-
عرض كامل الموضوع : حقيقة علمية جديدة
kimo-mimo
19/12/2009, 01:02
القدس العربي - لندن:
أعلن علماء في وكالة الفضاء الأمريكية (ناسا) أنهم اكتشفوا مؤخراً نتيجة للأبحاث التي قاموا بها طيلة العشرين عاماً الماضية أن كل النظريات السابقة بخصوص دوران الأرض حول الشمس خاطئة وأن الأرض هي مركز الكون وبقية الكواكب والنجوم والأفلاك هي التي تدور حولها.
وجاء هذا الإعلان في مؤتمر صحفي عقدوه في مقر الوكالة وقال رئيس الفريق الباحث "توم هالاويد" أنهم توصلوا إلى أدلة تدحض كل المعلومات السابقة وتؤكد نتائجهم وشكل هذا الخبر صاعقة مدوية بين العلماء الذين تهافتوا لدراسة هذه الأدلة وشكل الرئيس الأمريكي "باراك أوباما" لجنة من كبار العلماء في الولايات المتحدة الأمريكية للتحقق من صحة ما توصل إليه العلماء في (الناسا) وكانت هذه اللجنة برئاسة العالم "روبرت رزنيك" وعضوية عشرة آخرين من ألمع العلماء في كافة الأصعدة. وكانت جامعة (فيلادلفيا) أعلنت أنها ستتوقف عن إعطاء دروس الفيزياء التي ترتبط بموضوع مركز الكون وأنها سترسل فريقاً من كبار الأساتذة ومن بينهم البروفسور "جورج كرين" لديها لمؤازرة اللجنة التي شكلها الرئيس الأمريكي.
وقد كان هذا الخبر محط اهتمام جميع الصحف ومحطات التلفزة العالمية عموماً والأمريكية خصوصاً التي خصصت صفحات عدة وبرامج لمتابعة هذا الموضوع الذي شغل بال جميع العلماء والمهتمين بعلوم الفضاء والأرض والفيزياء.
ترجمة حنا يوسف - المصدر الواشنطن بوست.
عاشق اللادقية
19/12/2009, 01:17
عن جد معقوووووووول
من فترة وانا سمعان بهالحكي
رفيقي قلي كمان انو شاف البرنامج عال cnn
مشكور على الخبر أخي الكريم
بدنا الأخوى دارك نيس و ناصر يعلقو على الموضوع
يعتمدو ع رأي و يخلصونا بقى
طوشونا ياه :frown:
DARKNESS
19/12/2009, 08:05
شو مشان من وين جايبلي هالخبر:shock:
يعني الكنيسة القديمة كان معها حق بحرق كل مين عارضها:frown:
يا اخي ما الو اصل هالموضوع و الشغلة مبينة متل عين الشمس الارض عم تدور حول الشمس و الشمس بتدور حول مركز المجرة
انتهى
ابو نجبو
19/12/2009, 11:34
وين المصدر .....!
ولا معتمد على مؤسسة اغا خان كـمصدر لمعلوماتك .....!
ayhamm26
19/12/2009, 15:33
وين المصدر .....!
ولا معتمد على مؤسسة اغا خان كـمصدر لمعلوماتك .....!
الله يسامحك ماشفت حاططلك المصدر باول الخبر ...... القدس العربي رغم اني بحبشت و دورت من شوي وما لقيت هالخبر موجود الا بمنتدى تاني يعني لا القدس العربي و لا الواشنطن بوست الن علاقة بالخبر و بتمنى لو كنت غلطان يجبلنا الاخ رابط مباشر للخبر من هالصحيفتين
وبغض النظر عن المصدر هيك خبر لو كان صحيح كان انطبلت في الدنيا و كنت شفت قناة الجزيرة حطتو باول صفحة على موقعها لتثبت لقرائها الكرام انو نظرية مكة هي مركز الارض صحيحة.
عاشق اللادقية
20/12/2009, 00:32
وين المصدر .....!
ولا معتمد على مؤسسة اغا خان كـمصدر لمعلوماتك .....!
رجاء خليك محترم واحترم ثقافة ودين غيرك
مافي داعي لهيك تعليقات سخيفة
رجاء خليك محترم واحترم ثقافة ودين غيرك
مافي داعي لهيك تعليقات سخيفة
طيب بدل ما تنحمئ بهاد الشكل أزا عندك دليل أدمو و أزا ماعندك لا تعتب على غيرك لأنو المصدر مو مقدم أثبات كافي
بعدين وين الأهانة
ابو نجبو
20/12/2009, 04:36
رجاء خليك محترم واحترم ثقافة ودين غيرك
دين !! :shock:
.
وين جبت سيرة الدين !! :?
مافي داعي لهيك تعليقات سخيفة
السخيف اللي بيحط " حقيقة علميّة جديدة " جاييتو على ايميلو ......ونسخ لصق بدون مايتأكّد
لسّا و الاسخف اللي بيعتمد كلام "رفيقو" كمصدر لمعلوماتو ....
غيداء ذاك اسمي
20/12/2009, 13:35
فكرت حالي رح اقرا موضوع علمي ونقاش حوله قمت لقيت خناقة
عطونا المصدر الله يرضا عليكم
أإأبو العبد
20/12/2009, 14:11
انا اعترض
لان الانسان هو مركز الكون والكواكب والمجرات والدنيا كلا بتدور حولو
والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish:
أإأبو العبد
20/12/2009, 14:14
عن جد معقوووووووول
من فترة وانا سمعان بهالحكي
رفيقي قلي كمان انو شاف البرنامج عال cnn
والدليل ئلولو
marochka
20/12/2009, 15:07
انا اعترض
لان الانسان هو مركز الكون والكواكب والمجرات والدنيا كلا بتدور حولو
والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish:
والدليل ئلولو
أنا معك مية بالمية، وبعتقد أنو جلدة حنفية منزوعة كمان:p
أإأبو العبد
20/12/2009, 15:19
أنا معك مية بالمية، وبعتقد أنو جلدة حنفية منزوعة كمان:p
ايه مزبوط حتى بالعلامة انو الانسان بيصير معو تسريب باوقات معينه باليوم :p
عاشق اللادقية
20/12/2009, 15:52
ولا معتمد على مؤسسة اغا خان كـمصدر لمعلوماتك .....!
انا اسف اذا ردي كان قاسي بس هيدي الجملة ما بحقلك تكتبها بهالشكل
طول بالك يومين لتعرف شو قصة الموضوع
kingknights
20/12/2009, 18:19
شو ابو العبد شو هالحكي مهعقول جلدة حنفية بس انت هيك ما عم تحدد هالحنفية مي باردة ولا ساخنة
لانو بتفرق
ابو نجبو
20/12/2009, 20:21
طول بالك يومين لتعرف شو قصة الموضوع
:lol:
يومين ....
كنّي المصدر لسّا مو متأكد من المعلومات ...!!
يثبّت الموضوع ...بانتظار المصدر ....
:lol:
مجنون يحكي وعاقل يسمع
20/12/2009, 20:53
انا اعترض
لان الانسان هو مركز الكون والكواكب والمجرات والدنيا كلا بتدور حولو
والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish:
مرحبا خيو أبو العبد
يا سيدنا إذا كان الإنسان أصلو جلدة حنفية بيكون مركز الكون الحنفية مو الإنسان وطالما جلدة الحنفية هو الإنسان يا لطيف ويا ستار شو بدو يصير زلازل وكوارثر من هيك جلدة
وأصلا هيك بتصير النظرية أظبط من أنو الأرض مركز الكون
وسلملي على زغلول النجار وقلّو يختفي لأن إذا شافو حدا من جماعة داروين رح تكون اكتملت الحلقة المفقودة
marochka
21/12/2009, 11:47
:lol:
يومين ....
كنّي المصدر لسّا مو متأكد من المعلومات ...!!
يثبّت الموضوع ...بانتظار المصدر ....
:lol:
لا بس بدّون يومين ليقنعو الشمس تبرم حول الأرض وليقنعو الأرض تجمد محلا بقا وتخلي دور لغيرا بالفتل.
achelious
21/12/2009, 16:52
أنا بحبشت عن الموضوع ولقيت عاليوتيوب نظرية لطيار سوري بأكد أن الأرض لاتدور حول نفسها ولا حول الشمس
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ابو نجبو
21/12/2009, 19:16
أنا بحبشت عن الموضوع ولقيت عاليوتيوب نظرية لطيار سوري بأكد أن الأرض لاتدور حول نفسها ولا حول الشمس
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هلاء هي القصّة صرلا فترة طويلة طالعة ...قريب السنتين...وماحدا التكش بكلام الزلمة ....سوا المنتديات الي ناسخة الموضوع ومتناقلتو بحذافيرو......مافي مصدر موثوق ناقل هالخبر ...
أنا بحثت كتير عن موضوعنا هاد ...اللي على حسب زعم صاحب الموضوع صادر من وكالة ناسا...ماوجدت الا بعض المنتديات الدينية ومنتديات مشكور و تقبّل مروري ...ناقلة الموضوع كمان بحذافيرو "نسخ -لصق " مالو أي مصدر موثوق حاكي عنّو ....لا القدس العربي و لا موقع ناسا و لا البي بي سي ....
فـبانتظار نهاية مهلة اليومين لنشوف مصدر الخبر الموعودين فيه...
اخوية نت
بدعم من : في بولتـين الحقوق محفوظة ©2000 - 2024, جيلسوفت إنتربـرايس المحدودة