-
عرض كامل الموضوع : حل مشكلة الشرق الأوسط
شباب هيك دج حابب أعرف شو بتفكرو أنو هوي الحل المنطقي و الواقعي لمشكلة الشرق الأوسط ( أكرر: منطقي وواقعي...)
أكيد هلأ عم بتفكرو " شو فطنو هالأجدب على هالشغلة!!!" و معكون حق.....بس اليوم كنت عم بحكي مع صحابي بالجامعة عن فلسطين و محمود عباس و العراق و الزرقاوي ووو... و بالصدفة وحدة من صحابي سألتني عن الرأي العام - مش الحكومي أنما الشعب- تجاه عملية السلام....و الحقيقة أنا هيك صفنت...لأنو بعرف رأيي الشخصي....بس ما بعرف شو رأي أغلبية الناس بسوريا...ما بعرف اذا فهمتو قصدي.....
حابب اسمع رأيكون!!
تحياتي :D :D
شباب هيك دج حابب أعرف شو بتفكرو أنو هوي الحل المنطقي و الواقعي لمشكلة الشرق الأوسط ( أكرر: منطقي وواقعي...)
أكيد هلأ عم بتفكرو " شو فطنو هالأجدب على هالشغلة!!!" و معكون حق.....بس اليوم كنت عم بحكي مع صحابي بالجامعة عن فلسطين و محمود عباس و العراق و الزرقاوي ووو... و بالصدفة وحدة من صحابي سألتني عن الرأي العام - مش الحكومي أنما الشعب- تجاه عملية السلام....و الحقيقة أنا هيك صفنت...لأنو بعرف رأيي الشخصي....بس ما بعرف شو رأي أغلبية الناس بسوريا...ما بعرف اذا فهمتو قصدي.....
حابب اسمع رأيكون!!
تحياتي :D :D
بالنسبة لمشكلة الشرق الأوسط أنا بتوقع أنو الشغلة أكبر مني بكتير بس ممكن قول رأيي أنو الشرق الأوسط هلق متل أوربا وقت كانت بعصر الظلمات ورح يتحسسن شوي شوي ويبني حالو متل ما صار بأروبا وطبعا من المستحيل أيجاد حل جزري يعني هادا الشيء بدو شي 50 سنة أو أكتر لينحل بالنسبة لعملية السلام ما فهمت شو قصدق بالضبط أنو السلام بفلسطين يعني.
بالنسبة لسورية و لبنان الأمر الواضح و المنطقي أنو تنسحب اسرائيل من الجولان و مزارع شبعا و تبطل تعتدي على سيادة الدولتين
و بالنسبة لقضية الشعب الفلسطيني لازم ترجع اسرائيل لحدود 4 حزيران و يصير في دولة فلسطينية بالضفة و غزة و اسرائيل بتعوض للاجئين يلي لأرضون داخل ال48 و بيتاخد بعين الاعتبار موضوع لاجئين لبنان ذو الطبيعة الخاصة (يعني يا على ال48 أو على 67 مع تعويض أو على أي دولة بتعرض حالها لاستقبالون متل ليبيا )
هادا الحل الواقعي
بس ما ممكن يصير حالياً لأنو اسرائيل يلي انتخبت شارون و بنت الجدار الفاصل و عم تتنكر للاتفاقات السابقة مع الفلسطينية مانها مرشحة حالياً لأنو تدور على السلام أو ترضى بهاد الحل الواقعي و خاصة لما بتشوف الدعم الأمريكي اللامحدود يلي عم يقول لشارون روح عميل يلي بدك ياه و يسترجي حدا يطلع فيك
أما شو هوو العدل (يلي طبعاً تحقيقو أقرب للمستحيل):
أساس العدل هوو عودة اللاجئين الفلسطينيين كل واحد على مدينتو و ضيعتو و بيتو مع بقاء اليهود يلي إجو لفلسطين سابقاً و منع أي يهودي أو غير يهودي من الهجرة لفلسطين قبل العودة الكاملة للاجئين و وقتا لازم تلغى العنصرية و بعدا شو ما كان الوضع السياسي مو قضية ، يعني دولة واحدة، دولتين، حتى تلاتة مو قضية المهم ما يكون في عنصرية يعني مو يكون بحق لليهودي شو ما كانت قوميتو يجي لفلسطين و ابن يافا و حيفا و صفد و الناصرة قاعد برا عم يتفرج!!!!!!!!!!!!
بس بكل الأحوال مو مبين على الأرض لا حل واقعي و لا مثالي و لا حتى حل كيفي
يعني هداك اليوم كانت ال***** كوندوليسا رايس عم تقول أنو الانتخابات الفلسطينية هيي الخطوة الأهم باتجاه الحل و بناء الديمقراطية بفلسطين :shock:
يعني كأنو المشكلة بالنسبة للشعب الفلسطيني يلي مسلوبة أرضو و عايش مقهور و غريب، أنو مانو عم يقدر يعيش الديمقراطية...............
الله بعين
شو بدنا نعمل
ايييييييييييييييييييييييي يه
إنشالله عيد الجايي بفلسطين..............
بالنسبة لسورية و لبنان الأمر الواضح و المنطقي أنو تنسحب اسرائيل من الجولان و مزارع شبعا و تبطل تعتدي على سيادة الدولتين
و بالنسبة لقضية الشعب الفلسطيني لازم ترجع اسرائيل لحدود 4 حزيران و يصير في دولة فلسطينية بالضفة و غزة و اسرائيل بتعوض للاجئين يلي لأرضون داخل ال48 و بيتاخد بعين الاعتبار موضوع لاجئين لبنان ذو الطبيعة الخاصة (يعني يا على ال48 أو على 67 مع تعويض أو على أي دولة بتعرض حالها لاستقبالون متل ليبيا )
هادا الحل الواقعي
بس ما ممكن يصير حالياً لأنو اسرائيل يلي انتخبت شارون و بنت الجدار الفاصل و عم تتنكر للاتفاقات السابقة مع الفلسطينية مانها مرشحة حالياً لأنو تدور على السلام أو ترضى بهاد الحل الواقعي و خاصة لما بتشوف الدعم الأمريكي اللامحدود يلي عم يقول لشارون روح عميل يلي بدك ياه و يسترجي حدا يطلع فيك
أما شو هوو العدل (يلي طبعاً تحقيقو أقرب للمستحيل):
أساس العدل هوو عودة اللاجئين الفلسطينيين كل واحد على مدينتو و ضيعتو و بيتو مع بقاء اليهود يلي إجو لفلسطين سابقاً و منع أي يهودي أو غير يهودي من الهجرة لفلسطين قبل العودة الكاملة للاجئين و وقتا لازم تلغى العنصرية و بعدا شو ما كان الوضع السياسي مو قضية ، يعني دولة واحدة، دولتين، حتى تلاتة مو قضية المهم ما يكون في عنصرية يعني مو يكون بحق لليهودي شو ما كانت قوميتو يجي لفلسطين و ابن يافا و حيفا و صفد و الناصرة قاعد برا عم يتفرج!!!!!!!!!!!!
بس بكل الأحوال مو مبين على الأرض لا حل واقعي و لا مثالي و لا حتى حل كيفي
يعني هداك اليوم كانت ال***** كوندوليسا رايس عم تقول أنو الانتخابات الفلسطينية هيي الخطوة الأهم باتجاه الحل و بناء الديمقراطية بفلسطين :shock:
يعني كأنو المشكلة بالنسبة للشعب الفلسطيني يلي مسلوبة أرضو و عايش مقهور و غريب، أنو مانو عم يقدر يعيش الديمقراطية...............
الله بعين
شو بدنا نعمل
ايييييييييييييييييييييييي يه
إنشالله عيد الجايي بفلسطين..............
