ماهيَ أول رواية قرأت وَ ماذا شَعرتْ !.

[اللامنتمي]

تـُعَدْ قراءة الروايات مِنْ أمتع المَباهج وَ مِنْ أهم وسـائل تطوير الخيال وَ شغل الوقت وَ تنظيمه

وَ تـُعَدْ قراءة أول رواية مُهمة جداً

حيثُ يَشعر القارىء بـِ اكتشافِ عالم ٍ مثير ٍ وَ جميل ٍ وَ بديع

حيثُ تتداخل شـخوص الواقع وَ أمكنته مَع الشـخوص المُتخيلة التي تنتظم حولها أحداث الرواية

كما يَشعر القارىء أنه أكتشفَ عالماً كان مَخفياً عنه

فالبعض يواصل قراءة الروايات بـِ شغف وَ البعض يَتوقف أو يجعل قراءته ُ مُتقطعة

ما هيَ أول رواية قرأتها حتى النهاية وَ بماذا شَعرت ؟

تحياتي :D

[suryoyo]

كانت اول رواية قرأتها هي (بين قصرين) لنجيب محفوظ ...

ذكرتني بالماضي قبل احدى عشرةَ سنة بالتحديد ...


اثرت في الرواية ... و اسلوبه البسيط

و ما آلمني كثيرا .. اني لم اقرأ الجزء الثالث في الثلاثية الى الآن لسببٍ أجهلهُ !!!


حدثنا عن اول رواية قرأتها في حياتك ..

[يمان Rooooonaldo]

اول وحدة كانت .. للاسف مو من وقت كبير كتير راح ..

بس كانت ضياء نجم بعيد ل الكسندر تشاكوفسكي ..

صراحة .. عجبتني .. الفكرة .. وانشديت .. للروايات شوي ..

سالت .. شوش :D.. وخبرتني على رواية اسما الأم .. كانت لمكسيم غوركي .. وكتير عجبتني .. حبيت فيا .. وعرفت شغلات كانت تصير من قبل على ايام العمال والمطالبة بالحقوق وهيك .. كتير عجبتني ..

بعدا .. في اكتر من شغلة كانو .. متل رواية دافنشي ( نصيحة انو تقروها ..).." دان براون "

او سهرة تحت ضوء القمر .. وفي اكتر من شي ..

حاليا الي شي 4 شهور ما قريت شي .. بس النية قريبا راجعة ..

:D

[اللامنتمي]

كنتُ في المرحلة الثانوية

وَ كانت رواية

" الحُب في زمن الكوليرا " لـ غابرييل غارسـيا ماركيز

اكتشَـفتُ حينها .. أنَ الكثيرَ فاتني قبلَ أن أمسـكَ هذا الورق

تحياتي :D

[قرصان الأدرياتيك]

كانَ ذلكَ منذ حوالي ثمانية عشر عاماً عندما انتهيتُ من قراءة رواية صغيرة تُدعى "مُهريَ الحبيب"...
بكيتُ كثيراً بعد أن أتممتها... هذا ما فعلتُه عند انتهائي منها!
لا أكثر!

[ليندا]

اول روايه قرأتها كانت جين آير لشارلوت برونتي
المآساة والرومانسية بهالرواية كتير مؤثرة .. مابقدر اوصف شعوري وقتا كان عندي 14 سنه ,,,بس بعرف انو كل التعاسة يلي عاشتها جين مااثرت فيي وانا عم اقرأ الرواية بوقتا بس لا اثرت على علاقتي بعيلتي بيلي حواليي كنت بخاف اني افقد حدن منن هالشعور ضل ملازمني لفترة طويلة:oops:,,,,,, مراهقة شو بدكن بالحكي :lol:

[The morning]

اوّل روايه كاملـه قريتها كانت لمـكسيم غوركي .. الأم ..
من اجــــــــــــمل ما قرأت .. بتزكر كنت خبيها تحت اللحاف و اقرا فيها كلّ الليل لانو ما اقدر اتركها .. بالسرقه يعني لانو كنت وقتها عم قدم بروفيـه - تاسـع - و كانت قبل فتره الفحوصات بـشي شهر و المراقبه شـديده جـدّا بهداك الوقت ..
اثرت فيّ كتـير كتـير و شـدتني للـشيوعين و الشيوعيه و نشـأتهم و صرت حس بوقتها انو كل المظلومين و المغلوب على امرهم بالدنيا لازم يعملو متل ما صار بالروايه .. كتـير كتـير اثرت في و ضليت مأثره فيها لفتره منيحه و لهلئ بعتبر الام هي اجمل ما قرأت و اجمل شي ممكن ينقرا ..
رائــــعه جــدا ..


