عمنا المسحراتي, لايمتى.... [الأرشيـــــف]

Nihal Atsiz

25/08/2009, 15:25

مع كل رمضان تتكرر مأساتنا من جديد ويتخربط نظام النوم وما عد نعرف لا نفيق الصبح ولا نشتغل ولا ندرس وبنتم نعسانين طول النهار وكلو مشان حضرت جناب المسحراتي ذو العصا والطنجرة اللي ببلش خبط فيون بعد نصاص الليالي ليطلع صوت يفيق الأموات قبل الاحياء بحيث ماعد فيك تنام من بعدو.

انا بدي اعرف لايمتا رح تضل هالظاهرة منتشرة بمدينة دمشق؟؟ للأبد على خير؟
يعني فهمنا من زمان كانت شغلتو يفيق هالعالم مشان ما يروح عليها السحور, بس هلئ شو الفائدة منو بوجود الموبايل اللي بيقدر اي واحد يربط المنبه فيه لأي ساعة بدو اياها.
واللي ما معو موبايل يا سيدي انا بجبلو منبه ابو الخمسة عشرين ليرة من بسطات البرامكة بس يبطلولنا شغلة هالمسحراتي بقى.

jovia

25/08/2009, 15:33

هلا من كل عقلك بدك تجيب لكل اهل الحارة منبه ابو الخمسة وعشرين ليرة ما بقى بتلحق لهيك خليه يطبل ليشبع ...
بعدين بيجوز بيطبلو بس مو كل يوم والصوت عندي ما بيصل قوي لانو بسابع طابق بيتي محسوبتك .. بس بلكي من شان يدق ع بابك اخر رمضان متل العادة ويتحجج بمنية انو عم بيفيقك وانت ولا بعمرك شفتو ولا بتعرفو بيقلك ايدك عالعيدية :p

يمان Rooooonaldo

25/08/2009, 15:40

اي يا بي ..

كرمال ال 100 وال 200 ورقة اللي بدن ياخدوا اخر الشهر

نحنا بحارتنا اتفقنا معو .. ونزلا قلنالو لك ابي تعا اخر الشهر وخود بس روق ولا بقا تمر من عنا .. قام قال اوك ..

وهيك كمان ما عاد خلينا .. هدول اللي مالن .. لا بيفتلو ولا شي .. يجو ..

وهاكزا ..

DARKNESS

25/08/2009, 15:41

بالعكس المسحراتي مظهر كتير حلو من مظاهر رمضان بعدين المسحراتي ما بيفوت الا عالبيوت اللي بتقلو يفوت عليها

و ما بيسبب اي ازعاج عا كل حال انا ما بتذكر اني كنت نام الا بعد ما يروح المسحراتي بزمان

بالإمارات ما عندن المظاهر اللي عنا ياها و انا كتير بحب هالعادة و التقاليد الرمضانية عنا

و لازم تضل مستمرة لأنو ألها جوها الخاص

سلام:D

jovia

25/08/2009, 15:47

ابو اليمن اكد على كلامي انو طابو رسمي .. يعني كل وجعة هالراس كرمال العيدية والمنية انو عم بيعزب سواعدو وبيدقلك لتفيق حضرتك شفت هالمنية شو كبيرة بحقك :?... ليك بالنهاية مو كل المسحراتيين متل بعض يعني ما كلون لطفاء بس بحسون اغلب الاحيان بيستدعو منك الشفقة او انو بيمثلو دور الفقير الغلبان يلي ما معو قوة يومو اخر الشهر .. لانو في منون كزابين كتير وما منفتحلون الباب ..:p

ويا سيدي هاد مظهر حلو بس مو دايما اي خلو العالم تنام لسا ما صار السعة 2 ونص بيبلش يرقعلك بهالطبلة مدري الطنجرة ع قولتك :pos:

Nihal Atsiz

25/08/2009, 15:47

بالعكس المسحراتي مظهر كتير حلو من مظاهر رمضان بعدين المسحراتي ما بيفوت الا عالبيوت اللي بتقلو يفوت عليها

و ما بيسبب اي ازعاج عا كل حال انا ما بتذكر اني كنت نام الا بعد ما يروح المسحراتي بزمان

بالإمارات ما عندن المظاهر اللي عنا ياها و انا كتير بحب هالعادة و التقاليد الرمضانية عنا

و لازم تضل مستمرة لأنو ألها جوها الخاص

سلام:D

الله وكيلك مافي بيت بالحارة قايلوا يفوت, لك أصلن نحن ما حدا عنا بالحارة بصوم ومع هيك عم يطربنا كل يوم بتغريده .
واذا بدك هالعادة تضل مستمرة اترك الامارات اللي مافيها هالعادة وتعال عيشلك شي اسبوع زمان عنا بالحارة لحتى تشوف اذا في ازعاج شديد او لا.

mblue

25/08/2009, 15:48

يعني هو مظهر فلكلوري مو اكتر ... يعني المسحر اقترن برمضان وهيك ... ومشان هالمعتر يضمن قرشين على هالعيد .
بس معقول انه هالدقتين اللي بدقهن بفيقوا العالم وما بخلوهن ينامو ؟ يمكن مبالغة شوي ما ؟!! :p

khaliiiil

25/08/2009, 15:50

المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم

jovia

25/08/2009, 15:54

ممم هلا اسلوب خليل مو حلو منوب شلون يعني يقعد ع قلبنا انا من ناحيتي ما عم يوصلني ازعاجات بس في ناس يا اخي مو مسلمين يسطفلو كمان هدول بدو يفيقون ع سحور .. يعني حتى المسلم بيكفروه ثم بدي قول شغلة رمضان حلو وجو رمضان كتير بيعجبني عالرغم من صعوبتو عند البعض بس جو رمضان حلو كتير واسطفل انا برايي ما الك حق تقول خليه قاعد ع قلبكون ما حلو هالرد منوووب ترى:frown:

يمان Rooooonaldo

25/08/2009, 16:02

لمسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم

انو بالله .. كفين كفين كمان للشبيبة بطريقك وانت ماشي يعني ..

!

ااي اما شو دينا هالطريقة من مناقشة وهيكه طريقة حكي خيالية ...

حاجة مشان الله بقا حاجة ..

يمان Rooooonaldo

25/08/2009, 16:05

بس معقول انه هالدقتين اللي بدقهن بفيقوا العالم وما بخلوهن ينامو ؟ يمكن مبالغة شوي ما ؟!!

لا والله يا شريك .. ما مبالغة ..

عني من شي سنتين وقبل ما يتفقو معو .. معليم ..

كان الله وكيلك كل يوم يجي ويمر من ال 2 ونص طيب الفجر بيأدن عال 5 كان .. انو والله بكير كتير لسا

ويطلعلو المزكور جارنا الله يزكرو بالخير عمك اب يوسف بالباجوق العالي من فوق .. وامك واختك وانت نازل وتعلق بيناتن .. يحرق كفرو شو كان راسو يابس .. كل يوم .. يجي بنفس الوقت .. لحتى .. وصلت معو هاد الجار اللي فوق عقد مانو مشرشح .. انو نزل تقاتل معو تحت وجابو الشرطة :p .. بقا شريك .. يعني هوة بيدايئ بيني وبينك ..

mblue

25/08/2009, 16:17

ل.

كان الله وكيلك كل يوم يجي ويمر من ال 2 ونص طيب الفجر بيأدن عال 5 كان .. انو والله بكير كتير لسا

لك هو قلبه عليك ... مشان ما تروّح عليك السحور وتقضيها جوع وفشفشة بهالعباد تاني يوم :lol:

ويطلعلو المزكور جارنا الله يزكرو بالخير عمك اب يوسف بالباجوق العالي من فوق .. وامك واختك وانت نازل وتعلق بيناتن .. يحرق كفرو شو كان راسو يابس .. كل يوم .. يجي بنفس الوقت .. لحتى .. وصلت معو هاد الجار اللي فوق عقد مانو مشرشح .. انو نزل تقاتل معو تحت وجابو الشرطة :p .. بقا شريك .. يعني هوة بيدايئ بيني وبينك الله يعينه لاب يوسف ... بس يمكن يكون متل ما عم تحكي اذا بالحارات القديمة والصغيرة يكون في ازعاج بالموضوع ...!!! على كل هي كم يوم بهالسنة بيمضوا بالطول بالعرض كيف ما كان ... وأغلب العالم عم تبقى سهرانة للصبح بقى بعينكن الله :D

شامي للنخاع

25/08/2009, 17:08

يعني من جهتي أنا بحبو للمسحراتي..أبو طبلة........بس يعني متل الوضع عند الخال هون.........يعني ما حدا بيصوم بل الحارة......يئطع عمورو شو مطيلس...........هفففففففففف مسخرة حتى بهل الئصة صار سلبطة
بعدين من شان حجي خليل....شبك معصب.........مين ئال الناس بدا تلغي رمضان
أيدي بزنارك طولي يا لبلك......من شان الدنيا صيام.....يصرلك شي والله خطي

وردة حماة

26/08/2009, 12:00

أنا من جهتي بحب المسحراتي كتيير
ولأني بالغربة بحاول حدد موعد زيارتي على سوريا
لتشمل كم يوم برمضان
لأن ما بحس بجو رمضان الا بالمسحراتي عند الصبح والعيد كمان

طيب انتو اذا زاعجكون المسحراتي اذا كنتو غير مسلمين او ما بتصومو
ليش ما بتحكو معو لما يوصل على بيوتكن ما يدئ
وبالنسبة للمسحراتي فهو انسان أنا كتير بحبو بحترمو
لأنو بيفيق حالو بنص الليل ليفيق الناس
وشغلتو مو سهلة بنوب
برأيي هو أصلا ما بيشتغل هالشغلة الا اذا كان بحاجة مصاري
لأن لما يدو يفيق من الناس صباحية العيد لياخد العيدية
شغلة مو سهلة بنوب لأن هيك بيطلب من الناس
وبرايي ابشع شي الطلب من الناس وخصوصا هالايام.

الله يعطيه الف عافيه للمسحراتي.

يمان Rooooonaldo

26/08/2009, 12:18

طيب انتو اذا زاعجكون المسحراتي اذا كنتو غير مسلمين او ما بتصومو

أبدا .. مالو علاقة هالشي .. هي انا مثلا عنجد بدايق منو ..

انو هلا صارت شغلة عالفاضي .. ومتل شحادة .. بس .. انو بصيغة تانية ..

احيانا فعلا .. بحب انو يكون عنا هيك تراث مثلا او .. تقاليد ... بس حلوة يعني ..

بس بالمقابل .. وقت يجيني .. عالساعة 2 .. الصبح عم يدق .. ويفيقني .. ويدايقني .. قبل بوقت معين ..

اي يعني هلا نحنا .. بالقرن العشرين وما عاد الو هاللازمة لانو ايام زمان ما كان في منبه وساعات .. لزلك كان مهم ..

وعفكرة هوة ما عم يدق بيت بيت .. وقت يكون جاية .. من تحت من البناية عم يدق .. عالطبلة .. بيفيق الكل .. لانو دقتو عالية وصوتو عالي .. وخصوصي ازا في ولاد او شي .. اي والله بينقزو ..

شكلو مسحراتي جديد هاد .. وبدو اب يوسف يطلعلو .. :p

Barleb

26/08/2009, 14:22

المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم
انشالله مافي شي ؟

MadMax

26/08/2009, 14:27

المسحراتي بكل سوريا .... بدق على طبلة صغيرة ..

إلا عنا بجيب معو طبل ... شغل فرقة مراسم و حرس شرف

MadMax

26/08/2009, 14:30

معقول التصييف يللي صاير عنا بالمنتدى ..

صار يللي بيحكي عالمسحراتي .........كأنو عم يسب الاسلام .. أو القرآن شخصياً

الله يرحم ايام الشيخ لايص

Nihal Atsiz

26/08/2009, 14:32

المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم

اي طول بالك .. شو كفرنا يعني:?

او يمكن المسحراتي من اركان الاسلام الخمس ولا يمكن للايمان او الصيام ان يقبل من دونه:frown:

jovia

26/08/2009, 14:36

يلي بيحبو المسحراتي يجمعو حالون بشي حارة او حي ويسطفلو منون لطبل المسحراتي ... ما باقي علينا الا ندافع عن المسحراتيين بسوريا ع اساس هني شي مقدس ولا الرجل المجهول يلي بيصنع العجائب:frown:

khaliiiil

26/08/2009, 14:41

يلي بيحبو المسحراتي يجمعو حالون بشي حارة او حي ويسطفلو منون لطبل المسحراتي ... ما باقي علينا الا ندافع عن المسحراتيين بسوريا ع اساس هني شي مقدس ولا الرجل المجهول يلي بيصنع العجائب:frown:

لك مو هيك بس شي حلو يمر المسحراتي بالحارة و يطبل و يفيق النااس يعني هي عادة قديمة مو متعلقة بدين او شي
اي طول بالك .. شو كفرنا يعني:?

او يمكن المسحراتي من اركان الاسلام الخمس ولا يمكن للايمان او الصيام ان يقبل من دونه:frown:

لا خيو محشوووم

بس يعني كانو مسكريلي موضوع عن رمضان و طلعت بوشي انت :lol:

بس برجع بقلك انو المسحراتي عادة مو مرتبط او من ضمن الدين

jovia

26/08/2009, 14:53

يعني مو مستاهل هالمعتر نعمل عليه اختلاف بالراي هون بالمنتدى وهوي 200 ليرة عم بيلاقيون من الله اخر هالشهر

khaliiiil

26/08/2009, 15:00

اي و الله كل يووم عم ينبح صوتو الرجااال و رايح جاية و دق عالطبل كرماال ال 200 ليرة

يعني مو مستاهلة

I_Love_Syria

26/08/2009, 15:33

يلي بيحبو المسحراتي يجمعو حالون بشي حارة او حي ويسطفلو منون لطبل المسحراتي ... ما باقي علينا الا ندافع عن المسحراتيين بسوريا ع اساس هني شي مقدس ولا الرجل المجهول يلي بيصنع العجائب:frown:

فكرتي كتير لطلع معك هالحل :lol:

LiOnHeArT.3LA2

26/08/2009, 16:01

لك انو ..
مبارح ..
مرء المسحراتي لعنّا ..
مع انو ما من عادتو يمرّ ..
المهم وبلا طول سيرة ..
اول شي انبسطت .. انبسطت انبسطت ..
انو شو يبا .. مسحراتي ومدري شو .. وحسيتو بدو يدق جمب البناية ويعيطلنا بالاسامي:o
اول خمس دقايق .. تميت مبسوط ..
بعدين .. انو .. جلست نفسي تشاوشني .. اطلع حكّيه ولا لاء ..
وانا قلا لأ ..
يعني هلأ المسحراتي حلو ..
ازا كان مثلا بيبرم ببسكليتة ..
يعني هيكي عالسريع .. عالخفيف النضيف

وتجنّبا للهضامة المفرطة .. فيني قلكن .. انو اي .. فكرت كتير لطلع معي هادا الحل

سوا ربينا

26/08/2009, 16:04

انو بحياتي بحياتي ما شفتو .. ولا سمعت طبلتو لانو ما بيجي عنا ..:p

Barleb

26/08/2009, 17:37

فكرتي كتير لطلع معك هالحل :lol:

بخخخخخخخ

marochka

26/08/2009, 17:39

انو بحياتي بحياتي ما شفتو .. ولا سمعت طبلتو لانو ما بيجي عنا ..:p

هي حل أحسن، صدّروا شوية مسحراتية عالأردن من ضمن اتفاقية التجارة العربية.

سوا ربينا

26/08/2009, 17:43

هي حل أحسن، صدّروا شوية مسحراتية عالأردن من ضمن اتفاقية التجارة العربية.

لك في مسحراتيه عنا.. بالاردن عامة .. بس عنا بالمدينة يلي انا عايش فيها مافي ..:yahoo:
اي علي الجيرة والجرجيرة انو لو كون نايم وواحد يصير يطبل فوق راسي لاطلع طبل عراسو .. :frown:

marochka

26/08/2009, 17:46

لك في مسحراتيه عنا.. بالاردن عامة .. بس عنا بالمدينة يلي انا عايش فيها مافي ..:yahoo:
اي علي الجيرة والجرجيرة انو لو كون نايم وواحد يصير يطبل فوق راسي لاطلع طبل عراسو .. :frown:

معناتا الحل أنو يستوردوك عسوريا عالحارات المتضررة لتقوم باللازم

سوا ربينا

26/08/2009, 17:49

معناتا الحل أنو يستوردوك عسوريا عالحارات المتضررة لتقوم باللازم

:shock: بس هيك رح نقضيها بالسجن ..وازا مش بالسجن رح يصير في ثأر يعني يروح واحد يكون بدو يموت ويموت عن طريقي .. :cry:

يعني ما بيزبط شوفي غير حل ..:larg:

marochka

26/08/2009, 17:53

طول بالك يا زلمة أنو ضروري اللازم يروح بروحو للزلمة :adal:
خلص عمي نسينا قصة التار هي، خلص كل واحد يقلع شوكو بإيديه.. :D

سوا ربينا

26/08/2009, 17:56

طول بالك يا زلمة أنو ضروري اللازم يروح بروحو للزلمة :adal:
خلص عمي نسينا قصة التار هي، خلص كل واحد يقلع شوكو بإيديه.. :D

اي هوي لانو هاد يلي رح يصير ..:lol:

اي وهو كزلك كل واحد يقلع شوكو والمسحراتي بأيدو ..:p

Reemi

26/08/2009, 18:43

المسحراتي الى الابد

و خليه قاعد على قلبكوون

و يزعجكون الصبح و يتخربط نظاام النوم تبع حضرتكون

و تعطوه اخر الشهر العيدية الي بدوو

يعني ليش مدايقين من رمضاان ما بعرف

صار ما بقى بدكون يكون في رمضان

استغفر الله العظيم

بهنيك على هالاسلوب الحواري الراقي

I_Love_Syria

26/08/2009, 21:39

بخخخخخخخ

يعليك شو مهضوم من وين بتجيب كل هالهضامة
ليكون حدا دعسلك على طرف

khaliiiil

26/08/2009, 21:48

بهنيك على هالاسلوب الحواري الراقي

شكرااااا

:ss::ss::ss:

سوا ربينا

26/08/2009, 21:56

شكرااااا

:ss::ss::ss:

الله يبسطك كمان وكمان ..:lol:

khaliiiil

26/08/2009, 22:04

الله يبسطك كمان وكمان ..:lol:

عاراااسي ياا حب :larg:

المحارب العتيق

26/08/2009, 22:07

بوشك على تركيا . مابتلاقي مسحراتي

Black Orchid

26/08/2009, 22:11

المسحراتي بكل سوريا .... بدق على طبلة صغيرة ..

إلا عنا بجيب معو طبل ... شغل فرقة مراسم و حرس شرف

,والله عنا عم يدق عالطنجره:yahoo::yahoo::yahoo::yahoo:

Black Orchid

26/08/2009, 22:15

اي و الله كل يووم عم ينبح صوتو الرجااال و رايح جاية و دق عالطبل كرماال ال 200 ليرة

يعني مو مستاهلة

اه ياخد 200 ليره بس بلا هالخبيط:frown:

MadMax

26/08/2009, 22:35

اي و الله كل يووم عم ينبح صوتو الرجااال و رايح جاية و دق عالطبل كرماال ال 200 ليرة

يعني مو مستاهلة
هالـ 200 المو مستاهلة ... بتعمل معو أكتر من مية الف بشهر واحد
و كل راس مال الشغلة طبلة .. و شوية جعير

يعني ما بظن في مسحراتي ..... عم يسهر لوجه الله تعالى

روعة1

28/08/2009, 20:10

لا و الاحلى من هيك الخربطة اللي بتصير بخصوص المسحراتي..

مرة ع العيد.. اجا المسحراتي منشان ياخود عيديتو.. قمنا عطيناه ياها و مشي الحال...(مع انو ما منذكر ولا مرة اجا و فيقنا :lol:)

رد دق الباب.. كان مسحراتي تاني.. بدو عيديتو.. قلنالو هلأ اجا مسحراتي قبلك و اخد عيدية..
قام قلنا لاء اللي قبلي كذاب.. انا المسحراتي .. قمنا عطينا العيدية و راح (قلنا لحالنا بركي عن جد هو المسحراتي .. حرام يروح تعبو بلوشي..)

ولا برد بدق الباب.. :o

دق مين فتاح.. المسحراتي بدو العيدية..
اخر شي قلنالو مافي عيدية عمو.. الله و النبي معك..

يعني الشغلة كمان بتصير سلبطة ... :lol:

بس بخصوص الموضوع..
يعني هي شغلة ما عاد الها داعي اولا.. بوجود المنبهات ...
و مانون مجبورين الناس اللي بينزعجو منو انو يسمعو تانيا..

فانو.. خليكون ريلاكس.. الشغلة مو محتاجة لحتى حدا ينط و يقول مدايقين من رمضان و شبعرفني شو
بس لانو ما بحبو المسحراتي..!!

blackiris2009

28/08/2009, 20:25

بالنسبة الي المسحراتي مع انه ممكن نحكي انتهت موضته
وبطل اله داعي
انا كتير بحبه

وجد هو صوته مو جعير وما بو شي
وبالنسبة ازا اله دخل بازعاجكم من رمضان
مولازم ناخد الموضوع بهاي الحساسية

بس من اهم الاشيا الحلوة برمضان المسحراتي

Nihal Atsiz

30/08/2009, 15:07

بوشك على تركيا . مابتلاقي مسحراتي

ومين قلك مافي مسحراتي او مسحراتية:p
تفضل أقرأ وشوف.....

قامت إحدى البلديات بمحافظة إنطاليا التركية بتدريب خمس من الفتيات على عمل المسحراتي؛ لكي يقمن بالتجول في الشوارع في ليالي رمضان لدعوة الصائمين للسحور.

وتقول الطالبة الجامعية خديجة أونتش في حديث لها مع محطة القناة السابعة: "نريد أن نثبت أن المرأة قادرة على المشاركة في كل الميادين، كما أنه ليس هناك أي مخاطر أمنية على تجوالنا بالليل في رمضان".

أما الطالبة سَدان يوجا فتقول لجريدة "حريت" التركية "لقد تغلبنا على الخوف من التجول ليلاً بالعمل، والتجول سوياً".

وتشير الفتاتان إلى أنهما ترددان كلمات وأشعارًا مقتبسة من الأدب التركي .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

DARKNESS

30/08/2009, 15:23

ومين قلك مافي مسحراتي او مسحراتية:p
تفضل أقرأ وشوف.....

قامت إحدى البلديات بمحافظة إنطاليا التركية بتدريب خمس من الفتيات على عمل المسحراتي؛ لكي يقمن بالتجول في الشوارع في ليالي رمضان لدعوة الصائمين للسحور.

وتقول الطالبة الجامعية خديجة أونتش في حديث لها مع محطة القناة السابعة: "نريد أن نثبت أن المرأة قادرة على المشاركة في كل الميادين، كما أنه ليس هناك أي مخاطر أمنية على تجوالنا بالليل في رمضان".

أما الطالبة سَدان يوجا فتقول لجريدة "حريت" التركية "لقد تغلبنا على الخوف من التجول ليلاً بالعمل، والتجول سوياً".

وتشير الفتاتان إلى أنهما ترددان كلمات وأشعارًا مقتبسة من الأدب التركي .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اما يا سيدي شي بيشهيك تفيق عالسحور

حلوة والله النسوان تفيقك عالسحور يعني شغلة يا زلمة

.:D

Nihal Atsiz

30/08/2009, 15:25

اما يا سيدي شي بيشهيك تفيق عالسحور

حلوة والله النسوان تفيقك عالسحور يعني شغلة يا زلمة

.:D

طبعا اذا الشغلة فيها نسوان انا احتمال غير رأيي وطالب بابقاء هذا التراث العريق وتنسو اللي كتبتو أول الموضوع :lol:

DARKNESS

30/08/2009, 15:28

طبعا اذا الشغلة فيها نسوان انا احتمال غير رأيي وطالب بابقاء هذا التراث العريق وتنسو اللي كتبتو أول الموضوع :lol:

و أنا كمان حتى انو بجوز ارفع عليك شكوى لأثارتك هيك موضوع يمث بتراثنا العريق:p

و نشجع البنات اللي بحبو يشتغلو بكار المسحراتجية:sosweet:

.:D

يمان Rooooonaldo

30/08/2009, 16:48

ينعن اختو شو هالطبل ..

يا زلمة الدف الصغير كتير بكون مع المسحراتي يا دوب بأيدي ..

اي عليي ما عليي ازا طبلّت فوق راسي وانا نايم بهالطبل .. غير لحط هالتنتين جواتو .. وطبّل علين ..

قال مسحراتية قال ..:pos:

MadMax

30/08/2009, 17:10

ينعن اختو شو هالطبل ..

يا زلمة الدف الصغير كتير بكون مع المسحراتي يا دوب بأيدي ..

اي عليي ما عليي ازا طبلّت فوق راسي وانا نايم بهالطبل .. غير لحط هالتنتين جواتو .. وطبّل علين ..

قال مسحراتية قال ..:pos:
نفس الطبل يللي بمرّ بحارتنا