المكتوب !! [الأرشيـــــف]

عرض كامل الموضوع : المكتوب !!

Willi

06/04/2006, 03:14

في عالم بتأمن بالمكتوب
كل انسان حياتو مكتوب من قبل ما يجي على هالدنيا ونحنا ما منقدر نعمل شي لنغير هالحياة

بيمنا في قسم تاني بأمن
الانسان هوي اللي بيصنع حياتو او مستقبلو
يعني مافي شي مكتوب متل ما بتعمل بتاخد

فأنا بدي اعرف شو رأي الشباب والصبايا بهالشي
في شي اسمو مكتوب؟
ولا مافي شي من هالحكي؟

ولا ....................................؟

ملاحظة هامة: ما حدا يجبلي شي من دينو اللي بامن فيه جيبو من عقولكون وبس
يعني مو مثلا مكتوب كتاب(ديانة حايلة)
انو الله هوي كاتب حياة الانسان
معلش خلينا نفكر بالحياة العايشينها ممكن نبنيها نحنا ولا لاء متل مو مكتوب بصير

hanny dagher

06/04/2006, 03:20

يعني هالموضوع بيشبه موضوع المخير والمسير اللي نزل على شكل موضوع نقاش بالصالون
طبعا هلأ من رايي انا انو الانسان في مواقف هوي اللي بيحدد فيا هوي اللي بيصنعا وهوي اللي بيتحكم فيا وفي مواقف هوي ما بيقدر يتحكم فيا وبتحس انو في شي عم يسيرو وهادا اللي انتشر انو اسمو المكتوب
انا من جهتي ما بأمن انو في مكتوب بس انو بعتقد في شي تاني بيتحكم بحياة الانسان وهالشي ممكن يكون حظ ممكن يكون نصيب ما بعرف يعني لا انا ولا غيري قدر يكتشف شو هالشي

whiterose

06/04/2006, 03:39

حلو الموضوع:سوريا:
هو صح الموضوع له علاقة وطيدة بدين الشخص
لأنو الموضوع حساس مستحيل نجردو عن اعتقادات الشخص بأحدى الديانات السماوية
بس كرمال جاد ما يعصب:pos:
وياخد 10% تانيين
رح حاول احكي من وجه نظر موضوعية بحت:oops:

أنا بأمن بأنو الأنسان مخيرتماماً مع وجود شيء مكتوب ما منقدر نغيرو
مثل النصيب والحظ والموت

بس كيف الأنسان مخير؟؟

مخير لأنك عم تعيش حياتك متل مابدك
وبتقدر تميز بين الصح والغلط والشر والخير
وأذا حدا بدو يتحكم فيها مافي غير الأهل فقط يلي هنن متلك كائن بشري مخير بحياتو
بيقدر ما يتحم بحياتك

بأمن بالمكتوب بكلشي
بأمن بالقدر كتير والنصيب اكتر و الموت خير من الله

بقدر أكتب عن ها الموضوع اكتر
لأنو هاد بحث كامل بالفلسفة العربية يلي أنا كتير بحبها
كتير وبقرا عنها كتير( عضوة انا بمكتبة الأسد)8)
بس مارح احكي عنها كتير لأنو بتطرق لمواضيع دينية
بس أذا بتوافقو بكتبلكون كتير شغلات حلوة عن المكتوب و طريقة حياة الأنسان
بين التسيير و التخيير
والخيار لكاتب الموضوع جاد
مو الخيار اللي بيتاكل !!! جاد
بعرفك عقلك بشط لأنو:lol:

Willi

06/04/2006, 04:01

ماني رح اكتب رأيي هلق بس بدي اسمع الاراء بالاول

اما بالنسبة لنسرين
هوي اذا بدك تكتبي بحث كامل اكتبي
بس فيه شي من الدين فيفضل انو ما تكتبي :jakoush:

whiterose

06/04/2006, 04:10

ماني رح اكتب رأيي هلق بس بدي اسمع الاراء بالاول

اما بالنسبة لنسرين
هوي اذا بدك تكتبي بحث كامل اكتبي
بس فيه شي من الدين فيفضل انو ما تكتبي :jakoush:

