مع ختام فعاليات دمشق عاصمة الثقافة العربية

[MadMax]

دمشق عاصمة للثقافة العربية ..
طوال عام 2008 شفنا ترجمة لهالعنوان ... بكل أنحاء سوريا .. و لا سيما بدمشق ( العاصمة الثقافية العربية لعام 2008 )
عادةً هيك عناوين كنا نشوفها عبارة عن أطر جامدة نخبوية ... ما تقدر تستقطب إالا شريحة معينة من المجتمع
و كنا نشوف نشاطات باهتة ....اسمها لوحدو كفيل ( بتطفيش ) الجمهور .. و هروبو منها .. متل أسماء البرامج الثقافية بقناتنا الاولى

بس عام 2008 كان مختلف ...سواء بالتنظيم .. أو بنوعية النشاطات و تنوعها .. أو يمكن الأهم هو نوعية الجمهور السوري
يللي بالفعل تميّز بمستوى عالي من الوعي و الثقافة

يعني مثلاً ما بظن مسرحية متل مسرحية .. ( المهاجران ) يللي بأديها ممثلين ( تنين ) فقط .. و بتنعرض بقبو ( مو بمسرح )
و البعض بصنفها ضمن المسرح النخبوي
تلاقي هالنجاح الكبير .. لو انعرضت بعاصمة تانية غير دمشق

أو حتى الاقبال الملفت على حفلات الفن الملتزم ... يللي بعاني بغير دول من قلة اهتمام الجمهور فيه
بالإضافة لنشاطات ثقافية أخرى ...بس نحنا هون بتهمنا النشاطات الفنية ( الموسيقية ) .. يللي كانت فعلاً مميزة



والسؤال هون .. أي حدث فني كان الأهم ضمن فعاليات دمشق عاصمة للثقافة العربية :




1 - مسرحية فيروز ( بما انها مسرحية غنائية )

2 - حفلة زياد الرحباني

3 - حفلة مرسيل خليفة

4 - حفلة ريم بنا

5 - نشاطات أخرى

[ابو نجبو]

انا ما كنت موجود طول ال2008 بسورية..
بس من خلال الشباب و تعليقاتون انو حفلات مارسيل خليفة هي الافضل
:D

[LiOnHeArT.3LA2]

2- حفلة زياد ..

والحفلة الختامية تبعيت مارسيل ..

بس بما انا مانها نازلة ..

فا .. حفلة زياد

[sona78]

للاسف ما كنت ولا بوحدة
للصراحة كمان بشوف انو طلة فيروز بعد هالغيبة ع الشام كانت جدث فعلا
بس
بس بشوف حفلة زياد هيي الاهم
لانها الاولى من نوعها لسورية ..
و الو مكانة كبيرة بتقارب مكانة فيروز بالنسبة الي
فالصوت لزياد:D

[saman]

انا برأيي مسرحية فيروز .. حتى لو اني ما حضرتها ..:cry:
بس انو غيابها عشرين سنة ورجوعها لدمشق .. كان الو صدى كبير ..:gem:
وباقي الاحداث كانو كتيييييير مهمين وخصيصاً زياد ....:oops:
اما حدث ريم .. فمجيئها لسورية حتى لو ما غنت هوي عبارة عن حدث .. شنو معروف شو الصعوبات يلي واجهتتها بين ما قدرت تفوت لسوريا بجوازها الازرق ! :?

واكيد كل هدول يلي زكرتهن هني حدث هام بحد ذاتهو .. لانو يلي بيجيب فيروز وزياد ومارسيل وريم وجوليا ..والخ الخ .. بسنة وحدة .. فهادا حدث مهم برأيي ورفع كتييير بالمستوى الثقافي للشباب السوري :gem:
بس انو صوتي الاول لفيروز اكيد :D

[zen]

هلق فيروز وزياد مارسيل شو بدي قللك كتار
بس انا اخترت فيرووز
:D

[MadMax]

أنا حضرت زياد و مرسيل و ريم بنا ..
بس أكتر حفلة عجبتني هيي حفلة زياد ... من حيث التنظيم .. و رمزية المكان و الصوت .. و الفرقة الموسيقية
و الكواليتي بشكل عام ..


بالإضافة لأنو زياد بحد ذاتو حالة استثنائية

[saba n]

اني اعتقد انو اجتماع هذا الابداع مع بعضه هو الحدث الاهم والافضل..اكيد:D

[رجل من ورق]

عموما الفعاليات الموسيقية من عابد عازرية لانور ابراهيم وفيروز ومروان عبادو وتظاهرات النساء تغني وخوليو وليالي موسيقى العالم فوديل وظافر يوسف وبينك مارتيني وزياد وجوليا ومارسيل شي كبير كتير وحضورون عمل حركة كتير حلوة وتنشطت البلد
بس
1-التنظيم بكل الحفلات السابقين كان سئ ما عدا زياد وخوليو
2- دوما البطاقات المباعة اكتر من الحضور
3- الصوت والاضاءة بالحفلات المفتوحة كان كارثي
4- احيانا كنا عم نشوف صرف اموال عالفاضي متل وقت احتفالية للوطن نغني بعيد الاستقلال يعني مبالغ ضخمة انحطت قدام حضور ميت
5- الاعلان الاعلان الاعلان فهمنا بالعروض الكبيرة بس شو مشان انو في عروض لحقناها باخر لحظة لانو ما شفنا اعلانات
6

[MadMax]

