الاستفسارت المتعلقة بتعلم السريانية [الأرشيـــــف]

عرض كامل الموضوع : الاستفسارت المتعلقة بتعلم السريانية

suryoyo

06/08/2009, 19:58

الى الطلاب و الدارسين معنا ...

هذا الموضوع مخصص للاسئلة و الاستفسارت عن الدروس

و حتى لو وصلنا الدرس الثالث مثلا ... و لديك استفسار عن الدرس الاول ... لا تتردووا بالسؤال ...

بالموفقية للجميع ̣ :akh:

ورده بغداد

06/08/2009, 21:29

اي حلوو

استمر

راح اتابع معك

ورداتي

i m sam

10/08/2009, 01:06

بدنا نعزبك شو بدك تعمل تلميذ فريش لسا
في تسجيل صوتي للفظ الاحرف منفصلة كأبجدية يعني ولفظها بالكلمة؟؟
وكمان كيف بدنا نوصلهم ببعض؟؟ ولا مو موصل الكتابة؟؟
شكرا مقدما :D

suryoyo

10/08/2009, 01:55

بدنا نعزبك شو بدك تعمل تلميذ فريش لسا

لا ولو ... انت بتأمر .. :D

في تسجيل صوتي للفظ الاحرف منفصلة كأبجدية يعني ولفظها بالكلمة؟؟

التسجيل الصوتي رح يكون بالدروس القادمة ...
للحروف و للمقاطع الصوتية ...

وكمان كيف بدنا نوصلهم ببعض؟؟ ولا مو موصل الكتابة؟؟
شكرا مقدما :D

مثل ما قلت مسبقا ...

انو الحروف تتصل مع بعض مشكـّلة الكلمات ... بنفس طريقة اتصال الحروف بالعربية
و مثل العربية هناك حروف ما تتصل بما بعدها

اذا عندك استفسارات عن الحروف أكثر ... اسئل عادي
و يا مية هلا :D

suryoyo

10/08/2009, 01:57

اي حلوو

استمر

راح اتابع معك

ورداتي

اهلين و سهلين وردة ..

و اذا عندك اي استفسار ... جاهزين :D

jano.

10/08/2009, 04:00

ابو سارة من بعد اذنك رح حطّ كل فترة والتانية بعض العبارات الي ممكن نحفظا مع الدروس، ونقدر نستعملا ضمن هالموضوع مشان نفوت بجو اللغة. بتصور ما رح تأثر عالتعليم (إلّا إذا اتضمّنت أخطاء إملائية! وهون بيجي دورك بالتصحيح :p)
مارح اكتبها بالأحرف السريانيّة مشان ما نتقّل عالشباب.
رح ابدأ ببعض التحيّات:

1
شلومو shlomo = مرحباً (بالمعنى الحرفي: سلام)
الجواب: بشينو b-shaino تعني "أهلاً"

2
تودي taudi = شكراً (أو) تودي ساكي taudi sagi = شكراً جزيلاً
الجواب: لو ميديم lo medem = لا شكر على واجب (حرفياً: لا شيء)

3
بريخ صَفرو briekh safro = صباح الخير (s=ص ، kh=خ) (بالمعنى الحرفي: صباح مبارك)
بريخ رَمشو briekh ramsho = مساء الخير (kh=خ) (بالمعنى الحرفي: مساء مبارك)
الجواب لكليهما: بريخ طوبو

4
فوش بَشلوم fush ba-shlomo = كن بسلام (تستعمل للوداع: bye)
الجواب: زيل بَشلومو zel ba-shlomo أو zel b-shaino = إذهب بسلام (الله معك، مع السلامة)

5
لليو طوبو lilio Tobo = ليلة سعيدة (t=ط)
لليو دنيوحو lilio d-nioĤo = ليلة هناء /ليلة هدوء (Ĥ=ح)
حلمي باسيمي Ĥelme basime = أحلام سعيدة/جميلة/طيّبة (Ĥ=ح)
الجواب: نفس العبارة في كلّ الحالات السابقة

:D

suryoyo

15/08/2009, 14:27

مشكرو عزيزي جانو ...

للطلاب اذا ما عندكم اي استفسار ... رح ننتقل الى الدرس الثاني

jankasanova

19/08/2009, 00:45

طيب سؤال هيك عالماشي
بهالجدول

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لبعض الاحرف قسم "شكله في اخر الكلمة" فارغ..معناها ان الحرف ما بيتغيير باخر الكلمة؟
وشو من شان بنص الكلمة؟الا كل الاحرف ما بتتغير بنص الكلمة؟

suryoyo

19/08/2009, 01:29

لبعض الاحرف قسم "شكله في اخر الكلمة" فارغ..معناها ان الحرف ما بيتغيير باخر الكلمة؟

اي تماما ...

هذه الاحرف اللي قصدتها تظل مثل ما هيي بنهاية الكلمة

بينما الاحرف اللي امامها هذا الحقل تتغير اذا وقع الحرف بآخر الكلمة

وشو من شان بنص الكلمة؟الا كل الاحرف ما بتتغير بنص الكلمة؟

تبقى الحروف نفس الشكل بنص الكلمة ...

و تتصل الحروف بما قبلها ... و اغلب الاحرف تتصل بما بعدها (ليس كبها)

اتمنى يكون التوضيح جيد :D

jankasanova

19/08/2009, 01:40

شكرا للتوضيح:D

jankasanova

02/10/2009, 00:07

تعميم: تم اصدار مذكرة بحث بحق استاذ تعلم اللغة السريانة,سوريويو الملقب ب ابو سارة, نظرا لهروبه لخارج البلاد مع رسوم تسجيل الطلاب بمدرسة لتعليم اللغة السريانة, رجاء لكل من لديه معلومات عن اماكن تواجده ابلاغ الفرع 987, وشكرا لتعوانكم
الادلة
انت بس تعال .. و رح تشوف العجب

xxxxxxxxxxxxxxxxxx
ابو سارة هالموضوع شغال, الا بح خلص كسرت الدف وبطلت تغني:lol:؟