بعد خمس سنين بهدلة بالغربة .... لازم ادفع بدل كمان !!! [الأرشيـــــف]

عرض كامل الموضوع : بعد خمس سنين بهدلة بالغربة .... لازم ادفع بدل كمان !!!

آخيل

21/08/2004, 03:53

صباح الخير يا جماعة .. بصراحة أنا عضو جديد بالموقع هون .. وكتير نبسطت لما عرفت فيه لأنو أنا عيش بأبو ظبي و ما في أحلا من خبريات حمص .. بقا كيف أخوية حمص !!! غير شكل..
بلا طول سيرة الشي اللي بدي آخد رايكم فيه هوي بدل العسكرية ... يعني لازم الواحد يسافر لبرا ( عالخليج مثلا ) و يتبهدل خمس سنين و يشبع ذل لحتى بالآخر يرد يدفع مصاري للدولة لحتى تعفيه من الجيش .. يعني فوق الموتة .. عصَة القبر!!!! يعني و الله الله ما قالا ... :evil:

dimozi

21/08/2004, 11:17

اهلين و سهلين بالاخوية اخي أخيل ............

بتعرف شو لازم تعمل منشان موضوع العسكرية .......... روح خدوم :lol:

NEDAL-S

21/08/2004, 12:52

أهلا وسهلة :D

SABE

21/08/2004, 15:34

أهلا وسهلا فيك ... شرفت أبو الشباب :D :D .
بس مشان البدل :cry: :cry: ما في باليد حيلة ... هاد القانون

Mr.yosef

21/08/2004, 22:29

أهلا وسهلا فيك بالأخوية والله يساعدك .. يعني بدك تدفع أو تخدوم مافي حل تالت

philip

22/08/2004, 00:49

شو ياحبيب يعني انت رافض تخدم وطنك وعلمك ................هذا الحكي اللي بيحكوا بصراحة لازم يطلع شي قرار ياأما بتخفيف الخدمة أو تخفيض البدل :D

Hus

22/08/2004, 06:33

يا ريس المشكلة مو بالدولة المشكلة فينا احنا ...
يا اخي القانون بيقول انو نحنا لازم نخدم بلدنا وانكون مستعدين دائما للانضمام للجيش في حالات التأهب العليا وحالات الاستنفار مما يقتضي تدريبنا تدريب جيد في وقت من الاوقات منشان لما نلزم (في حالة الحرب او ما شابه ) انكون على قدر جيد من الاستعداد..
هيك القانون وهو شئ صحيح ومنطقي جدا وموجود في جميع الدول ..
بعد عدة سنوات قامت الدولة عملت متل نوع من التساهل تجاه بعض الاشخاص والسبيل الوحيد للتساهل هوي بالمصاري
يعني صار فيك تدفع مبلغ معين وتنعفى من العسكرة وبجميع الاحوال هني عم يستاهلو معي ومعك وعم يسمحولنا ندفع مصاري كرمال ما نخدم بلدنا !!!
بس نحنا ما بيعجبنا العجب .. نقاقين بطبعنا

يعني يا مان الموضوع متل الجامعات والموازي مثلا الطب 232 علامة .. ولو معك 230 فيك تدفع 100 الف وتدخل على الموازي ..
يعني الي ما معو مصاري يدرس بيدرس ليدخل الفرع الي بدو ياه ببلاش والي معو مصاري بيدفع بالاضافة للدرس يعني 2-5 علامات فرق عن الناس الي داخلة هذا الفرع .. وبتكون الدولة بمصريات الي معو مصاري عم بتعلم الي ما معو مصاري وهيك منعيش بمحبة ووئام

وانتا بال5-10 الاف دولار الي عم تدفعون نحني رح نشتري كام صاروخ زيادة .. وكام روسية على تنين تلاتي ار بي جي .. منشان نعوض مكانك ومكان امثالي ومثالك الي ما حيكونو وقت الحرب مستعدين للقتال .. لانو ما خدمو عسكرية ..
بالعكس موضوع البدل كلو حنكة وبديهة و تفهم لحال الشعب برأيي المتواضع والبسيط :)