من أقوال سقراط [الأرشيـــــف]

HITLER ALARAB

03/04/2006, 22:35

1.ليس العاطل من لا يؤدي عملاً فقط ،العاطل من يؤدي عملاً في وسعه أني يؤدي أفضل منه.
2.حاذرعمل الشر أكثر مما تحاذر العذاب بسببه.
3.المرة العظيمة هي التي تُعلمنا كيف نُحب عندما نريد أن نكره ، وكيف نضحك عندما نريد أن نبكي، وكيف نبتسم عندما نتألم.
4.عبقرية المرأة في قلبها.
5.إذا قلت للمرأة:أنتِ جميلة فافعل ذلك همساً ،لأن الشيطان إذا سمعك ردد في أذنها صدى قولك مرات.
6.قلة الدين و قلة الأدب وقلة الندامة عند الخطأ ، وقلة قبول العتاب أمراض لا دواء لها.
7.متى أُتيح للمرأة أن تتساوى مع الرجل أصبحت سيدتة.
8.لا فضلية بلا معرفة.
9.ليس من من الضروري أن يكون كلامي مقبول ، من الضروري ان يكون صادقاً.
10.الحكمة لله وحده،وعلى الإنسان أن يجد ليعرف ، وفي استطا عته أن يكون محباً للحكمة تواق إلى المعرفة ، باحثاً عن الحقيقة.
11.كل ما أعرفه إني لا أعرف شيئاً

(((الجنرال أبوجعفرالورد)))

04/04/2006, 23:52

يا أخي هالسقراط فهمان .... شو بدك بالحكي ........

سرسورة

05/04/2006, 00:54

7.متى أُتيح للمرأة أن تتساوى مع الرجل أصبحت سيدتة.
هي ماني موافقة عليا ابدا:x :x

YaSeR

05/04/2006, 01:15

1.ليس العاطل من لا يؤدي عملاً فقط ،العاطل من يؤدي عملاً في وسعه أني يؤدي أفضل منه.

هي قووويه

here i am

05/04/2006, 01:41

.كل ما أعرفه إني لا أعرف شيئاً

اسحق نيوتن :

" إنني جاهل، لا أعرف إلا حقيقة واحدة ، وهي أنني لا أعرف شيئاً."

Ghiath

05/04/2006, 01:54

7.متى أُتيح للمرأة أن تتساوى مع الرجل أصبحت سيدتة.
هي ماني موافقة عليا ابدا:x :x

ليش ؟؟؟ مع إنو هاي أكتر وحدة مزبوطة بالحكي كلو ... ;-)

سرسورة

05/04/2006, 02:02

لانو بس تتساوى معو بتصير متلو مو سيدتو ابدا... بس عقد الرجال هي بتخليون يفكروا هيك..;-)

here i am

05/04/2006, 02:03

بالوقت الحاضر الرجل يطالب المساواة بالمرأة

Ghiath

05/04/2006, 02:05

لانو بس تتساوى معو بتصير متلو مو سيدتو ابدا... بس عقد الرجال هي بتخليون يفكروا هيك..;-)

لا مو مزبوط هالحكي .... بيصير عندها حقوق أكتر منو لا و بالأحرى بيصير هوي لازم يطالب بحقوقو :pos:

سرسورة

05/04/2006, 02:12

بالوقت الحاضر الرجل يطالب المساواة بالمرأة
في مجتمعنا لسا ما وصلنا لهي المرحلة.....اساسا مطالبة الرجل بالمساواة مع المرأة ليس مدعاة للفخر كتير..خصوصي انو مجتمعنا ذكوري...بس المراةبئيدا تقدر تكون بكفة المساواة او لاء

صياد الطيور

05/04/2006, 10:35

مشكور يا غالي
كلام بليغ من العظيم سقراط ..

ghazool

05/04/2006, 10:47

1.ليس العاطل من لا يؤدي عملاً فقط ،العاطل من يؤدي عملاً في وسعه أني يؤدي أفضل منه.

:cry: ولي ... اصحكن يسـمعها مديـري بالشـغل !!!

7.متى أُتيح للمرأة أن تتساوى مع الرجل أصبحت سيدتة.

:ok:

suberstart

05/04/2006, 11:17

شمرا اخوي اقوال جميلة

here i am

05/04/2006, 15:23

في مجتمعنا لسا ما وصلنا لهي المرحلة.....اساسا مطالبة الرجل بالمساواة مع المرأة ليس مدعاة للفخر كتير..خصوصي انو مجتمعنا ذكوري...بس المراةبئيدا تقدر تكون بكفة المساواة او لاء
لك وصلولها و قطعوها كمان ..... لك يرحم ترابك يا زعبوط .....
:cry: :cry: :cry: :cry:
طارق وينك

here i am

05/04/2006, 15:30

زعبوط

بيجيبو مليون ولد و بعدين بيقولو فقر و بدنا نعيش و عم نجوع و يلعن هالحكومة (ما منختلف هون)...... مجتمعنا متل ما منشوف مجتمع يعيش بعقلية قبلية.....من زمان كانو يزتو البنت تحت التراب لما بتنولد....هلأ بيخلوها فوق التراب منشان القانون بس راسها تحت التراب!!لك يلعن هالشب شو اكل حجر كبير...... لك يا حسرة.....مشحوطين و علينا مليون مصيبة و قصة و مسؤولية و مع هيك.....بيضل الاب عم يكدح طول الليل لحتى مرتو تبظ صبي! ليش؟انا بقلكون...انولد الصبي...... تعا يا صبي روح ع المدرسة..... و هون في احتمالين....- الصبي طلع حمار بالمدرسة...روح يا صبي اشتغل...الصبي اشتغل....صار عمرو 18...روح يا كلب عالعسكرية...... اتبهدل و انذل...تعا يا صبي.....بدك تتجوز.....لازم تلاقي وحدة من مستواك....يعني لا علم و لا دراسة و لا ثقافة....بتعبير اخر... حمارة بالدراسة.......غير هيك....البنت يلي بتعرف تقرا الابراج بتصير بتذلو بأنو مالو شيت علم و سئافة.....و هون بيتعقد من النسوان و بيصير عندو عقدة نقص و بيبلش يكره النسوان....و غير الصبيان....ما بيقبليا اما....- الصبي طلع فهمان بالدراسة........دخل جامعة....... تشحوط بالجامعة لحتى يقدر يحكي مع فلانة.....و شلون...بيكون حجزلها مقعد بالمحاضرة و ورجاها انو شاطر و دريس...و بعدين بعد شي شهر على هل المنوال بتعرف اسمو و بتستعير منو دفتر و را دفتر...و بعد شهرين...بتصير ما بتنزل على المحاضرات لانو هو بيحضر و بيكتبلها و بعدين بيشرحلها الدرس....و بعد شي ست شهور....بتعرف هو من بيت مين....و خلال هالفترة....الشب بيكون طابس و مفكر حالو عايش احلى قصة حب بحياتو....و على شرايط عبد الحليم رايحة و شرايط راجعة..... بالسنة التانية بتعطيه رقم تلفونا....بس كل ما بيتصل ما بترد و تاني يوم بيشوفها بالجامعة و بتقلو انو ما ردت على التلفون لانو كانت بالحمام و لما طلعت من الحمام....اجا لعندهون ضيوف و بعد ما راحو الضيوف حطت عشا....و بعد العشا....قامت العشا......و لسا ما لمست الفرشة و هي ماسكة التلفون بدها تتصل.....غفلت.....هو طبعا....بيقلها انو لا اكل و لا شرب و لا فات على الحمام ناطر تلفونها....بس طبعا....بيضل مبتسم....و طابس......تاني يوم بيتصل....و ما بترد....و نفس القصة...حمام و ضيوف و عشا و نوم.....و تالت يوم و رابع يوم.....و الشب طابس و عشقان...باليوم العاشر....بيتصل فيها و للمفاجأة....هي بترد....و بتقلو انو هو ابن حلال و انو هي كانت عم تفكر فيه و بدها تتصل فيه......هون....بهل اللحظة.......مافي نقطة دم بجسمو الا و بتروح على قلبو يلي وصل صوت نبضاتو لاخر الحارة...... بعد دقيقتين....بتقلو:"معليش تجبلي دفتر محاضرات المادة الفلانية"...و طبعا....هو طابس و عشقان.....السنة التالتة...... بتكون عم تتعشا مع اهلها...ابوها بيسألها عن دراستها.....هي بتخبرو انو تمام التمام و كلشي عم يصعب عليها عم تسأل عنو و في مين عم يساعدوها.....تاني يوم....بتشوفو للعاشق الولهان بالجامعة..حامل دفاترو و دفاترها....و بتقلو انو مبارح حكت لابوها عنو..... هون الشب......بيطير عن سطح الارض.....طبعا...بينو و بين حالو.....و بيرجع على البيت.....و بالصدفة بيجتمع مع ابن خالتو يلي بيكون محبط عاطفيا....بيقوم بيصير صاحبنا بيعطيه نصائح عاطفية منتقاة من ملخص خبرتو الناجحة مع الجنس الاخر.....بالسنة الرابعة....بتتصل فيه تلفون......هو بيشعر بكامل الاستقرار.....مهو صار على باب التخرج....و حب حياتو الوحيد و الاول و الاخير....موجود... بتقلو....انو لازم تشوفو.....هو هون بينفلج....رح يشوفها لاول مرة برات الجامعة....و خارج اوقات الدوام.... بيتخيل حالو عريس و و هي عروستو..و بيقرر انو بدو يخليها تختار اسم اول ولد...تعبيرا عن حبه.....بيلبس و بينزل لشوفها....بيحكو بأمور الدراسة....و بالصدفة...بتكون حاملة معها كتاب... و بالصدفة.... و يا محاسنك يا صدف....بيكون في درس طويل عريض مو فهمانتو.....و للصدفة....بيكون هو اشطر واحد بهل المادة..... بيخلص الموعد.....و بيرجع على بيتو....و بيبلش يحكي مع امو....عن قصة الحب الجامح يلي عايشها...... الام بتفرح....و زلغطي يا جارتنا ام تحسين....صار التخرج....الشب...بكل بسالة.....لبا نداء الوطن و راح انفرز على دير الزور منشان يخدم العلم و كل مين تحت العلم بس فوق الناس.....نزل مرتين عالشام....اتصل فيها....ما ردت.....حمام و ضيوف و عشا.....مرو سنتين.....و خلص عسكرية..... و هلأ صار الوقت المناسب لينتقل بعلاقتو الى باب الجدية و الحياة الزوجية......بيحكي مع اهلو و بيخبر رفقاتو....و بتعيش الحارة بأفراح و اتراح.....و ليالي ملاح.....بيتصل بحبيبتو...... ما بترد......... بس طبعا.....هي حبيبتو.....يعني اكيد بيعرف وين بتشتغل....بيروح بيشوفها....بتفرح بشوفتو....و بتعتذر لانو ما ردت على تلفونو...حمام و ضيوف و عشا........بتجي زميلتها بالشركة....بتعرفها عليه و بتقلها انو هادا الشب يلي ساعدني بالجامعة و حكيتلك عنو....... (في وقت سابق في ذلك النهار...بتكون عم تحكيلها عن واحد سطلة بس دريس....كانو يحكو معو منشان يدرسهون و يكتبلهون محاضرات ايام الجامعة) ....هو...بيسمع انو حكت لزميلتها عنو....و ما بيعود بيسمع شي.....طبول الزفاف تقرع في اذنيه....بيقلها انو لازم يحكي معها بموضوع مهم....و مصيري.....بعد ما تستنفذ كل الاعذار القانونية و الشرعية.....بتوافق.......بيلبس بدلة اشتراها خصوصي....و بيبخ من عطر دفع حقو 600 ليرة.....و اخيرا.....بيصارحها بالحب يلي بقلبو......و بيطلب منها موعد منشان يطلبها من اهلها.....هي بتنذهل.....و بتتفاجأ.....و بتقول:" مصطفى...شو عم تحكي؟...بليز لا تكمل....و تنزع الصداقة يلي بيناتنا......يا مصطفى...ارجوك....انا هالصداقة بتعنيلي كتير.....لا تخربها" ....و بتمشي....الشب....بيصير فيه احد الاحتمالين......- بينصدم و بيلعن ابو البنات.......و امو بتجوزو بنت خالتو حفيظة يلي اصغر منو بعشرين سنة.....و كل ما بتولد مرتو و بتجيب بنت بيتذكر قصة الحب المرير مع مايا....و بيصير بيسب و يلعن... و يلا يا مرا فوتي لجوا ...بدنا نجيب صبي...يا اما....- بينصدم و بيلعن ابو البنات.....و بهل اللحظة.....بتجي زميلتو بالمكتب و بتسألو عن الساعة.....و وقتها....بتتولد عندو مشاعر حب تجاها بشكل بعمرو ما حس فيه....و بتبلش عندو....قصة حب جديدة.....و بعد كل هالشي....بيسئلو ليش الرجال دايما بيفضل يجيه صبيان مو بنات......بتمنى كون وضحت بشكل علمي و معملي بحت....زعبوط

منقول عن ماغوطنا
يرحم ترابك يا طارق

سرسورة

05/04/2006, 18:12

طول بالك......انا ماني شايفة الشغلة بهالسوء...................كئبتني....: ? :? :( :(

drhas

10/04/2006, 08:51

كل ما اعلافه اني لا اعرف شيئا
حلوي اكتيير

drhas

10/04/2006, 08:53

عفوا
كل ما اعرفه اني لا اعرف شيئا

أبو الجماجم

13/04/2006, 03:20

من أقوال المعلم و هادا أفهم منك و أفهم من سققرات تبعك ولى :
أوعى الزيت وحاجة فزلكة....!!!!
همممممممممممممممممممممممم ممم

Kakabouda

13/04/2006, 20:58

شكراً عالموضوع :سوريا: