منين الله بعتلي إياكي

[passerby_intime]

منين الله بعتلي إياكي ... منين الله بعتلي إياكي
خليتي حالي اتغير
عيني كانت لولاكي ... عيني كانت لولاكي
بعدا ما تعرف تسهر
خليتي دمعي يغلى ... خليتي مري يحلى
منين الله بعتلي إياكي ... خليتي المالح سكر

كيف دخلتي حياتي ... من دون أي استئذان
رسمتي بيدك بسماتي ... فوق الجرح اللي كان
عيوني عصبحك فاقو ... غصن العمر وأشواقو
بدلتي لون أوراقو ... خليتي الأصفر أخضر
منين الله بعتلي إياكي .............

يلي صرتي بضلوعي .... بلسم قلبي المجروح
نورتي كل شموعي ..... وضويتي ليل الروح
ضلي بقربي سهراني ... وحدك ومالك تاني
قلبي من كثر أحزاني ... من قبلك يا ما تمرمر
منين الله بعتلي إياكي ..............

هذه أغنية لمطرب لبناني سمعتها قبل عشر سنوات في بيروت
من هو الذي غنى هذا الأغنية ؟
رابط لمقطع من الأغنية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
( المقطع بجودة سيئة للأسف) إذا حدا عندو الأغنية ياريت يزودنا بها مشكورا

[passerby_intime]

:? ولوو
ما في حدا بدو يساعدنا :cry:

[Damask Rose]

طيب مابنعرف من وين نجبلك ياها:cry:عشر سنيييييييييين
ولي قطعتلي قلبي:cry:

بس ليش الكزب..كلماتها كتير حلوة
من نين الله بعتلك ياها؟؟؟؟:oops:

[MadMax]

:? ولوو
ما في حدا بدو يساعدنا :cry:
و الله بعرفو ...... بس ناسيه
كانوا يصرعوا ربنا فيه عالـmtv اللبنانية قبل ما تسكر

[passerby_intime]

طيب مابنعرف من وين نجبلك ياها:cry:عشر سنيييييييييين
ولي قطعتلي قلبي:cry:

والله إذا إجت معكن بتكونو فضلتو على راسنا وإذا ما في إمكانية على الأقل اسم يلي غنى الغنية إذا عندكن حدا شاطر بالأغاني يساعدكن ويذكركن باسمه ويذكرنا
معك حق تستغربي إنو المدة عشر سنين كثيرة بس يلي مبتلي بالتسجيلات على الورق وعلى الكاسيتات وعلى السيديات مصيبته إنو بتبقى الشغلات محفوظة عندو منشان فجأة يشوفها ويحن إلها بعدما يكون ضيع الأصل تبعها


من نين الله بعتلك ياها؟؟؟؟:oops:

على مين قصدك على الغنية وإلا على يلي ذكرتني بالغنية ;)
على كل حال الغنية وصاحبتها بيوجعو القلب ومدري ليش حظي هيك ما بيحلالي إلا العلل يلي الله عاملهن بلوة لغيرهن من الناس :frown:



بس ليش الكزب..كلماتها كتير حلوة

شي بيحرز الواحد يعذب حالو منشانها ما :D شكرا عالمساهمة



و الله بعرفو ...... بس ناسيه
كانوا يصرعوا ربنا فيه عالـmtv اللبنانية قبل ما تسكر

إيه أكيد مو معقول ما تعرفوه بس النسيان سبب كل علة
مع إنو كانو صارعين الدنيا فيه ونسيناه لكن شلون لو كان ما حدا سمعان فيه مثل غير أغاني بالكومايات وما عم استرجي اسأل عنها حدا
ممنون عالمرور والمشاركة:D


.

[Damask Rose]

على مين قصدك على الغنية وإلا على يلي ذكرتني بالغنية ;)
على كل حال الغنية وصاحبتها بيوجعو القلب ومدري ليش حظي هيك ما بيحلالي إلا العلل يلي الله عاملهن بلوة لغيرهن من الناس :frown:

.


شي اكيد قصدي عالغنية...لانو الحب بيطلع هيك..بدون انذار ولامقدمات ولاشروط ولاشييييييييييي
فما بنقدر نقول من وين طلعلي هالحب؟؟حتى بعزابو حلو وحياتك....:oops:
بس كان قصدي عالغنية..وان شاالله بتلاقيها:D

[passerby_intime]

شي اكيد قصدي عالغنية...لانو الحب بيطلع هيك..بدون انذار ولامقدمات ولاشروط ولاشييييييييييي
فما بنقدر نقول من وين طلعلي هالحب؟؟حتى بعزابو حلو وحياتك....:oops:
بس كان قصدي عالغنية..وان شاالله بتلاقيها:D

صح
إنتي صح الحب هيك وأكثر من هيك
إنما مسألة عزابو للحب هممممممم
ما كثير عم أقدر أهضمها مع إني ياما أكلت من كواعي شقى بس لهلق ما عم إقدر استوعب ليش الحب حلو بعذابو :? شغلة غريبة والله
وإنشاء الله ألاقي الغنية وماتضيع مني لأنو تعودت كل شي حلو يضيع مني
عذرا على التأخر في ردي لأني لم اكن أستطيع الدخول للموقع ولا أدري السبب
مشكورة على المساهمة والرد

[passerby_intime]

ولسه ناطرين حدا شاطر يساعدنا ويعرف اسم المطرب

وكل عام وأنتم بخير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[hanny dagher]

انو حطلنا الرابط مرة تانية خلينا نسمعها بلكي منقدر "نستشف" مين المطرب

[passerby_intime]

انو حطلنا الرابط مرة تانية خلينا نسمعها بلكي منقدر "نستشف" مين المطرب
شكرا لك على المشاركة
أنا جددت الرابط أعلاه مرة ثانية ولكن قد تكون في الملف مشكلة ما لأن الملف لم يفتح معي على هذا الكمبيوتر مع أن الملف ذاته فتح من قبل على جهاز آخر في مكان آخر
على كل حال إليكم رابط آخر لمقطع ثاني من الأغنية ولكن هذا الملف من نوع amr يعني ملف من ملفات الموبايل ويفتح بواسطة برامج الموبايل فقط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ولم أستطع تحويله إلى ملف mp3 لأن برنامج التحويل اليوم محورين أيضا على هذا الكمبيوتر ورفض التحويل ( معيِّد ) ويرفض العمل بالعيد!
إذا حدث وكان في الرابط الجديد مشاكل أيضا يرجى إعلامي

[passerby_intime]

another trial
woulsd anybody discover the name of its singer? this time

[passerby_intime]

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[حموده ابو حميد]

مابعرفوووووووووووو ناطرين لنعرف

[passerby_intime]

مابعرفوووووووووووو ناطرين لنعرف
والله شغلتو شغلة هالمطرب يلي غنى الغنية.. ما حدا عم يعرفو ولا عم يتذكروا حدا مع إنو غنيتو حلوة ومؤثرة
شكرا لك على المرور والمساهمة بالتعليق الكريم

[passerby_intime]

السنة الماضية ما حدا جابها
ممكن السنة حدا يجيبها؟
بانتظار القبضاي ( أو القبضاية) اللي رح يجيبوا يلي لسه لهلق ما انجاب

[MadMax]

إذا ماني غلطان .... هالغنية لمعين نجم



عموماً ما إلك غير عاشق الموسيقار ممكن يساعدك


و هادا رابط فيه كم غنية لمعين نجم .. شوف إذا بتلاقيها بيناتون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[passerby_intime]

إذا ماني غلطان .... هالغنية لمعين نجم

عموماً ما إلك غير عاشق الموسيقار ممكن يساعدك

و هادا رابط فيه كم غنية لمعين نجم .. شوف إذا بتلاقيها بيناتون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شكرا لك على المرور والمساعدة الكريمة
أنزلت الأغاني من الرابط الذي أعطيتنا إياه وسمعت صوت المطرب >> ويبدو لي فعلاً أنه نفس المطرب الذي غنى الأغنية المطلوبة ( منين الله بعتلي اياكي).. ولكن لم أجد له على مواقع الإنترنيت إلا القليل .. ولا شيء فيها ساعدني
أتمنى من الأخ (عاشق الموسيقار ) إذا مر بهذا الموضوع المساعدة
كما أتمنى أن يساعدنا جميع القادرين على المساعدة