إلغاء موائد الرحمن خلال شهر رمضان هذا العام

[lostman1]

قررت وزارة الأوقاف إلغاء موائد الرحمن خلال شهر رمضان المبارك هذا العام بهدف تنظيم إيصال الصدقة لمستحقيها الفعليين, فيما تشير معلومات إلى أن السبب هو "عدم وجود متبرعين". وقال مسؤول في المسجد الأموي بدمشق والذي يستضيف موائد الرحمن لسيريانيوز إن "موائد الرحمن كان لها نواحي إيجابية وسلبية, فقسم كبير من الأشخاص الذين كانوا يقصدون موائد الرحمن لا يستحقونها, فعلى اعتبار أن الدعوة عامة كان يدخل كثير من الناس لا يستحقون كالمتسوقين أو الباعة المتجولين". وأضاف المصدر الذي رفض الكشف عن اسمه "صحيح أن هدف المشروع هو إفطار الصائم بغض النظر أنه يستحق أم لا, إلا أننا كنا نفاجئ بأشخاص غير صائمين بالأصل وبعضهم يدخن في صحن المسجد قبل الإفطار". وتابع أن "بالإمكان إيصال هذه الصدقات بطريقة أفضل ومنظمة أكثر, ولأشخاص محتاجين فعلا يستحقون الصدقات". إلا أن مصدرا في وزارة الأوقاف ,صاحبة قرار الإلغاء, قال لـسيريانيوز إن "الوزارة ألغت موائد الرحمن هذه العام خلال شهر رمضان لعدم وجود متبرعين" حيث تعتمد موائد الرحمن في تمويلها على التبرعات التي يتقدم بها التجار والجمعيات الخيرية. ونفى المسؤول في المسجد الأموي صحة هذه المعلومات, وقال إن "أهل الخير كثر الحمد لله, والفكرة ليست منع عمل خيري وإنما إيصال الصدقات مباشرة إلى مستحقيها ولعدم نقل صورة سيئة عن البلد بأنها مليئة بالمحتاجين". وعن كيفية إيصال الصدقات إلى المحتاجين أوضح المصدر أن "سيتم هذا عبر إيصال قيمة هذه الوجبات إلى الجمعيات الخيرية لتوزيعها على الأسر المحتاجة, فالوجبة الواحدة تكلف بين 150-200 ل.س للشخص الواحد, فيما كان يهدر نصف الوجبة لذلك ارتأينا توزيع قيمة الوجبات", مشيرا إلى أن "حوالي 10 آلاف وجبة كانت توزع يوميا طوال شهر رمضان ضمن موائد الرحمن". ولفت أيضا إلى " المشاكل التنظيمية وأعمال التنظيف التي كانت ترهق العمال وتعرض الصرف الصحي إلى مشاكل سوء التصريف". ودرجت العادة في السنوات الثلاث الماضية على أن يفتح صحن المسجد الأموي للصائمين وقت الإفطار حيث تقدم لهم وجبات مجانية, وهي فعاليات كان ينقلها التلفزيون السوري مباشرة على الهواء مع أذان المغرب. مها القحف _ سيريانيوز

[lostman1]

فيما تشير معلومات إلى أن السبب هو عدم وجود متبرعين قلة حرامية بالبلد - قصدي متبرعين

[المحارب العتيق]

مابعتقد السبب عدم وجود متبرعين

لأنو السنة الماضية كان في عشرات من المتبرعين يلي ماقدروا يكلون دور . فوزعوا صدقاتهم بطرق

تانية

[yass]

بعتقد خطوة جيدة.. من حيث انو في طرق أفضل لايصال المساعدات, حيث انو هالموائد فعلا من معرفتي انو أغلب اللي يروحو ياكلو هنن صحاب المحلات القريبة اللي ما بدهون يروحو عالبيت يفطرو مشان يفتحو فورا بعد الافطار.. عدا انو صارت الشغلة متل انو منفخة.. فلان حط الشيء الفلاني مشان مائدة افطار و هيك قصص, و يعني بعتقد انو أفضل طريقة للاحسان هي اللي تعملها بينها و بين حالك.. لأنو حتى مذلة شوي للي عم تحسنلو انو كل الدنيا تدري انك عم تطعميه...

الأفضل يعملو وجبات أو أكياس معونات بكلفة هالموائد هاي, و تتوزع بمعية فاعلين الخير على بيوت المحتاجين.. أستر و أفضل و أكثر فعالية.. و بعتقد أصح من مهرجانات البذخ و المنفخة تبعيت الموائد

[المحارب العتيق]

قلة حرامية بالبلد - قصدي متبرعين
مافهمتها هي ياريت تترجملي ياها

[LiOnHeArT.3LA2]

مافهمتها هي ياريت تترجملي ياها

بدك ما تدقق كتير ..

الأفضل يعملو وجبات أو أكياس معونات بكلفة هالموائد هاي, و تتوزع بمعية فاعلين الخير على بيوت المحتاجين.. أستر و أفضل و أكثر فعالية.. و بعتقد أصح من مهرجانات البذخ و المنفخة تبعيت الموائد
بعتقد هيك احسن .. متل ما قال ياس

[المحارب العتيق]

على سيرة موائد الرحمن والصدقات

جمعية حفظ النعمة بباب سريجة . عم تقوم صراحة بجهد جبار

وكتير عم تحاول تتحرى الدقة بأحقية الحاصلين على المساعدات

على أمل نشوف نشاط مشابه حتى لو ماكان من جمعيات دينية

[LiOnHeArT.3LA2]

على سيرة موائد الرحمن والصدقات

جمعية حفظ النعمة بباب سريجة . عم تقوم صراحة بجهد جبار

وكتير عم تحاول تتحرى الدقة بأحقية الحاصلين على المساعدات

على أمل نشوف نشاط مشابه حتى لو ماكان من جمعيات دينية


يا سيدنا عنجد .. بتمنى انو كل الاشهر تصير رمضان ..

مقدار المحبة بقلب العالم بيزيد ليش ما بعرف ..

ايمك عن شغلة الملل والمقاتلات وكزا

بس عنجد يا اخي

في عالم عم تشتغل .. ومن قلبا

[ابو عمير السوري]

على الهامش ......العام الحالي كان أسوء عام من ناحية قلة الايرادات وتساويها مع المصروفات طبعا لايخلى الأمر من مقتنصي الفرص والصيد بالماء العكر وتحديدا هذه الفئة لاتعرف الصدقة بل اكتناز المال فقط

[Nay]

بسوريا ما في كتير ناس جوعانين بمعنى مافي اكل يسد جوعهون.. انما الناس بحاجة الى اعانات مادية او غذائية غير مطبوخة متل السمن والرز واللحوم وما الى ذلك ..
سمعت انو في تجار كتير ما الهون ثقة يعطو تبرعات لاي جهة عم يتبرعو بشكل شخصي مشان يضمنو وصول الاموال..
الدمشقيين يشهد لهم بمسائل التبرعات وقديش بيحبو عمل الخير عن جد مو مجاملة بس انا ما سمعت عن ناس متل اهل الشام بيساعدو الارامل والايتام او الكبار بالعمر متلون..
ابي كان عايش بالمهاجرين من وقت اللي كان صغير.. بيحكيلنا كيف كان في بجامع الشيخ محي الدين كل يوم جمعة بيطبخو اكلة اسما عاشورة او حبوب بكميات هائلة.. وكانو الفقرا يروحو ياخدو من الطبخ.. وكانو الميسورين متل ابي ورفقاتو بالحارة يروحو على الجامع بس ما كانو ياخدو من الجامع كانو يشترو من الفقرا الاكل اللي اخدو..
الحلو انو كيف الميسور كان يعتبر انو كتير عيب وحرام ياكل اكل الفقير...