-
عرض كامل الموضوع : الحب في الشرق
دخلت..أسأل عن حبّي ..محكمة القمر:
هل أنا في باله؟ هل يحلو له معي السهر؟
أأعلن عليه الحب؟أم أنتظر ما يكتبه
القدر؟
يهواني كما أهوه؟يناجي الليل و يسأل
القمر؟
سؤال غريب...
انعقدت لأجله النجمات تتشاور في الأمر
فمنها من قالت،و أمور الحب خبرت:
أعلني حبك
فا لحب وجد لأجله البشر
اهتز العدل لقولها
و شخصت نجمةٌ بعينها
و احتجاجاً مدت عنقها
بالقول ردّت على أختها
لا...فلتُعذّب المرأة في حبها
ما دام العذاب كُتب لها..
منذ أجيال و أجيال
لا تعلني الحب عليه
فالحب في الشرق
يعلنه الرجال.
فعلاً رائعة
ما رأيكم بالموضوع؟
هل
"فالحب في الشرق
يعلنه الرجال."
أم يحق للمرأة أن تعلنه؟
الحب يعلنه الرجال ,, هلق في نقطة اهم ,, والي هيي شو بعني اعلان ,, هل يعني انو شخص يروح عند التاني ويقلو انا بحبك !!!!!!!
الموضوع مو هيك ,, هلق اولا الحب بيجي نتيجة ممارسة ,, يعني انا شخص بيعاشر التاني لفترة منيحة وعلى علاقة قوبة فيه ,, وبعدين بيتبلور عندو شعور منسميه مجازا الحب ,, تمام
طب معناها الحب لازم يسبقه علاقة قوية بين الطرفين ,, حتي ينتهي بحب ,,
هاها ,, تمام اذا هيك صار فينا انقول خلال فترة هال العلاقة القوية رح بيتم اعلان للحب بطريقة ضمنية يعني من ناحية الاهتمام التعامل وهدول الاشياء ,,
خير ,, بناءا على هيك مافي حدا بيعلن الحب ,, الحب هوي الي بعلن نفسو ,,
بس الغط الكبير الي عم يحصل لما شخص بيعجب بشخص تاني بيجي بيوهم نفسو انو هوي بيحبو ,, وما بعرف شو ,, بس كيف كيف يا اخي انتا شقد شفتو شقد حكيت معو ..شو صار بيناتكون لينتهي بالحب ,, فهمت كيف ,, ما منطق هال الحكي ,,
الاعجاب شي والحب شي والتعلق شي والانبهار شي ,, كل شي والو شي ,, طب هلق بعد هال الحكي ,, فهمتو شي !!!
:D
من ناحيتي فهمت كل شي :P
أنت قلت أن الحب هو نتيجة لعلاقة بين شخصين لفترة طويلة نسبياً
تصور معي
شاب وفتاة أصدقاء من فترة طويلة.. كل منهما يهتم بالآخر... يفرح بالوجود معه... يعني أصدقاء بكل ما تعنيه الكلمة....
الفتاة شعرت وبعد فترة طويلة من الصداقة أو العلاقة القوية، كما سميتها أنت، أنها فعلاً تحب الشاب، ولكن الشاب لا ينطقها، لا يقول أنه يحبها... ربما هو ينظر إليها على أنها صديقة (ولا أقول أخت لأن الصديق أهم من الأخ). ما موقف الفتاة....؟؟؟؟؟؟
على كل حال أنصحك بمشاهدة فيلم My Best Friend's Wedding لـ Julia Roberts وانتبه لكلمات الأغنية عندما يمرون تحت الجسر وهم في رحلة في نهر ما في أميركا
ههههههههههههههههههههههههه ههههههههههههههههههههه هههههههههههههههههه هههههههههههههههههه انو شو ,, كل شوي بتنضحني بفلم ,, شو يا عمي شقد حاضر افلام ,,.؟؟
انا والله ما بحب الافلام بنوب ,, بحس الفلم متل القصة متل الرواية بتقعد تقرا ما بعرف شقد منشان تاخد عبرة او حكمة او تستفيدلك بشي معلومة ,, اي لو بيحطو الفكرة باول الرواية بيكون احسن ,, ولو بيحطو النهاي تبع الفلم باولو ,, بيكون اريح ,, كمان ,, هههههههههه
الموهم ,, منشان هدول التنين الاصدقاء الي طلعت بعدين هيي بتحبو ,, انو هوي معتبرها صديقة ,, اذا قالتلو بحبك ,, ممكن ايغير تفكيرو وينظر اليها كحبيبي ,, بس هون اجا حبو نتجة انو هيي قالتلو انو بتحبو ,, مو نابع من زاتو ,, عرفت كيف ,,
بس حقيقة هوي ما بحبها ,, هوي شايفها كصديقة ,, ونتيجة تصريحها بالحب ,, بالا وعي تبعو يا اما ما بدو يخسرها ,, بيقوم بيوهم حالو انو بيحبها ,, يا اما فعلا بيصير يطلعلها من غير باب على اعتبار انو هيي بتحبو ,, وعم تتطلع عليه من غير باب ,,
هلق في كتير ملابسات لهال الشغلة ,, بس عموما هادا الي بيصير ,, وبكلا الحاليين ,, موصح هيك ,,
موو !!
كلامك صحيح، لكن هل تبقى تنتظره، ربما للأبد وربما تخسره.... أم تقول له عن حقيقة مشاعرها؟؟؟؟
ومشان الأفلام، يا أخي مين قالك أنو الأفلام لتاخد عبرة منها، وكمان الرواية..... بكتير أحيان بكون لمجرد التسلية.... وبعدين لو عطوك الفكرة أو النهاية بالأول ما رح تصدق أو يمكن تقول تخريف، يعني بالنهاية أنت تستمتع بحضور الفيلم....
انا من اكثر الناس يلي برفض انو البنت تعلن حبها
بعدين اذاما بدا تطلع من الشب و بدو عزيمة عمرا ما تطلع.
و مثل ما قالDr Hus لازم يكون الحب نابع من زاتو و اذا كان بحبها ما في داعي يستنى لحتى هي تقول لأنو وقتا بكون في شي غلط.
و صح شو صار بين هل الشب و البنت لينتهي بالحب و لأنو ما عم نقدر نميز بين الاعجاب و الحب و التعلق و الانبهار
عم تكون النهاي فاشلة.
بس عندي سؤال يا Dr Hus كيف الحب بيعلن عن حالو و كيف الواحد بيقدر يعرف او يميز اذا كان هادا التعبير مقصود فيه اعلان عن الحب و خصوصاً انتو الواحد ما بيقدر يوصل معكن لنتيجة و ما بيعرف شو بدكن منو يمكن لأنو انتو ما بتعرفو حالكن شو بدكن.مثلاً:البنت يلي عم تسأل محكمة القمر يمكن في شي خلاها تحس انو هوي ما عم يعاملها كصديقة فقط في شي اكبر و بنفس الوقت ما في شي واضح شو هوي هادا الشي.
مشان هيك سألت البنت هل انا في باله؟هل يحلو له معي السهر؟
يعني ما بتعرف اذا كانت صديقة ام شي اكبر.
ويمكن تعاملو معها بهاي الطريقة الغير مفهومي هي يلي و صلتا لهون .
وهوي شو بدو ما حدا بيعرف . :angel:
و سؤال ثاني اذا صار معكن هيك و اجت بنت و اعلنت حبها شو بتكون ردّة الفعل؟
عمر ( Mr.Com )
كلامك صحيح، لكن هل تبقى تنتظره، ربما للأبد وربما تخسره.... أم تقول له عن حقيقة مشاعرها؟؟؟؟
حلو هني بالمثال الي طرحتو ,, اصدقاء كتير وبيشوفو بعض دوم ,, وبيقعدو مع بعض ,, وهيك ,, طيب هيي ليش بدا باه حبيب ,, يا اما منشان انو يتزوجو ,, انطلاقا انو من انو هني بشكل طبيعي بيشوفو بعض كتير وهيك ,, طب يا عمي لما هوي ما مفكر فيها كزوجة خلص انتهى الموضوع ,, تشوف غيرو معناها
او منشان الحركات ,, يعني مسك ايدين ,, و حبيبي وحبيبتي وهدول ,, ما دام انو هني بيحكو مع بعض وبيشوفو بعض دوم ,, تمام ,, اي هلق اذا منشان الحركات ,, اي مافي مانع اتقلو هههههههههههه اذا كان هوي تبع حركات ههههههههههههه :P
عرفت بيبي ,, الواحد بيحب لتلات اسباب ,,
1- عشان يشوفها دوم ,, ويحكيها لانو هوي بينبسطك بالحكي معاها ,, :angel:
2- عشان الحركات و المغامرات ,,
3- عشان يتزوجو ,,
وبالحالي الي فوق السبب الاول غير موجود عشان هني بيشوفو بعض دوم ,,
خير
سالي Sally
بعدين اذاما بدا تطلع من الشب و بدو عزيمة عمرا ما تطلع.
حكي نضيف ,, لكن يعني احسن هوي يقلها بحبك ,, وتقوم هيي هيك قال تخجل و تتلبك ,,, و تقلو ما بعرف شو بدي قلك ,, بس انتا متل اخي ,, ما تفهم كلامي على انو رفض لالك لا ميت وحدي بتتمناك بس ممكن انضل اصدقاء !!!!!! هههههههههههه حلو هاي وطبع المقصود من (ممكن انضل اصدقاء ) انو يابا خليك عم ترضيلي غروري من بعيد لبعيد ,,
كيف الحب بيعلن عن حالو و كيف الواحد بيقدر يعرف او يميز اذا كان هادا التعبير مقصود فيه اعلان عن الحب
ممممممم ,, والله سؤال صعب ,, صعب لانو بيتداخل مع الطبع ,, يعني ممكن واحد هوي بطبعو ودود ,, او وحدي بطبعها انو تساير الكل ,, وتحكي خصوصيات للكل ,, وهيك ,, بس بيضل الحكم بالنهاية هوي الوقت ,, كلشي بينطبخ على نار هاديي بيطلع اطيب ,, ( متل اللحمة بالجرة ,, شقد طيبي اوووووووووف لانو انطبخت على مهل ,, ) بس هون بدو يكون في عدم امل ,, يعني بترك فرصة لنفسي انو هال العلاقة تتطور بس ,, ما بعقد امل بالتطور ,, عشان لا سمح الله ما اصاب بخيبة امل ,, بالنهاي ,,, بعتقد الوقت هوي الحل الامثل بهيك شغلات ,,
دايما الوقت كفيل ببلورة الاحداث .. 8)
و سؤال ثاني اذا صار معكن هيك و اجت بنت و اعلنت حبها شو بتكون ردّة الفعل؟
يستر عليكي ,, هاي ورطة كبيرة ,, كتير ,, شو حب ما حب ,, :P عم امزح ,, بهاي بيلعب الدور الاكبر العمر ,, يعني ,,
لو شب صغير :)
قالتلو وحدي انو بتحبو ,, ولا هيك شي ,, حيكون ردت فعلو على الغالب ايجابية ,, ولو ما كان بيحبها ,, حيصير ممكن ايحبها ,, طبعا مع الاخز بعين الاعتبار وضع البنت بالنسبة الو ,, يعني هوي شابفها منيحة او لاء
لو شب كبير ,, :?
ما حيلاقي الموضوع ترحيب عندو ,, لانو عادتا الشب الكبير ,, بيبادر اكتر ,, يعني لما تجي تفاتحو وحدي بالحب ,, وهوي مانو مبادر تجاهها ,, ما حيستسيغ الموضوع ههههههههه
طيب اخيرا انا بقترح انناقش الموضوع بشكل مشتقل ,, يعني موضوع الحب والصداقة والرفقة و وخلافو مواضيع بتستحق المناقشة ,, من جدبد
الحب ما بالايد يعني ما الواحد بيقول لحالو بدي حب بقوم بحب او ما بدي بقوم ما بحب والواحد وقت لي بحب بكون في شي صار فجأة و ما بتعرف ليش ولا كيف وليش هادا الشخص بالذات.
يعني في احساس اقوى من هل الحكي. :hart:
و الحب ما ضروري انو ينتهي بالزواج،هوي هدف الحب الزواج بس اذا ما وصلت لهون ما معنى هادا الشي ما كان حب.
واذا كان مشان الحركات هادا ما اسمو حب لأنو وقت الواحد بدو يحب وعم يفكر بالمقابل بكون ابعد ما يكون عن الحب.ومشان يتزوجو اكثر الاحيان ما عم تظبط؟ :cry:
بعدين شو مشان اذا حكى معها راح تقولو انت مثل اخي.هون بكون الحق عليه ليش؟
لانو قبل ما يحكي معها في 100 طريقة و طريقة لحتى يعرف اذا كانت بتحبه هي كمان و لا لأ
و اذا ما قدر يعرف بكون الحق عليه.و اذا الواحد بدو يفكر بهاي الطريقة ما كان حدا حب او حكى مع حدا.
و مع كل هادا انا ضد الانجراف العاطفي بهل المواضيع لانو ما بتوصل الا أنو الواحد يدخل بألف حيط .و يلي من ايدو الله يزيدو. :cry:
وبعتقد انو الحب اكبر من هل 3 اسباب يلي زكرتن.
و انا دايماً بقول شو هو الحب؟ ما بعرف. :roll:
على كل حال كل واحد ألو رأي بهل موضوع و وجهة نظر.
و الله لا يروينا
بس اكيد الحب الحقيقي اكبر من هادا الحكي يلي عم تقوله.
هاي اذا كان في شي اسمه حب.
أنتو وين ونحنا وين أنتو بالحب ونحنا بالفحص هون عما ناكل هوا
أنا بأكد أنو البنتهي بتبادر ضمنيا بالأول وبعدين الشب ببادر علنيا وخلصونا
باااااااااااااااااااااااا اااي
أنتو وين ونحنا وين أنتو بالحب ونحنا بالفحص هون عما ناكل هوا
يي تقبر قلبي ,, ميت صحة
أنا بأكد أنو البنت هي بتبادر ضمنيا بالأول وبعدين الشب ببادر علنيا وخلصونا
حكي نضيف يا بيبي ,, الله محيي اصلك
بس اكيد الحب الحقيقي اكبر من هادا الحكي يلي عم تقوله.
هاي اذا كان في شي اسمه حب.
ايوااااااااا انتي قلتيها اذا كان في شي اسمو حب ,, اصلا ,, :!:
يا جماعة انتو عم تحاولو تحطو قواعد واتيكيت للحب وهادا بتخيل شي غلط ...
ما انتو عم تقولوا انو الحب بيعلن عن نفسوا يعني هوي شغلي عفويي ومن هون ما بتخيل انو إذا كان في شعور متبادل بتفرق بين الشب والبنت مين ببادر أولا .... الحب سيل قوي و جارف وبأكدلكن انو إذا صار وحل بلاه عليكون رح تنسوا كل هالحكي ...
ومشان سؤالك يا سالي إذا اجت بنت وقالت للشب انو بتحبو بالنسبة الي ع القليلة ما في مشكل وما بتخيل انو رح يتغير شعوري تجاهها بس إذا صارت أنا ممكن يزيد إعجابي بها البنت لأنها أخت الرجال ....
بعدين إذا كنتي يا سالي عم تقولي انو البنت محتارة شو اللي براسو للشب ليش ما بتقولي انو الشب ممكن يكون محتار كمان شو اللي براس البنت .. وانشالله مفكرة أنو الشب ما بهموا انو يتعرض للرفض شو مفكرة انو هو ما عندو مشاعر يعني ... هاي مشكلة الشرق أنا بعتقد أنو الشرق أقسى على الشب من البنت لانو بيعتبر أنو الشب لوح أو حيط بلا مؤاخذة ما بيصير يبكي ما بيصير يزعل ما بيصير يتعلق بمرا و ما بيحقلو يشعر ....
عزيزتي الشرق اللي عم نحكي عنو مو بس قاسي ع البنت هوي قاسي ع الشب كمان وخليني كون أكثر دقة الشرق قاسي ع الانسان ...
هل شرقنا المشكلة ؟
أم حبنا المشكلة ؟
قد دمرتم الموضوع و عقدتم المسألة .
فالحب يا سادة هو الإدمان .. هو أرق الليالي و هو في القلب خفقان
حين أراها تغطي العين غشاوة و تتلعثم الكلمات
ليتني قلت أو ما فعلت …… و تكثر الترهات
آه صديقي هل نظرت ؟ هل تلفتت نحوي ؟
ما أقسى قلبها … من يفهم البنات؟؟؟
نعم هي تنظر
بحق …؟
بل توزع النظرات
أرى في عينيها بريقا حين تكلمك
هو الحب يا صاح فأقبل على الملذات
صارحها بغرامك و أنهل من الطيبات
أخاف إن صارحتها ترفضني .. قلبي لا يقوى .. قد جفت العبرات
عبرات ماذا يا هذا ؟ أرجل أنت أم نعدك من الستات ؟
أنا أمامها طفل بريء غبي شقي يقول تفاهات
يا ليتها في يوم لمّحت .. لا أريد تصريحات
قد لمّحت
لم تفعل . ذاك الكلام ليس بتلميحات
قد أوجعت رأسي بمشاكل قلبك
فإما تحرك أو انسى أمرها .. غيرها ملايين البنات
لا أرى سواها .. و لا أبغي إلا لقاها في الحياة
في الجانب الآخر مجموعة فتيات يتهامسن في إحدى الجنبات
غرامه قتلني فما أنا فاعلة يا صديقات
عيناي فضحتاني حين كلمته .. و في وجهي احمرت الوجنات
أفهميه بغمز أو بطرفة عين أو اجعليه يغار فالغيرة نصيحة الحكيمات
لا .. لا تفعلي يا فتاة ولا تردي على هذه الترهات
إن أردت حبه و ابتغيت قلبه فاستعملي الكلمات
أجنون أسمع ؟؟؟ تهذين أنت يا صديقة .. كل شيء إلا الكلمات
هي معركة لا أستطيع خوضها .. و مجازفة تفوق شجاعتي بمرات
هي سبيلك الوحيد إن كان لا يفهم بلغة الإشارات
و إن صارحته فأذلني ؟؟؟ ماذا يبقى لي سوى الممات ؟؟؟
الحب كر و فر و قتال يا سادة و يا آنسات
هو شعور واحد في الشرق و الغرب و جميع القارات
أحبوا بعضكم و صارحوا بعضكم رجالاً كنتم أم ناعمات
فالشرق نحن نعيشه و نحن نغذيه
و نحن من يمارس هذه العادات.
و دمتم
Dimozi :hart:
عن جد حلووووووووووووووووووووووي :)
ابو عبدو موفق بالاكل بس دير بالك ما تسمن. :P
بعدين يعني جيت تكحلة امت عميتا.يعني دخلك كيف بدا تبادر.و ضمنياً كمان. ما في غير انو يحس بأنها متجاوبي مع اهتمامو فيا ،هادا اذا كان مهتم.
و اذا ما حس يعني.......................بالحيط . يعني هيك عرفت شلون ما بعرف عمي انتو شغلتكن شغلي.احسن شي الواحد يريح راسو و بلاحب و بلا وجع القلب.مع انو الواحد ما بيعرف ايو بوجع اكثر الحب و لا بدونه. :hart:
بعدين شو يا Dr_Hus عم تصف مع رفيقك.تقبرو قلب عدوينكم انشاء الله.
و يا KeKo انا بعتقد انو الشب الذكي بيقدر انو يعرف يميز اذا البنت بتفكر فيه و لا لأ والا بكون......:
اذا ما قدر يعرف.بعدين ما عم قول انو يروح خبط لزق و يقول للبنت انا بحبك و...و...يعني الشغلي ما بتصير هيك (مو).
و الشغلي ما قصة شجاعة هي اكيد بدا شجاعة و قوي.بس ما بتضمن ردّة فعل الشب و طبعاً بدك تحط الاحتمال السئ قبل،يعني حسب نية الشب و بالاغلب ممكن ياخد الموضوع ضحك و يحكي عليها بعدين. وممكن يحكي معها يعني انو يلا البنت بتحبني و يرضي غروره .و يمكن يعتذر بذوق. و قتا النتيجة مو لصالحها ابداً و برجع وبقول اذا هوي بحبها شو عم يستنى يجرب يعرف شعورها تجاهو او يحاول يكون اخو رجال ويقولها.على الاقل ما راح تكون الخسارة مثلاً اكثر من خجلة.و خصوصي انو الشب ما بينأذى مثل البنت.
ومشان المجتمع و اساوتو (دخلك شو هوي الشي يلي ما قاسي على الانسان و لك أووووف تركها لاالله). احسن مو. :cry:
ههههههههههههههههههههههههه ههههههههه ههههههههههههههههههههههههه هههه ههههههههههههههههههههههههه ههههههههه ههههههههههههههههههههههههه هههه
والله شي بيموت ضحك قال حب قال هههههههههههههههههههه بلا مسخرة بلا كلام فاضي ,, بزماناتي لما كنت ما بفهم ,, قال شو قلت بدي حط تعريف للحب ,, قام كتبت
هو ان تحس بأن الأرض تحت قدميك تميــــــــــد
وفي اعماقك براكين تريد ان تنفجر ولا تريــــــــد
وانك مزبوح بها من الشريان حتي الوريــــــــــــد
وتقرر ان تعتذل اللعبة وتحيد لكن لن تحيـــــــــد
فإلي من سواها سوف تحيــــــــــــــــــــــ ــــــد
هو ان تشعر في الأعماق أعاصيرُ بروقُ رعوووود
انك قد رحلت عن هذه الدنيا قد تعود وقد لا تعوود
وانه اكتسحتك لعنةُ تخطت بك كل الحدوووووووود
فصرت رهين حبيبة قلب قد تجود و قد لا تجوووود
( اغلب الظن انها لن تجود هههههههههه)
هيي قصيدة طويلة بس هادا الي بتزكرو منها :cry:
اي هادا لما كنت صغير ,, كنت اهبل مو ههههههههههههههه :P
يعني ما بعرف يا سالي يعني بتقولي حلوي وبعدين بتروحي بتحكي العكس خلص خيتو ما حلها dimozi واضحة متل عين الشمس
مشكور dimozi يعني بالصميم برافو برافو
بتصدق انو مع كل هادا الحكي يلي عم قوله ، كثير احيان بقول مثلك بلا حب وبلا حكي فاضي .
بس لسى ما اتأكد بأنو حكي فاضي و لا عم احكي عن فضى.
و منيح على الأقل انت طلعت من الحب بنتيجة بأنو حكي فاضي،ويمكن هاي التجربة كانت مفيدة نوعاً مايعني خلتك تكبر و ما ضل صغير و اهبل.هههههههههههههههههههه هههههههههههه
ها ها ها ها ها ها ها ها ها ها ها ها ها ها ها ها . :P
و عقبال الجميع.
عن جد حاج نحكي بهل الموضوع لانه راح يصير بايخ (يعني لسى ما صار)
و عن جد حاولت انو ما رد عليك بس ما قدرت.
فما ترجع وترد علي مشان كمان انا ما ارجع ورد. :D
ياKeKo هي حلوي و لسى عم قول انها حلوي. بس الواقع ولي عم يصير ما عم يخلينا نقدر نطبق هادا الشي. :cry:
و على فكرة يا ريت الكل يدخل على الاستفتاء و يشارك لانها فكرة كثير حلووووووووووووووووووة
عني خلتك تكبر و ما ضل صغير و اهبل
يعني هاي الي عجبتك :mrgreen: :P
بصراحة اي كثييييييييييييييييييييييي ييييييييييييييييييييييييي يييييييييييير . :P
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه هههههههههههه. :lol:
يلا حاجتك.
Marygold
24/03/2004, 13:03
:hart: :hart: :hart: :hart: :hart: :hart: :hart: :) :P :cry: :evil: :angel: :roll: :wink: :!: :?: :mrgreen: :pos: :hart: :hart: :hart: :hart: :hart: :hart: :hart: :hart:
هل شرقنا المشكلة ؟
أم حبنا المشكلة ؟
قد دمرتم الموضوع و عقدتم المسألة .
فالحب يا سادة هو الإدمان .. هو أرق الليالي و هو في القلب خفقان
حين أراها تغطي العين غشاوة و تتلعثم الكلمات
ليتني قلت أو ما فعلت …… و تكثر الترهات
آه صديقي هل نظرت ؟ هل تلفتت نحوي ؟
ما أقسى قلبها … من يفهم البنات؟؟؟
نعم هي تنظر
بحق …؟
بل توزع النظرات
أرى في عينيها بريقا حين تكلمك
هو الحب يا صاح فأقبل على الملذات
صارحها بغرامك و أنهل من الطيبات
أخاف إن صارحتها ترفضني .. قلبي لا يقوى .. قد جفت العبرات
عبرات ماذا يا هذا ؟ أرجل أنت أم نعدك من الستات ؟
أنا أمامها طفل بريء غبي شقي يقول تفاهات
يا ليتها في يوم لمّحت .. لا أريد تصريحات
قد لمّحت
لم تفعل . ذاك الكلام ليس بتلميحات
قد أوجعت رأسي بمشاكل قلبك
فإما تحرك أو انسى أمرها .. غيرها ملايين البنات
لا أرى سواها .. و لا أبغي إلا لقاها في الحياة
في الجانب الآخر مجموعة فتيات يتهامسن في إحدى الجنبات
غرامه قتلني فما أنا فاعلة يا صديقات
عيناي فضحتاني حين كلمته .. و في وجهي احمرت الوجنات
أفهميه بغمز أو بطرفة عين أو اجعليه يغار فالغيرة نصيحة الحكيمات
لا .. لا تفعلي يا فتاة ولا تردي على هذه الترهات
إن أردت حبه و ابتغيت قلبه فاستعملي الكلمات
أجنون أسمع ؟؟؟ تهذين أنت يا صديقة .. كل شيء إلا الكلمات
هي معركة لا أستطيع خوضها .. و مجازفة تفوق شجاعتي بمرات
هي سبيلك الوحيد إن كان لا يفهم بلغة الإشارات
و إن صارحته فأذلني ؟؟؟ ماذا يبقى لي سوى الممات ؟؟؟
الحب كر و فر و قتال يا سادة و يا آنسات
هو شعور واحد في الشرق و الغرب و جميع القارات
أحبوا بعضكم و صارحوا بعضكم رجالاً كنتم أم ناعمات
فالشرق نحن نعيشه و نحن نغذيه
و نحن من يمارس هذه العادات.
و دمتم
Dimozi
راااااااااااااااااااااااا اائعة بجد dimozi
انا قريت هاي المعلقة تبعيت الاخ Dimozita .. بس حسيت انو قوي وفيها روح قوية كمان فيها فصحة :D
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة