي عالموضوع :سوريا:

أنا بشكرك على مرورك وعلى رأيك:سوريا: :سوريا:
صياد الطيور
03/06/2006, 11:32
أنا بحترم وجهة نظرك
بس تفكيرك فيه شوية انانية أو شرقية
أنا ما قلتلك رأيي صحيح
قلتلك ممكن يكون غلط
ابومزيد
03/06/2006, 17:05
أنا بشكرك على مرورك وعلى رأيك:سوريا: :سوريا:
شو القصة الكل عم تتشكريهون الا احنا شو الشغلة طائفية
صياد الطيور
03/06/2006, 17:38
شو القصة الكل عم تتشكريهون الا احنا شو الشغلة طائفية

:shock: :shock: ...:? :? ...:pos: :pos:
ري مي
04/06/2006, 17:23
شو القصة الكل عم تتشكريهون الا احنا شو الشغلة طائفية

شو خص هي بهي:shock:
شو أبو مزيد ما أنا بالأول شكرت الكل بس خصصت صياد الطيور على صراحتو
ومية هلا فيك :سوريا:
ابومزيد
04/06/2006, 17:38
مو بيناتنا قلنا بنهز الورد لنشم ريحتو
dm3t 7zn
04/06/2006, 19:39
من الطبيعي جدا انه الانسان الطبيعي يعني المعافى ما بيتقبل العيشة مع انسان مريض..:?

والصحة تاج على رؤوس الابرياء...

dm3t 7zn...
Reemi
05/06/2006, 00:25
1- ما بحبه لهل فيلم...!

2-اذا كان في حد مريض بالعائلة..عادي كتير..بتزوجو للشخص...(يعني لو كان انا محله..وعندي نفس الحالة بالبيت..اكيد ما حاقبل واحد يجي يقلي ما بدي اتزوجك لانه فى عندك اخ او اخت هيك)..!

3-انو صعبة شوي (او كتير)...انو نعيش سوى..يمكن مو لانه غير سوي عقليا او هيك..بس لانو انا بخاف منهن شوي..وبصراحه انا عصبية ويا دوب استحمل حالي..فمشان كرامة الشخص المصاب..وشريك الحياة..انه من الافضل ما يسكنه معي..!

بس اذا الشغلة زيارات خفيفة نظيفة عادي ...!

شكرا ري مي...........
Reemi
05/06/2008, 12:07
شو رايكون انتو ؟
وشم الجمال
05/06/2008, 12:19
المشكلة انو نحنا ما بنحسن نفكر بالشخص المقابل على انو نحنا يعني ما بنحط حالنا بموقعو

بس انا بالنسبة الي اذا الموضوع مو وراثي فشي كتير عادي وبالعكس كمان انا ذاتي رح حاول اني ارفع معنوياتو ما كون سبب باني هبطها واثبت انو الانسانية ماتت...المشكلة انو نحنا حتى لو وافقنا اهلنا ما بيوافقوا وحتى لو كان في اصرار وحتى لو خرجنا عن طوع اهلنا الطرف التاني ما رح يقبلها...

اما انو يسكن معنا فما بعرف صراحة ممكن قول اي بس بذات الوقت باللحظة الحاسمة ما كون قدها وممكن قول لا وبلحظتها ضحى كرمالو....
والله ما بعرف

شكرا ريمي عالup

وجد هيك المواضيع بتنطرح مو متل ....
مايسترو
05/06/2008, 16:11
انو وين المشكلة يعني اذا عشت معو بنفس البيت؟

يعني انو انا بشر وهو لا؟بالعكس لازم انو نحاول نعملو شي ولازم نكون معو مو ذنبو انو ولد هيك


مايسترو
marioma alghzayala
05/06/2008, 17:32
انو وين المشكلة يعني اذا عشت معو بنفس البيت؟

يعني انو انا بشر وهو لا؟بالعكس لازم انو نحاول نعملو شي ولازم نكون معو مو ذنبو انو ولد هيك


مايسترو


الفكرة انو فرضا انت رح تاخد وحدي اخوها او حدا بعيلتا فيو خلل ..
هيي ما رح تصب كل اهتماما فيك ... يعني عمليا رح تهتم فيه اكتر منك ..
انت شو رح تكون ردة فعلك (انو هيك بالفلم بظن صار ) ..
هل رح تتقبل الوضع ؟؟ .. او انو بتقلا لو اخوكي مانو بحياتك كنت اخدتك ..او بتاخدا .. ومانك سأللان ..
وشم الجمال
05/06/2008, 17:32
انو وين المشكلة يعني اذا عشت معو بنفس البيت؟

يعني انو انا بشر وهو لا؟بالعكس لازم انو نحاول نعملو شي ولازم نكون معو مو ذنبو انو ولد هيك


مايسترو
مو هيك الموضوع بس رح يكون في كتير مسؤوليات قدامها وقدامو تجاه هالشخص وبحكم انو الواحد طازة عالمسؤولية رح يكون الوضع صعب وخاصة انو بدو واحد كتير رايق وصبور ويقدر يستوعبو
سوا ربينا
05/06/2008, 17:41
انا بالنسبة الي اكيد مارح اقدر اتحمل واحد فيو خلل يعيش معي ومعها لانو اكيد ما رح تفضالي على هالحال ورح يكون اهتمامها فيه اكتر مني,,, :pos:واكيد لازم يكون في حل لهيك قصة,,وخاصة ازا كان في خلل متل يكون مصروع والا مجنون عالاخر ,,,فنانا مش متسعد انو اتحمل هيك شغلات ومستحيييييييييل ,,,,,,,;)