منظمة شبابية تتهم 12 مليون إيرانيا بمشاهدة مواقع إلكترونية إباحية

[VivaSyria]

أعلنت منظمة الشباب الوطني التابعة للرئاسة الإيرانية في تقرير نشرته الخميس 31-7-2008 أن ما يقارب الـ12 مليون شاب إيراني يترددون يوميًّا على المواقع الإباحية في الإنترنت.

وذكر تقرير لجامعة طهران أنه بالرغم من وضع موانع أمام الدخول إلى هذه المواقع، إلا أن زوار الشبكة العنكبوتية تمكنوا من اختراقها، وانتهاك الحظر الحكومي المفروض عليها من خلال استخدام أنظمة مضادة، نقلا عن تقرير نشرته صحيفة "الوطن" السعودية الجمعة 1-8-2008.

ويقول رئيس منظمة الشباب الإيرانية محمد جواد علي أكبري إن الدول الغربية تحاول من خلال نشر الفساد إبعاد الشباب عن ثقافة الفضيلة عبر استخدام "سلاح الفساد والترويج للإباحية لقتل الفضيلة في نفوس شبابنا بعد أن فشلت في مهاجمتنا بالسلاح".

وتفرض طهران رقابة صارمة عل شبكة الإنترنت، وأغلقت العديد من المواقع التي تنتقد سياسات الحكومة.

وتهاجم قوى المعارضة داخل وخارج إيران ممارسات الحكومة إزاء حقوق الإنسان، ولا سيما حملات الاعتقالات وحجب حرية التعبير.

وإلى ذلك، كثفت الشرطة الإيرانية مؤخرا مراقبتها للاتصالات بين الشباب الإيراني خاصة عبر الجوال، فيما يتعلق برصد الرسائل النصية خاصة التي تتعرض للحكومة وتحاول الاستهزاء بالخطط الحالية والمستقبلية للنظام القائم.

وشنت السلطات الإيرانية مؤخرا حملات على الشوارع للتشديد على ضرورة الالتزام بالآداب العامة وارتداء الملابس اللائقة، وتستهدف العديد من تلك الحملات الفتيات والنساء.




العربية

[LiOnHeArT.3LA2]

ممممممممممممم

ابو الفيد ... قبل ما علّق .. شو رأيك انتي؟

[VivaSyria]

ممممممممممممم

ابو الفيد ... قبل ما علّق .. شو رأيك انتي؟

هههههههههه صاير حربوء...


هاد ياسيدي أنا ضد أي شي بيحد من الحرية الشخصية حتى لو تمارست ببعض الأحيان بطريقة قد تكون مسيئة... بس بالمجمل ضد أي رقابة حكومية على الحريات الشخصية.

[LiOnHeArT.3LA2]

هاد ياسيدي أنا ضد أي شي بيحد من الحرية الشخصية حتى لو تمارست ببعض الأحيان بطريقة قد تكون مسيئة... بس بالمجمل ضد أي رقابة حكومية على الحريات الشخصية


ابو الفيد ..

بس تمارست بطريقة مسيئة .. ما عاد اسما حرية صح ؟

[VivaSyria]

طبعاً ماعد اسمها حرية.. بس مجرد انك توافق على مراقية الحريات الشخصية حتى لو بهدف إنو تمنع اساءة إستخدام هالحريات غلط ببلادنا.. لأنو مفهوم الغلط والصح مفههوم نسبي وفضفاض... والجهات القائمة على هالرقابة بأغلب الأحيان رح تبلش تتعسف بإستخدام هالسلطة...صحيح؟

[LiOnHeArT.3LA2]

حبيبنا ابو الفيد ..

انا ما رح قلك انو شعبنا ما خرجو حرية ..

بس كمان يا ابو الفيد .. انتي بتعرف وانا بعرف .. ازا صار حرية شو بيصير فينا ..

ما رح انكر انو بتصير البلد احسن بشوي ..

بس رح ترجع تخرب .. ما من العقول الخربانة لأ ..

من العقول الزكية المتفتحة .. اللي رح تستخدم هالحرية لاسباب شخصية ..

.. انتي عندك 100 صانع تحت ايدك ..


اجباري بدك تعملي عليهن مراقبة ..

بيجوز في منون بيشتغلو .. بس ابو شريك في منون يا اما ما بيشتغلو

يا اما بيشتغلو وبيزعولك ام الشغل .. وبتتم سنة تصلح وراهن

[VivaSyria]

لاء هيك ما اتفقنا...

أول شغلة بدك تعرفها انو السبب الرئيسي بسوء إستخدام الحريات الشخصية هو كبت هالحريات لفترات طويلة ورح أعطيك مثال صغير... برأيك أديش نسبة مستخدمين الانترنت بفرنسا يلي بيفوتو على مواقع بورنو وقديش نسبتهن بإيران وبالسعودية؟؟

أو ممكن أعطيك مثال تاني قديش نسبة الشباب القابل للإتجاه للمارسات والأعمال الإرهابية بإيطاليا وقديش نسبته بالسعودية "بغض النظر عن إختلاف الدين"... يعني باختصار الحريات الشخصية هي أساس بناء إنسان واعي منفتح مثقف حضاري بيعرف يقيم الأمور بشكل صح...

حتى لو على المدى القريب إستخدامها تخلله شوية أغلاط بس على المدى البعيد أكيد هي الركيزة الأساسية لبناء مجتمع حضاري.

[Sun Shine Art]

كل ممنوع مرغوب ......بكل شيء
وكل مامنعو ..كل ماصار الموضوع مطلوب اكتر ....

[boy freind]

متل عنا بفرد شكل الحجب مو حل افهموها بقى يا حكومات اعرفو ليش الشباب عم يفوتو على هالمواقع ( ضارب بوز )

[Seth]

فاليرجموهم و ليخلصوا العالم من 12 مليون فاسق .

[VivaSyria]

أنا أؤيد فكرة الرجم وبقوة :larg:

[sona78]

خبر عن اريران ومصدرو قناة العربية .. يعني صار الشك بوجود مبالغة بالنسبة الي شي 1000% لانو هالقناة شغلتها الجنس والطائفية .. هي ع الهامش من التعليق
ع مانو هامش .. يعني كتير هالخبر غريب ومفاجئ؟؟؟ بتوقع بكل الدول يلي فيها الاختلاط مع الجنس الاخر جريمة رح يكون فيه هيك شي .. هي حاجة انسانية متل اي حاجة اخرى ... يعني ان كان بايران او السعودية او حتى سورية المواقع الاباحية هي مصدر التعويض عن هيدا الكبت ومهما عملو من اجراءات رح يضل في طرق للوصول الها ......
خلو الشباب العربي يتخلص من هالعقدة ويعرف يتعامل مع هالموضوع باحترام وبعدها لومو هالمواقع ...... ع الاقل بتضل من بعيد لبعيد احسن ما الواحد يجرب عملي ويتورط بشي مرض او عاهة

[sona78]

فاليرجموهم و ليخلصوا العالم من 12 مليون فاسق .

من كان منكم بلا خطيئة فليرمني بحجر ( ما بعرف اذا تماما هيك منصاغ كلام يسوع بس بتوقع المغزى واضح بس اذا نبي بيحكي هيك فليش المتدين ما بيتعظ من الانبياء... غريب امركون عن جد )

[Seth]

من كان منكم بلا خطيئة فليرمني بحجر ( ما بعرف اذا تماما هيك منصاغ كلام يسوع بس بتوقع المغزى واضح بس اذا نبي بيحكي هيك فليش المتدين ما بيتعظ من الانبياء... غريب امركون عن جد )

من هو النبي و من هو المتدين ???!!! :? :shock:
عن يسوع مع اني احترمه كصاحب فكر فلا اعلم كونه نبي ام لا , اما انا فاني متأكد باني لست متدينا , افضل اسم زنديق :larg:
يبدو انك اخطئت العنوان لا بل الكوكب باكمله , كما انك اخطئت بفهم المعنى المراد من كلامي السابق .

