الفن ...................اين ومتى؟شارك واعطنا رايك [الأرشيـــــف]

faadel

21/01/2006, 01:45

باختصار مارايك بالفن

لماذا في عالمنا العربي مفقود

لماذا فنون اخرى افضل؟؟

رسامون ام مهملون؟؟

عطينا رايك....

أدونيس

21/01/2006, 02:45

والله يا حبيب ..رح حاكيك بصفتي فنان ..وبإمكانك تتطلع على لوحاتي بنفس هالقسم هاد ..
الفن مفقود لأنو الرأي مفقود ..لأنو مشاكل الحياة الشرقية قيدت الصدق بأقوى القيود ..لأنو المادة ..-أكره ما في الوجود - مفقودة ..لأنو ما عاد في فكر مثالي ..حر ..يؤمن بالفن .لأنو الغرائز تحولت لغرائز الغرائز ..لأنو الطبيعة البشرية تلوثت باثار الدمار ..والتشتت .والحروب مع الذات في مجتمع يسوده ..الانحطاط الذوقي ..أو اسمحلي (((((الفلتان )))))....
وبتمنى شي يوم شوفك شخصي واحكي معك ..على فكرة ..بتمنى تعطيني رأيك بلوحاتي ..
شكرا

mhmary

21/01/2006, 04:04

والله يا حبيب ..رح حاكيك بصفتي فنان ..وبإمكانك تتطلع على لوحاتي بنفس هالقسم هاد ..
الفن مفقود لأنو الرأي مفقود ..لأنو مشاكل الحياة الشرقية قيدت الصدق بأقوى القيود ..لأنو المادة ..-أكره ما في الوجود - مفقودة ..لأنو ما عاد في فكر مثالي ..حر ..يؤمن بالفن .لأنو الغرائز تحولت لغرائز الغرائز ..لأنو الطبيعة البشرية تلوثت باثار الدمار ..والتشتت .والحروب مع الذات في مجتمع يسوده ..الانحطاط الذوقي ..أو اسمحلي (((((الفلتان )))))....

مرحبا..... الموضوع حلو كتير..... أندونيس بلشت حكيك صح وقت قلت انو الفن مفقود لأنو الرأي مفقود بس في شغلتين انو الرأي هو ناحية واحدة من الفن وفي مليون ناحية تاني مجودين بمشتمعنا الشرقي
الشغلة التاني انو وقت كنت عم تحكي عن المادة حكي نضيف صح العالم صارت تفكر كتير بالمادة وما عد تفكر بالفن كتير بس هادا الحكي موجود بمجتمعنا الشرقي بأقل نسبة بالعالم اما مثلا هون بأميركا هادا الشيء بيتجلى بشكل تام وكامل من كل النواحي

برجع على السؤال الأصلي الفن براي هو احد الأشياء المهمة الي بتميز الأنسان عن الحيوان وهو بختصار التفكير بالأشياء بطريقة اعمق من الأنسان العادي يعني الفنان بيطلع علبى الأشياء وبينظرلا بطريقة مختلفة

بعالمنا العربي موجود الفن بس بجوز في بعض انواع الو محدودة متل ما قال اندونيس

مافهمت قصدق لماذا فنون اخرى افضل؟؟
وشكرا

sezar

21/01/2006, 16:04

مرحبا شباب تحياتي

المعاناة و الفقر طول عمرا كانت السبب الأول للفن و الإبداع لكن هذا الكلام لا ينطبق على عصرنا الحالي للأسف و إلا لرأيت ملايين الفنانين ........

منجي للأسباب المادية لإنعدام الفن بتلاقي انو طالب الفنون عم يحرك نفسو بشي شركة فنية كانت او لا لحتى يطلع مصروف الكلية و حتى على نطاق غير أكاديمي يعني يلي فنان بشكل حر من غير دراسة أكاديمية كمان يادوب يرجع من الشغل طبا لا عندو نفس يفكر بقلم ولا ورقة ...

منجي للسب النفسي
بتلاقي فنان ( اذا صح القول ) قاعد و نازل يرسم ما يسمى اللوحات الصالونية و التي تكون تقنيا لوحة و لكنها خالية من أي احساس فني و اتصال بينها و بين الفنان ..
فشخص متل هاد من وين رح يجي نفس يضيع وقت يرسم لوحة من داخل مشاعرو لن تباع بينما يستطيع رسم لوحة صالونية قد تباع بالآلاف

طبعا كل هل شي مؤسف
و نقطة أخيرة انعدام الفن لأجل الفن
أصبح الفنان يجب أن يعمل بمقابل
هاد سبب رئيسي برأيي لإنعدام الفن الحقيقي

faadel

22/01/2006, 02:30

اخ بس انتوا ...احلى ناس بس مين يقدر ويقدر

انتوا حطيتوا على الجرح ملح...

بس اكيد في نسبة من الناس الي بتفهم وبتقدر فن التشكيلي ولو كانت قليلة بس انو الرمد اشوى من العمى

وشكرا من القلب على كلامكم الي بيشجع وبيخليني حس انو بالفعل في ناس بتحب وبتقدر الفن