ابراهام لينكولن ...قصة قصيرة وممتعة من سيرته العظيمة [الأرشيـــــف]

عرض كامل الموضوع : ابراهام لينكولن ...قصة قصيرة وممتعة من سيرته العظيمة

السورية المشتاقة

24/01/2006, 13:32

ابراهام لينكولن ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شخصية رائعة ...انحفرت اعماله وجهوده العظيمة بذاكرتي ...لانه مو متل اي شخصية عابرة بالتاريخ .....بالفعل بحس بمتعه لما بقرا عنه ...

تولى رئاسه الولايات المتحدة من سنة 1861 حتى سنة 1865
وقاد دعوة تحرير العبيد في امريكا ودفع حياته ثمن لها ...

له مقولة عظيمة ..."كل ما اريد معرفته موجود في الكتب وخير صديق لي هو من يقرضني كتاب ".
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وهي قصة من سيرته العظيمة ....
ان ابراهام لنكولن اقترض كتاب من صديقه وكان هالكتاب بيتحدث عن حياة جورج واشنطن
بطل الاستقلال العظيم في امريكا ...
المهم لشدة اعجاب لنكولن بالكتاب اعاد قراءته اكتر من ثلاث مرات ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
(بس كان يقراه بشغف مو متل هاد السمايلي :lol: )

وظل لنكولن يعيد قراءة الكتاب حتى تلف الكتاب بالمطر ...
ولشدة تقدير لنكولن للكتاب ..قرر انه يعمل في حقل صديقه ثلاث ايام دون اجرة للتعويض عن الكتاب .......!!!!!!! بالفعل هي القصة بتعبر عن انه الكتاب والقراءة هي اللي صنعت رجال التاريخ غالبا ...

هي قصة قصيرة هيك عالماشي حبيت ازكرها من حياة لنكولن..انشاء الله تكون عجبتكن

باااااااااااااي

محمد ابراهيم

24/01/2006, 13:46

وقاد دعوة تحرير العبيد في امريكا ودفع حياته ثمن لها ...

هذا ما حب ان اؤكد عليه ان يكون لكل واحد منا قضيه يدافع عنها

له مقولة عظيمة ..."كل ما اريد معرفته موجود في الكتب وخير صديق لي هو من يقرضني كتاب ".

اهميه الكتاب بالنسبه للاشخاص المهمين.

zen

24/01/2006, 15:07

ياعيني عليكي يا كنكون
يا هيك القصص يا بلا
:سوريا: :سوريا: :سوريا:

السورية المشتاقة

24/01/2006, 15:50

شكرا عمشاركاتكن الحلوة محمد ابراهيم وزين :سوريا:
بس ما قلتولي انتو بتحبو المطالعة؟؟انا من هواياتي المطالعة ...

zen

24/01/2006, 17:36

شكرا عمشاركاتكن الحلوة محمد ابراهيم وزين :سوريا:
بس ما قلتولي انتو بتحبو المطالعة؟؟انا من هواياتي المطالعة ...
وانا كمان بقرااااااا كتير
بدي نزل قصة بهاليومين
بس حتى لاقي الكتاب الي كنت عم اقراه
:jakoush: :jakoush: :jakoush: :jakoush: :jakoush:

Mark101

24/01/2006, 19:25

طبعا لنكولن شخص عظيم و معروف و أحد مؤسسي الولايات المتحدة الأميركية..

مشكورة السورية المشتاقة ..فعلا مواضيعك مميزة..:clap:

شكرا لك

كتيير بحب المطالعة و أحيانا عم نسرق الوقت سرقة لنطالع ...

كاتبي المفضل كولن ويلسون حاليا!!!!!

السورية المشتاقة

24/01/2006, 21:31

وانا كمان بقرااااااا كتير

:gem: :gem: :gem:

بدي نزل قصة بهاليومين
بس حتى لاقي الكتاب الي كنت عم اقراه

ناطرة موضوعك ....

مشكورة السورية المشتاقة ..فعلا مواضيعك مميزة..:clap:

انت الي ذوقك متميز :سوريا:

كتيير بحب المطالعة و أحيانا عم نسرق الوقت سرقة لنطالع ...

معك حق..بتعرف انه الناس ببريطانيا لشدة ازدحام الوقت بيقراوا بالباصات والمقاهي حتى مايضيعوا وقت ...!!!!

كاتبي المفضل كولن ويلسون حاليا!!!!!

انا اعشق الادب الغربي بشكل عام خاصة العظيم فيكتور هوغو :gem:

Willi

25/01/2006, 07:58

بالفعل هي القصة بتعبر عن انه الكتاب والقراءة هي اللي صنعت رجال التاريخ غالبا ...

مو بالضروري
هاي انا ما بقرا :clap:

الف شكر الك سورية المشتاقة
يا ستي هالرجال انا بحبو
ليش
اساليني ليش
سألتي؟
اوكي لانو بحسو افهم رئيس حكم اميركا :lol:

الف شكر الك على موضوعك
كتير منهون هالمواضيع

انا بالنسبة الي بحب اقرا كتير
بس ما بقرا
والانترنت هوي السبب

محمد ابراهيم

25/01/2006, 08:04

يا ستي هالرجال انا بحبو
وانا كمان

اوكي لانو بحسو افهم رئيس حكم اميركا :lol:
ليش الضحك .:jakoush: :jakoush:

شكلك بتتمسخر عليه:aah: :aah:
انا بالنسبة الي بحب اقرا كتير
بس ما بقرا
والانترنت هوي السبب
لا ولا يهمك ممكن اتصل بشركه الانترنت وابلغهم انك ناوي ترفع عليهم دعوه قضائيه بسبب انك ما بتقدر تقرى بسببهم. وهما يمنعو عنك الخدمه.:p

Willi

25/01/2006, 08:24

لا يا سيدي بدي ارفع دعوة على اخوية
لان الموقع الوحيد اللي عم ادخل عليه هالايام هوي اخوية

السورية المشتاقة

25/01/2006, 11:30

مو بالضروري
هاي انا ما بقرا :clap:

ازا هيك معك حق ;-)

اوكي لانو بحسو افهم رئيس حكم اميركا :lol:

له وين ريغن ووواشنطن وكلينتن !!! :(

لا يا سيدي بدي ارفع دعوة على اخوية
لان الموقع الوحيد اللي عم ادخل عليه هالايام هوي اخوية
انا بفوت عليها لانها باغلبية سورية وانا مشتاقة :cry:

zen

25/01/2006, 13:38

انا بالنسبة الي بحب اقرا كتير
بس ما بقرا
والانترنت هوي السبب
انا بعكسك يا ويلي
انا بحب اقرا بالكتاب
مابحب اقرا من الانرنت
يعني بحب الطريقة الكلاسيكية

zen

25/01/2006, 13:39

انا بفوت عليها لانها باغلبية سورية وانا مشتاقة
:cry: :cry: :cry: :cry: :cry:
ونحنا مشتاقين لسوريا من قلبها

Daiski

25/01/2006, 13:51

انا بعكسك يا ويلي
انا بحب اقرا بالكتاب
مابحب اقرا من الانرنت
يعني بحب الطريقة الكلاسيكية

صرنا اذا بدك اتنين ;-)

و بعدين :

كتابي حبيبي............... :hart:

هل رأيت حبيباً يعار................ :سوريا:

السورية المشتاقة

25/01/2006, 14:30

شكرا zen و khaldi عالمرور :سوريا:

Syrian__Angel

25/01/2006, 14:45

اي يا ريت كل مين بعيروا كتاب بيرجعلي ياه .. او يعمللي خدمة بالمقابل :jakoush: :jakoush:

قال مرة ايام المدرسة كان معنا وحدة طلعلها دور تاني ,, وطلبت مني كتابي لانه كامل وهيي اغلبية ايامها كانت غياب وكتابها ناقصو حل كتير .. المهم بعد ما خلصت امتحان ( على اساس ترجعلي الكتاب ) .. راحت اتصلت في وقالتلي سوري بس بالغلط امي كبّتو !!! :jakoush:

شكرا للسورية على الموضوع :سوريا:

اي صحي زين... ما بظن ويلي كان قاصد القراءة من الانترنت , بس قصد انه هو بيحب القراءة كتير
" من الكتب "بس هالايام ما عم يقرأ شي لانه اخوية سارقتو :p

السورية المشتاقة

25/01/2006, 21:40

قال مرة ايام المدرسة كان معنا وحدة طلعلها دور تاني
هههه يحرق حريشها رفيقتك طلعلها دور تاني ..هي اكييييييد شاطرة كتير :lol:
سيريان انجل انت عامة ولا مقررات ؟
انا ثانويتي عامة ....:gem:

Syrian__Angel

25/01/2006, 21:43

انا خلصت الثانوية (يرحم هديك الايام ) ..وهلأ سنة تانية جامعة :p ...

وصحي مانها رفيقتي يعني رفيييييييييقتي .. بس زميلة معي بالصف :سوريا:

Willi

26/01/2006, 06:22

له وين ريغن ووواشنطن وكلينتن !!!

عم اتخوت كنت مو اكتر :clap:

اي صحي زين... ما بظن ويلي كان قاصد القراءة من الانترنت , بس قصد انه هو بيحب القراءة كتير
" من الكتب "بس هالايام ما عم يقرأ شي لانه اخوية سارقتو

يا عمي لك انا ما حدا بيفهم عليي غير ديما
هاد كان قصدي