[suryoyo]

طبعا التصريح المتوقع ...... انها مؤامرة تهدف الى افساد الشباب...


اظن صار الوقت تتغير هذه الموضة و يلاقوا كلام (جاهز) جديد ... :lol:






خبر عن اريران ومصدرو قناة العربية .. يعني صار الشك بوجود مبالغة بالنسبة الي شي 1000% لانو هالقناة شغلتها الجنس والطائفية .. هي ع الهامش من التعليق
ع مانو هامش .. يعني كتير هالخبر غريب ومفاجئ؟؟؟ بتوقع بكل الدول يلي فيها الاختلاط مع الجنس الاخر جريمة رح يكون فيه هيك شي .. هي حاجة انسانية متل اي حاجة اخرى ... يعني ان كان بايران او السعودية او حتى سورية المواقع الاباحية هي مصدر التعويض عن هيدا الكبت ومهما عملو من اجراءات رح يضل في طرق للوصول الها ......
خلو الشباب العربي يتخلص من هالعقدة ويعرف يتعامل مع هالموضوع باحترام وبعدها لومو هالمواقع ...... ع الاقل بتضل من بعيد لبعيد احسن ما الواحد يجرب عملي ويتورط بشي مرض او عاهة


ييجوز الخبر مبالغ فيه .. يجوز الخبر كذب


بس الكل يعرف الوضع في الجمهورية الايرانية ... و الكل يعرف فرض القيود على الناس و فرض الحجاب على النساء ... الخ

[sona78]

من هو النبي و من هو المتدين ???!!! :? :shock:
عن يسوع مع اني احترمه كصاحب فكر فلا اعلم كونه نبي ام لا , اما انا فاني متأكد باني لست متدينا , افضل اسم زنديق :larg:
يبدو انك اخطئت العنوان لا بل الكوكب باكمله , كما انك اخطئت بفهم المعنى المراد من كلامي السابق .


انا ما اخطأت لا بالعنوان ولا الكوكب......... بس واضح اني اسات فهم كلامك.
انا اختو فعلا بمعنى ديني .... وعذرا

[راديا]

مافي صورة ؟؟؟؟؟؟؟

[sona78]

ما تفهم اني عم دافع عن ايران لا ابدا ...... بالعكس انا بتوقع انو اغلب الايرانيين مو بس 12 مليون

بس انا ما بحب اخبار العربية فقط
وصراحة ما بعطيها ايا مصداقية ... هي هيي الشغلة......

[suryoyo]

ما تفهم اني عم دافع عن ايران لا ابدا ...... بالعكس انا بتوقع انو اغلب الايرانيين مو بس 12 مليون

بس انا ما بحب اخبار العربية فقط
وصراحة ما بعطيها ايا مصداقية ... هي هيي الشغلة......


هذا هو اعلامنا العربي ................ مؤدلج و يخدك مصالح المالك ...


بس لازم نسمع الاخبار بشكل عام :lol:


حتى لو نقلها .... يخدممصالح اخرين :D

[Seth]

انا ما اخطأت لا بالعنوان ولا الكوكب......... بس واضح اني اسات فهم كلامك.
انا اختو فعلا بمعنى ديني .... وعذرا

حصل خير :D

[Marooshe]

كل واحد حر يشوف ويسمع ويحكي ويعمل يلي بدو يا...

[W.E.G.A]

اي وهنن شو دخلن

يعني بنن وبين ربن خراب

لعمى يا

:D

[almurtaja]

طبيعي كتير بايران هالوضع الشباب فعلا هيك وهادا الحكي من صديق عميدرس بايران بس ليش ما بيتركوون على رياحتون ومتل ماقالت وجا بينون وبين ربون

[W.E.G.A]

ومتل ماقالت وجا بينون وبين ربون

:shock::shock::shock::shock::shock::shock:

[Bonita]

وانتهاك الحظر الحكومي المفروض عليها من خلال استخدام أنظمة مضادة، نقلا عن تقرير نشرته صحيفة "الوطن" السعودية الجمعة 1-8-2008.


يعني شوفو مين عما يحكي على مين,,,,,,!!