كبسولة زمن... الكترونية [الأرشيـــــف]

عرض كامل الموضوع : كبسولة زمن... الكترونية

Joe

12/12/2004, 00:22

مرحبا
كتير من الاحيان بتصادفنا افكار او تساؤلات عن كيف رح تكون التكنولوجيا بعد عشرة او عشرين او 50 سنة... احيانا منسمع قصص عنا شو كانوا ايام زمان يتوقعوا تصير التكنولوجيا اليوم.. مثلا بتذكر قصة قديمة ل"بطوط"... كانت لخالي من السبعينات.. و مصورين عام 2000 انو سيارات عم تطير و كلشي صار الكتروني بطريقة مرعبة.. طبعا لاء ليكنا لساتنا هون محلنا
و من فترة سمعت على التلفزيون خبر عن روبوت آلي عم يطورو الجيش الاميركي مشان يصير يشارك بالصفوف الامامية بالمعارك.. و منقدر نتحكم فيه عن بعد... و قالوا انو بيتوقعوا يصير حقيقة بالزمن الفلاني

بقى رايي... انو اذا شي نهار سمعت شي خبر متل هيك... انك تحفظو و تسجلو.. و تحطو بشي مكان.. علية مثلا

مثلا فينا نحفظ شغلات كتير متل... الات حاسبة قديمة... walkman قديم و منزوع... طوابع و عملات... اقلام بوقتها يمكن كانت قمة الجمال و التقنية... او حتى صور لبريدك الالكتروني.. يعني مثلا اذا شي حدى منكن لسا عندو الهوتميل قديم... بركي بياخدلو شي صورة

و الله جد ما عم امزح... انا لما كنت بالصف السابع جبت علبة نيدو فاضية.. و حطيت فيها كتير شغلات .. و سكرتها و حطيتها بعيد و يمكن كتبت عليها ايمت لازم تنفتح
:P

بقى الفكرة يلي بدي اوصلها... انو بركي نحنا هون منتعاون لتجيمع هيك شغلات.. او افكار و توقعات.. و منحفظها للأيام... انو اذا عرفان حالك مثلا انو بيتكم بسوريا شبه مستحيل انو يتغير... بعد فترة فيك تطبع كل هل معلومات و تجمع معها شغلات و مقتنيات مختلفة من عصرك.. و تحطها بعلبة و تسكرها لأجل غير معروف... يمكن العلبة تضيع... و يمكن تضل... و بعد شي 30 سنة تنفتح... و بعتقد بتكون مفاجأة حلوة كتير للاجيال اللاحقة
:angel:

اصلا ع فكرة العلماء بالعالم عملوا هيك شعلات مسبقا يعني الفكرة ما من اختراعي

شوفوا بصراحة يمكن الفكرة غريبة شوي و ما كتير واضحة بذهني انا ... بس بحبيت شارككم فيها و بركي بيطلع معنا شي شغلة

مثلا شوفوا هل صورة ... هيك العلماء كانوا بيتوقعوا يكون شكل الكمبيوتر ... بيومنا الحالي!

al7alla2

12/12/2004, 00:25

فكرة حلوة....بس سؤال:هاد الدولاب يللي بالكمبيوتر تبعك لشو؟...ليكون محل الماوس..

:D ل joe

Joe

12/12/2004, 00:29

بتعرف يمكن مشان تهوية محرك الكمبيوتر :angel:

إن للعلماء في خلقهم شؤون!!

Atramez_Zeton

12/12/2004, 13:00

Kakabouda

12/12/2004, 13:08

مشكور يا باشا على هالمعلومات .
أحلا تحية :D

Joe

12/12/2004, 18:43

هلا في شغلة هون
الموضوع انو تخباية الاغراض هاية الصراحة فكرة كتير حلوة بس متل التا لانو هلا فينون يعملو ايا شي كان موجود بالماضي (تئريبا)
و بالمستقبل رايحين يئدرو يعملو ايا شي عنا منو هلا ...الخ
هلا بيبئا شغغلات اديمة كتير (انتيكة) هيك شغلات ممكن الواحد يخبيها بس غير هيك حرام تتخبى (انا هادا راي طبعا)

شكرا اخ اطرميز
اكيد بالمستقبل و الحاضر منقدر, نظريا, انو نعمل اي شي كان موجود بالماضي... بس نظريا... ليش؟.. لانو حتى ترجع مثلا تعمل walkman او مسجلة من سنة السبعينات... او حتى التمانينات... بدك خط انتاج كامل لتصنيعها... يعني متل بالمصنع... يعني التكلفة لصناعة 1000 مسجلة لأغراض تجارية... لما يكون عندك مصنع كامل عم يشتغل فيها... اكيد ارخص بكتير من كلفة انتاج قطعة وحدة بس.. لما تكون انقرضت من السوق او الشركة الام تبعيتها اتخلت عنها

ما بعرف اذا وصلت الفكرة... يعني هني بيقدروا يعيدوا انتاج اي شي.. اكيد... بس هل رح يعملوا؟... خصوصي اذا كانت الشركة الام المسؤولة عن هديك البضاعة تخلت عن المنتج او انقرضت... بقدر قلك انو اكيد لاء

بقى المطلوب ...

انو مثلا لو سمعت او قرات خبر من النوع:
يتوقع العلماء انتشار الالة الفلانية في السنة كذا
قامت الشركة الفلانية بتصنيع اصغر جهاز كذا.... او ثورة في عالم الكذا

يعني كل الاخبار يلي تعد قوية ... حابب اني احفظها.. مع المصدر و وقت الخبر

يمكن تكون اضاعة للوقت.. و يمكن يطلع منها شغلة حلوة اذا تعاونا فيها... متل ارشيف او شي شغلة؟؟؟

بتعرفوا فينا نحصر الموضوع بالصناعات العربية و التكنولوجيا العربية!

في مواقع بتكون شغلتها بس مراقبة بعض الاحداث... بتكون عادة اسمها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما بعرف حاسس جعبالي اعمل متل هيك شي و يكون متعلق فينا و باقتصادنا و التكنولوجيا عندنا... بسوريا او العالم العربي

حدة عندو شي فكرة او تعليق؟؟

Joe

12/12/2004, 18:44

مشكور يا باشا على هالمعلومات .
أحلا تحية :D

شكرا :)

Atramez_Zeton

13/12/2004, 12:26

يمكن تكون اضاعة للوقت.. و يمكن يطلع منها شغلة حلوة اذا تعاونا فيها... متل ارشيف او شي شغلة؟؟؟

لا والله انا معك بس بدك واحد فاضي ورايئ لانو بدو يبحبش كتير

بتعرفوا فينا نحصر الموضوع بالصناعات العربية و التكنولوجيا العربية!

:lol: :lol: :lol:
بتطلع = الصفر
لانو الحمد الله عنا هون كل شي شغل الصين و برا (برا الدول الراسمالية )

الأسمر

06/08/2005, 19:08

:mrgreen:
للنقل