هادا الحكي السليم يعني بسوريا ولبنان لازم يكون في سلام عادل وشامل بس صدقني أنو بفلسطين صعب وين بدك تروح بكل هلشعب اليهودي ما معقول تقتلون وما فيك ترجعون على بلادون الأصلية الحل أنو يعيشو مع بعض ضمن أجواء معيشية مساوية للطرفين
بعدين في شغلة حابب قولا أنا أمي عندا رفيقتا يا عيشي بفلسطين يا عناد أقارب المهم أنو صدقني الشعب الفلسطيني كتير مستفيد من اليهود ألي خلو كتير من المدن حلوة وعلى الطراز الأوربي
عاشق من فلسطين
23/01/2005, 15:11
حل مشكلة الشرق الأوسط وفلسطين والعراق ولبنان والجنوب هو أن يتخلى الحكام عن الصلة الحميمية بينهم وبين الكرسي لأني على ثقة تامية بأنه اذا هب العرب هبة واحد وأعلنوا بقوة مطالبه بالأراضي العربية المحتلة ..أنا متأكد بأن أمريكا لن تستطيع القيام بشيء..ولكن الحكام العرب تضرر مصالحهم بمثل هكذا موقف أو بدقيق العبارة تضرر كراسيهم ..وبظن فهمت عليي أبو مارل وهالحكي مانو مزاودة أو شي لأنو غير هيك ماراح تنحل الأزمة :D :D :D
Abo rafik
24/01/2005, 00:38
مع اني ضد الحرب والدمار ...بس احيان بحس انو الحل الوحيد تقوم حرب ...يا منموت نحنا يا بيموتو ا هنن ومنعيش بقا متل العالم والخلق...بس بعتقد هيدا رح يكون اخر حل...يعني احيان صرت بحس بالقرف من حالي وقت اللي بشوف الاخبار....
عاشق من فلسطين
24/01/2005, 15:18
مع اني ضد الحرب والدمار ...بس احيان بحس انو الحل الوحيد تقوم حرب ...يا منموت نحنا يا بيموتو ا هنن ومنعيش بقا متل العالم والخلق...بس بعتقد هيدا رح يكون اخر حل...يعني احيان صرت بحس بالقرف من حالي وقت اللي بشوف الاخبار....
هذا هو الحل الأخير وسأقوم به ولو لوحدي..وأنا أتقيأ عندما أرى الأخبار والزعماء العرب يتصافحون ويتبادلون الأكاذيب والشعارات البالية.. :D :D
حل مشكلة الشرق الأوسط وفلسطين والعراق ولبنان والجنوب هو أن يتخلى الحكام عن الصلة الحميمية بينهم وبين الكرسي لأني على ثقة تامية بأنه اذا هب العرب هبة واحد وأعلنوا بقوة مطالبه بالأراضي العربية المحتلة ..أنا متأكد بأن أمريكا لن تستطيع القيام بشيء..ولكن الحكام العرب تضرر مصالحهم بمثل هكذا موقف أو بدقيق العبارة تضرر كراسيهم ..وبظن فهمت عليي أبو مارل وهالحكي مانو مزاودة أو شي لأنو غير هيك ماراح تنحل الأزمة
يعني دائما معارض وثوري
خيو أنا رأيي ما هيك متل ما بيقول المتل "الكلب اللي بدو يروح ع الصيد غصب عنو . بلاه وبلا صيدو"
يعني باختصار القصة صارت قضية مجزئة ومستحيل نرجعها وحدة
لذلك أنا بحكي عن سوريا ولبنان باعتباري سوري وباعتبار انو سوريا ولبنان ايد وحدة
لازم اسرائيل تنسحب من كل الأراضي السورية واللبنانية المحتلة ولازم تحترم الحدود بيناتنا لحتى نحنا بدورنا نحترم الحدود كمان
من ناحية التطبيع وما إليه .... هاي نتيجة لاحترام اسرائيل للدول المجاورة
يعني ما فيها اسرائيل تطلب من الشعب السوري علاقات اقتصادية وثقافية بالوقت اللي هيي عم تدبح الشعب الفلسطيني
من وجهة نظري صحيح انو الفلسطينيين طلعوا عن الصف العربي (أو بالأحرى تخلو عن الصف السوري لانو ما في صف عربي في صف تتزعمه سوريا الحبيبة) لكن نحنا ما بيهون علينا نشوف الفلسطينيين عم بيموتوا ظلما وعدوانا لذلك ما فيها اسرائيل تطلب التطبيع مقابل اعادة الأراضي .... بيصير فيها تطلبوا لما بتتخلا عن العدوانية تجاه العرب
ودمتم .... :D
عاشق من فلسطين
31/01/2005, 15:26
أخي العزيز كيكو أنا كنت متلك قول سوريا ولبنان اللبنان وسوريا ...بس الحل هوي الكل أو لاأحد دائما ثوري نعم دائما" ثوري وللنهاية ثورية ..لأن هناك بعض الأمور تكون في طور تقبل فيه التغيير أو الاصلاح ولكننا تجاوزنا هذه المرحلة وما عاد هناك حل سوى الثورة ..وبالنسبة لوجهة نظري هذه أنا أعرف بأنها لا تلقى القبول عند الكثيرين ..لأنهم خائفون ...ولكن لن يكون الحل الا بالثورة ...وبالنسبة لقولك أنك سوري ...فأنا سوري ...ثم سوريا الكبرى ..ثم الوطن العربي ..ثم العالم .. حلم صعب وبعيد ولكنه رائع .. واليأس لا يعرف طريقه الى قلب الحالم ...وأنا حالم ولست واهما" أو خياليا" .. :D :D وأتمنى أن تقرأ قصيدة جدل في منتدى الشعر يا أخي العزيز لترى دفاعي بلغة الشعر لأنها اللغة الوحيدة التي أستطيع التعبير فيها والدفاع والهجوم وكل شيء.. وفلسطين لنا وليست لهم ..ولن أتخلى عن شبر واحد منها ولو تهدم أوطان الأعراب كلها فموت كريم خير من عيش ذليل ..والمسألة أصبحت بوضع لا يقبل النسبية أو التررد ..أصبحت مسألة كن أو لا تكون ...ولا تواخذنا.. :D :D :D
أخي العزيز كيكو أنا كنت متلك قول سوريا ولبنان اللبنان وسوريا ...بس الحل هوي الكل أو لاأحد دائما ثوري نعم دائما" ثوري وللنهاية ثورية ..لأن هناك بعض الأمور تكون في طور تقبل فيه التغيير أو الاصلاح ولكننا تجاوزنا هذه المرحلة وما عاد هناك حل سوى الثورة ..وبالنسبة لوجهة نظري هذه أنا أعرف بأنها لا تلقى القبول عند الكثيرين ..لأنهم خائفون ...ولكن لن يكون الحل الا بالثورة ...وبالنسبة لقولك أنك سوري ...فأنا سوري ...ثم سوريا الكبرى ..ثم الوطن العربي ..ثم العالم .. حلم صعب وبعيد ولكنه رائع .. واليأس لا يعرف طريقه الى قلب الحالم ...وأنا حالم ولست واهما" أو خياليا" .. وأتمنى أن تقرأ قصيدة جدل في منتدى الشعر يا أخي العزيز لترى دفاعي بلغة الشعر لأنها اللغة الوحيدة التي أستطيع التعبير فيها والدفاع والهجوم وكل شيء.. وفلسطين لنا وليست لهم ..ولن أتخلى عن شبر واحد منها ولو تهدم أوطان الأعراب كلها فموت كريم خير من عيش ذليل ..والمسألة أصبحت بوضع لا يقبل النسبية أو التررد ..أصبحت مسألة كن أو لا تكون ...ولا تواخذنا..
أخي الكريم رأيك بحترمو بس متل ما قلت انت حالم لكن خلينا على أرض الواقع نحكي بواقعية أكتر
يعني هاي القضية بسببها صرلنا عم نشحد سنين وبسببها صرلنا سكتين على الفساد كتير بقى خلينا نخلص بقا ونكون متحركين بواقعية وبتوازن بين العطفة القومية والعقل نحنا كان بودنا انو تبقى قضية فلسطين قضيتنا لكن ما ف فايدة لانو كل يغني على ليلاه لذلك من الأفضل ندور على قضية تانيي بنقدر نكون فعالين أكتر فيها .... الأفضل نلتفت للإصلاح والتطوير بدل ما نضلنا واقفين على الأطلال
وأنا برأيي انو الحلم بعودة فلسطين للعرب والإنجراف وراء هذا الحلم هو انتحار وليس حلم ثوري جميل ..
