قصة لأصحاب الفكر فقط

[MIKELEROI]

كان يا ما كان بقديم الزمان كان في ملك بعيد عن شعبو وكان عندو باحدى الولايات والي مو كتير محبوب وفي اشاعات كتير سيئة عنو المهم كان عندو مساعدين كتير مناح وكانو قدرانين يدبروا امور الولاية من دون ما يدخل هو بالجو المهم هدول المساعدين تركوا بيوم من الايام هاللجنة لانو اختلفو معو وعين هالوالي لجنة جديدة تساعدو بهالامور وضل الوضع متل ما هو لحديت ما بيوم من الايام المساعدين السابقين تحدو هالوالي وهو متل ما عرفنا الاشاعات كتيرة عليه فاللي صار انو الملك غضب وطرد كل المساعدين وحتى جاب عالم من برات الولاية ليساعدو الوالي اللي فتح عيونو وحس حالو بعيد عن الجو ففرض سلطاتو من جديد المهم وبلا طول سيرة في واحد من المساعدين اختلف مع الوالي حول شغلة وترك كل شي بس الملك طلبو وسألو كيف كان تعامل الوالي معك فقلو انو ما غلط معي (كان لسا ما مختلف معو وقتا) وبعدين ترك كلشي متل ما قلنا.الوالي ما قدر يمشي الوضع لحالو فطلب هالمساعد واعتزر منو فرجع المساعد رغبة منو بخدمة اهل بلدو وهون بلش بقية المساعدين يحكو عليه وانو صار مع الوالي بس هو بالحقيقة مع الشعب مين من كان الوالي
ملاحظة : مو الكل رح يفهمو عليي فعفوا

[Ghiath]

:shock: :shock: :shock: :shock: :shock:

يبدو إنو ماني من أصحاب الفكر .... :cry: :cry: :cry:

[mhmary]

:shock: :shock: :shock: :shock: :shock:

يبدو إنو ماني من أصحاب الفكر .... :cry: :cry: :cry:
وأنا كمان :pos: :pos: :pos:
بس مدري ليش حاسس أنو عم أقرأ كتاب التاريخ صف التامن العصر الأموي :( :( :(

[HashtNasht]

بس هو بالحقيقة مع الشعب مين من كان الوالي


انت ليش كتير واثق من هالمساعد؟؟ يمكن يكون كذاب ...يعني كذاب لدرجة انك تصدقو :angel:

[architecturer]

والله يا جار صرت قريان الموضوع 4 مرات وماكنت اعرف شو بدك :jakoush:
:confo:

ياجماعة طلع مافي فكر بنوب :cry:

:D

[Fares]

على راسي ميشو...

أنا فهمت الموضوع :P :P


الفكرة أنو تصرفات هذا المساعد ما دائما مفهومة، وأنا بعتقد أنو قصدو شريف بس يمكن ما عرف يعبر عن داخله...

يعني متل ما شفت أنا من القصة أنو هادا المساعد تمسك بالولاية وقت كان باقي المساعدين عم يناضلو ضد الوالي، ورجع ترك الولاية ورجع تفاوض مع الوالي ( يمكن تقلي أنو الوالي اعتذر) بس ببساطة أنا ما عم أفهم ليش هيك المساعد عم يتصرف.. يعني بعد ما تقاتل مع الوالي رجع الوالي ضحك عليه (عفوا للتعبير) ضحك عليه بكلمتين (على أساس اعتذار) وقت حس الوالي أنو هو لوحده ورح يفشل بعمله....

على كل حال أنا مازلت احترم هذا المساعد.. وبعتبر أنو هو عم يتصرف مشان الشعب (ليش هو مانو جزء من الشعب بالأخير)

:) :)

[Apocalypse]

ليش مين هني ليناضلو ضد الوالي

بعدين يا أخ فارس ليش عم تجيب حكي من عندك على الزلمي
هادا المساعد تمسك بالولاية وقت كان باقي المساعدين عم يناضلو ضد الوالي

بتخيل ممكن يكون الوالي غلط أو ما غلط بس ثقة المساعد بهدفو هي يلي بتخلي أسمى من كلام المغفلين ....


بعدين ليش سوء النية بكل هل حكي كل يلي كانوا مفهمين الشعب إنوا عم يناضلو للشعب هني عم يضحكو على الشعب
(عفوا للتعبير) وبالنتيجي الخاسر الوحيد هو الشعب ما عداهون لأنون هني خسرانين من البداية من وقت ما فكرو إنون أهم من كل العالم وأفهم وإستغلو ثقة الشعب .

تاني شي ليش لحتى يفشل الوالي موكل الولايات بتبلش جاهزي من حيث الكادر .

بتمنى ما ينفهم حكي على مستوى شخصي .

[Kakabouda]

في شي غريب عم بصير :D

[عاشق من فلسطين]

والله قصة حلوة بس الفكرة أنو سواء كان المساعد مع الوالي ولا ما كان مع الوالي ...المهم يكون مع الشعب وعلى ما يبدو أنو الوالي اللي بالقصة مانو مع الشعب فالأفضل أنو يتغير الوالي نفسو مو المساعدين .. :D :D :D

[Fares]

أن امن الأساس شفت أنو المساعد عم يدافع عن هدف... وبعد ما قريت القصة مرة تاني برجع بقول (متل ما قلت بالتعليق الأول) أنو المساعد هدفو شريف (وهو من الشعب)....

الشي التاني أنا ما افترضت أنو المساعدين الباقين جيدين، وإنما القصة هيك افترضت، حيث جاء بالقصة: ((كان عندو مساعدين كتير مناح))... يعني أنا انطلقت من القصة، ليش لشو بدي أخترع من عندي؟؟ يعني كان فيني ألف قصة تاني.. بس الفكرة نحنا عم نناقش شو بتقول القصة...


قال Apocalypse:
((بس ثقة المساعد بهدفو هي يلي بتخلي أسمى من كلام المغفلين ....))
أنا مع أنو الإنسان وقت يكون مؤمن بهدف أنو يسير فيه إلى النهاية.. بس ما فهمت بسياق القصة مين هني المغفلين؟؟

قال Apocalypse:
((موكل الولايات بتبلش جاهزي من حيث الكادر .))
طبعا ما كل الولايات بتبلش جاهزة من حيث الكادر.. بس أنا متل ما فهمت من القصة أنو الولاية ما كانت مبلشة من الصفر، وأنو كان في مساعدين عم يخدمو الشعب دون تدخل الوالي (هيك بتقول القصة!!)...


قال عاشق من فلسطين:
((وعلى ما يبدو أنو الوالي اللي بالقصة مانو مع الشعب فالأفضل أنو يتغير الوالي نفسو مو المساعدين .))
لو كان متل ما عم تحكي لكان كل حكام الوطن العربي تغيرو من زمااااااااااااااااان :lol: :lol:

وأخيرا:
قال Apocalypse:
((بتمنى ما ينفهم حكي على مستوى شخصي .))
ما فهمت!!! :shock: :shock: :shock: :shock:

[عاشق من فلسطين]

لو كان متل ما عم تحكي لكان كل حكام الوطن العربي تغيرو من زمااااااااااااااااان

مو مطولين ...قربت نهايتون ..

[MIKELEROI]

اي فارس انا بعتقد انك بفترة كنت اقرب شخص لهل المساعد ةبستغرب شو هو الشي اللي مافهمتو مع العلم انو هو نتيجة انو كان يقلك كلشي علق على حد علمي مع شخصين واحد منن هو من اعز اصدقاؤو وقتا هو خبرك شغلة لانو كانت وصلتو تهديدات لعالم انتي بتعرف مين هنن فكانت النتيجة انو رفيقو زعل منو واتهمو انو بقول كلشي لالك ففيك تقلي شو المو مفهوم ؟
انا بقلك شو المو مفهوم المو مفهوم هو تصرفات عالم مابعرف اساسا بس صدقني ماعاد يعنيلي اذا بسلم على جماعة وواحد مابرد اوعشرة ما بطلعو فيي لانو انا بعرف حالي وما حدا بهمني غير انو اخدم هالاخويي لاني خادم فيها مو اكتر وبعتقد صار واضح للكل انو انا المساعد ومرح وضح اكتر.

[الأستاذ]

وبعتقد صار واضح للكل انو انا المساعد ومرح وضح اكتر.

الحقيقة أنو هاد الشي ما وضح لغير العارفين بالقصة إلا لما ذكرتو

بعدين أنا بشوف أنو مو هاد المكان الصحيح لنشر هي القصة طالما تحول اغلموضوع من قصة لرسالة على المكشوف:
فيا أما ينحكى المضوع بين الأطراف المعنية و خاصة أنو امساعدين القدماء دائماً مع الحوار و المواجهة المبنية على المحبة و بذكرك هون بحوارمع أحدون يلي هووي شريك المشرف العائد بالمغترب و بذكرك كمان بزيارة أحدون إلو بيتو بالوطن و رغبتو بتوضيح كل شي بمحبة رغم الإساءات يلي تعرض إلها كل المساعدين القدماء

أو إذا كان هاد الشي مو ممكن فما عندي مشكلة أبداًَ أنو يتم الحوار بالموقع بس مو هون و إنما بالصالون أو المنبر رغم أنو هاد الشي رح يحمل إساءة كبيرة للوالي و جلاوزتو و مساعدينو و هاد شي ما دوّر المساعدين القدماء(متل ما سميتونو أنا ضد هاد الإسم) عليه بأي شكل من الأشكال
بس وقتا فينون هدول يحكو نسختون من القصة الإنتقائية يليب سردتها و يلي فيها طعن جارح بالحقيقة

و بكل الأحوال الوقفة للحوار و توضيح المواقف سواء الشخص غلط أو كان على حق بحاجة لرجولة( طبعاً مو رجولة ذكرية بس هيك إقدرت عبّر )
و أمل المساعدين القدماء أنو يكون عند المساعدين المستحدثين متل هالرجولة و هنن بالإنتظار

[الأستاذ]

بالنسبة ل apocalypse

يعني يا أما إنت مو عرفان شي من اللقصة و وقتا إنت معذور
يا أما إنت سمعان القصة من طرف غرضو التجني على المشرفين القدماء و قتا إنت لازم تتحرى عن الحقيقة قبل ما تتدخل بس رغم هيك بتضل معذور
يا أما إنت بتعرف الحقيقة و رغم هيك كانت مداخلتك على هاد الشكل..........و وقتها أنا بأكدلك إنك معذور و ما بنعتب عيك :wink:

[keko]

أو إذا كان هاد الشي مو ممكن فما عندي مشكلة أبداًَ أنو يتم الحوار بالموقع بس مو هون و إنما بالصالون أو المنبر رغم أنو هاد الشي رح يحمل إساءة كبيرة للوالي و جلاوزتو و مساعدينو و هاد شي ما دوّر المساعدين القدماء(متل ما سميتونو أنا ضد هاد الإسم) عليه بأي شكل من الأشكال
بس وقتا فينون هدول يحكو نسختون من القصة الإنتقائية يليب سردتها و يلي فيها طعن جارح بالحقيقة


كلام صحيح 100%

[keko]

يعني متل ما شفت أنا من القصة أنو هادا المساعد تمسك بالولاية وقت كان باقي المساعدين عم يناضلو ضد الوالي، ورجع ترك الولاية ورجع تفاوض مع الوالي ( يمكن تقلي أنو الوالي اعتذر) بس ببساطة أنا ما عم أفهم ليش هيك المساعد عم يتصرف.. يعني بعد ما تقاتل مع الوالي رجع الوالي ضحك عليه (عفوا للتعبير) ضحك عليه بكلمتين (على أساس اعتذار) وقت حس الوالي أنو هو لوحده ورح يفشل بعمله....

معليش أخي فارس بس أنا مو معك أو بالأحرى فكرتي نحو المساعد غير فكرتك ...

للأخ MIKELEROI
يعني أنا حاسس أنو انت عم تحاول تفهمنا قصتك مع الوالي باختصار...
وعلى ما يبدو انت فهمان أنو المساعدين زعلانين لانك رجعتلوا مع انو هني اللي شاروا عليك بانو ما تبعد ...

يا سيدي انت فهمان خطأ هني زعلانين لانو ما شافو انو انت كنت صاحب موقف لما كانت الولاية بخطر ...
بس بعدين اتخذت موقف لما صار في عليك خطر ...

وبتخيل كلامي واضح ..

[keko]

للسيد Apocalypse مع انك على ما يبدو ما بتستاهل اللقب بس مو مشانك , مشاننا نحنا لانو ما تعودنا نتناقش الا مع سادة أو أصحاب أو أخوة....وما رح اقتبس حكيك لانو دون المستوى المطلوب...
بس بالنسبة لسؤالك مين هني ههههههههههههههههه
الولاية كلها بتشهد مين هني ومو بس الولاية المملكة كمان
وبعدين شو المشاركة الحلوة متلك يا أخ Apocalypse
يعني هاي أول مشاركة يخزي العين ما هيك ههههههههههه... عالقليلة هدول المساعدين هني اللي خلوك تشارك بالمنتدى لحتى تحاول تهاجمن ع أساس ما رح يعرفوك (ويا سيدي بالمناسبة ما بدنا هالمعرفة)...

[Kakabouda]

لعمش طلعت هايشي أنا ولي على هالخبرية :confo: :confo:

[الأستاذ]

لعمش طلعت هايشي أنا ولي على هالخبرية :confo: :confo:
سلامتك
أنا بطمنك
إنت نظامي بس الوضع غلط :?
و لا يهمك لا تشيل ببالك :D

[HashtNasht]

حاسس حالي عم احضر مرايا ...بس مرايا ال2004 ..لأنو في ضعف بالاخراج ...و الشخصيات شوي مصطنعة ( ما كل الشخصيات بس في شخصية ع الاقل يعني ) .

بس يعني تعتبر بداية موفقة بالعمل التلفزيوني ..( اسمو دارجة المسلسلات بهاليومين )

موفقين اخواتي :D