-
PDA

عرض كامل الموضوع : تصويت مفتوح لشخصية عام 2004

Joe
19/12/2004, 19:29
فاز جورج بوش بشخصية 2004 حسب مجلة ال TIME الاميركية

فمن سترشح؟
ارجو كتابة اسم الشخصية مع تعليق بسيط حول الاختيار.. او عدم التعليق اذا ما حابب تعلق. بس ممنوع ان تناقش ما اختاره عضو اخر و لربما نترك لذلك موضوعا اخر

يمكنك ان تختار الشخصية على المستوى السوري او العربي فقط

التصويت مفتوح حتى نهاية العام
Hus
19/12/2004, 20:47
انا برشح الشيخ زايد .. دامه اتوفى هال السنة وكان ليه افضال كبيرة على العرب ..
mhmary
20/12/2004, 00:00
الرئيس ياسر عرفات
Abo rafik
20/12/2004, 00:30
انا كمان برشح الشيخ زايد لأنو.فعلا" وبدون مبالغة شفت فيه الانسان العربي الاصيل الكريم ..اللي كانو يحكولنا عنو بالمدارس وقت اللي كنا بالابتدائي ...وكمان كان الشيخ زايد محبوب جدا" من أبناء دولة الامارات...انا لحد هلق ما شفت شعب بيحب رئيسو متل شعب الامارات مع أنو في استقلالية لكل امارة عن التانية بالادارة بس الشيخ زايد قدر يوحدهم..ويزرع هالفكر بعقل كل واحد فيهم ...يعني تصوروا اذا رب عيلة عندو شي شركة أو أرزاق ما بيقسمها ع أولادو...بل بيعمل شركة وبيقسم كل الاسهم عالكل منشان يضللو ايد واحدة وما حدا يعرف شو الو وشو عليه وهالشي بينطبق ع اولاد العم وجزء كبير من الاقارب ....بلا طول سيرة بتمنى أنو هيك نوع من الوحدة يجمعنا بسوريا ......
Joe
20/12/2004, 05:05
أنا برشح جاك جيراك
قراره تبع منع الرموز الدينية بالمدراس بعتقد كان خطوة كبيرة بعالم العلمانية و بيتطلب جرأة و شجاعة و إيمان كبير.
philip
20/12/2004, 22:38
أنا برشح بابا نويل لأنو بساعد الأطفال المحتاجين وبجبلون هدايا........................................ .................................................. ...............................................ل ء عم بمزح أنا برشح أسامة بن لادن اسمو أكتر انسان على وجه الارض ضل فلتان من الحكومة الأميركية :D :D
Ghiath
21/12/2004, 00:42
أنا برشح حالي .... :gem:
مين بينتخبني..... :hart:
.
.
.
تغلق صناديق الاقتراع غداً الساعة الثامنة مساءاً ... ولا تنسوا تجيبوا معكن البطاقة الانتخابية. :P
Espaniol
21/12/2004, 12:18
أنا برشح أسامة بن لادن اسمو أكتر انسان على وجه الارض ضل فلتان من الحكومة الأميركية
انت متأكد أنو هو مو بقلب البيت الابيض وعم يشرب شاي 8) 8) 8) 8) 8)
انا بصراحة مابرشح حدا لانو مافي شخصية بارزة
عاشق من فلسطين
21/12/2004, 13:58
أنا برشح لعام 2004 ولكل الأعوام أستاذي وملهمي محمد الماغوط
yass
21/12/2004, 22:19
على اعتبار انو اليوم وللاسف علمت بوفاته...ارشح ممدوح عدوان...لأنو انسان رائع ..ظريف,وطني,مفكر عظيم...بس للاسف ظروف كتيرة ادت الى انوما بياخد حقو الكامل من الشهرة والتفهم ووو
تحياتي
philip
21/12/2004, 23:50
اقتباس:
أنا برشح أسامة بن لادن اسمو أكتر انسان على وجه الارض ضل فلتان من الحكومة الأميركية

انت متأكد أنو هو مو بقلب البيت الابيض وعم يشرب شاي
انا بصراحة مابرشح حدا لانو مافي شخصية بارزة

أول شغلة أنا ماني متأكد أنو بقلب البيت الأبيض بس الشغلة الاكيدة أنو ماعم يشرب شاي بكون عم يشرب نبيذ اسمو أيام عيد :P :P :P
Hus
22/12/2004, 03:31
أول شغلة أنا ماني متأكد أنو بقلب البيت الأبيض بس الشغلة الاكيدة أنو ماعم يشرب شاي بكون عم يشرب نبيذ اسمو أيام عيد :P :P :P



حلوة :o :lol: :lol:
عاشق من فلسطين
22/12/2004, 15:15
على اعتبار انو اليوم وللاسف علمت بوفاته...ارشح ممدوح عدوان...لأنو انسان رائع ..ظريف,وطني,مفكر عظيم...بس للاسف ظروف كتيرة ادت الى انوما بياخد حقو الكامل من الشهرة والتفهم ووو
تحياتي

رصاصة في القلب استقرت عندما سمعت بوفاة ممدوح عدوان العظيم ...
آه من السرطان الخبيث ....
كم عظيما" سوف يأخذ من رواد الأدب ... أخذ سعد الله ونوس ...
والآن ممدوح عدوان ...
ولا أعلم من سيأخذ غدا"....
تحياتي yass والله أنك كبير ...
Espaniol
23/12/2004, 09:14
اقتباس:
أنا برشح أسامة بن لادن اسمو أكتر انسان على وجه الارض ضل فلتان من الحكومة الأميركية

انت متأكد أنو هو مو بقلب البيت الابيض وعم يشرب شاي
انا بصراحة مابرشح حدا لانو مافي شخصية بارزة

أول شغلة أنا ماني متأكد أنو بقلب البيت الأبيض بس الشغلة الاكيدة أنو ماعم يشرب شاي بكون عم يشرب نبيذ اسمو أيام عيد :P :P :P
كل شي وارد
آخيل
24/12/2004, 20:28
انا برشح الشيخ زايد .. دامه اتوفى هال السنة وكان ليه افضال كبيرة على العرب ..

انا معاك بكل كلمة عم بتقولا أنت و لالخ لولو ... لأنو عن جد يا جماعة اللي ما بيشوف ما بيصدق ... يعني خدوا شغلة وحدة و انو الامارات ما فيها شي اسمو ضرائب ... ولا حتى واحد بالمليون .. و البنوك بتعطيك قروض قد ما بدك ... يعني عمول شغل و اشتغل و مالك منية .. أكيد الشيخ الزايد الله يرحمو
Anmar
25/12/2004, 05:22
والله أنا برشح الأمير الوليد بن طلال
لأنو هالزلمة أنا كتييييير بحترمو وبقدرو لأنو ما بيقصر مع حدا أبداً ..
وخاصة أنو اليوم سمعت عالراديو انو مقدم 40 ألف دولار لعائلة بلبنان مشان يعملو عملية لابنن ...
يعني يمكن تقولو انو مبلغ 40 ألف دولار أكيد أكيد ما رح يأثرو أبداً على ثروتو بس في كتييييير ناس معهن ثروة ما بيأثر عليها هيك مبلغ ومع هيك ما عملو متلو ... يعني هاي شغلة من الشغلات الكتيييييير اللي عاملها هالزلمة .. لهيك بأكد على ترشيحو ...