مظاهرة ضد الخوف

[yass]

أصدقائي الأعزاء أعضاء منتدى الأخوية:
بحب أنو اقترح عليكون أنوةهالموضوع اللي أنا فتحتو هون بيكون مظاهرة , مظاهرة ضد كل شي غلط, كل شي مانو دغري, لازم نقول اذا في شي ما نو عاجبنا, شي نفكر أنو مانو دغري, وقبل كل شي , لازم تكون مظاهرة ضد الخوف.....
بقترح أنو كل واحد فينا يفتح رد بهالموضوع ويكتب عن شي مو عاجبو بالبلد , ما في تابوهات, ما في ممنوعات...أساسا هون ممنوع المنع!!!!
يالله يا جماعة....همة
مع أطيب التمنيات :D :D

[yass]

بحب أنو أنا ببلش, و أنو تكون مشاركتي صرخة بوجه كل ظالم يسجن شخص بسبب آرائه و أفكاره, صرخة بوجه كل مين بدو يفكر عني , ويحكي باسمي و يخنق كلماتي..
الحرية لكل سجناء الرأي...الحرية لشعبنا....لا للديكتاتورية

[drhas]

امممممممممم انا بفضل ما احكي لانو كلشي تمام هون بالنسبي لغير دول

[Joe]

متل مين يعني غير دول؟
بتغلاديش صارت احسن من سوريا بالترتيب العالمي الاقتصادي
:?

[Joe]

انا شخصيا برفض المهزلة المتملثة بالجمعية المعلوماتية السورية و قراراتها العوجاء مثل منع الReal ip في البلد ... و متل بيع الغيغا بايت من المساحة على الانترنت بسعر خيالي هوي 1400 دولار اميركي بالسنة... بينما التكلفة الحقيقة لا تتجاوز 30 دولار بالسنة

نصب و جهل و حيونة و محاولات يائسة للوقوف في وجه التقدم... أتمنى لو أعرف كيف يفكرون

أحتقر ايضا المسؤولين عن فوج الاطفاء في مدينة دمشق (و ليس رجال الاطفاء).. الذي تأخر 3 ارباع الساعة عن الحريق الذي شب في كلية الحقوق... و وصل بدون سلالم و صهاريج.
الحريق الذي كان بالامكان تجنبه لو كان يوجد جهاز انذار واحد تكلفته عشرة دولارات او طفاية حريق متل التي تستعمل في السيارات

[keko]

أنا برفض المهزلة اللي بيسموها عنا بالجامعة
أي نعم لانو هاي مو جامعات هاي بتشبه كل شي الا الجامعات
لك شو بدي إحكي لأحكي
لا علم ,,,, لا حياة سياسية ,,,,, لا نوادي اجتماعية ,,,,, لا حياة ثقافية ,,,,, لا فكر تنظيمي ,,,,,, لا تعايش وطني ,,,,,,
لك تعبت من كتابة لا ,,,
لك يا شباب قرف الله وكيلكن قرف
الدكاترة شلة قطاع طرق ما بيفهموا يفكوا الحرف
لك عميد كلية الهندسة المعلوماتية المدعو مهند رجب (الله يعطيه على قد نيتو) يا شباب ما بيعرف شو بتعمل ال_alt+tab
لك منظروا متل بياع المازوت
والله رئيس الجامعة ملتهي ببناء الملاعب للتنس و تزيين الجامعة بدل ما ينقبر على قلبو يهتم بمشكلة الكتاب الجامعي متل كليتنا نحنا صرلها 6 سنين ولهلق ما في كتاب جامعي وما في دكاترة مختصين ولك ما بنسترجي نحكي لانو شلة بلطجيي والله بضل بالجامعة من ورا هالحكي 20 سنة

لك الله يلعن هالحالة
وما بدي قول أكتر من هيك ورح كفي المسبات لحالي بالبيت
.... :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah: :aah:

[Anmar]

أنا برفض المهزلة اللي بيسموها عنا بالجامعة


جامعة شو يا شريك جامعة شو لك هاي جامعة قمامة :aah: :aah: :aah: :aah: :aah: :aah: :aah:

:cry: :cry: :cry: :cry: :cry: :cry: :cry: :cry: :cry: :cry: :cry: :cry:

[nana]

انا :aah: برفض (ومع انو بعرف انو ما جاية شي من ورا رفضي)هالمجتمع السخيف يلي انا محاطة فيو هالتفكير السطحي يلي انا مضطرة اسمعو وين ما بروح برفض العادات و التقاليد التافهة المسيطرة على عقول الشعب :aah:
كمان برفض :aah: هالواقع الكريه يلي بيكون شخص بعمر الشباب و مندفع للحياة و جواتو طاقة و بيحس انو بدو يعمل شي و اكتر شي بيعملو هو الوقفة متل الفاشلين بالشوارع او تقضاية الوقت و تضييعو بالمطاعم واللفة بالسيارات و الاغاني التاااااااافهةةةةةةةةةةةة ة
:aah: :aah: :aah: حدا يعملللللل شيييييييييييييييي :x
(مين قال انو انا عصبية) :mrgreen:

[Cube]

و ماذا نرفض لنرفض

جبهة وطنية تقدمية تتألف من ممثلين عن كافة أحزاب هذا الوطن التقدمية بقيادة حزب البعث العربي الاشتراكي... اه عفوا.. نسينا ان نقول ان أعضاء تلك الاحزاب في الحبوس و لم يبق منهم سوى الممثلين عنهم!

[dimozi]

أذا أنا بدي أرفض فبحب انو بلش من الشغلات الصغيرة و اللي بتعمل مجتمعنا تافه و مهمش .......

انا برفض الكذب اللي كلنا ما شاء الله اساتذة فيه ..... الواحد او الوحدة فينا بينزل من بطن امو كذاب و اللي بيقول الحقيقة الناس ما بتصدقو... انا برفض الوسخ و قلة النضافة و زت المحارم و الزبالة بالشوارع ........ انا برفض مخالفة القانون اد ما كان صغير ....... انا برفض الرشاوة مع انو ها الايام صارت شغلة طبيعية ......... انا برفض نقطع الشارع من غير ممر المشاة ..... انا برفض نسرع بالسيارات ...... انا برفض قلة الاحترام للدولة ........ و برفض قلة احترام ممثلي الدولة للمواطنين ....... برفض تمسيح الجوخ و المجاملات البلا طعمي .... بالاخوية خصوصا لانو صايرة ها الايام موقع لتمسيح الجوخ و التحيات كأنو قاعدين بشي سوق .......


ما بنخلص اليوم بس خلةنا نرفض شوي بركي بكرا بنبلش نطبق




و أسلموا رافضين

[الأستاذ]

أنا برفض أنو تكون كلمة مواطن ببلد غير بلدي مصدر عز ، و ببلدي مصدر ذل
و بكفي............................

[RAMO]

والله يا شباب اذا بدكن تحكو عن السلبيات فحدث ولا حرج
اول شي الموبايل شو مشان ال 600 ليرة كل شهر هاي ما اسمها نهيب للبشر السوريين
تاني شي ليش خدمات التقيلة بالهوتميل والمواقع التانية للموبايل محجوبة
تالت شي المدارس ليش البكالوريا هي عقدة للبشر بسورية بينما هي ولا احلى براتها

وليش وليش شي بيطفش بس مع هيك هادا ما بيعني انو نهاجر ونترك سوريا وللا شو رايكن انتو

رامو
:x :x :x :x :x :x :x :x :x

[mhmary]

أنا برفض أنو تكون كلمة مواطن ببلد غير بلدي مصدر عز ، و ببلدي مصدر ذل
و بكفي............................
أنا ما فهمت شو قصدق بالضبط بس أذا كان قصدق أنو الكلمة للمواطن ببلدك مالا قيمة وبغير بلد ألا قيمة
ألي شو هي هل القيمة وبأنو بلاد برأيك

[philip]

ياشباب شبكون والله عيب هالتذمر كلو شويعني اذا سكتنا شوي ما احسن مانسكت طول العمر وشويعني 600 ليرة اشتراك خليوي مندفعوا ما بيأثر وشو يعني الرواتب قليلة وفي بطالة كلو عادي عادي :cry: :cry: :cry: :cry: بس اطلعوا عالناحية المنيحة مثلا عالأمان عالحضارة عالدلعونا على بيت خالتي بااااااااااااااااااااي :cry:

[الأستاذ]

أنا ما فهمت شو قصدق

يعني قصدي أنو بغير بلاد فينو يقول الواحد عن حالو أانو هو مواطن و هو رافع راسو
أما عنا فالمواطن مدعوسسسسسسسسسسسسسس :(

[philip]

أما عنا فالمواطن مدعوسسسسسسسسسسسسسس

:aah: :aah: :aah: :aah: :aah: :aah: