الى كرهي الأول والأخير.. [الأرشيـــــف]

عرض كامل الموضوع : الى كرهي الأول والأخير..

عاشق من فلسطين

03/01/2005, 15:07

أنظر اليك ..
فلا أرى الا حفرة عميقة ..
تريد ابتلاع كل من حولها..
لا أرى في عينيك الا بريق الذهب..
خطوط وجهك أرقام حسابات..
بصمتك ورقة نقدية..
وجهك وحي العبودية..
عندما أرى الناس مجتمعين حولك..
لا أرى فيهم الا هررة" جائعة ..
تتربص أما جزار..
عندما أرى ضحكتك الساخرة..
أشعر أن النهاية قد اقتربت..
عندما أنظر الى روحك..
أرى حذاء" قابعا" فوق آلاف الجثث...
حتى شعرك..
لا أراه الا واقفا" كالخوازيق..
أو منعقدا" كحبل المشنقة..
نظرة الغول تطلقها على الفقراء..
تعكس صورة الوحش الجشع المريع يسكن داخلك...
عندما تحنو على أطفالك ..
لا أجد مبررا" لهذا العطف ..
الا طموحك لجعلهم مصارف أو بنوك
أو وحوشا" بشرية..
أبحث جاهدا" عن سبب لأحبك..
أحاول دائما" أن أرى بصيصا" من الانسانية
يشع من أي جزء منك ..
فلا أرى الا سهام صيد تتربص بالطريدة..
لم أكره في حياتي أحدا"..
ولكني أصرخ بها الآن
دون خوف
أو تأنيب من ضميري أو نسانيتي..
أكرهك..

Kakabouda

04/01/2005, 02:17

يا اللهههههههههههههههههههههه ه ليش الحزن ليش :( :(

عاشق من فلسطين

04/01/2005, 15:15

يا اللهههههههههههههههههههههه ه ليش الحزن ليش

هي مو حزن يا أبو جريج هي صرخة ألم من أشخاص بظن القصيدة أشارت عليهم وبظن أنو بيستاهلو الكره لأنون عم يدمروا الانسانية شوي شوي

Geeny

05/01/2005, 22:57

حاول تعيش بدون كره لأنو الإنسان كتير معقد و أكيد كل إنسان إلو دافع معين يمكن يقنعك و يمكن لا المهم أنو بعد عنهم بس لا تكره أو تحقد لأنو بتكون بلشت تدمر حالك :D

شكو زولو

06/01/2005, 15:42

أعتقد بأنك لاتكره فيها إلا الغدر و عدم الوفاءو الأنانية

عاشق من فلسطين

06/01/2005, 16:39

حاول تعيش بدون كره لأنو الإنسان كتير معقد و أكيد كل إنسان إلو دافع معين يمكن يقنعك و يمكن لا المهم أنو بعد عنهم بس لا تكره أو تحقد لأنو بتكون بلشت تدمر حالك

والله عم تحكي مظبوط بس أنا حابب قلك أنو الشاعر كذاب وببالغ أحيانا" لحتى يوصل الفكرة بأكبر تأثير ممكن على القارئ ..
وتاني شغلة اذا بتسمحولي أطلق على نفسي شاعر أو مشروع شاعر فالشاعر لا يكره ولا يحقد ومن هالأساس لازم تكونوا فهمتوا شو قصدي ..

أعتقد بأنك لاتكره فيها إلا الغدر و عدم الوفاءو الأنانية

والله يا شكوزلو أنت فهمت عليي مظبوط هون مشكور..
والكل مشكورين ..
وأتأكوا أنو أنا بقدر أعمل كل شي الا أني أكره ..

شكو زولو

06/01/2005, 18:17

والله يا شكوزلو أنت فهمت عليي مظبوط هون مشكور..
والكل مشكورين ..
وأتأكوا أنو أنا بقدر أعمل كل شي الا أني أكره ..

كلنا منعيش بهيك كره أبو شريك

عاشق من فلسطين

06/01/2005, 18:21

كلنا منعيش بهيك كره أبو شريك

يا عيني عليك بس المهم الكره ما يعمينا وما يتحول لحقد

Geeny

06/01/2005, 21:39

و أنا هيدا قصدي لا تحقدوا على حدا ok :D

yass

06/01/2005, 23:32

حاول تعيش بدون كره لأنو الإنسان كتير معقد و أكيد كل إنسان إلو دافع معين يمكن يقنعك و يمكن لا المهم أنو بعد عنهم بس لا تكره أو تحقد لأنو بتكون بلشت تدمر حالك :D
أناهون عندي ملاحظة....الكره هو الشعور الأكثر انسانية ( لا تفهموني غلط...لما بقول أنو انساني ما عم بقول أنو منيح...قصدي أنو برأيي كل العالم يكرهوا شي...بينما ما بعرف أي حيوان بيكره :confo: :confo: )...
الكره مانو شعور بغيض لهالدرجة ... اذا ما بتكره ما فيك تحب... بس لازم تعرف توازن بين مشاعرك و ما تخلي الكره يسيطر عليك...بس كمان لا تخلي الحب يسيطر عليك...هون بيصير الدمار :hart: x :evil:
أنا بكره...و اقر بهالشي...أكره أشخاص و أحاسيس و حتى أشياء مادية بحتة...و كرهي بيخليني أحس أكتر بالحب....عم بتفلسف كتير هاليومين أنا ما هيك؟؟ :lol:
رفيق...تعرف تماما رأيي بمشاركاتك فما في داعي اعيدها مشان م تطلع الشغلة تمسيح جوخ 8) 8)
استمر و ثابر و نحنا نقرا وراك :) :)
تحياتي :D :D

nana

07/01/2005, 12:39

عاشق من فلسطين اوعى تفكر توقف عن الكتابة بحياتك :D

حاول تعيش بدون كره لأنو الإنسان كتير معقد و أكيد كل إنسان إلو دافع معين يمكن يقنعك و يمكن لا المهم أنو بعد عنهم بس لا تكره أو تحقد لأنو بتكون بلشت تدمر حالك :D
أناهون عندي ملاحظة....الكره هو الشعور الأكثر انسانية ( لا تفهموني غلط...لما بقول أنو انساني ما عم بقول أنو منيح...قصدي أنو برأيي كل العالم يكرهوا شي...بينما ما بعرف أي حيوان بيكره :confo: :confo: )...
الكره مانو شعور بغيض لهالدرجة ... اذا ما بتكره ما فيك تحب... بس لازم تعرف توازن بين مشاعرك و ما تخلي الكره يسيطر عليك...بس كمان لا تخلي الحب يسيطر عليك...هون بيصير الدمار :hart: x :evil:
أنا بكره...و اقر بهالشي...أكره أشخاص و أحاسيس و حتى أشياء مادية بحتة...و كرهي بيخليني أحس أكتر بالحب....عم بتفلسف كتير هاليومين أنا ما هيك؟؟ :lol:
رفيق...تعرف تماما رأيي بمشاركاتك فما في داعي اعيدها مشان م تطلع الشغلة تمسيح جوخ 8) 8)
استمر و ثابر و نحنا نقرا وراك :) :)
تحياتي :D :D
هلء ما حدن بينكر انو صاير عم تتفلسف هالكام يوم :P (عم امزح :oops: )
بس المهم عنجد فكرتك فظيعة :o
لانو انا من فترة كنت مفكرة انو اسالكون اذا بتشوفو الكره شغلة ما كويسة؟؟
لاني احيانا شخص مزعج او بليد اي ما بينطاق شو بالزور يعني :frown:
اذا قلت اني بحبو فبكون عم كذب و انا بطبيعتي يعني ما بحب كذب ابدا :pos: هاهاهاها
لا عنجد انا كتير بتصير اني بكره اشياء او تصرفات كمان و حتى اشخاص بس بيضل الكره غير الحقد بس من فترة غيرت هالفكرة قررت ما حط حدن عبالي يعني اتجاهل الشي يلي بيزعجني او الجئوو عقولت البعض :wink:
بس بالنسبة لشغلة الحيوان يا اخي بيضلو عم يقتلو ببعض شو بتسميا هي؟؟ :jakoush:
حاجة باااااااي :D

yass

07/01/2005, 15:24

منيح لقيت حدا بيفهم علي....كنت مفكر حالي الوحيد يللي بيكره و بيعترف بهالشي 8)
و الحيوانات يا نانا صح بتقتل بعضها...بس الأمر مختلف لأنو ما في حيوان يقتل هيك للأذى بس...بيجوز يقتل لحتى ياكل أو ليدافع عن نفسو ضد مفترسيه...غريزة البقاء يعني...
يالله بدكون تتحملو فلسفاتي هاليومين حاكم وحداني أنا...لبينما ترجع المتحملتني من التلج ( تتزلج قال :x :x ) يبقى بحل عنكون شوي :lol: :lol:
باااااي :D :D

nana

08/01/2005, 11:35

و الحيوانات يا نانا صح بتقتل بعضها...بس الأمر مختلف لأنو ما في حيوان يقتل هيك للأذى بس...بيجوز يقتل لحتى ياكل أو ليدافع عن نفسو ضد مفترسيه...غريزة البقاء يعني...

:confo: فيا وجهة نظر

يالله بدكون تتحملو فلسفاتي هاليومين حاكم وحداني أنا...لبينما ترجع المتحملتني من التلج ( تتزلج قال :x :x ) يبقى بحل عنكون شوي :lol: :lol:

احم اه يومين بسيطة :angel: :oops:
:D :D
مين عم بيقول انو طلعنا عن الموضوع الاصلي 8)

Geeny

09/01/2005, 06:51

أنا وقت حكيت عن الكره ما كان قصدي الكره اليومي ( متل كره أستاذ أو مادة او أكلة أو غرفة....الخ ) كنت قاصدة الكره يلي بحولنا شوي شوي لغير عالم و بيخلينا ننسى أنو نحنا بإيدنا منقدر ننهي هالشعور
يعني أكثر تحديد الحقد لأنو الكره لما بيزيد بيتحول لشعور تاني مؤذي لأنو هون ما منكتفي بالكره بيصير بدنا نأذي و هيك يعني
هلأ فييني أحكي أكتر بس عندي امتحان فيزياء سو باي و بشووفكم بعدين :D

عاشق من فلسطين

09/01/2005, 16:41

على راسي يا أبو مارل وأنا معك مية بالمية على أنو الكره بقوي شعور الحب بس متل ماحكيت أنت لازم يكوم في توازن ..
وفلسفتك بالحياة قريبة على فلسفتي وهالشي عم يخليني حبك أكتر وأكتر ..
أحلى رفيق..
وعلى فكرة هالجملة خـــــــبز...سلم...حريــــــ ــة رائعة كتير ..
و 1984 كمان رائعة :wink:

yass

09/01/2005, 22:38

عاشق من فلسطين

10/01/2005, 14:16

عاشق من فلسطين اوعى تفكر توقف عن الكتابة بحياتك

أنا حياتي هيي الكتابة واذا وقفت عنها بكون وقعت وثيقة موتي
مشكورة على التشجيع :D

أنا وقت حكيت عن الكره ما كان قصدي الكره اليومي ( متل كره أستاذ أو مادة او أكلة أو غرفة....الخ ) كنت قاصدة الكره يلي بحولنا شوي شوي لغير عالم و بيخلينا ننسى أنو نحنا بإيدنا منقدر ننهي هالشعور
يعني أكثر تحديد الحقد لأنو الكره لما بيزيد بيتحول لشعور تاني مؤذي لأنو هون ما منكتفي بالكره بيصير بدنا نأذي و هيك يعني
هلأ فييني أحكي أكتر بس عندي امتحان فيزياء سو باي و بشووفكم بعدين

دخيل ربك أنتي ما أطيب قلبك وانشاء الله موفقة بالبكلوريا ..

ولو شريك....بنفهم على بعض!!!! تحيا جيل الـ 84
تحياتي

أحلى أبو مارل ويحيى جيل 84 يحيى يحيى يحيى يحيى :D وكما يحيى كل الأجيال وكل الانسانية :wink: