لن أؤمن أبداً

[MadMax]

إن ما لا يؤمن به الكثير من الملحدين, هو إله لا أومن به أنا أيضاً"
أجل, لن أومن أبداً
بإله يباغت الإنسان في خطيئة ضعف
إله يشجب المادة
إله يعييه الجواب عن المشاكل الخطيرة التي يواجهها إنسان مخلص مستقيم يقول باكيا: " لا أستطيع
إله يحب الألم
إله يعترض على أفراح البشر
إله يعقم عقل الإنسان
إله منجم مشعوذ
إله يفرض رعبه في القلوب
إله يرفض أن نخاطبه بالكاف
إله عجوز قابل للخداع
إله تحتكره كنيسة أو جامع, أو عنصر, أو ثقافة, أو فئة معينة
إله لا يحتاج إلى الإنسان
إله " يا نصيب " لا يمكن الحصول عليه إلا مصادفة
إله حكم لا يلعب إلا وفى يده النظام
إله متوحد
إله لا يحسن الابتسام أمام حيل البشر و خداعهم
إله " يرسل " الناس إلى جهنم
إله لا يحسن الرجاء
إله يطلب دوماً العلامة القصوى في الامتحانات
إله تستطيع الفلسفة تفسيره
إله يعبده الذين يقدرون على إدانة إنسان
إله لا يستطيع حب ما يزدريه الكثيرون
إله لا يستطيع مسامحة ما يدينه الكثيرون
إله لا يستطيع افتداء البؤساء
إله لا يفهم أن " الأطفال " لابد أن يتوسخوا, وإنهم معرضون للنسيان
إله يمنع الإنسان من النمو, والفتح, والتطور, وتجاوز حدوده إلى أن يجعل من نفسه " شبه إله "
إله يفرض على الإنسان, إن أبتغى الأيمان, أن يتنازل عماً يجعل منه إنساناً
إله لا يقبل الجلوس و المشاركة في أعيادنا البشرية
إله لا يفهمه إلا الراشدون, والحكماء, و أصحاب المناصب
إله لا يخشاه الأثرياء, ممن يقوم على أبوابهم البؤساء و الجياع
إله يمكن أن يقبله و يفهمه أولئك الذين لا يحبون
إله يعبده الذين يذهبون إلى القداس أو الصلاة, ولا ينفكون يسرقون و يغتابون
إله معقم, يصوغه علماء الفقه والدين واللاهوت و القانون داخل مكاتبهم
إله لا يقوى على اكتشاف بعض الخير, بحكم الطبيعة نفسها, حيثما يخفق الحب, مهما زاغ عن الطريق
إله يرتضى تقدمة من لا يعمل بالعدل
إله يساوى بين خطيئة من يسر برؤية ساقين جميلتين, ومن يغتاب قريبه أو يسرقه, أو من يستغل سلطانه ليزدهر أو ينتقم
إله يشجب الجنس
إله يستطيع أن يقول: " سوف تدفع لي الثمن "
إله يتندم على انه أعطى الحرية للإنسان
إله يؤثر الظلم على الفوضى
إله يرضى عن المرء الذي يسجد ولا يعمل
إله أخرس لا شعور له أمام المشاكل الخانقة التي تؤلم البشرية
إله همه النفوس لا الأناس
إله أفيونا بالنسبة إلى الإصلاح الزراعي, ورجاءً بالنسبة إلى الآخرة فقط
إله يؤمن به تلاميذ يهربون من أعمال هذه الدنيا و لا يأبهون بشؤون إخوتهم
إله الذين يظنون أنهم يحبون الله لأنهم لا يحبون أحداً
إله يدافع عنه من لا يوسخون أيديهم قط , ولا يطلون من شبابيكهم قط , ولا يرمون بأنفسهم فى الماء على الإطلاق
إله يعجب الذين دأبهم القول : " كل شئ على ما يرام "
إله مواعظ الكهنة والشيوخ الذين يزعمون أنه من الحلال نقد جميع الأشياء و الناس باستثنائتهم
إله الشيوخ والكهنة الذين يظنون أن جهنم مكتظة و السماء تكاد تكون فارغة أو محددة لمجموعات معينة
إله المواعظ المتبرجزين
إله يحب الخرب, والدماء
إله يرفض للإنسان حرية الوقوع فى الخطيئة
إله ينقصه الغفران لأية خطيئة
إله يفضل الأغنياء و الأقوياء
إله " يتسبب " بالسرطان أو " يجعل " المرأة عاقراً
إله لا يمكن مخاطبته إلا ركوعاً
إله " يرسل " الولد إلى جهنم بعد خطيئته الأولى
إله لا يستطيع أن يجعل كل الأشياء جديدة
إله لم يعرف السبيل إلى البكاء بسبب الناس
إله يفضل الطهارة عن الحب
إله يقترن بالسياسة
إله يهدم الأرض , والأشياء التى يحبها الإنسان , بدل أن يطورها


أجل , إن إلهى هو الإله الآخر








البطريرك الراحل مكسيموس الرابع

[souriana]

للاسف عم يحاولو ينسونا هاد الاله الاخر
عم يفرجونا ويعلمونا انو الاله هوي شي رهيب ومخيف

[المحارب العتيق]

أي بعيد عن الله سيظن أن الله هو اله مرعب مخيف . لكن الله هو عكس ذلك تماما
ربما يكون أحساس الملحد بهذا الشعور لأنه وأن كان جدليا لا يؤمن بوجود الله فهو يفكر بعقابه أن وجد الله وهو ينكره . كل الأديان والألهة تدعو الى الخير والمحبة . وتصوير الله بصورة المرعب هو من وحي من يكفر بالله

[achelious]

البطريرك الراحل مكسيموس الرابع

الله يرحمو..:akh:

[BL@CK]

ها الموضوع بغض النظر عن مضمونوه الرائع .. إلو ذكريات و أيام حلوة .. و الله زمان ..

تـُشكر معلم . :D:D

[whiterose]

كلام مادماكس مزبوط واذا كان الله هيك انا اول الناس بقول اني مابدي ؤمن فيه

بس لازم نفكر ونشغل عقلنا من لاقي انه الله قريب لألنا اكتر من بياض العين لبؤبؤ العين

[VivaSyria]

رحلا أبو سمرااااااااااا... عيني ربك عيني...هيك كمل السيران.. و عالمشفى يابوفهد :clap:
أسف للطريقة السوقية بس لما شفت الموضوع ما قدرت عبر غير هيك :larg:

[MadMax]

أي بعيد عن الله سيظن أن الله هو اله مرعب مخيف . لكن الله هو عكس ذلك تماما

لا بالعكس ..... أغلب يللي عم يستعرضوا ايمانهون هالأيام .... هني من يللي بآمنو بالله بس مخافة العقاب

حتى أنو ولا واحد منهم بيتجرأ يقول أنو ما بخاف الله
بشهادة القول المأثور عندون .... يللي ما بخاف الله ...خاف منو :o

ربما يكون أحساس الملحد بهذا الشعور لأنه وأن كان جدليا لا يؤمن بوجود الله فهو يفكر بعقابه

يللي ما بآمن بالله ما رح يآمن بعقابو ..و لا رح يآمن بثوابو

أن وجد الله وهو ينكره . كل الأديان والألهة تدعو الى الخير والمحبة . وتصوير الله بصورة المرعب هو من وحي من يكفر بالله

تصوير الاله المرعب هو من وحي الدعاة ...( أو متل ما سموهون وكلاء الله )
و خطبهون مملية الدنيا ( و بسطات كاسيتات الخطب و الأناشيد ) و عم يسيطروا من خلالها على هالشعب البسيط

أما الطرف الآخر .... فهو يللي بينظروا إلى الإله بالعقل
يعني إذا كان الإله موجود .... فلابد أن يكون عبارة عن خير مطلق

[whiterose]

أي بعيد عن الله سيظن أن الله هو اله مرعب مخيف . لكن الله هو عكس ذلك تماما
ربما يكون أحساس الملحد بهذا الشعور لأنه وأن كان جدليا لا يؤمن بوجود الله فهو يفكر بعقابه أن وجد الله وهو ينكره . كل الأديان والألهة تدعو الى الخير والمحبة . وتصوير الله بصورة المرعب هو من وحي من يكفر بالله

كلامك حلو يمكن قدرت اتعبر اكتر مني

كان دريد لحام يقول انه اهلينا كرهونا بالله وخوفونا منه لما ضلو يقلولنا الله بيحرقك بالنار
الله بيكرهك الله بدو بدو اذا بتعمل هيك وهيك وهيك ولما كبرنا اتفاجئنا برحمة الله الكبيرة
يلي لقيناها بالصدفة


انا ولله كنت يعني بامن بوجود رب بس يعني موفارق معي شي

بس لما عرفت شويعني في حدا حاسس فيك وشايفك وعارف همك وتعبك بتحس اديش ها الشي عظيم

وقتها حبيته لـ الله ومن قلبي ولقيت حالي بدونه ولاشي

[MadMax]

ها الموضوع بغض النظر عن مضمونوه الرائع .. إلو ذكريات و أيام حلوة .. و الله زمان ..

تـُشكر معلم . :D:D
تماماً عبد ... هلأ كنت بدي اذكر المناسبة

و على فكرة هالموضوع كان خلاصة نقاشنا عن بمدى ايمانا بوجود الاله
يعني ... نحنا منآمن بس بس بالاله يللي بيعنينا
اله المحبة .....و اله التسامح ....اله الرحمة .......
أما الاله التاني يللي بيرمز للترهيب ...و السادية فـ ما بيعنيلنا شي ..و لا منآمن بوجودو ....
و رح نضل ملحدين ..طالما فكرتو قائمة

[whiterose]

لا بالعكس ..... أغلب يللي عم يستعرضوا ايمانهون هالأيام .... هني من يللي بآمنو بالله بس مخافة العقاب

حتى أنو ولا واحد منهم بيتجرأ يقول أنو ما بخاف الله

انا بقولا ومن زمان بقولا ومرة قلتلا ياها لأنسانه انو انا مابخاف من الله بحسه ببي وبحسه مرافقني بكلشي وبيحميني رغم اني عندي سيئات وعندي ذنوب رغم هيك بيحميني وبكلمة وحدة بيسامحني


بشهادة القول المأثور عندون .... يللي ما بخاف الله ...خاف منو
عزيزي سامر اسمحلي قلك انك فهمان ها الجمله غلط

تفسيرها يعني مو يلي بخاف من الله خوف النفس
لاء يلي بيخاف من الله خوف الفعل يعني يلي بخاف يزعل امه يلي بيخاف ياكل مال حرام يلي بخاف يسرق
ينصب يقتل يعمل شي حرام شي مؤذي للبشر
قلي لو شفت شخص بيعمل ها القصص هي مابتخاف منه؟؟




ت
صوير الاله المرعب هو من وحي الدعاة ...( أو متل ما سموهون وكلاء الله )
و خطبهون مملية الدنيا ( و بسطات كاسيتات الخطب و الأناشيد ) و عم يسيطروا من خلالها على هالشعب البسيط

يعني الشعب العربي جاهل شوي مو كل ماطلع شيخ المفروض نصدقه ونركض وراه
في ناس استغلت الدين تحت غايات كبيرة ومن ها الاشخاص الشيوخ



أما الطرف الآخر .... فهو يللي بينظروا إلى الإله بالعقل
يعني إذا كان الإله موجود .... فلابد أن يكون عبارة عن خير مطلق

هي مافهمتا بدي منك تفهمني ياها

[MadMax]

بس لازم نفكر ونشغل عقلنا من لاقي انه الله قريب لألنا اكتر من بياض العين لبؤبؤ العين
مزبوط هالكلام
بس للأسف في شريحة كبيرة عملت وكالة بعقولها و سلمتها لأولياء الأمور
و صار حتى التفكير بماهية الله هو كفر ........... عقابو جهنم و بئس المصير

[whiterose]

يعني ... نحنا منآمن بس بس بالاله يللي بيعنينا
اله المحبة .....و اله التسامح ....اله الرحمة .......
أما الاله التاني يللي بيرمز للترهيب ...و السادية فـ ما بيعنيلنا شي ..و لا منآمن بوجودو ....
و رح نضل ملحدين ..طالما فكرتو قائمة

وانا اول الملحدين اذا الله كان هيك

بس انت بتتخيل يكون في اله بها العظمة هي والقدرة على خلق كون وطبيعة وبشر

يكون ظالم او هدفه يخلق بشر ويدمرون ؟؟؟يعني كيف هي مو زابطة

[whiterose]