ولك أطيب تحياتي
:D :D
وأنا برأيي انو الحلم بعودة فلسطين للعرب والإنجراف وراء هذا الحلم هو انتحار وليس حلم ثوري جميل
خاي و الله العظيم ما فينا نحكي ولو كلمة و حدة عن فلسطين....نحن خونة, خونة,خونة.....كلما واحد ابن حرام من الحكام العرب بدو يفضع و يدبح و يعمل اللي بدو أياه بيقول " فلسطين" ... يعني سوريا شو عملت لفلسطين و للفلسطينيين....لسا ألنا وجه نحكي و نقول أنو دخلنا لبنان لأنقاذهم...ما نحنا أول ناس دبحنا فيهون ( وتل الزعتر بيشهد بهالشي) فرع فلسطين للمخابرات طلع لشو عم بيستعملوه..بيقطعو لسان كل واحد بيحكي كلمة...
ليش لتعود فلسطين للصف العربي....مين من العرب عمل شي عشان جنين و خان يونس .... مين من العرب مد أيدو لفلسطين....أساسا شرف لألنا أنو الفلسطينيين بيعترفو بوجودنا....أنا كعربي أحس كرامتي عم بتنداس كلما بتزكر مين الكلاب يللي حاكميني....جبيني يندي من الخجل كلما بشوف صورة محمد الدرة و فارس عودة....الله يحيي أصلهم....
يا جماعة نزار قباني عرف المشكلة من زمان فيكون تأروها ب قرأت لك حياة نزار نزلت القصيدة اليوم :D
عاشق من فلسطين
10/02/2005, 13:18
أخي الكريم رأيك بحترمو بس متل ما قلت انت حالم لكن خلينا على أرض الواقع نحكي بواقعية أكتر
يعني هاي القضية بسببها صرلنا عم نشحد سنين وبسببها صرلنا سكتين على الفساد كتير بقى خلينا نخلص بقا ونكون متحركين بواقعية وبتوازن بين العطفة القومية والعقل نحنا كان بودنا انو تبقى قضية فلسطين قضيتنا لكن ما ف فايدة لانو كل يغني على ليلاه لذلك من الأفضل ندور على قضية تانيي بنقدر نكون فعالين أكتر فيها .... الأفضل نلتفت للإصلاح والتطوير بدل ما نضلنا واقفين على الأطلال
وأنا برأيي انو الحلم بعودة فلسطين للعرب والإنجراف وراء هذا الحلم هو انتحار وليس حلم ثوري جميل ..
ولك أطيب تحياتي
متل ما بتحترم رأيي أنا كمان بحترم رأيك بس حابب قول أنو نحنا عم نشحد من 35 سنة مو من سنتين والسبب مو فلسطين يا غالي السبب نحنا وبس نحنا..الحكام العرب عم يحكمو باسم فلسطين ومو عم يعملو شي والشارع العربي صار عندو نفور من فلسطين لأنو الحكام جوعوهن باسمها ...وما عملوا شي مشانها .. وبالنسبة لموضوع التغيير اللي عم تحكي عنو فهادا بدو ثورة وبالنتيجة رجعت لكلامي .. الثورة .. :D :D :D
خاي و الله العظيم ما فينا نحكي ولو كلمة و حدة عن فلسطين....نحن خونة, خونة,خونة.....كلما واحد ابن حرام من الحكام العرب بدو يفضع و يدبح و يعمل اللي بدو أياه بيقول " فلسطين" ... يعني سوريا شو عملت لفلسطين و للفلسطينيين....لسا ألنا وجه نحكي و نقول أنو دخلنا لبنان لأنقاذهم...ما نحنا أول ناس دبحنا فيهون ( وتل الزعتر بيشهد بهالشي) فرع فلسطين للمخابرات طلع لشو عم بيستعملوه..بيقطعو لسان كل واحد بيحكي كلمة...
ليش لتعود فلسطين للصف العربي....مين من العرب عمل شي عشان جنين و خان يونس .... مين من العرب مد أيدو لفلسطين....أساسا شرف لألنا أنو الفلسطينيين بيعترفو بوجودنا....أنا كعربي أحس كرامتي عم بتنداس كلما بتزكر مين الكلاب يللي حاكميني....جبيني يندي من الخجل كلما بشوف صورة محمد الدرة و فارس عودة....الله يحيي أصلهم....
أبو مارل الغالي دائما" متألق وأنا بشكرك كتير على ذكرك لمجزرة تل الزعتر اللي قام فيها السوريين ..لأني أنا ذكرتها مرة والكل عارضني وما حدا صدقني ..بس مو ذنبو ذنب الكلاب اللي عم تخبي الحقيقة ..وأحلى رفيق و الله يحيي أصلك :D :D :D :D
أبو مارل الغالي دائما" متألق وأنا بشكرك كتير على ذكرك لمجزرة تل الزعتر اللي قام فيها السوريين ..لأني أنا ذكرتها مرة والكل عارضني وما حدا صدقني ..بس مو ذنبو ذنب الكلاب اللي عم تخبي الحقيقة ..وأحلى رفيق و الله يحيي أصلك
يا شباب اللي عم تتهموهن بانو قتلوا الفلسطينيين هني اللي فالتو على الأردن بأيلول الأسود مشان يحموا الفلسطينيين
بلبنان اللي عملوا السوريين أنو حموا لبنان من المؤامرة الفلسطينية أي نعم مؤامرة .... ولا شو بتسموا اللي عملوا ياسر عرفات بلبنان وبغير لبنان يعني ما عاد في بلد عربي يرضى يحويه بسبب اللي عم يسويه من اغتيلات إلى تخطيط لقلب النظام بالأردن واستلام الفلسطينيين للسلطة وبعدين بلبنان اكن عم يحاول يعمل اللي فشل بعملوا بالاردن
الفلسطينيين هم من كانو يحاولون التملص من قضيتهم ويحاولون ايجاد وطن بديل ...
بقى يا شباب لا تكونوا انتقائيين بحكيكم الله يخليكم ...
اللي عملوا ياسر عرفات بلبنان وبغير لبنان يعني ما عاد في بلد عربي يرضى يحويه
عم نحكي عن فلسطين واللا عن عرفات؟؟؟ كلنا عايشين أو عشنا بدول عربية..و الرئيس أو الحاكم أو الملك أو.... ما بيمثلو شعبهون...لا تصدق أنو في فلسطيني أن كان داخل أو خارج فلسطين بيرضى يبدل فلسطين بأرض تانية....أنا هون علاقتي منيحة بكتير فلسطينيين و من جميع المذاهب و المشارب ( عندك من حماس للجبهة الشعبية أو حتى أحزاب عرب الـ 48 ..) وما حدا منهم بيحس حالو ممثل بعرفات أو شلتو...بالعكس, أغلبهم بيعتبروه خائن لأنو باع القضيةبثمن بخس وهوي أنو يصير رئيس...ولو أنو رئيس دولة من صفيح..
الفلسطينيين هم من كانو يحاولون التملص من قضيتهم ويحاولون ايجاد وطن بديل ...
مع احترامي الشديد و تقديري ألك أخي كيكو...بس اسمحلي أقوللك أنو رأيك خلاني أفقد الصواب شوي , هيك بكل بساطة عم بتحكي عن شعب جبار..شعب بطل بشهادة العدو قبل الصديق...شعب مؤلف ملحمة عمرها 60 سنة اسمها قضية فلسطين...الشعب الفلسطيني مثل و قدوة لجميع الشعوب...
آخر شي بدي أسألك سؤال: مادام طلعوا الفلسطينيين بايعين قضيتهم برأيك....ليش ما هالجزارين القتلة المجرمين يللي لاعنين نفسنا من سنة الـ 63 باسم فلسطين و القضية الفلسطينية و و و... ما يحلو عنا و يوقعوا اتفاق سلام مع اسرائيل....شو ناطرين يعني؟ أنو مياه طبرية تتحرك و تدخل الأراضي السورية لحالها مثلا ؟؟
عاشق من فلسطين
16/02/2005, 15:41
يا شباب اللي عم تتهموهن بانو قتلوا الفلسطينيين هني اللي فالتو على الأردن بأيلول الأسود مشان يحموا الفلسطينيين
بلبنان اللي عملوا السوريين أنو حموا لبنان من المؤامرة الفلسطينية أي نعم مؤامرة .... ولا شو بتسموا اللي عملوا ياسر عرفات بلبنان وبغير لبنان يعني ما عاد في بلد عربي يرضى يحويه بسبب اللي عم يسويه من اغتيلات إلى تخطيط لقلب النظام بالأردن واستلام الفلسطينيين للسلطة وبعدين بلبنان اكن عم يحاول يعمل اللي فشل بعملوا بالاردن
الفلسطينيين هم من كانو يحاولون التملص من قضيتهم ويحاولون ايجاد وطن بديل ...
بقى يا شباب لا تكونوا انتقائيين بحكيكم الله يخليكم ...
يعني الصراحة أبو مارل كفى ووفى .. بس أنا حابب قلك وآسفاه على نفسك يا أخ كيكو يا ادارة .. يعني فلسطين طلعت متاجرة لمدة ستين سنة برأيك .. :cry: :cry: :cry:
عم نحكي عن فلسطين واللا عن عرفات؟؟؟ كلنا عايشين أو عشنا بدول عربية..و الرئيس أو الحاكم أو الملك أو.... ما بيمثلو شعبهون...لا تصدق أنو في فلسطيني أن كان داخل أو خارج فلسطين بيرضى يبدل فلسطين بأرض تانية....أنا هون علاقتي منيحة بكتير فلسطينيين و من جميع المذاهب و المشارب ( عندك من حماس للجبهة الشعبية أو حتى أحزاب عرب الـ 48 ..) وما حدا منهم بيحس حالو ممثل بعرفات أو شلتو...بالعكس, أغلبهم بيعتبروه خائن لأنو باع القضيةبثمن بخس وهوي أنو يصير رئيس...ولو أنو رئيس دولة من صفيح..
أبو مارل رد رائع وانساني .. وانساني وانساني.. بس كما قال النواب أندهكم ان كنتم عربا"..بشرا" حيوانات .. بس بالظاهر الشعب العربي صار أوطى من الحمار مشان هيك ما سمع الصرخة :cry: :cry: :cry:
مع احترامي الشديد و تقديري ألك أخي كيكو...بس اسمحلي أقوللك أنو رأيك خلاني أفقد الصواب شوي , هيك بكل بساطة عم بتحكي عن شعب جبار..شعب بطل بشهادة العدو قبل الصديق...شعب مؤلف ملحمة عمرها 60 سنة اسمها قضية فلسطين...الشعب الفلسطيني مثل و قدوة لجميع الشعوب...
يعني كلام ببكي فخرا" بأمثالك يا أبو مارل ... وببكي خجلا" من الذين ليسوا من أمثالك .. :cry: :cry: :cry:
يعني الصراحة أبو مارل كفى ووفى .. بس أنا حابب قلك وآسفاه على نفسك يا أخ كيكو يا ادارة .. يعني فلسطين طلعت متاجرة لمدة ستين سنة برأيك ..
يعني أنا بفضل بدل ما تتهم السوريين بقتل الفلسطينيين اتهامات بلا دلائل واثباتات حتى من القادة والسياسيين الفلسطينيين وغيرهم يستحسن فيك تخجل بما فعله الفلسطينيين وهو ما مثبت ومعروف .....
هلق رح تقلي هاي القادة اللي ما بيمتو للشعب بصلة ... أي لا يا سيدي حاج بقى نعلق أخطائنا على غيرنا ...وقت اللي مات عرفات تلات أرباع الفلسطينيين عملوا بطل قومي وعشو على الخيانات المتتالية اللي كان عم يعملها إذا الفلسطيننيين بدن هيك قادة هن حرين بقضيتهن ... طبعا أنا ما عم قول أنو كل الشعب الفسطيني حاشا ..... بس هادا ما بيعفي الجهة الفلسطينية من المسؤولية المباشرة عن أخطاءهن....
ونحنا أو بالأحرى أنا أكيد بتعاطف مع الشعب الفلسطيني للي عم يصير فيه بس برد بأكد هاذا لا يعفيه من مسؤولية ما حصل في لبنان والأردن وتونس وما كان سيحصل لاي دولة تحوي القيادة الفلسطينية...
يعني كلام ببكي فخرا" بأمثالك يا أبو مارل ... وببكي خجلا" من الذين ليسوا من أمثالك ..
يعني بدل ما توزع تحيات أنا بفضل يكون الكلام علمي وحاجة يعني تمسيح جوخ .... :evil: :evil:
هلق رح تقلي هاي القادة اللي ما بيمتو للشعب بصلة ... أي لا يا سيدي حاج بقى نعلق أخطائنا على غيرنا ...وقت اللي مات عرفات تلات أرباع الفلسطينيين عملوا بطل قومي
طيب و شو مشان لما مات حافظ الأسد...الأمن العسكري مر على كل محلات مدينة الرقة بيسكرها بالغصب, قال مشان الحداد. و أنا شاهد عيان ما حدا حكالي... و شو مشان لما كانو مدربين الفتوة بالمدارس يحلقولنا شعرنا ليللي ما كنا نرضى نطلع بالمسيرات...هادا كلو شعور عفوي ما هيك؟؟؟
عاشق من فلسطين
17/02/2005, 14:17
مات عرفات تلات أرباع الفلسطينيين عملوا بطل قومي وعشو على الخيانات المتتالية اللي كان عم يعملها إذا الفلسطيننيين بدن هيك قادة هن حرين بقضيتهن ... طبعا أنا ما عم قول أنو كل الشعب الفسطيني حاشا ..... بس هادا ما بيعفي الجهة الفلسطينية من المسؤولية المباشرة عن أخطاءهن....
أول شي يا أخ كيكو الشعب الفلسطيني زعل على عرفات مو حبا" فيه بس لأنو على الأقل كان في نوعا" ما لحمة وطنية .. وتاني شي بظن الشعب الفلسطيني مانو فاضي يلحق السياسة لأنو عم يدافع عن أرض وما بيهموا حاليا" مين يستلم اللي بيهموا أنو ما يصير انشقاق مشان ما تصير حربو حربين .. بس العتب على العالم اللي خلدت قائد ما عمل شي ..وهالعالم ما كانت أرضها محتلة بس كانت كرامتها محتلة بداخلها الأمر اللي خلاها تستكت عن الخطأ وتخلد وتمجد .. :evil: :evil:
طيب و شو مشان لما مات حافظ الأسد...الأمن العسكري مر على كل محلات مدينة الرقة بيسكرها بالغصب, قال مشان الحداد. و أنا شاهد عيان ما حدا حكالي... و شو مشان لما كانو مدربين الفتوة بالمدارس يحلقولنا شعرنا ليللي ما كنا نرضى نطلع بالمسيرات...هادا كلو شعور عفوي ما هيك؟؟؟
طبعا" شعور عفوي يا أبو مارل ولو :shock: .. يعني الخوف من الفلقة والحبس شعور عفوي ينجم عنه الخروج في مسيرات عفوية (منظمة ) :shock: لعما كيف ظبتت عفوية ومنظمة :shock: .. أي بسوريا ما في شي مابيظبط .. ومو بس حلاقة شعر أبو مارل لا وفصل 3 أيام كمان .. مشان العفوية ..وتحيا الديمقراطية السورية :frown: :frown:
طيب و شو مشان لما مات حافظ الأسد...الأمن العسكري مر على كل محلات مدينة الرقة بيسكرها بالغصب, قال مشان الحداد. و أنا شاهد عيان ما حدا حكالي... و شو مشان لما كانو مدربين الفتوة بالمدارس يحلقولنا شعرنا ليللي ما كنا نرضى نطلع بالمسيرات...هادا كلو شعور عفوي ما هيك؟؟؟
يعني على راسي yass أنت بتعرف أنو أنا دايما بنقد هالأمور بس ما تواخذني شو دخل عبود بالكرة (على قول المتل)
يعني نحنا مو هاد موضوعنا..
أول شي يا أخ كيكو الشعب الفلسطيني زعل على عرفات مو حبا" فيه بس لأنو على الأقل كان في نوعا" ما لحمة وطنية .. وتاني شي بظن الشعب الفلسطيني مانو فاضي يلحق السياسة لأنو عم يدافع عن أرض وما بيهموا حاليا" مين يستلم اللي بيهموا أنو ما يصير انشقاق مشان ما تصير حربو حربين ..
انو يعني اذا بكي عليه وقال انو بطل قومي بيتوحد يعني والله شي ببكي ...مدري بيضحك..ههههههههههههههههه :lol: :lol:
بس العتب على العالم اللي خلدت قائد ما عمل شي ..وهالعالم ما كانت أرضها محتلة بس كانت كرامتها محتلة بداخلها الأمر اللي خلاها تستكت عن الخطأ وتخلد وتمجد ..
