بدي مساعدة [الأرشيـــــف]

zozo

24/02/2005, 22:06

يا شباب يلي منكن بيعرف شي مكتبة فيها كتب عن الحضارات القديمة (الهندوس/ الفراعنة /البوذيين ) يخبرني لانن لازميني كتير
على فكرى يلي منكن بيهتم بهيك شي وخصوصا الاغريق يخبرني وانا كتير بكون مبسوطة

آخيل

24/02/2005, 22:47

أكيد أكيد ... ما إلك غير مكتبة جرير بالفرع اللي بالمينا بأبوظبي ..... و بسوريا عندك بالشام مكتبة العائلة ( family bookshop ) و اللي بتلاقي فيها أغلب هيدي الكتب و بالفرنسي و الانكليزي .... و غير المواقع عالاتنرنت ... و تكرم عينك رح بحبشلك عليها شي شوية

mhmary

25/02/2005, 00:05

يا شباب يلي منكن بيعرف شي مكتبة فيها كتب عن الحضارات القديمة (الهندوس/ الفراعنة /البوذيين ) يخبرني لانن لازميني كتير
على فكرى يلي منكن بيهتم بهيك شي وخصوصا الاغريق يخبرني وانا كتير بكون مبسوطة
فينك تروحي على المركز الثقافي بالمحطة وبتلاقي كلشي بدك يا بس ما تنسي تاخدي الهوية :wink: :wink:

zozo

25/02/2005, 19:05

أكيد أكيد ... ما إلك غير مكتبة جرير بالفرع اللي بالمينا بأبوظبي ..... و بسوريا عندك بالشام مكتبة العائلة ( family bookshop ) و اللي بتلاقي فيها أغلب هيدي الكتب و بالفرنسي و الانكليزي .... و غير المواقع عالاتنرنت ... و تكرم عينك رح بحبشلك عليها شي شوية
اذا بتعطيني( تذكرة سفر ) على ابو ظبي بروح :evil:
عم امزح مشكور كتير انا بالدراسة الي قبلا اطلعت على كتب اجنبية بس الاعتماد كان اكتر على الكتب العربية مشان هيك اذا فيك تفيدني بكتب بالعربي بكون مشكورة

zozo

25/02/2005, 22:07

معقول ما في حدى بالموقع كلو ما عندو اهتمام بالاغريق ولا بالهندوس ...........
:o :o :o بتعرفو حاسة حالي جاية من المريخ

yass

25/02/2005, 22:42

ما بتنفع " قصة الحضارة" لوول ديورانت؟؟

آخيل

26/02/2005, 00:14

يا شباب يلي منكن بيعرف شي مكتبة فيها كتب عن الحضارات القديمة (الهندوس/ الفراعنة /البوذيين ) يخبرني لانن لازميني كتير
على فكرى يلي منكن بيهتم بهيك شي وخصوصا الاغريق يخبرني وانا كتير بكون مبسوطة
طيب بس سؤال زغير الحضارة السورية القديمة من شو بتشكي ؟؟؟؟ ما حضارتنا و تاريخنا عن جد أعظم و ارقى بكتير مقارنة مع كل حضارات الدنيا ..... لأنو كانت حضارة مجتمع كامل ... مش محصورة على فئة محددة و معدودة بالمجتمع و باقي المجتمع عبيد متل الحضارة الفرعونية مثلا .... يعني اذا بتقري كتاب الحضارات السورية القديمة لفيليب حتي أو نفس العنوان للكاتب مفيد عرنوق ... صدقيني بتنسي كل بقية الحضارات ... يعني بالترجمات لرقم مدينة اوغاريت القديمة بتلاقي وظائف كانوا اطفال اوغاريت من اكتر من 5000 سنة مكتوبة ... بتعرفي انو التعليم بعصر اوغاريت كان مجاني !!! بتعرفي انو كان عدد المدن و المراكز الحضارية بزيد عن 3300 مركز متوزعين بين بابل و دمشق و حلب .... بتعرفي انو اسماء الآلهة الاغريقية المشهورة كولاياتا مأخوذة من الآلهة السورية القديمة و أسمائها و قصصها !!!! بصراحة انا معرفتي اكتر الشي محصورة بالحضارات السورية القديمة ... و الآلهات السورية القديمة ... فاذا كان عندك اهتمام فيون ... فأنا جاهز

Albert

26/02/2005, 15:22

حبيبي انا فيني ساعدك كتير في عندي كتاب تطبيقي عن الحضارة السيريلانكية على الهوا بث حي ومبتشر انا نا طرك في 1710 وقت البدك

Joe

26/02/2005, 23:53

شباب اذا المخلوقة طلبت كتب عن الفراعنة ما يعني ما بدها او ما حابة تقرا عن حضارة سوريا القديمة!

انا بنصحك بمكتبة زنوبيا بالدبلان
هادا شايفة الشارع يلي فيه الايوبي؟ اي كفايتو بس من الطرف التاني للدبلان ما بعرف اذا فهمتي عليي

Kakabouda

27/02/2005, 03:27

طبعاً مكتبة جرير بكل دول العالم موجودي الا بسورية للأسف بس اذا الك حدا بالامارات أو بالسعودية بجبلك اللي بدك ياه ..
تحياتي الك :D

zozo

27/02/2005, 21:56

مشكورينكلكن عن جد ما بعرف شو بدي قلكن
انا كتير مهتمة بالحضارات القديمة على انواعها ومن ضمنا الحضارات بلاد الشام -الحضارات السورية القديمة اذا بدكن- س انا عندي معلومات عن الاغريق مشان هيك عملت دراسة صغيرة عليها وعندي شوية معلومات عن الهندوس والبوذيين والفراعنة مشان هيك بدي بلش فين وبعدين بتفرغ لحضارات بلاد الشام -يعني على رواق- بس اكيد بدي اعمل دراسة عليهم ولما بلش فيا بخبرك اخي اخيل
بس عنجد عنجد ما حدا مهتم بهيك مواضيع غيري :shock: :shock: :shock:

آخيل

28/02/2005, 01:43

أكيد اخت زوزو .. ايمت ما بدك مساعدة بشي عن الحضارات السورية القديمة بكون أنا جاهز ... بس بالنسبة لبقية الحضارات معلوماتي شوية قليلة .... .. و بالتوفيق انشالله

zozo

28/02/2005, 19:34

بس عنجد شي حلو يعني لما كنت اقرا شي كتاب عن الاغريق يعني كنت انسى حالي والدنيا وكنت اغرق بالكلمات وايام كنت ضل سهرانة وانا عم اقرا لحتى نام والكتاب بايدي
انا بشجع الكل يقروا لانو عنجد شي كتير حلو وايا حدى بدو معلومات او مساعدة يخبرني :D :D

روشكا

13/05/2009, 03:48

يا ريت زوزو تفيدينا من معلوماتك ... وتكتبيلنا عن هي الحضارات العظيمة واللي كل وحدة تعتبر حلقة في سلسلة

الحضارة ..... ناطرينك مع الشكر الجزيل .. وربي يوفقك !!!