ما الذي يخيف الرجل .....؟؟؟؟؟؟؟

[القلب الدافئ]

شو رئيكم الرجال من شو بخاف ....

طبعا في رجال بتخاف من مرتن وفي رجال بخافو من الموت وفي رحال بخافو من الاهانة وفي رجال بخافو من السجن وفي ...

شو برئيك يلي بخوف الرجال .... بغض النظر عن الرجولة واني الرجال ما بخاف من شي

[Damask Rose]

بظن اكتر شي بخاف من الشي الي ممكن يجرح كرامتو قدام الناس...........

[اللامنتمي]

يَخاف مِنْ جرح ِ مشاعر أنثاه " إذا كانَ عاطفياً "


يَخاف مِنْ ردة فعل ِ أنثاه " إذا كانت همجية "


يَخاف مِنْ أنْ تنهدم حياته بـِ سَبب نزواتهِ الآنية


يَخاف لأنه يُدرك أنَ ما فعله هوَ " خطأ "


تحياتي :D

[simsima57]

بيخاف من الالتزام.......

[سوسن البراري]

مرحبا


بظن اكتر شي بخاف من الشي الي ممكن يجرح كرامتو قدام الناس...........


صح كلامك وانا معاكي بالحكي لانه بصراحه تقيله عالست كيف عالرجل

بس بصراحه انا بعرف رجال بخاف من الصرصور يعني لما يشوفو ما بقعد بالمكان اللي هو في

مش اشمئزاز منه لا خووووووف بجد:gem:

[georgetow]

الخيانه او الانكسار ومشكور:D

[سوا ربينا]

يمكن اكتر شي بيخاف من فقدان كرامتو و كمان من الفشل,,,

[القلب الدافئ]

مالذي يخيف الرجل ؟

كثيرة هي الأشياء تثير الخوف لدى الرجل , اشياء يومية ضئيلة قد تهز كيان اكثر الرجال ثقة في انفسهم , ديفيد زينزسكو الكاتب في مجلة "صحة الرجل..MEN'S HEALTH " احدى اشهر المجلات المتخصصة في هذا المجال, حاول حصر اكثر الأمور التي تخيف الرجل , وكانت النتيجة بالفعل مثيرة للاهتمام , اذ يذكر ديفيد ان الأمور التي يتحدث الرجل دائما عن انها تثير مخاوفه ليست هي حقيقة الخوف الداخلي العميق الذي لديه , لأن ذلك النوع من الخوف من المستحيل ان يتحدث الرجل عنه بل يفضل اخفاءه تماما ..

الأمور الأكثر اخافة بترتيبها تنازليا جاءت كما يلي :

13 / شعر متساقط في البانيو بعد الإستحمام
هي اول علامات بدء الصلع , الرجل يعلم ان بداية التصحر في رأسه لن تجعله أقل ذكاء او أقل قدرة على التفكير أو أقل نجاحا
ومنطقيا هو يعلم ان المرأة لايعنيها كثيرا كم من الشعر يحمل الرجل فوق رأسه
ومنطقيا أيضا هو يعلم ان الشوارع مليئة بالرجال الصلعان الذين لايضيقهم ابدا البقعة الخالية من الشعر في رؤسهم بل ولا يخجلون من اظهارها للجميع
لكن ,, لكن ,, لكن
الشعور بالصلع لأول مرة , يعد كارثة بالنسبة له, كما لو انه استيقظ في يوم من الأيام ليكتشف ان وزنه زاد 30 كيلو في ليلة واحدة !! وهو ما يجعل الاكتشافات الأولى لهروب الشعر من رأسه طرقات تحذيرية للرجل تثير الخوف لديه .

12 / أن يقبض عليه متلبسا بتأمل امرأة اخرى .
بغض النظر عن علاقته بشريك حياته ومدى قوتها , الا ان الرجل غريزيا مجبول على الــ"بصبصة" , وعندما يقبض عليه متلبسا بهذا الفعل الذي يعد جريمة لا تغتفر لدى النساء يحمل هما كبيرا لتبرير تصرف لايفهم حتى هو لماذا قام به !

11 / الشعور بالرفض .
لايهم ان كان الرفض قد حدث بعد مقابلة شخصية للحصول على عمل او خلال محاولة التعرف على انثى , الرفض في قاموس الرجل هو الرفض , وهو يعني بكل اختصار شعور عميق بالنقص

10/ أن يضطر للقيام بأعمال المربية لأطفاله
السهل الممتنع , العناية بأطفال , الا ان الربكة التي تحدثها هذه المهمة تجعل الأمر مخيفا بالنسبة له .

9/ وفاة والده
ربما تعتبر احدى المنعطفات الخطير في حياة الرجل وفاة والده خصوصا ان كان سيتولى مسئولياته من بعده , بالاضافة الى شعوره الدائم بضرورة ان يكون أفضل مما عهده والده وبشكل خاص عندما يتذكر ما بذله ابوه ليصنع منه رجلا متكامل .

8/ دموع المرأة .
رغم ان كثير من النساء قد لاتصدق ذلك الا ان دموع المرأة تخيف الرجل !
يعلم الرجل ان البكاء جزء من طبيعة المرأة وأنه علامة الى انه يجب عليك كرجل ان تقدم ماهو اكثر من مجرد منديل لها في تلك اللحظات , رغم ان الرجل في أغلب الأحيان لايعلم حقيقة مالدافع الذي جعل المرأة تبكي؟ خصوصا وأن لديه انطباع مسبق بأن المرأة تبكي على كل شيء , سواء لتتخلص من جزء من مشاعرها السلبية ( وهو بالمناسبة أحد الأساليب الممتازة في هذا الصدد ) أو لتحصل على اهتمام وعناية شريكها الذكر , ورغم محاولات الرجل للتقليل من حدة الكآبة لدى المرأة الا انه في الغالب يفشل في الوصول الى السبب الحقيقي وراء ذلك وهو ما يجعله يتوجس الخوف حين يرى دموعها بدأت تبلل وجهها !!

7/ أن لا يكون مرضيا لرغباتها ..
من أحد اهم الأشياء التي تثير خوف الرجل الى درجة انه لايريد مجرد التفكير فيها هو ان لايكون ذلك الشخص المرضي لرغباتها الجنسية , او ان تمل من معاشرته , وذلك حسب دراسة لـHarris Interactive , الرجل لا يحتمل ان تكون شريكته غير راضيه او ان لايكون جيدا بما فيه الكفاية ليشعرها بالرضى ! لذا يحرص الرجل ان يعرف بالضبط مالذي يعجب المرأة واين تجد متعتها ليقوم هو بأداء دوره بطريقة صحيحة .

6/ أن لايكون القدوة الكبرى لأطفاله ..
يمر بالرجل اوقات كثيرة لا يهتم فيها كثيرا الى التصور والانطباع الذي قد يأخذه عنه جاره او زملاؤه في العمل او حتى اهله , الا ان الأمر يختلف تماما اذا ما كان الأنطباع سيتكون عند اطفاله , الرجل يحرص كثيرا الى حد الهوس بأن يترك عند اطفاله انطباعا رائعا حول شخصيته وهو ما يقلقه ويحد من حريته الشخصية , اذ يجب ان لايخذل اطفاله وأن يكون دائما البطل الذي لا يرون سواه !

5/ ان يعيش على الراتب وفي انتظار الراتب القادم ,,
طبيعة الرجل تجعل منه شخصا قلقا ما لم يشعر بأن الأمور كلها تحت السيطرة , ومجرد احساس الرجل بأن لديه مصدر مالي واحد قد ينقطع في أي لحظة , قد يكون محفزا للخوف لديه خصوصا ان كان يعيل عائلة ويتحمل مسؤوليات البيت .

