على اونة على دووة [الأرشيـــــف]

Fouad

09/02/2005, 11:06

على اونة على دويي على تري
باعتبار الشغلة بسطة انا عندي فكرة كمان ممكن نضيفها للبسطة اثناء البيع و الشراء و العرض و الطلب و هيي تبادل معلومات عن مفتنيات قديمة او اثرية او نادرة ممكن الواحد يعطي شرح عنها مبسط و اذا رغب يبيع او يشتري مو مشكلة مثلا انا عندي مراء بكتير شغلات و محتفظ فيها بالنسبة الي كتير عزيزة عليي و بنفس الوقت ممكن كتير ناس ما يكونوا شايفينها على سبيل المثال عندي ليرة و نصف ليرة سورية ذهب من عام 1952 عندما كان اديب الشيشكلي رئيس جمهورية سورية و هدول انعمل من الليرة خمسين قطعة فقط و من النصف ليرة 100 قطعة و كمان عندي نصف دولار عليه صورة جون كندي لعام 1964 يمكن كتار بيقولوا انه عندهم منه بس اذا حدا عنده واحد لنفس السنة يخبرني حتى احكيلله شو قصته و اوعا يفررط فيه و شي يوم بحطللكم صور هالشغلات حتى تشوفوهم بس حتى اعمللهم سكان .
تحياتي للجميع و الى اللقاء بعروضات تانية
Fouad

Hus

09/02/2005, 20:15

فكرة كتير ممتازة .. ومجال لتبادل المعلومات والخبرات وممكن الأشياء ايضا :D :D

mhmary

12/02/2005, 09:06

فكرة حلوة وبالمناسبة أنا عندي (نصف روبال باكستاني من سنة 1948) وهو اول عملة نزلة على باكستان بعد ما صار في حكومة بكستانية
وعندي خمسة مليمات من ليبيا سنة 1952 ونفس الشيء على حسب معلوماتي اول عملة

mhmary

12/02/2005, 09:08

ونسيت ألكون عندي غيتار عمرو من عمر الحرب العالمية الأولى

عاشق من فلسطين

12/02/2005, 13:35

فكرة جميلة وبهالمناسبة أنا عندي حاكم للبيع وبأسعار زهيدة مع ميزات ديمقراطية عالية الجودة ومكفولة ..

Fouad

12/02/2005, 21:34

انا بشتري يا عاشق بس المهم يكون شغال و مافي تقطيش و ما بعرف ممكن عالتجريب ؟؟؟ و اذا طلع شغال بيكون حالة نادرة
بعتلي المواصفات الفنية لو سمحت
Fouad

Hus

13/02/2005, 13:12

انا بشتري يا عاشق بس المهم يكون شغال و مافي تقطيش و ما بعرف ممكن عالتجريب ؟؟؟ و اذا طلع شغال بيكون حالة نادرة
بعتلي المواصفات الفنية لو سمحت
Fouad

:lol: :lol: :lol:

عاشق من فلسطين

13/02/2005, 14:35

أوكي خيو .. المواصفات هيي مضمون ضد الخطابات والشعارات .. مكفول لخمس سنوات بدون القيام بأي اعتقال سياسي ..
وأي عطل نتيجة التصنيع نتكفل به .. والأسعار زهيدة .. وقريبا" بوافيك بالتفاصيل المملة ... 8) 8)

Fouad

13/02/2005, 19:44

. والأسعار زهيدة ..
عجبتني الأسعار زهيدة اذا كان هيك بعتلي شي دزينة و معليش اذا كان بيناتهم شوية وزراء كمان لحتى دللهم دلال ما بعده دلال و يشوفوا يللي ما شافوا بحياتهم يعني معقولة ما نقوم بالواجب على اكمل وجه ؟؟؟؟ هيك تعلمنا على مدى سنين نحنا اولاد أصول
Fouad

Kakabouda

14/02/2005, 04:41

عن جد فكرة ح :D لوي كتير بوجهلك تحياتي

al7alla2

14/02/2005, 05:32

مرحبا يا شباب .....
انا حابب أطلب من أي شخص بحب ييبع عملة و هاوي أقتناء عمل يخبرني أنا مستعد أشتريها منو طبعاً أذا كانت مستوفاي الشروط :wink:
يعني عن جد اذا حدى بحب يبيع أي من عملو أنا موجود :)
و أنا عندي هواي بتجميع العمل و أي حدى بحب يتفرج على مجموعتي أهلا و سهلا
100 :D للشباب الأكابر بس الأكابر :wink:

Fouad

14/02/2005, 08:20

يا هلا حبيبي الحلاق
قللي بايا نوع من العملة الك مراء ؟؟ فضة -ذهب - نكل - نحاس ....... الخ انا عندي مجموعة بسيطة بس فيها اشياء نادرة و الها اهمية و وعدت الشباب اعملها سكان و نحطها هون بس مشكلة الوقت كتير ضيق بس اكيد رح اعملهم شوي شوي و اذا انت بتعمل نفس الشي بيكون شغلة كتير حلوة ...
على فكرة في كتير شغلات قديمة و حلوة ممكن تكون موجودة عند الواحد ببيته و مو منتبهلها انا من زمان كتير بجمع ايا شيء ممكن يكون قليل وجوده او نادر مو بس العملة مثلا عندي كمرات تصوير يمكن عمرهم اكتر من 100 سنة و شغالين و بركبلهم افلام اسود و ابيض
و عندي اكورديون من وقت ما كان عمري سبع سنين و مطحنة بن نحاس صنع تركية عمرها حوالي 130 سنة و كتير اشياء تانية بعتز فيها و خاصة هون بكندا بتلاقي عيونهم بتطلع من مطرحها وقت بيشوفوا هالأشياء عندي و مخصصلهم غرفة عاملها شرقية و صامد فيها هالأشياء حتى صوبية حطب نتعتها من سورية معي و البسط و السجاد العجمي و دولات قهوة مشكللين و مطبقية نحاس يعني باختصار حلو الواحد يحتفظ باشياء موجودة بيبيت اهله و يحافظ عليها بس يللي بزعل عليه هو مجموعة كبيرة من الطوابع بقيت خمسين سنة بجمع فيها عطيتها لشخص كتير عزيز عليي ..... تحياتي للجميع :jakoush:
Fouad

عاشق من فلسطين

14/02/2005, 14:24

والأسعار زهيدة ..
عجبتني الأسعار زهيدة اذا كان هيك بعتلي شي دزينة و معليش اذا كان بيناتهم شوية وزراء كمان لحتى دللهم دلال ما بعده دلال و يشوفوا يللي ما شافوا بحياتهم يعني معقولة ما نقوم بالواجب على اكمل وجه ؟؟؟؟ هيك تعلمنا على مدى سنين نحنا اولاد أصول

لعيونك فؤادو بس دير بالك هدول مدللين ... ومعودين على الحرير وأكل الشعير ... لذلك لا تقطعهن من الفصة والشعير والتبن .. ولعيهن رياضة مظبوط بلكي بتخف كروشهن شوي..:o :o :o :o