ملاحظه للاداره [الأرشيـــــف]

goodheart

19/03/2005, 16:29

يعني والله ما عاد اعرف شو بدي احكي
مواضيع جميله مش عم تتثبت ومواضيع بلا فعاليه عم تتثبت وما الها لازمه
يعنني موضوع جو عن بريد جوجل لشو مثبت ؟!!!
الموضوع صار قديم كتير وحتى انا طالب البريد وما وصلني شي لحتى فتشت وعملت بريد وخلصنا
وبتفاجأ بانه لسه مثبت وعلى شو
وحتى ردي كان الاخير ومن شي شهر واكتر حتى

اصحوا يا اداره وخلي القسم يسير نحو النجاح
مش لورا

SABE

19/03/2005, 17:54

مشكور على غيرتك على الموقع و الكل بيقدرولك هالشي ...
بس حابب قلك إنو الكل صاحي و ما حدا نايم... و القسم و الموقع كلو عميسير بإتجاه النجاح (( إذا ما قلنا إنو ناجح من هلأ )) و بشأن الموضوع تبع دعوات الجي ميل .. إذا انت عندك إيميل على الجي ميل من زمان .. و أنا كمان عندي إيميل الجي ميل من زمان .. بس في كتير عالم جداد و ممكن يكونو بحاجة دعوة إلو أو لبنت الجيران أو لصاحبتو أو لأخو .. أو أو أو ...
بقا الموضوع مافي مانع إسا يكون مثبت ..
و بشان المواضيع يلي برأيك إنو مهمة أو لازم تكون مثبتة فينك تراسل المشرف تبع المنتدى يلي بدك إياه مشان يثبتلك موضوع .. إذا كان الموضوع يستحق التثبيت ..
و مرة تاني مشكور على غيرتك على الموقع :D

goodheart

20/03/2005, 19:19

ميت اهلين اخي العزيز

انا والله يا اخي لو سألتني اي موقع بتفضل راح قول اخويه لاني بصراحه ارتحت هون
ولهل شي انا بحط مواضيع وانا متأكد انو الاداره صاحيه وكلامي كان مجرد نقد وما قولت انو الاداره نايمه لا سمح الله

والموضوع يلي انا استغربت منو انو انا اخر من طلب هل بريد ولو شفت تاريخ طلبي راح تعرف شو بقصد
ولحتى الان ما استقبلت شي لحتى بحبشت وعملت ايمل لحالي
واليوم اصبح بجميع المنتديات منشور وبكثره والدعوات اصبحت بكثره وحسب ما عم شوف حتى انو اصبحت بلا دعوات

لهيك لازم نغير ونعمل جديد يعني ما بيصير يكون موضوع اصبح فعل ماضي ولسه بالمنتدى عنا هون بعدو فعل حاضر
وعلى كل حال انا بس حبيت حط ملاحظه وبتمنى انو ما تفهموني غلط
:D

King RORO

21/03/2005, 05:29

مرحبا شباب
اول شي مشكور ابو السوس العظيم
ومشكور اخ غودهارت حبيبنا
بس ما بعتقد انو رح ضيف كتير بعد كلام سعيد لانو كفا ووفا مشان موضوع الجي ميل
ومشان موضوع الدعوات انا سبق وبعتت دعوة من ايميلي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بس الظاهر ما وصلت ... كنت بتمنى انو كنت تنوه لها الشي بالموضوع نفسو .....

ومشان مواضيع التثبيت جاري دراسة تثبيت كذا موضوع منهن
موضوع اهم الرامج اللازمة للمستخدم على الانترنت مع لينكات التحميل والكراكات
موضوع اهم الرامج اللازمة لمستخدم للكمبيوتر مع لينكات التحميل والكراكات
وقسم خاص بالكتب الاكترونية التعليمية (دريم ويفر - سويش - دوس- اسسيمبلي ......)

وبتمنى من الاشخاص يللي بحب المساعدة من جميع الاعضاء او يللي عندو اقتراحات معينة يرسلني عالخاص
وبتمنى كمان من يللي عندو اي شكوى او في شي ما عاجبو كمان يبدي رايو بصراحة لانو كلمة مشكور منيحة بس ما بتبني....

وبالنهاية اكيد
روحو القلب داعيلكن :D