سالت .. شوش :D.. وخبرتني على رواية اسما الأم .. كانت لمكسيم غوركي .. وكتير عجبتني .. حبيت فيا .. وعرفت شغلات كانت تصير من قبل على ايام العمال والمطالبة بالحقوق وهيك .. كتير عجبتني ..


بالله مو رائـعه ؟؟

[القلب الدافئ]

اول رواية كانت ....
"الاجنحة المتكسة " جبران خليل جبران

كانت رائعة جدااااااا وملليئة بالعاطف والاحاسيس
فيقت عندي كتير من المشاعر والاحاسيس

[The morning]

اول رواية كانت ....
"الاجنحة المتكسة " جبران خليل جبران

هلئ انا خلصت مجموعه جبران كامله لمّا كان عمري 12 سـنه (( صف سادس )) هي محـسوبه روايات :?؟

[Reemi]

:lol:
امس كان غد ... كاظم الاحمدي

[W.E.G.A]

اول رواية

عابر سرير لاحلام مستغانمي

حسيت بحجم مشاعر جوا الانسان ما اليها حدود

وكمان الابداع

:D

[souriana]

بدأت بكتب كتيرة و كبيرة عليي بس الكتاب اللي انطبع بذاكرتي وحسيتو اول كتاب فهيي رواية الشيخ والبحر

[يمان Rooooonaldo]

بالله مو رائـعه ؟؟

سوبر .. ثانكس :D

[suryoyo]

هلئ انا خلصت مجموعه جبران كامله لمّا كان عمري 12 سـنه (( صف سادس )) هي محـسوبه روايات :?؟


اي قصة سلمى كرامة هي رواية ... كتاب الاجنحة المتكسرة في قصص ...

بس سؤال تحسي فرق كبير من تقرين كتب جبران بالوقت الحالي من وقت ما قريتيها بعمر 12 سنة ؟؟؟

[Abu ToNi]

الأجنحة المتكسرة <<<<<<<<< جبران خليل جبران

قريتها بشكل استعارة من احدى المكتبات المشترك فيها ومن كتر ما اثرت فيني وصارت حديثي اهداني احد اعز العالم عندي نسخة منها وبعدني بقراها كل سنة ، مع اني بكره الوصف اللي بيخدم الوصف بحد ذاته ومع ان الرواية مليئة بكافة انواع الوصف لكن بيبقى الها طابع مميز ما عبقدر اعرف شو هوي الطابع هاد بخليني ارجع وارجع وارجع اقراها مرة ومرتين وعشرة .

[suryoyo]

يحكي عن قسوة الحياة و شلون الناس تستغل المشاعر العامة و الدينية لمصالحها ....

و لو هو استعمل اسلوب مباشر ... :lol:


بس يبقى كتاب رائع ... و كاتب رائع

[الحر]

كانت الجدار ل جان بول سارتر رائعة بتصور الأنسان بجميع مواقفه حسيت أنو مو طبيعي في هيك بشر عندون هل القدرة الهائلة على المعرفة

[اسبيرانزا]

حكايات الحكيم ايسوب الفرعونية
ابى كان بيحيكهلنا وحنا صغيرين كثير عالم السحر واللعنة وكمان الحكمة الفرعونية كانت تأسرنى
بس لما كبرت ورحت الابتدائى وعرفت اقرأ ابى توقف عن انو يحكيها وامرنا لازم نقرا بنفسنا فيها
فترة المراهقة كنت اقرأ سير ذاتية واول سيرة قريتها كانت ( حضن العمر ) فتحية العسال :D

[Abu ToNi]

يحكي عن قسوة الحياة و شلون الناس تستغل المشاعر العامة و الدينية لمصالحها ....

و لو هو استعمل اسلوب مباشر ... :lol:


بس يبقى كتاب رائع ... و كاتب رائع
بالضبط يمكن فكرتها واضحة جدا لكن كلما برجع بقراها بنتبه على تفاصيل جديدة ذاكرها بين السطور اوقات بقوم بغسل وجي وبقول ما معقول هيك بيقصد على الأغلب انا عبحمل النص اكتر من معناه لأن فعلا اوقات عبوصل لنتائج جدا غريبة بالنص فيا اما جبران عبقري لحد كتير كبير يا اما انا عبقري وواصل لمستوى كتير عالي من التحليل :ss:

[The morning]

اي قصة سلمى كرامة هي رواية ... كتاب الاجنحة المتكسرة في قصص ...

بس سؤال تحسي فرق كبير من تقرين كتب جبران بالوقت الحالي من وقت ما قريتيها بعمر 12 سنة ؟؟؟


جدا جدا في فرق هو للصراحه اني انا اوّل طلعتي كتيير كتيير تعلقت بجبران و قريت كل مجموعاته المترجمه و العربيّه و على ما اذكر في بعض منهم قريتهم اكتر من مرّه .. لدرجه اني حافظه جزء من اقتباسات منه .. اليوم لما بقرا جبران بحسو برجعني لهديك الفتره من عمري .. اضافه الى اني معد قريته كتير هلئ .. لكن في اختلاف كبير و كبير كتير بين الفتره اللي كانت العواطف بتغلب على معظم نظرتي للامور اللي بيطرحها و بين هلئ فهمي للنقاط اللي بحاول يطرحها ايضا بيختلف شوي ..

[suryoyo]

جدا جدا في فرق هو للصراحه اني انا اوّل طلعتي كتيير كتيير تعلقت بجبران و قريت كل مجموعاته المترجمه و العربيّه و على ما اذكر في بعض منهم قريتهم اكتر من مرّه .. لدرجه اني حافظه جزء من اقتباسات منه .. اليوم لما بقرا جبران بحسو برجعني لهديك الفتره من عمري .. اضافه الى اني معد قريته كتير هلئ .. لكن في اختلاف كبير و كبير كتير بين الفتره اللي كانت العواطف بتغلب على معظم نظرتي للامور اللي بيطرحها و بين هلئ فهمي للنقاط اللي بحاول يطرحها ايضا بيختلف شوي ..


أهنيكي لان قريتي و تأثرتي بكتابات جبران ... من الصغر

انا عن نفسي قريت قسم من كتب جبران قبل سنة و اليوم ارجع اشوف معاني جديدة (يجوز كنت غافل عنها في وقتها) ...

[Abu ToNi]

اطلعوا لنا من روايات جبران الزلمة عظيم بس في كتير عظماء قبله او بعده عندك مثلا آغاثا كرستي هي المخلوقة كتير معجب فيها وقاري اكتر من 20 قصة بوليسية الها واول اهتمامي بالقراءة كان بسبب قصة لآغاثا كرستي لكن ما حطيت انه اول رواية باسمها لأن كتاباتها عبارة عن قصص بوليسية اما اللامنتمي فهو عبيسال على اول رواية وانا بعتبر الاجنحة المتكسرة هية الرواية الاولى الي مع انه سبقها عدد كتير كبير من القارءات لكافة انواع الكتب لكن ما كان بيرتقوا لمستوى الرواية .

حاصله :

عالم بتشوف القصص البوليسية لابقة للاولاد وانا صراحة بهيني هاد القول لأني لهلق متتبع لروايات البولبسية بشكل عام ولآغاثا بشكل خاص :oops:

[yass]

أول رواية قريتها كانت "يوم العيد" لأنطوان تشيخوف.. بعدا البؤساء (الاصدار تبع الأطفال) و كنت صف تاني ابتدائي

[shymaa]

اول روايه قراتها كانت انى راحله

لذلك بحبها جدا جدا وليها اثر فى حياتى كبير جدا وذكريات عميقه جدا

لما كانت بطلة الروايه بتحس انها فى حالة حب كنت بحس نفس الاحساس بالرغم انى ماكنتش بحب حد وقتها كان عندى 14 سنه قبلها كنت اقرا
بس روايات اطفال وقصص قصيره وميكى بقى
لكن دى كانت فى نظرى اول روايه حقيقه

لما كانت تحس بظلم كنت ابكى وانا نايمه وبقراها
بصراحه القراءه زى السحر....................ويوسف السباعى:sosweet: بالتحديد وشكسبير وانيس منصور وكتير
لكن عمرى ماقريت لنجيب محفوظ ومش عارفه ليه مش عاوزه حتى اجرب واقرالو
ايه السبب معرفش:?

