ممكن شوي من وقتك

[ramrom]

مرحبا اخواتي

بدي اسأل للي ساكنين بالشام شو المراكز المنيحة لتعليم العزف عالجيتار والبيانو

ووين احسن منطقة بالشام الواحد يفتح محل ملابس سبورات فيها

:tears: راح تساعدوني ولا لأ

:waa3:

[krimbow]

مرحبا رمروم

بالنسبة للغيتار عندك المركز الثقافي الروسي يللي بشارع 29 ايار
و في كمان مركز خالد خالد يللي بالطلياني
و في مركز الشبيبة للموسيقا يللي بالشهبندر

و بالنسبة لمحل سبورات .... يعني حسب المحل اديش ميزانيتو
ازا كبيرة و بدك ناس سينيه عندك المالكي او ابو رمانة حد نورا
ازا الميزانية منيحة مشان الديكور و هالشغلات عندك الشعلان و عندك القصاع و عندك الصالحية

و فيكي كمان تفتحي بجرمانا او الدويلعة كمان الشغل فيهم قوي

في كتير اسواق بالشام بس هي الاسواق المركزية و التقليدية ...

بس اهم شي انو تفتحي ع الشارع العام باي سوق لأنو ازا فتحتي بشي حارة من حارات الشارع الاساسي رح تكشي دبان

و عجلي افتحي هلأ لأنو موسم ( عيد الفطر و بعدو عياد الميلاد و راس السنة و هيك )

وينك انتي ما عم نشوفك ؟؟؟

[ramrom]

احلى كريمو
يسلمو اول شي عالرد السريع
انا هون بين الايادي عم جهز حالي للسفر قريبا بكون بالشام

بالنسبة للمحل ما بدي شي سينييه بدي شي هيك انو الكل يقدر يروحو ويشتري منو يعني ما بدي ناس سينيه عندك المالكي او ابو رمانة

يعني قولتك جيرمانا منطقة منيحة للمحل؟ لجميع المستويات
:sosweet:

يسلمو كريمو مرة تانيه عالرد السريع
:sosweet:

[zen]

مرحبا
خيتي
بس كمان لاتنسي منطقة المزة كتير منيحة
وبيمشي فيها السينيه والشعبي
ومشان الغيتار متل ما قللك كريم
خالد خالد المركز الثقافي الروسي وانا بزيد عليه المكز الثقافي الاسباني بالمهاجرين
:D :D :D :D :D :D :D :D

[ramrom]

:D :D يسلموووووووو زينووووووووووو

شو شباب لما نفتح المحل بتشترو من عنا ما هيك

دعاية مجانيه

8) 8)

[Willi]

لك شو بدك بالشام كلياتها
روحي على حمص احلا الشي


الله يوفقك رمروم
ومو على كيفهون غصب عنهون بدهون يشترو
خدي عنوان كل عضو عايش بالشام بالمنتدى
وروحي دوري عليهون اشحطيهون واحد واحد عالمحل خليهون يشترو

[ramrom]

;-)
أي willi
لكان هات عنوانك لتكون اول واحد وبنعمل توصيل للمحافظات كمان

:D :D :D

[Willi]

اي انا بأميركا

تفضلي وصليلي ياهون
بس التوصيلة على حسابك

[ramrom]

انا ببعتهم بال aramex
وبقلن التوصيل على حساب المستلم
:tomtom:

[Willi]

ما بستلم شي انا ما دخلني

[zen]

انتي فتحي بالمزة
وشوفي الدعاية كيف بتكون
:gem: :gem: :gem: :gem: :gem: :gem: :gem:

[zen]

انتي افتحي المحل بالمزة
وشوفي الدعاية
:gem: :gem: :gem: :gem: :gem:

[أدونيس]

لك شو بدك بهالحكي ..تعي لهون عاللاذقية ..أحلى جو ..وما في أكتر من الناس اللي بتحب اللبس والشياكة عنا ..:ok: :ok:
يعني وين ما فتحت المحل ..بيمشي ..8)
تعي بتصيري مليونيرة ..بظرف سنة ..;-) ;-)
ما رح تندمي ..
واللي ما بيشتري .من عندك ..منشلفو بالبحر ..عالطاير ..:o :o
شو رأيك ..فرصة ما بتتعوض ....:) :)
سلام ..:tomtom: :tomtom: :tomtom: :tomtom:

[ramrom]

:o 8)
صار عنا ابضايات ودعايات قبل ما نقرر وين بدنا نفتح المحل

خلص ما تزعلو
بنفتح كزا فرع
بس ليمشي الفرع الاول بس ينفتح المحل تعو شجعوه انتو واشترو منو بنقوم احنا بنتشجع وبنفتح افرع تانيه باللاذقية وحمص

:sosweet: :sosweet:

يسلمو كثير عا اهتمامكم

[abc]

في المركز الثقافي الروسي او البريطاني سوف تجد نخبة الاساتذة