:cry: :cry: معناتو بلا ما اكتب

بس حلو ها

ومو كويل بختصرو
:(

امرأة من ورق

06/04/2006, 06:54

هلأ انا برأيي انو مافي شي مكتوب للشخص من اول مابيولد وانو الانسان فيه عندو القدرة انو يغير كل مسار حياتو بس بدو يكون قوي وعندو قدرة عالمواجهة لأنو برأيي الشي اللي عم يسموه الناس مكتوب هوي بالدرجة الأولى مكتوب عليه من المجتمع وضغط المجتمع فلما بيكون قوي وعندو قدرة يواجه المجتمع رح يعمل العجايب
يعني المجتمع مثلا بدو الانسان يدرس شي معين ويخلص دراستو بعمر معين ويتزوج بعمر معين من شريك من نفس دينو وطايفتو ومن عمر قريب من عمرو ويجيب عدد محدد من الولاد ولازم بين الولاد يكون في صبي يحمل اسم العيلة ..... الخ الخ من هيك قصص فبتشوف انسان اذا ماحقق هالشغلات ضمن رضا المجتمع بيحس انو محاصر وانو مافيه عم يعمل اللي لازم يعملو وبيحس انو هيك مكتوب عليه بس هوي ببساطة يغير عقلو شوي ويفكر بشكل جدي باللي عملو بحياتو ويقتنع انو اللي عملو صح بغض النظر عن رأي المجتمع ورح يحس انو مافي شي مكتوب سلفا
يعني المختصر المفيد من رأيي انو مافي قوى غيبية عم تكتبلنا اللي بدو يصير معنا بس ببساطة المجتمع هوي اللي عم يقررنا المكتوب ويخلينا نحس بالعجز ببعض المواقف

Willi

06/04/2006, 07:04

هلق كلامك امرأة من ورق نفس كلام هاني ونسرين

بس انت سميتي كلامك انو مافي شي مكتوب وهني قالو في شي مكتوب وفي شي مو مكتوب
هلق انت اتطرقتي بكلامك عن مستقبل الانسان بس في شغلات صغيرة بتصير مع الانسان
ممكن يكون الها تأثير او لاء
مثال

مرة انا اجتني فرصة اني قدم شغل بس انا ترددت وما عملتو
رجعت اجتي الفرصة مرة تاني انو ممكن اعملو بس انا ترددت كمان مرة
بس الفرصة سمحتلي للمرة التالتة اني اعملو
فأخر مرة انا قلت انو خلص يعني هاي تالت مرة بتصير معي وقدمتو

في اكتر من ظرف بمر فيه الانسان متل هاد
يا ترى هاد شو تفسيرو من وجهة نظركون كمان؟

طبعا هاد من ضمن الموضوع

امرأة من ورق

06/04/2006, 07:17

تعليق صغير بس انو بظن حكيي بعيد إلى حد ما عن حكي هاني ونسرين وخصوصا عن حكي نسرين يعني برأيها أنو الله اوقوة غيبية هيي اللي عم تحدد المكتوب علينا بس برأيي انا انو المكتوب عم ينكتب من قبل المجتمع مو أي قوى غيبية وكمان برأيي انو مانو مكتوب لدرجة انو ملزمين فيه بس عم نكون اضعف من انو نرفضو

مرة انا اجتني فرصة اني قدم شغل بس انا ترددت وما عملتو
رجعت اجتي الفرصة مرة تاني انو ممكن اعملو بس انا ترددت كمان مرة
بس الفرصة سمحتلي للمرة التالتة اني اعملو
فأخر مرة انا قلت انو خلص يعني هاي تالت مرة بتصير معي وقدمتو

هلأ مشان هيك مواقف بدي قلك انو طبيعي تجيك نفس فرصة العمل تلات مرات او اكتر لانو ببساطة ومتل مابتوقع من الموقف اللي حكيت عنو انك قبل ماتقبل هالشغل ماكنت عم تشتغل او عندك عمل مو راضي عنو وحابب تغيرو وبالتالي بحالة بحث عن عمل وكمان بتوقع انو هاد العمل الو علاقة الى حد ما باختصاص دراستك او بطبيعة العمل اللي بتناسبك ومكان خالي للعمل وشخص بيناسبو طبيعي انو يكون في علاقة بيناتهون وتتكرر نفس فرصة العمل اكتر من مرة الك
وكمان لاحظ انو تكرار الفرصة لنفس الشغل عندك مابتعني ابدا انو هاد العمل مكتوب عليك يعني لو انك ابدا مو مقتنع فيه كان ممكن ترفضو مرة تالتة ورابعة وعاشرة كمان وتضل ناطر فرصة غير يعني بالنهاية القرار رجع الك انو تقدم عليه

Willi

06/04/2006, 07:43

لا انا مو هاد قصدي بالتشابه
بس بتوقع من اللي فهمتو من حكيك وحكيهون انكون انتو موافقين على انو الانسان هوي بيصنع مستقبلو وهاد اللي قصدتو

بالنسبة لفرصة العمل اللي انت حكيتي عنا
انا بس عم اعطي مثال
بس انت فهمتي مثالي خطأ

االشغل والشهادة ما الها علاقة بالموضوع
مثال تاني طيب بلكي واضح اكتر
هلق من شوي كنت عم اقرا خبر عن شب ضربو سيرفيس
ودخلت حديدة برقبتو (بالرغم من انو ضربة متل هاي خطيرة كتير وممكن تسبب بموت) بس هالحديدة دخلت بشكل عجيب برقبتو بدون ما تأثر على اي شي لا وريد ولا شريان بس مجرد اذت العضلات شوي

هلق بعض عالم ممكن تقول لهاي انو مكتبولو انو يعيش
ومو مكتبلو انو يموت هلق

امرأة من ورق

07/04/2006, 06:12

اهلين willi
هلأ انا اللي قصدتو من الحكي على شغلك أنو أغلب الأشياء اللي الناس بيفسروها أنو نصيبو للإنسان ومكتوب عليه ممكن تلاقيلها تفسير منطقي يعني واحد بتتكرر عندو نفس فرصة السفر أو الشغل أو أي شي هي اذا بتقصد تفسرها بشكل منطقي أكيد رح تلاقيلها تفسير منطقي يعني مو لأنو مكتوب عليه ببساطة ولازم يعملها سواء حب أو ماحب رح يعملها وأغلب الأشياء اللي بتصير معنا هيك. بس نحنا تعودنا على فكرة المكتوب والنصيب ولهي ماعدنا نحاول أنو نلاقي التفسير المنطقي أو يمكن مابدنا نعذب حالنا بالدوارة عالسبب
أما الشي اللي صار مع هاد الشب فهو مجرد صدفة بس هيك صدف برأيي ممكن نعيش حياتنا كاملة وماتصير معنا هيك شغلة ولامرة أو تصير شي مرة بكل العمر وأنا وحدة من الناس اللي ولامرة ماحسيت انو صار معي هيك صدف يعني برأيي أنو هالأمور اللي مابتتفسر بتبقى هيي الحالات النادرة وفعلا مابتتعدى كونها صدف قليلة وبس
ومن أكتر الأشياء اللي الناس بيقولو أنو مكتوبة عالناس هيي شغلة الزواج.... يعني وحدة بتعنس مثلا بيطلعو الناس بيقولو هي عنست لأنو هيك نصيبها بس برأيي أنو في شي تاني اكتر من النصيب يعني ممكن هيي ماعرفت تتعامل مع الرجل بطريقة تخليه يفكر فيها كحبيبة أو يمكن كانت متطلباتها من الرجل اكتر مما بيقدر عليه أو اكتر مماهيي بتستاهل من الرجل أو .... أو .... أو ..... يعني اذا بتطلع على أي وحدة عانس بتشوف أنو عالاكيد عندها شي مشكلة من هالنوع وبالتالي مو مكتوب عليها أبدا وإنما هيي عندها شي مشكلة ونفس الشي غالبا للي بيفشلو بعلاقات الحب أو الزواج وطبعا هالحكي بينطبق عالجنسين يعني أنا ماعم لوم بس البنات بحالات الفشل
بتمنى كون عرفت وضح فكرتي
:سوريا:

Willi

07/04/2006, 06:18

لك شباب وصبايا الرأي الاخر
وينكون؟؟

Willi

07/04/2006, 06:25

طيب هلق انا بوافق تماما قصة الزواج والشغل والتعنيس والدراسة وهالحكي كلياتو
الانسان هوي بيصنعو

