هل تعرفون هذا الإحساس؟

[Jilan_joly]

هل تعرفون هذا الاحساس؟ نعم إنني أعرفه..فطالما عشت معه وتأقلمت عليه..إنه إحساس مميت بالذنب..وأنك السبب في كل مشاكل الآخرين وربما أيضا أنت السبب في احتلال القدس و فلسطين..إحساس يقتل ببطء..عندما تشعر أنك مخطئ مخطئ مخطئ..وأنك لو كنت قاض في محكمة الحياه لحكمت علي نفسك بالتعذيب حتي الموت..عندما تقتنع أنك فاشل لا تستحق الحياه..تقتنع أنك لا يجب ان تعيش في هذه الأرض وأن مكانك الطبيعي هو بين قبور الموتي حيث الوحشه والخوف والرعبه ..بين العظام..بين الحطام..ليس من الضروري ان تكون ميتا وإنما يجب ان تتعذب وتتألم وتقتل نفسك من الداخل بيديك..عندما تضيع روحك للأبد وبلا رجعه..عندما تسلب منك ضحكتك..عندما تعجز حتي عن الابتسامه فتلجأ إلي استراقها من شفاه الآخرين..عندما تحتاج إلي شخص ما وبقوه وتجد منه ردة فعل قاسيه بل مدمره..عندما يكرهك الآخرون و ينعتونك بالملاك الأسود الذي يحب الشر و يدعي البراءه..عندما تضيع نفسك وتعجز حتي عن البحث عنها..عندما تفقد الثقه بكل شئ لديك..عندما تتحطم نفسك تحطيما مهينا يجعلك لا تريد إعادة إصلاحها..عندما يصل بك الحد الي ان تعذب نفسك بنفسك فعليا لأنك تكرهها..عندما تجتمع عليك الذئاب كلها في آن واحد و تنهش في جسدك وانت مستسلم..عندما تهب العاصفه وتقتلعك من جذورك وتلقي بك حيث لا تدري..عندما تسأم الحياة وتعشق الضياع..عندما تعيش علي أمل وحيد وتحتضنه كلما ضاقت بك الدنيا وتعانقه أكثر وبقوه وتبكي في حضنه كلما ضاقت أكثر و فجأه ينتزع منك هذا الامل انتزاعا وتبقي وحدك بلا مأوي..عندما تجد الحياة سوداء ولا يوجد فيها حتي نقطة ضوء واحدة لتهتدي بها..عندما تبكي حتي تنضب دموعك و تجف عيناك..عندما تسامح الآخرين فيبالغون في جرحك وإيذاءك..عندما تنتظر قطار الموت في محطتك وتضيق بك هذه المحطه فتلعنك و تسبك..عندما تحاول أن تتكلم وتنطق ولكن صوتك لا يستطيع الخروج من كثرة ألمك وحزنك..عندما تتفرد بحزنك و يرفض أقرب الناس إليك حتي أن يخفف عنك بكلمه بل يقول(لا أريد هما..أريد أن أعيش سعيد..فاحمل همك واذهب بعيدا) ماذا تفعل؟ بماذا ترد؟..أعرف..تعاقب نفسك وتجلدها وتعذبها وتخرسها عن الكلام وتقتل ما بداخلها من مشاعر فتعيش كجسد بال..ربما أثقلت عليكم فهذا ما يحدث فعلا ولكن....."ارض بما قسم الله لك تكن أغني(أو أسعد) الناس" فالرضا و القناعه هما كل سبيل إلي حياة كريمه..


إذا سمحتم إذا في حدا رح يكتب رد ساخر و مستهزئ فبلي ما يرد أحسن..وشكرا لكل القراء






أي سؤال او استفسار ابحثو عني بين القبور

[Jilan_joly]

إنو الموضوع مانو بشع لهالدرجه يعني...طيب أي حدا يرد بشي كلمه واحده حتي مشان يرفع معنوياتي شوي..واضح إنو القسوه منتشره بكل مكان حتي هون..في المكان اللي ظنيت انو في أشخاص رح ينسوني أو رح يعاملوني منيح..طيب ردو وقولو بشع بس لا تعملو فيني هيك..عموما بتشكركن كتير ع المرور..إذا إلي صلاحيه أنا بدي أطلب من إدارة القسم حذف هاد الموضوع ورميه بالزباله علي وجه السرعه..
شكرا

[satoman]

والله شي صعب كتير وبتمنى مايصير معي بس ممكن يحصل يمكن مولهيك درجه بس ولو جزء من اللي عم تحكيه
يعني عموما الدنيا هيك ماشيه عالم ضايعه وعالم ماحدا بيحس فيها شي صعب اكيد وموضوعك حلوووو كتير ومستغرب ليش مافي ردود تحياتي الك

[Jilan_joly]

والله شي صعب كتير وبتمنى مايصير معي بس ممكن يحصل يمكن مولهيك درجه بس ولو جزء من اللي عم تحكيه
يعني عموما الدنيا هيك ماشيه عالم ضايعه وعالم ماحدا بيحس فيها شي صعب اكيد وموضوعك حلوووو كتير ومستغرب ليش مافي ردود تحياتي الك

ياالله شو فرحت لما شفت ردك شكرا إلك كتير و هاد شي مارح إنساه إلك بنوب بنوب..شكرا كتير كتير كتير

[butterfly]

إذا سمحتم إذا في حدا رح يكتب رد ساخر و مستهزئ فبلي ما يرد أحسن..وشكرا لكل القراء


إنو الموضوع مانو بشع لهالدرجه يعني...طيب أي حدا يرد بشي كلمه واحده حتي مشان يرفع معنوياتي شوي..و
هلا جيلان
:oops: بعتذر انو كنت رح رد امبارح بس المزاج الملون تبعي كان غير متناغم مع إيقاع اللي بتكتبيه
لهيك ما بقدر قلك اني فهمت شعورك تمام :oops:

فعليا لأنك تكرهها
بس لهون وبيكفي .. لازم تبدي تحبيها .. هية صديقتك .. وهية اللي عالأكيد رح تضل معك كل حياتك
عدي تصالحي معها وحاج تقسي عليها
وابتسمي .. ابتسمي كتير
وانشالله بنقدر بأخوية نرسم عوشك ابتسامة
:akh:

ولا تزعلي انو ما عم يردو .. ( هي أنا بجلالة قدري رديت :lol::ss: )

[Jilan_joly]

إنو أنا ماني لاقيه كلمات لحتي اعبرلك فيها عن مدي امتناني لإلك..عجبني ردك كتير و حبيت حكيك واتمنيت لو كنت بعرفك عن جد..شكرا إلك كتير

[stormsmaker]

حاجي اسا قاعدي و حاطي الحزن بالجرن و قاعدي
روح اسمعيلك غنايتين تلاتي لزياد و تفائليلك شوي ولو مو محرزي
:D

[Miss Petals]

لما يجي هاليوم هاد اللي بحس فيه هكذا,,,او الاصح احكي الحظة الليبتجي كل يوم و بحس فيا هيك ...كنت متعودة دايما الجا لحالي و فككر او لكتاب اقرا ينقلني لعالم تاني مع انو كان كتيير رفقات حولي يفهموني و افهمن ,,,بس هلء بعد ما كلهن راحو ...صرت احتاجن اكتر وما يكفييني عالمي اللي كانو يسممو عالم غريب....ويمكن لها السبب انا هون ناو

[Jilan_joly]

حاجي اسا قاعدي و حاطي الحزن بالجرن و قاعدي
روح اسمعيلك غنايتين تلاتي لزياد و تفائليلك شوي ولو مو محرزي
:D

أغنيتين؟؟ لا فعلا و نعم النصيحه..ده بدل ما تقول روحي أقرإيلك شوية قرآن ينفعوكي؟
ماشي يا سيدي
وشكرا علي المرور والرد شكرا جدا جدا

[Jilan_joly]

لما يجي هاليوم هاد اللي بحس فيه هكذا,,,او الاصح احكي الحظة الليبتجي كل يوم و بحس فيا هيك ...كنت متعودة دايما الجا لحالي و فككر او لكتاب اقرا ينقلني لعالم تاني مع انو كان كتيير رفقات حولي يفهموني و افهمن ,,,بس هلء بعد ما كلهن راحو ...صرت احتاجن اكتر وما يكفييني عالمي اللي كانو يسممو عالم غريب....ويمكن لها السبب انا هون ناو

عندك حق والله فعلا الشي بنحتاجه اكتر لما نفقده..وأنا كمان أحد أسبابي للاشتراك في المنتدي انو حس انو في ناس منيحه لسا و ان مو كل العالم بشعه متل اللي حولي وانو لسا في حياه ولسا في خير ولسا في مجتمع وعالم و دنيا..وأنا كمان بحب القراءه وبلجألها كتير بس أنا وصلت حالتي انو ما عادت تنفع القراءه معي لتاخدني لعالم تاني فمشان هيك ما عدت اتحملت..بس الله يزيح عنا يارب.

والله بتشكرك كتير..أنا حسيت إنك حاسه فيني وانا بحب هيك..انو يكون الشخص اللي قدامك حاسس فيك هاد شي في حد ذاته عظيم جدا..شكرا إلك علي المرور والرد

[اللامنتمي]

إنكِ تتنهدينَ بـِ أوجاع ِ أمةٍ كَامِلة

إنكِ تكتبنَ بـِ وجهِ وطن ٍ وَ أماني شُـهداءٍ وَ أحلام ِ كُل نسـاءِ الأرض

ياااه

كَمْ أنتِ مَبتورة ,.

[Jilan_joly]

نعم فهذا الاحساس أصعب ما يكون علي اي نفس بشريه..فهو يجعلك تموت ألف مرة كل دقيقه..يجعلك تكره كل شئ حولك..يجعلك حتي لا تستسيغ لقمة الطعام أو شربة الماء..فما أقسي هذه الحياة وما أغربها.

أشكرك علي كلماتك التي بلغت بداخلي مبلغ التأثير(وليس التأثر..هناك فرق)..كما أشكرك كثيرا علي مرورك و ردك

[هشام ابو شرار]

الاحاسيس كشجرة الياسمين اذا تركناها لامتدادها.........ينتشر عبيرها مع السحاب

[Jilan_joly]

الاحاسيس كشجرة الياسمين اذا تركناها لامتدادها.........ينتشر عبيرها مع السحاب

أعرف هذا ولكن ماذا لو وصل بك الحد الي ان لا تستطيع حتي السيطره علي أحاسيسك وان تضطر الي تركها لامتدادها؟

أشكرك علي المرور والرد

[الصمت الناطق]

إنها الحياة نكون أو لا نكون مليئة بالأوجاع .. وقريباً ستقتل بنا كل احساس

ورغبة منا بالقناعة بتفاصيلها واستيعابها سنحاول الثبات ولن نظلم أنفسنا

" الحياة .. مامن وراءها شيء إلا البكاء ".

[Jilan_joly]

إنها الحياة نكون أو لا نكون مليئة بالأوجاع .. وقريباً ستقتل بنا كل احساس

ورغبة منا بالقناعة بتفاصيلها واستيعابها سنحاول الثبات ولن نظلم أنفسنا

" الحياة .. مامن وراءها شيء إلا البكاء ".

كل كلمة قتلتها سهم صائب..ولكن القناعة شئ يتطلب متسع من الوقت وحتي يمضي هذا الوقت يجب أن نتألم وبشده..أعاننا الله علي مصائب وحملات الدهر علينا..إنها الدنيا..نعم إنها الدنيا..بارده ليس فيها أي دفء..سئمتها و سئمت كل شئ فيها..

أشكرك علي المرور والرد و ياليتنا نستطيع فعل شئ غير البكاء..

[جـدل]

ربما..مازلت حياً في مكان ما
وأعرف ما أريد
سأصير يوماً ما أريد
سأصير يوما فكرة لا سيف يحملها إلى الأرض اليباب
وكتاب
كأنها مطر على جبل تصدع من تفتح عشبة
لا القوة انتصرت ولا العدل الشريد

سأصير يوماً ما أريد

سأصير يوماً طائراً..وأسل من عدمي وجودي

كما قال محمود درويش
كوني ما تردين
ولا تستسلمي لفكرة الإنطواء

[Jilan_joly]

كنت أحاول ومازلت أحاول وسأظل أحاول ولكن فكرة الإنطواء أصبحت تقريبا جزءا لا يتجزأ من شخصيتي بعد أن كنت اجتماعيه لأبعد الحدود..أصبحت شيئا راسخا بداخلي وكما يبدو ان الاستلام أصبح عندي هكذا أيضا فالدنيا تأكل مني والزمن يمر سريعا وأشعر أن عمري يتلاشي وبمرور الوقت وقعت في فخ تذكر الأشياء التي كنت قد نسيتها وربما هذه هي نقطة ضعفي في هذه الحياه أن الماضي يؤثر علي الحاضر بشكل مخيف..سأحاول بإعانة المولي عز وجل وبإعانتكم أنتم أيضا أن أصير ما أريد.

أشكرك كثير فقد أعطيتني دفعة أمل تفوق تخيلك..جعلتني أفكر وأبدأ في إضاءة مصابيح عقلي المعتمه التي عفي عليها الزمن..أشكرك علي مرورك و ردك

[هشام ابو شرار]

أعرف هذا ولكن ماذا لو وصل بك الحد الي ان لا تستطيع حتي السيطره علي أحاسيسك وان تضطر الي تركها لامتدادها؟

أشكرك علي المرور والرد
في الرياح السيئة يعتمد القلب

[Jilan_joly]

في الرياح السيئة يعتمد القلب

حتستغرب لو قلتلك ان انا مش فاهمه بوضوح..ياريت كلامك يكون فيه توضيح شويه وبلاش غموض و أمثال..أنا آسفه بس لازم أفهم كلامك علشان أقدر استوعبه وارد عليه وشكرا علي مرورك وردك

[stormsmaker]

أغنيتين؟؟ لا فعلا و نعم النصيحه..ده بدل ما تقول روحي أقرإيلك شوية قرآن ينفعوكي؟
ماشي يا سيدي
وشكرا علي المرور والرد شكرا جدا جدا
طيب روحي فجري حالك بفلسطين احسنلك :lol:
و صلي عالطريق كمان
تحية:D

[Jilan_joly]

طيب روحي فجري حالك بفلسطين احسنلك :lol:
و صلي عالطريق كمان
تحية:D

أولا حابه اشكرك كتير علي المرور والرد..ثانيا بعتقد انو انا كتبت ياللي بدو يرد رد ساخر فبلي ما يرد(هي مشاعر ناس مو لعبه)..في مواضيع كتير غير هاد بنقدر نمزح فيها علي كيفنا..بس بالأخير أنا حابه اشكرك كتير فعلا ولا تزعل..رجاءا

[Jilan_joly]

مرحبا يا جماعه..كان بدي اسأل سؤالين..الأول ليش دائما لما بنكون بحاجه ماسه لشخص معين ما بنلاقيه قدامنا وما بنحسن نتواصل معو وانا شخصيا بفضل ضل ابكي وعذب حالي ولا اني اتطفل علي حدا..والتاني ليش دائما بفتح الموضوع وبلاقي المشاهدات في الطالع والمشاركات في النازل؟انا بدي هيك حكي كتير وبدي حس انو في ناس وفي عالم عم تسمعني وفي حدا حاسس فيني وطبعا انا في غاية الشكر للأعضاء اللي ردو وحبيتن كتير وفرحت كتير بس انا طماعه شوي وبدي زياده لانو حالتي متل ما قرأتو..وشكرا كتير

[Jilan_joly]

شو..؟ليش مافي حدا حابب يرد ولا حتي يجاوب اسإلتي؟ماشي..بوعدكن مارح رد علي مواضيع اي حدا غير اللي ردو علي..(كلام عيال)

[هشام ابو شرار]

كم هو مقيت هذا الحزن والسوداوية اللذان يحاصران احلامك وينثران الشوك في دربك...لاتعترفي بشئ اسمه نهاية العالم ولا تستسلمي لموجة قد تاخذك الى جزيرة ملئى بالاشواك..ليس هناك من طرق مسدودة هناك فقط طرق متعرجة وبين التعرجات ومرآتك الداخلية تكمن الحقيقة...كنتي فظة جدا في استنشاقك لمرح الاخرين ورغبتهم في سحبك من خيمة الخيبة......وتذكري دائما ان من يمشي حافيا خير ممن يمشي بلا قدمين

[butterfly]

:) اقترح عليكي .. ان تغلقي الموضوع ( بتمنى ما تفهمي اقتراحي كمشرفة .. عم اقترح كشخص عم حاول قدملك كيف أنا بشوف النظر )

حزنك موجود ومنحترمو ... واعتقد وصل للأغلب هون انك شخص حزين .. طيب بعد مرحلة الحزن هي ؟ ماحاسة لازم تسكري هالملف .. وتبطلي مثبتة نظرك عهالنقطة من الحياة
يمكن ما عم تشوفي شو عم يمرق أشيا بالحياة جميلة لأنك لسى مثبتة نظرك عهالنقطة

عم تبحثي عن أصدقاء بأخوية ؟ وناس تسمعك ؟
اطلعي من الحزن تبعك .. وروحي لعندن .. :) فكري بأشيا تانية ..احكي باشيا تانية
الحزن هو جانب من شخصيتك .. خلينا نشوف جوانب تانية يا أختي

ما بعرف قدي عمرك .. بس بقدرافترض انو حياتك لسى بأولها
وانو :) الوقت اللي عم يمر انتي وعم تستهلكي حزنك .. عم يروح عحساب لحظات الدفا بحياتك

كل الناس متألمة .. وكل مين مننا عندو بمكان ما وجعو وضعفو .. حتى أكثر الاشخاص ألوانا وفرحا وقوة .. عندن حزنن ووجعن وخيباتن
بس إذا علقتي بهالحلقة المفرغة .. رح تتعبي .. وعالفاضي

رح تقدري يمكن تعملي علاقات .. انتي ومثبتة النظر على حزنك .. بس هالعلاقات رح تكون شفقة وعطف :)
انا بجد حاببتك تنطلقي بأخوية وتحكي وتكتبي .. عن شي تاني غير الحزن
خلينا نتعرف عليكي ...
خلي الوقت .. يداويكي .. ويلاقيلك الحل ..

وروقي ..
:)

[Jilan_joly]

:) اقترح عليكي .. ان تغلقي الموضوع ( بتمنى ما تفهمي اقتراحي كمشرفة .. عم اقترح كشخص عم حاول قدملك كيف أنا بشوف النظر )

حزنك موجود ومنحترمو ... واعتقد وصل للأغلب هون انك شخص حزين .. طيب بعد مرحلة الحزن هي ؟ ماحاسة لازم تسكري هالملف .. وتبطلي مثبتة نظرك عهالنقطة من الحياة
يمكن ما عم تشوفي شو عم يمرق أشيا بالحياة جميلة لأنك لسى مثبتة نظرك عهالنقطة

عم تبحثي عن أصدقاء بأخوية ؟ وناس تسمعك ؟
اطلعي من الحزن تبعك .. وروحي لعندن .. :) فكري بأشيا تانية ..احكي باشيا تانية
الحزن هو جانب من شخصيتك .. خلينا نشوف جوانب تانية يا أختي

ما بعرف قدي عمرك .. بس بقدرافترض انو حياتك لسى بأولها
وانو :) الوقت اللي عم يمر انتي وعم تستهلكي حزنك .. عم يروح عحساب لحظات الدفا بحياتك

كل الناس متألمة .. وكل مين مننا عندو بمكان ما وجعو وضعفو .. حتى أكثر الاشخاص ألوانا وفرحا وقوة .. عندن حزنن ووجعن وخيباتن
بس إذا علقتي بهالحلقة المفرغة .. رح تتعبي .. وعالفاضي

رح تقدري يمكن تعملي علاقات .. انتي ومثبتة النظر على حزنك .. بس هالعلاقات رح تكون شفقة وعطف :)
انا بجد حاببتك تنطلقي بأخوية وتحكي وتكتبي .. عن شي تاني غير الحزن
خلينا نتعرف عليكي ...
خلي الوقت .. يداويكي .. ويلاقيلك الحل ..

وروقي ..
:)



أولا شكرا إلك ع النصيحه..تانيا أنا اللي جواتي محفور بقسوه وما بيروح بحذف موضوع أو كتابة آخر أو ما شابه..تالتا أنا شايفه الاشيا الجميله اللي بتمرق بالحيات بس بغمض عيوني عنها لانو زمان كنت كل ما بشوف شي بفرح وبتمسك فيه وفجأه بتجي الحيات وبتنتزعه مني بالقوه وآخر مره كانت من شي شهرين..فتحت عيوني وحاولت احب حالي وحب الحيات وشوف الجميل فيها وبالفعل شفت شي أجمل من ما تتخيلي وبدأت إنسي أحزاني وحده وحده وإنسي قسوة الزمن وإتخلص من الرواسب السودا جواتي واتمسكت بهالشي الجميل وكنت بحتمي فيه كل ما يصير معي شي...بس شو صار بالأخير..إنخطف هالشي من بين إيدي وأنا مافيني اتحرك..مو بس هيك..لا كمان رجعت كل آلامي وأحزاني مضاعفه وزادت كمان من حزني علي هالشي..وندمت وصرت عذب حالي واقتلها وقول ليش فتحت عيوني ليش ليش..كان بيكفيني اللي جواتي..وقررت مارح افتح عيوني لو شو ماصار بهالدنيا..لو انطبقت السما ع الأرض أبدا ما بفتحها..وفعلا مارح افتحها هاد وعد شرف مني..وبخصوص الشفقه والعطف أنا بتمناهن وبتمني حس فين حتي ولو مره واحده قبل ما اموت بس مبين ما إلي نصيب.وشكرا إلك مره تانيه

[Damask Rose]

بصراحة بكيتيني وانا عم بقرأ..
بمر الواحد كتير بهيك لحظات بحس حالو انو أتعس انسان بالدنيا وماضللو شي....بس إلا مايجي يوم ويعرف انو الدنيا لسافيها أمل طول ماعم نصبر....

[Jilan_joly]

بصراحة بكيتيني وانا عم بقرأ..
بمر الواحد كتير بهيك لحظات بحس حالو انو أتعس انسان بالدنيا وماضللو شي....بس إلا مايجي يوم ويعرف انو الدنيا لسافيها أمل طول ماعم نصبر....


أكتر شي بكرهو إنو أبكي حدا..بعتذر ما قصدت بكيكي والله..إنتي عم تقولي لحظات..الحمدلله انو عم تكون لحظات عندك..عندي أنا سنين..لك وينه هاليوم وينه..كل ما بقول خلص إجا بكتشف إنو كذب..أنا بدفع عمري وشوف حتي طيف يوم الأمل هاد..شكرا إلك ع المرور والرد وبعتذر مره تانيه لإنو نكدت عليكي.

[Damask Rose]

اول شي ليش بتعتزري؟؟هلأ بجي بطخك ها..
تاني شي عن جد حبيبتي كلنا بنمر بايام مو لحاظات بنكره كل الدنيا حتى بنكره حالنا وبنشوف الدنيا سودا ومستحيل انو نتخيل انو بيوم نحس بطعم السعادة اوحتى نشم ريحتها...بس ازا هاي الايام علينا إلا ماتكون الجايه لالنا..اسأليني لالي مريت ولساتني عم بمر بايام كتير سودا بس عم ساير حالي واتحمل لانو مع اني كتير بكتئب متأكدة انو راح يجي اليوم الي انبسط فيه....حتى لو البواب كلها كلها مسكرة هلأ........
اسمعي مني وورجينا ضحكتك لشوف..يلا:oops:

[Jilan_joly]

اول شي ليش بتعتزري؟؟هلأ بجي بطخك ها..
تاني شي عن جد حبيبتي كلنا بنمر بايام مو لحاظات بنكره كل الدنيا حتى بنكره حالنا وبنشوف الدنيا سودا ومستحيل انو نتخيل انو بيوم نحس بطعم السعادة اوحتى نشم ريحتها...بس ازا هاي الايام علينا إلا ماتكون الجايه لالنا..اسأليني لالي مريت ولساتني عم بمر بايام كتير سودا بس عم ساير حالي واتحمل لانو مع اني كتير بكتئب متأكدة انو راح يجي اليوم الي انبسط فيه....حتى لو البواب كلها كلها مسكرة هلأ........
اسمعي مني وورجينا ضحكتك لشوف..يلا:oops:


إي ماشي طخيني والله رح كون مبسوطه كتير لسببين..الأول رح تريحيني من هالحيات وعبثها فيني والتاني لانو رح موت علي إيده ورده حلوه متلك..بيجوز معك حق..يمكن مشاكلك قابله تنحل بس أنا مشاكلي ما إلها حل..جربت وحاولت ورح ضل حاول..بس رح كون متيقنه تماما انو مارح تنحل إلا إذا أنا متت..المشكله متل ما قلت انو سواد هالأيام رح يضل ملازمني بقية عمري(هاد اذا كان الو بقيه)رح يأثر علي حياتي وتصرفاتي تعاملاتي وكل شي..بس بالنهايه الحمدلله علي كل شي..شكرا لإلك كتير..استني شوي رح اشتري ضحكه من السوبر ماركت لانو ضحكاتي خلصت.

[butterfly]

بدك تحاولي ما تخلي الحزن يسرقك .. ويغرقك لعندو ( في رفيقة كتير بحبا .. هيك بتقلي ) ..
بعدين على مافهمت أنك مؤمنة .. :) مدام عندك إيمان فلازم يكون عندك ثقة أنو الأمور رح تمشي للأفضل ..
في جملة من المزامير أنا جدا بحبا .. بحب شاركك فيها بتقول
" الرب يرعاني فلا شيء يعوزني "

ديري بالك عحالك .. وما تخلي الحياة تربح عليكي .. نحنا بدنا نربح عليها
:akh:

[Jilan_joly]

بدك تحاولي ما تخلي الحزن يسرقك .. ويغرقك لعندو ( في رفيقة كتير بحبا .. هيك بتقلي ) ..
بعدين على مافهمت أنك مؤمنة .. :) مدام عندك إيمان فلازم يكون عندك ثقة أنو الأمور رح تمشي للأفضل ..
في جملة من المزامير أنا جدا بحبا .. بحب شاركك فيها بتقول
" الرب يرعاني فلا شيء يعوزني "

ديري بالك عحالك .. وما تخلي الحياة تربح عليكي .. نحنا بدنا نربح عليها
:akh:





اللي معي مو مجرد حزن ولا شي مؤقت..اي مؤمنه بس الإيمان ما بيمنع انو يكون في صعوبات ومشاكل وتعرجات وعراقل وانثناءات بطريق الحيات الصعب..ثقه؟كيف بدك ثقه كيف..إذا دققتي منيح بالموضوع رح تلاقي هالكلمه مفقوده للأبد في قاموسي..الله يرعانا كلنا..بس كمان هاد ما بيمنع انو الله يعاقبنا او يبتلينا بمشاكل..بالنسبه لحياتي فهي خلص ربحت وإنتي رح إدعيلك تربحي علي حياتك..شكرا ع المرور والرد

[Jilan_joly]

خلص؟وقفنا علي هيك؟لك وين الناس..ناطره أنا