العرب في الخارج

[yass]

سؤال خطر على بالي من خلال علاقتي مع العرب باسبانيا , وما أراه من مقالات في الانترنت
السؤال موجه بشكل خاص للسفراء الأعزاء في الخارج :

هل تعتقد بوجود تمييز عنصري حقيقي ضد العرب في الغرب, أم أنه من وحي " نظرية المؤامرة"؟
تحياتي :D :D

[SABE]

شكراً على الطرح أخي ياس .. و و أنا حابب كمان أعرف أكتر عن وضع العرب بإسبانيا على إعتبار وصلت فتوحاتون بالسابق لهنيك .. بقا هلأ شو وجهة نظرون من العرب و لما بيسمعو إنو الواحد عربي شو وجهة نظرون ..
هلأ هون بألمانيا و متل كل محل بالعالم أصابيع إيدك مو متل بعضها ... يعني في عالم كتير متعصبين و ما بيطيقوا ولا واحد أجنبي , و في عالم بالعكس (( و أنا مستغرب هالشي )) بيدورو دوارة و ين في أجنبي مشان يساعدو و بيضلو مبتسمين و إنو ما بيفرقوا على أساس بين واحد ألمني وواحد أجنبي ,,, بس على حسب ما عمبستنتج هاي ردة فعل على وصف الألمان بالنازيين ..و إنو مشان يأظهروا إنون أبعد ما يكون عن هاد ..
و بالنسبة للعرب بشكل خاص ... لحد هلأ ما لاحظت شي ضد العرب ... بس هون الأتراك مكروهين .. (( إذا أنا كرهتون هون .. شلون الألمان صاحبين البلد و قت بيشوفوا إنو الأتراك أديش عميخربوا و أديش عميلعبوا عالنظام))
و كمان في شغلة هون .. قصة الحجاب .. و خصوصي هالفترة بعد ما إزدادت أعداد المسلمات بالعالم كلو ... إو كتراني كتير كتير المقابلات و البرامج التلفزيونية عن المحجبات بشكل كتير كبير .. و على مقابلات مع عرب و أتراك ...
يعني فيني قول إنو المشكلة الوحيدة هون مع الإسلام و خصوصي بعد الحملة الإعلانية يلي عملتها أميركا ضد الإسلام بعد أحداث 11 إيلول ..
و بدكون ما تنسوا إنو أنا عايش بمدينة تعتبر مدينة طلابية .. يعني النسبة الكبيرة من السكان هني طلاب .. و الكبار بالعمر يلي موجودين بالمدينة شغلتهون تأمين مستلزمات الطلاب ... يعني أنا عمبحكي الشي يلي عمشوفو مع إختلاطي بالطلاب مو مع الكبار ...
و سلامات .. :D

[عاشق من فلسطين]

مشكور على الموضوع أبو مارل وجوي كفى ووفى .. يعني النقط اللي حكاها أنا كمان بتمنى أعرف .. شو وضعها .. :D :D

[yass]

وجوي كفى ووفى
:confo: :confo: :confo:
لك شو؟؟؟ أصحى يا نايم...الدنيي صارت عصر :lol: :lol:
:D

[عاشق من فلسطين]

لك شو؟؟؟ أصحى يا نايم...الدنيي صارت عصر

أنا آسف بس حششت .. أبو السعود كفى ووفى .. 8) 8)

[Joe]

التمييز العنصري ضد العرب في كندا هو من باقي العرب.
اللبناني ضد السوري و الفلسطيني ,و العراقي ضد الأردني ,و الكويتي ضد العراقي ,و الفلسطيني ضد الجميع و حاليا الجميع ضد السوري!! :o

هلا انا عم بالغ شوي هون... بس الحقيقة انو ما في اي تمييز عنصري ضد العرب من قبل الكنديين... بالعكس صرت بتمنى يصير تمييز عنصري ضد العرب لانو العرب رح ياكلوا كندا أكل الله وكيلكم صارت متل سوق الهال شوي تانية ببعض المناطق... طبعا الكل بس يجي ع كندا بيتعصب بزيادة... بتلاقي الكتائبيين و القوات و القوميين... و هادا التاني الشيعي بعمرو مانو رايح ع إيران و لساتو لهأ مانو عرفان حالو ايراني و لا بحريني و لا كندي بس بين كل كلمة و كلمة بيحكيلي ياها في كلمة خميني... و كتران التحجب طبعا حتى للطفلات الصغيرات.... يعني مناظر بسوريا ما بتشوفها.... و ماهر عرار الاخونجي كل يومين تلاتي بيطلع بالجريدة و التلفزيون و شغل يا حرام و رح تتحطم قلوب الكنديين عليه... و الله هل كنديين مانو عرفانين الله وين حاططهم... شاطرين يتمسخروا ع جورج بوش... لسا رح ناكلها بكندا :cry:

[Joe]

ليكو هلأ إجا الاتموسفير :lol: :P

[yass]

التمييز العنصري ضد العرب في كندا هو من باقي العرب.
اللبناني ضد السوري و الفلسطيني ,و العراقي ضد الأردني ,و الكويتي ضد العراقي ,و الفلسطيني ضد الجميع و حاليا الجميع ضد السوري!!
و الله صحيح..بكل الدنيي هيك

[عاشق من فلسطين]

و الله صحيح..بكل الدنيي هيك

وا آسفاه حتى بالخارج هيك .. :cry: :cry:

[mhmary]

حلو الموضوع بس بنفس الوقت معقد شوي وصعب الجواب علي بدقة مع أختلاف الجنسيات والشغلات المهم:
هلأ أنا رح حاول تقسيم الكائنات هون لأنواع:
1-في عندك الشعب الجحش وهدول عالم لا بيعرفو سوريا ولابيعرفو حتى حدود أميركا ولا بيعرفو شيء الأ يفيقو الصبح ويروحو على الشغل وياكلو ويجيبو ولاد
1-أ- هلأ في قسم من الشعب الجحش أعلى درجة هلق هدول شغل فهمانين يعني وقت بيرجعو على البيت بيفتحو التلفزيون وبيتفرجو عل الأخبار وطبعا بيسمعو أنو سوريا دولة أرهابية وبيصدقو بكل بساطة لأنون مقتنعين أنون أفهم شعب بالعالم
وتاني يوم بيروحو على الشغل وأذا سمعو أذا في واحد سوري(ما عربي لأنو العالم هون ما تفهم أذا قلت عربي) ما بيعرفو شو هو الوطن العربي المهم بيحاولو يبعدو عنو وما كتير بيخالطو
2-هون بيجيك الشعب ألي نصف فهمان هدول كمان بيسمعو أخبار وبيقولو أنو سوريا شعب أرهابي بس في منون بيرتقي بالتفكير لمراحل عالي وبيستنج أنو الشعب ألي هون ما دخلو بالأرهاب بس بتضل نظرتو ألك فيا تعالي
3-الشعب الفهمان قلال كتير ما أكتر من 15% من الشعب الأميركي هدول نظرتون ألك فيا تعالي بس قليلة
4- بيجيك الشعب العربي من كل البلدان ألي جاي من المغرب من موريتانيا من العراق من هب ودب المهم أغلبية هدول بكونو شعب هلكان يعني هربانين من بلدون هريبي وهدول كمان من الفئة1-أ
5-بعدين عندك أكره فئة والي أنا بستحقرا بشكل ما طبيعي والي نازعتلي حياتي وال هن العرب ألي خلاقانين بأميركا أو ألون زمان هدول نص مجانين بكونو جايين من بلدون وأشتغلو متل الكلاب بأوسخ شغل وجمعو مصاري وصارو أغنياء شوي بعدين بيجي واحد جديد عربي ما بيتعرفو علي لأنو هدول ما بس عندون التعالي تبعيت الفئة(2) لأ ولسا بدون يتعالو على شعبون لأنون مليئين بالعقد النفسية والهوشني
6-هلأ عند قسم منيح من العرب عنجد أسمون عرب والواحد بيتشرف بيمعرفتون وهدول عنجد متربايين ببلدون وفهمانين

هدول ألي طلعو معي وعكلن لاحظو أنو كل الحكي ألي حكيتو متعلق بالنواحي النفسية أما بالنسبة للشغلات العملية مثلا أذا بدك تروح على الجامعة أو مدرسة أو تشتغل بأي محل أو تعبي طلب من شان اي شيء مانك مطر حتى أنو تكتب شو جنسيتك يعني مارح يكون عندك اي مشاكل من هاناحية
ونشاء الله نكون عطيناكون فكرة منيحة وشباب عنجد اي تساؤل او شي سألو نحنا بالخدمة 8) 8)

[Fares]

أنا عايش بسوريا بس سافرت لمدة أقل من شهرين على ألمانيا الصيفية الماضية بقصد التدريب هناك، ورح احكي خبرتي:

أنا ما شفت أي تمييز عنصري ضد العرب، بل على العكس.. بألمانيا بيحبو السوريين لأن السوري يلي بيروح على المانيا معروف عنو أنو شغيل وبيحب العلم.. مشان هيك سمعة السوريين بألمانيا منيحة كتير..

أما قصة الأتراك فهي قصة مختلفة.. الأتراك مكروهين بألمانيا كتير كتير.. لأنو الأتراك الموجودين بألمانيا معظمهم من اليد العاملة التركية الغير متعلمة يلي جلبها الالمان بعد الدمار الهائل في الحرب العالمية الثانية نظرا لحاجة الالمان الماسة لليد العاملة في ذلك الوقت، وتم منحهم إقامة دائمة (وليس جنسية).. ومن هنا فإن الأتراك هناك هم غالبا من أصحاب المشاكل..
والذي زاد الطين بلة هو الانغلاق الذي يعيشه الأتراك.. يعني بالمدينة يلي أنا كنت ساكن فيها بتمشي بالشوارع سي رائع وحضاري، بس فجأة بتحس حالك صرت كأنو بشي ضيعة متخلفة من ضيعنا الحبيبة!!! وهنيك ما بتسمع غير حكي تركي وعادات ومحلات تركية.. حتى أن الأتراك نادرا ما يتعلمو اللغة الألمانية لأنو عندون مجتمعون الخاص (طبعا ما عدا الأطفال الصغار لأن اللغة مفروضة في المدرسة)..

[Kakabouda]

و الله صحيح..بكل الدنيي هيك

هاد الكلام الصحيح :D

[Reemi]

up وعودة الى الحوار :D

[الأندلسية]

المغرب من موريتانيا من العراق من هب ودب المهم أغلبية هدول بكونو شعب هلكان يعني هربانين من بلدون هريبي وهدول كمان من الفئة1


عيب عليك ها الحكى

يعنى المغربى و الموريطانى و العراقى و ما بعرف مين كمان بيروحو بيعيشو هنيك

لأنون هلكانيين و هربانيين من بلدون

هايدا ما يدل الا على تعصبك و كرهلك

انا عن جد عم بشوف تعصب بها المنتدى

ما كنت أتوقع انو السوريين متعصبين هيك بس كل يوم عم بشوف تعصب جديد

الله يهدى عباده