بس انا عم احكي عن الشغلات الصغيرة اللي بتصير مع الانسان

مثال غيرو:
طبعا كلنا منعرف انو اذا الصاعقة ضرب شخص
بتجيب اجلو او بتكرسحو
طيب شو رأيك باللي ضربتو 5 مرات ومع هاد ما تأثر ولا صرلو شي
كمان صدفة؟

يا عيبو

07/04/2006, 06:46

في عالم بتأمن بالمكتوب
كل انسان حياتو مكتوب من قبل ما يجي على هالدنيا ونحنا ما منقدر نعمل شي لنغير هالحياة

بيمنا في قسم تاني بأمن
الانسان هوي اللي بيصنع حياتو او مستقبلو
يعني مافي شي مكتوب متل ما بتعمل بتاخد

فأنا بدي اعرف شو رأي الشباب والصبايا بهالشي
في شي اسمو مكتوب؟
ولا مافي شي من هالحكي؟

ولا ....................................؟

مبينة

لحتى يكون في شي مكتوب لازم يكون في حدا كاتبو

و اذا في حدا كاتب شي ...ما رح يخلي مخبا ..اكيد رح ينشرو

و طالما مافي شي منشور

معناتا مافي شي مكتوب

و باب اللي بيجيك منو الريح

********* اللي ركبو :سوريا:

امرأة من ورق

07/04/2006, 06:51

طبعا كلنا منعرف انو اذا الصاعقة ضرب شخص
بتجيب اجلو او بتكرسحو
طيب شو رأيك باللي ضربتو 5 مرات ومع هاد ما تأثر ولا صرلو شي
كمان صدفة؟

:shock: :shock: :? :?
معقول خمس مرات؟؟؟
هلأ اول شي انت اكيد من الخبر ولا مجرد سماع من الناس اللي سامعة من ناس سامعة من ناس وكمان هدول الناس سامعة من ناس غير؟؟؟
لأنو حاسة فيها ريحة المبالغة
بكل الاحوال انا دراستي للاسف ادبية يعني صعب دورلك على تفسير علمي لهيك ظاهرة (وسمحلي سميها ظاهرة لانو اذا كانت صايرة عن جد بيكون في شي مو طبيعي) بس مارح استغرب اذا طلعلها شي تفسير علمي ولو كان بامكانياتي العلمية كنت بدورلها على هيك تفسير بس للاسف معلوماتي عن هيك اشياء صفر :cry:
بكل الاحوال احتمال انو الصاعقة تصيب الانسان ولو مرة وحدة بحياتو مابيتعدى الواحد بالمية الف مدري الواحد بالمليون مابذكر شو كان الرقم بس انو احتمال كتييييييييييييير صغير بقى اللي بتلقطو خمس مرات بالفعل لو كان بامكاني كنت درست حالتو لهالانسان لانو بتخيل انو في شي بجسمو عم يجذب الصاعقة لعندو ويمكن هالشي الغريب اللي بجسمو خلاه يصير عندو مقاومة اكبر للصاعقة ...... وهون عم احكي بجد اكيد الانسان هاد فيه بجسمو شي مو طبيعي وحالة بتستحق الدراسة
بس كمان مابسميها نصيب ومكتوب عليه

وتحياتي :سوريا:

Willi

07/04/2006, 06:54

مبينة
لحتى يكون في شي مكتوب لازم يكون في حدا كاتبو
و اذا في حدا كاتب شي ...ما رح يخلي مخبا ..اكيد رح ينشرو
و طالما مافي شي منشور
معناتا مافي شي مكتوب
و باب اللي بيجيك منو الريح
********* اللي ركبو

خيو وشو مشان التنبيه صار معك 92%
يعني من اول ما دخلت عالمنتدى انت وعم تاكل بهالتنبيهات
هاد نصيبك
ومنشورا الشغلة:clap:

يا عيبو

07/04/2006, 06:57

خيو وشو مشان التنبيه صار معك 92%
يعني من اول ما دخلت عالمنتدى انت وعم تاكل بهالتنبيهات
هاد نصيبك
ومنشورا الشغلة:clap:
هاد اجتهاد شخصي

و كبعا فيناس الهن فضل عليي و انا ما بنكر هالشي و ذكرت مين هني هالناس

بس بخصوص القدر و المكتبو و هالحكي هاد هاي كلا خزعبلات 8)

اذا بتكون مدعوم بيمشي حالك و ما بهمك لاالقدر و لا المكتبو ولا لجنة التحقيق الدولية :gem:

اما اذا مالك حدى ما بتلاقي غير نصيبك عم يصيبك :lol:

و بس

Willi

07/04/2006, 07:02

معقول خمس مرات؟؟؟
هلأ اول شي انت اكيد من الخبر ولا مجرد سماع من الناس اللي سامعة من ناس سامعة من ناس وكمان هدول الناس سامعة من ناس غير؟؟؟
لأنو حاسة فيها ريحة المبالغة
بكل الاحوال انا دراستي للاسف ادبية يعني صعب دورلك على تفسير علمي لهيك ظاهرة (وسمحلي سميها ظاهرة لانو اذا كانت صايرة عن جد بيكون في شي مو طبيعي) بس مارح استغرب اذا طلعلها شي تفسير علمي ولو كان بامكانياتي العلمية كنت بدورلها على هيك تفسير بس للاسف معلوماتي عن هيك اشياء صفر
بكل الاحوال احتمال انو الصاعقة تصيب الانسان ولو مرة وحدة بحياتو مابيتعدى الواحد بالمية الف مدري الواحد بالمليون مابذكر شو كان الرقم بس انو احتمال كتييييييييييييير صغير بقى اللي بتلقطو خمس مرات بالفعل لو كان بامكاني كنت درست حالتو لهالانسان لانو بتخيل انو في شي بجسمو عم يجذب الصاعقة لعندو ويمكن هالشي الغريب اللي بجسمو خلاه يصير عندو مقاومة اكبر للصاعقة ...... وهون عم احكي بجد اكيد الانسان هاد فيه بجسمو شي مو طبيعي وحالة بتستحق الدراسة
بس كمان مابسميها نصيب ومكتوب عليه

وتحياتي

اي والله شفتها عالتلفزيون ببرنامج believe it or not
بحط عن شغلات غريبة عجيبة

وكانت احدا قصصو عن هالشخص

Willi

07/04/2006, 07:09

هاد اجتهاد شخصي
و كبعا فيناس الهن فضل عليي و انا ما بنكر هالشي و ذكرت مين هني هالناس
بس بخصوص القدر و المكتبو و هالحكي هاد هاي كلا خزعبلات
اذا بتكون مدعوم بيمشي حالك و ما بهمك لاالقدر و لا المكتبو ولا لجنة التحقيق الدولية
اما اذا مالك حدى ما بتلاقي غير نصيبك عم يصيبك
و بس

اي هيك معك حق اجتهاد شخصي
بالنسبة للقدر والمكتوب
انا ما زيادة بأمن فيهون بس مجرد عم حاول اخلق نقاش مشان الشباب يدخلو ويناقشو
بس شكلهون مو خرج

يا عيبو

07/04/2006, 07:11

اي هيك معك حق اجتهاد شخصي
بالنسبة للقدر والمكتوب
انا ما زيادة بأمن فيهون بس مجرد عم حاول اخلق نقاش مشان الشباب يدخلو ويناقشو
بس شكلهون مو خرج
انا حاسس الشباب هون بخافو لا ياخدو تنبيه

مع انو احلا شعور والله

بتحس حالك بعالم تاني ..و انو مافي قوة بالكون ممكن توقف بوجهك :lol:

SAM 1

07/04/2006, 23:08

بتحس حالك بعالم تاني ..و انو مافي قوة بالكون ممكن توقف بوجهك
لحد ما يصير تنبيهك 100% وقتا بتنتقل للعالم الآخر .. واللة يرحمك

منرجع للموضوع
باختصار شديد برأيي المتواضع ما في شي اسمو مكتوب
وكل شي بهالحياة بتحكمو الصدفة فقط لا غير.......

lonly_man0000

04/05/2006, 06:03

اولا انا عايز اشير لحاجة .. مينفعش اننا نتكلم عن المكتوب بعيد عن الدين لان ده صميم الدين ..
يعنى بالادق المكتوب هو القدر ...
بس انا هجاوب عقلانيا لا دينيا ... وده نتيجة تفكير دام سنين فى الموضوع ده ..

اولا فيه مكتوب .. وكل حاجة هنعملها او عملناها او بنعملها ... هيه مكتوبة من قبل ( عقلانيا ) ... وتكتب اثناء ارتكاب الفعل ... ( واتفق على ذلك كل الاديان .. بالنسبة الى تكتب اثناء تفعيل الفعل ) ,,
اما بالنسبة لاى وجهة نظر انتمى .. من ان المكتوب مكتوب وانا اعمل ما هومو مكتوب ؟؟ او اننى اصنع حياتى ومستقبلى باختيارى ) ...

فانا عندى الحل .. من وجهة نظرى .. ان حياتى مكتوبة من قبل ان اتى الحياة ... لكننى لا اعرف عنها شيئا .. وجهلى بها يضع القرار فى يدى ان اختار مستقبلى باختيارى انا .. الا ان اختيارى هذا مكتوب من قبل .. والسبب اسبقية علم كاتب المكتوب باختيارى قبل ان اختار ...

يمكن كلامى غريب شوية بس انا متاكد انك هتفهمه لان من يثير القضية ديه اكيد شخص عاقل ومفكر ناضج.

مايا *

17/05/2007, 11:37

up.

من بعد إذنك جاد ... حبيت بس إرفع الموضوع لأنو كتير حلو ..
و ما بعرف كيف ما إنتبهتلو كل هلـ الإيام ..

بس إنت كاتب أنو ما حدا يجيب شيئ من دينو .. يكتب الي بقولو عقلو !!
ما أنا بحس إنو بهاي النقطة تحديدا ً العقل بيتناقض مع الدين ..

هلى نحنا خلقنا و عشنا , و متعودين على أنو كل شيئ مكتوب و مقدر ..
بس بالعقل ( و هاي وجهة نظري بس ) أنو هلى
بيقولولك انو العقل هوي الي بيختار الصح و الخطأ ..
طيب بالعقل .. ان كنت بتأمن بالمكتوب .. / وهوي أساس بالدين لايمكن تتجاهلو/ ..
ففي شيئ أنو من قبل ما تخلق تقدرلك أنو أنت راح تغلط .. :?
و هون المفارقة بالنسبة الي يعني كيف الك الحرية بالإختيار ,, و بالأصل النتيجة محسومة سلفا ً !!..

كأني ما جاوبت ما ؟؟ :shock:

وائل 76

17/05/2007, 13:20

Willi

17/05/2007, 18:55

هلق من ناحية جاوبتي
انت جاوبتي.
بس من ناحية اني فهمت عليكي.
هاي لاء.

ما فهمت شو حكيتي يا ريت تشرحي اللي كتبتيه بطريقة تانية

مايا *

18/05/2007, 15:10

يعني ... !!
هلى أنا بصراحة محتارة بين التنين هدول ..
يعني لما بسلّم جدلا ً ( بما أني منتمية دينيا ً , و إنتماءي بحتم عليي آمن بالمكتوب ) أنو كل شيئ بحياتنا مكتوب / من قبل ما نخلق / يعني حياتنا بتفاصيلها الصغيرة مكتوبة كأنها سيناريو .. و إنخلقنا نحنا أبطال لنلعب هلـ الدور .. فبحس أنا شخصيا ً بشوية ظلم ..
لأنو الي إنكتبلو أنو يغلط من / مابعرف كام مليون سنة / و مافي شيئ راح يغير هلـ الإحتمال فمعناها تهمش عقلي الي هوي أصلا مبرمج إني راح إغلط .. فبكون أنا مسيرة بكل شيئ ..

..

أما إن قلت أنو أنا الي بصنع حياتي .. و مستقبلي .. فمعناها سلطة الرب الي خلقني , إنتهت من لمن عطاني العقل .. !! ز قراراتي الي أنا بتخدها بعدها .. مسؤولة عنها و ما في شيئ إلو سلطة عليها و يحركها أو يبت فيها قبل ما إتخزها .. وهاد الشيئ بيتنافى مع العقيدة مهما كانت ..
..
أنا بعرف إني ما جاوبت ..
ولا راح لاقي جواب .. بس أنو أنا كمان دابحتني هلـ الشغلة ..
:D

Willi

18/05/2007, 18:26

مبتسم

18/05/2007, 19:57

لا الشغلة مو هيك فا الانسان ليس مسير في جميع اعماله وليس مخير هو شغلة بين الشغلتين يلي زكرتيهن فلو فرضنا ان الله قد قدر جميع اعمالنا قبل ان نولد لما كانت الدنيا دار اختبار بما ان جميع اعمالنا قد كتبها الله فبكون هيك الله كتب الجنة لناس وناس (يعني خيار وفقوس) ولا هو مخير في جميع اعماله لانه لا يملك القدره على عمل الاشياء دون ان يمده الله بالقدرة لعمل ذلك
بل هو امر بين الشغلتين يعني ان الأنسان مخير ومسير معا أي ان الانسان يختار العمل ثم يقوم الله باعطائه القدره للقيام بهذا العمل

Willi

18/05/2007, 23:28

القدره على عمل الاشياء دون ان يمده الله بالقدرة لعمل ذلك

متل؟؟

بل هو امر بين الشغلتين يعني ان الأنسان مخير ومسير معا أي ان الانسان يختار العمل ثم يقوم الله باعطائه القدره للقيام بهذا العمل
لا هون خبصت شوي.
يعني هلق انا بختار اني اقتل واحد بيجي الله بمدني بالقدرة اني اقتلو؟

مبتسم

19/05/2007, 23:57

اولا اناحابب اشكرك لأنك قرائت المشاركه
طيب اذا فرضنا أنو الله لم يعطه القدره على القتل فهذا يوجب ان يكون هناك مصدر للقدره فأما أن تكون من الأنسان نفسه وأما أن تكون من مصدر خارجي
وفي الحالتين تستوجب هذه القدره الممنوحه وجود شيء ما أعطى هذه القدره فأذا لم يكن الله هو الذي منح هذه القدره فهذا يوجب وجود شريك مع الله يستطيع ان يعطي القدرة لمن يشيء بغير أذن الله وهذا مخالف لجميع الأديان السماوية التي تؤمن أن الله لا شريك له.

وائل 76

23/05/2007, 14:42

يعني حسب ما فهمت انو برأيك يا هيك يا هيك.

اي ما السؤال هو انو انت مع انو منهون :lol:

ومعك حق في كتير عندهون نفس الاحتيار (من محتارة, بس ما طلع معي كلمة افضل)

بس انا ما بأيد الاولى, لانو اذا انا هلق قعدت وما عملت شي. رح اطلع انسان فاشل.
بينما اذا بلشت اشتغل على حالي وتعبت فرح انجح.
الحالتين كان الخيار الي بأني اعملهون.

يعني انا شخصيا بلاقيها انو اقرب للعقل.
بينما الاولى هية مجرد استسلام.

منطقي جداً كلامك جاد و أقرب لليقين و قبول العقل >>> قبول عقلي هون لكلام جاد دليل على أنو لععقل دور في الممايزة بين فكرتين و إختيار الفكرة الأقرب لتركيبتي النفسية و العقلية ..

في قصة صغيرة مناسبة للموضوع هاد و حابب تسمعوها ,,,, متل ما بيقولوا المثقفين (هوامش الحوار ):p
كلف صاحب مزرعة عاملاً عنده ان يقطع له الأشجار من الحديقة فانجز الرجل العمل في وقت وجيز..

وفي مرة اخرى كلفه أن يرص الأشجار المقطوعة،،،فأنجز ذلك في وقت أقل مما كان أن يتوقع صاحب المزرعة..
وفي المرة الثالثة..كلف صاحب المزرعة العامل بفرز كمية من البطاطس،،وإستبعاد الفاسد من الجيد،،ومن الأقل جودة،،فأستغرق في ذلك وقتاً أطول مما توقع صاحب المزرعة..
وحينما سأل العامل عن سبب بطء إنجاز المهمة،،قال العامل:إن الصعوبة التى أجدها في الأختيار بين الفاسد ..والجيد .والأجود. تكاد تقتلنى..
وقد عبر الفلاسفة..عن هذا المعنى بقولهم
(ليست الصعوبة الكبرى في الحياة أن تختار بين الخير والشر بل الصعوبة بين الخير والخير)

بعيداً عن الحديث في الأديان و ما جائت به في هذا الموضوع ,, أنا عندي فكرة بسيطة جداً بالموضوع هاد , هلاء التكوين النفسي للإنسان بيلعب دور و دور كبير في إختياره للأفعال أو تكوين سلوكه .. يعني هلاء من الممكن أنو يكون في أمور بحياتي عاجز أني غيرها أو أني أتجاوزها بشكل يحقق الرضا النفسي ,, معظم الأحيان بنكون أحنا المسؤلين على أنو وصلنا لهون .. ضعفنا في نظر أنفسنا و أن يلي عم نواجهه هوي أكبر من أنو نغير الواقع بإرادتنا كفيل أنو يوصلنل لمرحلة من اليأس نقبل فيها كل شي موجود بالواقع دون وجود أدنى إرادة للتغير ,, هون حتى توضح المسألة أكتر راح أضرب مثال صغير ..

هلاء على إفتراض أني أنا بدرس بالجامعة و تفاجئت أنو بكرا عندي إمتحان مهم و الكتاب تبع المادة مكون من 500 صفحة و ما بعرف عنه شي ,, هلاء ضعفي و خوفي راح يهيئني نفسياً الا انو الباقي من الوقت أقل بكتير من اني أدرس و ركز بالمادة و بالتالي بروح على الامتحان و برسب فيه !!
لكن لو حيدت مسألة الوقت و فرضت على نفسي أني استغل كل ثانية من الوقت الموجود ممكن ركز و ممكن قدم الإمتحان و انجح على الحفة متل ما بيقولوا و حتى لو رسبت فيه بكون بنظر نفسي عملت واجبي تجاه مستقبلي و ما قصرت ..

شغلة تانية مهمة أنو التكوين النفسي يلي بيساهم فيه التنشئة بالبيت و الاسرة و المدرسة بيساهم بشكل كبير في إخايارنا لأفعالنا .. يعني هلاء ممكن نلاقي تنتين صبايا ظروفهم المادية كتير صعبة و ما إلهم حدا يصرف عليهم .. ممكن تلاقي وحدة منهم إتجهت لتشتغل عاهرة و لو سألتها ليش وصلتي لهون راح تقلك المجتمع الوسخ و ما حدا وقف جنبي و كتير شغلات ممكن تعلل فيها يلي وصلت إله .
بالمقابل ممكن تلاقي الصبية التانية عم تشتغل خدامة بالبيوت .. لو سألتها ليش عم تعملي هيك راح تقلك ما كان قدامي الا اني اشتغل هيك بدل ما اتحول لمجرد عاهرة رخيصة .. إحترامي و ايماني بذاتي فرض علي انو وقت المفاضلة اقبل بكوني خادمة ولا اني بيع لحمي للشخص يلي بيدفع اكتر !!

هون التكوين النفسي و تركيبة الانسان عم تلعب دور كبير في إتجاه سلوكه برغم أنو كلاهما كان بنفس الظروف و بنفس الواقع .. لكن اختلفوا على النقيضين تماماً ..

ما بدي طول كتير حتى ما يكون ممل بتابع بمشاركات تانية لو الشباب معنيين بالنقاش بالموضوع

دمتم يا مجبرين :p

خالتو مايا* عم اكتب بالبني حتى غيظك :melody:

Willi

23/05/2007, 22:24

أي انا معك بكلامك بس شو علاقة هاد بالمكتوب!!:shock:

وائل 76

23/05/2007, 22:27

أي انا معك بكلامك بس شو علاقة هاد بالمكتوب!!:shock:

I do not know :cry:

Willi

23/05/2007, 22:48

:lol:

على راسي زعيم

كاتمة الاحزان

25/06/2007, 19:42

المكتوب يعني انو ربنا عارف كل انسان بهي الدنيا شو رح يتصرف وشو رح يعمل
ولان الله عالم بكل شئ فكل هادا مكتوب على اللوح المحفوظ يعني القصة ما بدا كل هدا التعقيد

كاتمة الاحزان

25/06/2007, 19:46

جان بن جاك الروسوي

11/07/2007, 01:00

انا ما بأمن انو في شي مكتوب بهالوجود الانسان بيصنع كل شي بنفسو

mbm2005

19/07/2007, 13:01

بالنسبة لي، انا لا أؤمن بالمكتوب أو ما بفكرة مسير ومخير
الإنسان حسب رأيي المتواضع هو كيان حر له إرادة تامة وحرة
الإنسان بكامل إرادته يختار أمر ويترك امر أخر
إذاً يمكن ان نقول ان الإنسان حر في كل شيء

وشكراً