أية معارضة تريدها الأخوية

[حسون]

مؤخرا ظهر حزب معارض في المنتدى تحت إسم حزب جبهة تحرير الأخوية الذي لم يكن لديه أية مطالب و لكن كونه الحزب الوحيد بدأ أبناء الموقع بالتهافت عليه
ثم مل السيد مكاوي لعدم وجود أحزاب منافسة فقام بنفسه بتأسيس عشرة أحزاب و تعيين قادتهم في موضوع تحت عنوان أحزاب الأخوية الذي وضعه في منتدى السقيفة
و فجأة ظهر حزب جديد و هو حزب حمص العظيم بقيادة ويللي و الذي لم يكن لديه أية مواقف من سياسة الإدارة إذ أنه لم يكن موالي و لم يكن معارض بل حزب للتسلية لذلك لن أناقش أفكاره كثيرا
و بالنسبة لمعارضة حزب جبهة تحرير الأخوية فأنا أيضا معارض على إدارة الموقع و لكن ما هو سبب معارضتي و ما هي معارضة حزب الجبهة ؟
إن معارضة حزب جبهة تحرير الأخوية هي معارضة بهدف المعارضة أما أنا فمعاضتي هي للأسباب التالية:
1-أنا ضد أبدية الإدارة و قيامها بتعيين المشرفين
2-أنا ضد طرد أية عضو دون محاكمة و ضد حذف أو نقل أية مشاركة دون محاكمة أو طلب من المشارك
3-أنا ضد إهمال بعض الإداريين للموقع
4-أنا أطالب بدستور للأخوية يعلو على قوانينها و يوافق عليه الشعب و يقوم بإعطاء الحقوق و الحريات و تحديد الواجبات و فصل السلطات و يكون مقبول باستفتاء أعضاء المنتدى
5-أنا أطالب بانتخاب الإدارة و المشرفين و أية سلطة بالموقع بشكل دوري و ديموقراطي و عن طريق التمثيل النسبي
و لنعمل تحت شعار يحق للرعية أن يكونوا رعاة
و لكل من يقتنع بهذه الأفكار يمكنه مراسلتي على الرسائل الخاصة

[LEONARDO]

she helo bas mo meknee
ana law andy keybord arabi kont nakashtak bas mo andy w mo habeb oktob be alenglish
w shokra akh hason

[فيروزة]

فكرة معقولة

[Hus]

بداية .. اشرت سابقا انا في صدد اعداد قانون تنظيم الأحزاب (تنظيم داخلي للأحزاب في الموقع) بحيث حيكون في اقسام خاصة وبصلاحيات خاصة لكل حزب (شيئ من قبيل قسم/اقسام خاصة بالحزب وليهم الحرية بفتحها للعموم او حصرها على ابناء الحزب الخ ..)
بخصوص الإعلان والتسويق للحزب واحقية كل حزب بمساحة اعلانية نسبية من المساحة الإعلانية بالموقع (بحيث يقدر يسوق لنفسه )
بخصوص التمويل و الحملات الإنخابية والميزانيات الي حنرصدها لكل حزب (بحيث حنقوم نحن بتمويل الأحزاب _الأحزاب المرخصة وكل حديثنا عن الأحزاب المرخصة_ والتمويل بالتساوي طبعا)
بخصوص طرق الإنتساب و تعدد العضويات (في عدة احزاب)
بخصوص الإعلان الخارجي والداخلي وطبيعة الأحزاب المقبولة وغيرها وغيراتها

احنا بصدد اعداد قانون للأحزاب ورح بيشوف النور قريبا وقريبا جدا ..
فمعاضتي هي للأسباب التالية:
1-أنا ضد أبدية الإدارة و قيامها بتعيين المشرفين
شفعاتك يا مار ليان، .. اشي اشي.. للله يا ست زينب لله ..
يابا بعتلنا ناس يقومو بالبرمجة
وناس يقومو بالتصميم والغرافيك
وناس تبعون سيرفرات يستلمو امور الهوست
وناس يتبروعولنا بكام سنة من عمرهم للموقع..
وممولين يدفعو التكاليف (الي صارت خرافية) شيت الموقع..
بس اتجمعون كلون......... احنا منعملك موقع متل موقع اخوية واستلمو من بابو لمحرابو (هاهاهاهاها لا مارح قلك وتعا دير الموقع انا لا اومن بالشيوعية ولا بعبد الناصر و ضد تأميمي قناة السويس .. وضد تأمييم موقع اخوية :clap:....)


2-أنا ضد طرد أية عضو دون محاكمة و ضد حذف أو نقل أية مشاركة دون محاكمة أو طلب من المشارك الموقع عمرو 3 سنين تقريبا تقريبا .. و بال3 سنين الي انطردو من الموقع 3 اشخاص!!! فتيل النت وقلي مين الموقع الي بيطرد عضو واحد بالسنة!!!!!!!!!!
اما حزف ونقل المشاركات فبقلك .... هق
مافي داعي نخوض بهال البديهية يا مان
بالله عليك اذا واحد حاطط نكتة بالمنبر الحر بك اعملو محاكمة كرمال انقلها!!
لمن واحد حاطط صورة سكس بتركها انا وبعملو محاكمة وبستنا البت بمدى سيكساوية الصورة وبعدين بحزفها!!!
يا شيـــــــــــــــــــــــ ــــخ ..

3-أنا ضد إهمال بعض الإداريين للموقع الإشراف ك الإدارة _عمل تطوعـــــــــــــــــــــ ــي_ (يعني مثلا انت متطوع بالهلال الأحمر.. وصار شي حالة اسعافية بشي محل وكنت عندك امتحان او مو فاضي شو بيحاكموك الهلال خوش ما رحت .. لاء اطلاقاا .. هذا عمل تطوعي .. و كل على حسب فضاوتو _واحنا ممتنيــــــــــن_)
لمن .... لمن ... لمن ...
يصير في ميزانية بتسم بتعيين موظفين ل/ب الموقع
وقتها حقك ..
لمن بياخد مشرف راتب كرمال يكون مشرف .. فهو ملزم يقعد متل الصلاة على النبي الكذا ساعة تبعو .. بس احنا نفسنا ما منقبل يهمل اي من المشرفين او الأداريين امور الحياة العادية كرمال الموقع ... يعني يا فرحتي بواحد تارك امتحانو كرمال شي خناقة بالموقع.. ولا واحد ما عم بيروح على شغلو او على جامعتو او او او ...
العمل هنا عمل تطوعي .. بالتالي ما لينا بحق اي من المتطوعين _الآن وفي كل آن_ سو الشكر و التقدير .. وبس


4-أنا أطالب بدستور للأخوية يعلو على قوانينها و يوافق عليه الشعب و يقوم بإعطاء الحقوق و الحريات و تحديد الواجبات و فصل السلطات و يكون مقبول باستفتاء أعضاء المنتدى
شيت دستور لاخوية انا معك بهاي .. ضروري الدستور واحنا بزهنا الموضوع من زمان وعم نعمل عليه جزئيا بس الوقت ديق .. ان كان بك اتساعد بتسريع العمل فيك تطرحلنا مسودة دستور .. (انت او سواك او سوا) وهيك بتكون سرعت بتنفيز هال الخطوة جدا ..