اني اعتقد انو اجتماع هذا الابداع مع بعضه هو الحدث الاهم والافضل..اكيد:D
اي مزبوط


يعني شفنا كم كبير من النشاطات .... و نوعية مهمة

[مجنون يحكي وعاقل يسمع]

اني اعتقد انو اجتماع هذا الابداع مع بعضه هو الحدث الاهم والافضل..اكيد:D
بالعشرة ببصم على هالحكي, مع أنو السنة كلها كنت بعصفورية جهنم الحمرا , وما حضرت شي , بس بيكفي أنو يكون (على قولة البدوي): كتف ولد عمي ,ضرب بكتف من كلاها بحلب

[MadMax]

عموما الفعاليات الموسيقية من عابد عازرية لانور ابراهيم وفيروز ومروان عبادو وتظاهرات النساء تغني وخوليو وليالي موسيقى العالم فوديل وظافر يوسف وبينك مارتيني وزياد وجوليا ومارسيل شي كبير كتير وحضورون عمل حركة كتير حلوة وتنشطت البلد
بس
1-التنظيم بكل الحفلات السابقين كان سئ ما عدا زياد وخوليو
2- دوما البطاقات المباعة اكتر من الحضور
3- الصوت والاضاءة بالحفلات المفتوحة كان كارثي
4- احيانا كنا عم نشوف صرف اموال عالفاضي متل وقت احتفالية للوطن نغني بعيد الاستقلال يعني مبالغ ضخمة انحطت قدام حضور ميت
5- الاعلان الاعلان الاعلان فهمنا بالعروض الكبيرة بس شو مشان انو في عروض لحقناها باخر لحظة لانو ما شفنا اعلانات
6


أكيد كان في كتير سلبيات
بس المميز هالسنة .. أنو كل مواطن سوري حس بشي ملموس ..
حس أنو في نشاطات عالأرض ... كانت الحركة الثقافية بالبلد كتير واضحة
مو متل السنين السابقة ما كنا نسمع بالحدث غير لما يعرضو حفل افتتاحو أو ختامو


و أكيد هون لازم تنذكر كلمة شكر للدكتورة حنان قصاب حسن ... يللي بالفعل بذلت مجهود مميز ...
و كلنا حسينا أنو في رغبة صادة لإنجاح هالحدث

[sadooka]

بالفعل احتفالية دمشق عاصمة الثقافة العربية كانت مميزة جدا ولم يسبق تنظيم فعالية ثقافية شاملة بهذه الضخامة في سورية من قبل
أكيد عمالقة متل فيروز ومرسيل وزياد بالاضافة الى ريم كانو رائعين جدا مع أني ما حضرت فيروز وزياد ... بس بتوقع من ضمن هالخيارات فيروز بتشكل حالة خاصة
بالنسبة الي الحدث الفني الأهم هو حفلات موسيقى العالم ويللي توجا ظافر يوسف بحفلة ما كنت بحلم أني أحضر متلا .... وفي مشروع تتحول ليالي موسيقى العالم لمهرجان سنوي
حضور فنانين كبار متل فيروز ومرسيل حدث مو بعيد يعني لما الواحد منون بدو يعمل حفلة رح تكون بشي بلد مشهور فيه متل الوطن العربي أو البلاد يللي فيها جاليات عربية أما حضور موسيقيين وفنانين من أنحاء العالم
بيحملو فن وتراث قد يكون بعيد وغريب عنا متل العزف على البراميل (أحد أمسيات ليالي موسيقى العالم) فنانين شهرتون محدودة بمجتمعنا وعدد قليل من الناس بيعرفوهون .. دعوتون لاقامة حفلات عنا بعتبرو بغاية الأهمية .
(حاولت ارفع ملف فيديو مقطع من حفلة ظافر بس ما مشي الحال .... رح حاول ارفعو لاحقا بس صوت)

[sadooka]

video (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D

[أبو السييم العظيم]

كيف الشباب

أنا من ناحيتي بعتقد كل هي الأحداث المذكورة كتييير هامة و بصراحة احترت كتيير لمين أعطي صوتي ..

و بوافق رجل من ورق على معظم النقاط يللي ذكرها و خصوصي موضوع الإعلان عن الحفلات لأنو كتيير كان ضعيف ..

و بتمنى تستمر هي التظاهرات

عطيت صوتي لزياد الرحباني للأثر الكبير يللي تركو و للحملة الإعلامية الضخمة يللي صارتلو و لاهتمامو شخصياً بالمكان و بأسعار البطاقات إنو تكون معقولة ... يعني بعتقد إنو تميز بهالنقطة يللي دار بالو عليها أكتر من السيدة فيروز..

:D

[MadMax]

video (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D



:D:D



........

[MadMax]

كيف الشباب

أنا من ناحيتي بعتقد كل هي الأحداث المذكورة كتييير هامة و بصراحة احترت كتيير لمين أعطي صوتي ..

و بوافق رجل من ورق على معظم النقاط يللي ذكرها و خصوصي موضوع الإعلان عن الحفلات لأنو كتيير كان ضعيف ..

و بتمنى تستمر هي التظاهرات

عطيت صوتي لزياد الرحباني للأثر الكبير يللي تركو و للحملة الإعلامية الضخمة يللي صارتلو و لاهتمامو شخصياً بالمكان و بأسعار البطاقات إنو تكون معقولة ... يعني بعتقد إنو تميز بهالنقطة يللي دار بالو عليها أكتر من السيدة فيروز..

:D


بالفعل .. حفلة زياد كانت كاملة من جميع النواحي
التنظيم .. الصوت ... الاسعار .....
و حتى المكان ..اعطى الحفلة قيمة إضافية