[suryoyo]

اول روايه قراتها كانت انى راحله

لذلك بحبها جدا جدا وليها اثر فى حياتى كبير جدا وذكريات عميقه جدا

لما كانت بطلة الروايه بتحس انها فى حالة حب كنت بحس نفس الاحساس بالرغم انى ماكنتش بحب حد وقتها كان عندى 14 سنه قبلها كنت اقرا


ما حكيتيلنا على المؤلف - المؤلفة ....



لكن عمرى ماقريت لنجيب محفوظ ومش عارفه ليه مش عاوزه حتى اجرب واقرالو
ايه السبب معرفش:?


ابدي برواية بين القصرين و ما رح تندمي

[whiterose]

رواية هل تذكرين كنت صف سابع
اجتني هدية لما انتقلت من المرحلة الأبتذائية للمرحلة الأعدادية

هل تذكرين للكاتب اللبناني بيير روفاييل

من اروع قصص الحب
وهي كانت الطريق لأني حب المطالعة

[shymaa]

ما حكيتيلنا على المؤلف - المؤلفة ....


اصلها مشهوره اوى فتخيلت ان الكل يعرف مين مؤلفها هو يوسف السباعى
انا ما ذكرتوش مباشرة بس حطيت جنبه سمايلى كتير لذيذ :sosweet:وقولت تحديدا


عموما هو حبيب :hart:قلبى يوسف السباعى


ابدي برواية بين القصرين و ما رح تندمي

نجيب محفوظ كاتب واقعى والقراءه بالنسبه ليا خيال

نجيب محفوظ عبقرى
مقريتلوش ولا روايه بس شوفت كل افلام اللى كانت روايات ليه فاستنبطت انى مش هستمتع بقراية رواياته يمكن انا غلط بس انا بنقلك الاحساس اللى جانى او السبب

لكن يوسف السباعى له اسلوبه الخاص وسحره الخاص اللى يخليك لو قريتلو روايه ومش مكتوب عليها انها تاليفه
من اسلوبه هتعرف انها بتاعته
واللى متلو كمان انيس منصور مع الاختلاف بينهم بس بتكلم عن الانفراد فى الاسلوب
واكيد كمان نجيب محفوظ من الافلام تقريبا كلها بدور حول حياة الناس الواقعيه فى وقت من الاوقات بيحكيها بكل واقعيه

وعموما هاخد بنصيحتك واقرالو بين القصرين مع انها رواية اجيال.................كنت قولى روايه عاديه قصيره شويه عن دى
بس اكيد هى ممتعه لذلك هاخد بنصيحتك واقراها:D

[suryoyo]

اي لان يكتب من الواقع ببساطة ...

و سي السيد قد يكون ما زال عايش بيننا ... و لو بصيغ جديدة !!!


كنت اتمنى اقرا اكثر لنجيب محغوظ بس ما سنحت الفرصة

[ِAbu Alzooz]

سلمى كرامة

هريت المقاعد تبع المدرسة بالعاشر

و انا اكتب سلمى كرامة

يابا جبران انسان كبير

هلق مبلش بالأرجوحة

شو بتنصحونا بشي رواية حلوة ؟

:D

[suryoyo]

برأيي .. تكمل مؤلفات جبران .. اقرا .. كتاب النبي و حديقة النبي ..

[ِAbu Alzooz]

برأيي .. تكمل مؤلفات جبران .. اقرا .. كتاب النبي و حديقة النبي ..
النبي قاري

سوريويو

حتى انو عندي بالمكتبة
:D

[whiterose]

في روايات عالمية رائعة
متل مرتفعات وذرنيغ
وفي أناكارنينا

وفي لنجيب محفوظ على الأغلب رواية رهيبة رهيبة اسمها سيادة المحترم او الرجل المحترم مو متذكرة

هدول بنصحك فيهم اب وليم بتبلش بالرواية من هون ومابتتركها لتخلص

واذا عندك حس بوليسي جرب اجاتا كريستي وارسين لوبين متل تختخ ولوزة ونوسة وعاطف بس على ارقى:p

[شغف القلوب]

أول رواية عربية كانت "أيام معه" لللرائعة كوليت خوري

واول رواية أجنبية هيي "مرتفعات وذرينغ" .. طبعاً هالرواية كانت من ضمن الروايات اللي عطونا اياها بالجامعة بس أنا قريتها أكتر من 3 مرات من روعتها

شكرا عالموضوع الحلو :D

[*Marwa*]

أول رواية كانت "ثرثرة فوق النيل" لنجيب محفوظ كنت بوقتها مخلّصة تاني ابتدائي طالعة على صف تالت ... صراحة كتير إشيا ما فهمت منها..يعني الوصف كان هيك صعب ومن ناحية لغوية كانت اعلى بكتير من جيلي.. بعدين ما كنت أعرف شو يعني "الجوزة" :?.. وبعدها بلشّت اقرا ل أجاثا كريستي..ومن هالروايات صراحة اكتشفت حبي للتمثيل..يعني كنت اقرا الحوار ومثلوّ بزات الوقت :lol:

شكرا نوار على مواضيعك :D

[ooopss]

أول مابلشت كان جبران بس ما كنت افهم كتير كتاباتوا وضل عيدهن لأفهمهن ولهلأ عم عيدهن:p
وكل مرة بلاقي معنى كنت غايبة عنو
بس رسميا أول رواية" أيام معه "كوليت خوري
:D

[عيوني عذابك]

اول رواية قرأتها كانت Define Normal

و علمتني انه ما نحكم على الاخر من خلال الشكلو انه نحنا نقدر نكون اصدقاء مع الناس اللي مختلفين عنا بشكلهم لباسهم و اذواقهم

و علمتني ان احنة نقدر نجد قاسم مشترك مع غيرنا من الناس و نحل مشاكلنا مع بعض

و اعطتني درس مفيد و اللي هو ما نحكم على الاخر من اول نظرة لان الانسان بطبيعته دائما يحكم على الانسان الثاني من أول نظرة

و هذا الغطاء تبع للكتاب

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

[butterfly]

حاولت .. جدا جدا اني اتذكر ..
للأسف خانتني الذاكرة ..
انا بعشق الكتب من أنا صف تاني .. او تالت ابتدائي ..

بعتقد بس إما البؤساء او كوخ العم توم ..

[زوربا]

أول رواية قريتها بحياتي هي رواية زوربا...... وهالحكي من سنتين..ومن أسمي شايفين كيف أثرت عليي
تحكي الروايه قصة شخص يقدر الحياة وبيعرف كيف يعيشها...

[ارسلان]

أول الروايات هي تلك التي تنجبك دفعة واحدة وتعيد اليك بصرك من عدم
أول الروايات دوما هي تلك التي تشعر زوجتك بأنها ليست الوحيدة التي عُقد قران قلبك عليها
لفرط ما تحتضنها

بول وفرجينيا .. وقد صاغها الفذ مصطفي لطفي المنفلوطي
ثلاثية أحلام ....

[sona78]

الارض الطيبة لبيرل باك وكنت بالصف السادس
ويعدها حسيت بالحقد ع الفقر وع الغنى الفاحش بعد الفقر

بس فعلا رواية ممتعة ومؤثرة جدا

[sydra]

اول رواية قريتا كانت دايفيد كوبر فيلد عجبني بساطة الكتابة والطريقة الحلوة بالوصف والتناغم بالانتقال حسيت عم عيش معو كل كلمة واكتر شي سحرني انو كيف الحب الحقيقي ممكن يكون حدنا طول الوقت بس مش منتبهين

[000محمد000]

فلة والاقزام التمانية

[amey]

مممممممممــ

بجد مو فاكره بالزبط

بس بتذكر اني بلشت قرأه من لما كنت بصف ثاني ابتدائي

و بتذكر انه بلشت بكتب نجيب محفوظ و إحسان عبد القدوس

السبب انه كانت تشدني أغلفتهم كتير :lol:

فبلشت فيهن مع ان في اشيا بندم إني قرأتها بس بئول انه أندم عليهن ولا اني ما اقرأهم

يمكن أول كتاب قرأته هو " بيت سيء السمعة "

مممممممممممممممــ

بس خلينا نحكي عن أجمل شي قرأناه كمان :larg:


من أجمل الأشيا الي قرأتها هي : الحب في زمن الكوليرا للماركيز

و مجموعة أحلام " الثلاثية "

جبران المجموعة الكاملة اله

و مصطفى لطفي المنفلوطي

و في شاعر سوري كمان هو مات صغير كتير بس أنا أكيده لو إنه بقي عايش
كان صار من المشاهير الي هو رياض صالح حسن



رح بسكت لهون

لاني لو بعد رح بحكي كتير


و يسلمو ع الموضوع :D

[إبريل]

حسبما أذكر كانت الخيميائي باولو كويلو
قرأتها بخمس وسبعين دقيقة
شعرت بعدها بأن لي أسطورة شخصية

.. ,, ..

[Its mine]

احسدكم على هذه الذاكرة القوية، لا أكاد أتذكر أي رواية قرأت أولا
تطفو في رأسي عدة أسماء: دايفيد كوبرفيلد، كتب اغاثا كريستي، فلسطيني بلا هوية، الحرافيش وغيرها
اتذكر انني كنت صغيرة جدا.. بدأ ادماني للقراءة منذ سن التاسعة.. واستمر الادمان يسممني الى الان، ربي ما يحرمني منو ابدا...

[cornholio]

اول رواية قريتها كانت ل كاتب مشهور اسمو Anthony Hope و الرواية اسمها Prisoner Of Zenda
الرواية الصراحة من النوع الحلو بس الاحلى فيها انو لما تفهم لغة الادب اللي فيها
يعني انا قريتها بالانكليزي و ما فهمت المعنى الحقيق ل الها الا لما صرت سنة اولى ادب انكليزي و تعلمت شي اسمو language of literature
بنصكون تقروها بالانكليزي لانو اذا قريتوها بالعربي بتصير ميتة ( الرواية مكتوبة ب انكليزية حلوة يعني ما تافكرو انها شكسبيرية )
العمى شو بلعي !!!!
:shock::shock::jakoush:

[passerby_intime]

أول رواية قرأتها كانت بعنوان ( شفتاه ) للكاتب إحسان عبد القدوس
وشعوري كان مرير جدا :x لأنو كنت يومها قبل الإمتحان النصفي في الصف السابع الإعدادي .. إيه وكنت مخبي الرواية بنص كتاب من الكتب المدرسية وعامل حالي عم إدرس ولاطي ليل نهار بالغرفة الجوانية .. بس قبل ما تنتهي الرواية بكم صفحة كشفوني فجأة وأكلت نئفة دين أتلة مرتبة وبالخرطوم قال لأنو صاير أزعر أولا ولأنو ثانيا كنت سارق الرواية من مكتبة خالي من دون إذن :pos:
وما كان حدا راضي يحكي معي لمدة أسبوع كامل بالبيت لوقت ما أجا خالي وتشفع لي وقال لأبي وأمي >> الولد صار زلمة :shock: .. لك ما أنا كنت مفكر حالي عإيامها إني صرت زلمة ونص وشواربي كانت بلشت تطلع فيها كم شعرة :adal:
بس رغم الأتلة ومن يومها علئت بالروايات علئة سودا ما إلها دوا

[روبرت المصرى]

أول رواية قريتها كنت فى اولى ثانوى و قريتها بمكتبة المدرسه
روايه " الغريب " ألبير كامو
الروايه دى غيرت حياتى للأبد

[Miss Petals]

اول رواية قرأتها متزكرتا منيح بس العنوان مو كتيير بدك تساعدني استاذي ...نوار....هي لتوفيق الحكيم ....و في العنوان كلمة الروح....جائز نسيم الروح او من هذا القبيل
شلوني معك بافصحى...؟

[الفيلسوفة]

احسدكم على هذه الذاكرة القوية، لا أكاد أتذكر أي رواية قرأت أولا
...

مي تو..:?

هل اللي متزكرتو بالابتدائي كنت بحب اقرأ قصص المكتبة الخضراء :gem:..

بالاعدادي انتزعت اخلاقي وقلبت ع روايات عبير ..:oops:

فمابعرف اذا هدول بيعتبروا روايات..

بس اهم واول كتاب الي كان مجموعة الف ليلة وليلة بتزكر وقتا اجوني هدية نجاحي بالكفاءة ولا زلت محتفظة

فيهون ...