Dr-Hus يتعرض إلى محاولة اغتيال فاشلة [الأرشيـــــف]

الأستاذ

05/08/2004, 16:15

ورد من مصدر موثوق الخبر التالي:
تعرض dr-hus يوم الثلاثاء الماضي 3/8 الساعة الواحدة بعد منتصف الليل، إلى محاولة إغتيال فاشلة، حيث قام مجهولون بحفر حفرة في شارع الدبلان في المكان المتوقع أن يمر فيه dr-hus ليقطع الشارع كي يصل إلى الكشك الذي يباع فيه الKENT و عندما قفز من أعلى الرصيف شاءت الأقدار أن يقع في طرف الحفرة مما أدى إلى تعرضه إلى فكش في قدمه، ولحسن الحظ تواجد بمكان العملية كل من أبو عبدو و الأستاذ و قاما بإسعافه إلى السيارة بعد أن اكتشفو أن الKENT خالص من عند الكشك و عندها بدأت جولة البحث عن الصيدليات المناوبة لشراء رباط و مرهم للفكش ، لكي يجدوها أخيراً في الصيدلية العمالية بعد أن وصلت حملة البحث إلى طريق الشام و الوعر و بعض المناطق الأخرى
و نحن إذ نندد بهذه العملية الاجرامية و التي تستهدف كرامة الموقع و عنفوانه،نتمنى ل dr-husالشفاء العاجل
ملاحظة 1 : لولا جهود التهدئة التي قام بها كل من أبو عبدو و الأستاذ لكان ال dr-husيريد رفع دعوة على الدولة بسبب و جود الحفرة في الطريق :?
ملاحظة 2: قام أبو عبدو بقياس عمق الحفرة و و جد أنه يصل إلى 6 سنتيمتر :P
أبعد الله عنا و عنكم كل مكروه ، و دمتم بحفظه تعالى :angel:

Geeny

05/08/2004, 17:23

الحمد الله على سلامتك يا ريس :( :D :D :D

dimozi

05/08/2004, 17:43

_________ بيان عسكري ____________

تعلن كتائب الشهيد ديموزي , الجناح العسكري لحزب التحرير الحمصي القومي الاخوي , عن مسؤوليتها عن اعداد و تنفيذ عملية اغتيال احد قيادي العدو المتعاونين مع سلطات موقع الاخوية,
باستدراجه الى الدبلان حيث كان من المتوقع ان يشتري علبة دخان كنت ابو فلترين , وقامت مجموعاتنا المرابطة في الموقع بحفر جورة بعمق 6 سنتمتر يتم التحكم بها عن بعد , و بعد رصد القيادي لمستهدف مع عدد من القيادين في الموقع قررت المجموعة التراجع عن العملية , كيلا تقع اصابات بين المدنيين .

واننا نؤكد استمرارنا على نهج الكفاح المسلح حتى تحقيق كافة اهدافنا الغير محددة بعد , و نعد الاخوة المواطنين باننا سوف ندمر اي محاولة لابعاد الثورة عن مسارها , مسار الجماهير الكادحة.

ودمتم

قائد العمليات الميدانية في منطقة حمص و زيدل و فيروزة

:Dالجنرال مستر سمايلي ابو وردة

marchella

05/08/2004, 17:43

سلامتك يا دكتورنا :D ويعطيلكون العافيه ابو عبدو والأستاذ :)

rowaf

05/08/2004, 23:09

سلاااامات حكيم و إن شاء الله بالشفاء
ما قلنالك لازم تعين بدي غارد يضل معك ليل نهار وين مارحت و وين ما جيت..... ما اسمعت الكلمة شايف
و أنا بدوري أطالب كل الجهات المعنية الرد على هذه العملية 8) 8)

SABE

06/08/2004, 00:32

أنا الصحفي سعيد أبو سؤال من صحيفة إعرف الحقيقة بوقتها التابعة لموقع الأخوية الحمصي ... عندي بعض الأسئلة لجميع الأطراف المعنية بالموضوع ...
محاولة الإغتيال الفاشلة ( ( و الحمد لله ) ) تمت يوم الثلاثاء 3/8/2004 بعد منتصف الليل ...
و نحن اليوم يلي هوي الخميس الواقع في 5/8/2004 ... سمعنا عن الحادث و ملابساته ...
ممكن التوضيح لماذا هذه التغطية الإعلامية المتأخرة .. مع العلم أن الحوادث بهذه الأهمية ينبغي أن تبث على شكل ملحق فوري ضمن الموقع و في جميع المنتديات ...
و من برأيكم اليد الخفية خلف هذه المحاولة ؟؟؟
و هل كانت تستهدف فقط الريس حسام أم أنها كانت تستهدف المواطنين الشرفاء الثلاثة المتواجدين ؟؟؟
و نريد أن نسمع تعليق الريس الشخصي حول هذه العملية ... و ما هي التغيرات التي طرأت على حياته من بعدها ؟؟؟

شو يا جماعة ... بشرفكون ما خرجي إطلع شي صحفي مشهور ؟؟؟ يعني مشهور مو شو من كان 8) :lol: :P

Anmar

06/08/2004, 01:44

الله يسلم هالإيدين يا أبو عبدو يا استاذنا العظيم ...

بس الحلو بالموضوع أنو الحكيم ما عرف يحكم حالو :o ويا سيدي تعيش وتاكل غيرا وأهلا بكم في حمص ...

وأنا اطالب باتخاذ الإجراءات اللازمة بحق زعماء كتائب الشهيد ديموزي , الجناح العسكري لحزب التحرير الحمصي القومي الاخوي
وبحب قلن انو هاي الحركات ما رح تأثر أبدا على معنوياتنا أبداً ...

دمتم ودام الحكيم ...

HashtNasht

06/08/2004, 02:14

إن الأيدي الآثمة التي حاولت أن تنال من الحكيم اثناء قيامه باداء مهمة انسانية في أرض المعركة ما هي إلا أياد قصيرة عاجزة أمام صمودنا جميعاً متحدين في وجه الأوباش
الحمد الله عالسلامة يا حكيم
و خيرا بغيرا يا ديموزي :o :o :o :o :o :o :o

architecturer

06/08/2004, 04:00

جماعة المعماريين الفشلة تؤازر كتائب الشهيد ديموزي وتحثهم على الاستمرار :?

وبتستاهل الله لا يقيمك يا حكيم 8)

ايدي وايدك مستر سمايلي أبو وردة لنحقق حلف جبار بقضي على هاي الأوبي :lol:

.....................................المعما� �ي الهابط :shock:

dimozi

06/08/2004, 12:57

إن كتائب الشهيد ديموزي اذ ترحب بالحلف مع جماعة المعماريين الفشلة , لدحر الطغاة و المعتدين , فإنها تشدد على ان كفاحها المسلح سوف يستمر و لن توقفه حملات القتل و التنكيل العنصرية التي يمارسها العدو ضد مدنينا و مؤسساتنا , ولن ترعبنا البروباغندا الاستعمارية التي يبثها في نفوس الشعب.

و عاشت الامة الحمصية حرة مستقلة من المصفاي الى تدمر و من قطينة الى النبك , و ليمت الاعداء في كيانهم المصطنع , و ليخسأ الخاسؤون .
و بالاخر منردد الشعار

ثورة ضد الطغيان :evil: .............. ضحك و بيرة و نسوان :hart:

الجنرال مستر سمايلي ابو وردة :D

Hus

08/08/2004, 12:29

عراصي الشباب والله
اي والله الحقيقة داهمتنا كتائب الشهيد ديموزي بقزيفة من طراز (طزطز) عملت حفرة 6 سم بشارع الدبلان .. واللحمد لله انو نجينا من القزيفة نوع (طزطز) بعيدة المدى بس داهمني سيرفيس طراز (لا تلحقني مخطوبي ) وخطف انظاري عكتر ما مصورخ مدري لاحقينو وما عرفانين انو مخطوبي .. واتعلقت عيوني فيه انا وعم اعبر الشارع لحتا وقعنا بالجورة تبع الصاروخ ...

وهذا الاستاذ وكان معاه ابو عبدو بدل ما يشرفو وينتشلوني من الجورة قعدو يتضحكو ويتكهكو .. وانا رجلي مفكوشي فكشة كتير قوية يعني
ولهلق مزرقة :frown:

وبعد هال محاولة الاغتيال المزعومة اخدت طيارة وطلعت على منتجعات كفرام (ضيعتنا ) للاستجمام شي يوم قام سحبت 5 ايام بسب حالت رجلي الصحية وحالتي النفسية
واجتمعت صباي الضيعة .. يا حبيب .. وهاي الي تفركلي رجلي بالفولتارين وهاي اتسخنلي ميي .. وهاي تبعبع وتولول وهديك تسب وتلعن بالاستاذ والمدعو ابو عبدو .. وبعجقة هال الصبايا عاد انسيت طل على الموقع .. بقا ما اتواخزونا
وهلق رجعت .. و
اقسم بالله العظيم اني سانتقم.. واعدو لهم ما استطعتم ممممممممممممم :jakoush: :jakoush: :jakoush:

dimozi

08/08/2004, 13:00

اصلا نحنا ناطرين التدابير العسكرية اللي رح تتخذوا , و ها التحركات المشبوهة على مواقعنا الغربية مكشوفة يا حبيب , و نحنا راصدينكن بكفرام و بغيرا كمان :lol: و ذراعنا العسكرية هيي اليد الطولى بالمنطقة :gem: و رح نجهض اي اجراء رح تتخذو 8)

كفرام مربط خيلنا :P

yass

08/08/2004, 13:28

خيو اسمعو مني و قصرو الشر .
أنا مستعد استضيف مفاوضات السلام عندي باسبانيا . بس بشرط كل واحد يجيبلي معو كام علبة معسل ورد وشي طنين تلاتة حلاوة جبنة. مو مشان شي بس عشان نتفاوض عرواق.
بقا شو رأيكون؟؟؟؟ :angel: :angel: :angel:

Geeny

08/08/2004, 14:21

يا ريس انا جاهزة لحمايتك :gem: :gem:
أنا bodygard تبعك يعني اطمن و حط رجليك بمي باردة و كول بوظة :P

الكبير

08/08/2004, 14:39

مساء الخير
أعلن الكبير عن استيائه الشخصي لسماع الخبر الأليم
ان هذه المحاولة ليست الأولى ولن تكون الأخيرة
واذا ما قدرتو تغتالوه ابعتولي خبر
انا بغتالو ميشان صير مستشااااااااااااااااااار
:dr: :dr: :dr: :dr: :dr:
:angel: :angel: :angel: :angel: :angel:

sally

08/08/2004, 15:23

الف الحمدالله على السلامة ياDr_Hus و الله انا اليوم لحتى عرفت :cry:

انشالله عدوينك و لي بيكرهوك و لي بيفرحو لوئتك يوئعو و ما يئومو :wink:

جينو

08/08/2004, 15:40

يعني صحي ما بعرفك يا حكيم بس حمدالله على السلامة و بصفتي من الجالية الحمصية في بلاد المهجر بحب خبرك إنو مية جورة مطينة و كلها مي بنص شوارع حمص و لا الطرقات المزفتة النظيفة اللي برا

و عاشت حمص حرة مستقلة :D

dimozi

08/08/2004, 17:33

يا ريس انا جاهزة لحمايتك
أنا bodygard تبعك يعني اطمن و حط رجليك بمي باردة و كول بوظة

لك شو هاد يا Geeny عم تتعاملي مع العدو؟؟ :x

خلص طلع القرار بفصلك من التنظيم , Geeny ما عادها بالحزب القومي الحمصي يا شباب.

أنا قاعد عم ناضل و استشهد و هيي عم تلعب على الحبلين :evil:

نسي كل شي كان بيننا

Geeny

08/08/2004, 17:47

شوووووووو :x :x :evil:
لسه هلأ خلصت موافقتي عليك :evil:

dimozi

08/08/2004, 19:32

يا أختي القصة كبرت ........ ما عاد فيني حب

قصة وعي سياسي........ مش قادر أني حب

حبي هو الجماهير و غرامي القضية

صيري انتي الجماهير و المؤسسات الشعبية

لأكتبلك غنية

_____________________________________

Geeny انا من زمان قلتلك انو حبنا شي و القضية و النضال شي :? , و انا ما بقدر بعد عن درب الثورة :shock: و انتي عم تحاولي تبعديني , بيجوز بدون قصد , بتعرفي مشاكل الحياة :(

بس الوطن ما في أغلى منو believe me , و اذا خيروني بين سعادتي و حرية الوطن فأكيد رح أختار حرية الوطن 8)

وداعا أيتها الغالية .............

الى اللقاء في مكان افضل

حيث لا حزن ولا فراق........

انتظريني في الركن الخلفي من الجنة

فربما اكون هناك

ستار ........ و يختفي الممثل.

NEDAL-S

09/08/2004, 00:31

شو القصة يا دكتور مبينتون ما عات عم يتهدو وصوتن عيلي ماتعودنا على هاد الشي :confo:
صار بدهون شي فركة أدن :wink:
أذا مانك فاضي خبرني أنا بعمل الازم :gem:

HashtNasht

09/08/2004, 03:34

بعد التعتيم الإعلامي الكبير الذي رافق محاولة الاغتيال و الذي فرضته ظروف كلا الطرفين المتحاربين و غياب دور المنظمات الانسانية كان لابد لنا كمنظمة حشت نشتية مستقلة تهدف الى كشف الحقائق ونشرها بين أيدي المواطنين وتمكينهم من الحكم على الأمور من خلال رؤية واضحة , كان لابد لنا من ننشر هذه الوثائق التي التقطتها اجهزة الأمن والاستطلاع التابعة للواء الخامس , الفرقة الرابعة , جيش الحشت .
و في مايلي الصور التي التقطت على الأرض فور وقوع الحادث حيث يظهر الحكيم ملقياً على الأرض قبل وصول المسعفين وكما هو واضح في الصورة فانه كان برفقة عدد كبير من المرافقين من بينهم ربما شخصيات قيادية بارزة ( ليس كما صرحت المصادر الحكومية بأنه كان برفقة ابو عبدو والاستاذ فقط )
كما رصدنا أيضاً رد فعل الشارع و المواجهات التي دارت بين انصار الحكيم و بعض المخربين من الحزب القومي الحومصي
الذي يتزعمه ديموزي ....
نترركم مع الصور

SABE

09/08/2004, 03:44

بشرفي إذا كل واحد بيتعرض امحاولة إغتيال بيطلع بعدها على كفرام (( مربط خيلنا )) أنا بطالب من الجنرال سمايلي أبو وردة :D يبعت شي قزيفة لهون ...
بس بشرفك حكيم ... هواء كفرام ما بيرد الروح ؟؟ و المشوار لعند عين الدنكورة المسويات بيخلي أكبر فكش للرجل يطيب ...
يعني يا جماعة نصيحة للكل .. اذا تعرضتوا لمحاولة إغتيال فاشلة أو لا .. و إذا كانت رجلكون مفكوشة أو لأ ... ما تروحوا من إيدكون زيارة كفرام بالصيفية .. و يلي بيروح لهنيك .. يسلملي على كل الصبايا و يكمنون عني .. بعرف اننون قاقانين عليي هلأ :P لأنو صرلون زمان ما سمعوأ أخباري :lol: :lol:
و هلأ صار عندي واسطة ... طلعنا أنا و الحكيم من ضيعة وحدي ... خبرية حلوي (( مع انو بس امي من كفرام )) بس الشغلة صار فيها واسطة ... بقا غلأ بدي اقلب النفوس من حمصي لكفرامي :P
لا يا اخوان عمبمزح بقصة الواسطة ... لأنو مكتوب بصفحة البداية ... ما في وسايط 8) بس يعني شغلة دعم معنوي ما أكتر :gem:

Hus

09/08/2004, 05:49

شكرا yass, geeny, الكبير ,sally, جينو NEDAL-S.. والله خجلتونا يا جماعة ..

يا ريس انا جاهزة لحمايتك
أنا bodygard تبعك يعني اطمن و حط رجليك بمي باردة و كول بوظة

الحقيقة انا باجتماعي الاخير بالقزافي اتناقشنا مطولة وجوبيات كون الحماية الخاصة من البنات ..ولسا عم ندرس الموضوع عنا بالقيادة العامة ..

اخي hashtnasht هاي الصور تركيب .. ما صار هال الحكي يا جماعة .. احنا كنا نازلين على الدبلان بدبابات .. ولما اتعرضتلنا قوات ديموزي المعادية كانت على درجات نارية من نوع (سنفور) :P

saeed .. على راصي حارتك والله يا حبيب .. متل ما اتقول انا كيف بدي قلك

متل النسر بجوز جناح ... حمصي واصلي كفرامي ..
انا متل النسر بجوز جناح كفروني واصلي كفرامي
صاير ابي من كفرام وامي من الكفرون وانا حمصي بجناح كفرامي وجناح كفروني :gem: :gem:

dimozi

09/08/2004, 15:49

سعيد .......لك هاد انت؟؟؟

أنت Marchal Mathers .. مهيك؟

لك أهلين بابن العم والله .................... و على راسي العيلة كلها .
كام واحد بحمص بيعيطولك ابن العم , و مانن من ولاد عمك ؟؟؟

أما بالنسبة للمعلومات التي سربتها قيادات العدو عن انواع اسلحتنا ..... فإننا نبشر الجماهير الكادحة الى ان لجنة تطوير بحوث العمليات و الاجهزة العسكرية التابعة لكتائبنا ..... قد توصلت الى اختراع موتورات سنفور تعمل على الطاقة النووية , من اجل زيادة السرعة و الكفاءة القتالية لعناصرنا , و المحافظة على هواء حمص الغالية من التلوث بالدخان الناتج عن المازوت

و اننا اذ نهنئ القيادة على الاستخدام الحكيم للموتورات في شارع الدبلان المزدحم , نلفت عناية السادة المواطنين الى ان سبب الزحام هو الدبابات المعادية التي تعرقل السير و تلوث الجو في حمص الحبيبة .

متوعدين قيادة العدو بالذل القريب و الهزيمة النكراء

ثورة ضد الطغيان ............ ضحك و بيرة و نسوان

الجنرال مستر سمايلي ابو وردة :D

SABE

09/08/2004, 16:34

سعيد .......لك هاد انت؟؟؟
اي و الله ... هاد انا بعضمي و لحمي ...

أنت Marchal Mathers .. مهيك؟

هاد نا كمان ... بس هيي MARSHALL MATHERS يلي هوي ملك الكاونر (( يعني أنا ))

لك أهلين بابن العم والله .................... و على راسي العيلة كلها .
كام واحد بحمص بيعيطولك ابن العم , و مانن من ولاد عمك ؟؟؟

أهلين بابن العم ... يعني أنا كتير مبسوط طلع عندي ولاد عم بدون ما يكون عندي عم ... بس بصراحة .. بحمص كلها ما في غير شخص واحد بيعطلي ابن العم ... بس حوي ما بيعرف انو اسمي MARSHALL MATHERS .... يعني والله احترت .. لا والله ما عرفتك ... :confo: :confo:

على كلن سلامات للجنرال سمايلي أبو وردة :D و صار عندي واسطين بالموقع :P

dimozi

09/08/2004, 17:25

.. بحمص كلها ما في غير شخص واحد بيعطلي ابن العم ...

والله ذاكرتك ضعيفة يا ابن العم ........... لك كل الشلة بتعيطلك ابن العم .

شو نسيت ايام ال IPC , و العصابات , و الاسلحة و لعب الطابة و سرقة البسكليت من الحارس؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

SABE

09/08/2004, 17:26

لك يا هلا ابن العم ... هلأ تذكرت ... لك ع راسي حارتك يا زلمي ... أنا معي هق ما أعرفك ... بس انت ما معك حق ما تعرفني .. لأنو اسمي واضح و صريح بشكل عجيب ..
على كلن ... منيح انو شفتك هون .. هلأ صرت بقدر اسمع أخبارك ... و أخبار الجنرال مستر سمايلي أبو وردة :D
و لا تأخذني انو ما تذكرت من أول مرة !!! بس كنت مستغرب ابن عم شغل تنظيمات و عمليات اغتيال ... :confo:

dimozi

09/08/2004, 17:36

!!! بس كنت مستغرب ابن عم شغل تنظيمات و عمليات اغتيال ...

بتعرف بكل عيلة في خاروف اسود :lol:

SABE

09/08/2004, 17:39

سرقة البسكليت من الحارس؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

بس هاي ما تذكرتا ؟؟؟ :P

architecturer

10/08/2004, 03:50

سرقة البسكليت من الحارس؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

بس هاي ما تذكرتا ؟؟؟ :P

لك شبك يا زلمي :(

لما كنا نلعب بالطابة ادام بناية الحارس وكان يخاف انو تجي الطابة على الخشبات :o

وكان يلحقنا بالجفت :shock:

عم امزح أخواتي بس حبيت شارك واتغالظ بنفس الوقت :D