-
عرض كامل الموضوع : من رباعيات صلاح جاهين(بالمصرية الدارجة)
أنا شابّ لكن عمري ولاألف عام
وحيد ولكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي !!!!
نظرت فوقي للنجوم وأنا ساير
رجليّا عِتْرت في الحفر والحجاير
بقيت أقول وأنا ع التراب : ياسلام
مش بس عبرة أخدت لكن عباير
عجبي!!!!
سرداب في مستشفى الولاده طويل
صرخات عذاب ورا كلّ باب وعويل
وفي الطريق متزوقين البنات
متزوقين للحب والمواويل
عجبي!!!!
سمعت نقطه ميّه جوه المحيط
بتقول لنقطه ماتنزليش في الغويط
أخاف عليكي م الغرق..قلت أنا
ده اللي يخاف م الوعد يبقى عبيط
عجبي!!
مرسي كتير الله يعطيكي العافية :D
الله يعطيك العافية كلام حلووووو
:D :D :D
نظرت في الملكوت كتير وانشغلت
وبكلمة (ليه؟)و(عشان ايه) سألت
أسأل سؤال.. الرد يرجع سؤال
وأخرج وحيرتي أشد مما دخلت عجبي
بلياتشو قال إيه بس فايدة فنوني؟
وتلات وقق مساحيق بيلونوني
والطبل والزمامير وكتر الجعير
إذا كان جنون زبوني زاد عن جنوني عجبي
غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون... وليه
رسمت ورده وبيت وقلب وعلم
عجبي
ياعندليب ما تخافش من غنوتك
قول شكوتك و احكي على بلوتك
الغنوه مش ح تموتك إنما
كتم الغنا هو اللي ح يموتك
عجبي
بما انى مصرية اسمحوا لى ان اضيف جزء من رباعيات صلاح جاهين
رباعيات صلاح چاهين
قلبي عليل يا ناس و في الكاس دواه
مديت له إيدي شربت م اللي حــــواه
جنبي الشمال خف .. اليمين اتــــوجع
و إيه يداوي الكبد م اللي كـــــــــــواه
عجبي!!
.. دي مزكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!
دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!
- الدنيا من غير الربيع مــــــــيته
ورقة شجر ضعفـــــــانه و مـــفـــــتــته
- لا يا جدع غلطان تأمل وشوف
زهر الشتا طالع فــــــــي عز الشـــــتا
عجبي !!!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!
سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!
فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!
كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي !!
النهد زي الفهد نط اندلع
قلبي انهبش بين الضلوع و انخلع
ياللي نهيت البنت عن فعلها
قول للطبيعة كمان تبطل دلع
عجبي !!!
صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!
كرباج سعاده وقلبي منه اجلد
رمح كأنه حصان و لف البلد
و رجع لي نصل الليل و سألني .. ليه
خجلان تقول انك سعيد يا ولد
عجبي !!!
محمد ابراهيم
23/03/2006, 05:22
يعني بس مشان انتي مصريه؟؟؟؟؟؟؟؟؟!!!!!!!!!!!!عجبي
منرحب فيكي كلنا هون
نورتينا
والله موضوع عليه القيمة ومرتب...........الله يعطيكون العافية جميعا عاهل الكلام الحلو........
انا متشكرة ليكم اوى وماتزعلش يا سيدى عشان قولت مصرية وبعدين انا من عشاق نزار قبانى وهو سورى يعنى الحكاية واحدة وفى بيتها
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
محمد ابراهيم
23/03/2006, 05:51
انا متشكرة ليكم اوى وماتزعلش يا سيدى عشان قولت مصرية وبعدين انا من عشاق نزار قبانى وهو سورى يعنى الحكاية واحدة وفى بيتها
كده خرجت من بيتها يا حلوه ;-)
عشان انا مصري:shock: :shock:
وحياة شبرا والعتبه والفول والطعميه :cry: :cry: :cry: :cry:
كده خرجت من بيتها يا حلوه ;-)
عشان انا مصري:shock: :shock:
وحياة شبرا والعتبه والفول والطعميه :cry: :cry: :cry: :cry:
هههههههههههههههههه
طلعت شبراوى يعنى امال لية اللهجة دى رغم ان اسمك فعلا ماشى مصرى اوى وكنت مستغرباة فى المنتدى بس ماشى ياسيدى حلوة منك
محمد ابراهيم
23/03/2006, 06:04
عايزاني اكتب هيروغليفي
ولا قاصدك اللهجه العاميه المصريه ؟؟؟؟؟؟؟؟؟
كنت بهزر معاكي شويه بالسوري ...........
واهلا وسهلا بيكي فالمنتدى ..نورتينا
ممكن تكلمي شويه عن نفسك.......
محمد ابراهيم
23/03/2006, 06:05
صحيح
اشمعنى شبراوي
مش ممكن مسكاوي (من الموسكي )
ولاحتى حلوان او اي حته حتقولي عشان قلت شبرا ..طيب مانا قلت العتبه ...
وعالعموم لما الواحد بيحلف .....بيحلف بالمعروف والمشهور............
انا ما اخدتش بالى من عتبة دى وكلها محصله بعضها وبعدين كنت هقولك عتباوى يعنى وميرسى ليك يا عسل والمنتدى منور بيك
محمد ابراهيم
23/03/2006, 06:11
انا ما اخدتش بالى من عتبة دى وكلها محصله بعضها وبعدين كنت هقولك عتباوى يعنى وميرسى ليك يا عسل والمنتدى منور بيك
ياستي مانا عارف بس مبحبش الغرور:oops: :oops: :oops: :oops:
عالعموم انا فعلا شبراوي ...حتى باين عليا....:clap: :clap: :clap:
يعنى طلعت فعلا شبراوى اهو بس عارف انك عسل ولاانك منور وبعدين كنت بجاملك متصدقش اوى كدة
محمد ابراهيم
23/03/2006, 06:28
يعنى طلعت فعلا شبراوى اهو بس عارف انك عسل ولاانك منور وبعدين كنت بجاملك متصدقش اوى كدة
ايه دا ايه دا انتي بتعاكسيني :oops: :oops: :oops: :oops:
بس عشان الشباب بيغيرو:clap: :clap: :clap:
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة