أنت مين ؟؟؟

[butterfly]

كارول سماحة - أنت مين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بصباح الألف التالت ..

بعد في جوع
في أطفال مشردين
و بكي ودموع
خلينا ننهي الحروب يا دول القوية
لا للفقر لا للقهر لا للعنصرية
انت مين أنا ما بسأل لكن حزنك قلي مين ...
ولا بعرف أيا لون وأيا دين
بعرف أنك خيي خيي بالأنسانية
بصباح الألف التالت
في منفيين
في ناس بالمعتقلات صرلون سنين
خلينا بمطلع هالعصر والدنيي مشتاقة
ننهي الظلم ننهي الخوف
و عالعدالة نتلاقى
انت مين أنا ما بسأل لكن حزنك قلي مين ...
ولا بعرف أيا لون وأيا دين
بعرف أنك خيي خيي بالأنسانية
أنا من هالشرق جايي
أرض الأيمان
ضيعنا مطلع الشمس
ولون الزمان
من عنا لكل الشعوب منودي تحية
جيل يفل وجيل يطل
على وقع الحرية
انت مين أنا ما بسأل لكن حزنك قلي مين ...
ولا بعرف أيا لون وأيا دين
بعرف أنك خيي خيي بالأنسانية

[marioma alghzayala]

حلوة كتير هالغنية واخدت ضجة ع زمانا ... ميرسي لالك .. :سوريا:

[الاتحاد الحلبي]

انا مين ؟؟؟:shock: :shock: :shock:


ابو آآآمين :p

[zen]

غنية اكتر من رائعة
وكانت كل أغاني كارول من هالنمط
يعني أغاني راقية
بس هلاء نزعت حالها
مدري ليش
:pos: :pos: :pos:

[YaSeR]

كتيير حلوه هالغنيه
يسلمو عالموضوع

[butterfly]

غنية اكتر من رائعة
وكانت كل أغاني كارول من هالنمط
يعني أغاني راقية
بس هلاء نزعت حالها
مدري ليش
:pos: :pos: :pos:
:jakoush: :jakoush: :jakoush:
كارول مانزعت حالا .... بتجنن :clap:
وكاسيتا الجديد كتير حلو

[toocoolfriend]

فعلا كارول نزعت حالا
لما كانت تأدي الفن الملتزم كانت محترمة أكتر بكتير

نشالله متل ما عم يقولو يكون هيدا آخر البوم حب وغرام وترجع لمستواها السابق

[بنت الاكارم]

يسلموا كتييييير حلوه ومعبره