مين قصدك طالما فتحت الموضوع خليك صريح وسمي اللي انت قاصدو ...
أخ كيكو أنا صحي صرت بالمنصة بس لسا ما علموني المشرفين تمسيح الجوخ .. يبدو أنو لسا في دروس قبلو ..
أي لا شو هالتواضع ... يا سيدي الله يديمها نعمة عليك (التواضع قصدي) :D
شو دخل عبود بالكرة (على قول المتل)
عفوا على أنو مثالي غير واضح.... القصد من هالشي أنو المظاهر يللي بنشوفها عالتلفزيون و الجرايد مو هي الحقيقة الكاملة....في قاعدة شعبية واسعة جد بفلسطين ( حماس ـ الجهاد الاسلامي ـ الجبهة الشعبية) كانت تكره عرفات السياسي...عرفات المفاوض...و اسمحلي كمان..عرفات الجبان...بس الظروف ( وليس الصدف) حطت عرفات كرمز للمقاومة الفلسطينية و ..و ..و... لاحظ أنو كل زعماء المقاومة الشعبية و رموز النضال الفلسطيني ( أبو جهاد ـ بو علي مصطفى ـ أبو حسن سلامة ـأبو الهول ـ يحيى عياش.....) كلهم اغتيلو ألا عرفات....ملاحظة جديرة بالاهتمام برأيي.
أكيد في ناس كانت تحب عرفات...مافي شك, و كمان كتار كانو أنصار حافظ الأسد...بس أكيد مو كل الفلسطينيين من فتح و لا كل السوريين من البعث....بس يبدو أنو ثقافة القطيع الراسخة جدا بفكرنا العربي يجبرنا أنو نكون - ولو بالاجبار- فكر واحد و اعتقاد واحد....
تحياتي
عاشق من فلسطين
17/02/2005, 16:39
انو يعني اذا بكي عليه وقال انو بطل قومي بيتوحد يعني والله شي ببكي ...مدري بيضحك..
والله اللي بيزعل واللي بيضحك هوي قصر نظرك السياسي والحياتي وعدم فهمك للمعنى الآخر للكلمات يا باشا يا مشرف ..
مين قصدك طالما فتحت الموضوع خليك صريح وسمي اللي انت قاصدو ...
أنا اللي بدي ياه يفهم قصدي رح يفهموا ... بس اللي ما فهم قصدي مو كتير بيهمني يفهم ..لأنو لو فهم ماراح يعمل شي .. لأنو في أمور يا أخ كيكو مصيبة اذا الواحد ما فهمها لحالو ..
أي لا شو هالتواضع ... يا سيدي الله يديمها نعمة عليك (التواضع قصدي)
سيدي أحسن من شوفة الحال والغرور .. وعلى قولتك ما في شجرة وصلت لربا ..بس بالظاهر الكرسي صاير عنا نحنا العرب بيعمي ولو كان كرسي كهربا .. :wink: :wink:
عاشق من فلسطين
17/02/2005, 16:41
بس يبدو أنو ثقافة القطيع الراسخة جدا بفكرنا العربي يجبرنا أنو نكون - ولو بالاجبار- فكر واحد و اعتقاد واحد....
تحياتي
راسخة بالفكر وبالحياة يا أبو مارل الغالي.. :D :D
أكيد في ناس كانت تحب عرفات...مافي شك, و كمان كتار كانو أنصار حافظ الأسد...بس أكيد مو كل الفلسطينيين من فتح و لا كل السوريين من البعث....
اللي بيفهم بيريح .. :D :D :D
يا سيدي بداية أنا بشكرك لوصفك إلي بعدم الفهم أو لا ما بشكرك رح قول رح ضل احترمك مع وصفك إلي بعدم الفهم وقصر النظر السياسي
عكلن اللي قصدك عليه هو الرئيس حافظ الاسد أنا رح قولها إذا انت ما بتسترجي تقولها ...
يا سيدي غلطان وميت غلطان إذا اتهمت حافظ الأسد بأنو ما عمل شي للقضية ...
لانو إذا في حدا عمل شي للقضية بكون هو حافظ الأسد ...
وما حدا بيقدر يحكي على تاريخو السياسي في القضايا الخارجية ..
واللي بيدعي هيك شي عن الرئيس حافظ بيكون ما نو متابع سياسة أصلا ...
عاشق من فلسطين
18/02/2005, 14:06
يعني لا شكر على واجب ومنيح اللي فهمتا .. وبالنسبة لحافظ الأسد انا ماني حابب كتير خوض بموضوع اذا هوي أسطورة ولا لاشيء ..
لأنو هاد بصير موضوع رأي ووجهة نظر.. بس حابب قلك أنو لا تنسى الجولان طارت على زمن حافظ الأسد .. :wink:
يا جماعة شوو القصة؟؟؟ ولعانة كتير هون!!!!
أنا بدي قول شغلة..
أنا شايف انو النقاش عم ينطلق إلى نقط ليس لها اي علاقة ببعضها....
يعني الاوضاع الداخلية في سوريا وهل الشعب السوري يحب حافظ الأسد وغيرها من هذه الامور لا علاقة لها ابداً بموضوع السياسة السورية الخارجية...
يعني نحن عندنا الواحد يا بيكون منيح 100% أو بيكون عاطل 100%...
بس انا رايي هون انو صحيح أنو في كتير شغلات ما بتعجبني بالبلد، وأنو عندي تحفظات على كتير شغلات عم تصير بوطني الحبيب سوريا... بس هادا ما بيعني ابداً أنو مواقف سوريا الخارجية ليست جيدة (من منطلق كل شي سيء).. لا بل على العكس تماماً.. انا ارى ان سوريا وحدها وقفت (وتقف) إلى جانب الفلسطينيين.. وحدها وقفت وستقف إلى جانب اللبنانيين..
سوريا من ثوابتها التي لا تحيد عنها هي محاولة لملمة الصف العربي.. يعني لأنو هادا هو مصلحتها...
وسوريا وقت كان عندها فرصة تعمل سلام مع إسرائيل رفضت، نعم رفضت.. والسبب هو مطالبتها بالتخلي عن لبنان والمقاومة في لبنان....
ملاحظة ثانية..
رجاءً ما نطلع عن اسلوب الحوار الهادف البعيد عن التعصب... يعني انا بعتبر من حقي قول عن فلان انو خائن مثلاً لأن الخيانة بنظري هي نتيجة فكر معين وأفعال معينة.. أما ان أطلق على الأشخاص مصطلحات من قبل (كلب) وما غلى ذلك فاعذروني.. هذا ليس من اسلوب الحوار....
عاشق من فلسطين
18/02/2005, 17:06
مشكور كتير على المشاركة أخ فراس .. وأنا باحترمك كتير من خلال كتاباتاك السابقة بس بالنسبة للموضوع أنا مو حابب استمر فيه .. لأنو هيك موضوع طويل كتير .. واذا بدي استمر فيه عندي الأدلة والاثباتات بس بدو يصير فيه نشر غسيل وسخ ..ولما هالشي بدو يصير فالقارئ مارح يستاء رح يصير بين أمرين .. يا أما يكره سوريا .. يا أما يحبها أكتر.. وأنا مابدي حدا يكرها بس بدي العالم ما تهول الأمور وتعطيها أكبر من حجمها أنا بحب سوريا وبعبدها .. بس كمان ما برضى حدا يتلاعب باسم سوريا لو كان الله .. يعني ليش نحنا ما منشوف غير أبيض وأسود ( يعني سوريا أو بالأحرى القيادة السورية يا أما منزلة من عند الله يا أما هيي قيادة فاسدة كليا" )
ليش ما منشوف الرمادي أنو سوريا بلد رائع وجميل وصامد ..بس صار في أخطاء معينة وقاتلة في بعض الأمور ..من قبل القادة .. ونحنا الشعب لازم نحاول نصحح هالأخطاء قدر المستطاع .. لو بدمائنا.. :D :D :D
وأخ فارس عنجد أنت الك مكانة خاصة بقلبي من خلال كتابتك ( الخواطر) لأنو كتابات رائعة..
وبتمنى بس بدك تجاوبني على المكتوب تجاوب فوق وما تاخد رأيي الشخصي فيك بعين الاعتبار لأنو النقاش البناء لازم يكون خالي بعيد عن العواطف.. يعني أنا اذا بحبك مو يعني تسايرني .. لا سلخني .. وخلي الحوار يشعل بس ضمن حدود وآداب الحوار كما قلت .. :D :D
عاشق من فلسطين كتب:
يعني لا شكر على واجب ومنيح اللي فهمتا .. وبالنسبة لحافظ الأسد انا ماني حابب كتير خوض بموضوع اذا هوي أسطورة ولا لاشيء ..
لأنو هاد بصير موضوع رأي ووجهة نظر.. بس حابب قلك أنو لا تنسى الجولان طارت على زمن حافظ الأسد ..
مظبوط رأي ووجهة نظر ...
بس ما حدا الو حق يحكي على الرئيس حافظ الأسد بالنسبة للسياسة الداخلية غير السوريين
لا يحق لأي كان توجيه انتقاد على الصعيد الداخلي سوى السوريين حتى لو كان عربي بيعيش بسوريا...
لانو موضوع الداخل للداخل فقط وليس من شأن أحد سوى أبناء سوريا...
فارس كتب :
انا ارى ان سوريا وحدها وقفت (وتقف) إلى جانب الفلسطينيين.. وحدها وقفت وستقف إلى جانب اللبنانيين..
سوريا من ثوابتها التي لا تحيد عنها هي محاولة لملمة الصف العربي.. يعني لأنو هادا هو مصلحتها...
وسوريا وقت كان عندها فرصة تعمل سلام مع إسرائيل رفضت، نعم رفضت.. والسبب هو مطالبتها بالتخلي عن لبنان والمقاومة في لبنان....
هادا الكلام السليم وشكرا أخ فارس....
عاشق من فلسطين كتب:
لأنو هيك موضوع طويل كتير .. واذا بدي استمر فيه عندي الأدلة والاثباتات بس بدو يصير فيه نشر غسيل وسخ
يا سيدي حكيك هادا هو الغسيل الوسخ بحد ذاتو وما بيصير تحكي وتلمح بدون ما تكفي حكيك للأخير
إذا عندك شي فعلا (بما يخص سياسة الخارج طبعا) اتفضل وحكي والا فلتصمت للأبد ... :aah:
عاشق من فلسطين كتب:
وأخ فارس عنجد أنت الك مكانة خاصة بقلبي من خلال كتابتك ( الخواطر) لأنو كتابات رائعة..
وبتمنى بس بدك تجاوبني على المكتوب تجاوب فوق وما تاخد رأيي الشخصي فيك بعين الاعتبار لأنو النقاش البناء لازم يكون خالي بعيد عن العواطف.. يعني أنا اذا بحبك مو يعني تسايرني .. لا سلخني .. وخلي الحوار يشعل بس ضمن حدود وآداب الحوار كما قلت ..
هههههههههههههههههههه
ما قلتلك الله يديمها نعمة عليك (قصدي التواضع :shock: )... :o :o
عاشق من فلسطين كتب:
بس حابب قلك أنو لا تنسى الجولان طارت على زمن حافظ الأسد ..
لا تعليق أنا رح خلي الشباب الباقين يردوا على معلوماتك التاريخية القوية
ليش كيكو مين كان وزير الدفاع وقتها
و مين كان القيادة يلي تركت الجيش لحالو و أعلنت سقوط القنيطرة يلي كانت صفوف الجيش السوري
و ع فكرة الأخ العاشق سوري
و حتى لو كان فلسطيني.. فبيحقلو يحكي شو ما بيحب عن الداخل... شو فرق سوري لما فلسطيني... الزلمة عايش بسوريا و انتهى الموضوع
ليكوا برا بيجي المهاجر من الصين ع كندا خلص فورا صار كندي
نحنا منضل عم نعقدها ع حالنا...
معك حق أنا راح عن بالي انو كان وزير دفاع
حتى لو كان فلسطيني.. فبيحقلو يحكي شو ما بيحب عن الداخل... شو فرق سوري لما فلسطيني... الزلمة عايش بسوريا و انتهى الموضوع
لا معلش بيضل الأخ فلسطيني ... ولا انت مع التوطين يعني ..
إذا عندك شي فعلا (بما يخص سياسة الخارج طبعا) اتفضل وحكي والا فلتصمت للأبد ...
أنا عندي شي أحكيه اذا keko ما عندو مانع...
أول شي, خلينا نفترض أنو السياسة الخارجية السورية ممتازة (فرضا) , يعني متل الزلمة السكرجي الصايع يللي نازل ضرب و تعذيب بمرتو وولادو و ما بيدير بالو عليهون ووو....بس تلقاه مؤدب و حباب مع الناس التانيين وهيك....يعني ما بعرف شو بدي قللك...
تاني شي, الحكومة السورية تطبل و تزمر بالسياسة السورية الخارجية...يعني ما بعرف على شو فرحانين..ما السياسة الخارجية السورية خليط عجيب من التناقضات...سرية علاقتها متوترة مع جميع جيرانها.. العرب خصوصا , مع الأردن , مع العراق ( قبل و بعد الاحتلال) , و اللي عم بيصير بلبنان غني عن التعريف...الحكومة السورية تطبل و تزمر بعلاقتها الجيدة مع تركيا بد توتر دام سنين كتيرة , طيب ما تركيا " رسميا " محتلة جزء من الأراضي السورية, وعم تقتطع مياه الفرات, لشو فرحانين يعني؟؟
النظام السوري عالأساس ذو توجه قومي عربي , وهوي كمان نظام اشتراكي اسميا... لنفترض هالحكي صحيح... ممكن حدا يشرحلي ليش سوريا دعمت و لو معنويا أكراد العراق مثلا...وليش دعمت دولة اسلامية متل ايران بحربها ضد دولة عربية ( العراق) ... أو ليش دخلت بقوات التحالف لما صدام احتل الكويت بدل ما تطالب بحل الموضوع ضمن اطار الجامعة العربية؟
نجي عالنقطة الشائكة.... عملية السلام. عملية السلام متجمدة تماما من سنين كتيرة, السياسة الخارجية السورية ما قدرت توفر دعم ولو معنوي لمواقفها تجاه عملية السلام, بل خسرت دعم من كتير جهات, أوربية مثلا..
الحكومة السورية و جهازها الخارجي من سنين عم بتفاوض منشان اتفاق الشراكة مع الاتحاد الأوربي و مو قدرانة تعمل شي... بالمقابل دولة متل تونس حلت الموضوع بكل بساطة ووقعت الاتفاق من زمان...
الحكومة السورية تعتبر منظمة الأخوان المسلمين منظمة محظورة و محكوم بالاعدام على كل أعضاءها, بالمقابل , المكتب الاعلامي لحماس ( منظمة منبثقة من جماعة الأخوان المسلمين) موجود بدمشق...ليش ما عم بفهم....
عاشق من فلسطين
19/02/2005, 15:58
أول شي مشكور كتير أخ joe وتاني شي أنا سوري وماني فلسطيني .. يعني من سوريا من طرطوس..
بس يعني بظن انو فلسطين أكبر من أنو يكون حبها منعلق بالجنسية .. :D :D
الحكومة السورية تعتبر منظمة الأخوان المسلمين منظمة محظورة و محكوم بالاعدام على كل أعضاءها, بالمقابل , المكتب الاعلامي لحماس ( منظمة منبثقة من جماعة الأخوان المسلمين) موجود بدمشق...ليش ما عم بفهم....
أبو مارل في فكرة انو مو أي شخص ممكن يتقبل فكرة أنو قلعة الصمود والتحدي هيي عبارة عن قلعة ورقية زائفة .. تسقط بنسمة ..
بس شو بدك تعمل بدها صبر .. :D :D
أنا عندي شي أحكيه اذا keko ما عندو مانع...
يا أخي ليش ليكون عندي مانع إذا في لغة حوار شو يعني حتى لو طلعت الحكومة غلطانة شو هيي منزلة من عند الله ... بس المهم يكون حوار حول نقاط واضحة معينة موزت حكي بالهوا ... وشكرا
منرجع للحوار ...
أول شي, خلينا نفترض أنو السياسة الخارجية السورية ممتازة (فرضا) , يعني متل الزلمة السكرجي الصايع يللي نازل ضرب و تعذيب بمرتو وولادو و ما بيدير بالو عليهون ووو....بس تلقاه مؤدب و حباب مع الناس التانيين وهيك....يعني ما بعرف شو بدي قللك...
أكيد هادا انسان سيء بس بعتقد المقاربة بعيدة شوي
بالنسبة لسرية السياسة أنا ما معك لانو الموقف السياسي واضح وضوح الشمس بس التكتيكات هاي بقى شي طبيعي تكون سرية ومو بس عند سورية بعتقد بالنسبة لكل دول العالم ماعدا الدول العربية الشقيقة اللي قال أخي ياس انو علاقاتها متوترة مع سورية هاي بقى شغلتها شغلة هاي اللي فينا نقول عن سياستها أنها سرية أو بوجهين وهاد هوي سبب الخلاف بينها وبين سورية أو التوتر متل ما سماه أبو مارال ...
منجي عليهن دولة دولة مشان تكون الأمور واضحة ...
سورية والأردن :
لنبدأ بما قدمه كل طرف لشقيقه .. سورية قدمت في فترات متعددة للأردن الشقيق المياه وبوقتها بذكر كانت المي عنا بحمص وبسورية كلهاعلى ما اعتقدعم تنقطع بسبب التقنين الناتج عن نقص المياه ومع ذلك كنا نقدم المياه للشقيقة ...
وماذا قدمت الأردن بالمقابل لا شيء .... سوى الكلام الرسمي من استنكار لما تتعرض له سورية من ضغوط واعتداءات على ارضها وفي لبنان هاد طبعا كلام جرايد لانو بالمقابل كانت الأردن عم تعقد اتفاقات سلام عفوا استسلام مع العدو اللدود لشعبها ولسورية ...
سورية والعراق :
مسألة الخلاف الحزبي بين الدولتين لا تخفى على أحد ...
بالإضافة الى العدوان العراقي على ايران الجمهورية الاسلامية والتي كانت ستكون عمقا استراتيجيا للعرب في المواجه مع اسرائيل فكان لا بد من أن تقف ضد العدوان ليس من أي منطلق سوى أنه لسنا بحاجة الى عداوات جديدة في حين أن هذه الدولة قد تكون حليفا خصوصا أنها كانت خارجة من انقلاب على نظام موالي لأمريكا ... وأذكر عندها بمواقف العرب الذين وقفوا مع العراق في حربها التي استنرفت العراق وايران وبالتالي هذه خسارة لأعداء اسرائيل و دفع جديد لحلفاءها .... عندها كانت الكويت مع العراق في العدوان بل ودعمت العراق ماديا وكذلك دول الخليج كلها والدول العربية ذات النظر السياسي المعدوم ...
بالإضافة لما قام به النظام العراقي السابق من عدوان على الكويت ما جعل شرخا في العلاقات العربية وكانت ضربة أصابت اول ما أصابت سورية لانها المعنية بالمواجهة مع اسرائيل والأن أصبح الأشقاء فريقين ...
وقفت عندها سورية ضد العدوان العراقي واضطرت لان تشترك مع القوات الدولية حينها والكل يذكر أنها كانت دولية وليست أمريكية لان العرب كلهم أرادوا ذلك ولانها كانت ستواجه مشكلة وقوف العرب ضدها لو لم تعبر عن رفضها للعدوان العراقي بالمشاركة ومع ذلك لم ترضى بجعل أراضيها منطلقا للقوات الأجنبية .. واذكر انها كانت قوات دولية يعني بقرار أمم متحدة ...
وطبعا كان الأخ أبو عمار من الداعمين للعراق في حره ضد الكويت ..... شي بيرفع الراس ما هيك ....
يعني بدكن سورية تكون علاقتها جيدة مع العراق ....
سورية وفلسطين :
أوووووووووووووووووووووووو ووووووووووووووووف
أخ عاللي شفناه منهم ... يعني أولا ببدأ من اللي خبصوه بالدول العربية محاولة انقلاب بالأردن ومحاولة تغيير النظام والستيلاء على الحكم قال ليش لانو الملك خاين أي طيب كلن ببعضن خونة ... والكل بيعرف انو وقتها الملك الأردني حول يحاصر الفلسطينيين ويقضي عليهن وبوقتها سورية اتدخلت بما يعرف بايلول الأسود وأدخلت دباباتها لحماية الفلسطينيين واستعان بوقتها الملك العظيم باسرائيل ودخلت طائرات اسرائيلية وقامت بقصف تحذيري للدبابات السورية اللي ما كان عندها الا انو تتراجع لعدم توفر الغطاء الجوي المهم بيتم تهريب عرفات لمصر بقمة عربية بينحل الخلاف وبيتفقوا العرب انو لازم يحطوا الفلسطينيين بلبنان (الكل يعرف بالخطة الأمريكية على دور الرئيس كارتر المسماة حل قضية الشرق الأوسط على حساب الفائض الجغرافي الذي اسمه لبنان واللي على ما يبدو رح ينجحوا بتطبيقها) المهم بلبنان الأخ عرفات بيبدع بكل معنى الكلمة .... بيعلق الدنيا ببعضها ولا يخفى عن الجميع ان الحرب اللبنانية كان أحد أطرافها الأساسيين الفلسطينيين اللي حاولوا أنو يتحالفو مع الدرروز والأسلام لضرب المسيحيين وبوقتها بيطلب كمال جنبلاط من الرئيس السوري يأخر دخول القوات السورية اسبوع ووصل بالأخير ليطلب مهلة 3 أيام لينهي المسيحيين بلبنان وبوقتها بتدخل القوات السورية رغم معارضة كل العالم بما فيه الاتحاد السوفيتي الذي كان حليف سورية والذي قال أن سورية بدخولها لبنان تجاوزت كل الخطوط الحمر ..
كل هادا ليش مشان الخاين عرفات وشلتو ...
وثم انتقل عرفات لتونس والكل يذكر حاثة الكوماندوس الشهيرة ... ثم يعود لفلسطين ليبدأ مسلسل التنازلات والخيانة وضرب الصف العربي
أي شو بدها تحمل سوريا لتحمل .... وبدك علاقة جيدة مع القيادة الفلسطينية .. ومع هيك ضلينا داعمين لنضال الشعب الفلسطيني ... مو بس بالحكي متل كل الدول العربية اللي ما شاطرة غير بالحكي بالفعل كمان والقيادات الفلسطينية الموجودة بالشام بتشهد واللي الأخ ياس معترض على وجودها .... :!: :!:
سورية ولبنان :
بالفعل إذا بدنا نوصف العلاقة ما فينا نقول غير انو اللي اتقدم من سورية للبنان متل اللي قدمته سورية لنفسها لم تبخل سورية على لبنان لا بالدم ولا بالسلاح ولا بالمال ولا بالكهرباء ولا بالشتول للتشجير ولا بالدعم السياسي ولا بالدعم الأمني ومن يتجاهل هذا يكون خائن حتى المعارضة اللبنانية ما بتنكر عطاء سورية للبنان (أكيد في تدخلات سورية وهادا خطأ) بالمقابل كان لبنان وفيا على الرغم من بعض الأصوات الخائنة والتي كانت وراء الحرب فيه وما زالت تحاول اشعالها فيه وقدم لبنا لسورية سياسيا الكثير مالم يقدمه له أي بلد آخر وضحى في سبيل التحرير ووحدة المسار بالدم والمال والجهد ..........
ولذلك سورية لم ولن تتخلى عن لبنان كما أن لبنان لم ولن يتخلى عن سورية فهي بالفعل علاقة مميزة وقوية والفضل فيها طبعا للشعبين والبلدين لكن أيضا للسياسة الذكية بل العبقرية للرئيس حافظ ...
باختصار شديد حاولت أنو أعطي لمحة ذكر الكل فيها بما مرت به سورية وجيرانها
يعني بشرفي أنا وعم اكتب تعبت وأكيد انتو وعم تقرأوا تعبتوا بقى شو منقول عن حافظ الأسد اللي كتب هالتاريخ السوري حرف حرف وثانية بثانية ...
أكيد هو دون شك قائد خالد على الرغم من الإعتراضات الكبيرة والكثيرة لتصرفات الحكومة داخل سورية
ودمتم وانشالله النا لقاء لسا ... واللي بيلاقي بحكيي خطأ تاريخي أو غيرو يصححلي يعني منكم نستفيد وشكرا :gem:
أخ keko
كلام نظامي 100%
ممكن حدا يشرحلي ليش سوريا دعمت و لو معنويا أكراد العراق
ببساطة سورية ما دعمت الأكراد بل أيدت حقوقون الوطنية المشروعة داخل العراق و هاد الشي أثناء إضهادون من صدام و كل عمرها سورية ضد انفصال الأكراد و مع وحدة العراق شعباً و أرضاً و هادا الشي واضح للجميع و ما بخالف مبادئها القومية
وليش دعمت دولة اسلامية متل ايران بحربها ضد دولة عربية ( العراق)
الحقيقة هاد الكلام يعاكس الحقيقة
لأنو سورية عارضت الحرب يلي قام فيها صدام ضد إيران و ما شاركت فيها
و الأسباب يمكن واضحة برد الأخ كيكو
و بالمناسبة هي الحرب كانت أكبر خدمة للمصالح الأميركية و الإسرائيلية و كانت ممولة من أغبياء الخليج يلي قلون حافظ الأسد أثناء الحرب العراقية على إيران أنو هادا صدام بس يخلص من إيران رح يرتد عليكون و هاد يلي صار
أو ليش دخلت بقوات التحالف لما صدام احتل الكويت بدل ما تطالب بحل الموضوع ضمن اطار الجامعة العربية؟
هاد الحكي مو صحيح لأنو و قتا طالبت سورية بهاد الشي و عقدت قمة عربية و طالبو العراق بالإنسحاب من الكويت سلمياً
و بقولو أنو بوقتها عرض الرئيس الأسد على صدام الإنسحاب من الكويت و عندها سورية رح توقف مع العراق و تدافع عنو
بس متل ما بتعرفو العراق رفض الإنسحاب و كان لابد من التدخل العسكري و صار يلي صار
نجي عالنقطة الشائكة.... عملية السلام. عملية السلام متجمدة تماما من سنين كتيرة, السياسة الخارجية السورية ما قدرت توفر دعم ولو معنوي لمواقفها تجاه عملية السلام
هاد الشي غلط لأنو لوا إنفراد الكاذب السادات أولاً و عرفات ثانياً و الملك الأجير ثالثاً باتفاقات غبية لا تصب إلا في مصلحة إسرائيل على حساب الشعوب العربية و كرامتها، لكان موضوع التسوية بالشرق الأوسط و ضعو أحسن بكتير
بعدين بالنسبة للدعم و التأييد الدولي فأنا بخالفك برأيك لأنو سورية عندا برصيدا قرارات الشرعية الدولية 242 ، 338 ، 195 و غيرها يلي بتأكد حقها المشروع بيلي عم تطالب فيه بالإضافة لأنو الدول الأوروبية جميعها إي جميعها متفقة على هي القرارات و مؤيدة لتنفيذها
بس المشكلة مو بسورية المشكلة بالوضع العالمي الخاطئ يلي بصير فيه الصح غلط و الغلط صح
الحكومة السورية و جهازها الخارجي من سنين عم بتفاوض منشان اتفاق الشراكة مع الاتحاد الأوربي و مو قدرانة تعمل شي... بالمقابل دولة متل تونس حلت الموضوع بكل بساطة ووقعت الاتفاق من زمان...
بالعكس سورية وقعت بتشرين التاني 2004 اتفاقية الشراكة بالحروف الأولى و بشروط أفضل بكتير من أي دولة عربية تانية و خلال ال2005 رح يبدأ تطبيق الإتفاقية بالتدريج بحيث أنو منافع سورية تبدأ منذ الآن
أما المنافع الأوروبية فما رح تاخد شكلها الكامل حتى 2012 مع حق سورية بالتراجع عن كل مرحلة من مراحل الإتفاقية في حال أنها لم تناسب السوق السوري :wink:
الحكومة السورية تعتبر منظمة الأخوان المسلمين منظمة محظورة و محكوم بالاعدام على كل أعضاءها, بالمقابل , المكتب الاعلامي لحماس ( منظمة منبثقة من جماعة الأخوان المسلمين) موجود بدمشق...ليش ما عم بفهم....
ببساطة لأنو الإخوان منظمة إرهابية استهدفت بجرائمها بسورية المدنيين و السياسيين و العسكريين
أما حركة المقاومة الإسلامية حماس فهيي فصيل مقاوم استهدف بأعمالو جيش الإحتلال و المستوطنين الغاصبين لأرضو أرض فلسطين
أخي keko طبعا رأيك الشخصي بحترمو جدا... و لو ما نتقف عليه, بس حابب اعلق على شغلة صغيرة
بتدخل القوات السورية رغم معارضة كل العالم بما فيه الاتحاد السوفيتي الذي كان حليف سورية والذي قال أن سورية بدخولها لبنان تجاوزت كل الخطوط الحمر ..
هالحكي مو صحيح بنوب...سورية دخلت لبنان بموافقة أمريكية و اسرائيلية...و أثبات لهالشي أنو ريتشارد مورفي ( السفير الأمريكي في واشنطن أيامها...) صرح ما يلي في برنامج " حرب لبنان" تبع قناة الجزيرة :
......وكان التمهيد لهذا التدخل قد تم قبل أمد بين دمشق وواشنطن وتل أبيب.
ريتشارد مورفي(السفير الأميركي في دمشق):
أسميه تفاهماً تم التوصل إليه عبر واشنطن، وأؤكد أنه لم تكن هناك اتصالات سورية -إسرائيلية مباشرة، ولكن كانت هناك خطوط حمر، أي أن القوات السورية لن تنتشر أبعد من عشرة كيلو مترات جنوب طريق بيروت -دمشق. وكما أتذكر أنه لن تكون هناك بطاريات صواريخ أو طلعات جوية سورية. الأمر الأكثر وضوحاً كان: لا تتعدوا هذا الخط جنوب طريق بيروت- دمشق بأكثر من عشرة كيلو مترات......
تحياتي :D :D :D
......وكان التمهيد لهذا التدخل قد تم قبل أمد بين دمشق وواشنطن وتل أبيب.
ريتشارد مورفي(السفير الأميركي في دمشق):
أسميه تفاهماً تم التوصل إليه عبر واشنطن، وأؤكد أنه لم تكن هناك اتصالات سورية -إسرائيلية مباشرة، ولكن كانت هناك خطوط حمر، أي أن القوات السورية لن تنتشر أبعد من عشرة كيلو مترات جنوب طريق بيروت -دمشق. وكما أتذكر أنه لن تكون هناك بطاريات صواريخ أو طلعات جوية سورية. الأمر الأكثر وضوحاً كان: لا تتعدوا هذا الخط جنوب طريق بيروت- دمشق بأكثر من عشرة كيلو مترات......
تحياتي
يعني أنا بعتقد انو هالحكي مانو صحيح بالمناسبة مو بس كان في بطاريات بلينان كان في طيارات وبذكركن انو سورية خسرت بلبنان أكتر من 100 طائرة
......وكان التمهيد لهذا التدخل قد تم قبل أمد بين دمشق وواشنطن وتل أبيب.
ريتشارد مورفي(السفير الأميركي في دمشق):
أسميه تفاهماً تم التوصل إليه عبر واشنطن، وأؤكد أنه لم تكن هناك اتصالات سورية -إسرائيلية مباشرة، ولكن كانت هناك خطوط حمر، أي أن القوات السورية لن تنتشر أبعد من عشرة كيلو مترات جنوب طريق بيروت -دمشق. وكما أتذكر أنه لن تكون هناك بطاريات صواريخ أو طلعات جوية سورية. الأمر الأكثر وضوحاً كان: لا تتعدوا هذا الخط جنوب طريق بيروت- دمشق بأكثر من عشرة كيلو مترات......
تحياتي
يعني أنا بعتقد انو هالحكي مانو صحيح بالمناسبة مو بس كان في بطاريات بلينان كان في أسلحة ثقيلة من كافة الأنواع وصولا للطيارات وبذكركن انو سورية خسرت بلبنان أكتر من 100 طائرة
يعني بدل ما توزع تحيات أنا بفضل يكون الكلام علمي وحاجة يعني تمسيح جوخ .... :evil: :evil:
شوفوا مين عم يحكي عن تمسيح الجوخ :lol: :lol: :P
و بالنسبة إلي بلاقي أنو الحل هو أنو يتخلص الشعب العربي من قياداتوا الخائنة ليقدر يقدي عإسرائيل
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة