فتاتي تلحمية

[السلوادي]

تعرفت عليها بطريق الصدفة عبر رسالة أرسلتها لوالدها المريض...الأمر الى هنا عادي..سافر والدها الى فلسطين الحبيبة، وبقي عنوانها على المسنجر ..لم أراها قط، ولكنني كأي رجل يحب أن يشعر برجولته ، يحب أن يرى فتاة صغيرة يافعة تقول له أحبك ، لعلها عقدة نقص لدي الرجال عندما يتجاوزون حاجز الأربعين، المهم بدأت بمعاكستها..صدتني..أعجبني صدها لي.. شعرت أنني في معركة يجب أن أكسبها... صرت أسحب عالناعم.. أتغزل عالخفيف.. وشوية شوية وبمساعدة إبليس وصلت لقلبها..صارحتني بحبها..أحببتها..لم تعد الآن معركة .. أصبحت أمام حالة حب مستعصية .. يالطيف تورطنا طيب شو أعمل وشو أسوي... والله ما ني داري بس شكلي أكلت هوا... ياسيدي وشو بدك بالطويلة قلت لها أنا بقدرش آجي ع بيت لحم لأنو لازم تصريح وبهدلة ومستحيل الحصول ع تصريح أصلاً..فقلت لها تعالي إنتي ع عمان..وافقت ..مش بقولكم بتحبني.. والله وما أشوفلك إلا والتلفون بيرن بهالليل وبتقول إحزر وين أنا .. نشف الدم بعروقي.. وين إنتي ؟ قالت أنا بعمان بالفندق بتقدر تيجي هسه؟؟صرت مثل الماكل 100 كف ع خد واحد.. حملت حالي ورحت عندها وشوفتها وهاذي اول مرة بشوفها.. الله أكبر ملكة جمال مش معقوله .. واول ما شافتني عبطتني وباستني .. وأنا مثل الأهبل واقف مش مصدق شو قاعد بيصير..والله ومثل المسطول قعدت معها بعرفش قديش وروحت ع الدار عند مين؟ عارفين عند مين روحت؟؟ ع الدار عند مرتي!! قالت مالك وين رحت؟ قلت عالشغل إتصلو معي ورحت وهسه إرجعت . نامي .. نامت وأنا ظليت صاحي أفكر شو بدي أعمل طب هذي قاعدة بفندق وجايه عشاني يعني معقول أخليها تدفع حساب الفندق ؟؟ طيب ومن وينلي مصاري؟ أهلاً شو هالورطة يا جماعة..وثاني يوم رحت عندها لأنها من الصبح وهي ترن عالخلوي..قول قعدنا مع بعض شوية وقالت وين بدك تاخدني..قلت بعقلي ع أقرب تخت..ونظرت لها قائلاً وين ما بدك..قالت ع جرش..قلت ع جرش..ورحنا وهناك طول الطريق بسيارتي بوس وتحسس.. ما وصلت الفندق إلا وأنا خالص شطب..ودعتها وروحت..بيكفي لهون بعدين بكمل..:clap:

[كريم ايوب]

شو بدك تكمل الحلم ولا الحقيقة

[السلوادي]

مش مهم حلم وإلا حقيقة ... المهم كيف القصة ... كيف الإسلوب شدك وإلا لأ ؟؟ عشان أعرف أكمل الجزء الثاني وإلا لأ؟؟وشكراً حبيب قلبي

[كريم ايوب]

كمل اخي كمل انا سالت اذا حلم ولا حقيقة عشان مش راكبة على عقلي انو بنت بمفردها تسافر لعمان بدون مرافق

[السلوادي]

حبيبي كريم أيوب:
شكراٍ لمتابعتك ما أكتب، بصراحة أنا عندي مشكلة كبيرة جداً، أنا ضعيف جداً أمام حواء لاأستطيع مقاومتها، أحاول أن لا أكون عبداً لشهوتي ولكنني لاأستطيع، آسف لهذه الصراحة ولكنها الحقيقة، لذلك ما حدث معي واقع، وفتاتي عندما قدمت لعمان كانت أول مقابلة لي معها وعرفت أن لها بيت عمة وخالة هنا بعمان وأنها زارتهم أكثر من مرة ، وهي تخرج من بيت لحم مع صديقاتها بالجامعة حيث يحضرن لعمان لزيارة أقاربهن والتبضع من السوق خلال العطله الجامعية....هذا قليل من كثير.
أحب أن أتحدث عنها كثيراً لكن أخاف عليها كما أخاف منها!!! لعلك تستغرب كلامي، لكني فعلاً أخاف أن أفقدها أو أن تكون حلماً وأن أصحى من هذا الحلم الرائع فلا أجدها.
صديقي العزيز، إذا حدث وأن أحببت في حياتك حباً حقيقاً يسلب منك الفؤاد فتذكر كلامي
أخوك السلوادي

[كريم ايوب]

جمال النساء رب لة المجد وفي كل هيكل معبودي لو خلت جنات اللة من الحوري لما مات في الجهاد شهيد

هاذا ردي الك يا سلوادي

[javarmouna]

طب يا اخي اذا بالفعل قصتك صحيحة مو الأحسن انك تخبي هلقصة في داخلك, يعني بمعنى اخر اذا ابتليتم في العاصي فأستتروا
على الأقل خلي حجة لألله مشان يغفرلك
(وهي نصيحة من اخ بالفعل بدو مصلحتك)
واذا ما عجبتك نصيحتي رجاء لا تجرح بالكلام