فيران المكتبات! [الأرشيـــــف] - صفحة 3

VivaSyria

23/08/2008, 04:58

:lol:

الشغلة مانها تعجيزية :p.

يا أخي بعرف بس انت يلي عم تقول مقطع من كتاب مو من رواية... وأنا مابتخيل انو مقطع من مقال لكاتب معين حتى لو هالمقالات مجمعه ومطبوعه ضمن كتاب بتناسب هالمسابقة...

بضل نبقى على الروايات... شو رأيك انت؟

قرصان الأدرياتيك

23/08/2008, 05:15

بفضل نبقى على الروايات... شو رأيك انت؟

أنا بفضل نبقى عالأدب بشكل عام: فن الرواية، القصّة، المسرح، الشّعر... إلخ.
ومتل ما اقترح ياس بالأوّل أنا رأيي من رأيو: حصر الاستعارة بمكتبة الأخويّة لأنّا ما شالله واسعة وبتكفّي وتوفّي.

قرصان الأدرياتيك

24/08/2008, 05:40

عزيزتي الفراشة...

نسألك بعض المعونات: جنسيّة الكاتب مثلاً! نوع الأدب: رواية شعر مسرح!

butterfly

24/08/2008, 07:33

سوريــــــــ/ ـة

رجل من ورق

24/08/2008, 19:42

لا ما بظن ساخون وطني س هوي شي من ريحة الماغوط

ِAbu Alzooz

26/08/2008, 03:52

فأنا بدوي أيضا ً ولي ثأري الخاص ولكنني تعودت الصمت والكتمان ونكش الأرض بظفري أو بقلمي وأنا مطرق الرأس في أي مكان حتى تحل اللحظة المناسبة
:fthink:

بظن الأرجوحة

قرصان الأدرياتيك

26/08/2008, 07:33

حقيبة سفر، من كتاب "شرق عدن غرب الله"، محمّد الماغوط.

يقولُ فيها:
أيتها البدوية الشقراء السّاحرة
لمَ تغمضين عينيك عن أشياء كثيرة
والمطلوب واحد
فقرّاءُ الصّحف ومتتبّعو الندوات والمهرجانات
يتساءلون: إن كنت نسيت ثأرَك القديم...
فأجيبهم:
ما من بدويّ ينسى شيئاً
أو يؤتمن على شيء
وهي حيثما وأنّى سافرت وطافت وعرّجت وخطبت وجوّدت وسجعت،
فحقائب سفرها مملوءة بمياه بردى
أو حتى بوحوله وبعوضه
إذا نضب أو جفّ في أحد الفصول
ولكنني لا أستطيع مساعدتها ولو بطلقة أو بطعنة واحدة
فأنا بدويّ أيضاً ولي ثأري الخاص
ولكنّني تعوّدت الصّمتَ والكتمان
ونكش الأرض بظفري أو قلمي
وأنا مطرق الرّأس في أيّ مكان
حتّى تحلّ اللحظة المناسبة.

رائع أنتَ كما أنتَ يا ابن السلميّة.

آتيكم قريباً بنصٍّ جديد...

قرصان الأدرياتيك

26/08/2008, 11:19

النصّ يقول:
"ولكن الحقيقة الكبرى التي توزن بها جميع الحقائق هي أنّ الحقيقةَ لا تُرى من جانبٍ واحدٍ، ولا سيّما الحقيقة التي تخلد على الزّمن في أطوار الإنسان منذ كانَ، وتخلّد معه أنّى يكون.
ليست حرية الضّمير مطلباً محدود المسافة، يرحل إليه الإنسان، ثمَّ يصل إليه ويقعد عنه، ويكفّ بعده عن كلّ عناء.
إنّما حريّة الضّمير جهاد دائم وعمل دائب، يتقدّم فيه الإنسانُ شوطاً بعد شوط، أو طبقة فوق طبقة، ولا يفرغ من جهاده يوماً إلا لينظر بعده إلى جهاد مستأنف ولا يودع الشرّ في مرحلة من مراحله إلا ليلقاه ويجاهده، ولن يلقاه في سلام".

yass

29/08/2008, 02:53

بدنا مساعدة و الله يا خاي.. ما عم يخطر ببالي شي

قرصان الأدرياتيك

29/08/2008, 02:55

بدنا مساعدة و الله يا خاي.. ما عم يخطر ببالي شي
صاحب النصّ أديب وكاتب مصري مشهور... بس مو متل المرّة الماضية!
وأهلين جار.

عاشق رويدا

30/08/2008, 00:13

على ما اظن...
مع الضمير الانساني...لخالد محمد خالد

قرصان الأدرياتيك

30/08/2008, 00:50

على ما اظن...
مع الضمير الانساني...لخالد محمد خالد

بتأسّف وقلّك لأ... برجع أكّد أنّو كاتب وأديب مصري مشهوووور :p.

يللا شباب بدنا همّة...

قرصان الأدرياتيك

03/09/2008, 23:22

الأسبوع خلص يا شباب... بس رح أعطيكن مهلة لبوكرا وإذا محدا حط شي رح جاوب ونزّل نصّ تاني كون محدا جاوب!!!

مساعدة أخرى: النصّ هو لعبّاس العقّاد ولأسهّلها أكتر وأكتر... هو كتب مجموعة من الكتب مترابطة مع بعض عن الأنبياء فواحد منن، وبما أنّو الكتب قلال: كام واحد يعني، فما رح جاوب عالتحزير إلا بوكرا، أو إذا طلعت الإجابة صح!

مع التحيّات.

قرصان الأدرياتيك

05/09/2008, 13:57

النصّ مأخوذ عن كتاب "حياة المسيح" لعبّاس محمود العقّاد... والكتاب كتير حلو!

هنا توجد أعماله في مكتبة الأخويّة:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

وهنا كتاب "حياة المسيح":
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

أرجو من ياس، كونه صاحب الموضوع، أن يختارَ لنا نصاً آخر، لأنّ الدّخول من سوريّة بيعلّ القلب!!!

مع التحيّة والمحبّة.

رجل من ورق

19/09/2008, 20:40

مطول حج ياسين لتنقي النص؟

قرصان الأدرياتيك

20/09/2008, 17:26

مطول حج ياسين لتنقي النص؟سلام...
خيّو الشّيخ ياسين مشغول بتأليف قصص وروايات وثلاثائيّات وإدارة و... إلخ. فزكاتك نزّللنا شي نصّ على كيف كيفك.

yass

20/09/2008, 20:00

بعتذر بشدة انو ما تابعت الموضوع بس صدقوني راح عن بالي..

بتمنى ازا حدا حابب يتابعو عني يعمل هالمعروف. لأنو هالأيام شوي معجوق جدا جزيلا...

مع الشكر و الاعتذار مجددا

رجل من ورق

20/09/2008, 20:12

ورحب ابي هو الاخر بالدخول سريعا في شجارهما اللطيف ورد بأنه هو نفسه لا يعرف هذه الأغنية _ التي تعبر فضلاً عن ذلك عن جلافة واضحة _ وأن الاخت الصغيرة بنفسها هي التي حفظتها وهو ماكان حقيقيا .
ولأنها لم تكن قد ذهبت بعد إلى المدرسة (مصدر كل المعرفة ) لم يعرف أحد أبداً من أين تلقتنتها

رجل من ورق

20/09/2008, 20:14

وهي نص جديد تفضلوا

رجل من ورق

21/09/2008, 16:14

ماحدا عرف؟

اللامنتمي

22/09/2008, 17:46

فشـلت ..

رجل من ورق

22/09/2008, 20:10

الكاتب/ة
فرنسي

اللامنتمي

22/09/2008, 20:13

جوستاف فلوبير (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// D9%88%D8%A8%D9%8A%D8%B1)؟ :lol:

رجل من ورق

22/09/2008, 20:16

تسق تسق نو نو

اللامنتمي

22/09/2008, 20:16

إميل زولا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ؟ :lol:

رجل من ورق

22/09/2008, 20:27

لا ياصديقي لا

اللامنتمي

22/09/2008, 20:37

هات الجواب الله يوفقك .. أنا عجزت :lol:

بدي نزل نص ؟ :D

رجل من ورق

22/09/2008, 20:41

النص ماخوذ من
زمن الاسرار لمارسيل بانيول

مارسيل بانيول هو كاتب فرنسي،ولد بمدينة أوباني (Aubagne) بتاريخ 28 فبراير 1895، و توفي بمدينة باريس والده مدرس جوزيف بانيول الذي علمه القراءة بشكل مبكر جدا ً وفي عمر ال 15 سنة كتب أول مسرحية ثم تبع خطى والده وأصبح مدرس لغة انكليزية وتوقف عن التدريس عندما ذهب إلى باريس وتفرغ لكتابة المسرحيات . في عام 1916 تزوج من سيمون كولين في مارسيليا وانتخب كعضو في الأكاديمية الفرنسية عام 1946 وكان أول صانع افلام ينال هذا الفخر توفى في 18 نيسان 1974
== أعماله ==

زمن الحب
قصر امي
مجد أبي
زمن الأسرار (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)فقيش عالاحمر لياخدك عالكتاب

اللامنتمي

22/09/2008, 20:44

بربي ببالي :lol:

المشكلة ما عندي ما قرأت " لمارسيل بانيول "

بس رح أبحث عنه والك الفضل

شُكرا ً كَثيراً كَثيرا :D

اللامنتمي

22/09/2008, 21:04

إنني لسّـتُ سِّـوى وغد

وَ أقولُ لكم سَـلفا ً ، إنكم أصَبتم كَبِّدَ الحَقيقة.

فأنا أعتبرُ نفسـي وغداً وَ لا أُكَنُ أيَّ احترام ٍ لـِ شَـخصي.

إنني إنسـانٌ نفذ َ إلى أعماق ِ ضميره.

وَ مَنْ ذا الذي يَنفذ ُ إلى ثنايا ضميره وَ يسـتطيعُ أن يحترمَ نفسـه ؟

.

.

اللامنتمي

22/09/2008, 21:12

وغدٌ مَشهور .. نعم

وَ فخورٌ بـِ أنني لا أنتمي إلى تلكَ الطبقة مِنَ المُنافقينَ الأشـرار مِن أمثالي

الذين يدّعونَ أنهم أناسٌ شُـرفاء وَ أعمدة ُ مُجتمع ٍ وَ سـادة ٌ يتصفونَ بالإسـتقامة

وَ مواطنونَ مَرموقون يُشـاركُ في جَنازتهم جَمّعٌ غفيرٌ مِنَ الناس

وَ تنشَـرُ بعدَ ذلك أخبارُهم في الصُحفِ الرصينة ,.

.

.

رجل من ورق

23/09/2008, 15:47

ساعدنا شوي عمي

اللامنتمي

25/09/2008, 21:41

هوَ مِن .. أميركا الجَنوبية !

رجل من ورق

25/09/2008, 21:45

غابرييل غارسيا ماركيز؟

اللامنتمي

25/09/2008, 22:04

لا ...:lol:

passerby_intime

26/09/2008, 23:18

لعبة طريفة ظريفة
بس لازم يلي عم يحط النص يذكر إنو لروائي أو سياسي أو رسام

بالنسبة للنص الأخير

إنني لسّـتُ سِّـوى وغد
وَ أقولُ لكم سَـلفا ً ، إنكم أصَبتم كَبِّدَ الحَقيقة.
فأنا أعتبرُ نفسـي وغداً وَ لا أُكَنُ أيَّ احترام ٍ لـِ شَـخصي.
إنني إنسـانٌ نفذ َ إلى أعماق ِ ضميره.
وَ مَنْ ذا الذي يَنفذ ُ إلى ثنايا ضميره وَ يسـتطيعُ أن يحترمَ نفسـه ؟
.وغدٌ مَشهور .. نعم
وَ فخورٌ بـِ أنني لا أنتمي إلى تلكَ الطبقة مِنَ المُنافقينَ الأشـرار مِن أمثالي
الذين يدّعونَ أنهم أناسٌ شُـرفاء وَ أعمدة ُ مُجتمع ٍ وَ سـادة ٌ يتصفونَ بالإسـتقامة
وَ مواطنونَ مَرموقون يُشـاركُ في جَنازتهم جَمّعٌ غفيرٌ مِنَ الناس
وَ تنشَـرُ بعدَ ذلك أخبارُهم في الصُحفِ الرصينة

بظن إنو ما حدا عندو جرأة يقول هيك عن حالو غير الرسام السوريالي ( سلفادور دالي )

.
يسلمووووووو عالموضوع
:D

اسبيرانزا

27/09/2008, 17:06

بلولو كويليهو

قرصان الأدرياتيك

14/10/2008, 06:11

شو سيّد نوّار...
تجاوزت الحدّ بتلت أضعاف... قلنا أسبوع وبينعطى الاسم. وينك عمّي؟!
أنعشلنا القصّة شوي الله يرضى عليك وعلى حبابك!

اللامنتمي

15/10/2008, 23:48

أعتذر جداً عَن ِ التأخير يا زمَلاء

هوَ الروائي " إرنستو ساباتو "

وَ لِدَ في بلدة روخاس التابعة لمحافظة بونس أيرس في العام 1911.

حصل على الدكتوراه في العلوم الفيزيائية والرياضية من جامعة "لاباتا "

عمل في حقل الإشـعاعات الذرية في مخبر "كوري" في فرنسا

ثم في معهد "ماساشو ستيس" للتكنولوجيا في بوسطن-الولايات المتحدة الأميركية.

في العام 1945 هجر العلوم بصورة نهائية ليكرس وقته للأدب

كتب عدة أبحاث حول الإنسان وأزمة العصر، وثلاث روايات، هي:

"النفق" عام 1948، "أبطال وقبور" عام 1961 و"أبدون" عام 1967.

ونالت روايته الأخيرة في باريس جائزة أفضل رواية أجنبية في فرنسا في ذلك العام.

عندما استعادت الأرجنتين الحياة الديمقراطية في العام 1983ـ

كلفته الحكومة الدستورية برئاسة اللجنة الوطنية للتحقيق في قضية المفقودين

نتيجة القمع السياسي أثناء حكومات الطغمة العسكرية

وقد قدمت تلك اللجنة تقريراً عن نتائج أعمالها كان له وقع مثير.

في العام 1948 نال جائزة "ميجيل دي سرفانتس"

وهي أرفع جائزة للآداب الإسبانية.

وكانت تلكَ المقاطع الشَيقة من رواية " النفق "

تحياتي

قرصان الأدرياتيك

16/10/2008, 00:28

إي حمدلله عالسّلامة... بكّير يا زلمة!
انطرلك شي كام دهر بركي حدا بيجاوب... يا أخي المهلة أسبوع بالكتير مو سنة!!!

بعدين مينو هاد ساباتو دومينيكا وما بعرف شو؟! موجود عنّا شي بمكتبة الأخويّة؟! وإذا مو موجود فرح قوصك!
إي إي بالفرد... خايف!!! ومن شو؟! مالموت؟! لك له يا أبو النّور واحد متلك بيخاف مالموت! لك فشر الموت بنص عينو وعينتينو...
عكل حال حصل خير وبطّلت قوصك، بس الله يرضى عليك اختارلنا تاني مرّة واحد من حواضر البيت حسب الاتّفاق القديم... عيني أنت!

وعليكم السّلام ورحمة الله وبركاته.