الي صار بالسفارة الدنماركية ........... عيب [الأرشيـــــف]

tweety

04/02/2006, 21:52

حبيت علق على هالموضوع لانو كتير عصبني وهزلي بدني
وانا شايفة الي عم بيصير بالشام الي بعتبرها من ارقى بلاد العالم
يعني شو كان بيصير لو انو طلعوا مظاهرة محترمة وحكوا يلي بدهن ياه بس بدون انفعالات زايدة عن اللزوم وما الها داعي ابدا
لانو هيدا الشي بصراحة ما عكس غير وجهة نظر كتير سيئة عن البلد وتصرفات شعبها
بعدين عندي نقطة صغيرة
هلء كل الي شاركو بهالمظاهرة وانفعلوا كتير و ورجونا شطارتهن يا ترى بيحبو الدين كل هالقد وبيطبقوا سنة الرسول صلى الله عليه وسلم بحذافيرها
انا اتحدى انو يكونوا هيك لانو لو كانو بيفهموا الدين الاسلامي صح ابدا ما كانو اتصرفوا هيك
لانو الدين الاسلامي دين محبة وسلام
صحيح نحنا ما لازم نسكت عن الي صار بس تكون تصرفاتنا واعية اكتر
لانه الي شفته عالتلفزيون بنشرات الاخبار عن الشام والي صار فيها
بصراحة
وبدون ما حدا يزعل مني
شي بيخجل

باشق مجروح

04/02/2006, 23:29

حبيبتي عيوني
كيف بدك ياهن يردوا ؟ شفنا كتير المظاهرات السلمية اللي حضرتك بتحكي عنا شو بتعطي :p مفعول
:pos: هه
عن شو عم تحكي يا فهيمة عصرك
غير هيك ما بيتربو وخلي العالم كلو يحسب مليون حساب قبل ما يفكر يقرب على حبيبنا المصطفى
وخلينا الوسائل السلمية إلك ولأمثالك
ومعلومة لإلك جربت كتير دول الوسائل السلمية وكانت الدنمارك تقول حرية الرأي
بس هلأ خليها تقول حرية الرأي
بعدين الاسلام أنا معك انو دين محبة وسلام بس مو مع الأعداء بل يجب مقاتلتن للرمق الأخير

بأبي أنت وأمي يا رسول الله
وطوبى لأبطال الشام
نصرة سيد الخلق لا تكون الا بالدم

Willi

04/02/2006, 23:33

بستغرب انو في عالم موافقة على العمل الاجرامي اللي عملوه هالبهايم

اما شغلة الحساب يا معلم
فالحساب اللي رح يحسبوه النا هوي
شعب متخلف
شعب ارهابي
شعب بجم
شعب نوري
شعب حمار

هاد الحساب

Barleb

04/02/2006, 23:53

طيب معقول تنهز صورة الرسول بـ كاريكاتور , كل هلقد عقلكن صغير ,
ما حدا كان ألو خبر بالصور ألى ما قام المسلمين بالرد عليهم و عملوها قصة ,
معقول أيمانكم يوقف على كاريكاتور , أنت فكرك الدانمارك ما بتقدر ترد بالقوة و أنو الأتحاد الاوروبي رح يوقف مع الدنمارك , وبعدين أذا تسكرت السفارة الدنماركية و النرويجية و السويدية و الفرنسية بسوريا مين المتضرر ؟ , لا يكون رح تنضرب ميزانية الأتحاد الأوروبي , ولا رح يبطلو يستوردو سيارات و أكل و ألكترونيات من عنا ؟ متل ما قال ويلي
شعب متخلف
شعب ارهابي
شعب بجم
شعب نوري
شعب حمار
تحياتي

باشق مجروح

04/02/2006, 23:58

بحب قلك انو:

المتخلف هو اللي بيفكر بوجهة نظر أعداؤه فيه
الارهابي هو اللي بيعتدي ع مقدسات الآخرين بالأول مو اللي بيرد ع الاعتداء
البجم هو اللي بيسكت عن اهانة نبيو أو بيلجأ للوسائل السلمية اللي جوابها عند الأعداء هو حرية الرأي
أما النوري بقى سيدي فهو اللي بيدافع عن ناس مانن شايفينو قدامن أو معبرينو
والحمار أخيرا هو اللي لساتو رغم كل شي صار وبيصير بيفكر انو وجهة نظر الأعداء رح تتغير نحونا
فالمبلول ما بيخاف من زخ المطر
وللحق دائما أعداء

Willi

05/02/2006, 00:08

المتخلف هو اللي بيفكر بوجهة نظر أعداؤه فيه
خطأ المتخلف هوي اللي بيرد عالغلط بغلط

الارهابي هو اللي بيعتدي ع مقدسات الآخرين بالأول مو اللي بيرد ع الاعتداء
كمان خطأ الارهابي هوي اللي بحاول يستعمل العنف ليحل شي مسألة
مع العلم انو ما بيطلع بأيدو غير انو يأذي حالو ويأذي اللي حواليه

البجم هو اللي بيسكت عن اهانة نبيو أو بيلجأ للوسائل السلمية اللي جوابها عند الأعداء هو حرية الرأي
البجم هوي اللي مو شايل نبيو من ارضو ومعتبر نبيو صغير لدرجة انو بيتأثر بكاريكاتير

أما النوري بقى سيدي فهو اللي بيدافع عن ناس مانن شايفينو قدامن أو معبرينو
مين دافع عن عالم مو شايفينو قدامن
حبيب لا تخبص

والحمار أخيرا هو اللي لساتو رغم كل شي صار وبيصير بيفكر انو وجهة نظر الأعداء رح تتغير نحونا

الحمار اللي بفكر انو مو ممكن يغير وجهة نظر شخص تجاهو
الحمار هوي اللي بيعمل شي مشان يبين للتاني انو هوي متل ما قال
يعني وصفو الرسول بأنو رسول ارهاب
بحرق السفارة الاسلام بتعولهون رسالة وقالولهون معكون كل الحق رسولنا رسول ارهاب
ونحنا من تربايتو الارهابية عملنا هيك

وبالنهاي الحمار هوي اللي بيأذي بلدو وكل بالو عم يأذي بلد تانية

tweety

05/02/2006, 00:15

باشق مجروح

05/02/2006, 00:24

مع احترامي الشديد للجميع
ما في حدا بيقدر يفرض وجهة نظره ع الآخر وأنا مقتنع متل ملايين من بني ديني بصحة اللي عملو الشعب الأبي البار بسوريا وما حدا بيغيرلي قناعتي
ولمعلوماتك اللي صار بالدنمارك وغيرها صار تحدي للمسلمين بكل أنحاء الأرض والرسومات بدون أدنى شك لو مهما اشتدت ما بتوصل لشراك نعل النبي
وأنا برأيي على العكس العالم ما اتـأكدلها انو نحنا ارهابيين بقدر ما لاحظت قديش غالي علينا النبي الكريم صلى الله عليه وعلى آله وسلم

وبالنهاية خلينا صحاب أحسن

RAMI 1up

05/02/2006, 00:24

أخشى أن هذه التصرفات في الدول التي تحوي أغلبية مسلمة سوف تؤكد على أن المسلمين شعب همجي و إرهابي ..

تصرفات في قمة الحماقة و الغباء ..

SAM 1

05/02/2006, 00:28

كانو يقولولي العرب جرب وما كنت سدق
طلع مزبوط 100% العرب جرب

باشق مجروح

05/02/2006, 00:33

حرق السفارة بيضر البلد لانك بتكون هيك عم تحرق بناء ببلدك وبعدين سوريا بتصير مضطرة تلاقي مقر تاني للسفارة بدل الاولاني او بيصلحو الاولاني طبعا على حساب دولة سوريا
يعني بالنهاية ما استفدنا شي
شو هالعبقرية
لبكو بشو عم تفكر عبقرية زمانها بالبناااااااااااااااء
منقلها اقتصاد بلاد و رزق عبيد بتقلنا بناء
بنصحك تنتقلي ع القسم الاقتصادي لأنو يخزي العين حولك شو محللة اقتصادية بارعة
قال بناء قااااااااال ههههههههههههههههههههه:p :lol: :lol: :lol:

abc

05/02/2006, 00:38

يعني اشو رأيك انو يسبولكم الرسول الأعظم وتكوني قاعدة عم تتفرجي عليهن
لأ كان لازم تشدي على ايدن وتسبي معهن
يا حبيبتي لك هادا الرسول يعني ارتباطك الفكري والاسلامي والاجتماعي والاقتصادي وحياتك كلها قائمة على مبدأ اسلامي بحت بيتحدى كل بات دنمارك

RAMI 1up

05/02/2006, 00:38

لبكو بشو عم تفكر عبقرية زمانها بالبناااااااااااااااء
منقلها اقتصاد بلاد و رزق عبيد بتقلنا بناء
بنصحك تنتقلي ع القسم الاقتصادي لأنو يخزي العين حولك شو محللة اقتصادية بارعة
قال بناء قااااااااال ههههههههههههههههههههه

يا سيد لا تنسى بأن هذا الأمر سيء على كافة الأصعدة .. فلا تنسى الخسائر الدبلوماسية أيضا
أي عليك أن لا تنسى بأن المبنى الذي يحتوي على السفارة الدنماركية يحتوي أيضا على السفارة السويدية و سفارة دولة أخرى ..

ثم لكي تعبر عن محبتك للنبي محمد و لتعبر عن إستيائك من ما فعله الدنماركيون ليس من اللائق لشخص محترم و لمتبعي عقيدة محترمة أن يفعلو ما فعلو ..

إلا في حالة واحدة .. هي أن الرسومات جاءت صائبة بناءا على ما يراه الدنماركيون من أتباع محمد .
فكما تعلم .. "من ثمارهم تعرفونهم" .. و هم نظرو إلى ثمارنا و عرفونا ..

Barleb

05/02/2006, 00:42

طيب فيك تقلي مازال هاد عمل مفيد للبلد , ليش هل مسؤولين عم ينتقدوه و يدينوه ؟

tweety

05/02/2006, 00:47

كان قصدي بالفكرة يا استاذ انو قول انو كل شغلة حرق السفارة ما بتاثر على الدنمارك ولا بشي
لانهن حملو حالهن ومشيو عبلادهن ولا كانك عملتلهن شي بالعكس بس طلعت سيط على حالك انك مواطن همجي وبربري وما عندك قوة ولا بايدك شي يهزهن
بس في كتير اساليب تانية بتقدر تكسرلهن ايديهن فيها ومن اولها شغلة المقاطعة
والمقاطعة مو بس انك تقاطع الاكل والشرب المقاطعة بالاساس عبارة عن مبدا انك تتخلى عن كل شي الو علاقة بهالبلد مهما كانت حاجتك الو
وطبعا المقاطعة على مدة طويلة كتير مو شغلة ساعتين تلاته
حتى تنكسر شوكتهن ويعرفو انهن شو ما عملوا تحت عنوان حرية التعبير نحنا كمان عنا الحرية انو نقاطعهن بدون تفكير بالموضوع لانو الشغلة شغلة مبدأ

أبو أسامة

05/02/2006, 00:59

باشق باشق باشق الله حيك و الله عراسي
خيو أنت كفيت و وفيت و أنا بأيدك بكل كلمة قلتها و عم تقولها و بدك تقولها
باشق باشق باشق
شكرا كتير

zen

05/02/2006, 01:06

رسول الله عندما ادناه اهل يثرب سامحهم
مين بيحب الرسول بيتبع اخلاقه
لاترد الاساءة بالاساءة
تاني شي
اي الموقفيت اصعب
لما رميو القران بالمراحيض وداسوا عليه وبالو عليه
اما عندموا رسمو رسوم سخيفة لاتقدم ولاتوخر
بس ياعيب الشوم
ياحبف على السوريين انون يعملوا هيك

Willi

05/02/2006, 02:09

يعني اشو رأيك انو يسبولكم الرسول الأعظم وتكوني قاعدة عم تتفرجي عليهن
لأ كان لازم تشدي على ايدن وتسبي معهن
يمكن كانت اشوى من اللي عملوه
لان بهالحالة قالولهون كلشي قلتوه عننا صح
نحنا همج ومتخلفين
وارهابيين

نمر سوريا

05/02/2006, 02:32

يا أخي باوروبا قالوا حرية تعبير ..............
طيب و هي مو حرية تعبير ؟
بعدين الشباب لو ما كسروا السفارات النروجية و الدانماركية و الفرنسية ...........
كنت زعلت كتير
لأنو هالغرب متلو متل اسرائيل ما بينفع معو التسامح ..........
شفتو كيف حزب الله مخوف الاسرائيلية ؟
هيك لازم نتعامل معهن

Willi

05/02/2006, 02:38

حبيبي حرية تعبير
مو حرية تكسير

بعدين حبيبي الشغلة مو شغلة انك تزعل ولا ترضى عليهون
الشغلة شغلة اذا صح اللي عملوه ولا خطأ
وهاد اكبر خطأ

بعدين حبيب اسرائيل فيها تقتحم لبنان بنص ساعة وتنهي حزب الله من الوجود
وهاي الحال بين اي دولة اوروبيا وسوريا
فما تقلي راعبينهون ما راعبينهون

GORGE

05/02/2006, 02:53

نمر سوريا

05/02/2006, 03:01

بعدين حبيب اسرائيل فيها تقتحم لبنان بنص ساعة وتنهي حزب الله من الوجود
وهاي الحال بين اي دولة اوروبيا وسوريا
فما تقلي راعبينهون ما راعبينهون

معناتا انت ما بتعرف اليهود على حقيقتن ...........
حبيبي اذا بيشوفو معك حجر و لو كان معهم آر بي جي .........
رح يهربوا من الحجر
يعني اليهودي بيخاف عحالو من نسمة الهوا .................
و نحنا عنا صواريخ ..........صحيح مهرهرة بس بتوصل عاسرائيل
و هادا اللي مخوفن و عاطينا الامان من هجوم امريكي
لأنن بيعرفوا اذا هاجمونا رح نضرب اسرائيل و هالشي ما بتريدو اسرائيل
ـــــــــــــــــــــــــ ـــــــــــــــــــــــــ ـــــــــــــ
طيب سؤال : ليش طلعت اسرائيل من لبنان ؟
تطبيقاًً لقرار الامم المتحدة ؟
ام من ضربات حزب الله ؟

باشق مجروح

05/02/2006, 03:02

يا سيد لا تنسى بأن هذا الأمر سيء على كافة الأصعدة .. فلا تنسى الخسائر الدبلوماسية أيضا
أي عليك أن لا تنسى بأن المبنى الذي يحتوي على السفارة الدنماركية يحتوي أيضا على السفارة السويدية و سفارة دولة أخرى ..

ثم لكي تعبر عن محبتك للنبي محمد و لتعبر عن إستيائك من ما فعله الدنماركيون ليس من اللائق لشخص محترم و لمتبعي عقيدة محترمة أن يفعلو ما فعلو ..

إلا في حالة واحدة .. هي أن الرسومات جاءت صائبة بناءا على ما يراه الدنماركيون من أتباع محمد .
فكما تعلم .. "من ثمارهم تعرفونهم" .. و هم نظرو إلى ثمارنا و عرفونا ..
أول شي حبيبي انت شو حشرك بالموضوع بالنص يعني عدم المؤاخزة مين نكشك
وأنا عم احكي مع صاحبة المقال وعن موضوع تاني تماما

FADYJRK

05/02/2006, 03:19

ـــــــــــــــــــــــــ ـــــــــــــــــــــــــ ـــــــــــ
طيب سؤال : ليش طلعت اسرائيل من لبنان ؟
تطبيقاًً لقرار الامم المتحدة ؟
ام من ضربات حزب الله ؟[/quote]

طيب يا قلبي فيك تقلي ليش ما في رجال اسرائيلي بيسترجي يمشي لحالو بأي منطقة عربية مع العلم انه حامل اكتر من وزنه سلاح وقنابل (اي ما بيمشو الا عشرة عشرة وفوقهم شي اباتشي).......ودير بالك من الغلط عن الرسول وخاتم الانبياء.(عليه الصلاة والسلام)

باشق مجروح

05/02/2006, 04:07

طيب فيك تقلي مازال هاد عمل مفيد للبلد , ليش هل مسؤولين عم ينتقدوه و يدينوه ؟
مرحبا حبيبي نسر السريان
أنا كتير بحترمك و بقدرك
بس حبيت اسألك سؤال هلأ بشرفك المسؤولين ايمتى ما اعترضوا على شغلة منيحة بغض النظر عن قصة السفارة؟

Willi

05/02/2006, 04:10

يا معلم باشق
انا معك مية بالمية بالمظاهرة
بس يعني المظاهرة راحت لابعد من المفروض

باشق مجروح

05/02/2006, 04:12

باشق مجروح

05/02/2006, 04:14

باشق باشق باشق الله حيك و الله عراسي
خيو أنت كفيت و وفيت و أنا بأيدك بكل كلمة قلتها و عم تقولها و بدك تقولها
باشق باشق باشق
شكرا كتير
حبيب قلبي أبو أسامة أنا هلأ وصلت لنتيجة انو قبل معاقبة الدنمارك لازم ناس عرب قبلها تتعاقب كتييييييييييييييييييييييي يييير
حقد وغل أكتر من الأجانب
بس لسة الدنيا بخير طالما في ناس طيبة أمثالك بالبلد

باشق مجروح

05/02/2006, 04:21

هاد يا سيدي (باشق مجروح) وفايت بلحيط موهيك بكون لرد لأنو الشغلة مبينة و واضحة هي لعبة مخابراتية وما بدا تنين يحكو فيا ..................لك تفوه على هيك حضارة .....ال عصبوا .....هدول اللي عصبوا وحرقوا السفارات في عالم منون كانت عم تسب الله و تكفر يمكن معصبين بس وقت رسمو محمد بكاريكاتور جنو وصارو يحبو ...ولي عليكون شو بجم وطمبرجية ومجانين ..........

موطني يا مهبط الأنبياء كان يكفينا واحد لو لم نكن أغبياء
والله بدي بلش من حيث حضرتك انتهيت
يا زكي لا تحكم على غيرك بالغباء يا زكي لأنك زكي كتير
بعدين وين المشكلة لو واحد كان كافر وشاف أغلى شئ عندو وهي الكرامة عم تنجرح استعاد وعيو و عبر عن رأيو ليش لنحاسبو عن الماضي
وبعدين حضارتنا أكبر من انو يقلها الصعاليك تفو................... يا زكي

باشق مجروح

05/02/2006, 04:28

يا معلم باشق
انا معك مية بالمية بالمظاهرة
بس يعني المظاهرة راحت لابعد من المفروض
بس حبيب قلبي الغضب الشعبي كان كتير قوي يعني ما كان عم يتوقف ولا يهدى
هاد بالنهاية النبي لازم الانتقام بس ليفهم العالم انو في حدود
وحابب قدملك مثال:
لما شكك أحمدي نجاد مجرد تشكيك بالمحرقة اليهودية قامت الدنبا عليه من أوروبا لآسيا لأميركا والكل ندد واتهمو بالارهاب
ولما انرسمت صور فيها استهزاء بمشاعر مليار ونص مسلم انخرس العالم لا مو بس هيك بل رفض حتى الاعتزار
وهلأ وقت حرق السفارة الكل ندد
من هذا نجد انو رأي العالم كلو هو عبارة عن كيل بمكيالين ورأي هيك عالم وكيف بفكر فينا لازم ما يكون يهمنا
شكرا الك ع الملاحظة:سوريا: :سوريا: :سوريا:

magoody1981

05/02/2006, 05:10

خير مافعلوا
هالاشاوس :gem:

يلعن ابو الدنمارك على ابو اللي بيوقف معها

Willi

05/02/2006, 05:31

معلم الباشق مشان الله افهمني
انا ما بهمني اوروبا
ولا بهمني الدنيمارك ولا اميركا ولا اسرائيل ولا بلد بالعالم كلو
انا اللي بهمني سوريا وبس
انا ما عم احكي حكيي لان الدينمارك رح تتأثر وانا مابدي ياها تتأثر
انا عم احكي لان سوريا هيي المتضررة الوحيدة من الموضوع

لما شكك أحمدي نجاد مجرد تشكيك بالمحرقة اليهودية قامت الدنبا عليه من أوروبا لآسيا لأميركا والكل ندد واتهمو بالارهاب
الكل ندد بس ما حدا حرق السفارة
لان السفارة موجودة داخل بلدهون
وتضررها هوي يتعبر تضرر للبلد

باشق مجروح

05/02/2006, 05:57

معلم الباشق مشان الله افهمني
انا ما بهمني اوروبا
ولا بهمني الدنيمارك ولا اميركا ولا اسرائيل ولا بلد بالعالم كلو
انا اللي بهمني سوريا وبس
انا ما عم احكي حكيي لان الدينمارك رح تتأثر وانا مابدي ياها تتأثر
انا عم احكي لان سوريا هيي المتضررة الوحيدة من الموضوع

الكل ندد بس ما حدا حرق السفارة
لان السفارة موجودة داخل بلدهون
وتضررها هوي يتعبر تضرر للبلد
أنا معك انو هالشي ممكن بأثر على سوريا بس لازم ما نقدم مصلحتنا على الهدف المهم والنقطة المركزية وهي تأديب من يسئ لرموزنا الدينية
بعدين مشان أحمدي نجاد لا تنسى انو شكك مجرد تشكيك بالمحرقةوما سخر من أي رمز ديني يعني اللي عملو بالمقارنة مع الدنمارك ولا شييييي لذلك ماا انحرقت سفارات وغيرها ونحنا حتى تنديد دولي ما حدا ندد بل ويصرون على حرية التعبير المزعومة
وما بدك الناس ترد مشان البلد ما يضرر ما البلد طول عمرو عم يتضرر بالسرقات والنهب وقفت الشغلة على هي
ولا لأنو هون في حق ودفاع عن مقدسات
برجع بقلك قد ما تضررت سوريا هي المستفيدة بالأخر
لازم نضحي حاليا شوي والأيام رح تثبت هالشي

layla

05/02/2006, 08:16

أنا معك انو هالشي ممكن بأثر على سوريا بس لازم ما نقدم مصلحتنا على الهدف المهم والنقطة المركزية وهي تأديب من يسئ لرموزنا الدينية
بعدين مشان أحمدي نجاد لا تنسى انو شكك مجرد تشكيك بالمحرقةوما سخر من أي رمز ديني يعني اللي عملو بالمقارنة مع الدنمارك ولا شييييي لذلك ماا انحرقت سفارات وغيرها ونحنا حتى تنديد دولي ما حدا ندد بل ويصرون على حرية التعبير المزعومة
وما بدك الناس ترد مشان البلد ما يضرر ما البلد طول عمرو عم يتضرر بالسرقات والنهب وقفت الشغلة على هي
ولا لأنو هون في حق ودفاع عن مقدسات
برجع بقلك قد ما تضررت سوريا هي المستفيدة بالأخر
لازم نضحي حاليا شوي والأيام رح تثبت هالشي
ليك باشق في سبعمية الف دولة مسلمة بالعالم واولهون السعودية
يضحو هني هالمرة سوريا حاجتا تضحية
انفلقت على كتر التضحية
ماني عم دافع عن حدا والقصة مبينة شغل مخابرات والشعب مالو علاقة لانو متل ماقلتو شعبنا مكبوت ومابيتسرجي يفتح تمو
يعني لو ماآخد الضو الاخضر ماكان ساوا اللي ساواه وبعدين المخابرات والامن السوري بس بدون يسحبو واحد " معارضة " بتجي كتيبة لتاخدو هلأ وقت الجد انفقدو من السوق :jakoush: :jakoush:

Willi

05/02/2006, 09:30

صحيح بالفعل السؤال هوي ليش المخبارات تركتهون يتعملو هيك
وليش ما بعتوا قوات حفظ الشغب
ومن ايمت الشعب السوري كل هالقد قبضاي وصار يطلع مظاهرات

ما حدا يقلي انو الدولة مو رضياني عن الرسومات
لان بكون عم يضحك على حالو

اكيد في شي من وراها

MR.SAMO

05/02/2006, 10:02

معقول ياشباب القصة اسا ماوضحت عندكن هيدا اللي صار مبارح من حرق السفارات رسالة من دولتنا الحكيمة الى الاروربيين لحتى تقلهن في حال فكرتي تغييري النظام بسوريا راح يجيي الاخوان المسلمين وهيدي عينة منها
يعني لولا المخابرات ماكانت وراء هيدا العمل ماكان صار هيك لكن ليش السفارة الفرنسية ماقربوا عليها
تاني شي متى كانت دولتنا ذات توجه اسلامي اي ايام حرب الاخوان الحكومة والمخابرات اتبعت سياية الابادة الجماعية بمدينة حماه
بقى ياريت تشوفوا المغزى من حرق السفارة
تحياتي

Willi

05/02/2006, 10:07

لعمى معقول؟
على هالحالة طلعت حكومتنا ذكية
بس شعبنا غبي

MR.SAMO

05/02/2006, 10:23

لعمى معقول؟
على هالحالة طلعت حكومتنا ذكية
بس شعبنا غبي
لا وانت الصادق خيي willi
الشعب مجبور

Willi

05/02/2006, 10:32

حبيب ما بتوقع انو الشعب انجبر
بتوقع انو الشعب انضحك عليه

بس مع هاد هالشي رح يعطي صورة همجية عن شعبنا السوري

لاوديسا

05/02/2006, 12:12

على فكرة شي قمة بالهمجية مو هيك الدفاع عن الرسول الكريم بيكون هيدا اسمو غباء
وبعدين في مليون طريقة لندافع فيها عن نبينا وحتى النبي عليه الصلاة و السلام قال - ولا تحرقوا بيوتا - وهيك هنن خالفو كلامو
بعدين دخلك شو استفادوا بالعكس هالخراب اللي صار راح ندفعوا نحنا تمن من تصليحات وغيرو
ودخيلكن شبها المقاطعة الاقتصادية والله بلد واحد اذا بتقاطعها اقتصاديا بتخسرها مو قليل بقى كيف اذا اجتمعنا كلنا ولا تشغيل العضلات اسهل من العقل ولا ما بتقدروا تقاطعوها خوفتا ع بطونكن صحيح انو نحن شعب عايش لياكل بس وهاد ابعد حدود تفكيرو
وبعدين اذا نحنا دولة علمانية وهيك ساوو شو تركنا لغيرنا الله يستر ما تكر المسبحة وينعدا الباقي
النبي الكريم ما بيرضى انو نقابل الغلط بغلط اقبح منو

باشق مجروح

05/02/2006, 13:33

ليك باشق في سبعمية الف دولة مسلمة بالعالم واولهون السعودية
يضحو هني هالمرة سوريا حاجتا تضحية
انفلقت على كتر التضحية
ماني عم دافع عن حدا والقصة مبينة شغل مخابرات والشعب مالو علاقة لانو متل ماقلتو شعبنا مكبوت ومابيتسرجي يفتح تمو
يعني لو ماآخد الضو الاخضر ماكان ساوا اللي ساواه وبعدين المخابرات والامن السوري بس بدون يسحبو واحد " معارضة " بتجي كتيبة لتاخدو هلأ وقت الجد انفقدو من السوق :jakoush: :jakoush:
ليلى عيوني
أولا ما لازم كل واحد يرمي الحمل ع التاني ويقول ليش أنا خلي السعودية أو غيرها لأنو هي مسؤولية الجميع
بعدين الله يرحم أيام الكتائب اللي عم تحكي عنا
زمن الكبت مات من زماااااااااااان
والشعب تحرك وحدو لأنو لحد هون وبس بعدين الحكومة مستحيل تحط حالها بهيك مواقف
بعدين لاتنسي انو هالقضية بالتحديد حركت الشعب كلو وبما انو شافو التشديد الحكومي ضعف كانت كل الظروف مواتية
وشكرا الك

باشق مجروح

05/02/2006, 13:45

أنا بستبعد نظرية التدخل الحكومي لعدة أسباب أهمها
مواجهة عناصر الأمن الحادة للعملية واستعمالهن للعصي والقنابل المسيلة للدموع والمي لتفرقة الحشود وعمليات رشق الحجارة بين الشباب والشرطة
ونقل كتير من الشباب للمستشفى بسبب الاختناق والألم من الضرب
هذا عدا عن انو اللي صار شي طبيعي للرد يعني الشعب من العادي جدا انو يرد هالرد المتوقع غير المثير للصدمةيعني أنا كنت متوقع هالشي يصير بأحدى الدول العربية
ومو كل شي بيصير بيكون الو أبعاد وتحليل في شي نابع من القلب وشعبي بعيد عن الأهداف اللي زكرتوها
أنا بالنهاية مو بقلب الحكومة حتى أعرف بس هاد الواقع اللي ممكن قرايتو من المعطيات
وشكرا لجميع المشاركين ولا يحلو النقاش الا بوجود السالب والموجب والاراء المختلفة

WHITESNAKE

05/02/2006, 15:08

لما رميو القران بالمراحيض وداسوا عليه وبالو عليه
اما عندموا رسمو رسوم سخيفة لاتقدم ولاتوخر
أنا معك بهالنقطة وقصة السكوت بس في شغلة لازم تعرفها منيح انو الأميركان عتمو عالقصة ولفلفو الموضوع بعكس الدانمارك يلي احتوت القصة ودافعت عنها رسمياً بأنها حرية رأي
تانياً طيب لو الناس ماسكتت وتحركت متل مبارح كرمال المصحف وتدنيسه كنتو نطيتو وقلتو مزال القرآن مقدس ومحفوظ وكللو كتاب واحد شو عملو وبدو هالهمجية ومن هالحكي الفاضي....يعني بتفتوها عكيفكون ....منشان هيك الناس مبارح عملت يلي براسها وهية رضيانة سواء عجب جماعة (متوقع انو مايعجبها) او لاء

معقول ياشباب القصة اسا ماوضحت عندكن هيدا اللي صار مبارح من حرق السفارات رسالة من دولتنا الحكيمة الى الاروربيين لحتى تقلهن في حال فكرتي تغييري النظام بسوريا راح يجيي الاخوان المسلمين وهيدي عينة منها

طيب أخي ممكن تفهمني شو بيصير يعني اذا اجو الأخوان المسلمين؟ يعني شلون بيخافو أوروبا؟ أنو بيحرقو السفارات؟ هيك قصدك يمكن؟ يعني ايمتى صار هيك شي؟ بالسنبة لل×وان المسلمين يعني؟
وأرجو منك تبع كلمة حق أريد بها باطل تبعدنا عنها او كلمة باطل أريد بها باطل
يعني ما تقول أخوان مسلمين يلي مبارح كانو ويلي هون بالمنتدى مالهون لا اخوان ولا بيندرجو تحت اي تنظيم او حزب سوى محبتهم لدينهم ورسولهم بتمنى تحطها عنوان عريض وتنطلق منه بالكلام عن اي مسلم سوري من هلأ

Willi

05/02/2006, 20:58

معلم وايت سنيك سامبل ما قصد شي بهالكلمة
يعني اذا سقت النظام العلوي بالتأكيد اللي رح يستلم الحكم هني السنة
فشباب النظام عم يقولوهون
انو نحنا ضابطينهون وما عم نخليهون يعملو شي
بس شوفو اذا تركناهون شو رح يعملو

ما بتوقع قصدو انو يتهجم على الاسلام او على حدا

أنا بستبعد نظرية التدخل الحكومي لعدة أسباب أهمها
مواجهة عناصر الأمن الحادة للعملية واستعمالهن للعصي والقنابل المسيلة للدموع والمي لتفرقة الحشود وعمليات رشق الحجارة بين الشباب والشرطة

معلم من ايمت حكومتنا ما بتقدر تضبط الشعب؟
اي مستعدة تنزل البيوت فوق راسهون ولا تخليهون يعملو شي مو عاجب الحكومة
بعدين من الطبيعي انو تفرجي نوع من التدخل
لان اذا ما عملت هيك رح توضح انو الها علاقة اكتر

يعني مخابراتنا ومنعرفها

انا للصراحة اقتنعت بهالشغلة

ضياء

05/02/2006, 21:06

زيد على بهايم انو نحن جماعة مابنفهم وما بنحس بالي عم يعملوا فينا ولسه عم نادي بالسلام اي هاد صار استسلام
ويا اخي شو يعني شغلة صغيرة قدام علي عم يعملوا
وبصراحة انا كتير مرتاح علي صار:metal:

باشق مجروح

05/02/2006, 21:35

معلم من ايمت حكومتنا ما بتقدر تضبط الشعب؟
اي مستعدة تنزل البيوت فوق راسهون ولا تخليهون يعملو شي مو عاجب الحكومة
بعدين من الطبيعي انو تفرجي نوع من التدخل
لان اذا ما عملت هيك رح توضح انو الها علاقة اكتر

يعني مخابراتنا ومنعرفها

انا للصراحة اقتنعت بهالشغلة
أنا يا معلم شايف انو بعد الضغوطات الخارجية ع البلد أبدت الحكومة نوع من الليونة مع الشعب أو صار متل مصالحة أو مراضاة بينهن
وبضل لكل واحد قرائتو الخاصة للموضوع
وممكن كون أنا غلطان بس لحد هلأ هاد اللي مبين معي
وشكرا

Willi

05/02/2006, 21:46

معلم انا بستبعد الليونة
بسبب هالموضوع
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اقراه الموضوع ما الو غير 5 ايام
هاد الموضوع بأكدلي انو الحكومة لساتها على حالها ما تغيرت

باشق مجروح

05/02/2006, 21:53

هلأ رغم هالشي المؤسف عنجد بس ما فينك تقول انو الوضع متل أول
ازا كان الموضوع صحيح مو قصدي التشكيك لأ
قصدي ما منعرف شو صار معو يعني ممكن تكون القضية غير ما منتصور

Willi

05/02/2006, 21:55

معلم اقرا باقي الردود بالموضوع بتتوضح الفكرة اكتر

باشق مجروح

05/02/2006, 22:00

معلم اقرا باقي الردود بالموضوع بتتوضح الفكرة اكتر
بس رغم هالشي في ليونة واضحة
بالنهاية أنا هلأ برة البلد بس عم نسمع عن شوية ليونة
وبقلك أهل مكة أدرى بشعابها وممكن يكون معك حق
رغم اني ماني مقتنع بهالشغلة وبتصورها عفوية
شكرا الك على كل حال