روتين و طبيعي [الأرشيـــــف]

ويحد سوري

02/12/2008, 01:46

روتين و طبيعي فتحت عيوني و اطلعت ع المنبه , الساعه تسعة الإ دقيقة صباحا و انطرت لحتى قلبت الدقيقة و صارت الساعة تسعة و بلش يرن المنبه يعني بداية يوم طبيعي , يعني المفروض إني قوم و اشرب كاسة لبن و بعدين , لحظة هون اسمعت صوت قوي عم يناديلي قوم لساتك نايم , لك مات و أنت مانك دريان بشي ..قوم ..قوم ...قوم , و باعتبار الصوت تردد أكتر من ثلاث مرات فيعني أنا المقصود , أصلا أنا الوحيد الموجود بهالغرفة , و بردة فعل طبيعية بعد سماع كلمة إنو مات و انا لساني نايم , اطلعت لشوف شو صاير و شوهوي الخبر , شفت عيون أمي و الدمعه فيها و قبل ما احكي قالت: مات , روح شوف كيف مات و ارجاع قلنا .طبعا لبست بنطرون الجينز و أخدت الموبايل و جاكيت حفيفة و اطلعت بسرعة.لما وصلت كانت الاحداث متطورة كتير و كلشي اعرفتوا إنو مات و مات بطريقة إنو مات , و كل الطرق لي اسمعتها بتأكد إنو مات .ارجعت ع البيت و كلشي احكيتوا هوي كلمة مات , طبعاً الجيران و الأصدقاء الموجودين بلشوا يشرحوا و يحللوا طريقة الموت , لما ادخلت ع غرفتي تذكرت إنو اليوم ما اشربت كاسة اللبن فاتجهت ع المطبخ و حضرت كاسة لبن و بعد ما خلصت , رن موبايلي برسالة تذكرية إنو اليوم لازم سافر , هالموعد بالنسبة الي هوي لتغيير الجو و اني اطلع من الروتين اليومي . بالفعل جهزت غراضي و قررت السفر , وأنا بالسيارة لي بدها توصلني ع الكراج تقاطعنا بموكب المرحوم و سيارة الاسعاف مرت من حدّي ألقيت التحية عليه و كملت سفري , انا اتجهت بطريق وهوي اتجه بطريق .هداك اليوم كان غير روتيني أبدا ...........:D

بنفسجة

02/12/2008, 17:45

كل واحد بيسلك الطريق يلي بيلاقيه مناسب:D

الصمت الناطق

02/12/2008, 18:44

هيك حال الدنيا ........... .

والأهم شي كاسة اللبن .... .

والأهم الأهم تهدج حرفك عند القاء التحية لم يكن طبيعياً .

:D

هكذا تكلمت

02/12/2008, 23:26

يعني شوقتني لااعرف

مين هل ويحد

بس مكون انا
اللي مت بقلبك
مشكور كتير

saba n

03/12/2008, 14:03

رغم انكسار الروتين....
لا يزال ذاك اليوم طبيعيا"...
:D

ويحد سوري

04/12/2008, 01:12

كل واحد بيسلك الطريق يلي بيلاقيه مناسب:D

اخ شو بحب اعرف وين طريقي :D

ويحد سوري

04/12/2008, 01:15

هيك حال الدنيا ........... .

والأهم شي كاسة اللبن .... .

والأهم الأهم تهدج حرفك عند القاء التحية لم يكن طبيعياً .

:D

عم دق الكاس بالكاس و ماشي الحال ...:D

ويحد سوري

04/12/2008, 01:18

يعني شوقتني لااعرف

مين هل ويحد

بس مكون انا
اللي مت بقلبك
مشكور كتير

فينا نحط الوطن مثلا او كلمة انااااااااااااا بيمشي الحال براي :D:D

ويحد سوري

04/12/2008, 01:20

رغم انكسار الروتين....
لا يزال ذاك اليوم طبيعيا"...
:D

طبيعي طبيعي
و خدي ع نتيجه :deal:

homam85

05/12/2008, 16:15

والله الروتين دبحنا يا بو شريك... يا سيدي انا روتيني متّة مو لبن؟؟ واحيانا بكسر الروتين وبشرب عرق ...يعني هي أكتر شغلة بكسر فيها الروتين تبعي;)

Zero_Cool

05/12/2008, 16:59

لا تعليق
كلنا اموات

ويحد سوري

08/12/2008, 04:23

والله الروتين دبحنا يا بو شريك... يا سيدي انا روتيني متّة مو لبن؟؟ واحيانا بكسر الروتين وبشرب عرق ...يعني هي أكتر شغلة بكسر فيها الروتين تبعي;)

و الله انت عم تكسر الروتين بطريقة رهيبة ;)

ويحد سوري

08/12/2008, 04:25

لا تعليق
كلنا اموات

البقية بحياتكن :cry::cry: