فن التصوير الفوتوغرافي

[شوط ياقمر]

هذا وقد ... ومن بعد صفنة رهيبة وَ لئيمة . ومن بعد باكيتين حمرا طويلة . طلع معنا
انو لازم
نعرفكن بشيء يسما التصوير الفوتوغرافي .. من طق طق لـ السلام عليكم . بإعتبار انو بئولي عني . مصوراطي

البعض هون عاد بئول .. عمو مصوراتي أفندم . شو عمتئول . يعني انا اذا بدك بعلمك . حمول موبايلك هادا ابو كمرا 2 ميغا . وصور يامعلم . وبلالك هلفلسفة .

بجي انا بئلو : أمان ياربي أمان .. هئ .. ومليون هئ .. غلطان كتير .. التصوير مو بس فئشة زر وتروك البائي لربك . التصوير ياتئبرني .. علم + فن + موهبة . واذا بتلائي فيك هلمواصفات . فا بهنيك وبهني نفسي فيك . وبئلك برووك وسماع .
وهون ماعم احكي عـ كمرات موبايل أو كمرات دجتال امـ الـ 1500 ليرة . هون عمـ احكي عـ كمرات الـ DSLR .. أو مايسما كمرات المحترفين . أضرب كمرا أضرب كمرا حئا 10000

ورح نبلش بشرح بسيط ووافي . لـ الفرق بين كمرات التصوير الفلمية .. و الكمرات الـ الرقمية ( الدجتال ) فا حضرو حالكن للـ الفصحا

هون لايوجد فرق إلا في طريقة إستقبال . والإحتفاظ بالصورة الملتقطة . ففي الفلم تنطبع الصورة المتكونة من ومضة الضوء المارة بالعدسة على شريط مطلي بمواد كيميائية أهمها نترات الفضة الحساسة للضوء . يتم إظهارها بعد ذلك بنقعها في مواد كيميائية ثم طباعتها على ورق التصوير . لم تكن هذه العملية تحتاج إلى طاقة كهربائية في آلة التصوير . لأن العملية برمتها عبارة عن تفاعل كيميائي . وكان يتم تدوير الفلم لإستقبال اللقطة الثانية بوساطة ذراع ميكانيكي.

أما آلة التصوير الرقمية . التي لاتعمل دون طاقة كهربائية . فتستقبل الصورة من خلال حساس ضوء يسما light sensor
حيث تقوم ملايين المستقبلات الضوئية وتسما البكسلات pixels بإستقبال فوتونات الضوء ومن ثم معالجتها إلكترونياً تمهيداً لتخزينها في الذاكرة . ( ذاكرة الكمرا )

أتاح وجود معالج إلكتروني داخل الكمرا إمكانية القيام بالكثير من العمليات على الصورة الملتقطة كالتدوير والحذف كما مكّن من تسجيل مقاطع الفيديو القصيرة والصوت . وتطبيق بعض المؤثرات قبل التصوير . على الصورة . كالتصوير بـ الابيض والأسود .

أنواع آلات التصوير الرقمية :
تنقسم آلات التصوير الرقمية إلى أنواع حسب الفئة المستهدفة إلى :
آلات للهواة
وأخرى للهواة الجادين
وثالثة للمحترفين

إلا أن تنوع الآلات الموجودة في السوق . يجعل من تطبيق هذا التقسيم أمراً صعباً . هناك تقسيم بحسب قدرة تحكم المستخدم للآلة . وتقسم بحسب ذلك إلى :

آلات صور وصوب point and shoot : وهذا النوع هو الأكثر إنتشاراً في السوق لرخص سعرها ولسهولة إستخدامها . اذ لاتستلزم سوى توجيه الآلة نحو هدف التصوير والضغط على زر التصوير . حيث تحدد الآلة كافة الإعدادات اللازمة لإلتقاط الصورة

آلات التصوير الرقمية dslr : هي موجهة في الغالب للمحترفين . بحيث يرى المستخدم الصورة من خلال العدسة . اللتي يقف خلفها حساس الضوء . وهي توفر تحكماً أكبر من خلال طائفة كبيرة من الخيارات التي تتيح التقاط أفضل الصور حتى في أصعب الظروف

..............

حبيت بلش بلشي البسيط البعيد عن التعقيد
يعني لسا ماشفتو شي . كل هلحكي لعب عيال
وهلحكي .. بتلائو اذا بحبشتو نتياً . بس التبسيط يلي حاصل يعتبر أجتهاد سخصي .

.............

وماضل غير نئلكن : تشاهدون في الحلقة القادمة .. شرح مطول و بسيط عن :

الطول البؤري (Focal Length)

الغالق أو مايسما بـ سرعة الغالق (Shutter Speed)

وفتحة العدسة (Aperture F-Stop)

.............

هلأ لنشوف انصهاركن ضمن بوتقة الموضوع . وعـ هلأساس بنكفي

فا

فرم ناو بنئول

بونجور بنسوار اورفوار هاي اوكي

:D

[راديا]

متااابعة
و اساسا رح ادرس التصوير..
و ببقى بفرجيك ان شالله في القريب العاجل ابداعاتي :ss:

[شوط ياقمر]

طبعاً هون بنئول لـ شوش . تشكرات تشكرات أفندم . كفيتي ووفيتي أفندم

[شوط ياقمر]

راديا

ياتولتميت مرحبا بهلعينتين .

خبرة 6 سنين . انو يعني حبيت حطها بين دياتكن .

فا لأي استفسار أنا .. ئول ريدي .

:D

[راديا]

عنجد؟
هلق انت مصور فوتوغرافي؟
عنجد عبتحكي ؟ازا هيك منعوز خبرتك اوكيه ؟
ما تحرمنا من معلوماتك ...
يسلمووو

[شوط ياقمر]

هيك بئولو .

وبرجع بئول أنا جاهز . لأي استفسار .

وتقرقبونا .. قريباً

وأهلين رور

[راديا]

وأهلين رور

يا هلا فيك صارلي زمان ما سمعت بهالاسم

[YaSeR]

انا متابع بشغف وبشَبق ايضا ;)

علمنا منيح ... مشان نصير نفهم بالمصلحة ونفتح ناح محلك نضارب عليك

[..AHMAD]

حامي حومص الأبية ... احيي صمودك معلمي

باشا ... هلئ موضوعك عظيم وخارق

بس ولو فيها استباق للاحداث


الطول البؤري (Focal Length)

الغالق أو مايسما بـ سرعة الغالق (Shutter Speed)

وفتحة العدسة (Aperture F-Stop)



بعرف انك قلت لـ الحلقة القادمة الي بتوقعها بكرا
بس تجاوزاً بدي افهم هالكم شغلة عالسريع
وبشكل مختصر وسريع ...بـ معيتك

الطول البؤري بشو بيفيدنا ..... ازا طول او قصر .... على سبيل المثال

كمان سرغة الغالق ....... شرحو ... شو بتفيدنا ... وشو تأثيرها ؟؟

فتحة العدسة متل الي قبلو ... شو تأثيراتها الجانبية ؟؟

[شوط ياقمر]

انا متابع بشغف وبشَبق ايضا ;)

علمنا منيح ... مشان نصير نفهم بالمصلحة ونفتح ناح محلك نضارب عليك

أبو اليسر الغالي . تعلم . بلكي بنشغلك صنايعي عنا . بعدين فتاح بلزئي . مانا بروبلم .


بس


بتعرف انك نورت


مو ..

[شوط ياقمر]

حامي حومص الأبية ... احيي صمودك معلمي

باشا ... هلئ موضوعك عظيم وخارق

بس ولو فيها استباق للاحداث


بعرف انك قلت لـ الحلقة القادمة الي بتوقعها بكرا
بس تجاوزاً بدي افهم هالكم شغلة عالسريع
وبشكل مختصر وسريع ...بـ معيتك

الطول البؤري بشو بيفيدنا ..... ازا طول او قصر .... على سبيل المثال

كمان سرغة الغالق ....... شرحو ... شو بتفيدنا ... وشو تأثيرها ؟؟

فتحة العدسة متل الي قبلو ... شو تأثيراتها الجانبية ؟؟






أبو حميد
الطول البؤري . تعني بشكل مختصر المسافة بين العدسة والنقطة اللتي تتشكل عليها الصورة . بشكلها الصحيح . بعرف مافهمت شي .
يعني .. في عندك عدسات . ذات طول بؤري ثابت . وعدسات ذات طول بؤري متغير . العدسات ذات الطول البؤري المتغير . هي عدسات الزوم عندك تئريباً من ( 18 .... 1500 ). أما الثابت . لاتحتوي على زوم . ثابتة على زوم ومقدار معين . غالباً 50 تسمى Normal . اذا طوٌل الطول البؤوري . فا بزيد عمق الحقل deep of faild . والعكس صحيح . وتروك البائي لبكرا .
سرعة الغالق . يعّرف بـ التحكم بـ المدة التي يدخل فيها الضور إلى الحساس . مثلاً سرعة شتر عالية . تستخدم في تصوير مباريات كرة القدم . وهلم جرا .. اللتي تعتمد على الحكرة السريعة ( انتي ولنفترض عمتركض . جيت أنا صورتك بموبايلي هادا ابو 2 ميغا . شو رح يطلع . رح يطلع خيال . لأنو الحكرة سريعة . ومافينا نتحكم بسرعة الشتر هون ) . سرعة شتر بطيئة . لأضافة حركة إلى الصورة .
فتحة العدسة .. هي كمية الضوء الداخلة إلى الشتر .. فيك تتحكم فيا متل مابدك . وحسب المنظر يلي ئدامك .

اي وهيك

[The morning]

وهون ماعم احكي عـ كمرات موبايل أو كمرات دجتال امـ الـ 1500 ليرة . هون عمـ احكي عـ كمرات الـ DSLR .. أو مايسما كمرات المحترفين . أضرب كمرا أضرب كمرا حئا 10000




الـعام الماضي كان عندي خـيار انـّي اشـتري هيـك كاميرا او انّي انزل على سـووريا, و قـررت انـزل عـسوريا و Gave up الكـاميرا فاللي جايه عبالو يجـبلي ياها يراسلنـي بخبرو كـيف :lol:

موضوعك رهــيب صديقي, بانتـظار الحلقه الـقادمه

[Gazita]

. التصوير مو بس فئشة زر وتروك البائي لربك . التصوير ياتئبرني .. علم + فن + موهبة . واذا بتلائي فيك هلمواصفات . فا بهنيك وبهني نفسي فيك . وبئلك برووك وسماع .


اي فيا فيا ..:gem:لاتخاف ..كمل خييي الله يوفقك:gem:

[راديا]

تعا لقللك شوط يا قمر ...خليك هون لانو الفترة الجايي بعوز خبرتك ...مو تهرب و تفل تما حدا يلاقيلك مطرح
يا الله
سي يو

[شوط ياقمر]

مدري كيف وحصل .. ونشغلنا ..

وبصريح العبارة ماكنت مفكر يصير إقبال عـ هكذا تفتيئات .

فا .. سوري .. فا .. بلكي تومورو .. فا .. بنكفي .

فا .. فرم ناوو .. بنئول .. سي يو ؤول . أن زا هيل :lol:

:D

[شوط ياقمر]

الطول البؤروي focal length :
وهو المسافة بين العدسة ونقطة البؤرة . focal point . ويقاس بـ الميليمترات ( مثلاً : عدسة بطول بؤري 50 ) وهي المسافة اللازمة لتكوّن البؤرة في نقطة واحدة تغطي سطح الفلم / حساس الضوء .

قد يكون الطول البؤري ثابتاً . كما في العديد من العدسات . وقد يكون متغيراً كما في عدسات التقريب الزوم zoom lenses .

كمل كلما قل الطول البؤري كلما زادت مساحة الرؤية أو حقل الرؤية . والعكس صحيح . علماً أن زاوية الرؤية ترتبط أيضاً بمساحة الفلم / حساس الضوء . فكلما زادت مساحة أي منهما زادت مساحة الرؤية .

أنواع العدسات بحسب الطول البؤري :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

العدسات ذات الطول البؤري 50 مم وكذلك 55 مم . تسمى عدسات عادية Normal . وذلك لأنها تعطي زاوية رؤية بدرجة 46ْ درجة تقريباً . وهي مساوية لزاوية رؤية عين الإنسان . اذ لاتقوم هذه العدسات بتكبير أو تصغير مشهد التصوير . وانما تعطي صورة ذات زاوية رؤية طبيعية . ومشابهة لما تراه أعيننا .

العدسات ذات الطول البؤري المتغير من 24 مم إلى 35 مم . تسمى عدسات واسعة الرؤية wide Angle . وتعطي هذه العدسات زاوية رؤية كبيرة . والعدسات الأقل من 20 مم . تسمى عدسات واسعة الزاوية الفائقة super wide Angle . وصولاً إلى عدسة عين السمكة fisheye . والتي تعطي صوراً بزاوية رؤية قد تصل إلى 180ْ ولكنها صوراً مشوهة . اذ تتحول المستقيمات في جانبي الصورة إلى منحنيات . تستخدم . في أعمال الهندسة المعمارية .

العدسات ذات الطول البؤري من 80 مم إلى 300 مم . تسمى عدسات مقربة tele . وتضيق فيها زاوية الرؤية إلا أنها تعطي صوراً مكبرة . خصوصاً للمشاهد البعيدة . العدسات الأكبر من 300 مم . تسمى عدسات مقربة فائقة . super tele .

العدسات متغيرة الطول البؤري . وتسمى عدسات التقريب zoom . ويمكن فيها تغيير الطول البؤري . على سبيل المثال من 26 مم ( واسعة الرؤية ) إلى 432 مم ( فائقة التقريب )


سرعة الغالق shutter speed . وفتحة العدسة aperture (F-stop) .
الغالق هو حاجز ميكانيكي يفصل بين العدسة . والفلم أو حساس الضوء . ومهمته هي السماح للضوء القادم من العدسة بلوقوع على الفلم أو حساس الضوء . ومع إمكانية تحديد المدة والسرعة ( كم من الوقت سيبقى الفلم / الحساس معرضاً للضوء ) حيث يفتح ويغلق . لمدة زمنية يتم تحديدها من خلال سرعة الغالق .

وتقاس سرعة الغالق بـ الثانية أو أجزاء من الثانية .
سرعة الغالق 1/125 ث . سوف تعرض الحساس للضوء لمدة جزء واحد من 125 جزء من الثانية .
تعمل سرعة الغالق بكسور الثواني . تبداأ ( عادةً ) من نصف الثانية 1/2 والسرعات الأعلى تتوالى بنصف السرعة التي قبلها :
1/2ث . 1/4ث . 1/8ث . 1/15ث . 1/30ث . 1/60ث . 1/125ث . 1/250ث . 1/500ث . 1/1000ث . 1/2000ث . 1/4000ث . 1/8000ث .

أما سرعات الغالق البطيئة فتمثل في الثواني . مثل ثانية واحدة . ثانيتين . 4 ثواني . 8 ثواني . وحتى دقيقة كاملة .
سرعة الغالق المثالية تعتمد على موضوع التصوير . خيث عند استخدام سرعة شتر . بطيئة . ستحتاج إلى حامل ثلاثي أو نظام تثبيت الصورة is .

اذا أردت تجميد الصورة ( مثل التصوير الرياضي ) فتحتاج إلى سرعة 1/250ث . أو أكثر . لكن ليست كل أوضاع التصوير تحتاج إلى سرعات عالية . مثلاً : عندما تتابع سيارة منطلقة بآلة التصوير . فإن إستخدام سرعة شتر منخفضة . ستعطي للخلفية تأثير ضبابي يوحي بالسرعة .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أما فتحة العدسة فيضبطها حاجز ( شبيه بقرنية العين ) يقع بين العدسة وحساس الضوء . ويحدد مقدار الضوء الداخل من العدسة إلى حساس الضوء . وهذا الحاجز مضبوط على عدة قيم قياسية . يمكن التحكم فيها إلكترونياً . والرقم الأصغر يدل على أكبر فتحة للحاجز ( مثل f-2 ) بينما الرقم الأكبر ( مثل f-16 ) يدل على أصغر فتحة للعدسة . والفتحة الكبيرة تعني دخول كمية كبيرة من الضوء إلى الحساس . والعكس صحيح .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




فا وهيك . وماصفا غير نئول . التسميع بيجي بعد بكرا . يلي مابيجي حافظ . لايورجيني خلئتو طاول طاول . وبنكفي بعد التسميع بـ

أهمية سرعة الشتر / الغالق . وقيمة فتحة العدسة

كيفية إختيار القيم المناسبة

عمق الحقل depth of field

التعريض Exposure

.

:D

[طفوله]

ئــريت الموضـوع كلــمــه كلـمـه .. فعــلن اغنيتــنـا .. وكــنت عــم ئـول شــغله بــ البــي


(هلــئ اذا بيســمعلي شوط يــا ئــمــر .. بيـطلــع الوضــع تــمـام )


وصــارت الصــدمــه البصــريــه عـندي ..وئــت انتــه ئلــت بالأخــير بــدكـ تســمعــلــنا ..


بالله عنــدكـ عدســه كمــان بتعمــل تصـويـر فــوري لحــوار الــذات .. !! اظــن اي ..


متــابــعـه بنـتــظـار صــدمـه تانيــه ..عجبــني الوضع

[شوط ياقمر]

طفولة .. وجودك هون .. بمثابة صدمة لـ حضرتنا .

ميرسي علـ صدمة

:D

[MaTyA]

اسم الله يا ئمرنا ، بدنا ندء ع الخشب يابا

كتير عم تفيدنا بهالموضوع..
يعني انا بحس انو عندي فن التصوير لهيك حابة فوت بهالمجال خاصة اني بحبو

بتسمحلي بسؤال سألتو لحدا "ما مختص تصوير" لهيك ما لقى اجابة اكيدة

فـ بسألك ياه بـ حـُـكم معرفتك بالتصوير :

في كاميرا الديجيتال ، الواقي للعدسة من اشعة الشمس ،
بس من شأنو حماية العدسة من اشعة الشمس (نظراً الى انو الاشعة بتخربها) ، ولا كمان الو تأثير معين على الصور ؟؟؟

يعني اذا كنا عم نصور واشعة الشمس جاية على العدسة بشكل حاد وما حطينا الواقي للعدسة ،
ممكن تطلع الصورة ما مزبوطة او فيها مشكلة نتيجة هالشي ولا ما بيأثر على الصور " كـ شكل وهكذا..."

وطولت عليك..عم نعذبك معنا

:D الك

[شوط ياقمر]

ش
واقي العدسة .. يعني فيكي تئولي .. انو ماكتير بستهضمو . هاذا من لفة .

من اللفة التانية .. بئلك .. اذا حطيتي الإعدادات والقيم المناسبة .. وبلوئت المناسب . ( الوئت المناسب . يعني حسب الساعة . 12 الضهر 2 الضهر 10 الصبح . ) يعني لازم يكون عندك . فكرة . عن الوضعيات . و القيم المناسبة .

بس


هون بتجي نئطة . ( و هون أنا ماتطرئت لـ موضوع الواقي بتاتاً . شنو لأنو مابستعملو ) مو تاخديا عادة . يعني مو والله . ايمت ماعن عبالك تصوري الشمس . تئومي طوالي طاجيتيا صورة . هئ . لأنو وبهذة الطريقة . بتكوني عمـ تئصري من عمر الحساس / حساس الضوء . لأنو بمعلومك . هيـ شمس . والجو حرائي برا . وشوب . فا ركبي كوندشن . نسيحة .

هادا عداكي عن انو . اذا صار نتوفة غلط .. فا منو العوض وعليه العوض . باي باي ماي كمرا . وئعدي عاد عـ شجب وندب .

وطبعاً . ولازم تكون سرعة الشتر سريعة . وفتحة العدسة ضيقة . أو صغيرة . وكلو بيرجع للوئت . ضهر أو صبح . يعني حسب المنظر .

وو

بئلك من هون

ولااااااااو .


:D الك

وووصلت

:sosweet:

[شوط ياقمر]

فاللي جايه عبالو يجـبلي ياها يراسلنـي بخبرو كـيف :lol:


نسيت ئلك

حلّي عني

وبلإضافة انو

أحلامنا بئت دخّان ..

دخّاان

.

[MaTyA]

يعني مو والله . ايمت ماعن عبالك تصوري الشمس . تئومي طوالي طاجيتيا صورة .






يا ئمرنا..ما عم قلك صوّر الشمس..عم قلك صور بالشمس :lol:


يعني لاشرحلك قصدي..لما انا بدي صور حدا برا البيت..بالساحة..بالبستان الخ...
والتصوير بفترة الظهر ، وبهالفترة اشعة الشمس حادّة ومافي ( اي سي ) برا :lol:..

بهيك حالة ، اذا ما بحط واقي للعدسة هل ممكن اشعة الشمس تنعكس على العدسة بطريقة تخرّب الصور ؟!

يعني خلينا نقول اذا بنحط واقي ممكن تطلع الصور احلى نتيجة انو اشعة الشمس ما وصلت للعدسة بنقاط معينة وباسلوب معين بسبب الواقي .. يعني هيك بقصد..انو الواقي الو تأثير معين ع الصورة..بغض النظر عن اهميتو لحماية العدسة ولا ما الو تأثير؟

وصل يابا؟

[..AHMAD]

سرعة الغالق shutter speed . وفتحة العدسة aperture (F-stop) .
الغالق هو حاجز ميكانيكي يفصل بين العدسة . والفلم أو حساس الضوء . ومهمته هي السماح للضوء القادم من العدسة بلوقوع على الفلم أو حساس الضوء . ومع إمكانية تحديد المدة والسرعة ( كم من الوقت سيبقى الفلم / الحساس معرضاً للضوء ) حيث يفتح ويغلق . لمدة زمنية يتم تحديدها من خلال سرعة الغالق .

وتقاس سرعة الغالق بـ الثانية أو أجزاء من الثانية .
سرعة الغالق 1/125 ث . سوف تعرض الحساس للضوء لمدة جزء واحد من 125 جزء من الثانية .
تعمل سرعة الغالق بكسور الثواني . تبداأ ( عادةً ) من نصف الثانية 1/2 والسرعات الأعلى تتوالى بنصف السرعة التي قبلها :
1/2ث . 1/4ث . 1/8ث . 1/15ث . 1/30ث . 1/60ث . 1/125ث . 1/250ث . 1/500ث . 1/1000ث . 1/2000ث . 1/4000ث . 1/8000ث .

أما سرعات الغالق البطيئة فتمثل في الثواني . مثل ثانية واحدة . ثانيتين . 4 ثواني . 8 ثواني . وحتى دقيقة كاملة .
سرعة الغالق المثالية تعتمد على موضوع التصوير . خيث عند استخدام سرعة شتر . بطيئة . ستحتاج إلى حامل ثلاثي أو نظام تثبيت الصورة is .

اذا أردت تجميد الصورة ( مثل التصوير الرياضي ) فتحتاج إلى سرعة 1/250ث . أو أكثر . لكن ليست كل أوضاع التصوير تحتاج إلى سرعات عالية . مثلاً : عندما تتابع سيارة منطلقة بآلة التصوير . فإن إستخدام سرعة شتر منخفضة . ستعطي للخلفية تأثير ضبابي يوحي بالسرعة


حبيب ... في مجال تشرح اكتر .. بالنسبة للسرعات

وهي لعينيك :D ازا ما شرحت رجعها :p

[شوط ياقمر]

يا ئمرنا


:clap:


وصل يابا؟

ميمو
عنجد انا معزور . ضياع انا .. وكتير .. وحالياً :cry:
بس
مافي أظبط من الصور النهارية . والي بتحدث بـ ضوء الشمس . وهون .
بيرجع كلشي لحسب المنظر المراد تصويره . واذا أشعة الشمس جايي مباشرة علعدسة .. بتعطي جمالية مابعدها جمالية للصورة . بس مع سرعة شتر بطيئة وفتحة ضيقة .
وانى بتئزي علمدا البعيد . فا اي بتأزي .. بس خدي عـ عمر ..
بتأزي الحساس . مو الصور . طبعاً .
الصور اذا كنتي حاطا سرعة شتر بطيئة . يعني في ضوء فايت علحساس زايد عن حدو . بتنحرق الصورة فقط لاغير .
واأيا واقي كان .. أو فلاتر .. بتأثر عجمالية الصورة . بس مابتنأفش بلسهل .

اي وهيك

8-)

[شوط ياقمر]

حبيب ... في مجال تشرح اكتر .. بالنسبة للسرعات



شوف عم .

الكمرا عبارة عن مايلي :

عدسة . شتر . حساس . مو ؟

العدسة معروف شو شغلتا . بيجي بعدو قطعة بلاستيكية . تسمى الشتر shutter. بيجي الضوء الداخل من العدسة . لوين ؟ .. علشتر . مهمته . هوي انو يفتح ويسكر . مشان يسمح للضوء . بلدخول إلى الحساس أو الفلم . لتخزين الضوء ( الصورة ) الآتية من العدسة . وبمدة معينة . تتحكم فيها يدوياً . وبلنسبة للسرعات يلي كتبتا . فا ماتاخدا بعين الإعتبار و تعمما عـ كل الكمرات . كل كمرا وئلا دوزانا وعئليتا الخاصة للشغل . بس نفس المفهوم . ألا وهو وحدة القياس تقاس بالثانية وأجزاء الثانية . مثلاً فيني خلي الشتر مفتوح دئيئة . بهلحالة . تخيل كمية الضوء الداخلة إلى الحساس ( علغالب تستعمل ليلاً . وئت مابكون في ضوء كافي . فا الدئيئة مدة كافية للسماح لأكبر كمية للضوء بلدخول إلى الحساس ) . وفيني افتحو 1/8000 جزء من الثانية . يعني شي انو .

وهون انتا وعيتني عـ نئطة . اني ماشرحت فتحة العدسة وقيمها . وشغلتها علمزبوط



وهي لعينيك :D ازا ما شرحت رجعها :p



وهاتا

ولااه .

[..AHMAD]

وصلت الفكرة حبيب فا .... ثانكيو :D

وهاتا

ولااه .
رجعها ... ما وصلت الفكرة :p

[MaTyA]

شكرًا يا ئمرنا ع الشرح


هلأ خلصت وبس؟ ولا لسّة في اشيا ما حكيتها؟

[شوط ياقمر]

هئ هئ .. ماخلّصت .. وأظنلّك .. انو مابتخلص ..

يعني في دسّة . تفتيئات تصويرية .. ناطرة الأوكي مني . لـ أشلفا . بس .. نشغلت نتوفة .

عدا عن ذلك .. بنئلك ..

أهلااان

[الفيلسوفة]

التصوير مو بس فئشة زر وتروك البائي لربك .


:oops:...it works sometimes you know

متابعة وبقوة بس انو لو فيك تدعم شرحك مع صور it will be great..:)

ثانكس معلم..شوط يامووون..:D

[sezar]

عل عافية زعيم
شرح جميل و جيد و دقيق :D

[شوط ياقمر]

:oops:...it works sometimes you know


Yes i know .. That

:sosweet:



متابعة وبقوة بس انو لو فيك تدعم شرحك مع صور it will be great..:)

ثانكس معلم..شوط يامووون..:D



يمكن لأنو لساتنا بلهين البسيط .. هيك صار .


بس .. آي برمس .. بشواربي .. نكست تايم .. رح يكون مفّصل بلصور .



كيفني معك .. أبهة ما .. أبهة .



:D

[شوط ياقمر]

عل عافية زعيم
شرح جميل و جيد و دقيق :D

ضيعتك بتعرفا ...


عراسي


:D

[شوط ياقمر]

أهمية قيمة سرعة الغالق وقيمة فتحة العدسة

لمعرفة هذين المفهومين والقيم المناسبة التي يجب استخدامها لكل منهما . أهمية جوهرية عند إلتقاط الصور . إذ تفرض عليك أوضاع التصوير المتنوعة إختيار قيم تسمح لآلة التصوير بتحقيق التعريض exposure المناسب لتكوّن الصورة .. كما يجب أن نعرف أن قيمة أي منهما تؤثر على الآخر .

فعندما تكون الإضاءة منخفضة في المشهد ( غياب الشمس .. الظل ) فإنك بحاجة إلى إستخدام فتحة أوسع للعدسة ( f2 .. f4 ) لتمكين أكبر قدر من الضوء للنفاذ . كما قد تضطر أيضاً . إلى تقليل سرعة الشتر الغالق ( مثل 60/1 ث ) وذلك لزيادة مدة تعرض الحساس أو الفلم للضوء .

كيفية إختيار القيم المناسبة

توفر آلات التصوير أوضاعاً modes . للتحكم عند التصوير . ويمكن التبديل بينها من خلال قرص في أعلى الآلة .. أشهر الأوضاع :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الوضع p : إختصار لـ program . وهو الوضع التلقائي . ( اوتوماتيك ) حيث تختار الكمرا القيم المناسبة من فتحة العدسة وسرعة الغالق الشتر . بناءً على المشهد المراد تصويره . وفي الآلات الرقمية تتغير القيم بإستمرار عند تحريك الكمرا نحو مشاهد مختلفة الإضاءة . ( اذا كنت مستعجل .. بيجي دوا .. أو خود تكسي )

الوضع A : إختصار لـ Aperture : وهو وضع أولوية فتحة العدسة . حيث يمكنك التغيير بقيم فتحة العدسة . بينما تقوم الكمرا بضبط سرعة الغالق الشتر بلقيم المناسبة . بناءً على إختيارك لـ قيمة فتحة العدسة .

الوضعS إختصار لـ Shutter : وهو وضع أولوية سرعة الغالق الشتر . حيث يمكنك تغيير السرعة بينما تتولى الكمرا . ضبط فتحة العدسة المناسبة للسرعة التي قمت بإختيارها .

الوضع M إختصار لـ Manual : الوضع اليدوي . حيث يمكنك ضبط القيمتين بشكل منفصل . ولكن يجب الأخذ بعين الإعتبار التناسب بين القيمتين . فمثلاً . لابد من إختيار فتحة عدسة كبيرة عند إختيار سرعة غالق شتر عالية .. وهيك .

وهناك أوضاع مسبقة الضبط بناءً على أوضاع التصوير المتنوعة . كالتصوير الليلي . والمشاهد الطبيعية ....

عمق الحقل depth of field

وهو المسافة داخل الصورة بحيث تكون الأشياء واضحة وحادة التفاصيل . وعندما تكون معظم الأشياء في الصورة ( بدءً من مقدمة الصورة ثم الوسط وإنتهاءً بلخلفية ) واضحة .. فإن عمق الحقل يسمى Deep .
وللحصول على عمق حقل كهذا . يمكن ضبط فتحة العدسة بحيث تكون صغيرة ( f 8 )مع الحرص على توفر إضاءة كافية وإستخدام سرعات متوسطة أو منخفضة للغالق .
كما يمكن تثبيت آلة التصوير بإستخدام حامل ثلاثي ( تراي بود ) ويستخدم هذا النوع لتصوير المشاهد الطبيعية . والمشاهد الواسعة التي يجب أن يكون كل شيء فيها بنفس الحدة والوضوح

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أما عندما يكون جزء فقط من الصورة من الصورة واضحاً . سواءً كان في المقدمة أو الوسط أو الخلفية . وبقية الصورة ضبابية وغير واضحة ( فلو )
فإن عمق الحقل هنا يكون ضحلاً shallow . وأهم ميزة في هذا التأثير هو إبراز جزء محدد من الصورة . وتمويه الأجزاء الأخرى . ويمكن الحصول عليه بإستخدام العسات المقربة . أو الإقتراب من موضوع التصوير مع إستخدام فتحات عدسة واسعة ( f2 ) مع إمكانية استخدام سرعات عالية .
ويستخدم هذا النوع لتصوير الوجوه portrait وكذلك لإبراز أشياء محددة كما في التصوير الإعلاني .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي والله

ومابزل عليكن بحرف

..........

بنكفي سون يائمامير

وشوش اذا لئيتي الصورة .. انو بيغ نوعاً ما .. فا عليكي بها

:D

[شوط ياقمر]

أما فتحة العدسة فيضبطها حاجز ( شبيه بقرنية العين ) يقع بين العدسة وحساس الضوء . ويحدد مقدار الضوء الداخل من العدسة إلى حساس الضوء . وهذا الحاجز مضبوط على عدة قيم قياسية . يمكن التحكم فيها إلكترونياً . والرقم الأصغر يدل على أكبر فتحة للحاجز ( مثل f-2 ) بينما الرقم الأكبر ( مثل f-16 ) يدل على أصغر فتحة للعدسة . والفتحة الكبيرة تعني دخول كمية كبيرة من الضوء إلى الحساس . والعكس صحيح .







////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////