معزومين على أكلة جوقات (بس لا تقربو عالمخاخ) [الأرشيـــــف]

عرض كامل الموضوع : معزومين على أكلة جوقات (بس لا تقربو عالمخاخ)

صفحات : [1] 2

jano.

30/08/2008, 02:30

يا هلا يا هلا
احلا ضيوف واحلا عالم ...
العزيمة مقدمة مني ومن القرصان، صرلنا اسبوع عم نحضّر...:deal:
ترا هي أكلة محترمة ها! ويلي بياكلها مرتين بالسنة رح يعمر لفوق الـ 100 سنة...
والعرق! ياعيني عالعرق مع الجوقات/الجئات/الكوارع/ المقادم متل ما بدكن
تفضلو ولا تخجلو.... بس ترا ما حدا يقرب عاللسان وعالمخّ ايوااااااااا!! بقتل قتيل مشانن أنا :larg:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شوية صبر يا اهل الصبر.... بعدنا عم نحشي :pos:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
قلنالكن صبر صبر!! بعدنا عن نحشي..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شمّرو ها!

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
والأكل بتلت أصابع.... غير هيك رح يكون في طمع :clap:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وبالختام وبعد ما يتعبى الكرش... لابد من المخ مع كاسة>>>>

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صحتين وهنا ..... والعزيمة الجاي رح تكون مفاجئة كبيرة كبيرة..

sandra

30/08/2008, 02:33

يسلمو على عزيمتك أنت وقرصان الأدرياتيكو
هلا لنشوف طبخكم ونعطيكم علامات :p
بس هي مو نفسا عند أهل حلب واسمها سندوانات بس غير حشوة بعتقد

yass

30/08/2008, 02:50

أووووووووووووووووووووخ!! هاي أكلة عظيمة جدا جدا جدا

موجودة عنا كمان و يقولولها "كلال" ... بس ما بتزبط عند كل الناس.. و متعبة شوي مانها أكلة سهلة.. بس فخامة عالآخر...

Reemi

30/08/2008, 03:01

:sick: .

..AHMAD

30/08/2008, 03:01

وعنا بيقولولها سجقات

عمي هي اكلة عظيمة ...

وكمان مو بس متعبة بالشغل .. متعبة بالاكل :lol:

خصوصا ازا كان في معها شوية مقادم محشوكين بطنجرة يبرق :p( هاد السمايلي إن دل .. فهو بيدل على انو شاطة الريالة ولهيك طالع اللسان )

والمرحوم جدي كان يقلي هالاكلة لا تاكلها الا يوم عرسك .... لانو في احتمالين ... وبكلا الاحتمالين ما بتقوم الا محمل :lol:

MadMax

30/08/2008, 03:04

يحرق حريشكون عند هالصبح

عالهامش لو هالموضوع برمضان ...كنت أكلت مخالفة
شنو رح تسد نفس العالم عن السحور :sick:

sandra

30/08/2008, 03:06

:sick: .

اي اي ريمي واضح انك حبيتي العزيمة :p بس طيبة جد
لا تطلعي على طريقة التصنيع
وبصراحة شكل الحشوة استغبرتو أكيد
والمخاخ إذا ما كنت غلطانة بينعمل منهم عجة كمان

اللامنتمي

30/08/2008, 03:11

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب بتسمح بهي هلئ

قرصان الأدرياتيك

30/08/2008, 03:12

أورهوي بيك...

المخاخ مو بس ألك... دير بالك على حالك أحسن ما نقلبها مجزرة!

هلا إذا بدك اللسانات أنا ما عندي مشكلة لأن لساني طويل ومو بحاجة ليطول كمان!

هلا بالنسبة للجوقات فهي أطيب أكلة عندي وهلا بس أرجع عالبلد رح آكلها بعزيمتين... من هلا حاضرة.

بتعرف لما كنت صغير كنت ساعد أمي كتير بشغل البيت، فتنظيف الجوقات كان عليّ... يعني القسم الأوّل مالتنظيف...
كنت قول لحالي وأنا عم نظّف أنّو عجيب يا زلمة هالإنسان بيطالع منن أشيا وبعد شوي يحط رز أو برغل وتطلع معو أطيب أكلة...

ولي حاسس خبصت بالحكي... كان عن الأكل ما هيك.

إي صحتين وعافية :p.

Reemi

30/08/2008, 03:13

سندور من كل العزيمه انا بدي هيدي بس :sick:انا وابن العم اب سمرا:cry:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب بتسمح بهي هلئ

ooopss

30/08/2008, 03:13

بحكيلكن سيرة بهالمناسبة .
هاد أيام ما كان الوالد والوالدة مخطوبين:oops:
قالت ماما أنو هي مستحيل ترتبط بشخص ممكن يكون بيحب هالأكلة ومستحيل تطبخها يعني
- من باب المزح أو الجد مابعرف-:?
فالوالد أعلن صراحة كرهو لهالأكلة.. وتزوجو الجماعة ..:lol:
من كم سنة بس اكتشفت ماما انو بيحبها كتير هو لهالأكلة .. وانصدمت :pos:
غشها بمواصفاتو يعني :p

بس لهلأ بحياتي ما شفتا شخصي أنا
وما بتخيل أحسن حبها :sick:

sandra

30/08/2008, 03:16

أو

ولي حاسس خبصت بالحكي... كان عن الأكل ما هيك.

إي صحتين وعافية :p.

اي كتير :x
هلا كنا عم فيها أدام الأجانب :pos:
وصحتين على قلبك ولو .. بتضل أنت صاحب العزيمة وما بدنا نخانقك :oops:

قرصان الأدرياتيك

30/08/2008, 03:16

وما بتخيل أحسن حبها ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس أعملك ياها من تحت إيدي بشرفي بشرفي رح تاكلي أصابعك وراها...
بس رح تاكليهن ندم :lol:.

MadMax

30/08/2008, 03:17

من كم سنة بس اكتشفت ماما انو بيحبها كتير هو لهالأكلة .. وانصدمت :pos:
غشها بمواصفاتو يعني :p
لازم تحترمو أكتر
لأنو صرلو كل هالسنين ... حارم حالو من هالأكلة ( الله يجعلها أكلة ) كرمالها

MadMax

30/08/2008, 03:19

سندور من كل العزيمه انا بدي هيدي بس :sick:انا وابن العم اب سمرا:cry:
اي اي ....أكيد بنت العم
خاصة انها ميماس ...
شنو هي من عند مريوم ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قرصان الأدرياتيك

30/08/2008, 03:20

اي كتير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هلا كنا عم نحاول ننشر هالأكلة وعم نمدح فيها أدام الأجانب ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وصحتين على قلبك ولو .. بتضل أنت صاحب العزيمة وما بدنا نخانقك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

صاحب العزيمة أورهوي بس أنا اشتركت بس بالتشجيع :p.
وبعدين أنا حكيت عن التنظيف يعني شرح زيادة بس الهيئة نزع القصّة :cry:.
تعدل شوي...

ارسلان

30/08/2008, 03:31

من الذ الوجبات
لكن دون المشاركة في تنظيفها
*
فتحتو شهيتنا على وجه رمضان

اللامنتمي

30/08/2008, 03:32

من الذ الوجبات
لكن دون المشاركة في تنظيفها
*
فتحتو شهيتنا على وجه رمضان

هات لأشوف شو أول يوم بدك تفطر

ارسلان

30/08/2008, 04:01

على حد علمي دجاج

فخر التربية المنزلية

*

كان في نفسي أفطر على دم القتلة

jano.

30/08/2008, 05:38

شايف الاكلة عجبتكن وفتحت جروحاتكن :sick: وطلعت الأكلة داخلة بقصص غرامية :lol:

بس هي مو نفسا عند أهل حلب واسمها سندوانات بس غير حشوة بعتقد

موجودة عنا كمان و يقولولها "كلال"

وعنا بيقولولها سجقات

مشكورين عالاسامي المختلفة للأكلة وياريت كل واحد يعرفنا عن اسم الاكلة متل ما بيعرفو...
اي هيي الاكلة تراثية ومعروفة بكل المناطق، لهيك الصور ممكن تشوفوها غريبة، انا كمان ما شفت بالنت نفس الحشوة الي بتعملها امي ... اصلا مافي غير صورتين تلاتة لهالالكة العظيمة :jakoush: هي لازم تتدرس بالمدارس أصلاً... لازم تنحط بكتب التاريخ.. هاي جزء لا يتجزأ من التراث السوري...

قرصان الادرياتيك: طيب انا باخد اللسان :p والمخ بنقسمو بالنص أو بنقسمو ل 3 أجزاء الي والك ولاحمد (اذا ناوي يتجوز :lol:)

وفي سلطة ومقبلات للي عامل دايت;)

butterfly

30/08/2008, 05:44

انو بحلب اسمها السندوانات وبيحشوها رز وحمص حب ولحمة

انا عني بحبن مقليات
:lol:

hanny dagher

30/08/2008, 06:28

اييييييييييييييييه ايييييييييييييييييييييه على ايام "المصارين" (هيك بيسموها عنا بالضيعة )

يا سيدي من اطيب الاكلات بهالدنيا

انتو لو تشوفو كيف بيغسلوها بيحطو المصران تحت المي اخواتي
واللي عم ينضف بيحط تمو عالمصران وبينفخ في مشان يفتحو ويخلي المي تنزل لتحت فانو تسالي كتير

بس شو بدنا اللي ما بيحب هالاكلة بيكون ما بيعرف طعمة تمو :mbc2::mbc2::feat::eat::eat:

HashtNasht

30/08/2008, 07:58

هه يا جماعة هاي الاكلة ما اسمها جقات ...عم تغلطو كتير بحق الاكلة ...

الاكلة اسما سختورة ..اي نعم

و السختورة ممكن تتألف من كل او بعض ما يلي :

1- الجقات ..و هي امعاء الخاوف, مصارينو يعني ...الرفيعة و الغليظة على السواء ..طبعا بدها شطارة بالتنضيف ..لانو غير هيك بتكون العالم عم تاكل خ...... هه

2- الكرشة ..و هي الكتلة البيضا الكبيرة المبينة بالصورة التالتة ....و هي معدة الخاروف ...و بتكون مخملية الملمس بعكس الجقات اللي بتكون ملساء الملمس ..و هي طبعاً اقسى و اسمك من الجقات و بتعلك بالتم ..و انا شخصيا ما بحبا منوب

3- النخاعات ..و هي ما يوجد داخل عظام الخاروف ..و تشمل المخ ...يعني كلو نخاعات هاد الحكي ..اطيب شي فيها هو مخ ( دماغ ) الخاروف ...و يتم تحضيره بطرق مختلفة اشهرها السلق و الشوي و قد ما فيك حطلو بهارات يعني ..مشان الزنخة قال ...و هو هيك طري .يعني بتحسو متل اللبنة ...اي و الله

4 - اللسانات ...و هي لسان الخاروف .....ببساطة يعني ...و هو من افخم الاكلات ..يعني هاد اللي بكون قاعدبالعزيمة و بيعطو اللسان ..بكزن شيخ نظامي ..و شغلتو كبيرة ..لانو ما مين ما كان بياكل اللسان

5- المقادم او الكوارع ..و هي ارجل الخاروف ...بصراحة ما بعرف شو بياكلو فيهن لانو ما فيهن شي ....بس بتشوف العالم قاتلة حالا ع المقادم !!!...انا شخصيا ما بيطقن منوب منوب

6 - الراس ...هيك بحطولك راس الخاروف قدامك ...و كول يا حباب ...طبعا منظر راس الخاروف عالطاولة بيعملي ازمة نفسية ... خصوصي هيك اذا سنانو مبينين و شكلو عم يتضحك ..انو ع شو عم يتضحك ابن الحرام ما بعرف ‍! على كل حال بالشام بيعملوه فتة..يعني فتة راس ( ليك على هالاسم !! ) .

يقال انو لحمة الراس من اطيب اللحمة ...بس انا مشتهي اعرف وين في لحمة بالراس !!!

طبعا ما بعرف بالصورة شو عم يحشو الجقات و الكرشة ..بس بمناطقنا بيحشوهن رز ..يعني متل بقية المحاشي .رز و لحمة و بهارات و توم و هيك قصص ..و غالبا السختورة بتجي مع بقية المحاشي ..يعني بكون حدا كوسا محشي و ورق عنب ..مطبوخين مع عضام و لية ..مشان الكوليسترول يوصل للمعرة :lol:

اي و هيك يعني ..تسالي ...هلأ بدنا تحطولنا شي موضوع عن المعلاق ...لانو الدرن ..و هيك قصص

تحياتي الكوليسترولية

MaTyA

30/08/2008, 11:24

يعني لو كنت عارفة اني رح شوف هيك موضوع كان حسبت حساب صدت النفس وكنت فطرت قبل ما اجي :sick:
ما بتخيل حالي باكل هيك اكل..

*Marwa*

30/08/2008, 11:27

بـصراحة يــع :sick:.. عنا بسموها "تراف" وإيخ ما حدا بالعيلة عنا بحبها..لا ابي ولا امي ولا اي حدا..

الحمدلله يعني :sick:

رجل من ورق

30/08/2008, 11:31

مدرس شلون بتاكلوها ؟

روعة1

30/08/2008, 11:43

اييييييييييييييييه ايييييييييييييييييييييه على ايام "المصارين" (هيك بيسموها عنا بالضيعة )
اي اي و كمان عنا هيك بسموها..
و سويناها نحنا بالعيلة مرتين .. و طريقة التنضيف اظن كمان متل ما قلت .. مو متذكرة منيح..
لاني ما برضى فوت ع المطبخ بنوب بنوب وقت تنضيفها..

و بخصوص الحشوة نحنا منحشيها رز و لحمة..
هو الصراحة الاكلة من المنظر بتشهي.. و انا اللي خليت امي تسويها اول مرة لانو وقتها شفتها ع التلفزيون
بمسلسل ليالي الصالحية (وقت بيعزم المعلم عمر كبارية الحارة و بكون مسوي هي الاكلة).. و انا من وقتها
بلشت زن على راس امي لساوتها..

بس بعدين لقيت طعمتها عادي يعني... انو رز و لحمة و صلى الله و بارك.. منشان هيك ما عدت طلبتها..
بس بليالي الصالحية كانت مبينة طرية .. اما وقت اللي سويناها طلعت شوي قاسية :pos:(يمكن من الرز و اللحمة)
والمخ بنقسمو بالنص أو بنقسمو ل 3 أجزاء الي والك ولاحمد (اذا ناوي يتجوز ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

شايفتكن متلبكين بالمخ انا.. :oops: انا من طبعي بحب المساعدة.. فخلص انا رح ساعدكن و اخدو عنكن ..:p

Marooshe

30/08/2008, 12:23

يع يع يع جد يع
عنا بس امي وابي بيحبوها
بصراحة مابعرف كيف حدا ممكن ياكل مصارين حيوانات :sick:
يعني ماخليتو شي غير الشرج... قرف!!!

sandra

30/08/2008, 12:29

انو بحلب اسمها السندوانات وبيحشوها رز وحمص حب ولحمة

انا عني بحبن مقليات
:lol:

أنا أهلي بعتقد بيطبخوها طبخ ومو قلي
وكل ما كان المصران اصغر كلما كان أطيب وبتصير خناقات عليه
:eat:

Reemi

30/08/2008, 15:15

بحياتو ما حد عملها بضيعتنا :sick:

butterfly

30/08/2008, 15:34

بحياتو ما حد عملها بضيعتنا :sick:
لك شو وين ضيعتكن
ما بتعملو معروك
ما بتعملو هالأكلة
شو بتاكلو انتو ؟
:shock::shock::shock:

yass

30/08/2008, 15:35

يع يع يع جد يع
عنا بس امي وابي بيحبوها
بصراحة مابعرف كيف حدا ممكن ياكل مصارين حيوانات :sick:
يعني ماخليتو شي غير الشرج... قرف!!!

له له له ....

السجق كمان معمول القشر الخارجي من المصارين.. يعني بعد ما يتنظف و يظل مدري كم ساعة عم يغلي... أي يعني عادي..

THE_unforgiven

30/08/2008, 15:45

عذرا من صاحب الموضوع ... بس ما إلي نفس قرب على هيك أكلات .. مع العلم انو نعمة الله ..
بس بفضل ضل شهر بلا أكل ولا دوق هيك أكلات .. يعني العالم ما عم تخلص باللحم العادي .. منين جبتولنا مخاخ وأمعاء ومدري شو .. نحنا هالأكلات بيسموا عنا (كروش - كرشة ) من الكرش .. أي المعدة .. بس الله وكيلكن المحل اللي بيكون فيه هيك أكلات بآخد منو مسافة أمان كذا ميل .. وبالإضافة بلبس مضاد للأشعة النووية مشان الأمان الزايد .. وكامن فوقو طبقة من المادة اللي بيحطوها بلباس رواد الفضاء ..
:cry:

عالهامش ..:
يعني هيك اجزاء من الجسم كتير تعتبر .. (غير صحية وغير آمنة علميا وعمليا ..) حيث يعتبر الكرش والأمعاء من أماكن تكاثر الدود (الشريطي وغير الشريطي .. ) بالإضافة هيي مكان هضم الطعام وعصره .. ويعني كلنا منتخيل منظر طعام معصور ومهضوم .. وكيف بيكون منظرو .. ف ما بقدر اتخيل حالي عم أكلها :sick:

:frown:

Reemi

30/08/2008, 15:46

لك شو وين ضيعتكن
ما بتعملو معروك
ما بتعملو هالأكلة
شو بتاكلو انتو ؟
:shock::shock::shock:
ما الك عليي يمين ..انها بجبله ..بس فعلا فعلا ما بنعملهن ...:cry:

yass

30/08/2008, 15:50

غير صحية وغير آمنة علميا وعمليا

معلمي مو صحيح هالحكي.. يعني بدك تقول شعور نفسي بالقرف او هيك شي فهاد أمر يرجع لكل واحد.. بس لا تحط العلم بالنص لأنو معلوماتك مو دقيقة...

عم تحكي عن الدودة الشريطية.. طيب بيوض الدودة الشريطية و جزء من دورات تكاثرها موجود بعضلات المواشي.. يعني باللحم اللي بتاكلو, و هاد الخطر مو لما توصل الدودة للمصران .. بعدين المصران يتنظف و ينطبخ بشكل منيح جدا و مستحيل يبقى منو شي بعد هالتحضير.. يعني علميا مانو أوسخ من اللحمة.. بالعكس عم ينطبخ أكتر منها..الكبة النية بتخوّف أكتر من هالأكلة بألف مرة .. ازا حكينا عن أحياء دقيقة و بويضات و هيك امور..

لذلك ازا قرف نفسي فأوكي.. بس رجاءا العلم على طرف..

حبيبة فلسطين

30/08/2008, 16:07

شو هالموضوع الحلو الي بفتح النفس :o
احنا عنا بسموها كرشات او فوارغ (المصارين) بحشوها رز و حمص حب و لحمة و قبل كم يوم كنا طابخينها يا سلام مع اللسان و الرووس بس انا بحب لحمة الراس مو المخ اما اللسان كتير زاكي :yahoo: لو بعرف انكم بتحبوها كان بعتلكم شوية منهم يلا للمرة الجاي ان شاء الله بس مو برمضان ;)

THE_unforgiven

30/08/2008, 16:59

بعدين المصران يتنظف و ينطبخ بشكل منيح جدا و مستحيل يبقى منو شي بعد هالتحضير.. يعني علميا مانو أوسخ من اللحمة.. بالعكس عم ينطبخ أكتر منها..الكبة النية بتخوّف أكتر من هالأكلة بألف مرة .. ازا حكينا عن أحياء دقيقة و بويضات و هيك امور..
لذلك ازا قرف نفسي فأوكي.. ..

لك هيي الفكرة المقرفة .. انو هالمطرح اللي عم ينعمل محاشي ومدري شو .. هوي بالحقيقة .. مكان تجميع الطعام الوسخ .. (الفضلات ) قبل الطرح الى الخارج .. (كالمصارين والأمعاء الغليظة)
وعم يجي اللي عم يعمل هالأكلة عم يغليها .. وعم يحط بدال هالفضلات رز وبرغل وحمص ..
انو عفوا يعني ماني حابب قرف حدا ... بس الفكرة .. ما استنضفتها ..:cry: ..
:sick:

LiOnHeArT.3LA2

30/08/2008, 17:09

لك دخييييييييييييلل ربببببببببببببببببببببببب ببببببببببببببببببببببببب ببببب الجقاات

بس هي اسمها سختورة كما اوضح ابو نهلة .. متحمصنا

واحلى واطيب شي ..

هيي الفتة تبعيتا

ياااااااااااااا ابييييييييييييي شو بحبا

خلص اليوم بدي روح لعند بيت جدي مدري بيدت جدوو مدري جدودنا والله ما بعرف

المهم اليوم .. رايح آكل جئات ..

تفضلو

اورهي .. بدي عزيمة جئات

حي الله بني آدم

بدي عزيمة جئات

Marooshe

30/08/2008, 17:13

له له له ....

السجق كمان معمول القشر الخارجي من المصارين.. يعني بعد ما يتنظف و يظل مدري كم ساعة عم يغلي... أي يعني عادي..

ياس يعني بشرفك ازا بيغلي مدري كام طعشر ساعة بيبطل اسمو مصران!!! :sick:
انو وحيات ربي ماعم افهم كيف بتاكلو هشي... لكو شوفو صورو منيح... تأملوهن طيب... حدا بياكل هيك شي؟؟؟ عم اتخيل وحدة عازمة حبيبها على عشا رومانسي... يجي يلاقيها طابخيتلو هلأكلة :o قولتكو شو رح يصير!!!

THE_unforgiven

30/08/2008, 17:41

ياس يعني بشرفك ازا بيغلي مدري كام طعشر ساعة بيبطل اسمو مصران!!! :sick:
انو وحيات ربي ماعم افهم كيف بتاكلو هشي... لكو شوفو صورو منيح... تأملوهن طيب... حدا بياكل هيك شي؟؟؟ عم اتخيل وحدة عازمة حبيبها على عشا رومانسي... يجي يلاقيها طابخيتلو هلأكلة :o قولتكو شو رح يصير!!!

معك حق :D

sandra

30/08/2008, 18:08

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هدول مصران رفاع .. بيكونوا أطيب بكتير
:eat:
جوعانة :cry:

Marooshe

30/08/2008, 18:16

حتى انت يا ساندي!!! :cry:

LiOnHeArT.3LA2

30/08/2008, 18:20

ياااااااااااااااااااااخ ساندييييييييييييييييييييي يييي

تضرببيييييييييييييييييييي

جوعتيني

HashtNasht

30/08/2008, 18:32

Ms. J.A

30/08/2008, 18:57

انا نباتية فرح اعتبر حالي مش معزومة :x

وشم الجمال

30/08/2008, 19:11

صعقتيني مروة كنت عنية تعزميني على جوقات بس يا خسارة!!!!!

روعة طعمهن بس التنضيف شي بموت:cry: والمصارين كل ما كانوا ارفع كل ما كانوا ازكى .....شهيتوني

jano.

30/08/2008, 21:31

بالنسبة لنضافة الاكلة، فهي نضيفة كتير وتنضيفا بيطول كتير حتى في ناس بيتركو المصارين كذا ساعة بالكلس!!!
وبتذكر امي كانت تحط شوية برغل خشن جوا المصارين وتفركن منيح، حبات البرغل بتروّح كل العوالق والدهن الزايد الخ... غير انو بينغلو لفترة طويلة... يعني بظن انضف من كتير انواع اللحمة الي بتنشرا من عند اللحامين وبتكون معروضة للدبان و و و و ...
هلا انا معكن منظر الصور ما بيشهي، والحشوة غريبة شوي... الحشوة الاصلي بتكون بس رز ولحمة والمرقة بينحطلا (غار وهيل وقرفة وبشرة ليمون وعدة توابل) وطبعا مع حمص، هيك بتكون على أصولا... ومنظرا بيشهي كتير:cry:

هه يا جماعة هاي الاكلة ما اسمها جقات ...عم تغلطو كتير بحق الاكلة ...

الاكلة اسما سختورة ..اي نعم

و السختورة ممكن تتألف من كل او بعض ما يلي :

1- الجقات ..و هي امعاء الخاوف, مصارينو يعني ...الرفيعة و الغليظة على السواء ..طبعا بدها شطارة بالتنضيف ..لانو غير هيك بتكون العالم عم تاكل خ...... هه

2- الكرشة ..و هي الكتلة البيضا الكبيرة المبينة بالصورة التالتة ....و هي معدة الخاروف ...و بتكون مخملية الملمس بعكس الجقات اللي بتكون ملساء الملمس ..و هي طبعاً اقسى و اسمك من الجقات و بتعلك بالتم ..و انا شخصيا ما بحبا منوب

3- النخاعات ..و هي ما يوجد داخل عظام الخاروف ..و تشمل المخ ...يعني كلو نخاعات هاد الحكي ..اطيب شي فيها هو مخ ( دماغ ) الخاروف ...و يتم تحضيره بطرق مختلفة اشهرها السلق و الشوي و قد ما فيك حطلو بهارات يعني ..مشان الزنخة قال ...و هو هيك طري .يعني بتحسو متل اللبنة ...اي و الله

4 - اللسانات ...و هي لسان الخاروف .....ببساطة يعني ...و هو من افخم الاكلات ..يعني هاد اللي بكون قاعدبالعزيمة و بيعطو اللسان ..بكزن شيخ نظامي ..و شغلتو كبيرة ..لانو ما مين ما كان بياكل اللسان

5- المقادم او الكوارع ..و هي ارجل الخاروف ...بصراحة ما بعرف شو بياكلو فيهن لانو ما فيهن شي ....بس بتشوف العالم قاتلة حالا ع المقادم !!!...انا شخصيا ما بيطقن منوب منوب

6 - الراس ...هيك بحطولك راس الخاروف قدامك ...و كول يا حباب ...طبعا منظر راس الخاروف عالطاولة بيعملي ازمة نفسية ... خصوصي هيك اذا سنانو مبينين و شكلو عم يتضحك ..انو ع شو عم يتضحك ابن الحرام ما بعرف ‍! على كل حال بالشام بيعملوه فتة..يعني فتة راس ( ليك على هالاسم !! ) .

يقال انو لحمة الراس من اطيب اللحمة ...بس انا مشتهي اعرف وين في لحمة بالراس !!!

طبعا ما بعرف بالصورة شو عم يحشو الجقات و الكرشة ..بس بمناطقنا بيحشوهن رز ..يعني متل بقية المحاشي .رز و لحمة و بهارات و توم و هيك قصص ..و غالبا السختورة بتجي مع بقية المحاشي ..يعني بكون حدا كوسا محشي و ورق عنب ..مطبوخين مع عضام و لية ..مشان الكوليسترول يوصل للمعرة :lol:

اي و هيك يعني ..تسالي ...هلأ بدنا تحطولنا شي موضوع عن المعلاق ...لانو الدرن ..و هيك قصص

تحياتي الكوليسترولية

ليكو حشت نشت وصف مكونات الطبخة بالتفصيل.. المصارين والمقادم والراس وتوابعو والكرشات (المعدة وتوابعا، يلي بيكون شكلن متل المخمل وفي قسم منها بيكون شكلو متل مربعات أو مخمسات ...هيك شي)...
لحمة الراس هيي اطيب شي خاصةً بمنطقة الخد وحولين الأدن مممممممم بجد أطيب لحمة دقتا بحياتي، يعني لحمة الجاج بعتبرها كرتون قدام لحمة الراس ...
والمقادم كمان طيبين كتير، هني عبارة عن غضاريف بس انا ما باكل منن كتير لاني بنشغل بغير شغلات :clap:

ياس يعني بشرفك ازا بيغلي مدري كام طعشر ساعة بيبطل اسمو مصران!!! :sick:
انو وحيات ربي ماعم افهم كيف بتاكلو هشي... لكو شوفو صورو منيح... تأملوهن طيب... حدا بياكل هيك شي؟؟؟ عم اتخيل وحدة عازمة حبيبها على عشا رومانسي... يجي يلاقيها طابخيتلو هلأكلة :o قولتكو شو رح يصير!!!
انا لو حبيبتي بتعملي هالاكلة ولو مرة بالسنة رح اعملها تمثال واعبدها عبادة، بعدين الاكلة رومنسية كتير يعني بتخيل حالي هلا انا وحبيبتي قاعدين على ضو الشموع وبنص الصفرة في راس خاروف مفتوح ولسانو مدندل بين الحمّص واسنانو مسوسين عالآخر وبجي انا بشيل شوية لحمة من حوالين هالاسنان وبطعميها لحبيبتي :sosweet: ياييييييي:sosweet:

بعدين يعني لو هالأكلة بتقرّف فشو رح تحكو عن أكلة الضفادع... قصدي أكلة فخاد الضفادع مممممم يالله خليها للعزيمة الجاي:p

hanny dagher

31/08/2008, 00:03

من شوية مصارين العالم بلشت تتمقرف

كيف ما نبلش ننزل صور جراد و صراصير وعقارب وعناكب مشوية او مقلية

شو بيصير بالشعب :o

على فكرة هدول من اكتر الاكلات اللي حابب جربهن كل شي بيتعلق بالحشرات
كتير تسالي :yahoo:

LiOnHeArT.3LA2

31/08/2008, 23:05

هه ..جدودنا غالباً يعني ..حمصي انت يا ولد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////بالمناسبة بطريقك سلملي ع ابو خالد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك ابو نهلة .. اي انا حمصي

بيسلم عليك واحد .. اول حرف من اسمو عمر .. وآخر حرف من اسمو نوتش

مرة كنت فاتح اخوية .. اجا قلي لعما .. مشترك باخوية.. اديش صرلي ما فتحتا

اي والله يا ابو نهلة ..

هلأ انا خجلت قلك ..

بس عزمنا على اكلة سختورة يستر عالمستر

بالمناسبة بطريقك سلملي ع ابو خالد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مين اب خالد .. بعرف كتير ابو خالدات شنو

ِAbu Alzooz

01/09/2008, 07:54

على فكرة هدول من اكتر الاكلات اللي حابب جربهن كل شي بيتعلق بالحشرات
كتير تسالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابو الهن

عامل عسكرية ;)