لقمان ديركي

[..AHMAD]

هون بدي زتلي كم زاوية لهالمحشش لقمان ديركي

بس قبل ما بلش لاحكي نقطتين

اولاً :

الكل بيعرف اني ما بطيق هالشخص هاد .. بس ما بطيقو لشخصو .. يعني هازا لا ينفي انو عندو كم نهفة بيستحقو ينطجو هون

ثانياً:

كنت اول شي رح حطن بالادب الساخر .. بس اكتشفت انو حشيشتو غير الحشيشة المستخدمة بالادب الساخر .. فلزالك ... قررت انو نزلهن بالسقيفة .. على اعتبار انو صاير مركز للتعاطي والتحشيش

[..AHMAD]

على راسي الإعمار

واستيقظت صباحا وضحكت في عبِّي لأنَّ الورشة التي تعمِّر بيتا جديدًا على السطح فوق رأسي لم تباشر
بأعمالها بعد، وصنعت القهوة، وجلست أمام اللاب توب وقرَّرت المباشرة بالعمل قبل أن يباشر البناؤون
فوقي، وما إن فتحت صفحة الوورد يا شباب حتى فتح الصاروخ الثاقب للأحجار حلقه وأز وهديت بعد أن
كنت متحمسا، ومتعت آذاني الصاغية دائما بصوت الصاروخ،

وطمأنت سكان البيت عندي بعد أن نطوا جميعا من أربعتهم أنو ما في شي مجرد صاروخ، وما إن سمعت الفاميليا كلمة صاروخ حتى ولولت بصوت واحد، فعدت وشرحت كلمة صاروخ الثقب الذي يخترق جدار الصوت ويبخش الآذان ويقول للغبار العب يا حبيبي العبن ،ويلعب الغبار، فينزل من على السطح ويشرفنا بزيارة صباحية عبر النافذة، دون أن تنفع معه محاولات التقليع المهذبة من قبلنا، وذلك بإغلاق المناخل، فهذا غبار من النوع الناعم جدًا، يستطيع الدخول عبر المسامات، فلا تجدي في صده كل المحاولات، ونبدأ بكش الغبار على أنغام الصاروخ العجيب الذي يرسل لنا المزيد من الضيوف الغباريين،

نحاول أن نصرخ لكننا نخجل، ونقول في قلوبنا إنَّ جارنا انتظر عشرين عاما كي يعمِّر هذا البيت الصغير فوق بيته وبيتنا، وبالطبع فهو ليس بيتنا كما نصَّت المعاهدات، فنحن بالآجار، ونعود إلى الجار، فنجد أنَّ الأطفال كبروا،

ومع أنو كان حاسب هالحساب من قبل، بس العين بصيرة والإيد قصيرة، والبيت اللي كان لازم يعمره من عشرين سنة عم يعمره الآن، وفي متله متايل، أجلوا المشاريع عشرين سنة، وطلعوا فيها بوقت واحد، فتتوقف عن أعمالك لتتفرغ لسماع ضجيج الأعمال المؤجلة، وتغلق صوت الموسيقا لصالح صوت الأحجار، وتهرب العصافير من أجل خاطر أصوات المهدات والكريكات،

فيقول لك محدثك الفهمان أنو يا أخي ليش أنت ضد حركة الإعمار؟!.. ويهزني فع ً لا السؤال، فلقد شاهدت بأم عيني البنايات التي بقيت على العضم عشرات الأعوام في سناتر حلب والشام، وشاهدت الحفر الضخمة التي حفروها كي تكون أساسات لمشاريع بنايات، وبقيت الحفر حفرًا، ولعبت فيها القطط والفيران، ولم نر لا أساسات ولا بنايات، بل اكتفينا بقراءة اللوحات، التي تشرح لنا ماهية هذه المشروعات، وتقول لي بأنني ضدَّ حركة الإعمار؟!

ونتابع أخبار هذا النهار، فيقول لي جاري بعد أن سمع احتجاجي على ضجيج الإعمار فوق راسي إنه سألني
ذات يوم عن رأيي بالإعمار، فكان أن قل ُ ت له: على راسي الإعمار، وبناء على هذا الاعتبار فقد جاء جاري بالإعمار لفوق راسي، فهل من ذنب لنا في هذا يا جار؟!! حلو الإعمار، على راسي الإعمار، بس مو فوق راسي تمام،

يعني على راسي، بس مو على راسي، عم تفهم علي يا جار؟!!

[Government]

ماكتير هضمتو هالزلمة مدري شلون

[Roaa]

:clap: GOoOo AHMAD GoOo

[..AHMAD]

ماكتير هضمتو هالزلمة مدري شلون


اي هوي معلاق.. بس هازا لايمنع انو ما عندو شي حلو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// GOoOo AHMAD GoOo


عمــ جو ما تخافي

[اللامنتمي]

قلي لقمان ديركي 3 مرات بغط على قلبي

على كل حال أتحفنا بشرط ما يغط على قلوبنا

وكلك زوئ :D

[W.E.G.A]

اي انا كمان ما بحبو

بس سمعت انه اله كتابات حلوة


يالله بمساعيك رح نقرا


يسلموا

:D

[LiOnHeArT.3LA2]

مممممممممممممممم

مااااا هضمتو ..

هي الحشيشة

عنجد لا تعادل حشيشة وحدة من حشيشات الشباب الطيبة اللي هون

اسلوبو غبي كتير ..

عنجد