ايه بس سؤال زغير كتير !!

[الباحثة عن الحرية]

ايه لا تخافو ما بدي اغنية ولا شي بس سؤال زغير ويا ريت تجاوبوني عليه :D
في اغنية هي قديمة شوي اسمها السلطان الامريكي هلق هي كتير حلوةوقالولي انها لحبيبنا زوزو الرحباني (يعني زياد للي ما فهم علي :shock:) سؤالي اذا هي الاغنية فعلا الو ولا حدا هيك بس حب ينشهر على حسابو للفنان زياد الرحباني؟
و هاي الاغنية مرفقة للي بحب يسمعها :D
هلق انا ما بظن انها الو لانو ما بفكر انو الفنان زياد بقول باغانيه " بنفط العراق لانو سراق" هلق صحيح الي بغنيها معو حق بس مو معقول انو هاد يكون حكي زياد المهم انا بس بدي اتاكد ومشكورين سلف :D

[MaTyA]

ما في ملفات حبيبتي

حطيها ع موقع خارجي

[الباحثة عن الحرية]

ما في ملفات حبيبتي

حطيها ع موقع خارجي
ا ااه صح نسيت :oops::oops: يلا مش مشكلة هاد لينك لموقع خارجي ............ وثانكس على مرورك
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[VivaSyria]

الغنية لزياد و على مسؤوليتي :larg:

[MaTyA]

شي بيبكي يا شريكي..شي بيبكي يا شريكي

اندمجنا معها:lol:

حلوة الغنية ع فكرة.. حبيبتي بعتئد لزياد..بعتئد هيك اسلوبو ..

بالنسبة للجملة يللي ئلتي مش معئول تكون الو..فهي تحديداً ممكن تكون الو :lol:

[الباحثة عن الحرية]

اكيد ؟؟؟؟ لانو في شرط على عزيمة عشا ما تخربولي بيتي :p ايه هي الاغنية حلوة كتير و انا بحبها بس ما بعرف ليش فكرتها لحدا تاني :oops:

[MaTyA]

اكيد ؟؟؟؟ لانو في شرط على عزيمة عشا ما تخربولي بيتي :p ايه هي الاغنية حلوة كتير و انا بحبها بس ما بعرف ليش فكرتها لحدا تاني :oops:

ما فيي اجزملك..اصلاً اول مرة بسمعها..

بس كـ اسلوب..هيئتو لزياد

ادا الشغلة فيها عشا.:o.بننكر اصل الغنية ليش لا :lol:

[الباحثة عن الحرية]

ما فيي اجزملك..اصلاً اول مرة بسمعها..

بس كـ اسلوب..هيئتو لزياد

ادا الشغلة فيها عشا.:o.بننكر اصل الغنية ليش لا :lol:

يييي يعني اتكل عليكو ما تقولو لحدا انها لزياد ؟ :p .........يلا بعيني الله خسرت الشرط على فكرة معزومين :D

[MaTyA]

.........يلا بعيني الله خسرت الشرط

استني لمّا يجي ابن العم اب سمرا..

هوّي بيعرف اكتر منّا بالموسيقى..

[الباحثة عن الحرية]

يعني في امل؟؟ :p

[MadMax]

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[MadMax]

يقع مواطنون سوريون منذ أكثر من شهر,ضحية عملية تزوير وغش مستهلك (بطلتها) اسطوانة مدمجة يدعي مروجوها من محل (المحطة) لبيع الأشرطة الموسيقية بباب توما بدمشق,أنها من تأليف وتلحين زياد الرحباني وغناء سامي حواط, وتحمل عنوان (السلطان الأميركي).‏

وأغاني الاسطوانة التي يرجح بعض المطلعين على السوق أن تكون قد (صنعت في لبنان) هي سبع و(مسك الختام) هو سرقة أغنية السيدة فيروز الأخيرة (بيت زغير بكندا).‏‏‏

وإلصاقها بلائحة الأغاني المزورة جملة وتفصيلاً وصوتاً وموسيقا وعنواناً! ومع أن عملية الاحتيال هذه لم تنطل على متابعي أعمال زياد الرحباني,وذلك بمجرد سماع (الأغاني) التي فيها الكثير من مناخات أعماله مع الراحل جوزيف صقر,بدليل أن بعضهم سيتقدم بدعوى ضد منتجي ومسوقي الاسطوانة بتهمة الاحتيال,إلا أن الضرر يكون قد وقع بمجرد شراء نسخة,خصوصاً وإن كان المحل من نوع (البضاعة التي تباع لا ترد ولا تستبدل) لذلك وحرصاً منه على مصلحة المواطنين متابعين وغير متابعين,يهم زياد الرحباني أن يؤكد لجمهوره السوري أن لا علاقة له من قريب أو من بعيد بهذه الاسطوانة ولا بمن (يشدو) فيها. وهو يحتفظ بكامل حقوقه,وحقوق السيدة فيروز, في مقاضاة المسؤولين عن عملية الاحتيال هذه


زياد الرحباني

[MaTyA]

يهم زياد الرحباني أن يؤكد لجمهوره السوري أن لا علاقة له من قريب أو من بعيد بهذه الاسطوانة ولا بمن (يشدو) فيها. وهو يحتفظ بكامل حقوقه,وحقوق السيدة فيروز, في مقاضاة المسؤولين عن عملية الاحتيال هذه


زياد الرحباني



لعما شو في نصب

شكراً الك اب سمرا..

[achelious]

يقع مواطنون سوريون منذ أكثر من شهر,ضحية عملية تزوير وغش مستهلك (بطلتها) اسطوانة مدمجة يدعي مروجوها من محل (المحطة) لبيع الأشرطة الموسيقية بباب توما بدمشق,أنها من تأليف وتلحين زياد الرحباني وغناء سامي حواط, وتحمل عنوان (السلطان الأميركي).‏

وأغاني الاسطوانة التي يرجح بعض المطلعين على السوق أن تكون قد (صنعت في لبنان) هي سبع و(مسك الختام) هو سرقة أغنية السيدة فيروز الأخيرة (بيت زغير بكندا).‏‏‏

وإلصاقها بلائحة الأغاني المزورة جملة وتفصيلاً وصوتاً وموسيقا وعنواناً! ومع أن عملية الاحتيال هذه لم تنطل على متابعي أعمال زياد الرحباني,وذلك بمجرد سماع (الأغاني) التي فيها الكثير من مناخات أعماله مع الراحل جوزيف صقر,بدليل أن بعضهم سيتقدم بدعوى ضد منتجي ومسوقي الاسطوانة بتهمة الاحتيال,إلا أن الضرر يكون قد وقع بمجرد شراء نسخة,خصوصاً وإن كان المحل من نوع (البضاعة التي تباع لا ترد ولا تستبدل) لذلك وحرصاً منه على مصلحة المواطنين متابعين وغير متابعين,يهم زياد الرحباني أن يؤكد لجمهوره السوري أن لا علاقة له من قريب أو من بعيد بهذه الاسطوانة ولا بمن (يشدو) فيها. وهو يحتفظ بكامل حقوقه,وحقوق السيدة فيروز, في مقاضاة المسؤولين عن عملية الاحتيال هذه


زياد الرحباني


يكتر خيرك, وفرت عليي البحبشة عن هالرد.. أنا قريتو بجريدة الثورة..
هالتصرفات تثير اشمئزازي..
:D