مزبوط هالكلام
بس للأسف في شريحة كبيرة عملت وكالة بعقولها و سلمتها لأولياء الأمور
و صار حتى التفكير بماهية الله هو كفر ........... عقابو جهنم و بئس المصير

هي جهنم وبئس المصير مو لألك ومو لألي ومو لحدا بأمن بوجود رب خالق لها الكون ولها البشرية

[VivaSyria]

لكن لمين؟؟ :larg:

[MadMax]

وانا اول الملحدين اذا الله كان هيك

بس انت بتتخيل يكون في اله بها العظمة هي والقدرة على خلق كون وطبيعة وبشر

يكون ظالم او هدفه يخلق بشر ويدمرون ؟؟؟يعني كيف هي مو زابطة
الظاهر الفكرة ما وصلت ....
الكلام مو عن الله
الكلام عن فكرة الاله عند البعض .....
و يللي بيختزلوا هالفكرة ... بصورة المعاقِب ... يللي ناطر الانسان ع غلطة ليعمل و يسوي فيه

[MadMax]

عزيزي سامر اسمحلي قلك انك فهمان ها الجمله غلط

تفسيرها يعني مو يلي بخاف من الله خوف النفس
لاء يلي بيخاف من الله خوف الفعل يعني يلي بخاف يزعل امه يلي بيخاف ياكل مال حرام يلي بخاف يسرق
ينصب يقتل يعمل شي حرام شي مؤذي للبشر


هون المشكلة .....
أنو ما بيعمل كل هالأمور ...... بس خوف من العقاب ....
أما الملحد .... يللي ما بيعمل كل هالأمور .... فـ برأيي أنو جدير بالاحترام أكتر
لأنو ما بيعملها لأنو عندو مبدأ ...و لأنو عندو نزعة للخير .. بغض النظر عن الثواب و العقاب ..

[MadMax]

هي جهنم وبئس المصير مو لألك ومو لألي ومو لحدا بأمن بوجود رب خالق لها الكون ولها البشرية
لا .... هي لكل يللي بشككو بوجود الله
بس يللي ما بشك ..... ما بفكر

[المحارب العتيق]

[/color]

لا بالعكس ..... أغلب يللي عم يستعرضوا ايمانهون هالأيام .... هني من يللي بآمنو بالله بس مخافة العقاب

حتى أنو ولا واحد منهم بيتجرأ يقول أنو ما بخاف الله
بشهادة القول المأثور عندون .... يللي ما بخاف الله ...خاف منو :o
هلأ هون تفسير أخر مقولة خاطئ . تفسيرها بمعنى أنو يلي مالو مقتنع بأكبر شيء بالوجود ( من نظر المؤمن ) مارح يحسب حساب أي شي تاني . وبكل الأحوال هي مقولة شائعة وماهية من ضمن الدين

يللي ما بآمن بالله ما رح يآمن بعقابو ..و لا رح يآمن بثوابو

هيك المفروض . بس مثلا أنت غير مؤمن بالله بس جايب موضوع ذاكر فيه الله .هاد دليل أنو الرب دائما موجود بعقل الأنسان . وحتى لو ماكنت مؤمن فيه . بس حسب مارح تسمع من المؤمنين فيه . أنت المفروض تتعاقب

تصوير الاله المرعب هو من وحي الدعاة ...( أو متل ما سموهون وكلاء الله )
و خطبهون مملية الدنيا ( و بسطات كاسيتات الخطب و الأناشيد ) و عم يسيطروا من خلالها على هالشعب البسيط
صدقني أنو هاد الكلام خاطئ بنسبة 98 % . أنا رح أحكي عن تجربتي . أنا كنت غير متدين . ولا أعرف أي شي عن ديني . وكنت خاف من شكل الشيوخ وما أسمعلهم أبدا وحسهم أنهم بيرهبو الواحد . بس بعدين لما قررت أتعرف أكتر على ديني . لقيت أنو كل أحساسي كان خاطئ . وأنو أي شيخ بيدعي للمحبة وبيحاول يشدك للدين مشان هيك بيقلولو ( داعية ) وأكيد يلي بدو يدعي لشي بيقدم المنيح عندو . ومابيكره بيلي بدو يوصلو
أما الطرف الآخر .... فهو يللي بينظروا إلى الإله بالعقل
يعني إذا كان الإله موجود .... فلابد أن يكون عبارة عن خير مطلق



[/color]
الأله خير ودليل الخير أنو غفور .وبيغفر للأنسان خطاياه مهما كان حجمها
بس مو من الخير أنو يتعامل مثلا المخطئ متل المحسن

[whiterose]

[/color]هون المشكلة .....
أنو ما بيعمل كل هالأمور ...... بس خوف من العقاب ....
أما الملحد .... يللي ما بيعمل كل هالأمور .... فـ برأيي أنو جدير بالاحترام أكتر
لأنو ما بيعملها لأنو عندو مبدأ ...و لأنو عندو نزعة للخير .. بغض النظر عن الثواب و العقاب ..


مين قال ها الحكي ؟؟؟
يعني انا ماعم اسرق واقتل لأني بس خايفة من الله
والملحد يلي مابيعمل هيك لانو صاحب اخلاق عالية مابيعمل هيك
والمتدين يلي ما بيعمل هيك بس خوف من الله

وين القيم وين التربية يلي امرنا فيه الله!!!وين الاخلاق

[whiterose]

الأله خير ودليل الخير أنو غفور .وبيغفر للأنسان خطاياه مهما كان حجمها
بس مو من الخير أنو يتعامل مثلا المخطئ متل المحسن
:deal::deal:

[VivaSyria]

يعني انا ماعم اسرق واقتل لأني بس خايفة من اللهه

وين القيم وين التربية يلي امرنا فيه الله!!

مافهمت يعني القيم الإنسانية برأيك مخافة من الله و لا هي مجموعة أخلاقيات فطرية و منظومة علاقات اجتماعية صحية؟؟ في تناقض غريب بين الجملتبن!!

[MadMax]

هلأ هون تفسير أخر مقولة خاطئ . تفسيرها بمعنى أنو يلي مالو مقتنع بأكبر شيء بالوجود ( من نظر المؤمن ) مارح يحسب حساب أي شي تاني

لا غلط .....
أصلاً يللي بيقتنع بوجود الله و بيفهم الله ..... أكيد ما رح يخاف منو



وبكل الأحوال هي مقولة شائعة وماهية من ضمن الدين

طيب شو مشان هالآية ( إنما يخشى اللهَ من عباده العلماءُ ) ..؟؟


هيك المفروض . بس مثلا أنت غير مؤمن بالله بس جايب موضوع ذاكر فيه الله .هاد دليل أنو الرب دائما موجود بعقل الأنسان . وحتى لو ماكنت مؤمن فيه . بس حسب مارح تسمع من المؤمنين فيه . أنت المفروض تتعاقب

استنتاجك خاطئ
لأنو انا عم احكي عن الله بوجهة نظري .... و يللي هو ( متل ما بشوفو أنا ) ما بخوف ....و لا ممكن يهدد بعقاب و تعذيب
صدقني أنو هاد الكلام خاطئ بنسبة 98 % . أنا رح أحكي عن تجربتي . أنا كنت غير متدين . ولا أعرف أي شي عن ديني . وكنت خاف من شكل الشيوخ وما أسمعلهم أبدا وحسهم أنهم بيرهبو الواحد . بس بعدين لما قررت أتعرف أكتر على ديني . لقيت أنو كل أحساسي كان خاطئ . وأنو أي شيخ بيدعي للمحبة وبيحاول يشدك للدين مشان هيك بيقلولو ( داعية ) وأكيد يلي بدو يدعي لشي بيقدم المنيح عندو . ومابيكره بيلي بدو يوصلو


لا .. الأكترية بيدعوا عن طريق الترهيب ....
يعني مبارح كان في داعية عالتلفزيون ( ما بعرف شو اسمو ..... بس منظروا قريب لصورة الشيطان بأفلام الرعب )
لفتني بكلامو جملة ( أنو يللي بيحجز مال الزكاة سيصفح له الله هذه الاموال صفائح من نار يوم القيامة )
يعني اذا الواحد ما عمل شي و لا أذى حدا .. بس أنو ما ذكى عن أموالو ..... الله رح يعمل فيه هالصورة الفظيعة يللي صورها هالداعية
بقى شو بدك ارهاب أكتر من هيك

[whiterose]

طيب شو مشان هالآية ( إنما يخشى اللهَ من عباده العلماءُ ) ..؟؟

انا بلشت شوف الكلمة اتنين نعست وكتير
لي عودة للرد على كلامك هون سامر بس هي لازم رد عليك فيها وبتمنى من العزيز المحارب العتيق يحاول يشرحلك ياها اكتر مني

من هون اكتشفت انك مو ضليع باللغة العربية:p

هون يعني على انو يلي بيخاف الله هنن عباده العلماء
يلي بيدرسه الكون تركيبة الكون كيف ماشية حركة الكواكب الارض تركيبة الانسان الطبيعة المطر اتلج

يعني مو الله يلي بيخاف من العلماء لاء العلماء يلي بيخافوا الله
لي عودة لشرح افضل من هيك

[MadMax]

مين قال ها الحكي ؟؟؟
يعني انا ماعم اسرق واقتل لأني بس خايفة من الله
والملحد يلي مابيعمل هيك لانو صاحب اخلاق عالية مابيعمل هيك
والمتدين يلي ما بيعمل هيك بس خوف من الله

انا ما شملت بكلامي كل المؤمنين ...
بس نحنا عم نحكي عن فكرة معينة ....و هي الخوف من الله
بقى أكيد يللي هاجسو هو الخوف من الله .....ما رح يكون عندو رادع تاني يردعو

وين القيم وين التربية يلي امرنا فيه الله!!!وين الاخلاق

رجعنا لنفس النقطة
أنو الخوف من عقومة عدم تنفيذ الأمر
ليش ما بتشتغلوا من قناعتكون




يعني اذا الله ما أمرك ....... بتروحي بتقتلي و بتسرقي ..؟؟

[التقرير الجوال]

لك يا عمي انتو جد بمشكلة ..
هلأ القيم و الأخلاق و العلاقات الانسانية السوية .. من وين اجت و كيف تبلورت مع الزمن .. يعني القتل كان مفهومو قبل 500 سنه او لما ما كان في رادع و محاكم تعاقب عليم .. كان مفهوم القتل قديماً و تداعياته متل هلأ
بعدين المجتمعات و أخلاقياتها من وين تعلمت الاخلاقيات و التعاملات البشرية .. خدوها تسلسلا من أول التاريخ مروراً بالأنبياء يللي كانو صوت الله عالأرض لهلأ .
رح تشوفو أي مفهومه او قيمة أخلاقية كانت نتيجة لجهد أنبياء و و مصلحين اجتماعيين تعمقو بالحياة و فلسفتها و أديانها .
طيب اذا ما كانت القيم و الأخلاق من الله طيب من وين اجت؟ برأيكن تجربة على مر العصور؟
بس الانسان هوي الانسان .. و نزعه الشر و التملك و التسلط و الهيمنة موجوده .. برأيكن الرادع هوي بس للتظاهر بقيم حضارية مثلى
و إلا الموضوع أكبر من هيك .. يعني صار بسبب التوجة لحقيقة مطلقة أرسى دعائمها الأنبياء و الصديقين و الصالحين .. من ثمّ تشكلت القوانين البشرية بناءاً على هالقيم و المثل يللي هي هبة من السماء .

[التقرير الجوال]

هي الفكرة قيمة كتير و لازم تاخد فرصتها من النقاش ..
الخوف من الله
بدكن تعرفو أي نوع من الخوف ما هيك
إذا كان خوف بسبب الوعيد بانو إذا عملت شر سوف تُنكّل من هون في منطلق اول لتعريف الخوف .
المنطلق التاني هوي فسفة الخوف لمعنى اسمى من خوض الانسان الضعيف من عقاب رب العالمين
بدي سمّي " خوف الاقوياء " .. يعني خوف الضعيف غير خوف القوي ما هيك .
في محورين أنا برأيي لنقاش فكرة الخوف من الله .

[L.A.]

يسلموا كتييير أب سمرا موضوعك اجا بوقتو....:D

[المحارب العتيق]

لا غلط .....
أصلاً يللي بيقتنع بوجود الله و بيفهم الله ..... أكيد ما رح يخاف منو

مافهمت شو قصدك . شكلك فهمان ردي خطأ . المقصود أنو يلي مؤمن بوجود الرب . ويتبع ما أمر به ويبتعد عن مانهى عنه . فهاد مثلا مارح يسرق . لأنو يتبع أوامر الرب . وبرجع بقلك هي مقولة شعبية . متل الأمثال . مومن ضمن الدين

طيب شو مشان هالآية ( إنما يخشى اللهَ من عباده العلماءُ ) ..؟؟

أولا الخشية غير الخوف
وهذه الأية تدل على مكانة العلماء عند الله . وهي تدحض مقولة أن الله يحارب العقل ولا يقبل التفكير . بدليل أن أعلى مرتبة عند الله هي مرتبة العلماء. وأنا أبعد أن أفسر أية بشكلها الأمثل .

استنتاجك خاطئ
لأنو انا عم احكي عن الله بوجهة نظري .... و يللي هو ( متل ما بشوفو أنا ) ما بخوف ....و لا ممكن يهدد بعقاب و تعذيب

بس المفروض أنو الملحد لايعترف بوجود الرب . فأنت أذا غير ملحد

لا .. الأكترية بيدعوا عن طريق الترهيب ....
يعني مبارح كان في داعية عالتلفزيون ( ما بعرف شو اسمو ..... بس منظروا قريب لصورة الشيطان بأفلام الرعب )
لفتني بكلامو جملة ( أنو يللي بيحجز مال الزكاة سيصفح له الله هذه الاموال صفائح من نار يوم القيامة )
يعني اذا الواحد ما عمل شي و لا أذى حدا .. بس أنو ما ذكى عن أموالو ..... الله رح يعمل فيه هالصورة الفظيعة يللي صورها هالداعية
بقى شو بدك ارهاب أكتر من هيك


كمان المفروض أنك ملحد . بس عمتقول الأكثرية . الأكثرية يعني قديش . أنا المتابع وفيني قلك أنو أستنتاجك خاطئ . وعلى فكرة الشيوخ حتى مايدعى بالسلفيين . مابيرهبو بالدين قد مابيحببو فيه . برجع بقلك أذا كان عندك بضاعة مثلا بدك تقنعني بالديمقراطية بدك تجبلي الأمثلة الحسنة ألها وأكيد مارح تكرهني فيها والمثل يلي ذكرتو هو أقرب للفتوى . وطبعا بأي شي في الترغيب والترهيب وبيكون الشيخ طوال الحلقة عم يحكي عن الزكاة وفوائدها وبأخر الحلقة بيحكي بشيء مقتضب عنالعقاب . برجع بئلك كون الله غفور ورحيم لا يعني أن يساوي بين الصح والخطأ . أذا كنا بعدالة الدنيا مامنقبل بهاد الكلام . فممكن تقبلو بعدالة الهية . وأخيرا حتى يلي ذكرو الشيخ . أذا تابالى الله فسوف يغفر الله له تلك الخطايا

[MadMax]

انا بلشت شوف الكلمة اتنين نعست وكتير
لي عودة للرد على كلامك هون سامر بس هي لازم رد عليك فيها وبتمنى من العزيز المحارب العتيق يحاول يشرحلك ياها اكتر مني

من هون اكتشفت انك مو ضليع باللغة العربية:p

هون يعني على انو يلي بيخاف الله هنن عباده العلماء

مبين عنك انتي النعسانة
لأنو هي الفكرة يللي النا ساعة عم نحكي عنها ..... خوف الناس من الله

[MadMax]

مافهمت شو قصدك . شكلك فهمان ردي خطأ . المقصود أنو يلي مؤمن بوجود الرب . ويتبع ما أمر به ويبتعد عن مانهى عنه . فهاد مثلا مارح يسرق . لأنو يتبع أوامر الرب .

اي هاد يللي بقصدو .... أنو ما بيسرق ... بس مشان ينفذ أوامر الرب و بالتالي ينجى من عقابو
مع انو المفروض أنو ما يسرق لأسباب أخلاقية مجردة من اي شي تاني




أولا الخشية غير الخوف
وهذه الأية تدل على مكانة العلماء عند الله . وهي تدحض مقولة أن الله يحارب العقل ولا يقبل التفكير . بدليل أن أعلى مرتبة عند الله هي مرتبة العلماء. وأنا أبعد أن أفسر أية بشكلها الأمثل .


الخشية هي أحد أنواع الخوف ....... يعني أقل مرتبة من الرعب .... بس هاد ما بينفي انها احدا مرادفات الخوف ..
بعدين انا عم قلك ياها من خلال تفسيرات العديد من علماء المسلمين ..و بتقدر تبحث عنها و تشوف تفسيرها


بس المفروض أنو الملحد لايعترف بوجود الرب . فأنت أذا غير ملحد
هاد شي خارج موضوعنا ...... و ما بخصك و لا بخص غيرك
نحنا عم نحي عن فكرة الاله و الخوف منو ...... بغض النظر عن الايمان أو الالحاد



كمان المفروض أنك ملحد . بس عمتقول الأكثرية . الأكثرية يعني قديش . أنا المتابع وفيني قلك أنو أستنتاجك خاطئ . وعلى فكرة الشيوخ حتى مايدعى بالسلفيين . مابيرهبو بالدين قد مابيحببو فيه . برجع بقلك أذا كان عندك بضاعة مثلا بدك تقنعني بالديمقراطية بدك تجبلي الأمثلة الحسنة ألها وأكيد مارح تكرهني فيها والمثل يلي ذكرتو هو أقرب للفتوى . وطبعا بأي شي في الترغيب والترهيب وبيكون الشيخ طوال الحلقة عم يحكي عن الزكاة وفوائدها وبأخر الحلقة بيحكي بشيء مقتضب عنالعقاب . برجع بئلك كون الله غفور ورحيم لا يعني أن يساوي بين الصح والخطأ . أذا كنا بعدالة الدنيا مامنقبل بهاد الكلام . فممكن تقبلو بعدالة الهية . وأخيرا حتى يلي ذكرو الشيخ . أذا تابالى الله فسوف يغفر الله له تلك الخطايا

بالعكس ..... ما يسموا بالدعاة .... عم يتبعوا هالطريقة للسيطرة على شارع ديني معين
و يرهبوا الناس ... ليضلوا يحسو بحاجتهون الهون ....و بالتالي تكون مكانتهون و جودون مبرر

[عيوني عذابك]

يسلمو على هيك موضوع

و انا فعلا مؤمنة بالاله الاخر اللي هو المسيح..الله الظاهر في الجسد

:D

[*Marwa*]

اي نعم انا بخاف من الله..بس مش لأنو رح يعاقبني..بس لأني بهتم انو ما يزعل مني وبعرف انو بحبني ولما بنهاني عن شغلة بكون بدو مصلحتي.. خوفي من الله ما بفصلو عن حبي إلو أبدا..وولا مرة حسيت انو شيئين متناقضين.. لانو الله اللي بعبدو.. رحمن رحيم :hart:

اللي بعبد ربو مشان خوف من عقاب او مشان جنة بكون ما بعرف الله عنجد =)

[وشم الجمال]

يعني هلق بالنسبة للترهيب فانا بعرف انو الدعوة لالله الها جانبين ترهيب وترغيب بس يعني هلق يا سامر نحنا لو كلنا ماشيين بطبيعة البشر السوية يللي عالفطرة يللي هيي اخلاقية بحيث انو الكزب والسرقة ووووو كلو اشيا مو منيحة ساعتها انا مستعدة قلك انو ما في شي اسمو ترهيب وانو وجودو هو عبارة عن قصة مالا طعمة بس نحنا عايشين او لقول معظم البشر عايشين بلا احساس والضمير يلي ممكن يشكل رادع اخد مخدر وما بصحى فهون ما
بنحتاج لشي قد الترهيب...

ويعني برضو في ملامح ترغيب يعني ليش نحنا بناخد الوش الاسود وما بنطلع مقابيلو؟

[MadMax]

الهي بدل ما يقطع يد السارق ..... بيعطيه حتى يستغني عن السرقة
الهي بدل ما يجلد الزانية أو يرجمها حتى الموت .... بعلمها تميّز بين حب الروح و حب الجسد
الهي بدل ما يحرم الموسيقى .... بيرفع الموسيقيين لمرتبة الأنبياء

بااختصار الهي ما في بقاموسو غير المحبة ....





لكم الهكم و لي الهي

[*Marwa*]

الهي بدل ما يقطع يد السارق ..... بيعطيه حتى يستغني عن السرقة
الهي بدل ما يجلد الزانية أو يرجمها حتى الموت .... بعلمها تميّز بين حب الروح و حب الجسد
الهي بدل ما يحرم الموسيقى .... بيرفع الموسيقيين لمرتبة الأنبياء

بااختصار الهي ما في بقاموسو غير المحبة ....





لكم الهكم و لي الهي

هون دخلنا بقصة الاحكام والحدود..أنا شخصيا مع هيك قوانين (يعني ليش منقبل قانون الاعدام من الدولة وما منقبل قانون قطع يد السارق اي انا من ناحيتي السارق بدو قطع ايد ورجل كمان :sly:)

يعني كمان ازا الله بدو يكون كلو محبة وما بدنا نخاف منو....كيف بدنا نتعلم انو هاد الصح ونلتزم فيه ازا ما كان في عنا عقوبات على مخالفة الدستور الالهي؟! ..

"ايني ويز" الله بالنهاية رحمن رحيم ... وبيســامح =)



*بالنسبة للموسيقى بصراحة مش متأكدة ازا عنجد الله حرمها :? مش مقتنعة انو الله حرمّها بشكل نهائي

[The Stranger]

لقد ترددت كثير قبل ان اكتب هذه المقاله لكن بالنهايه اردت التعبير عن نفسي بهذا الموضوع بكوني باحث في مجال الاديان ...

من يحكم العالم القانون ام الدين ؟؟؟

كثير من اللي بنسمعو انو اختفاء او تغيب الاديان بما فيها طبعا الدين الاسلامي هوي اللي راح يسبب الفوضى والسفك للدماء والقتل والسرقه ..... Etc .

وانا بعتقادي انو اللي عم ينظم الحياة هوي القانون ولا علاقة للدين .

فتخيل لو ان القانون راح وصار الموضوع طبيعي جدا دوله عايشه بدون قانون يحكمها وزوال الخوف من ارتكاب الجرائم والفواحش ...

عندك اكبر دليل اللي بيحدث بالعراق .... الدين والصلاة والمساجد مليانه .... بس لأنو بطل حدا يمشي ورا القانون ومشو ورا الدين خربة البلد وكثر سفك الدماء وصار هم الواحد كيف يقتل يهودي حتى لو كان بين 20 مسلم ...

وبالمقابل عندك الدول الاوروبيه اغلبيتها لادينيه ونسبة الجريمه فيها هي الاقل على مستوى العالم ...

فما رأيك اخي القارئ من الذي يحكم العالم القانون ام الدين ؟؟؟؟

[shymaa]

كنت عم اقرا وما ناويه شارك ابدا بس يعنى كلمه استفذتنى جدا ولاقيت مفسرينها على مزاج مزاجكون
فسامحونى لازم ارد الكلمه هى


طيب شو مشان هالآية ( إنما يخشى اللهَ من عباده العلماءُ ) ..؟؟


اولا سورى مادماكس ماكنت مفكرتك هيك ابدا يعنى قاعدين تفكرو فى حاجات غريبه اولى انكم تفكرو بقى صح شويه وتثقفوا نفسكم اكتر ما اعم اعرف شو بيدل اللى بكتشفوا عنكم ماعلينا


تفسير الايه الكريمه متل ماوايت رووز فسرتها مش متل ما محارب فسرها هو كلام محارب صح بس ده مش تفسير الايه مع احترامى له

تفسير الايه انو عباد الله العلماء هنى اللى بيخشو الله وذلك بيدل على اكتشافهم لوجود الله وقدرتو لانهم اكتر الناس عالمين وعارفين قديش قدرة الله فلذلك خشوه وفعلا متل ماقال محارب الخوف غير الخشيه الخشيه مهابه واحترام ليس لها علاقه بالزعر والخوف

وهنا تقدم لفظ الجلاله الله على كلمة عباده العلماء
فى اسلوب القصر فى النحو اقرو شويه بركى بتستفيدو وبتفهمو
يعنى الاصل فى القول انو قصر الخشيه من بين كل العباد على العلماء يعنى يخشى العباد العلماء من الله هيك الاصل يعنى التفسير متل ما وايت قالتة..................................وشك را ;)

[MadMax]

اولا سورى مادماكس ماكنت مفكرتك هيك

يعني بلا زغرة .......
آخر همي حضرتك كيف بتفكريني




تفسير الايه انو عباد الله العلماء هنى اللى بيخشو الله وذلك بيدل على اكتشافهم لوجود الله وقدرتو لانهم اكتر الناس عالمين وعارفين قديش قدرة الله


اي .. و هون خلافنا ..
يعني لو الله مو قوي و قدرتو مو كبيرة . ..... ما كانوا نفّذوا شي من كلامو
و هي بحد ذاتها المشكلة
نحنا عم نبين الفرق بين الدافع الأخلاقي ..و دافع الخوف ( أو الخشية اذا بدكون )

[Abu ToNi]

كفكرة الله بعتقد صعب انسان يكرهه باي شكل كان
يعني الله مفترض يكون ابعد ما يمكن عن الصفات المذكورة بأول رد كونه يمثل بالانهاية الموجبة او قمة الايحابية وصعب اللانهاية الموجبة تاخد رقم سلبي شو ما كان طبيعة الرقم تماما متل ما صعب الروح المفترض تكون قمة الايجابية واختصار لكل المقاييس الموجبة تتحلى بصفات متل المعاقبة والكره والمكر وما إلى هنالك من صفات تنسب لذات الإلهية من المتحديث باسمها والناطقين باحكامها على ارض الواقع وعلى ارض اخويتنا الحرة .
لكن المتكلمين باسم الله والمشرعين لله مين بحب ومين يكره ومين يقتل ومين يحرق ومين يعاقب ومين يذل هنن اللشي بشوهوا صورة الايجابية للذات الإلهية .
صدقا وقعت بمشكلة كبيرة بالربط بين التصرفات لأتباع الأله والصفات اللي لازم يتحلى فيها الإلهة .
بالنهاية انا وصلت لقناعة خلتني اوصل لحل سلمي وعيش براحة ضمير
مع ان الفكرة عقليا غير مقتنع فيها لكنالله كفكرة ما بضرني انه يكون موجود والعيش بهدنة مع الله شيء جميل جدا مع الفصل بين الله وبين الناطقين باسمه لأنه ابشع نماذج البشر واكثرهم احتقارا بنظري مع احترام لشخصهم الكريم لكنهم متخلفين جدا .

سامر المقال اللي ناقله بيستاهل ينقرا اكتر من مرة وهلق انا بالمرة الرابعة وحاسس حالي مشتهي ارجع اقراه
ما بينشبع منه ومن معانيه .

[The Stranger]

اعطى رجل سمكة وستطعمه يوماً واحد, اعطيه إله وستجعله يموت جوعاً وهو يصلى أن يرزقه سمكة :sick:

[shymaa]

اي .. و هون خلافنا ..
يعني لو الله مو قوي و قدرتو مو كبيرة . ..... ما كانوا نفّذوا شي من كلامو


اى اسفه تانى مره بقى معلش بردو
فهمت غلط ياريت تركز معايا شوي
قصدت قدرة الله فى خلق السموات والارض والمجرات والكواكب والنمل والحشرات والطيور والانسان والمركبات والكون عامة انو اكيد ماحدا غيرو خلقهم وانو يستحق العباده والاحترام والهيبه والخشيه
ماقصدت قدرته فى القتل والحرق والشنق والتعذيب والارهاب ( الله رحيم عفو رحمن )

(جبار) يجبر كسر العباد
جايه من الجبيره اللى بيعملوها للمكسورين هيك الله
بس انت بتفهم ان الله جبار يعنى قاتل قاسى شرس لكن معنى الكلمه انو بيجبر المكسورين ويلملم جراحهم
زى فى اولويات الاسعافات ان المكسور بيعملولو جبيره حتى يلتئم الجرح والكسر

هو ده بقى الاختلاف انك بتفهم الكلام زى مانت عاوز تفهم مش متل ماللى قالها شو بيقصد


وشكرا;)

[Abu ToNi]

هون دخلنا بقصة الاحكام والحدود..أنا شخصيا مع هيك قوانين (يعني ليش منقبل قانون الاعدام من الدولة وما منقبل قانون قطع يد السارق اي انا من ناحيتي السارق بدو قطع ايد ورجل كمان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هي الجملة ما عبتنبلع معي صراحة بأي شكل
يا مخلوقة الاعدام واساليبه من ابشع الافكار اللي انتحها العقل البشري والدول الراقية تحارب بشتى الوسائل وتناضل في سبيل الغاء العقاب الوحشي اللي بادي إلى اضرار جسدية ممتدى مدى الحياة او إلى العقاب اللي بيسلب الانسان حياته .
انا قلت مرة وبرجع بقول مية مرة مشكلتنا مانها مع الانسان العربي وخليني كون صريح مانها مع الانسان المسلم بشكل خاص مشكلتنا مع الآلهة اللي فارض اساليب لا تليق بالانسان المعاصر وكون يمنع منعا باتا النقاش باساليب الإله لا بد اننا نتقبلها متل ما هية او نرفضها بشكل قطعي مع اني ضد الحلين السابقين انا بشوف انه الأفضل نكون " انتقائيين " نتخذ المعاني والعبر المتناسبة مع تفكير انسان عايش بالقرن ال 21 ونرفض بقية المقاييس اللي كانت بالنسبة للقرن السابع ميلادي قمة الرحمة .
قطع اليد كان مشروع رحمة بالنسبة للشعب الجاهلي اللي بيرجمه بالحجر لكن بالعصر الحالي صار في مفاهيم ارقى مفاهيم انسانية تليق بالانسان بشكل افضل ومن الضروري نعتنقها ونهجر احكام القرن السابع اللي لازم كانت تروح مع جماعة اهل السابع ميلادي وفعلا مستغرب كيف بعدها بقيانة حتى اللحظة متلها متل تعدد الزوجات متلها متل كيف مثلة كتيرة لا تليق بانسان " يصنف " نفسه انه عايش بالقرن ال 21

[التقرير الجوال]

الهي بدل ما يقطع يد السارق ..... بيعطيه حتى يستغني عن السرقة
الهي بدل ما يجلد الزانية أو يرجمها حتى الموت .... بعلمها تميّز بين حب الروح و حب الجسد
الهي بدل ما يحرم الموسيقى .... بيرفع الموسيقيين لمرتبة الأنبياء

بااختصار الهي ما في بقاموسو غير المحبة ....





لكم الهكم و لي الهي

طيب أوكي ماكس .. انت برأيك الشخصي شو هي المآخذ يللي أنت شايفها على الإله يللي بيعبدو الناس حالياً
يعني انت شايفو عاجز عن إحقاق العدل عالأرض؟ يعني باختصار شو بدك منو ليرتقو بفكرك لمرحلة الكمال و القوة المسيّره للكون!
و شو بدك منّو لتعبدو تعترف في كإله يستحق عبادتك .

[MadMax]

بس انت بتفهم ان الله جبار يعنى قاتل قاسى شرس لكن معنى الكلمه انو بيجبر المكسورين ويلملم جراحهم


لا أنا بفهم الله ع طريقتي ... يللي ما بتشبه أي دين
بس الكلام يللي قلتو عن الخوف ..... هو الكلام يللي برددوه وكلاء الله ليخوفوا الناس من الله
و من عقابوا بيوم القيامة و من النار و بئس المصير ..و من أسفل السافلين و من و من .... إلى آخر عبارت التهديد و الوعيد

زى فى اولويات الاسعافات ان المكسور بيعملولو جبيره حتى يلتئم الجرح والكسر

هو ده بقى الاختلاف انك بتفهم الكلام زى مانت عاوز تفهم مش متل ماللى قالها شو بيقصد


وشكرا;)


الكلام واضح ..... لا يحتاج لا تفسير و لا تأويل

[MadMax]

طيب أوكي ماكس .. انت برأيك الشخصي شو هي المآخذ يللي أنت شايفها على الإله يللي بيعبدو الناس حالياً
يعني انت شايفو عاجز عن إحقاق العدل عالأرض؟ يعني باختصار شو بدك منو ليرتقو بفكرك لمرحلة الكمال و القوة المسيّره للكون!
و شو بدك منّو لتعبدو تعترف في كإله يستحق عبادتك .
شكلك مو قريان الموضوع
نحنا ما عم نحكي عن الإله ..
نحنا عم نحكي عن نظرة الناس للإله ..و صورة الإله بعيون البشر
يعني بدنا الناس تحب الله ....... مو تخاف منو ......

و هالحكي عن فكرة الاله بالمطلق ... مو عن دين معين
يعني حتى الوثني ... يللي بيعبد حجر .... لما بحب هالحجر ..و بشوف فيه خلاصة الخير و المحبة
رح يكتسب هو كمان هالصفات .. ...

[التقرير الجوال]

شكلك مو قريان الموضوع
نحنا ما عم نحكي عن الإله ..
نحنا عم نحكي عن نظرة الناس للإله ..و صورة الإله بعيون البشر
يعني بدنا الناس تحب الله ....... مو تخاف منو ......

و هالحكي عن فكرة الاله بالمطلق ... مو عن دين معين
يعني حتى الوثني ... يللي بيعبد حجر .... لما بحب هالحجر ..و بشوف فيه خلاصة الخير و المحبة
رح يكتسب هو كمان هالصفات .. ...

حبيبي انا ما حكيت عن الدين و متابعك من أول ما نزلت الموضوع و شكلو الكلام انتقادات للإله و المحاولة من انقاص قدراتو .
انا لما سألتك شو بدك من الإله باعتبارك قلت لكم إلة و لي إله .. هون انا سألتك شو هي المآخذ يللي انت شايفها على الإلة يللي بيعبدو البشر .. و شو بتتوقع من الإله يللي انت رح تدين له بالطاعة و العبودية .
بظن وضحت الصورة هلأ:D

[The Stranger]

شكلك مو قريان الموضوع
نحنا ما عم نحكي عن الإله ..
نحنا عم نحكي عن نظرة الناس للإله ..و صورة الإله بعيون البشر
يعني بدنا الناس تحب الله ....... مو تخاف منو ......

و هالحكي عن فكرة الاله بالمطلق ... مو عن دين معين
يعني حتى الوثني ... يللي بيعبد حجر .... لما بحب هالحجر ..و بشوف فيه خلاصة الخير و المحبة
رح يكتسب هو كمان هالصفات .. ...


اخي العزيز ماد ماكس شو بتتوقع من القارئ لما يشوف المقال انو يحكي وهي فعلا في جمل كانت عم تضرب في صميم الفكر لما يقراها الواحد ...

يعني فعلا في جمل اول ما يقراها الواحد بغض النظر عن دينه وعن معتقده بس اول كلمه راح يحكيها ( فعلا ........ ليش هيك شو عملنا نحنا ليصير فينا هيك .... ؟؟؟ )

ليش المسلم دايما بيفكر بالعقاب قبل ما بفكر بالجنه ؟؟؟

ايليق بوجهه تعالى ان يهدد البشر ببطشه وعقابه والبشرية لا تسوى ذبابه امامه ؟؟؟

[التقرير الجوال]

فما رأيك اخي القارئ من الذي يحكم العالم القانون ام الدين ؟؟؟؟
باعتبارك تطرقت للجريمه و القتل فبدي اسألك بانو القوانين الموضوعه حيال الجريمة و سلوكيات البشر و تعاملاتهم
كيف تمّ تشريعها .. و هل الدين فقط عبادة و تضرع و خوف من الله أم هو عقيده و شرع و منهاج؟

[The Stranger]

باعتبارك تطرقت للجريمه و القتل فبدي اسألك بانو القوانين الموضوعه حيال الجريمة و سلوكيات البشر و تعاملاتهم
كيف تمّ تشريعها .. و هل الدين فقط عبادة و تضرع و خوف من الله أم هو عقيده و شرع و منهاج؟


بما انك فتحت الموضوع .... القانون على قولتك مأخوذ من الدين ليش بطل يعاقب السارق بقطع يده ؟؟؟ والزاني بطل يجلد ؟؟؟ .

وفي الدول الغربيه من بينها دولتك ما بتحاسب على منهج الدين وماشيه الحياة بشكل طبيعي جدا ونسبة الجرائم والمصائب عندكن اخف من اللي عنا بمليون مره ..

فالشخص الطيب المسلم الخلوق المنظم لا يحتاج الى قانون لكي يردعة اذا تخطى حدودة ( فهو يعرفها ولا يتخطاها من نفسة)

والشخص السيء المجرم الذكي يلف على القانون ويفعل مايشاء وممكن ان يفلت من العقاب ايضا

يعني اذا اختفى الدين اختفى معه الجهل و الفقر و القتل و الجريمة .... ؟؟؟