اختراقات يومية , مقدمة

[مجنون يحكي وعاقل يسمع]

اختراقات يومية , عبارة عن مذكرات مجنون , يعني مجنون يحكي مذكراتو , من خلال حياة عاشها في مكان معين وزمان متلو معين أيضا , كيف؟ ..... والمجنون اللي عم يحكي مو العاقل يعني ممكن ما يكون المكان أو الزمان اللي عم يحكي عنو ‘مو دقيق كون المجون بيخلط بالمكان والزمان , بس بما أنو اللي عم يسمع عاقل , وبالتالي العاقل بيعيد صياغة الزمان والمكان من جديد وبيتابع السمع على حكي المجنون , أو حكايات المجنون وبيصير المجنون يحكي والعاقلين يسمعو
وبما أن الدنيا اليوم بسوريا برد وقرب كانون " أخ يا شي شوي برد من بردات الكفارين أو صلنفة أو صافيتا بتروح معنا سنة من شوب الصحرا"
اجتمعو حول هالصوبا "أو الصوبيا" يعني المدفأة , وبما أنّو أنا اللي رح أحكي يا بقعد تحت الكوع يا أما بسكت وبيخلص الفلم قبل ما يبلش
اللي أثار الموضوع عندي هوي الحوار اللي فتحو الشباب بالمنبر للحديث عن الخصوصية ’ ةبما أنّو أنا اللي بيملك أو بيتمتع بأكبر خصوصية هون , وبدون ما ابذل أي جهد بالدفاع عنها , لأني مجنون والمجنون بيعمل اللي بيريحو , فأقل واحد ممكن تنتهك خصوصيات , ولا أحد منكم يفكر يعمل مجنون منشان هيك لأنو بيكون عم ينتهك خصوصية المجتمع العاقل وخصوصية المجانين , هوي صحيح متعودين على الإنتهاكات اللي آخرها انتهاك السيادة الوطنية لجمهورية الأبو كمال الصديقة المجاورة , بس لن نسكت ولن نحتفظ بحق الرد , مو منشان شي , المستودع تبع حفظ احتفاظنا بحق الرد امتلا عالأخير
يالله ماضل في وقت يا شباب , حطولكون شي قرمة شجرة بصوبيا الحطب , وبين ما تشعل مظبوط بكون رجعت من الدوان ومنبلش قص ,........ شو بدنا نقص ؟ يعني نروي .. ولك لا ..لا..... نحكي أول قصة

[VivaSyria]

منتظر... وبشغف :D

[Remember Me]

الفكرة ملعوبة كتير , وكلنا عم نستنى

[غيديون]

لك رح صير مجنون من وراك ما فهمت شي:pبس مستنية مع المستنيين

[مجنون يحكي وعاقل يسمع]

الإنسان يولد حراً , كما يقول جميع العقلاء , فما الذي يقوله المجنون , شيء مضحك أن يقتنع البني آدم بهذه الكذبة التي كذبها على نفسه وأراد أن يصدقها, وهو مقتنع أنه بني آدم ,أي ابنه لآدب أبو البشر , والذي ارتكب أول معصية عندما حاول الحصول على المعرفة وأكل من شجرة المرفة وانسحب جريمته على بنيه من البني آدمين , لذلك ولدت يا أخي من جد جدو لجدو لجدي آدم عليه الجريمة الأولى وليس عليه السلام إلا إذا أردنا السلام لمرتكبي الجرائم , فأنت أيها البني آدم المنتهكة خصوصيتك قبل أن تأتي إلى الضو وأنت تغني :"طلعنا على الضو , طلعنا على الحرية.
لإنتقال جريمة إليك بدون معرفة حتى رأيك فيها
والإنتهاك الثاني لك أنك لا يد لك ولا راي في قبول المجيء إلى هذا العالم من عدم قبوله أيها المسكين المغلوب على أمرك , وحتى لو كان لديك الرغبة في أن تطل علينا وتؤنس وحشتنا الممتدة ملايين السنين , ولكنك لم تختر لا زمن الإطلالة البهية ولا مكانها , فربما كنت ترغب أن تأتي في القرون الوسطى ,إذا كنت من المستمتيع والمعجبين بأساليب التعذيب , ولست ممن يحبون الموت بطلقة رصاص أو بإبرة الموت الرحيم, وربما كنت تحب أن يكون موطىء قدمك الأول في العراق أو أفغانستان بدلا من السويد أو السويسرا ,لأنك إنسان تحب الهدوء والسكينة والإيمان بالله بدلا من العيش في بلاد فاسقة فاجرة لاتعرف الله ولا تجله ولا تقتل البشر باسمه ولا تلتزم بأوامره , عز وجل , وعلى ذكره عز وجل ,فقد عز على النوم وطيفك على بالي
وتصبحون على خير وللحديث بقايا

[العربي الأصيل]

أكمل يا صديق..انفخ بعض النار في رماد أيامي....وبعض النور في ظلام نفسي....

أقرأك يا مجنون...علّ كلماتك تذيب بعض الجليد عن تلافيف دماغي المثقلة بتفاهات الزمن الحاضر...وللسخرية..الزمن الغائب أيضاً....

أتابعك..بما تبقى داخلي من شغف

[yass]

و طوبى... للجنون


متابع

:D

[مجنون يحكي وعاقل يسمع]

منتظر... وبشغف :D
انتظر يا ابني بس بتبرك عاقل ما بتحكي بالسياسة , لأنو ما بيجي منها غير وجع الراس , وبعدين الحكي بالسياسة بهالبلد بيجنن , اسلني أنا على مبدأ اسآل مجرب ولا تسأل حكيم, فكيف إذا كان المجرب حكيم متل حضرتنا , ومو حكيم وبس , حكيم ومجنون ,وكمان بيقول المثل " خذو الحكمة من أفواه المجانين

لك رح صير مجنون من وراك ما فهمت شيبس مستنية مع المستنيين
طبعاً إذا ما جنيت شلون بدك تفهم لغة ,إذا بدك تفهم لغة لازم تتعلم وهاي مو حيّالله لغة

لفكرة ملعوبة كتير , وكلنا عم نستنى
كل الحياة لعبة وعم نلعب كلنا خلينا نكفي لعب بس بطريقتنا

[مجنون يحكي وعاقل يسمع]

أكمل يا صديق..انفخ بعض النار في رماد أيامي....وبعض النور في ظلام نفسي....

أقرأك يا مجنون...علّ كلماتك تذيب بعض الجليد عن تلافيف دماغي المثقلة بتفاهات الزمن الحاضر...وللسخرية..الزمن الغائب أيضاً....

أتابعك..بما تبقى داخلي من شغف
يكفيني أن يجعلك حكي مجنون تكتشف شغفاً في زاوية ما من روحك , وإن استطعت أن أرسم ابتسامة ولو فيها من المرارة الكثير على وجهك أكون مسرورا لذلك

و طوبى... للجنون
يحيا الجنون
ويسقط العقل في زمن ال..........
وكلنا مجانين

[Sun Shine Art]

ياريت هل الجنون ...بزيد شوي تاني ومنخلص ...:D

[مجنون يحكي وعاقل يسمع]

ياريت هل الجنون ...بزيد شوي تاني ومنخلص ...:D
لولا شوي كنت رح قلك "فوق كل تعبك على هالرد ,الله لا يعطيكي العافية " أكتر من هيك جنون ,منرجع عاقلين شو منكون اعملنا , ومين قلك أنو بعد هالجنان منرجع منعقل , بعدين إذا أنا اقتنعت بأني رجعت لعقلي شو بيقنع حضرتك وحضراتكون

[مجنون يحكي وعاقل يسمع]

كأنو وصلتني الأخبار من إذاعة لنضن أنو الجو برد كتير بسوريا , رح منتحمل برد متل كل الشعب السوري حتى نكون بنفس الإحساس
أنت هاي Sun Shine Art , وين داحشي حالك بالصوبا , برد , طيب إذا بتعرفي شو بتعني كلمة صوبيا خليكي ملدحشي تحت كوع الصوبا , وإلنا رجعة لقصة الصوبا
ما إن تمد رأسك إلى النور يا بني آدم وأنت تغنّي أغنية السيدة فيروز طلعنا على الضو , طلعنا على الحرية , وقبل أن تلفظ كلمة الحرية تكون إحدى الجميلات المحيطات بوالدتك المصون قد التقطتك , مباشرة إلى مسبح المياه المالحة , ولشدة المفاجأة وعدم وجود الذخيرة الدفاعية لديك إلا سلاح الواع ويع , وثم يشد عليك النطاق المجهز مسبقاً حيث يتم لفك بقطعة قماش لفاً شديداً كما يلف سيخ اللحم وتصبح كالصندويشة الباكية , وكل ذلك حتى يتم الحفاظ على الجسم قوياً مستقيما لتستطيع مستقبلا أن تدافع عن حريتك المستلبة , منذ هذه اللحظة
وقبل أن تصمت , إذا كنت ولداً تستقبلك النسوة بالزغاريد والفرح وربما بالتطبيل والتذمير لكونك الحافظ على أمجاد العائلة والأسرة والحي والقبيلة من لحظة الميلاد وإلى دهر الداهرين , آمين
أمّا إذا كان المولود أنثى , فحدث ولا حرجا , وخاصة إذا كنت الأنثى الثانية أو الثالثة ولا أخ لك , فتصور ي ما الكارثة التي أتيت بها معك ,وربما وصل الأمر إلى الحلفان بالطلاق وانتقل انتهاك الحقوق من حضرة جنابك إلى المسكينة أمك التي لا تعرف أن تنجب إلاّ مقصوفات الرقبة البنات ,وبالتالي ربما كان ميلادك في هذا الوطن الممتد من الماء إلى الماء مبنياً على مشاكل لا حل لها ولا ربط
وفي الحالتين إن كان القادم صبيا أم صبية , فقد أصبح من عداد الموجودين , وأصبح يستطيع أن ينتهك خصوصيات غيره لأنتهاكهم لخصوصياته قبل وأثناء وبعد الولادة , وكل الذي حدث هو عملية ازدياد لعدد المنتهكة خصوصياتهم وعدد منتهكي الخصوصيات

[suryoyo]

متابع للعظم ........ :D

[Sun Shine Art]

لولا شوي كنت رح قلك "فوق كل تعبك على هالرد ,الله لا يعطيكي العافية " أكتر من هيك جنون ,منرجع عاقلين شو منكون اعملنا , ومين قلك أنو بعد هالجنان منرجع منعقل , بعدين إذا أنا اقتنعت بأني رجعت لعقلي شو بيقنع حضرتك وحضراتكون

انت بتعرف انه بتمون تقول الي بدك يا... يا صديقي ...

بس المطالبه بزياده الجنون احسن من انه نفقد الاحساس ..انا بدي ضل حس بالجنون .ومابدي اعقل لان ماشي ...بضل داحشي حالي بالصوبيا ع قولتك ...

متابعه بشغف كبير :D..وماطول علينا ...

[مجنون يحكي وعاقل يسمع]