اما عن يوافق عليه الشعب ف...... هق
حكيت بهاي مرة قبل هلق ..
حسون لو عمنا استفتاء بالوطن العربي بال200-300 مليون كلون استفتاء عام و شفاف و شي على كيف كيفك ..
وقلنا يابا بتنتخبو مين لأمانة الجامعة العربية ..
هيفاء وهبي ,,, ولا عمر موسي !!
(اذا ما قست على حالك .. واذا قست على الشعب فيك وفيني اجزملك انو هيفاء وهبي بتفوز وبفوز ساحق اذا بدك )
بعتقد وضحت الفكرة ...
دائما لمن حدى يجيب سيرة الديمقراطية العربية بتزكر قول لزياد الرحباني : (شي من قبيل)
مجتمع حمار لو فلتو وعطيتو حريتو ... بيرفس المجتمع رفسة بيجيبو بمجتمع تاني هاهاهاهاها
(وهو حكيو عن الشعب )
اكيد اكيد لا يمثل مقولة زياد رأيي بأي حال.. وما شايف ابدا انو شعبنا او مجتمعنا هيك ..
بس الديمقراطية ليها اسس .. وكل التجارب العربية للشعوب المحدثة بالديمقراطية عم بتفرجينا فواجع ..
واخرها فوز الإخوان 20-25% من كراسي البرلمان بمصر!!!!!!! هذا ويابا مخنقين عليهم!!
بيشرفك هلق هذا شعب خرجو ديمقراطية ..؟؟؟
هلق هدول ال 25% عرفانين مصلحتون !! ولا مصلحة البلد!! ..

انا ديمقراطي للعضم .. للعضم اي للعضم .. لك انا بيني وبين حالي في مجلس شورة بحالي
بس الديموقراطية بدها اسس وقبل ما تتوفر الأسس بالأعضاء ما حيكون في ديمقراطية بالقضايا والشؤون المصيرية تبع الموقع وعلى رأسها خطوط الموقع العريضة و استراتيجيات عمله ..


5-أنا أطالب بانتخاب الإدارة و المشرفين و أية سلطة بالموقع بشكل دوري و ديموقراطي و عن طريق التمثيل النسبي
و لنعمل تحت شعار يحق للرعية أن يكونوا رعاة
من حيث بيحق للرعية ان تكون راعي... هق
بيحق للراعي يصير راعي وما بيحق للرعية غير تكون رعية
فرضا انت راعي غنم؟؟
وعنك 100 راص غنم (5 و 5ميسة عين الشافتك وماصلت على النبي ات طقّ وتبلى بالعمى)
اي شو كنا عم بنقول..
ان راعي وعندك 100 راص غنم
بالاتلي انت راعي والغنمات رعية (صح. .. صح)
طيب هلق بتقبلها على حالك طولك ودلقك راعي قد الدنيا .. يجي شي خاروف متنحر يعمل انقلاب عليك ويصير بدو يستلم منصب الراعي!!!
ما بينفع .. ليش ما بنفع .. لانو انت راعي وهوي مرعي..

افهمتي غلط
انت فهمت اني عم شبه الناس بالرعية او بالخواريف .. بالعكس بالعكس انا من حرصي على الناس واحترامي للإنسان ك إنسان عم بحكي هال الحكي ..

انا عم قول انو الي بيقبل على حالو يكون مرعي فضروري يضل كل عمرو مرعي .. يعني الي حط حالو بمكان الخاروف من غير المسموح ليه يتراجع .. خلص هوي خاروف ..
اما الرعاة فهني من صغرون من اصلون رعاة ..

*انشاء الله اتكون انفهمت الفكرة كما قصدت

اما عن التمثيل النسبي..
الديمقراطية و التمثيل النسبي كعقد اجتماعي (والعقد شريعة المتعاقدين طبعا) بتتطبق بمجتمعات مغلقة ..
يعني ببلد فيه مثلا بالنسب 10% مسيحية 20% اسلام 50% كذا ..
بينفع يكون في تمثيل نسبي ليهم
لان معامل التغير في النسبة ضئيل جدا ..(على المدى القريب والمتوسط)
فمثلا ال 10% مسيحية ما حتتغير هاي النسبة بالعشر سنين بأكتر من 1-2% زيادة او نقصان ان تغيرت ..

اما بموقع على النت .. فبيوم وليلة بتتشقلب الدنيا كلها

جيب كرتونة متيرين بمتر.. وكتوب عليها Akhawia.Net
وانزيل نيح سيدي خالد بنص السوق..
ارفع الكرتونة
وصيح
الله اكبر
الله اكبر
الله اكبر

حلو
بعديها طبعا بيكون الناس التفت حواليك وصارت العين عليك هلقد قدها
هلق شو بتعمل

بتصيح
فليخسأ الخاسؤون
فليخسأ الخاسؤون
فليخسأ الخاسؤون

اولاد الخنازير والقردة
اولاد الخنازير والقردة
اولاد الخنازير والقردة

بس هيك
خلال 24 ساعة بنصير عم بنبيع سوتيانات ومناشف بالموقع .. الله هذا اذا ما اجيتنا ومعك جرة غاز وعم بتصيح واتنادي غاز يا غاز ..

يا مان الموقع على النت مفتوح .. اعلان ب 500 ليرة بأيتها موقع سلفي بالنت بتقلب موازين الموقع فوقاني تحتاني و هاي اذا ما حللو دم المشرفين والإدارة هاهاهاهاها


ع الأرض
لازم رجلينا اتكون ع الأرض كرمال نعرف نمشي لقدام ..

سلامات وويلكم باك (مدري انت راجع جديد مدري انا ما قريان مواضيع من زمان) عموما ويلكوم جميعا

[حسون]

يابا بعتلنا ناس يقومو بالبرمجة
وناس يقومو بالتصميم والغرافيك
وناس تبعون سيرفرات يستلمو امور الهوست
وناس يتبروعولنا بكام سنة من عمرهم للموقع..
وممولين يدفعو التكاليف (الي صارت خرافية) شيت الموقع..

هاي شغلات بتدبر
هاهاهاهاها لا مارح قلك وتعا دير الموقع انا لا اومن بالشيوعية ولا بعبد الناصر و ضد تأميمي قناة السويس .. وضد تأمييم موقع اخوية ....)

أنا ماني عم طالب بتأميم موقع الأخوية
إسم مالك الموقع ما بهمني
بهمني مين بديرو يكون منتخب
الإشراف ك الإدارة _عمل تطوعـــــــــــــــــــــ ــي
الإشراف و الإدارة مظبوط عمل ببلاش
بس ما عمل تطوعي
لأنو لو عمل تطوعي كان أي واحد من أعضاء المنتدى قال أنا بدي صير إدارة أو مشرف و صار بسهولي
شيت دستور لاخوية انا معك بهاي .. ضروري الدستور واحنا بزهنا الموضوع من زمان وعم نعمل عليه جزئيا بس الوقت ديق .. ان كان بك اتساعد بتسريع العمل فيك تطرحلنا مسودة دستور .. (انت او سواك او سوا) وهيك بتكون سرعت بتنفيز هال الخطوة جدا ..


بهيك حالي اتفقنا عشغلي بس هاد بضل وعد منك بوضع دستور و نحنا رح نضل انطالب ليتنفذ الوعد
وكل التجارب العربية للشعوب المحدثة بالديمقراطية عم بتفرجينا فواجع ..

هه يعني الاستبداد عم بفرجينا الشي المنيح
واخرها فوز الإخوان 20-25% من كراسي البرلمان بمصر!!!!!!!
إذا الشعب المصري أراد الأخوان أن يحكموا مصر فاليحكم الأخوان مصر
أنا مع كل نظام ينتخبه الشعب
انا ديمقراطي للعضم .. للعضم اي للعضم .. لك انا بيني وبين حالي في مجلس شورة بحالي
بس الديموقراطية بدها اسس وقبل ما تتوفر الأسس بالأعضاء ما حيكون في ديمقراطية بالقضايا والشؤون المصيرية تبع الموقع وعلى رأسها خطوط الموقع العريضة و استراتيجيات عمله ..



و لو أني ماني مقتنع أنك ديموقراطي
فيك تفهمني شو هيي الأسس يلي عم تحكي عنها

بيحق للراعي يصير راعي وما بيحق للرعية غير تكون رعية

شو هالديموقراطيي هاي كلها يا دكتور
دبحتني
فرضا انت راعي غنم؟؟
وعنك 100 راص غنم (5 و 5ميسة عين الشافتك وماصلت على النبي ات طقّ وتبلى بالعمى)
اي شو كنا عم بنقول..
ان راعي وعندك 100 راص غنم
بالاتلي انت راعي والغنمات رعية (صح. .. صح)
هون بيجي الفرق بين البشر و الخواريف و أبناء المنتدى بشر ما خواريف
يعني ببلد فيه مثلا بالنسب 10% مسيحية 20% اسلام 50% كذا ..
بينفع يكون في تمثيل نسبي ليهم
لان معامل التغير في النسبة ضئيل جدا ..(على المدى القريب والمتوسط)
فمثلا ال 10% مسيحية ما حتتغير هاي النسبة بالعشر سنين بأكتر من 1-2% زيادة او نقصان ان تغيرت ..

اما بموقع على النت .. فبيوم وليلة بتتشقلب الدنيا كلها

جيب كرتونة متيرين بمتر.. وكتوب عليها Akhawia.Net
وانزيل نيح سيدي خالد بنص السوق..
ارفع الكرتونة
وصيح
الله اكبر
الله اكبر
الله اكبر

حلو
بعديها طبعا بيكون الناس التفت حواليك وصارت العين عليك هلقد قدها
هلق شو بتعمل

بتصيح
فليخسأ الخاسؤون
فليخسأ الخاسؤون
فليخسأ الخاسؤون

اولاد الخنازير والقردة
اولاد الخنازير والقردة
اولاد الخنازير والقردة

بس هيك
خلال 24 ساعة بنصير عم بنبيع سوتيانات ومناشف بالموقع .. الله هذا اذا ما اجيتنا ومعك جرة غاز وعم بتصيح واتنادي غاز يا غاز ..

أول شي الانتخاب بالموقع ما بصير عن طريق صناديق
تاني شي بأسف تكون إدارة الموقع بتحمل هالفكر الطائفي
كلمة حق يعني .. حسون اشيك عضو بالمنتدى...
(الواحد يقول ضميرو ...)
تسلم يا غالي

[hammoooza]

مؤخرا ظهر حزب معارض في المنتدى تحت إسم حزب جبهة تحرير الأخوية الذي لم يكن لديه أية مطالب و لكن كونه الحزب الوحيد بدأ أبناء الموقع بالتهافت عليه

يا حبيبي انتا شكلك مش شايف منيح انو حزبنا حط كل أهدافو ونشرها وأعلن عنها في السقيفة فبطلب منك تقرا منيح قبل ما تقعد تنشر هيك اشاعات

نحنا عنا اهدافنا وفيك ترجع وتشوف شو هيي



ثم مل السيد مكاوي لعدم وجود أحزاب منافسة فقام بنفسه بتأسيس عشرة أحزاب و تعيين قادتهم في موضوع تحت عنوان أحزاب الأخوية الذي وضعه في منتدى السقيفة


:o :o بس ضحكتني والله لعلمك يا فطحل انو الموضوع يللي اسمو "أحزاب أخوية" واسأل يللي كل يللي بالمنتدى انحط قبل ما يتأسس حزبنا ووقتها انا رديت وقلت اني بنضم للسيد المكاوي وبعدين نزلنا موضوع أعلنا فيه تأسيس الحزب

فيا حلو ما تخترع من عندك شي


و فجأة ظهر حزب جديد و هو حزب حمص العظيم بقيادة ويللي و الذي لم يكن لديه أية مواقف من سياسة الإدارة إذ أنه لم يكن موالي و لم يكن معارض بل حزب للتسلية لذلك لن أناقش أفكاره كثيرا

يعني بدي افهم ليش عم تتهجم على كل الأحزاب اصلا الزميل ويللي أعلن بموضوعوا انو رح ينزلوا اهدافهم وهني ما قالوا ابدا انو حزبهم للتسلية وما بعتقد انا انو هوي هيك يعني بدك تقول انو ويللي يللي الو قيمتو بالمنتدى جاي يتسلى وانك انتا يابا جدي :shock:



إن معارضة حزب جبهة تحرير الأخوية هي معارضة بهدف المعارضة

ولك يا حبيبي يا قلبي اذا بدك تعمل حزب وحابب تخلي ينشهر فمين ماسكك روح اسس حزب ما حدا منعك

بس ما تفكر اذا بلشت تنتقد وتخترع اشياء مش صحيحة عن الأحزاب الأخرى انو الناس رح تحبك وحزبك رح يقوى خليك مأدب وتعامل باحترام

يعني بدي تقلي نحنا وين قلنا انو حزبنا للمعارضة فقط انا ما رح رد عليك اصلا المشرفين والأعضاء كلن بيعرفوا شو أهدافنا يللي فيك تشوفها بالسقيفة


واخيرا بقلك الله يوفقك يا حلو

[حسون]

حبيبي انتا شكلك مش شايف منيح انو حزبنا حط كل أهدافو ونشرها وأعلن عنها في السقيفة فبطلب منك تقرا منيح قبل ما تقعد تنشر هيك اشاعات

نحنا عنا اهدافنا وفيك ترجع وتشوف شو هيي



أنا قريت كل بياناتكون الفظيعة و ما شفت أي هدف
بس ضحكتني والله لعلمك يا فطحل انو الموضوع يللي اسمو "أحزاب أخوية" واسأل يللي أقدم منك انحط أول موضوع يعني قبل ما يتأسس حزبنا ووقتها انا رديت وقلت اني بنضم للسيد المكاوي وبعدين نزلنا موضوع أعلنا فيه تأسيس الحزب

فيا حلو ما تخترع من عندك شي

طيب إذا هيك معناتها أنا غلطان
بس فيني إفهم مين هوي السيد مكاوي لحتى يأسس عشر أحزاب و يعين قادتهم
يعني بدي افهم ليش عم تتهجم على كل الأحزاب اصلا الزميل ويللي أعلن بموضوعوا انو رح ينزلوا اهدافهم وهني ما قالوا ابدا انو حزبهم للتسلية وما بعتقد انا انو هوي هيك يعني بدك تقول انو ويللي يللي الو قيمتو بالمنتدى جاي يتسلى وانك انتا يابا جدي
أول شي أنا ما عم بتهجم أنا عم بنتقد
و بعدين أنا بحترم كتير ويللي بالمنبر الحر و أنا و ويللي إذا بتلاحظ بصف واحد بالمنبر ضد نظام الحكم الاستبدادي في سوريا
بس أنا بقلك أنو الحزب يللي هوي أسسو من إسمو ما إلو أية معنا
لك قراء شعارو و حكوم يا زلمي
خليك مأدب وتعامل باحترام
أنا مؤدب و بتعامل باحترام
بس لما بشوف غلط بدي قول هادا غلط
يعني بدي تقلي نحنا وين قلنا انو حزبنا للمعارضة فقط انا ما رح رد عليك اصلا المشرفين والأعضاء كلن بيعرفوا شو أهدافنا يللي فيك تشوفها بالسقيفة

متل ما السكران ما بقول أنا سكرن و الحرامي ما بقول أنا حرامي و الحزب المعارض من أجل المعارضة ما بقول عن حالو هيك
أنا متل ما قلتلك أنا قريت بياناتكون و ما عرفت أنتو ضد شو
هلق فهمني أنتو ضد شو
واخيرا بقلك الله يوفقك يا حلو
تسلم

[Hus]

حسون الغالي ..
انا شوي من فترة و لفترة مشغول و منشغل عن المواضيع تبعون الموقع (لهيك ما حيتسنى لي الرد، انا رديت بالأول لانك خبرنتي بالبرايفت انو الموضوع مهم .. وعليه وضحتلك وجهة نظرنا بالنقاط الي انت طرحتها .. رح بيكون صعب لديق الوقت اتابع الناقش وخاصة اني لو حقول شي تاني فحيكون تكرار لما قلته سابقا ، لهيك بستسمحك تلتمسي العذر ان لم اتابع الموضوع لاحقا للإنشغال)

أه في شغلة كمان

تاني شي بأسف تكون إدارة الموقع بتحمل هالفكر الطائفي
ما تخليني شك بقدراتك العقلية يا مان ..
ان كان من مثالي الأخير استنتجت اني طائفي او عنصري فبدي اضطر شك بقدراتك العقلية كتير..
خاصة وانو المثلا لم يحمل هذا المعنى بأي حال، هذا لو اعتبرنا انو لا بعرفك ولا بتعرفني؟؟؟؟؟

مو؟

[هموسه]

:shock: :shock: :shock: :shock: :shock:

:? :? :? :? :? :? :? :? :? :? :? :? :? :? :?

:pos:

[حسون]

ما تخليني شك بقدراتك العقلية يا مان ..
ان كان من مثالي الأخير استنتجت اني طائفي او عنصري فبدي اضطر شك بقدراتك العقلية كتير..
خاصة وانو المثلا لم يحمل هذا المعنى بأي حال، هذا لو اعتبرنا انو لا بعرفك ولا بتعرفني؟؟؟؟؟

مو؟

طيب خيو وضحلي شو قصدك بهالمثل لأنو يا أما هادا مثل بدل على شكل ما طبيعي من الطائفيي يا أما أنا أهبل

[Hus]

انا دقيق بعباراتي..
انا قلت
وانزيل نيح سيدي خالد بنص السوق..
وحرصت على ذكر نص السوق لنقل محور الفكرة من سيدي خالد الى نص السوق !
يعني المراد انو بمنطقة فيها جهل كبير .. قابلية الإنصياع ونزعة القطيع بتكون متنامية جدا ..
واستعدادية هال الأفراد لتصديق اي شيئ والإنصياع لأي شيئ كبيرة جدا ..

[السيد المكاوي]

الأخ المحترم حسون


اولا وفبل كل شئ حزبنا لا يهدف للمعارضة من اجل المعارضة فقط كما ذكرت

وكان بإمكانك قراءة ما كتبة العماد حموزة بأننا معارضة فعالة لصالح الأخوية

واهداف حزبنا كانت واضحة جدا ولكنك لم تفهم معناها جيدا

وكل هدفنا هو مساعدة الأدارة والمشرفين لتطوير المنتدي

كما ان حزبنا شامل ويعبر عن افكار الشباب والجيل عن طريق المجموعة الشابة المنضمة للحزب

وانا مع حموزة فيما ان كنت لاتريد تأسيس حزب خاص فهذا لا خلاف فيه ولا يضيرنا بشئ ولكن نرجوا منك التعامل بإحترام مع الأخرين بدلا من الأستهزاء بالأحزاب التي بدأت الخطوة الفعالة مثل حزبنا وحزب ويلي


والسلام ختام

[حسون]

وحرصت على ذكر نص السوق لنقل محور الفكرة من سيدي خالد الى نص السوق !
يعني المراد انو بمنطقة فيها جهل كبير .. قابلية الإنصياع ونزعة القطيع بتكون متنامية جدا ..
واستعدادية هال الأفراد لتصديق اي شيئ والإنصياع لأي شيئ كبيرة جدا ..

إذا قصدك عن الجهل و المناطق يلي فيا جهل هاي مناطق ما بيعرفوا يفتحوا الإنترنيت فيا
وكل هدفنا هو مساعدة الأدارة والمشرفين لتطوير المنتدي
بكل بساطة الإدارة و المشرفين عم بطوروا المنتدى من قبل ما حزبكن يطلع و هاي شغلي أنا بعترف فيا
بس سياسة الإدارة يلي بتحاول تضل ماسكي كلشي دون أن تتغير هاي سياسي استبداديي إضافة لإهمال الإدارة لمنتدى الأخويي يلي صار مؤخرا
يعني و بعبارة واضحة الإدارة لازم تتغير
أما تقولولي بدكون تساعدوا الإدارة و المشرفين بتطوير المنتدى يعني ما بدكون تعملوا شي
بالأحزاب التي بدأت الخطوة الفعالة مثل حزبنا وحزب ويلي
لك بس فهمني عن أي خطوي فعالي إنتا عم تحكي
والسلام ختام
أهلا و سهلا