4/ المرأة الجميلة
قد تكون هذه النقطة غير قابلة للتصديق من قبل نساء كثيرات , لكن بالفعل المرأة الجميلة قد تكون مصدرا للخوف بالنسبة للرجل .
المرأة الجميلة سواء كانت تقف الى جواره في الباص او تزامله في المكتب او حتى ان كانت تقود سيارتها الى جوار سيارته هي مبعث قلق بالنسبة للرجل , هذا الخوف ينبع من اسباب عديدة قد يكون الخوف من الرفض احدها , لكن الأكيد ان وجود المرأة الجميلة في الجوار قد يدفع الرجل الى القيام بالعديد من الأعمال البالغة الغباء قد يندم عليها كثيرا اذا ما انتهى الموقف J

3/ ان يضطر للتعري
ليست المرأة وحده التي تخجل من اظهار جسدها , الرجل ايضا وحتى في اكثر المجتمعات تحررا يخشى الفكرة تماما , ثمة مناطق لا يرغب الرجل في ان تكتشف في جسده قد تكون الزوائد الشحمية او ترهلات وقد تكون خوفا من الكشف عن بعض اعضائه والدخول في مقارنات هو في غنى عنها .

2/ الموت
الخوف من الموت هو غريزة طبيعية لدى جميع المخلوقات لكن الرجل يخشى كثيرا ان لايرى ابناءه يكبرون امامه بحيث يأخذه الموت مبكرا اذ يعلم ان غيابه سيحرمه من ان يكون حولهم في اللحظات السعيدة ليشاركهم بها او ان يكون حولهم في اللحظات الأليمة ليحميهم منها !

1/ ان يتعرض للإهانة في مكان عام
الخوف الأعظم الذي يقلق الرجل هو ان يتعرض للإهانة في موقف ما امام العامة , حتى اقوى الرجال وأكثرهم ثقة في ذاته يتهاوى في اللحظة التي يتعرض فيها للإهانة ويتسع حجم القلق بحجم الأهانة ومدى انتشارها , فارتباكه خلال إلقاء خطاب امام الجمهور ليس كأن تقبض عليه الشرطه وتنشر صورته في الجرائد بتهمة الإختلاس !

[simsima57]

يعطيك العافية عالمعلومات

سؤال هاي المخاوف بتتواجد كلها عند الرجل ولا بعض منها ؟؟

وبالنسبة الك ...اذا ما بتمانع تجاوب ..... شو هي مخاوفك ؟

:D

[The Stranger]

ممكن شغلات كثير يخاف منه الرجل بس ما بتكون ضاهره قدام الناس ...

ممكن يخاف من المستقبل , ممكن يخاف من اعز اصدقائو يغدرو فيه , ممكن يخاف انو ما يلاقي فتاة احلامو خصوصا اذا كان عم يدور على فتاة ما ممكن بيوم من الايام يلتقي فيها ...

يعني على سبيل المثال وبكل صراحه بحكيها انا بحب مطربه اجنبيه من صغري وما بستحي احكي هالشي قدام اي حدا ومو حب هبل او حب شاب مراهق لمطربه على العكس تماما ...

وشغلات كثير بيتعرض الرجل فيها لمواقف ما بتكون خوف انما رهبة من الموقف ...

وبعتذر على الفلسفه الزايده بس حبيت ابدي وجهة نظري ... :lol:

[يمان Rooooonaldo]

بس بصراحه انا بعرف رجال بخاف من الصرصور يعني لما يشوفو ما بقعد بالمكان اللي هو في

مش اشمئزاز منه لا خووووووف بجد////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي يحرق اختو .. شو مقرف ..

.. قال خوف قال .. اي مو قصة خوف بس مقرررررررررررررررف ياع

بعدين منشان المساواة .. لازم هية تقتلو كمان شو هية ناقصا شي يعني ؟ :p

هلا في كتير ..شغلات ... بخاف منّا الواحد .. وبرايي اهم شي المستقبل .. بضل بحسب لقدام ... اكيد ..

بقرف من ايا حيوان موجود قدامي قطة - كلب بطيخة شو ما كان يكون .. ولا بطيق واحد فين .. لانو كلن قرف بحسن ..

وفي كتير شغلات ..

[The Stranger]

بقرف من ايا حيوان موجود قدامي قطة - كلب بطيخة شو ما كان يكون .. ولا بطيق واحد فين .. لانو كلن قرف بحسن ..

وفي كتير شغلات ..

بتوقع الحيوانات الاليفه هي اجمل شي بالحياة واحيانا ممكن تكون كصديق وفي الك والكل فاهم قصدي :jakoush:

يعني مثلا في حيوانات انا معك فيها انو بتجيب الاشمئزار بس في حيوانات ما في احلى من تواجدها بالبيت متل

القطط على سبيل المثال يعني انا كنت مربي 3 بسس عندي بالغرفه وانت كنت تخاف تفوت على غرفتي :yahoo:

يعني هي اكبر مثال وعلى العلم انو البسس من الطف الحيوانات وتواجدها بيكون كثير مسلي ... يعني مو من حقك تخاف منها بصراحه :sick:

[يمان Rooooonaldo]

حلوة هي بالله .. تعا قلي من شو بدي خاف ومن شو ما بدي خاف .. :frown:

الله يهنيك بقطاطك خيو ..

[The Stranger]

حلوة هي بالله .. تعا قلي من شو بدي خاف ومن شو ما بدي خاف .. :frown:

الله يهنيك بقطاطك خيو ..


بعناهم ببلاش من الطفر يا بو شريك :sick: ...... خليها عربك يا مواطن وصلنا مرحله يا بعيش انا يا بيعيشو هني ...... :sick:

[ماغنوم56]

يازلمه كل هل اسباب الي حاططها ما بتخوف ولد صغير
انا كرجل مسلم بخاف من الي خلقني

[بلاك 1]

بعتقد انو الرجل بيخاف من كل شي بس الشي الي بيكون فيه خوفو ظاهر تماما هو ضعفو ادام المرأة :pos:

[القلب الدافئ]

بعتقد انو الرجل بيخاف من كل شي بس الشي الي بيكون فيه خوفو ظاهر تماما هو ضعفو ادام المرأة :pos:

:o:o:cry:
اي والله كلامك صحيح:oops:
بس إذا جينا على خوف المرأة هي قصة ما بتنتهي :o وطويلة

[القلب الدافئ]

يعطيك العافية عالمعلومات

سؤال هاي المخاوف بتتواجد كلها عند الرجل ولا بعض منها ؟؟

وبالنسبة الك ...اذا ما بتمانع تجاوب ..... شو هي مخاوفك ؟

:D
شكرا لمرورك

13 / شعر متساقط في البانيو بعد الإستحمام عادي جدااا :pos:
12 / أن يقبض عليه متلبسا بتأمل امرأة اخرى . مكموش كتير :sick:
11 / الشعور بالرفض . روح رياضية ;) بس ما بحط حالي بهيك موقف
10/ أن يضطر للقيام بأعمال المربية لأطفاله احلى من العسل
9/ وفاة والده بخاف منها :cry:
8/ دموع المرأة . إلا دموع حبيبتي وامي
7/ أن لا يكون مرضيا لرغباتها .. مافي خوف
6/ أن لايكون القدوة الكبرى لأطفاله .. بعرف حالي :pos:
5/ ان يعيش على الراتب وفي انتظار الراتب القادم ,, هي الحالة تعودنا عليها :cry:
4/ المرأة الجميلة بالعكس انا بخوفها
3/ ان يضطر للتعري شيء مخزي :pos:
2/ الموت الكل بخاف منو
1/ ان يتعرض للإهانة في مكان عام طبعا بخاف منها
0/ الله ..... هو الرادع الاكبر لكل انسان :D



اي عضو بحب ينسخ المخاوف ويجاوب عليهن :D

[جان علاء]

الضعف :cry: :gem::gem::gem: :cry: والغلط

تخليك مجبور تخاف من نتائجهم

في الحياة الدنيوية او الاخرة

الله يحمينا من الغلط ويبعدنا عن الضعف
وبعتقادي العيوب الجسدية ما بتخوف الرجال بقدر ما بتخوفهم اخطاءهم

[Marooshe]

الرجال بيخاف من المرأة يلي اقوى منو....

[القلب الدافئ]

الرجال بيخاف من المرأة يلي اقوى منو....

اكيد لأ ليش ليخاف من المرأة ولو كانت اقوى منو :shock:

[Marooshe]

اكيد لأ ليش ليخاف من المرأة ولو كانت اقوى منو :shock:

لانو الرجل الشرقي... بطبيعتو... ما بيحس برجوليتو الا ازا فرضها ع المرأة...

[القلب الدافئ]

لانو الرجل الشرقي... بطبيعتو... ما بيحس برجوليتو الا ازا فرضها ع المرأة...

بس مو كل اصابيعك سوا في طويلة وفي قصيرة بس ليش الكذب كلن حلوين :o

[غضب البحر]

13 / شعر متساقط في البانيو بعد الإستحمام بداية الصلع
12 / أن يقبض عليه متلبسا بتأمل امرأة اخرى . نو خوف
11 / الشعور بالرفض . ;كمان ما بحط حالي بهيك موقف
10/ أن يضطر للقيام بأعمال المربية لأطفاله نو خوف
9/ وفاة والده بتخوف
8/ دموع المرأة . إلا دموع امي
7/ أن لا يكون مرضيا لرغباتها .. نو خوف
6/ أن لايكون القدوة الكبرى لأطفاله .. اممم نو خوف (قلق)
5/ ان يعيش على الراتب وفي انتظار الراتب القادم ,, عادي
4/ المرأة الجميلة نو خوف
3/ ان يضطر للتعري خجل
2/ الموت حسب الزنوب
1/ ان يتعرض للإهانة في مكان عام ولي خوف وخجل
0/ الله ..... الحمد لله (بخاف من رب العالمين )

شكرا قلب دافئ

[بلاك 1]

انو المرأة بتنسا كل مخاوفها ادام الرجل
شو راي القلب الدافئ هالكلام صح ولا خطأ

[القلب الدافئ]

انو المرأة بتنسا كل مخاوفها ادام الرجل
شو راي القلب الدافئ هالكلام صح ولا خطأ


اكيد المرأة لما بتكون بتحبي الرجال تبعها .... بيكون هوي مصدر الامان الها

يعني لما تكون معو ما بتخاف من شي ابدااا
وطبعا هل شعور لازم يولدو الرجال لما يكون مع حبيبتو بأن ما يخلي شي يدايقها ولا يخوفها

يعني انا بموت ولا حبيبتي تنخدش ...او نتزل دمعة من عينها :oops:

هاد رأي الشخصي :D

[بلاك 1]

بس مع هالحكي الحلو الي انت حكيتو الا مايكون في خوف موجود من حبيبتك تجاهك يعني خوف المرأة غالبا بيكون من الرجال أو على الرجال يعني لازم يكون للرجل يد في كل خوف بتمر فيه المرأة :cry:

[sona78]

اكتر شي بخاف منو الرجل انو ما يحس برجولتو الحقيقية امام ايا شخص ( وشو تعريف الرجولة الحقيقية هي الرجال لازم ينورونا فيها:D ..لانو الصياح وضرب المرأة والاولاد و حكي من شكل ... انا كلمتي ما بتصير اتنين.... بنظري ما الون علاقة بالرجولة لا من قريب ولا من بعيد)

[القلب الدافئ]

بس مع هالحكي الحلو الي انت حكيتو الا مايكون في خوف موجود من حبيبتك تجاهك يعني خوف المرأة غالبا بيكون من الرجال أو على الرجال يعني لازم يكون للرجل يد في كل خوف بتمر فيه المرأة :cry:


ليش ليكون في خوف من حبيبتي تجاهي ؟؟؟؟

بالعكس انا لازم حسسها بالامان مستحيل اني كون مصدر خوف الها :shock:

[بلاك 1]

لك اى متل ماعم تحكي كلامك صح وهي الي لازم يصير
بس قلب المرأة دائم الخوف يعني قد ماوعدتني وقد ماضمتني لقلبك وقد ماحسستني انو انا وانت واحد(يعني انا وحبيبي) الا ماكون خايفة من لحظة الفراق مثلا أو خايفة انو ماقدر اسعدك او انو أو أو أو ... ممكن انو شغلات وهمية بس القلب بيضلو يرجف خوفا منها

[wild_angel]

11 / الشعور بالرفض .
7/ أن لا يكون مرضيا لرغباتها ..
1/ ان يتعرض للإهانة في مكان عام



عن خبرة وتجربة شخصية بقلك هل الكلام صح 100% أما بالنسبة للإهانة فمو ضروري في مكان عام لأنو الرجل بخاف حتى من اهانة زوجته له حتى لو لوحدون

[ناصرشكري]

بظن اكتر شي بخاف من الشي الي ممكن يجرح كرامتو قدام الناس...........

اكتر شي بخاف منه

[Odell]

يمكن بخاف من عدم جازبيتو للجنس الاخر خاصة الانثى يلي مالكة كيانه

[اللامنتمي]

يَخاف مِنْ جرح ِ مشاعر أنثاه " إذا كانَ عاطفياً "


يَخاف مِنْ ردة فعل ِ أنثاه " إذا كانت همجية "

يَخاف مِنْ أنْ تنهدم حياته بـِ سَبب نزواتهِ الآنية

يَخاف لأنه يُدرك أنَ ما فعله هوَ " خطأ "










يَخافُ نفسه

أحيانا ً ,.

[حموده ابو حميد]

الرجل يخاف من زوجته ومن مصاريفاااااااااااااا:clap:

[homam85]

بخاف من الخجلة خاصة من بنت ولييييييييييييييييييييييي ييييييييييييي ما أصعباااااا
وبخاف من كذا شغلة تانية واللي ما بخاف مانو بنآدم ولا شو؟؟؟

[Acotas]

يعني الرجال بخاف من الشي يلي ممكن يحسسو بنقص في رجولتو
يلي ممكن انو يقلل من قميتو قدام حدا او من كرامتو..
و بيخاف من كل تحدي صعب يمكن انو ما يئدر ينجزو
لانو بيفكر انو رح يكون ضعيف بنظر الجنس التاني
انا هي برأيي الاشيا يلي بيخاف منا الرجل :D

[ويحد سوري]

الرجال بيخاف من المرأة يلي اقوى منو....


اي بيخاف يعني اذا اكلوا شي كف و خوتيتوا احسن ;)
انا بخاف من البنت المسترجلة
:lol:

[satoman]

بخاف من ضحكة المرأه

[Damask Rose]

بيخاف انو يعيش لحالو..:gem:

[حنين.]

قريت كتاب عن الرجال الذين يخافون من الوقوع في الحب الحقيقي
بس مو مذكور هالخوف شو القصه؟ ما في منو؟
كمان في كتير رجال يخافو من اارتباط ويخافو يخسرو حريتهم وفي اللي يخاف من المسؤولية
بس الخوف من الحب اذا ممكن تفيدونا اذابتعرفو عنو

[Reemi]

من الصالون:D

[هشام ابو شرار]

دموع المرأة....المراة الجميلة....المساس بالكرامة

[a7la lolo]

ان تكتشف امه ما يخبأه عن مرته

[Romance Queen]

انا برأيي الرجل متله متل المرأة , ممكن يخاف من كتير اشيا .
بس انه بعتقد انه بيخاف من الرفض و الفشل , اكتر شي بيمسه كرجل .
و ممكن كما ن يخاف من جرح مشاعر من يحب .

موضوع حلو :D