أيه ياسيدنا ملا أنت أو ياستنا ملّا أنت , وهاي زاد عدد الناس اللي رح تنتهك خصوصياتون وأعراضون ويلتعن سلاف سلافون ,لأنو رح يعيش بين الماءين ,أو بين المحيط والخليج , وشو ؟يا سيدنا لسا ما إلك بالقصر من مبارح العصر ودغري صرت عندك تاريخ ولا في أختو , رح يعطوك اسم , منشان شو ؟ مومنشان شي يقطع هالعيشة , ودورها لشوف , كل الغاية من الآسم حتى تتميز عن غيرك من البشر ,كذبة كبيرة . كبيييرة كتير , ححياتك بتبدى بكذبة كتييير كبيرة لعدة أسباب, شو الإسم منشان التمييز ,مين قال هالحكي , وشلون بدنا نميز هالأسماء لنهرف مين الأفضل وشو الفرق بيناتها يعني الفرق بين قرد وجحش واضح وضوح الشمس رغم الإلتباسات الفكرية وثورة تغيير المفاهيم,بل قلبها 180 درجة دورانية ويعني لما الحرامية بيصيرو أبطال وطنيين وعم يسرقو ليعملو شركات كل الغاية منها تشغيل أبناء الوطن , وكل غاية الحرامي اللي سرقك "هاي الكلمة بالمعنى الحداثوي هون"أنّو شايف حالو وصي عليك لأنك قاصر اقتصاديا ومو عارف تدبر أمورك الإقتصادية والحياتية, منرجع على الأسماء العربية , طيب شو لو سموك خالد ,ياسلام شو هاد ياهيك الأسماء يابلا , ولك لسّا ما بين خيّرك من شرك صرت خالد , في ناس عملو عمايل ما عملها عنتر ليحصلو على اسم خالد , ومع ذلك كمان في ناس بترفض تطلق عليهم هالإسم وبتقول على شو خالد , بعدين لا تقلّي اسم خالد أخلد من اسم نيرون , لا بتكون غلطان كتير ,وإذا سمّوك مصطفى ياحبيب القلب , بشو أنت مصطفى ومين اللي اصطفاك . وعن مين اصطفاك , وشو علاقتك بأغنية مصطفى يا مصطفى ... تعا لقلك يا مصطفى
أو إذا سموك حسن . حسن بالنسبة لمين ولشو أنت حسن ,كأنّو نظرية النسبية تبع أين شتين اللي بيسمو بالفرب اإنشتاين ما وصلت لعنا لليوم , شو في انقطاع حضاري بالأمة , طيب هالإنتقطاع الحضاري مقصود واللا مو مقصود ,وأنت مو من حقك الشخصي أنو ما يصير عليك انقطاع حضاري , طيب هيدا مو انتهاك لحقك الشخصي
بالآخر وين بدك تهرب , كل الأسماء كبيرة وكل الأسماء عظيمة , وكلها بتهد جبال وبعدك كل شي إلك تحت منك , شلون بدك تشيل هالإسم وتفز من الورطة اللي ورطوك فيها , تصور حالك أهلك سموك سعيد وانت بين الماءين , لا لسا لو كنت لبناني والقصف بكل الوسائل وخاصة وسائل الشتم وبيمرق عليك واحد وبيقللك نهارك سعيد يا سعيد " هاي تحية في بعض مناطق سوريا ولبنان متل مرحبا "وأنت ياسعيد ما عارف حالك لا وين كنت ولا وين رايح
وعم تتمنّى يكون أهلك مو عامليلك غير شغلة وحدة صح وهيي لو أنّو مسمايينك تعيس بدل سعيد على القليلة كانت حياتك بديت صح على الأقل
ونهاركون سعيد كلكلون قشّة لفة


الحلقة القدمة نفس الموضوع بس أسماء الإناس
وأنا رايح فوت أنعس ونام ,يعني رايح فوت نام وصير احلم ..أنّو بلدنا صارت بلد
الحديث القادم

[sslieman]

الاسامي كلام شو خص الكلام عينينا هني اسامينا

[مجنون يحكي وعاقل يسمع]

اي صحيح ,,, الأسامي كلام ,ومتل ما بتقول فيروز اللي اسمى عطى للفيروز قيمة إضافية , وشو خص الكلام عنينا هني أسامينا
ومتلما وعدتكون نحكي اليوم عن أسماء الحبيبات والأمهات والأخوات وبعض الإنتهاكات لحقوقهن , وهاي نون النسوة
الصبح لبكرا , مش سهلة والواحد لما بدو يستخدمها لازم يدير بالو ,
زبلة اسم جميل , لأنو هو مرحلة من مراحل حياة الوردة , وهي حالة الذبول , ومتل ما شاعرنا الأخضل , واللي سمو عكس ما هو , الصغير, وهو أكبر من تلات رباع شعراء عصرو من الكذابين والتزلفين وشعراء البلاط , حيث قال
وعمر الورد ما يهمي شذاه
على دنياه لا شهر وعام
وزبلة بطلة الموضوع اليوم . بدوية من الصحراء , وهي التي يصف عيناها شاعرنا نزار قباني بالعيون الحور , ويمكن يكون إلها علاقة بحوريات الجنة , ما بحط شي على ذمتي , لسا ما رحت لهنيك , بس قريت كتب في وصف الجنة وزنه حوالي تنين ونصف كيلو لأحد الأئمة اللي ما بحياتو كمان راح لهنيك ورح يروح علىما يبدو
منشان ما نطول علبم وبما أنو الأدب العربي عوَيص وبالفاموس زبلة تعني الوردة الزابلة , بس إلها معني آخر حيث بيقول لسان العرب
مصدر زَبَلْت الأَرض إِذا أَصلـحتها بالزِّبْل وزَبَل الأَرضَ والزرعَ يَزْبِله زَبْلاً سَمَّدَه ,الـمَزْبَلة
فريحة شو بدها تعطينا هالحورية بعد كلشي صار وشلون بدها تتخلص من هالورطة ,ومين رح يصدق أنو ريحتها ريحة الورد مو ريحة الزبل بالمعنى الآخر
عندي صديقة اسمها صفاء , والإسم على مسمى وهون الكارثة , بدك تقلي شو المشكل , المشكل أنّو صفاء هي أكثر صفاءاً مو من كاس الماء , أكثر صفاء من الكاس اللي مقطر قطرة ورا قطرا , تبع أبوها لنفنافة , بغنية نفنافة يا نفنافة انتبهيلي عا هالجرة مليانة عرق صافي . كمان بدك تقلي شو المشكل , بعرف بعرف , المشكل وين بعد في صفاء بهالدنيا وبهالعصر , وخود يا فوت بالحيطان , من يوم ما وعيت صفاء وهيي من حيط لحيط ,حتى صارت صحبة بينها وبين الحيطان.
يعني بهيك بلد وبهيك زمن لازم تكون الواحدة أسمها صفا وصفا يعني الصخرة , يعني الحجر الكبيرة اللي هيي بينعمل منها الحيطات , ونحنا متل ما بتعرفو بزمن الحيطان

حلقتنا القادمة باللاءات العشرة تبع اللوح المحفوظ المفروض عليك تنفذها كلها , لا لا لالالالا واللي كانت سبب غنية ال لالا

[مجنون يحكي وعاقل يسمع]

أي صحيح ,,, الأسامي كلام ,ومتل ما بتقول فيروز اللي اسمها عطى للفيروز قيمة إضافية , وشو خص الكلام عنينا هني أسامينا
ومتلما وعدتكون نحكي اليوم عن أسماء الحبيبات والأمهات والأخوات وبعض الإنتهاكات لحقوقهن , وهاي نون النسوة
الصبح لبكرا , مش سهلة والواحد لما بدو يستخدمها لازم يدير بالو ,
زبلة اسم جميل , لأنو هو مرحلة من مراحل حياة الوردة , وهي حالة الذبول , ومتل ما شاعرنا الأخطل , واللي سموه عكس ما هو , الصغير, وهو أكبر من تلات رباع شعراء عصرو من الكذابين والمتزلفين وشعراء البلاط , حيث قال
وعمر الورد ما يهمي شذاه
على دنياه لا شهر وعام

