التلفزيون السوري قبل الدش [الأرشيـــــف]

عرض كامل الموضوع : التلفزيون السوري قبل الدش

سمر1

28/03/2009, 04:37

حياتنا قبل (الدش) …

-أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سرو

-الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!

مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي شغلات ثانوية..وعلى مهرجانات خطابية!!انا بفضل يتسمى مع الدبيكة و رقيصة العربي!
-

أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع:برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة!!

وما تفهموني غلط من شان الله !!!!!!!

لجين مهند قطيش

28/03/2009, 05:05

ههههههههههههههههههههههههه ههههههههههههههههههههههههه ههههههههههههههههه

والله حياتنا قبل الدش

جميله جداا فيها سعاده ومرح وكلها بـــــــــراءة

مافهمت شي من الي كتبتيه هههههههه بس ذكرتيني باياامنــــــــا قبل الدش

وذكرتيني بالبرامج الي كنت بتابعها قبل الدش على التلفزيون السعودي الارضي ههههههه

بس الوقت الحالي مع الدش والنت تغيرت حايتنا للجديه ,,

ليت الزمن يرجع ونرجع اطفال نركض بالشارع ههههههههه

احلى شي لما نعمل فيمتو ونحطو باكياس لحم ونحطو بالثلاجه ليصير ايس كريم ههههههههههه

والله قمممممممه الونااااااااااااااسه زمااااان ,,,

موضووعك كتير حلووووووووووو

رجعتينا لورااا

يسلموووووو يسلموووووو

عطر الايام

29/03/2009, 12:40

هههههههههههههههه
شكراااا

..AHMAD

29/03/2009, 12:56

ولا تنسيلي الدعاية لي كانت تطلع عند كل انتهاء امتحان ألا وهي سارعو الى الانضمام الى كلية الشرطة :lol:

باشق مجروح

29/03/2009, 14:52

يااااي ماما فاتنة ليش سنانك سود؟؟!!دخان ولا حشيش؟؟!

أنا عقدي بالطفولة كلها من شوفة ماما فاتنة .. لأ و لسه بريد الأطفال .:cry: