ليش هيك بيصير معي؟؟؟!!!! [الأرشيـــــف]

عرض كامل الموضوع : ليش هيك بيصير معي؟؟؟!!!!

yass

16/08/2004, 23:13

اسمعو يا شيوخ شو صار معي امبارح بالليل!!!
طلعت أنا و الشلة نلف لفة هيك و نشربلنا شغلة... آخر السهرة لما كل واحد رجع عبيتو رجعت أنا و بنتين ساكنين جنبي , و لما فتنا بحارة هيك وحشة شوي ما بشوف الا طلعو بوجهنا شبين واحد منون حامل سكينة و التاني ما بعرف اذا كان حامل شي , أنا شفتون و قلت : ولي , اكلت هوا . قربو علينا و قال واحد منون: يالله هاتو كل شي معكون. من لكنتو للشب و من شكلو عرفت انو مغربي . بصراحة انا ارتعبت لأنو قلت لحالي: اذا تعالقت معاهون حيمزعوني و أذ ا سكتت ماي حلوة ادام البنات . قمت ما بعرف ليش صرت صرخ بوجهون بالعربي: يا ولاد الكلب بسببكون صارت سمعة العرب هون بالاراضي , يلعن ابوكون على ابو اللي جابكون......
المهم يا جماعة , هنن سمعوني عم سبون بالعربي و ما شفت غير انون داروا حالون و شدوها ركضة , هربوا و انا بتطلع فيهون متل الاهبل... المهم نفدنا بنظافة من هالعلقة بس لسا ما فهمت أنا ليش هربو..
شو رأيكون انتو؟؟؟ :confo:

architecturer

17/08/2004, 00:57

أبو شريك القصة بسيطة :)

عربي ببلاد غريبة :o

تفاجأ بعربي تاني ما بيعرفوا وعم يسب ويعيط :shock:

فشو ناطر منو يعمل يعني :?

خصوصا أنو العربي معروف بسرعتو بالهريبة :wink:

على اعتبار أنو الهريبة تلتين المراجل :lol:

:D

Anmar

17/08/2004, 01:00

خصوصا أنو العربي معروف بسرعتو بالهريبة

على اعتبار أنو الهريبة تلتين المراجل

يا سيدي والله نحنا العرب صارت الهريبة هيي المراجل كلها ... :gem: :gem:

dimozi

17/08/2004, 12:17

هلاء المهم أخي Yass انو طلعت قدام الصبايا عنتر عبس يعني :gem: , و ها الحرامية طلعوا والله ولاد قوادم , تخيل ما أحسنن , يا هيك الاخلاق العربية الأصيلة يا بلا :angel: , قالوا معقول نسرق ابن عرب؟؟؟ , لاء و شو خدموك كمان و عملوا انو ارتعبوا من صوتك :lol:

اكيد هنن تعرفوا عليك من صوتك , و قالوا هاد وراه عصابة كبيرة :wink: ما بيمشي الحال نعلق معو , خصوصا انو انا نائب الزعيم يعني :lol:

yass

17/08/2004, 13:03

معقولة و الله يا شريك.. هدول اكيد وصلتون اخبار العصابة( قولتك بيقرو الجرايد تبعونا؟؟؟!!)

Geeny

17/08/2004, 13:26

الحمد الله على سلامتك انت و الصبايا
:D

yass

17/08/2004, 13:28

الحمد الله على سلامتك انت و الصبايا
:D
الله يسلمك شريكة :D
تحياتي :D

مالك الحلبي

08/04/2008, 14:44

بتعرف يا أخ ياس مرة طلعت على ألمانيا وشفت عصابات ترويج الحشيش
ومناطق مستلمينا المغاربة والطليان وكافة الجنسيات
المصيبة أني بتلاقي بعض العرب هنيك بيبيعو أخلاقهن وعاداتهم من أجل المال فقط لا غير
المهم منيح نفدت والله عز وجل حماكم

شوط ياقمر

09/04/2008, 00:53

كنت عمتاكل ,سفيري, شي ؟

باشق مجروح

09/04/2008, 00:57

:shock::shock:
ليش الموضوع منكوش من عصر الديناصورات.
عبيتو الدنيي غبرا :sick:.
سلامتك حج ياسين. مع انو كتير متأخرة.

saman

09/04/2008, 00:57

ولييييييييييييييييييييييي يييييييييييييييييييييي شو قديم الموضوع .....:shock:
17/08/2004

حلبي

09/04/2008, 01:10

و الله أسعفك الحظ و أكيد الوالدة رضيانه عليك

و على فكره أذا بكتبلكون عن البلاوي اللي بعملوها العرب هون ما حدا رايح يصدق أنو الكاتب حلبي رح تفكرو شي واحد صهيوني متطرف عمل قرصنة على أميلي و دخل على أخوية ليبث السموم ضد العرب و المسلمين الله يسترنا يا شباب خلو الطابق مستور

حلبي

09/04/2008, 01:11

ولييييييييييييييييييييييي يييييييييييييييييييييي شو قديم الموضوع .....:shock:

ما أشبه اليوم بالأمس

الموسيقار

09/04/2008, 02:32

هاد الموضوع من امهات المواضيع يمكن ..

أف شو كتير صرلو زمان .

بس أني واي نكشتو مناسبة هلأ .. لأنو قضية المهاجرين باسبانيا حميانة ؟

هدوء البحر

09/04/2008, 09:52

لك بتعرف شو صار معي مبارح المسا

رجعت من شغلي على بيت بتكسي لانو ماكن معي سيارة

المهم انا انزلت من التكسي صرت على باب البناية عم فكر شو بدي اطلب عشا عم حط ايدي على جيبي واذ
طلعت نسيانو بالتكسي ومشكلو مو ائصة مصاري فيه كل بطاقات يلي بتثبت شخصيتي
بطاقة العمل وشهادة السوائة وبطاقة البنك وملكية السيارة
ومالي متذكر رقم سيارةبس اسم الشركة ومابعتقد يرجعوا لانو يلي بدو يشوف المبلغ مالح يرجع شي
املي الوحيد انو يطلع الشوفير ابن حلال

alaacezar

09/04/2008, 13:34

ان شاء الله يطلع الشوفير ابن حلال يارب..........:D

Abu ToNi

09/04/2008, 16:16

ما بعرف ياس ليش اموضوع انكش وانحكش
بس باتعبار انه انحكش حبيت اذكر قصة مشابهة كتير صارت مع خالي بفرنسا

كمان كان ماشي طلع له واحد بده يشحه المصاري

بشكل لا شعوري قال هل خالي " يا ابن الكلب "

بيندار الحرامي وعلى وجه علامات التعجب وبقول : " من فين الاخ " :o