وزبلة بطلة الموضوع اليوم . بدوية من الصحراء , وهي التي يصف عيناها شاعرنا نزار قباني بالعيون الحور , ويمكن يكون إلها علاقة بحوريات الجنة , ما بحط شي على ذمتي , لسا ما رحت لهنيك , بس قريت كتاب في وصف الجنة وزنه حوالي تنين ونصف كيلو لأحد الأئمة اللي ما بحياتو كمان راح لهنيك وما بظن رح يروح علىما يبدو
منشان ما نطول عليكون وبما أنو الأدب العربي عوَيص وبالقاموس زبلة تعني الوردة الزابلة , بس إلها معني آخر حيث بيقول لسان العرب
مصدر زَبَلْت الأَرض إِذا أَصلـحتها بالزِّبْل وزَبَل الأَرضَ والزرعَ يَزْبِله زَبْلاً سَمَّدَه ,الـمَزْبَلة
فريحة شو بدها تعطينا هالحورية بعد كلشي صار وشلون بدها تتخلص من هالورطة ,ومين رح يصدق أنو ريحتها ريحة الورد مو ريحة الزبل بالمعنى الآخر
عندي صديقة اسمها صفاء , والإسم على مسمى وهون الكارثة , بدك تقلي شو المشكل , المشكل أنّو صفاء هي أكثر صفاءاً مو من كاس الماء , أكثر صفاء من الكاس اللي مقطر قطرة ورا قطرا , تبع أبوها لنفنافة , بغنية نفنافة يا نفنافة انتبهيلي عا هالجرة مليانة عرق صافي . كمان بدك تقلي شو المشكل , بعرف بعرف , المشكل وين بعد في صفاء بهالدنيا وبهالعصر , وخود يا فوت بالحيطان , من يوم ما وعيت صفاء وهيي من حيط لحيط ,حتى صارت صحبة بينها وبين الحيطان.
يعني بهيك بلد وبهيك زمن لازم تكون الواحدة أسمها صفا وصفا يعني الصخرة , يعني الحجر الكبيرة اللي هيي بينعمل منها الحيطان , ونحنا متل ما بتعرفو بزمن الحيطان

حلقتنا القادمة باللاءات العشر تبع اللوح المحفوظ المفروض عليك تنفذها كلها , لا لا لالالالا واللي كانت سبب غنية ال لالا
وعاللالا ولالا ولالا وليش الزعل يا خالة وهيي زعلت لحالا

[جـدل]

اسمحلي سجل اعجابي
بالمجانين
وكلمات المجانين
وحياة المجانين
كأتني بزماني طنت مع هل الجماعة
ما بعرف شو اللي خلاني اتركن
بدي ارجع لعندن
العيشة معن بتشبه العيشة بالجنة

[العربي الأصيل]

يعني شو بدك؟؟؟ ليك أنا راسي مو حامله...ولا هو حاملني....

ذكرتني بكلماتك عن زبلة..بمقولة لسعد الله ونوس: (أكره المقولة التي تقول أن العرب خرجوا..أو في طريقهم للخروج من التاريخ)...ايه شو كان حكى هلق؟؟

أكره تأكيد المقولة التي تقول أن العرب أصبحوا قطعاً..بل تماماً..وحتماً أيضاً...في مزبلة التاريخ...بل أصبحوا هم مزبلة التاريخ...

متابعك..اذا بدك...واذا ما بدك

[وشم الجمال]

طوبى لكل المجانين الذين يشبهونك,,,,

رائع رائع ومن المتابعين :mimo:

[مجنون يحكي وعاقل يسمع]

اسمحلي سجل اعجابي
بالمجانين
وكلمات المجانين
وحياة المجانين
كأتني بزماني طنت مع هل الجماعة
ما بعرف شو اللي خلاني اتركن
بدي ارجع لعندن
العيشة معن بتشبه العيشة بالجنة

الله يرضى عليكي لا تفتحيلي هالباب , وكل ما واحد ما عجبو الوضع يجي لعنّا , أهم شي عنّا واسطة مافي , يعني مو بس مخ مافي كمان واسطة ما في , على ما يبدو في علاقة جدلية ياجدل بين وجد العقل ووجود الفساد
بس بتعرفي بعد اللي عملت تحرياتي الجنونية البعيدة عن تحريات سعدو ومنتفعاتو , استغربت كتير شو معيشك براتنا ,اصلا شلون ملاقايي مكان برا العصفورية
وميت أهلين وسهلين

[مجنون يحكي وعاقل يسمع]

يعني شو بدك؟؟؟ ليك أنا راسي مو حامله...ولا هو حاملني....

ذكرتني بكلماتك عن زبلة..بمقولة لسعد الله ونوس: (أكره المقولة التي تقول أن العرب خرجوا..أو في طريقهم للخروج من التاريخ)...ايه شو كان حكى هلق؟؟

أكره تأكيد المقولة التي تقول أن العرب أصبحوا قطعاً..بل تماماً..وحتماً أيضاً...في مزبلة التاريخ...بل أصبحوا هم مزبلة التاريخ...

متابعك..اذا بدك...واذا ما بدك
شوف حبيب منشان متابع معي ,أي متابع وغصب العنّك كمان, وغذا راسك مو حاملك ولا أنت حاملو شوف حبيبنا أبو طوني يعيرك شوية براغي صاج تثبتو بعضكون أنت وراسك ,حاج ناتعلي هالسلم بالعرض وماشي
والمهم إذا كنت مفكر أنو العرب ما طلعو من التاريخ ترا مابتكون كتير غلطان , وأنا بأيد الفكرة ها وبأكد أن العرب ما خرجو من التاريخ لسبب واحد .................................................. .........................!!!!!!!!!!!!!!!!
العرب ما دخلو التاريخ ليخرجو منّا وهاد موضوع آخر بنفتحو حوار منفصل

[مجنون يحكي وعاقل يسمع]

طوبى لكل المجانين الذين يشبهونك,,,,

رائع رائع ومن المتابعين :mimo:
شكراً لمرورك يا عزيزتي
وتقبلي هديتي الموضوع أدناه بعنوان عليي الطلاق بالتلاتة

[مجنون يحكي وعاقل يسمع]

هذا الصباح كان الأجمل من كل الصباحات التي عشتها في هذا المنفى اللعين , لا أعرف مالذي دفع إلى ذاكرتي صباحاً بارداً من صباحات دمشق , هل هو تلك النسمة الباردة اللاسعة التي تحرك الشعور والأحاسيس , وكأني أنحدر صباحي من رأس قاسيون , مستندا على جدران البيوت المتعربشة بالصخور وهي تسافر نحو الشمس
شريط ممتع من الذكريات أيقظتها تلك النسمة الباردة ولم يوقف هذه الموسيقا العذبة إلا صوت الرجل الأجش وهو يحلف اليمين بطلاق زوجته
نظرت إليه كالعاقلين (كونو أنا مجنون)قلّبت الأمر بعقلي , "ما رح تظبط معك ,أمل مافي " قلت مخاطبا نفسي
ما ذنب زوجته الموجودة الآن في مصر لتصبح مطلقة من أجل أمر ربما كان تافها مقارنة بمستقبل أسرة كاملة
وكان الرجل أو الرّجال , نعم رجّال ونصف , من يملك الحق بطلااق زوجته بهذه السهولة ويدمر أسرة بشربة بنزين
لسبب وجوده أكثر وأرخص من الماء . كان قد أقسم بالطلاق على زوجته وتشريد أولاده إن لم أشرب علبة البيبسي
وأنا لست مقاطعا لأمريكاً برفضي لشرب البيبسي ولكنني لم أشؤبها من مبدأ ممارسة حقي الخاص وخصوصيتي
ولكن دفاعي عن خصوصيتي سيؤدي إلى جريمة بشعة بتطليق زوجته , نظر إلي زميلي المصري بعينين تستغيثان
فتحت العلبة ورفعتها موشكا أن أقول له كأس زوجتك وأولادك الذين نفيت نفسك من أجلهم لتقضي حياتك تحت الشمس اللاهبة , وتريد تمزيقهم برفة عين
وتداخلت الخصوصيات وفتحت العلبة وابتسمت عائداً إلى جنوني

[وشم الجمال]

جد عاقلين كتير يللي بموتوا كرمال ولادهم وبلحظة غبا ممكن عقل كلشي تعبوه,,,,

بس هاد يللي بعم ويلعن ابو الخصوصية يللي ما عادت خصوصية بهالزمان,,لك حرية طز يا حرية
اشرب كاس جنونك وضل مرابط ورا المدافعين عن حق الخصوصيةواضطر اتنازل كرمال هدول العاقلين يللي بشربوا كاس لسانن,,,,


حلوة حلوة مجنون,,,,والله فخامة الجنون:larg:

[طفوله]

إذا بدك تفهم لغة لازم تتعلم وهاي مو حيّالله لغة





كل الحياة لعبة


وعم نلعب كلنا


خلينا نكفي لعب بس بطريقتنا














فأنت أيها البني آدم المنتهكة خصوصيتك قبل أن تأتي إلى الضو وأنت تغني :"طلعنا على الضو , طلعنا على الحرية.



لإنتقال جريمة إليك بدون معرفة حتى رأيك فيها















أصبح يستطيع أن ينتهك خصوصيات غيره لأنتهاكهم لخصوصياته

قبل


وأثناء


وبعد


الولادة











كل الغاية من الآسم حتى تتميز عن غيرك من البشر


,كذبة كبيرة


. كبيييرة كتير


, ححياتك بتبدى بكذبة


كتييير


كبيرة










ما دخلو التاريخ ليخرجو








شريط ممتع من الذكريات أيقظتها تلك النسمة الباردة ولم يوقف هذه الموسيقا العذبة إلا صوت الرجل


نعم رجّال ونصف , من يملك الحق بطلااق زوجته بهذه السهولة ويدمر أسرة





بشربة


بنزين







... :akh: ...

[مجنون يحكي وعاقل يسمع]

ربما كانت الأسواق مكان التنفس الوحيد للصغار , حيث لا أحد يأتمن أن ينزل طفله أو طفلته إلى الشاعر وحيث أن المدرسة هي في كل دول العالم المكان الذي يخلق ويكون شخصية الإنسان فهي هنا ولأن المكان هو في دولة الإنسانية وبين المائين حيث تتنافس الجمهوريات الورقية والممالك الكرتونية والسلطنات التنكية في الألقاب الإنسانية والألهية , ولذلك فالمدرسة من الخارج تبدو كأبي غريب أو تدمر أو كل منابر العلم والحرية المنتشرة في هذه الدول والممالك والسلطنات ,
نطت وشطت وحطت الطفلة الصغيرة ,ابنة صديقة التي كنّا برفقتها مع أمها وأبيها ,حتى وصلت إلى أعلى كونتوار المطعم , محاولة أن تصل إلى شيف المطعم الذي يرتدي ثوبا أحمر يشبه ثوب بابا تويل , وهنا سألها الرجل الوافد والغريب
- شو بدو يجبل بابا نويل ياعمو
وهي لم تبلغ الثلاث سنوات وتعيش في مكان مميز على الخارطة العالمية , وبماذا مميز بالكثير من الأشياء التي لاتراها إلا هنا , كبراميا النفط السوداء المتحركة والتي لا يكسر إيفاع شكلها إلا فتحتين في الأعلى وبعد بحوث علمية لكبار جهابذة العلم فيها وصل إلى نتيجة مفادها أن لا حاجة للثقبين في رأس البرميل فثقب واحد يكفي
الأطفال يتعرفوت على بابا نويل أول مرة وهم في عمر هذه الطفلة , ولكن من ميزات هذه الدولة التي تعيش فيها أيضا أنها البلد الوحيد الذي لايجرؤ حامل بسمات الأطفال أن يدخلها خوفاً من الجلد والتعزيز وهو الحكم الجاهز له ولأمثاله من المتمردين على قوانين منع الفرح الطفولي
التفت الرجل إلى والدها ليسأله ساخراً نفس السؤال
_ شو بدو يجبلها بابا نويل
_ أنت لابس متل بابا نويل , صحيح , اعمل بابا نويل أجاب صديقي ونظر إلي طالباً التدخل في الحديث فقلت بعد أن أشار الرجل برفع يده ممررا إياها أمام رقبته إلى عملية الذبح
لا يا سيديلقد تم ترجمة بابا نويل وإعطائه خصائص المكان والزمان
كيف ؟
سألني أحدهم
- اللغة هنا سوداء والتاريخ أسود والفرح أسود لذلك عربّوه إلى لون الزفت ,وأنثوه لأن الأنثى أكثر حناناً وعاطفة على الأطفال
_ وليش مو أبيض متل اللون اللي بيلبسو الرجال
_ لأنو بابا نويل نجس عندهم والنجس لباسه الأسود , واللباس الأسود تحت الشمس هو نوع من أحكام الله على
المرأة صادر بحقها قبل أن تخلق فالرجل يأتي من الله وكل أعماله وأفعاله منه جل وتعالى أما المرأة فكل أعمالها من الشيطان , فهل هي من صنع الشيطان أم الرحمن

[satoman]

طوبى لجنونك صديقي :D

متابع معك 00

[sslieman]

مابعرف شو بدي قلك بس انت مجنون بامتياز




متابعين ومتابعين ومتابعين ...............................

[مجنون يحكي وعاقل يسمع]

طوبى لجنونك صديقي :D

متابع معك 00
أهلاً يك ياصديقي , ,ارجو ربط الأحزمة للمحافظة على عقولك حتى لا تنتزع الطبخة بغياب أحد طرفي معادلة
مجنون يحكي وعاقل يسمع

[مجنون يحكي وعاقل يسمع]

مشكلة التعليم في جمهورية بين الماء وبين الماء الفاضلة ,أنه في مراحله الأولى (الإبتدائية في سوريا) أن له وزارته الخاصة التي لا تعرف الفرق بين تلقين الأطفال للمعلومات والحقائق , والتي تتعامل مع الموضوع كما يتعامل حوَاشة القطن مع شلول ( شوالات ) القطن أثناء حشوها بالقطن ودحش القطن بداخلها , حيث يتراقص رجلان فوق شل القطن لحشوه بأكبر كمية من القطن , مع فارق وحيد لصالح دكاك القطن (ودكاك على وزن فعال وهو ابن عم عتال)
ونسميه دكاك للشبه بينه وبين دك الحصون والقلاع بالمنجنيقات, والفرق هو أن الدكاك يقف عند حدّ معين خوفاً من تمزق الشل , والخوف هنا بدافع الحب على الشل من التمزق , وهذا الخوف هو ما لا تملكه وزارات التربية والتعليم على عقول أطفالنا من الإانفجار وربما كانت هذه النتيجة هي غاية هذه المؤسسات والتي نمكن أن نطلق عليها أسم طقاقات أو فقاعات العقول , لآنه تبذل ما في وسعها لتطقق عقول أطفالنا بحشوها بالمعلومات التي تطقّق وتفقع عقول الكبار لا الصغار
سألت الأم ولدها طالب الصف الثالث الذي يحشون رأسه بانجازات الآلهة , حتى اختلط عليه التمييز بين آلهة السياسة وآلهة الدين , واختلطت عليه الإعجازات والمعجزات مع المنجزات
الأم؛ماهي المعجزات التي صنعها السيد المسيح يا شطّور
فرد الطفل مبتساً وكأنه يكرر صلاة أبانا الذي صنع الحياة وبنى الجامعات والمدارس والكنائس والمساجد .....
الطفل :معجزات السيد المسيح هي بناء المدارس , والسدود والجامعات والمساجد والمعامل والكنائس
ومن عندي لو سئلت عن منجزات ثورة يوليو أو ثورة الفاتح أو المسكّر ...الخ لقلت
قيام القيامة , وإبصار العمي , وإسماع الطرشان , ونطق الخرسان
ويا عين صبي دمع
وحي على الصلاة حي على الفلاح
وهيهات يابو الزلوف من دوس رجليّا

[Sun Shine Art]

اول شي عذرني ....لانني سهيت قليلا عن الموضوع ..ولا اروع من هيك بالجنان ...
وهل الايام ..بضل الجنان احسن من ميه دوا ومن ميه دكتور ....
ع كل الاحوال ..انت بتعرف منيح كم معجبه بكل كلمه بتكتبها ...وبكل موضوع بتنزلو ...
فا سمحلي ارجع هنيك ع التسلسل .الرائع ...ومتابعه هل المره عن جد .....:D
الله يرحم الابتدائي ..ولك ايه ايام ...
ونيال صديقتك صفاء ...عليك ;)

[اللامنتمي]

أنتَ أعقل المَجانين ,.

[sweetbaby]

رائع بكل معنى الكلمة...
تحية لجنونك...مع رفعة شابو:D


متابعة بشغف

[مجنون يحكي وعاقل يسمع]

أنتَ أعقل المَجانين ,.



وأنت أكثر العاقلين جنونا
وتحية لجنون عقلك من عقل مجنون

[مجنون يحكي وعاقل يسمع]

رائع بكل معنى الكلمة...
تحية لجنونك...مع رفعة شابو:D


متابعة بشغف
وتحية مجنون لعقلك
وشكرا على المتابعة

[sslieman]

تحية معطرة بزهر القطن واذا مابتعرفها رح نروح انا وانت بتشم الريحة وبتدكلك شلين قطن مع الشباب
ونشرب احلى كاسة شاي فورا من جب المي :oops:

شكرا الك ومتابعين...........

[مجنون يحكي وعاقل يسمع]

تحية معطرة بزهر القطن واذا مابتعرفها رح نروح انا وانت بتشم الريحة وبتدكلك شلين قطن مع الشباب
ونشرب احلى كاسة شاي فورا من جب المي :oops:

شكرا الك ومتابعين...........
بطلناها هاي كاسة الشاي ,بس بتعرف كاسة المتة من مية الجب يمكن إلها نكهة أكتر وألذ , بس على علمي المي عمتنشف بالبلد , وبدها الحكومة تجبر الناس يزرعو بترول

[sslieman]

بطلناها هاي كاسة الشاي ,بس بتعرف كاسة المتة من مية الجب يمكن إلها نكهة أكتر وألذ , بس على علمي المي عمتنشف بالبلد , وبدها الحكومة تجبر الناس يزرعو بترول

اذا وقفت على المي محلولة منستني فرج الله
يعني قولتك ممكن نشرب متي ببترول ؟؟؟؟:shock:

[مجنون يحكي وعاقل يسمع]

الخصخصة والخصوصية ،هل هما قريبان أم بعيدان عن بعضهما أم هما كالمستقيمين المتوازيين لا يلتقيان مهما امتدا إلاّ بعونه تعالى ، وإذا التقيا لا حول ولا قوة إلا بالله , ويمكن أن يلتقيا أيضاً بعون حكومة رشيدة فهيمة قوية مثل العديد من الحكومات الممتدة بين المائين
ترى ألا يحق للمواطن أن يسأل بينه وبين نفسه وليس أن يسأل الحكومة ، لأنه يعرف أنه لا حياة لمن تنادي , ترى بعد أن تم تخصيص الوطن وأصبح كله قطاعاً خاصا أو قطاع طرق وهم يبدوان أمران مختلفان تماما ولكنهما أقرب كثيرا لبعضهما من الخصخصة والخصوصية رغم عدم تشابه الأحرف نهائياً بينهما , وانطباقها في الكلمتين الأخريين
ترى عند تخصيص كل الوطن ، هل يفقد الإنسان خصوصيته ويصبح الجميع كأسنان المشط سواسية أمام القانون وأمام الحكومة وأخيرا أمام الله ، ربما كان ذلك وربما هذه الخطة التي بدأت بها الحكومات بين المائين وعزاؤنا أن هذه الحكومات لم تبدأ بشيء واستطاعت أن تنهيه ، منذ أن ورثت كل ما في الوطن من الإستعمار ، بعقد أشبه ما يكون بالعقد الذي وقعه كل من الصحابيين الجليلين معاوية بن أبي سفيان وعمرو بن العاص حين وهب أحدهما بلاد النيل التي ورثها عن أبيه للآخر ، مقابل أن يترك صاحبه ويلتحق به ، ونفس العقد أصبحت حكوماتنا توقعه مع قطاع الطرق والقطاع الخاص بقطع الرزق وقطع النصيب ، أتمنّى أن لا ينتهي مشروع تخصيص الحكومات حتى لا يعتبر تعدي على خصوصياتنا والتي تعتبر الدعامة الأساسية في معركتي الصمود والتصدي وتحرير ما تبقى

[مجنون يحكي وعاقل يسمع]

نشرت صحيفة «الراية» القطرية مقالاً بعنوان «فيروز والأخوان رحباني فصل من سيرة مأساوية» (بتاريخ 7 شباط/ فبراير) للكاتب جهاد فاضل، تناول تفاصيل الحياة الخاصة والأسرية للفنانة فيروز وعلاقتها بكل من عاصي ومنصور الرحباني وشقيقاتها وشقيقها من آل حداد. التفاصيل الواردة في المقالة التي يزعم كاتبها أنّه شهد أو سمع بعضها دفعت بريما عاصي الرحباني إلى الخروج عن صمتها. هكذا، جاء ردّ ابنة فيروز حازماً، نفى كل ما ورد في مقالة «المدعوّ جهاد فاضل» بتعبيرها.file:///C:/Users/nahed/AppData/Local/Temp/msohtmlclip1/01/clip_image001.jpg
لكن ما هي مناسبة نشر مقالة عن سيرة فيروز المأساوية مع الأخوين الرحباني بعد أقل من 40 يوماً على وفاة منصور الرحباني؟ وإذا كانت الصحافة قد تناولت في مناسباتٍ عدة العائلة الرحبانيّة وفيروز إثر رحيل منصور الرحباني، فإنّ معظم ما كتب لم يخرج عن الصيغة التكريميّة للراحلَين، وفتح صفحات من تاريخهما منذ انطلاقتهما وصولاً إلى إكمال منصور الرحلة وحيداً بعد عاصي. وحتى لمّا وضعت الأقلام التجربة الرحبانية على مشرحة النقد، فإنّها نأت بنفسها عن صيغة التجريح والتطاول على رمز من رموز الأغنية اللبنانية. أما كاتب المقال في «الراية»، فخرج عن ذلك العرف، واصفاً فيروز بـ«فتاة قروية ساذجة»!
أسهب جهاد فاضل في التحدث عن عدم حب فيروز لمنصور، ومحاولاتها الحثيثة للتفريق بين الشقيقين اللذين تلازم اسماهما في شخصية واحدة، هي «الأخوان الرحباني» حتى لحظة وفاة عاصي، عارضاً أسباب خلافها معه ومع شقيقتيها هدى وآمال وكذلك مع شقيقها جورج. ويصف فيروز بأنّها «ليس لها شيء من حلاوة الملامح (...) إضافة إلى كونها غير متعلّمة وليس لديها سوى صوتها»! كُتب الكثير بأنّ فيروز، رغم كونها تنتمي إلى عائلة فقيرة، وأنها لم تكتسب من العلم سوى القليل، سطع نجمها ولم يمثّل ذلك عائقاً في رسم مستقبل مسطّر بالتألق والمجد والشهرة. لكنّ صاحب المقال يذهب أبعد في كتابته عن أسلوب حياة فيروز، كأنه «يشنّ حملة منظّمة» وفق ما جاء في ردّ ابنتها ريما. يكتب مثلاً أنّه بعد الخلافات مع زوجها، «بدأت تسهر خارج البيت الزوجي، ولا تعود إليه إلا مع خيوط الفجر»... فهل يهمّ ذلك جمهورها حقّاً، بمعزل عن كونه كلاماً دقيقاً أو ملفقاً يعود إلى زمن بعيد جدّاً؟
يصرّ الكاتب على أن ما أورده في المقال الذي أثار استنكار الوسط الثقافي والفنّي، لم يكن بهدف الإساءة إلى فيروز. يقول: «أحترم فنّها وأقدّره، كذلك فإنني أحد المعجبين بصوتها». ويضيف: «هناك من كتب أكثر من ذلك بكثير، ومع ذلك لم يواجه باللوم أو التأنيب... وليس هدفي التشهير أبداً». ويرى جهاد فاضل أن «هناك نوعين من الكتابة عن فيروز، الأولى تتناول أغنياتها ومسرحياتها الرحبانيّة، والثانية تغوص في سيرتها، وأنا اخترت الطريق الثاني، وأتناول سيرتها بالأسلوب الذي أراه مناسباً». وينفي أنه طالب شهرة، بل أنا زاهد بها وأرفض الظهور في البرامج التلفزيونيّة، وأفضّل أن أبقى كاتباً حرّاً». وينفي عنه شنّ حملة لتشويه صورة فيروز، «لأنني استندت في ما كتبته إلى أمور معروفة سمعتها من أقرب الناس إليها من عائلة حدّاد، إضافة إلى استنادي إلى ما ورد في كتاب للناقد المسرحي عبيدو باشا.
من جهته، يؤكّد الناقد عبيدو باشا أنه توقف عند القيمة الفنيّة للأخوين رحباني وفيروز في كتابه: «إنّهم هم العاصيان المنصوران وفيروز الرحباني» كما يؤكّد، مشيراً إلى أنّ كتابه لا يحمل في أي جزء منه، تشهيراً. ويوضح: «لم أطّلع على الموضوع، لكن إذا كان الكاتب قد استند في أي جزء من أجزاء مقاله على معلومات استقاها من كتابي، فعليه أن يحدد المرجع الذي استند إليه بصورة غير قابلة للبس».
أما ريما الرحباني، ابنة فيروز وعاصي، فظلت بعيدة عن كل ما تناول والديها في الصحافة. لكن ما ورد في مقال جهاد فاضل استفزها، لما فيه من معلومات، تتضمن «تجريحاً ومغالطات عن سيرة حياة الراحل عاصي الرحباني وفيروز». ونفت صحّة ما ورد في مقالة فاضل جملة وتفصيلاً، محذرةً من أن «تروى أو تكتب أو تؤلف أو تنشر أو تحكى أو تدس سيرة أو قصص أو روايات عن حياة عاصي الرحباني بأي شكل من الأشكال»، محتفظة لنفسها بحقق اتخاذ الإجراءات والملاحقات القانونيّة ضد أي مخالفة.
أما القارئ، فننصحه بأن يذهب إلى أوّل محلّ أسطوانات ويشتري بعضاً من أعمال فيروز والرحابنة، ثم يضع إحداها في الجهاز رافعاً صوت جهاز الموسيقى، بعيداً عن الذين يبحثون في القاذورات عن الفضائح أو يتلصصون من ثقب باب التاريخ على الحياة الخاصة للناس، بحثاً عن الحكايات المثيرة
.
باسم الحكيم
المصدر: الأخبار
2009-02-17

[مجنون يحكي وعاقل يسمع]

تعود بي الذاكرة إلى زمن جميل .كنّا نطير فيه كالفراشات، وكانت شوارع البلدة منارة ببعض المصابيح التي لا تعطي ضوءاً أكثر من مصباح الكاز , وكنّا نقوم برمي هذه المصابيح بالحجارة، والمصابيح المنيرة فقط أما المصابيح المعطلة فما لنا ولها , ربما كان عملنا هذا هو العمل الأول المأجور في حياة كل منّا ، حيث يدفع لنا أحد العشاق أجرتنا عن هذا العبث الطفولي ، من أجل خلوة غير ضوئية مع عشيقته أو حبيبته ، وربما أصبح هذا العبث الطفولي مع الزمن إراديا لدى البعض ، الذين يتعمدون قذف كل مايشع في حياتنا بحجارتهم ، ولكن غير البريئة
هنا تصبح المسألة الخاصة مسألة عامة ، فخصوصية فيروز هي خصوصيتنا جميعاً ، بمعنى آخر ,عندما يحاول أحدهم اقتحام خصوصية إنسان بهذا الحجم فهو ينتهك ويقتحم ويكسر خصوصياتنا جميعاً ،
فيروز أصبحت سماءنا ، وأصبحنا الأرض التي تستقبل أمطارها, الريح التي تدفع أشرعتنا بعيداً عمن وعن ما نحب، والرياح التي تعيد أشرعتنا من غربة الروح وغربة الجسد إلى وطن كنّا نسيناه لولا أنها تعيدنا إليه كلما حاول النسان أن يعكر حزننا لفقدانه ، أغنية فرحنا وحزننا , خيباتنا وانتصاراتنا الوهمية ، النسمة التي تمسح عن روحنا غبار العذاب وتنشر عبير الحب , تغني لنا وعنا , وتصلي لنا وعنّا حتى صارت أغنيتنا وصلاتنا
اتركوها لنا حتى نبقى نشعر بآدميتنا وحتى نبقى نتذكر انه ما يزال لنا وطن في مكان ما ، وربما لم يبقى منه إلاّ صوتها الذي هو صدى لأرواحنا وأفكارنا
اتركوا لنا شيئاً من الجمال نؤرخ به حياتنا ونقول ولدنا وعشنا في زمن فيروز أمه لزياد
وأقول لريما الرحباني
_ دعي الموتى يدفنون أمواتهم ، فلن يسمع شخيرهم ونخيرهم أحد

[satoman]

صديقي

تذوب ذرات ادراكي في نطق جنونك :D

معك حتى الجنون

[Sun Shine Art]

:D...............

[sslieman]

اتركوا لنا شيئاً من الجمال نؤرخ به حياتنا ونقول ولدنا وعشنا في زمن فيروز أمه لزياد
وأقول لريما الرحباني
_ دعي الموتى يدفنون أمواتهم ، فلن يسمع شخيرهم ونخيرهم أحد




:x
هيك حيوان عفوا هيك انسان يدعي الادب والعلم ويتهجم على فيروز بقى كيفك مع الذين يدعون الجهل:jakoush:

فيروز والرحابنة لازم يعملولهن تمثال :hart:

خلهم يقرطون......................الكلاب تنبح والقافلة تسير:pos::pos:


الله محييك وشكرا لحروفك :D

[شامي للنخاع]

تحية دمشقية معطرة بي عبق ياسمينها..........
متابع بشغف جنونك الذي يدوي فينا.........بلكي بنصل لصوت الحقيقة جوانا:D

[مجنون يحكي وعاقل يسمع]

:D...............

:akh::akh::akh::fk:

[jankasanova]

اتركوها لنا حتى نبقى نشعر بآدميتنا وحتى نبقى نتذكر انه ما يزال لنا وطن في مكان ما


لك انت دايما بتحط ايدك عالجرح تحية الك و لجنونك
:D

[مجنون يحكي وعاقل يسمع]

:x
هيك حيوان عفوا هيك انسان يدعي الادب والعلم ويتهجم على فيروز بقى كيفك مع الذين يدعون الجهل:jakoush:

فيروز والرحابنة لازم يعملولهن تمثال :hart:

خلهم يقرطون......................الكلاب تنبح والقافلة تسير:pos::pos:


الله محييك وشكرا لحروفك :D
تمثال شو يا خال ما في شي بيتملون وما في بيساعون وبعدين ما هم جوّا الوجدان والعقل , وبعدون في زمن انقلاب المفاهين صار المثل يقول
القافلة تنبح .... ةالكلاب تسير ( بس هيك حبيت ذكرك أو صلحلك ياها)
ويا هلا بيج يا خوي